პერინამ-დენკი 4მგ/5მგ #30ტ

პერინამ დენკი 4/5 მგ

ფარმაკოლოგიური ჯგუფი: კალციუმის არხის ბლოკატორი + აგფ ინჰიბიტორი

აქტიური ნივთიერებები:  პერინდოპრილი + ამლოდიპინი

პერინამ დენკის შემადგენლობა

პერინამ დენკ 4/5 მგ

თითოეული ტაბლეტი შეიცავს 4 მგ პერინდოპრილის ტერტ-ბუტილამინს (ექვივალენტური 3.34 მგ პერინდოპრილის) და 5 მგ ამლოდიპინს (ბესილატის სახით).

პერინამ დენკ 4/10 მგ

თითოეული ტაბლეტი შეიცავს 4 მგ პერინდოპრილის ტერტ-ბუტილამინს (ექვივალენტური 3.34 მგ პერინდოპრილის) და 10 მგ ამლოდიპინს (ბესილატის სახით).

პერინამ დენკ 8/5 მგ

თითოეული ტაბლეტი შეიცავს 8 მგ პერინდოპრილის ტერტ-ბუტილამინს (ექვივალენტური 6.68 მგ პერინდოპრილის) და 5 მგ ამლოდიპინს (ბესილატის სახით).

პერინამ დენკ 8/10 მგ

თითოეული ტაბლეტი შეიცავს 8 მგ პერინდოპრილის ტერტ-ბუტილამინს (ექვივალენტურია 6.68 მგ პერინდოპრილის) და 10 მგ ამლოდიპინს (ბესილატის სახით).

სხვა დამხმარე ნივთიერებები: ნატრიუმის სახამებლის გლიკოლატი (ტიპი A), გლიცეროლის დიბეჰენატი, უწყლო კალციუმის წყალბადის ფოსფატი, ტრეჰალოზას დიჰიდრატი, მიკროკრისტალური ცელულოზა, მსუბუქი მაგნიუმის ოქსიდი, კროსპოვიდონი, მაგნიუმის სტეარატი [მცენარეული].

პერინამ დენკის აღწერილობა და შეფუთვის შემადგენლობა

პერინამ დენკ 4/5 მგ არის თეთრი-მოთეთრო ფერის, ოვალური ფორმის, ორმხრივად ამოზნექილი ტაბლეტები, ერთ მხარეს ჭდით.

პერინამ დენკ 4/10 მგ არის თეთრი-მოთეთრო ფერის, მართკუთხა ფორმის, ორმხრივად ამოზნექილი ტაბლეტები, ერთ მხარეს ჭდით.

პერინამ დენკ 8/5მგ არის თეთრი-მოთეთრო ფერის, სამკუთხა ფორმის, ორმხრივად ამოზნექილი ტაბლეტები, ერთ მხარეს ჭდით.

პერინამ დენკ 8/10 მგ არის თეთრი-მოთეთრო ფერის, მრგვალი ფორმის, ორმხრივად ამოზნექილი ტაბლეტები, ერთ მხარეს ჭდით.

პერინამ დენკი ხელმისაწვდომია ალუმინის/ალუმინის ბლისტერებზე.

შეფუთვის ზომა: 30 ტაბლეტი.

ორალურად მისაღები ტაბლეტი

გამოყენება

პერინამ დენკი გამოიყენება მაღალი არტერიული წნევის სამკურნალოდ (ჰიპერტენზია) და/ან სტაბილური კორონარული არტერიის დაავადების სამკურნალოდ (მდგომარეობა, როდესაც გულის მომარაგება სისხლით მცირდება ან იბლოკება).

პაციენტები, რომლებიც ცალ-ცალკე ტაბლეტებიდან იღებენ პერინდოპრილს და ამლოდიპინს, შესაძლებელია პერინამ დენკის ერთი ტაბლეტის მიღება, რომელიც შეიცავს ორივე ნივთიერებას.

პერინამ დენკი არის ორი აქტიური ნივთიერების, პერინდოპრილის და ამლოდიპინის კომბინაცია.

პერინდოპრილი არის აგფ (ანგიოტენზინ გარდამქმნელი ფერმენტის) ინჰიბიტორი. ამლოდიპინი არის კალციუმის ანტაგონისტი (რომელიც მიეკუთვნება მედიკამენტების კლასს, რომელსაც ეწოდება დიჰიდროპირიდინები). მათი ერთდროული მოქმედებით მიიღწევა სისხლძარღვების გააფართოება და მოდუნება ისე, რომ სისხლი უფრო ადვილად გაედინება და გულს უნარჩუნდება ნორმალური სისხლის მიმოქცევა.

