შეინარჩუნეთ სიმშვიდე

ამაში მცენარეები დაგვეხმარებიან. ზოგიერთ მათგანს დასამშვიდებლად, სტრესებსა და უძილობასთან საბრძოლველად უკვე საუკუნეებია იყენებენ.
მოდი, გავეცნოთ მცენარეებს და მათგან იმ სამკურნალო ნაყენების დამზადების ხერხებს, რომლებიც ნერვულ სისტემაზე დადებით გავლენას ახდენს.

კატაბალახა: აიღეთ მცენარის 1 ჩ.კ. დაქუცმაცებული ფესვი, დაასხით 100 მლ ცივი წყალი, ადუღეთ წყლის ორთქლზე 20 წუთის განმავლობაში და 
გაფილტრეთ.  სვით 1 ს.კ. 2-3-ჯერ დღეში.
ან: მცენარის დაფხვნილი თესლი დააყენეთ 70%-იან სპირტზე თანაფარდობით 1:10. სამი დღით დადგით სიბნელეში. სვით 30 წვეთი დღეში სამჯერ. თუ უძილობამ მეტისმეტად შეგაწუხათ, 40-45 წვეთის მიღებაც შეგიძლიათ.

სვიის გირჩა: 15 გრამს დაასხით ერთი ლიტრი მდუღარე წყალი, ადუღეთ წყლის ორთქლზე 10-15 წუთის განმავლობაში, ნახარში გააგრილეთ, გაფილტრეთ და სვით ჭიქის მესამედი დღეში სამჯერ ― დილით, შუადღისას და ძილის წინ.

მელისა: 1 ჩ.კ. დაქუცმაცებულ ბალახს დაასხით ერთი ჭიქა წყალი, 10-15 წუთს ადუღეთ. მიიღეთ დღეში სამჯერ თითო სუფრის კოვზი.
ან: აიღეთ 2 ს.კ. დაქუცმაცებული ფოთოლი, დაასხით 2 ჭიქა მდუღარე წყალი და ერთი საათით დააყენეთ. მიიღეთ ნახევარი ჭიქა დღეში სამჯერ, ჭამამდე.

ლავანდა: უძილობისას მეტად ეფექტურია საფეთქლების ლავანდის ზეთით დაზელა. შეგიძლიათ, 3-5 წვეთი ლავანდის ნაყენი შაქრის ნატეხზე ან 1 ჩ.კ. შაქარზე დააწვეთოთ და ძილის წინ წუწნოთ.

დამშვიდებაში დაგეხმარებათ შემდეგი ნაყენებიც:
. აიღეთ 50 გ პიტნის ფოთოლი, დაასხით 500 მლ ცხელი წყალი, დააყენეთ თერმოსში 12 საათის განმავლობაში. სვით ჭიქის მეოთხედი ყოველი ჭამის შემდეგ.
. 1 ს.კ. კრაზანას ფოთოლსა და ყვავილს დაასხით 1 ჭიქა მდუღარე. დააყენეთ 2-3 საათით. სვით ჭიქის მესამედი დღეში სამჯერ, ჭამამდე ნახევარი საათით ადრე. 
. 2 ს.კ. ცაცხვის ყვავილს დაასხით ნახევარი ჭიქა მდუღარე წყალი, დააყენეთ 1-2 საათით. სვით ნახევარი ჭიქა დღეში 2-3-ჯერ, ჭამის შემდეგ. არ არის რეკომენდებული ნაყენის 2-3 კვირაზე მეტხანს მიღება.