ზოლმიგრენი 2.5მგ #2ტ

ზოლმიგრენი

შემადგენლობა:

მოქმედი ნივთიერება: ზოლმიტრიპტანი;

1 ტაბლეტი შეიცავს 2,5 მგ ზოლმიტრიპტანს 100% ნივთიერებაზე გაანგარიშებით;

დამხმარე ნივთიერებები: ლაქტოზას მონოჰიდრატი, მიკროკრისტალური ცელულოზა 102, ნატრიუმის სახამებელგლიკოლატი (ტიპი A), მაგნიუმის სტეარატი;

გარსის შემადგენლობა: Sepifilm 752 Blanc (ჰიდროქსიპროპილმეთილცელულოზა), მიკროკრისტალური ცელულოზა, პოლიეთილენგლიკოლი (მაკროგოლი 40), ტიტანის დიოქსიდი (E171)), რკინის ყვითელი ოქსიდი (E172).

სამკურნალწამლო ფორმა. აპკიანი გარსით დაფარული ტაბლეტები.

ძირითადი ფიზიკურ-ქიმიური თვისებები: მკრთალი მოყავისფრო-ყვითელი ფერის მრგვალი ფორმის აპკიანი გარსით დაფარული ტაბლეტები  ორმხრივამოზნექილი ზედაპირით.

ფარმაკოთერაპიული ჯგუფი. შაკიკის სამკურნალო საშუალებები. სეროტონინის 5HT₁-რეცეპტორების სელექციური აგონისტები. ზოლმიტრიპტანი.

ათქ კოდი N02CC03.

ფარმაკოლოგიური თვისებები

ფარმაკოდინამიკა

ზოლმიტრიპტანი წარმოადგენს ადამიანის სისხლძარღვების  რეკომბინანტული სეროტონინული 5-НТ_1В/1D-რეცეპტორების სელექციურ აგონისტს. მას გააჩნია ზომიერი მსგავსება სეროტონინულ 5-НТ_1A-რეცეპტორებთან, არ გააჩნია მნიშვნელოვანი აფინურობა ან ფარმაკოლოგიური აქტივობა  5HT_2-,5HT_3-, 5HT₄-სეროტონინული რეცეპტორების, α_1-, α_2-, β_1-ადრენერგული რეცეპტორების, Н₁-, Н₂-ჰისტამინური რეცეპტორების, მ-ქოლინური რეცეპტორების, D₁-, D₂-დოფამინერგული რეცეპტორების მიმართ. პრეპარატი ძირითადად  იწვევს კრანიალური სისხლძარღვების ვაზოკონსტრიქციას, ბლოკავს ნეიროპეპტიდების, კერძოდ ვაზოაქტიური ინტესტინალური პეპტიდის გამოთავისუფლებას, რომელიც წარმოადგენს ვაზოდილატაციის გამომწვევი რეფლექტორული აგზნების ძირითად ეფექტორულ ტრანსმიტერს, რაც საფუძვლად უდევს შაკიკის პათოგენეზს. აჩერებს შაკიკის შეტევის განვითარებას პირდაპირი ანალგეზიური მოქმედების გარეშე. შაკიკის შეტევის კუპირებასთან ერთად ასუსტებს გულისრევას, ღებინებას (განსაკუთრებით მარცხენა მხარეს განვითარებული შეტევების დროს), ფოტო- და ფონოფობიას. პერიფერიულ მოქმედებასთან ერთად გავლენას ახდენს შაკიკთან დაკავშირებულ თავის ტვინის ღეროს ცენტრზე, რითაც აიხსნება ხანგრძლივი განმეორებითი ეფექტი ერთ პაციენტში შაკიკის რამდენიმე ეპიზოდის მკურნალობისას. პრეპარატი მაღალეფექტიანია შაკიკის სტატუსის კომპლექსურ მკურნალობაში  (შაკიკის რამდენიმე მძიმე, თანმიმდევრული შეტევის ეპიზოდები 2-5 დღის ხანგრძლივობით). ხსნის მენსტრუაციასთან ასოცირებულ შაკიკს. მაღალი დოზები ახდენს სედაციურ მოქმედებას და იწვევს ძილიანობას.  

პრეპარატის მოქმედება დგება 15-20 წუთში და მაქსიმუმს აღწევს მიღებიდან 1 საათში. მაქსიმალური ეფექტი აღინიშნება შეტევის განვითარების დროს მიღებისას.

ფარმაკოკინეტიკა.