პერინამ დენკი არ მიიღება:

- თუ პაციენტი ალერგიულია პერინდოპრილის ან სხვა რომელიმე აგფ ინჰიბიტორის, ან ამლოდიპინის ან სხვა რომელიმე კალციუმის ანტაგონისტის, ან ამ მედიკამენტში შემავალი სხვა რომელიმე ნივთიერების მიმართ (ჩამონათვალი იხ. ზემოთ დამხმარე ნივთიერებებში),

- თუ პაციენტი 3 თვის და მეტი ხნის ორსულია (ასევე სასურველია მოხდეს პერინამ დენკის მიღების თავიდან აცილება ორსულობის ადრეულ ეტაპზე,

- თუ პაციენტს აღენიშნება ისეთი სიმპტომები, როგორიცაა ხიხინი, სახის ან ენის შეშუპება, აგფ ინჰიბიტორებით მკურნალობის შემდგომი ინტენსიური ქავილი ან კანის ძლიერი გამონაყარი, ან თუ პაციენტს ან მის ოჯახის წევრს სხვა რომელიმე გარემოებებში ანამნეზში აღენიშნებოდა აღნიშნული სიმპტომები (ე. წ. ანგიონევროზული შეშუპება),

- თუ პაციენტს აქვს დიაბეტი ან დაქვეითებული თირკმლის ფუნქცია და მკურნალობს არტერიული წნევის შესამცირებელი მედიკამენტით, რომელიც შეიცავს ალისკირენს,

- თუ პაციენტს აღენიშნება გულის სარქვლის აორტის შევიწროება (აორტის სტენოზი) ან კარდიოგენური შოკი (მდგომარეობა როდესაც პაციენტის გული ვერ ახერხებს მიაწოდოს საკმარისი სისხლი სხეულს),

- თუ პაციენტს  ძლიერ დაქვეითებული აქვს არტერიული წნევა (ჰიპოტენზია),

- თუ პაციენტს გულის შეტევის შემდეგ აღენიშნება გულის უკმარისობა,

- თუ პაციენტი არის დიალიზზე ან სისხლის სხვა სახის ფილტრაციაზე.

გამოყენებული აპარატის მიხედვით, პერინამ დენკი შეიძლება არ იყოს პაციენტისთვის შესაფერისი,

- თუ პაციენტს აღენიშნება თირკმლის მხრივ პრობლემები, როდესაც თირკმელებში სისხლის მიწოდება მცირდება (თირკმლის არტერიული სტენოზი),

- თუ პაციენტი მკურნალობს საქუბიტრილ/ვალსარტანით.

გაფრთხილებები და სიფრთხილის ზომები

პერინამ დენკის მიღებამდე პაციენტმა კონსულტაციისთვის უნდა მიემართოს მკურნალ ექიმს ან ფარმაცევტს, თუ  აღენიშნება ქვემოთ ჩამოთვლილთაგან რომელიმე:

- ჰიპერტროფული კარდიომიოპათია (გულის უკმარისობის დაავადება) ან თირკმლის არტერიის სტენოზი (არტერიის შევიწროვება რომელიც თირკმელს ამარაგებს სისხლით),

- გულის უკმარისობის დროს,

- არტერიული წნევის მკვეთრი მატების დროს (ჰიპერტენზიული კრიზისი),

- გულის ნებისმიერი სხვა  პრობლემები,

- ღვიძლის მხრივ პრობლემები,

- თირკმლის მხრივ პრობლემები ან თუ პაციენტი არის დიალიზზე,

- სისხლში ჰორმონ ალდოსტერონის არანორმალურად გაზრდილი დონე (პირველადი ალდოსტერონიზმი),

- სისხლძარღვთა კოლაგენური  დაავადება (შემაერთებელი ქსოვილის დაავადება), როგორიცაა სისტემური ლუპუს წითელი მგლურა ან სკლეროდერმა

- დიაბეტის დროს

- თუ პაციენტი   მარილის შეზღდვის დიეტაზეა ან იყენებს მარილის შემცვლელებს, რომელიც შეიცავს კალიუმს

- თუ პაციენტი ხანდაზმული ასაკისაა და  დოზის მომატებას საჭიროებს

- თუ პაციენტი მოიხმარს მაღალი არტერიული წნევის სამკურნალო რომელიმე მედიკამენტს:

- “ანგიოტენზინ II რეცეპტორის ბლოკატორს” (ARBs) მაგალითად ვალსარტანი, თელმისარტანი, ირბესარტანი), განსაკუთრებით მაშინ თუ პაციენტს აღენიშნება დიაბეტთან დაკავშირებული თირკმლის მხრივ პრობლემები

- ალისკირენს.

