არითმილი 0.2გ #20ტ

არითმილი 0.2გ #20ტ

0.00 ლარი
ფარმაკოლოგიური ჯგუფი: ანტიარითმიული საშუალებები
ქვეყანა:
მწარმოებელი:
ჯენერიკი - შეადარეთ ანალოგები: ამიოდარონი
გაცემის ფორმა: II ჯგუფი რეცეპტული
კოდი: 9978
გააზიარე:

პროდუქტი გაყიდვაში არ არის.

არითმილი

შემადგენლობა
მოქმედი ნივთიერება:
ამიოდარონის ჰიდროქლორიდი; 1 ტაბლეტი შეიცავს 200 მგ ამიოდარონის ჰიდროქლორიდს.
დამხმარე ნივთიერებები: სიმინდის სახამებელი, მიკროკრისტალური ცელულოზა, კალციუმის სტეარატი, პოვიდონი, ლაქტოზას მონოჰიდრატი.

წამლის ფორმა
ტაბლეტები

ფარმაკოთერაპიული ჯგუფი
ანტიარითმიული საშუალება.

ჩვენებები
გულის რითმის პაროქსიზმალური დარღვევების პროფილაქტიკა და მკურნალობა: სინუსური ტაქიკარდია, პარკუჭზედა ტაქიარითმია, მათ შორის, წინა გულის თრთოლვა და ციმციმი, პარკუჭოვანი ტაქიარითმია, პარკუჭოვანი და პარკუჭზედა ექსტრასისტოლია; WPW სინდრომის მქონე პაციენტებში რითმის დარღვევა; სტენოკარდიის (სტაბილური, არასტაბილური, სპონტანური) შეტევების პროფილაქტიკა იმ პაციენტებში, რომლებსაც აღენიშნებათ გულის რითმის დარღვევა და რომლებშიც სხვა ანტიარითმიული პრეპარატებით მკურნალობა უკუნაჩვენები ან ნაკლებ ეფექტურია.

უკუჩვენებები
სინუსური კვანძის სისუსტე, სინუსური ბრადიკარდია, II და III ხარისხის ატრიოვენტრიკულარული ბლოკადები; 0,40-ზე ნაკლები გამოტყორცნის ფრაქციის მქონე პაციენტები (უეცარი სიკვდილის დიდი რისკი) და ფარისებრი ჯირკვლის ფუნქციის დარღვევის მქონე პაციენტები (ჰიპო- ან ჰიპერთირეოზი), ჰიპერმგრძნობელობა; ჰიპოკალიემია, ორსულობა, ლაქტაცია. პრეპარატის შემადგენელი ნაწილების მიმართ მომატებული მგრძნობელობა.

სიფრთხილის ზომები გამოყენებისას
არითმილის გამოყენებით მკურნალობის დაწყებამდე აუცილებელია ექიმთან კონსულტაცია. ექიმთან კონსულტაციის გარეშე არ შეიძლება პრეპარატის გამოყენება დადგენილ ვადაზე მეტი დროის განმავლობაში. თუ დაავადების ნიშნები არ დაიწყებს გაქრობას ან პირიქით, ჯანმრთელობის მდგომარეობა გაუარესდება ან განვითარდება არასასურველი რეაქციები, აუცილებელია არითმილით მკურნალობის შეწყვეტა და ექიმთან კონსულტაცია ამ პრეპარატის შემდგომი გამოყენების შესახებ. პრეპარატით ხანგრძლივი მკურნალობისას თავიდან უნდა იქნეს აცილებული ინსოლაცია, რაც განპირობებულია მზისგან გამოწვეული დამწვრობების განვითარების შესაძლებლობით. არითმილი უკუნაჩვენებია ორსულობის დროს. დოზის დაახლოებით 25%, რომელსაც იღებს დედა, აღწევს დედის რძეში, რის გამოც არითმილი არ ინიშნება ლაქტაციის პერიოდში.


