ტრეფოლი 0.4მგ #30ტ

ტრეფოლი 0.4მგ #30ტ

ტრეფოლი (Trefol) წარმოადგენს ფოლის მჟავას (B9 ვიტამინის) პრეპარატს. თითოეული ტაბლეტი შეიცავს 0.4 მგ (400 მკგ) აქტიურ ნივთიერებას.

ფარმაკოლოგიური ჯგუფი

წყალში ხსნადი ვიტამინები, სისხლწარმოქმნის სტიმულატორი.

ჩვენებები

• ორსულობის დაგეგმვა და პერიოდი : ნაყოფის ნერვული მილის დეფექტებისა და სხვა თანდაყოლილი მანკების პრევენცია (რეკომენდებულია დაორსულებამდე რამდენიმე თვით ადრე და ორსულობის პირველ ტრიმესტრში).
• ფოლის მჟავას დეფიციტი : მეგალობლასტური ანემიის მკურნალობა და პროფილაქტიკა.
• არასრულფასოვანი კვება ან მომატებული მოთხოვნილება : ორგანიზმის ვიტამინით უზრუნველყოფა ინტენსიური ზრდის, ლაქტაციის ან სხვა მდგომარეობების დროს.

მიღების წესი და დოზირება

• მიიღება ჭამის შემდეგ, მცირე რაოდენობით წყალთან ერთად.
• სტანდარტული პროფილაქტიკური დოზა მოზრდილებისა და ორსულებისთვის შეადგენს 1 ტაბლეტს (0.4 მგ ) დღეში , თუმცა ზუსტი დოზირება და მკურნალობის ხანგრძლივობა შესაძლოა შეიცვალოს ექიმის დანიშნულებით, ინდივიდუალური საჭიროებიდან გამომდინარე.

უკუჩვენებები

• მომატებული მგრძნობელობა ფოლის მჟავას ან პრეპარატის შემადგენლობაში შემავალი რომელიმე დამხმარე კომპონენტის მიმართ.
• მეგალობლასტური ანემია, რომელიც გამოწვეულია B12 ვიტამინის დეფიციტით (ფოლის მჟავამ შესაძლოა შენიღბოს B12 ვიტამინ-დეფიციტური ანემია, რამაც შეიძლება გამოიწვიოს ნევროლოგიური გართულებები).
• მძიმე თირკმლის უკმარისობა (განსაკუთრებული სიფრთხილეა საჭირო).

გვერდითი მოვლენები

პრეპარატი ზოგადად ძალიან კარგად გადაიტანება. იშვიათ შემთხვევებში შესაძლებელია განვითარდეს:

• ალერგიული რეაქციები (გამონაყარი კანზე, ქავილი, ჭინჭრის ციება);
• კუჭ-ნაწლავის ტრაქტის მხრივ დარღვევები (გულისრევა, შებერილობა, მუცლის ტკივილი) – ძირითადად მაღალი დოზების ხანგრძლივი გამოყენებისას.

შენახვის პირობები

ინახება მშრალ, სინათლისგან დაცულ და ბავშვებისთვის მიუწვდომელ ადგილას, ოთახის ტემპერატურაზე.