ექიმმა რეგულარულად უნდა შეამოწმოს პაციენტის თირკმლის ფუნქცია, არტერიული წნევა და სისხლში ელექტროლიტების (მაგ. კალიუმის) რაოდენობა.

თუ პაციენტი იღებს რომელიმე ამ მედიკამენტს, დიდია ანგიოდემის განვითარების რისკი:

- რაცეკადოტრილი (დიარეის სამკურნალო საშუალება),

- სიროლიმუსი, ევეროლიმუსი, ტემსიროლიმუსი და სხვა პრეპარატები, რომლებიც მიეკუთვნებიან ე. წ. მთორ ინჰიბიტორების კლასს,

- საქუბიტრილი (ხელმისაწვდომია ვალსარტანთან ფიქსირებული დოზის კომბინაციის სახით,) გამოიყენება ხანგრძლივი დროით გულის უკმარისობის სამკურნალოდ.

- თუ პაციენტი  შავკანიანია, ვინაიდან შესაძლოა ანგიონევროზული შეშუპების უფრო მაღალი რისკი და აღნიშნული მედიკამენტი არტერიული წნევის შესამცირებლად შესაძლოა ნაკლებად ეფექტური იყოს.

ანგიონერვოზული შეშუპება

ანგიონევროზული შეშუპება (მწვავე ალერგიული რეაქცია სახის, ტუჩების, ენის ან ყელის შეშუპებით, ყლაპვის ან სუნთქვის გაძნელებით) გამოვლინდა პაციენტებში, რომლებიც მკურნალობდნენ აგფ ინჰიბიტორებით, მათ შორის პერინდოპრილ/ამლოდიპინის ტაბლეტების ჩათვლით. ეს შეიძლება განვითარდეს მკურნალობის ნებისმიერ დროს. თუ პაციენტს გამოუვლინდა მსგავსი სიმპტომები, უნდა შეწყდეს პერინამ დენკის მიღება და დაუყონებლივ მიემართოს მკურნალ ექიმს.

თუ პაციენტს ეჭვი აქვს ორსულობაზე (ან აპირებს დაორსულებას), რჩევისთვის უნდა მიემართოს მკურნალ ექიმს.

პერინამ დენკი რეკომენდებული არ არის  ორსულობის ადრეული პერიოდში, არ უნდა მიიღოთ თუ პაციენტი არის 3 თვეზე მეტი ხნის ორსული, რადგან ამ პერიოდში გამოყენებამ შეიძლება სერიოზული ზიანი მიაყენოს თქვენს ნაყოფს.

პაციენტმა უნდა აცნობოს მკურნალ ექიმს ან სამედიცინო პერსონალს პერინამ დენკის მიღების დროს, თუ:

-  აპირებს ზოგადი და/ან ძირითადი ანესთეზიით ოპერაციის ჩატარებას

- ახლახანს ქონდა დიარეა ან ღებინება,

-  აპირებს LDL აფერეზს  (სისხლში ქოლესტერინის შემცირება),

- ფუტკრის ან კრაზანას ნაკბენის ალერგიული ეფექტი შესამცირებლად გამიზნულ დესენსიბილიზაციის მკურნალობის შემთხვევაში.   

ბავშვები და მოზარდები

პერინამ დენკის გამოყენება ბავშვებში და მოზარდებში არ არის რეკომენდებული.

სხვა მედიკამენტები და პერინამ დენკი

თუ პაციენტი იღებს, იღებდა ან შესაძლოა მიიღოს სხვა სამკურნალო საშუალებები, უნდა ეცნობოს მკურნალ ექიმს ან ფარმაცევტს.

არ უნდა მიიღოთ პერინამ დენკი:

- ლითიუმთან (გამოიყენება მანიის ან დეპრესიის სამკურნალოდ),

- ესტრამუსტინთან (გამოიყენება კიბოს თერაპიის დროს),

- კალიუმის შემანარჩუნებელ მედიკამენტებთან (ტრიამტერინი, ამილორიდი), კალიუმის დანამატები ან კალიუმის შემცველი მარილის შემცვლელები, სხვა მედიკამენტები რომლებსაც შუძლიათ კალიუმის მომატება (როგორიცაა ჰეპარინი და კოტრიმოქსაზოლი, ასევე ცნობილია როგორც ტრიმეტოპრიმი/სულფამეტოქსაზოლი),

- კალიუმის შემანარჩუნებელი პრეპარატები, რომლებიც გამოიყენება გულის უკმარისობის სამკურნალოდ: ეპლერენონი და სპირონოლაქტონი დოზებით დღეში 12,5 მგ-დან 50 მგ-მდე.