ურთიერთქმედება სხვა პრეპარატებთან
თუ პაციენტი იღებს სხვა პრეპარატებს, მან აუცილებლად უნდა აცნობოს ექიმს ამის თაობაზე, ხოლო თუ პაციენტი მკურნალობს დამოუკიდებლად, აუცილებელია ექიმთან კონსულტაცია ამ პრეპარატის შემდგომი გამოყენების შესახებ. ანესთეტიკებთან ერთად არითმილის გამოყენებამ შეიძლება გააძლიეროს ჰიპოტენზიური ეფექტი და გამოიწვიოს ბრადიკარდია. ამ პრეპარატის გამოყენება სხვა ანტიარითმიულ საშუალებებთან ერთად აძლიერებს თერაპიულ ეფექტს, თუმცა ამასთან ერთად იზრდება ტაქიკარდიის განვითარების რისკი. ქინიდინთან, დიზოპირამიდთან, პროკაინამიდთან ან მექსილეთინთან ერთად გამოყენებამ შეიძლება გამოიწვიოს ეკგ-ს მაჩვენებლების მნიშვნელოვანი შეცვლა. არითმილი აძლიერებს ანტიკოაგულანტების მოქმედებას, რაც მისი მიღების შეწყვეტის შემდეგ გრძელდება რამდენიმე კვირის ან რამდენიმე თვის განმავლობაშიც კი. პრეპარატი იწვევს სისხლის შრატში დიგოქსინის კონცენტრაციის მომატებას ტოქსიკურ მნიშვნელობამდე (გულის გლიკოზიდის დოზა უნდა შემცირდეს თერაპიული დოზის 50%-მდე). სალურეტიკებთან, გლუკოკორტიკოსტეროიდებთან ერთად გამოყენებისას პრეპარატი ზრდის არითმიის განვითარების რისკს. ქოლესტირამინი ამცირებს ნახევარგამოყოფის პერიოდს და არითმილის დონეს პლაზმაში, ციმეტიდინი კი, პირიქით, ზრდის. ისეთ სამკურნალო საშუალებებთან ერთად გამოყენებისას, რომლებსაც გააჩნიათ მაფოტოსენსიბილიზირებელი ეფექტი, პრეპარატი აძლიერებს ამ არასასურველი ეფექტის გამოხატულობას.

განსაკუთრებული მითითებები
არითმილის დანიშვნა უნდა მოხდეს მხოლოდ იმ ექიმის მიერ, რომელსაც გააჩნია გულის რითმის დარღვევის მკურნალობის გამოცდილება. პრეპარატი სიფრთხილით ინიშნება ხანდაზმულ პაციენტებში, ვინაიდან ამ დროს იზრდება ტოქსიკური გვერდითი ეფექტების განვითარების რისკი. მკურნალობის დაწყებამდე, თითოეულ პაციენტს უნდა ჩაუტარდეს ეკგ, განესაზღვროს სისხლის პლაზმაში თირეოტროფული ჰორმონისა და კალიუმის დონე. გულის უკმარისობის მქონე პაციენტებში არითმილის დანიშვნისას შეიძლება საჭირო გახდეს კარდიოტონური საშუალებების გამოყენებაც. გვერდითი ეფექტების გამოვლენის შემთხვევაში (ე.ი. თუ გულის შეკუმშვების სიხშირე შეადგენს წუთში 55-ზე ნაკლებ დარტყმას), აუცილებელია მკურნალობის შეწყვეტა და ექიმთან კონსულტაცია. ჰიპერთირეოზის სიმპტომების გამოვლენისას პრეპარატის მიღება უნდა შეწყდეს.

მიღების წესი და დოზები
1. პერორალური მიღება სიცოცხლისათვის საშიში არითმიების დროს:
 1.1. სადღეღამისო სამკურნალო დოზა შეადგენს 800-1600 მგ-ს (უმჯობესია, თუ ამ დოზის მიღება მოხდება 2-4 მიღებაზე დღე-ღამის განმავლობაში საკვებთან ერთად, განსაკუთრებით მაშინ, როდესაც დოზა 1000 მგ-ზე მეტია,  ასევე კუჭ-ნაწლავის სისტემის დარღვევების დროს) 1-3 ან მეტი კვირის განმავლობაში.
 1.2. თერაპიული ეფექტის მიღწევის შემდეგ სადღეღამისო დოზა უნდა შემცირდეს 400-800 მგ-მდე (2 მიღებაზე) დაახლოებით 1-3 კვირის განმავლობაში, ხოლო შემდეგ უნდა მოხდეს გადასვლა შემანარჩუნებელ სადღეღამისო დოზაზე, რაც შეადგენს 400 მგ-ს (1-2 მიღებაზე) და 200 მგ-საც კი, რაც მიიღება დღე-ღამეში 1-ჯერ მკურნალობის კურსის განმავლობაში.

