დოლორივა ოდ #30კაფს

~~68.00 ლარი~~ 48.96 ლარი

მაქსიმალურ ფასდაკლებას მიიღებთ მხოლოდ მტრედი ბარათის გამოყენებით

ფარმაკოლოგიური ჯგუფი: საკვები ნარევები და საკვების მაკორეგირებელი დანამატები, პერიფერიული ნერვული სისტემის აღმდგენი პრეპარატები

ქვეყანა: სლოვენია

მწარმოებელი: ერგოფარმა

ჯენერიკი - შეადარეთ ანალოგები: ურიდინი,ციტიდინი,ვიტ.ბ1,ბ6,ბ12,დე

გაცემის ფორმა: III ჯგუფი ურეცეპტო

კოდი: 94590

გააზიარე:

შეუკვეთე

ანოტაცია
სად შევიძინო

დოლორივაოდ

საკვები დანამატი

შემადგენლობა

1 კაფსულა შეიცავს:

ციტიდინი 5 -მონოფოსფატის დინატრიუმის მარილი - 30.0 მგ,

ურიდინი 5 -მონოფოსფატის დინატრიუმის მარილი - 30.0 მგ,

ვიტამინი B6 - 1.4 მგ,

ვიტამინი B1 - 1.1 მგ,

ვიტამინი B12 - 4 მკგ,

ვიტამინი D3 - 15 მკგ (მკგ) - 600 სე.

მყარი ჟელატინის კაფსულა (ჟელატინი, ტიტანის დიოქსიდი), სიმინდის სახამებლის შემავსებელი, ციტიდინი 5 -მონოფოსფატის დინატრიუმის მარილი, ურიდინი 5 მონოფოსფატის დინატრიუმის მარილი, ქოლეკალციფეროლის გრანულები, მაგნიუმის სტეარატი, ციანოკობალამინი, ტალკი, პირიდოქსინის ჰიდროქლორიდი, პიროლოქსიდინი -გამაგრილებელი აგენტი, თიამინის ჰიდროქლორიდი, სილიციუმის დიოქსიდი. გმო -ს გარეშე.

გამოყენების რეკომენდაციები

რეკომენდებულია, როგორც საკვები ნივთიერებების დამატებითი წყარო: ურიდინი, ციტიდინი და ვიტამინები B1, B6, B12 და D3.

დოლორივა ოდ-ის კომპონენტები ამცირებს დაძაბულობის და კუნთებში შებოჭილობის შეგრძნებას.

კომპონენტების ეფექტური კომბინაცია ხელს უწყობს ნერვული სისტემის ნორმალურ ფუნქციონირებას, უჯრედებში ენერგეტიკული მეტაბოლიზმის ზრდას, დაღლილობისა და სისუსტის შეგრძნების შემცირებას, ნორმალურ ფსიქოლოგიურ აქტივობას.

ურიდინი და ციტიდინი წარმოადგენს ბუნებრივ საშენ მასალებს, რომლებიც ხელს უწყობენ ნერვული უჯრედების რეგენერაციას.

B ჯგუფის ვიტამინები - როგორც სხვადასხვა მეტაბოლური რეაქციის კოფერმენტები აუცილებელია ნერვული სისტემის ნორმალური ფუნქციონირებისთვის და ენერგეტიკული მეტაბოლიზმისთვის, ამცირებენ დაღლილობას და სისუსტის შეგრძნებას.

ვიტამინი B12 მონაწილეობს უჯრედების გაყოფის პროცესში, რაც მნიშვნელოვანია, მათ შორის, ქსოვილების რეგენერაციის პროცესში. D ვიტამინი ხელს უწყობს კალციუმის და ფოსფორის ნორმალურ შეწოვას/ათვისებას და კუნთების ნორმალური ფუნქციონირების შენარჩუნებას. ნერვების დაზიანებისას ადგილი აქვს წვის, დაბუჟების, ჩხვლეტის შეგრძნებას - რაც ძირითადად პერიფერიული ნერვების ბოჭკოების კერძოდ, მიელინის გარსის დაზიანების შედეგია ხოლმე.

მიელინის გარსი საჭიროა ნერვული უჯრედების ელექტრული იზოლირებისათვის სხვა უჯრედების მოქმედებისგან და საკუთარი იმპულსების გადასაცემად. საიზოლაციო მიელინის ფენის განადგურებით, ნერვული ბოჭკოების გასწვრივ ადგილი აქვს სიგნალის გადაცემის სიჩქარის შენელებას და ტკივილის აღმოცენებას. პერიფერიული ნერვების დაზიანების ძირითადი მიზეზებია: გახანგრძლივებული მეტაბოლური დარღვევები, ნერვების შეკუმშვა და ჩახშობა, მათ შორის დაზიანებების გამო, მჯდომარე ცხოვრების წესი, ორგანიზმში ანთებითი პროცესები. დაზიანებული ნერვული სტრუქტურების აღდგენას დიდი დრო სჭირდება და მოითხოვს გარკვეულ კომპონენტებს. ნერვულ უჯრედები საჭიროებენ საკვები ნივთიერებების ყოველდღიურ მიწოდებას.