პერინამ დენკით მკურნალობამ შესაძლოა გავლენა მოახდინოს სხვა მედიკამენტებზე.  შესაძლოა,  ექიმს დასჭირდეს დოზის ცვლილება ან სხვა სიფრთხილის ზომების გათვალისწინება.

პაციენტმა უნდა აცნობოს მკურნალ ექიმს თუ იღებს სხვა რომელიმე ქვემოთ ჩამოთვლილ მედიკამენტის, რადგან შეიძლება საჭირო გახდეს განსაკუთრებული ზრუნვა:

- მაღალი არტერიული წნევის სამკურნალო პრეპარატები, ანგიოტენზინ II რეცეპტორის ბლოკატორის ჩათვლით (ARB), ალისკირენი, ან შარდმდენები,

- ყველაზე ხშირად გამოყენებადი დიარეის სამკურნალო მედიკამენტები (რაცეკადოტრილი) ან ორგანოების გადანერგვისას გამოსაყენებელი მედიკამენტი (სიროლიმუსი, ევეროლიმუსი, ტემსიროლიმუსი, და სხვა პრეპარატები, რომლებიც მიეკუთვნება მთორ ინჰიბიტორების კლასს),

- საქუბიტრილ/ვალსარტანი (გამოიყენებაგულის უკმარისობის სამკურნალოდ ხანგრძლივად),

- ანთების საწინააღმდეგო არასტეროიდული  სამკურნალო საშუალება ტკივილის შესამსუბუქებლად (მაგ, იბუპროფენი) ან ასპირინი მაღალი დოზებით,

- დიაბეტის სამკურნალო მედიკამენტები (როგორიცაა ინსულინი),

- მენტალური დარღვევების, როგორიცაა დეპრესია, შფოთვა, შიზოფრენია და სხვა, სამკურნალო მედიკამენტები  (მაგ, ტრიციკლური ანტიდეპრესანტები, ანტიფსიქოზური საშუალებები, იმიპრამინის მსგავსი ანტიდეპრესანტები, ნეიროლეპტიკები),

- იმუნოსუპრესანტები (მედიკამენტები რომლებიც ამცირებენ სხეულის დამცავ მექანიზმებს) გამოიყენება აუტოიმუნური დარღვევების სამკურნალოდ ან   გადანერგვის ოპერაციის ჩატარების შემდგომ (მაგ. ციკლოსპორინი, ტაკროლიმუსი),

- ტრიმეტოპრიმი და კოტრიმოქსაზოლი (ინფექციების სამკურნალო საშუალება),

- ალლოპურინოლი (პოდაგრას სამკურნალო საშუალება),

- პროკაინამიდი (არითმიის სამკურნალო საშუალება),

- ვაზოდილატატორები (სისხლძარღვების გამაფართოებელი საშუალება), ნიტრატების ჩათვლით,

- ეფედრინი, ნორადრენალინი ან ადრენალინი (დაბალი არტერიული წნევის სამკურნალო მედიკამენტები–  შოკი ან ასთმა),

- ბაკლოფენი ან დანტროლენე (ინფუზია), ორივე გამოიყენება კუნთების დაჭიმულობის სამკურნალოდ ისეთი დაავადებებისას  როგორიცაა გაფანტული სკლეროზი; დანტროლენი ასევე გამოიყენება ავთვისებიანი ჰიპერთერმიის სამკურნალოდ ანესთეზიის დროს (სიმპტომებს შორისაა მაღალი ცხელება და კუნთების დაჭიმულობა),

- ზოგიერთი სახის ანტიბიოტიკები, როგორიცაა რიფამპიცინი, ერითრომიცინი, კლარითრომიცინი (ბაქტერიებით გამოწვეული ინფექციისთვის),

- Hypericum perforatum (მცენარეული ნედლეულის შემცველი მედიკამენტები, რომელიც გამოიყენება დეპრესიის სამკურნალოდ),

- სიმვასტატინი (ქოლესტერინის შესამცირებელი მედიკამენტი),

- ანტიეპილეფსიური საშუალებები, როგორიცაა კარბამაზეპინი, ფენობარბიტალი, ფენიტოინი, ფოსფენიტოინი, პრიმიდონე,

- იტრაკონაზოლი, კეტოკონაზოლი (სოკოვანი ინფექციის სამკურნალო საშუალება),

- ალფა-ბლოკატორები,  პროსტატის ჰიპერპლაზიის სამკურნალო საშუალება, როგორიცაა პრაზოზინი, ალფუზოზინი, დოქსაზოზინი, ტამსულოზინი, ტერაზოზინი,