2. პერორალური მიღება სხვადასხვა სახის არითმიების დროს
 2.1. პაროქსიზმალური პარკუჭზედა ტაქიკარდია: სამკურნალო დოზა შეადგენს დღე-ღამეში 500 მგ-ს 8-15 დღის განმავლობაში; შემანარჩუნებელი დოზა არის დღე-ღამეში 100-200 მგ.
 2.2.  წინა გულის პაროქსიზმალური ციმციმი და თრთოლვა: სამკურნალო დოზა შეადგენს 600-800 მგ-ს დღე-ღამეში 15-30 დღის განმავლობაში (ზოგჯერ 1000 მგ-მდე დღე-ღამეში); შემანარჩუნებელი დოზა არის 300-400 მგ დღე-ღამეში, რომელიც თანდათან მცირდება 200 მგ-ზე დღე-ღამეში ყოველი 15-30 დღის შემდეგ.
 2.3. პოტენციურად საშიში პარკუჭოვანი არითმიები (პარკუჭოვანი ექსტრასისტოლია, პარკუჭოვანი ტაქიკარდიის განმეორებითი ეპიზოდები): სამკურნალო დოზა შეადგენს დღე-ღამეში 600-800 მგ-ს; შემანარჩუნებელი დოზა არის 300-600 მგ დღე-ღამეში.
 2.4. პაროქსიზმალური პარკუჭოვანი ტაქიკარდიები და პარკუჭების ფიბილაციის განმეორებითი ეპიზოდები: საშუალო სამკურნალო დოზა შეადგენს დღე-ღამეში 1000 მგ-ს 15-30 დღის განმავლობაში; ცალკეულ შემთხვევებში მაქსიმალური სადღეღამისო დოზა – 2000 მგ-მდე 7-10 დღის განმავლობაში; საშუალო შერმანარჩუნებელი დოზა – 700 მგ დღე-ღამეში (600-დან 800 მგ-მდე დღე-ღამეში).
 2.5. არითმიები ბავშვებში: აუცილებელია იმ ფაქტის გათვალისწინება, რომ ბავშვებში პრეპარატის თერაპიული ეფექტი უფრო სწრაფად ვლინდება, ხოლო მოქმედების ხანგრძლივობა უფრო ნაკლებია, ვიდრე მოზრდილებში. პრეპარატის დოზას განსაზღვრავს ექიმი. საწყისი სადღეღამისო დოზა ბავშვებში საშუალოდ შეადგენს 10 მგ/კგ-ს 10 დღის განმავლობაში ან იმ დრომდე, ვიდრე არ მიიღწევა თერაპიული ეფექტი. სასურველი შედეგების მიღწევის შემდეგ დოზა მცირდება 5მგ/კგ-მდე. შემანარჩუნებელი დოზა არის 2,5 მგ/კგ დღე-ღამეში.

ჭარბი დოზა: არტერიული ჰიპოტენზია, სინუსური ბრადიკარდია, II და III ხარისხის სინოატრიალური ან ატრიოვენტრიკულარული ბლოკადის განვითარება.
მკურნალობა ჭარბი დოზის  მიღებისას: სპეციფიკური ანტიდოტი არ არსებობს. პრეპარატის ჭარბი დოზის მიღებიდან მოკლე დროში მიზანშეწონილია პირღებინების გამოწვევა და კუჭის ამორეცხვა. ბრადიკარდიის შემთხვევაში ინიშნება ატროპინი ან ბეტა-1-ადრენომიმეტიკები (დობუტამინი), ხოლო აუცილებლობის შემთხვევაში გამოიყენება კარდიოსტიმულატორები. ჰიპოტენზიის დროს შეიძლება გამოყენებული იყოს კარდიოტონური მოქმედების მქონე საშუალებები ან ჰიპერტენზიული პრეპარატები. არითმილი და მისი მეტაბოლიტები დიალიზის დროს არ გამოიყოფა.

