ლირა 500მგ #30ტ

ლირა 500მგ #30ტ

0.00 ლარი
ქვეყანა:
მწარმოებელი:
ჯენერიკი - შეადარეთ ანალოგები: ციტიქოლინი
გაცემის ფორმა: II ჯგუფი რეცეპტული
კოდი: 93570
გააზიარე:

პროდუქტი გაყიდვაში არ არის.

ლირა

 

შემადგენლობა:

მოქმედი ნივთიერება: ციტიქოლინი;

1 ტაბლეტი შეიცავს 522,5 მგ ციტიქოლინი ნატრიუმის   100% მშრალ ნივთიერებაზე გაანგარიშებით (რაც 500,0 მგ ციტიქოლინის ეკვივალენტურია);

დამხმარე ნივთიერებები: მიკროკრისტალური ცელულოზა, სილიციუმის დიოქსიდი კოლოიდური უწყლო, ნატრიუმის კროსკარმელოზა, აბუსალათინის ზეთი, ჰიდროგენიზირებული, ტალკი, მაგნიუმის სტეარატი;

აპკიანი გარსი: Opadry white 03 F 180011 (ჰიდროქსიპროპილმეთილცელულოზა, ტიტანის დიოქსიდი Е 171, მაკროგოლი 8000); Opadry white II 85 F 18422 (პოლივინილის სპირტი, ტიტანის დიოქსიდი Е 171, მაკროგოლი 4000, ტალკი).

სამკურნალწამლო ფორმა. აპკიანი გარსით დაფარული ტაბლეტები.

ძირითადი ფიზიკურ-ქიმიური თვისებები: თეთრი ან თითქმის თეთრი ფერის მოგრძო ფორმის აპკიანი გარსით დაფარული ტაბლეტები ორმხრივამოზნექილი ზედაპირით, გამყოფი ხაზით.

ფარმაკოთერაპიული ჯგუფი

სხვა ფსიქომასტიმულირებელი და ნოოტროპული საშუალებები.

ათქ კოდი: N06B X06.

ფარმაკოლოგიური თვისებები

ფარმაკოდინამიკა

ციტიქოლინი ასტიმულირებს ნეირონების მემბრანების სტრუქტურული ფოსფოლიპიდების ბიოსინთეზს, რაც დასტურდება მაგნიტურ-რეზონანსული სპექტროსკოპიის მონაცემებით. ციტიქოლინი აუმჯობესებს ისეთი მემბრანული მექანიზმების ფუნქციონირებას, როგორიცაა იონური ტუმბოები და რეცეპტორები, რომელთა რეგულაციის გარეშე შეუძლებელია ნერვული იმპულსების ნორმალური გამტარობა. ნეირონების მემბრანაზე მასტაბილიზებელი მოქმედების შედეგად ციტიქოლინი ავლენს შეშუპების საწინააღმდეგო თვისებებს, რომლებიც ხელს უწყობს თავის ტვინში შეშუპების რეაბსორბციას.

კლინიკური კვლევებით ნაჩვენებია, რომ ციტიქოლინი აინჰიბირებს ზოგიერთი ფოსფოლიპაზის (А1, А2, С და D) აქტივაციას თავისუფალი რადიკალების წარმოქმნის შემცირებით, ხელს უშლის მემბრანული სისტემების დაშლას და ინარჩუნებს ანტიოქსიდანტურ დამცავ სისტემებს, როგორიცაა გლუტატიონი. 

ციტიკოლინი ინარჩუნებს ენერგიის ნეირონულ მარაგს, აინჰიბირებს აპოპტოზს, რაც აუმჯობესებს ქოლინერგულ გადაცემას.

ექსპერიმენტებით დამტკიცებულია, რომ ციტიქოლინი ასევე ახდენს პროფილაქტიკურ ნეიროპროტექტორულ მოქმედებას თავის ტვინის ფოკალური იშემიის დროს.