- ამიფოსტინი (გამოიყენება კიბოს სამკურნალო მედიკამენტებით ან რადიაციული თერაპიით გამოწვეული გვერდითი ეფექტების თავიდან ასაცილებლად ან შესამცირებლად)

- კორტიკოსტეროიდები (გამოიყენება სხვადასხვა მდგომარეობების სამკურნალოდ მძიმე ასთმისა და რევმატოიდული ართრიტის ჩათვლით),

- ოქროს მარილები, განსაკუთრებით ინტრავენური შეყვანის დროს (გამოიყენება რევმატოიდული ართრიტის სიმპტომების სამკურნალოდ),

- რიტონავირი, ინდინავირი, ნელფინავირი (ე. წ. პროტეაზას ინჰიბიტორები, რომლებიც გამოიყენება აივ ინფექციის სამკურნალოდ).

პერინამ დენკის მიღება საკვებთან და სასმელთან ერთად

პერინამ დენკი მიიღება კვების წინ.

პერინამ დენკით მკურნალობისას არ უნდა მიიღოთ გრეიფუტის წვენი ან გრეიფუტი, ვინაიდან  გრეიფუტი და გრეიფუტის წვენი ხელს უწყობს  სისხლში აქტიური ნივთიერების ამლოდიპინის დონის მომატებას, რამაც შეიძლება გამოიწვიოს პერინამ დენკის არტერიული წნევის შემამცირებელი ეფექტის არაპროგნოზირებადი მატება.

ორსულობა, ლაქტაცია და ფერტილობა

თუ პაციენტი  ორსულადაა ან ლაქტაციის პერიოდშია, ან ეჭვი აქვს რომ არის ორსულად ან აპირებს დაორსულებას, ამ მედიკამენტის მიღებამდე კონსულტაციისთვის უნდა მიემართოს მკურნალ ექიმს ან ფარმაცევტს.

ორსულობა

უნდა ეცნობოს მკურნალ ექიმს თუ პაციენტი ეჭვობს, რომ არის ორსულად (ან აპირებს დაორსულებას). მკურნალი ექიმის რჩევით პაციენტმა უნდა შეწყვიტოს პერინამ დენკის მიღება დაორსულებამდე ან ორსულობის დადასტურებისთანავე, და პერინამ დენკის ნაცვლად სხვა მედიკამენტი მიიღოს. პერინამ დენკით თერაპია რეკომენდებული არ არის ორსულობის ადრეულ პერიოდში და არ შეიძლება მისი მიღება 3 თვეზე მეტი ხნის ორსულებისთვის, რადგან შეიძლება სერიოზული ზიანი მიადგეს ნაყოფს.

ლაქტაცია

ამლოდიპინი მცირე რაოდენობით გადადის დედის რძეში. თუ პაციენტი  ლაქტაციის პერიოდშია ან აპირებს დაწყებას, უნდა აცნობოს მკურნალ ექიმს. პერინამ დენკის მიღება  რეკომენდებული არ არის ლაქტაციის პერიოდში მყოფი ქალებისთვის, მკურნალი ექიმი შეარჩევს შესაფერის მკურნალობას, თუ პაციენტს სურს ძუძუთი კვება, განსაკუთრებით მაშინ თუ პატარა  ახალდაბადებულია ან არის დღენაკლული.

ავტომობილის და სხვა მექანიზმების მართვა

პერინამ დენკმა შესაძლოა გავლენა იქონიოს ავტომობილის ან სხვა მექანიზმების მართვის უნარზე. თუ პაციენტს ტაბლეტის მიღების შემდეგ აღენიშნა გულისრევა, თავბრუსხვევა, სისუსტე ან დაღლილობა ან თავის ტკივილი, არ შეიძლება ავტომობილის ან სხვა მექანიზმების მართვა და დაუყონებლივ უნდა მიემართოს მკურნალ ექიმს.

ნატრიუმის შემცველობა

პერინამ დენკის  თითო ტაბლეტი შეიცავს 1 მმოლ-ზე ნაკლებ ნატრიუმს (23 მგ), თავისუფლად შეიძლება ითქვას რომ არის “ნატრიუმისგან თავისუფალი”.

მიღების წესი

აღნიშნული მედიკამენტი ყოველთვის მიიღება ექიმის რეკომენდაციის ზუსტი დაცვით. თუ პაციენტი არ არის რაიმეში დარწმუნებული, გადასამოწმებლად უნდა მიემართოს მკურნალ ექიმს ან ფარმაცევტს.