გვერდითი ეფექტები
გვერდითი ეფექტები არითმილით მკურნალობისას დამოკიდებულია დოზებზე და თერაპიის ხანგრძლივობაზე:
გულ-სისხლძარღვთა სისტემის მხრივ: ბრადიკარდია (ხარისხი დამოკიდებულია დოზებზე), რომელიც ხშირად მიმდინარეობს უსიმპტომოდ, თუმცა მას შეიძლება თან ახლდეს კლინიკური სიმპტომატიკა, ასევე შესაძლებელია სინოატრიალური ან AAV-ბლოკადა. არითმილის პროარითმიული ეფექტები, არსებული არითმიების განვითარება და მიმდინარეობის გაუარესება შეიძლება იყოს ფარისებრი ჯირკვლის ფუნქციის დარღვევით გამოწვეული, მათ შორის პრეპარატის მიღებასთან დაკავშირებული. გულის უკმარისობის სიმპტომების განვითარება (გამწვავება);
საჭმლის მომნელებელი სისტემის მხრივ: ანორექსია, გულირევა, პირღებინება, ყაბზობა, პირში ლითონის გემო;
ვეგეტაციური და ცენტრალური ნერვული სისტემის მხრივ: პარესთეზია, ტრემორი, თავის ტკივილი, დაღლილობის შეგრძნება, მიოპათია, რეტრობულბარული ნევრიტი, ცალკეულ შემთხვევებში – თავის ქალას შიდა კეთილთვისებიანი ჰიპერტენზია, კოშმარული სიზმრები, სმენითი ჰალუცინაციები; უჩვეულო სისუსტე კიდურების კუნთებში; ატაქსია – ყველაზე ხშირი გვერდითი ეფექტი, რომელიც შეიძლება განვითარდეს თერაპიის დაწყებიდან გარკვეული დროის შემდეგ და გრძელდება პრეპარატის მიღების შეწყვეტის შემდეგ ხანგრძლივი დროის განმავლობაში (1 წლამდე).
სუნთქვის სისტემის მხრივ: ალვეოლარული ინტერსტიციალური პნევმონია, ფიბროზი, პლევრიტი, ბრონქიტი, პნევმონია, ბრონქოსპაზმი (განსაკუთრებით იმ პაციენტებში, რომლებსაც აღენიშნებათ სუნთქვის მწვავე უკმარისობა ან ბრონქული ასთმა); აღნიშნული კლინიკური გამოვლინებების კლინიკური გამოვლინებები, ხველა, ქოშინი და სხვა;
მხედველობის ორგანოების მხრივ: რქოვანას ეპითელში ლიპოფუსცინის დაგროვება; ჩივილები როზეოლების გაჩენაზე და არამკაფიო კონტურები; იშვიათად მხედველობის ნერვის ნევროპათია ან ნევრიტი;
ენდოკრინული სისტემის მხრივ: ხანგრძლივი გამოყენებისას შესაძლებელია ჰიპოთირეოზის განვითარება, უფრო იშვიათად კი – ჰიპერთირეოზი;
დერმატოლოგიური რეაქციები: ფოტოსენსიბილიზაცია, კანის მოლურჯო ან მოცისფრო პიგმენტაცია, გამონაყარი კანზე, იშვიათად – ალოპეცია, ალერგიული რეაქციები;
სხვა: ზოგჯერ ვასკულიტი, თირკმლების ფუნქციის დარღვევა, თრომბოციტოპენია, ჰემოლიტური ან აპლასტური ანემია.
პრეპარატის ხანგრძლივი გამოყენებისას აუცილებელია ფარისებრი ჯირკვლის ფუნქციის რეგულარული კონტროლი, ფილტვების რენტგენოლოგიური გამოკვლევის ჩატარება და ვიზიტი ოკულისტთან. ნებისმიერი სახის ნეგატიური რეაქციის გამოვლენისას აუცილებელია პრეპარატის გამოყენების შეწყვეტა და ექიმთან კონსულტაცია სიმპტომატური თერაპიის ჩასატარებლად.

ვარგისიანობის ვადა
4 წელი.
პრეპარატი არ გამოიყენება შეფუთვაზე მითითებული ვარგისიანობის ვადის ამოწურვის შემდეგ.


შენახვის პირობები
ინახება ბავშვებისათვის მიუწვდომელ, მშრალ, სინათლისაგან დაცულ ადგილას არაუმტეს 25°C-ზე.

შეფუთვა
10 ტაბლეტი კონტურულ დანაყოფებიან შეფუთვაში. კოლოფში მოთავსებულია 2 კონტურული შეფუთვა.

გაცემის წესი
გაიცემა რეცეპტით.

მწარმოებლის დასახელება და მისამართი
“ბორშჩაგოვსკის ქიმიურ-ფარმაცევტული ქარხანა”
მშვიდობის ქ.17, ქ. კიევი, 03134, უკრაინა.

თბილისი (0 აფთიაქი)

რეგიონი (0 აფთიაქი)