პერორალური მიღების შემდეგ კარგად შეიწოვება კუჭ-ნაწლავის ტრაქტში. პრეპარატის აბსორბცია არ არის დამოკიდებული საკვების მიღებაზე. საშუალო აბსოლუტური ბიოშეღწევადობა შეადგენს დაახლოებით 40%-ს. კავშირი პლაზმის ცილებთან - 25%-ია. მაქსიმალური კონცენტრაციის მიღწევის დრო შეადგენს 1 საათს, პლაზმაში თერაპიული კონცენტრაცია ნარჩუნდება მომდევნო 4-6 საათის განმავლობაში. განმეორებით მიღებისას პრეპარატის კუმულაცია არ აღინიშნება. განიცდის ინტენსიურ ბიოტრანსფორმაციას ღვიძლში N-დესმეთილწარმოებულის წარმოქმნით, რომელსაც 2-6-ჯერ უფრო მაღალი ფარმაკოლოგიური აქტიურობა გააჩნია, ვიდრე საწყის ნაერთს, ასევე რიგი არააქტიური მეტაბოლიტის წარმოქმნით. ორგანიზმიდან ძირითადად თირკმელების საშუალებით გამოიყოფა მეტაბოლიტების სახით, დაახლოებით 30% ნაწლავიდან უცვლელი სახით. ცნობილია ზოლმიტრიპტანის სამი ძირითადი მეტაბოლიტი: ინდოლძმარმჟავა (ძირითადი მეტაბოლიტი პლაზმაში და შარდში), N-ოქსიდი- და N-დესმეთილანალოგები. N-დესმეთილირებული მეტაბოლიტი არის აქტიური, ხოლო დანარჩენი ორი მეტაბოლიტი - არააქტიურია. ზოლმიტრიპტანის ნახევარგამოყოფის საშუალო პერიოდი (T_1/2) 2,5-3 საათს შეადგენს. მამაკაცებთან შედარებით, ქალებში პრეპარატის მაქსიმალური კონცენტრაცია და ბიოშეღწევადობა უფრო მაღალია, ხოლო კლირენსი - უფრო დაბალია. თირკმელების ზომიერი და გამოხატული უკმარისობის მქონე პაციენტებში ზოლმიტრიპტანის  და მისი მეტაბოლიტების თირკმლისმიერი კლირენსი 7-8 ჯერ უფრო დაბალია, ჯანმრთელ მოხალისეებში აღნიშნულ მაჩვენებელთან შედარებით, ნახევარგამოყოფის პერიოდი იზრდება 1 საათით  (3-3,5 საათამდე), ხოლო ზოლმიტრიპტანის და მისი აქტიური მეტაბოლიტის ბიოშეღწევადობა იზრდება მხოლოდ 16% და 35% -ით. ღვიძლის უკმარისობის შემთხვევაში ზოლმიტრიპტანის მეტაბოლიზმი მცირდება მისი ხარისხის პროპორციულად.

კლინიკური მახასიათებლები

ჩვენება

აურით და აურის გარეშე მიმდინარე შაკიკის შეტევების კუპირება.

უკუჩვენება

მომატებული ინდივიდუალური მგრძნობელობა პრეპარატის კომპონენტების მიმართ.

ზომიერი ან მძიმე არტერიული ჰიპერტენზია, ასევე მსუბუქად გამოხატული არაკონტროლირებული ჰიპერტენზია. გულის იშემიური დაავადება ან მისი მსგავსი სიმპტომები, მათ შორის მიოკარდიუმის ინფარქტი ანამნეზში. ანგიოსპასტიური სტენოკარდია (პრინცმეტალის სტენოკარდია). ცერებროვასკულური დარღვევები და ტრანზიტორული იშემიური შეტევა (ტიშ) ანამნეზში. კრეატინინის კლირენსი <15 მლ/წთ. ერგოტამინის, ერგოტამინის წარმოებულების (მეტისერგიდის ჩათვლით), სუმატრიპტანის, ნარატრიპტანის ან  5-НТ_1В/1D რეცეპტორების სხვა აგონისტების ერთდროულად მიღება. პერიფერიული სისხლძარღვების დაავადებები. არ გამოიყენება ხანდაზმულ პაციენტებში (65 წელზე უროსი ასაკი).

ურთიერთქმედება სხვა სამკურნალო საშუალებებთან და ურთიერთქმედების სხვა ფორმები

დასაშვებია პრეპარატის კომბინირება კოფეინთან, პარაცეტამოლთან, მეტოკლოპრამიდთან, პიზოტიფენთან, ფლუოქსეტინთან, რიფამპიცინთან და პროპრანოლოლთან.