მედიკამენტი უნდა გადაიყლაპოს ჭიქა წყლის მიყოლებით, სასურველია მიღება მოხდეს ყოველ დღე ერთიდაიგივე დროს, დილით, კვების წინ. მკურნალი ექიმი შეარჩევს პაციენტისთვის შესაფერის დოზას. ჩვეულებრივ, ეს არის დღეში ერთი ტაბლეტი. პერინამ დენკი ჩვეულებრივ ინიშნება პაციენტებში, რომლებიც უკვე იღებენ პერინდოპრილს და ამლოდიპინს ცალ-ცალკე.

გამოყენება ბავშვებში და მოზარდებში

ბავშვებში და მოზარდებში მედიკამენტის გამოყენება არ არის რეკომენდებული

პერინამ დენკის დოზის გადაჭარბება

დიდი რაოდენობით ტაბლეტის მიღების შემთხვევაში, უნდა მიემართოს სასწრაფო სამედიცინო დახმარების განყოფილებას ან დაუყონებლივ დაუკავშირდეთ მკურნალ ექიმს. გადაჭარბებული დოზირების დროს შესაძლებელია განვითარდეს არტერიული წნევის დაქვეითება, რამაც შესაძლოა გამოიწვიოს თავბრუსხვევა ან გონების დაკარგვა. აღნიშნული მდგომარეობის შემთხვევაში, პაციენტი უნდა დაწვეს და ასწიოს ფეხები მაღლა.

პერინამ დენკის დოზის გამოტოვება

სასურველია მედიკამენტის მიღება მოხდეს რეგულარულად, რადგან აღნიშნული თერაპია უკეთეს შედეგს იძლევა. თუმცა, თუ პაციენტს დაავიწყდა პერინამ დენკის მიღება, შემდეგი დოზის მიღება უნდა მოხდეს ჩვეულებრივ დროს. არ შეიძლება გამოტოვებული დოზის სანაცვლოდ გაორმაგებული დოზის მიღება.

პერინამ დენკით მკურნალობის შეწყვეტა

პერინამ დენკით მკურნალობა ხანგრძლივია, მკურნალობის შეწყვეტა უნდა მოხდეს მკურნალ ექიმთან შეთანხმებით.

გვერდითი ეფექტები

მედიკამენტმა შესაძლოა გამოიწვიოს გვერდითი ეფექტები, თუმცა, ყველა ადამიანში არ ვლინდება.

მედიკამენტის მიღება უნდა შეწყდეს და კონსულტაციისთვის დაუყონებლივ მიემართოს მკურნალ ექიმს, თუ პაციენტს გამოუვლინდა ქვემოთ ჩამოთვლილთაგან რომელიმე:

- უეცარი ხიხინი, ტკივილი გულმკერდის არეში, ქოშინი ან სუნთქვის გაძნელება,

- ქუთუთოების, სახის ან ტუჩების შეშუპება,

- ენის და ყელის შეშუპება, რომელიც იწვევს სუნთქვის გაძნელებას,

- კანის მხრივ მწვავე რეაქციები, მათ შორის ძლიერი გამონაყარი კანზე, ჭინჭრის ციება, კანის სიწითლე მთელს სხეულზე, ძლიერი ქავილი, ბუშტუკები, აქერცლილი ან შეშუპებული კანი, ლორწოვანი გარსის ანთება (სტივენ ჯონსონის სინდრომი, ტოქსიკური ეპიდერმული ნეკროლიზი) ან სხვა ალერგიული რეაქციები,

- ძლიერი თავბრუსხვევა ან გულისრევა,

- გულის შეტევა, უჩვეულოდ გახშირებული არ არანორმალური გულის ცემა, ან ტკივილი მკერდის არეში,

- პანკრეასის ანთება, რამაც შეიძლება გამოიწვიოს მუცლის და ზურგის ძლიერი ტკივილი, რომელსაც თან ახლავს ძალიან ცუდი შეგრძნება.

ხშირი გვერდითი ეფექტები. თუ რომელიმე მათგანმა გამოიწვია პრობლემები ან თუ გახანგრძლივდა ერთ კვირაზე მეტი ხნის განმავლობაში, უნდა მოხდეს მკურნალ ექიმთან დაკავშირება.

- ძალიან ხშირი გვერდითი ეფექტები (შეიძლება გამოვლინდეს 10 პაციენტიდან 1-ზე ნაკლებ შემთხვევაში):

შეშუპება (სითხის შეკავება).