კლინიკურმა კვლევებმა აჩვენა, რომ ციტიქოლინი სარწმუნოდ აუმჯობესებს ფუნქციური გამოჯანმრთელების მაჩვენებლებს პაციენტებში თავის ტვინში სისხლის მიმოქცევის მწვავე დარღვევით, რაც ემთხვევა თავის ტვინის იშემიური დაზიანების ზრდის შენელებას ნეიროვიზუალიზაციის მონაცემებით. ქალა-ტვინის ტრავმის მქონე პაციენტებში ციტიქოლინი აჩქარებს აღდგენას და ამცირებს პოსტტრავმული სინდრომის ხანგრძლივობას და ინტენსივობას.

ციტიქოლინი აუმჯობესებს ყურადღებისა და ცნობიერების ხარისხს, ხელს უწყობს ამნეზიის გამოვლინებების, კოგნიტიური და სხვა ნევროლოგიური დარღვევების შემცირებას, რომლებიც დაკავშირებულია თავის ტვინის იშემიასთან.

ფარმაკოკინეტიკა

ციტიქოლინი კარგად აბსორბირდება პერორალური, ინტრამუსკულური და ინტრავენური შეყვანის შემდეგ. სისხლის პლაზმაში ქოლინის დონე მნიშვნელოვნად იზრდება ზემოთ მითითებული გზებით შეყვანის შემდეგ. პერორალური შეყვანის შემდეგ აბსორბცია პრაქტიკულად სრულია, ხოლო ბიოშეღწევადობა პრაქტიკულად ისეთივეა, როგორც ინტრავენური გამოყენებისას.

პრეპარატის შეყვანის მეთოდის მიხედვით მისი მეტაბოლიზმი მიმდინარეობს ნაწლავში, ღვიძლში ქოლინად და ციტიდინად. შეყვანის შემდეგ ციტიქოლინი ფართოდ ნაწილდება თავის ტვინის სტრუქტურებში ქოლინის ფრაქციის სწრაფად შეღწევით სტრუქტურულ ფოსფოლიპიდებში და ციტიდინის ფრაქციის შეღწევით ციტიდინურ ნუკლეოტიდებში და ნუკლეინურ მჟავებში. თავის ტვინში მოხვედრის შემდეგ ხდება ციტიქოლინის განთავსება უჯრედულ, ციტოპლაზმურ და მიტოქონდრიალურ მემბრანებში ფოსფოლიპიდების ფრაქციის აგებაში მონაწილეობით.

დოზის მხოლოდ მცირე რაოდენობა გამოიყოფა შარდთან და განავალთან ერთად (3%-ზე ნაკლები). დოზის დაახლოებით 12% გამოიყოფა ამოსუნთქვის დროს CO2-თან ერთად. შარდში პრეპარატის გამოყოფაში გამოყოფენ ორ ფაზას: პირველი ფაზა - დაახლოებით 36 საათი, როდესაც გამოყოფის სიჩქარე სწრაფად მცირდება, და მეორე ფაზა, რომელშიც გამოყოფის სიჩქარე ბევრად ნელა მცირდება. ასეთივე ფაზები აღინიშნება CO2-თან ერთად გამოყოფისას: CO2-ის ამოსუნთქვის სიჩქარე სწრაფად მცირდება დაახლოებით 15 საათში, შემდეგ ის ბევრად ნელა მცირდება.

კლინიკური მახასიათებლები

ჩვენება

-         ინსულტი, თავის ტვინში სისხლის მიმოქცევის დარღვევების მწვავე ფაზა და თავის ტვინში სისხლის მიმოქცევის გართულებებისა და შედეგების მკურნალობა.

-         ქალა-ტვინის ტრავმა და მისი ნევროლოგიური შედეგები.

-         კოგნიტიური დარღვევები და ქცევის დარღვევები ქრონიკული სისხლძარღვოვანი და დეგენერაციული ცერებრალული დარღვევების შედეგად.

უკუჩვენება

მომატებული მგრძნობელობა პრეპარატის ნებისმიერი კომპონენტის მიმართ.

პარასიმპათიკური ნერვული სისტემის მომატებული ტონუსი.

ურთიერთქმედება სხვა სამკურნალო საშუალებებთან და ურთიერთქმედების სხვა ფორმები

პრეპარატი არ უნდა მიიღოთ მეკლოფენოქსატის შემცველ პრეპარატებთან ერთად. აძლიერებს ლევოდოპას ეფექტიანობას. 