დოლორივა ოდ შეიცავს ბიოგენურ ელემენტებს, როგორიცაა ურიდინმონოფოსფატი (UMP),

ციტიდინმონოფოსფატი (CMP), ვიტამინები B1, B6, B12 და D3, რომლებიც ორგანიზმში აღდგენით პროცესებს ასტიმულირებენ.

დოლორივა ოდ-ის ორგანიზმზე ზემოქმედება განპირობებულია აქტიური ნივთიერებების ეფექტებით, რომლებიც შედიან მის შემადგენლობაში.

კომპონენტების ფუნქციური თვისებები

ცმფ მონაწილეობს ლიპიდების კომპლექსის სინთეზში, რომლებიც ქმნიან ნეირონულ მემბრანას, ძირითადად სფინგომიელინს - მიელინის გარსის ძირითად კომპონენტს.

ასევე, ცმფ არის ნუკლეინის მჟავების (დნმ და რნმ) წინამორბედი, რომლებიც, თავის მხრივ, უჯრედული მეტაბოლიზმის ძირითადი ელემენტებია. კვლევებით დადასტურდა, რომ პერიფერიული ნერვის დაზიანების ადრეულ სტადიაზე იზრდება ისეთი პირიმიდინის ნუკლეოტიდების შთანთქმა, როგორიცაა ურიდინი და ციტიდინი 1. ცმფ მონაწილეობს ფოსფოლიპიდების და გლიკოლიპიდების სინთეზში, რომლებიც ძირითადად ქმნიან მიელინის გარსს და სხვა ნერვულ სტრუქტურებს, რაც ხელს უწყობს ინტენსიურ მეტაბოლურ აქტივობას და შესაბამისად მიელინის გარსის რეგენერაციას. ამრიგად, ცმფ-ის და უმფ-ის კომბინაცია ხელს უწყობს: მიელინის გარსის რეგენერაციას, ნერვული აღგზნების გატარებას, კუნთოვანი ტროფიზმის აღდგენას და ტკივილის სინდრომის შემცირებას.

ვიტამინები B1, B6, B12 მნიშვნელოვან როლს ასრულებენ ნეირონული მეტაბოლიზმის შენარჩუნებაში (ცილის ბიოსინთეზი, მიელინიზაციის პროცესები). კერძოდ, ვიტამინი B12 მონაწილეობს მიელინის შრის წარმოქმნაში. ასევე, მონაწილეობს პურინის და პირიმიდინის ნუკლეინის ფუძეების, ნუკლეინის მჟავებისა და ცილების სინთეზის სტადიებში.

სიფრთხილის ზომები

პროდუქტის კომპონენტების მიმართ ინდივიდუალური აუტანლობა. არ გამოიყენება 18 წლამდე ასაკის ბავშვებში, ორსულებსა და მეძუძურ ქალებში.

ეს პროდუქტი არ არის გამიზნული დიაგნოსტიკის და მკურნალობისთვის, და არ გამოიყენება სრულფასოვანი კვებითი რაციონის შემცვლელად.

არ გადააჭარბოთ რეკომენდებულ დღიურ დოზას.

გამოყენებამდე რეკომენდებულია ექიმთან კონსულტაცია.

მიღების წესი და რეკომენდებული დღიური დოზა

მოზრდილთათვის, 1 კაფსულა დღეში.

გამოყენების პერიოდი

4 კვირა, შემდგომი მიღება უნდა შეთანხმდეს ექიმთან.

გამოშვების ფორმა

15 მყარი ჟელატინის კაფსულა ბლისტერში, 2 ბლისტერი მუყაოს კოლოფში. თითოეული კაფსულა მასით 211.0 მგ (მგ) ± 7.5%.

შენახვის პირობები

ინახება მშრალ, სინათლისგან დაცულ და ბავშვებისათვის მიუწვდომელ ადგილას 15-25°C ტემპერატურაზე.

ვარგისობის ვადა

წარმოების დღიდან 24 თვე.

მწარმოებელი

Zandra Lifescienes-თვის, ინდოეთი.

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით

თბილისი (144 აფთიაქი)

მთაწმინდა (7 აფთიაქი)

ავერსი 1