- ხშირი გვერდითი ეფექტები (შეიძლება გამოვლინდეს 10-დან 1 პაციენტში):

თავის ტკივილი, თავბრუსხვევა, ძილიანობა (განსაკუთრებით მკურნალობის დასაწყისში), თავბრუსხვევა, კიდურების დაბუჟება ან  ჩხვლეტის შეგრძნება, მხედველობის მხრივ, დარღვევები (გაორებული ხედვის ჩათვლით), ტინიტუსი (ყურებში ხმაურის შეგრძნება), პალპიტაცია (აღქმადი გულისცემა), სიწითლე, დაბალი არტერიული წნევით გამოწვეული თავბრუსხვევა, ხველა, ქოშინი, გულისრევა (ცუდად ყოფნის შეგრძნება), ღებინება (ცუდად ყოფნის შეგრძნება), ტკივილი მუცლის არეში, გემოვნების დარღვევები, დისპეფსია ან საჭმლის მომნელებელი სისტემის დარღვევა, ნაწლავის “ჩვევის” შეცვლა, დიარეა, ყაბზობა, ალერგიული რეაქციები (როგორიც არის კანის სიწითლე, ქავილი), კუნთების სპაზმი, დაღლილობის შეგრძნება, სისუსტე, ტერფის შეშუპება (პერიფერიული შეშუპება).

სხვა გვერდითი ეფექტები, რომელიც შეიძლება გამოვლინდეს:

რომელიმე გვერდითი ეფექტის გამწვავების შემთხვევაში, ან თუ გამოვლინდა რაიმე სხვა გვერდითი ეფექტი, რომელიც არ არის ჩამოთვლილი გამოყენების ამ ინსტრუქციაში, კონსულტაციისთვის უნდა მიემართოს მკურნალ ექიმს ან ფარმაცევტს.

- არახშირი გვერდითი ეფექტები (შეიძლება გამოვლინდეს 100-დან 1 პაციენტში):

გუნება-განწყობის ცვლილება, შფოთვა, დეპრესია, უძილობა, ძილის მხრივ დარღვევები, კანკალი, დაღლილობა, ტკივილის შეგრძნების დაკარგვა, არარეგულარული გულისცემა, რინიტი (სურდო ან ცხვირიდან გამონადენი), თმის ცვენა, კანზე წითელი ლაქების გაჩენა, კანის გაუფერულება, ზურგის ტკივილი, ართრალგია (სახსრების ტკივილი), მიალგია (კუნთების ტკივილი), მკერდის ტკივილი, დარღვევები შარდის გამოყოფის მხრივ, გახშირებული შარდვა ღამით, გახშირებული შარდვა, ტკივილი, ცუდად ყოფნის შეგრძნება, ბრონქოსპაზმი (მოჭერის შეგრძნება გულმკერდის არეში, ხიხინი და ქოშინი), პირის სიმშრალე, ანგიოედემა (სიმპტომები როგორიცაა ხიხინი, სახის ან ენის შეშუპება), ბუშტუკების წარმოქმნა კანზე, თირკმლის მხრივ პრობლემები, იმპოტენცია, მომატებული ოფლიანობა, ეოზინოფილების ჭარბი რაოდენობა (სისხლის თეთრი უჯრედების ტიპი), დისკომფორტი ან მკერდის გადიდება მამაკაცებში, წონის მომატება ან დაკლება, ტაქიკარდია, ვასკულიტი (სისხლძარღვბის ანთება), ფოტომგრძნობელობის რეაქცია (კანის მომატებული მგრძნობელობა მზის სხივების მიმართ), ცხელება, ვარდნა, შეცვლილი ლაბორატორიული პარამეტრები: შეწყვეტის დროს სისხლში  კალიუმის შექცევადად მაღალი დონე, ნატრიუმის დაბალი დონე, ჰიპოგლიკემია (სისხლში შაქრის ძალიან დაბალი დონე) დიაბეტით დაავადებულ პაციენტებში, მომატებული შარდოვანა სისხლში და სისხლში მომატებული კრეატინინი.

- იშვიათი გვერდითი ეფექტები (შეიძლება გამოვლინდეს 1,000-დან 1 პაციენტში):

დაბნეულობა,   ფსორიაზის გაუარესება, ცვლილება ლაბორატორიულ პარამეტრებში: ღვიძლის ფერმენტების მომატებული დონე, შრატში ბილირუბინის მაღალი დონე.