გამოყენების თავისებურებები

სამკურნალო საშუალება შეიცავს ჰიდროგენიზირებულ აბუსალათინის ზეთს, ამიტომ შესაძლებელია კუჭის აშლა და დიარეა.

ეს სამკურნალო საშუალება შეიცავს 1,024 მმოლ ნატრიუმს  ერთ დოზაზე. საჭიროა სიფრთხილის ზომების დაცვა ნატრიუმის შემცველობის კონტროლით დიეტის დაცვის დროს.

გამოყენება ორსულობის და ძუძუთი კვების პერიოდში

ორსულებში ლირას გამოყენების შესახებ მონაცემები არასაკმარისია. მონაცემები დედის რძეში ციტიქოლინის გამოყოფის და ნაყოფზე მისი მოქმედების შესახებ არ არსებობს.

ორსულობის და ძუძუთი კვების პერიოდში პრეპარატი ინიშნება მხოლოდ იმ შემთხვევაში, როდესაც დედისათვის მოსალოდნელი სარგებელი აღემატება პოტენციურ რისკს ნაყოფისთვის.

ზემოქმედება რეაქციის სისწრაფის უნარზე ავტოსატრანსპორტო საშუალებების ან სხვა მექანიზმების მართვისას

ზოგიერთი გვერდითი რეაქცია ცენტრალური ნერვული სისტემის მხრივ ცალკეულ შემთხვევებში შეიძლება გავლენას ახდენდეს ავტოტრანსპორტის მართვის ან რთულ ტექნიკასთან მუშაბოს უნარზე.

გამოყენების წესი და დოზები

მოზრდილებისთვის რეკომენდებული დოზა შეადგენს 500-დან 2000 მგ-მდე დღე-ღამეში (1-4 ტაბლეტი).

პრეპარატის დოზა და მკურნალობის ხანგრძლივობა დამოკიდებულია თავის ტვინის დაზიანების სიმძიმეზე და განისაზღვრება ექიმის მიერ.

ხანდაზმული პაციენტები არ საჭიროებენ დოზის კორექტირებას.

ბავშვები

ბავშვებში პრეპარატის გამოყენების გამოცდილება შეზღუდულია.

დოზის გადაჭარბება

დოზის გადაჭარბების შემთხვევები არ არის აღწერილი.

გვერდითი რეაქციები

ცენტრალური და პერიფერიული ნერვული სისტემის მხრივ: ძლიერი თავის ტკივილი, ვერტიგო, ჰალუცინაცია.

გულ-სისხლძარღვთა სისტემის მხრივ: არტერიული ჰიპერტენზია, არტერიული ჰიპოტენზია, ტაქიკარდია.

სასუნთქი სისტემის მხრივ: ქოშინი.

საჭმლის მომნელებელი სისტემის მხრივ: გულისრევა, ღებინება, დიარეა.

იმუნური სისტემის მხრივ: ალერგიული რეაქციები, მათ შორის, გამონაყარი, ჰიპერემია, ეგზანთემა, ჭინჭრის ციება, პურპურა, ქავილი, ანგიონევროზული შეშუპება, ანაფილაქსიური შოკი.

ზოგადი რეაქციები: კანკალი.

ვარგისობის ვადა

2 წელი.

პრეპარატი არ გამოიყენოთ შეფუთვაზე მითითებული ვარგისობის ვადის გასვლის შემდეგ.

შენახვის პირობები

შეინახეთ ორიგინალ შეფუთვაში, არაუმეტეს 25°С ტემპერატურაზე.

შეინახეთ ბავშვებისთვის მიუწვდომელ ადგილზე.

შეფუთვა

10 ტაბლეტი ბლისტერში. 3 ბლისტერი კოლოფში.

გაცემის კატეგორია.

ფარმაცევტული პროდუქტის ჯგუფი II, გაიცემა ფორმა N3 რეცეპტით.

მწარმოებელი. სს “ფარმაკი“.

მწარმოებლის ადგილმდებარეობა და საქმიანობის განხორციელების მისამართი.

უკრაინა, 04080, ქ. კიევი, კირილოვსკაიას ქუჩა 74.

 

თბილისი (0 აფთიაქი)

რეგიონი (0 აფთიაქი)