- ძალიან იშვიათი გვერდითი ეფექტები (შეიძლება გამოვლინდეს 10,000-დან 1 პაციენტში):

კარდიოვასკულარული დარღვევები (სტენოკარდია, გულის შეტევა და ინსულტი), ეოზინოფილური პნევმონია (იშვიათი ტიპის პნევმონია), ქუთუთოების, სახის ან ტუჩების შეშუპება, ენის და ყელის შეშუპება, რაც იწვევს სუნთქვის გაძნელებას, მწვავე რეაქციები კანის მხრივ, მათ შორის გამონაყარი კანზე, ჭინჭრის ციება, მთელს სხეულზე კანის გაწითლება, კანის ძლიერი ქავილი, ბუშტუკები, აქერცლილი და შეშუპებული კანი, ლორწოვანი გარსის ანთება (სტივენ ჯონსონის სინდრომი), მულტიფორმული ერითემა (გამონაყარი კანზე, რომელიც ხშირად იწყება წითელი ლაქებით სახეზე, მკლავზე ან ფეხებზე), მგრძნობელობა სინათლის მიმართ, სისხლის მაჩვენებლების რაოდენობის მხრივ ცვლილება, როგორიცაა სისხლის თეთრი და წითელი უჯრედების შემცირებული რაოდენობა, დაქვეითებული ჰემოგლობინი, სისხლში თრომბოციტების რაოდენობის შემცირება, ცვლილებები სისხლში, პანკრეასის ანთება, რამაც შეიძლება გამოიწვიოს მუცლის და ზურგის ძლიერი ტკივილი, თირკმლის მწვავე უკმარისობა, ღვიძლის ნორმალური ფუნქციის მოშლა, ღვიძლის ანთება (ჰეპატიტი), კანის გაყვითლება (სიყვითლე),ღვიძლის ფერმენტიების მომატება, რამაც შეიძლება გავლენა იქონიოს ზოგიერთ სამედიცინო ტესტზე, შებერილი მუცელი (გასტრიტი), ნერვული აშლილობა, რამაც შეიძლება გამოიწვიოს სისუსტე, ჩხვლეტის შეგრძნება ან დაბუჟება,  კუნთების დაძაბულობა, ღრძილების შეშუპება, სისხლში შაქარის დონის მომატება (ჰიპერგლიკემია),

- უცნობი სიხშირით (არსებული მონაცემებით სიხშირე ვერ დგინდება):

კანკალი, ხისტი პოზა, სახის შენიღბვა, შენელებული მოძრაობა, გაუწონასწორებელი სიარული.

კონცენტრირებული შარდი (მუქი ფერის), შეუძლოდ ყოფნის შეგრძნება, კუნთების სპაზმი, დაბნეულობა და შეტევები, რაც შეიძლება გამოწვეული იყოს ADH (ანტიდიურეზული ჰორმონის) უჩვეულო სეკრეციით, შესაძლებელია განვითარდეს აგფ ინჰიბიტორებით. აღნიშნული სიმპტომების გამოვლენის შემთხვევაში, რაც შეიძლება მალე უნდა მოხდეს მკურნალ ექიმთან დაკავშირება.

შეტყობინება გვერდითი ეფექტების შესახებ

გვერდითი ეფექტების,  ასევე  იმ გვერდით ეფექტების გამოვლენის შემთხვევაში,  რომელიც არ არის ჩამოთვლილი გამოყენების ამ ინსტრუქციაში, კონსულტაციისთვის უნდა მიემართოს მკურნალ ექიმს ან ფარმაცევტს.  

შენახვის წესი

მედიკამენტი ინახება ბავშვებისთვის მიუწვდომელ ადგილას.

არ შეიძლება მედიკამენტის გამოყენება შეფუთვაზე და ბლისტერზე მითითებული ვარგისობის ვადის გასვლის შემდეგ. “Exp”  ვარგისობის ვადა გულისხმობს მოცემული თვის ბოლო დღეს.

შენახვის ვადა: 2 წელი

ინახება არაუმეტეს 25°C ტემპერატურაზე. ინახება ორიგინალ შეფუთვაში სინათლისგან და ნესტისგან დაცვის მიზნით.

არ შეიძლება მედიკამენტის გადაგდება სანაგვე ყუთში. გამოუყენებელი მედიკამენტის განადგურების შესახებ რჩევისთვის მიმართეთ ფარმაცევტს. ამგვარი ზომების გატარება ხელს შეუწყობს გარემოს დაცვას.

მარკეტინგული ავტორიზაციის მფლობელი

დენკ ფარმა გმბჰ & კო. კგ

პრინცრეგენტენშტრ 79, 81675 მიუნხენი, გერმანია

ბალკის, შეფუთვის მწარმოებელი და სერიის გამშვები

შპს, აქტავისი

BLB016 ბულებელის ინდუსტრიული ქონება, ზეჯტუნ ZTN 3000, მალტა