ჯანმრთელი მოხალისეების მონაწილეობით ჩატარებულ კვლევებში მიღებული მონაცემების გათვალისწინებით ზოლმიტრიპტანსა და ერგოტამინს შორის რაიმე ფარმაკოკინეტიკური ურთიერთქმედება ან კლინიკური მნიშვნელობის მქონე რაიმე ურთიერთქმედება არ აღინიშნება. თეორიულად შეიძლება გაიზარდოს კორონაროსპაზმის განვითარების რისკი, ამიტომ რეკომენდებულია ზოლმიგრენის მიღება ერგოტამინის შემცველი პრეპარატების გამოყენებიდან სულ მცირე 24 საათის შემდეგ. და პირიქით, ერგოტამინის შემცველი პრეპარატის მიღება რეკომენდებულია ზოლმიგრენის გამოყენებიდან სულ მცირე 6 საათის შემდეგ.

მაო-A-ს სპეციფიკური ინჰიბიტორის, მოკლობემიდის მიღების შემდეგ აღინიშნა ზოლმიტრიპტანის AUC (მრუდის ქვეშ ფართობი) უმნიშვნელო მომატება (26%) და აქტიური მეტაბოლიტის AUC სამჯერ გაზრდა. ამიტომ, მაო-A-ს ინჰიბიტორების მიღებისას რეკომენდებულია ზოლმიტრიპტანის მიღება დღე-ღამეში არაუმეტეს 5 მგ დოზით. პრეპარატების კომბინირებული გამოყენება არ შეიძლება მოკლობემიდის მიღებისას 150 მგ-ზე მეტი დოზით ორჯერ დღე-ღამეში.

P₄₅₀-ის საერთო ინჰიბიტორის, ციმეტიდინის, მიღებისას ზოლმიტრიპტანის ნახევარგამოყოფის პერიოდი 44%-ით გაიზარდა, ხოლო AUC – 48%-ით. გარდა ამისა, ციმეტიდინმა ორჯერ გაზარდა აქტიური N-დიმეთილირებული მეტაბოლიტის (183C91) ნახევარგამოყოფის პერიოდი და AUC. ციმეტიდინის მიღებისას რეკომენდებულია ზოლმიტრიპტანის მიღება დღე-ღამეში არაუმეტეს 5 მგ დოზით.

ურთიერთქმედების საერთო პროფილის გათვალისწინებით არ შეიძლება გამოირიცხოს CYP 1A2 სპეციფიკურ ინჰიბიტორებთან ურთიერთქმედება. ამიტომ, ისეთი ნაერთების გამოყენებისას, როგორიცაა ფლუვოქსამინი და ქინოლონები (მაგალითად ციპროფლოქსაცინი), ასევე რეკომენდებულია დოზების შემცირება.

ფარმაკოკინეტიკის თვალსაზრისით, სელეგილინი (მაო-B-ს ინჰიბიტორი) და ფლუოქსეტინი (სუსი) არ შედის ურთიერთქმედებაში ზოლმიტრიპტანთან.

ტრიპტანებისა და სეროტონინის უკუმიტაცების სელექციური ინჰიბიტორების (სუსი) ან სეროტონინისა და ნორადრენალინის უკუმიტაცების ინჰიბიტორების (სნუსი)  ერთდროულად გამოყენებისას ცნობილია სეროტონინული სინდრომის გამოვლენის შესახებ (ფსიქიკური მდგომარეობის შეცვლის, ვეგეტატიური ლაბილურობის, ნერვ-კუნთოვანი ანომალიების ჩათვლით).

5-НТ_1В/1D რეცეპტორების სხვა აგონისტების მსგავსად, ზოლმიტრიპტანმა შეიძლება გაახანგრძლივოს სხვა სამკურნალო საშუალებების შეწოვა.

თავი შეიკავეთ ზოლმიტრიპტანის გამოყენებისგან 5-НТ_1В/1Dსხვა აგონისტებთან ერთად 24 საათის განმავლობაში, და პირიქით.

გამოყენების თავისებურებები

პრეპარატი მიიღება მხოლოდ იმ შემთხვევაში, როდესაც ზუსტად დადგენილია შაკიკის დიაგნოზი.

თავის ტკივილის მკურნალობის დაწყებამდე უნდა გამოირიცხოს სხვა ნევროლოგიური მდგომარეობები პაციენტებში, რომლებსაც ადრე არ აქვთ დასმული შაკიკის დიაგნოზი, ასევე თუ აღინიშნება ატიპიური სიმპტომები შაკიკის დადგენილი დიაგნოზით.

პრეპარატი არ გამოიყენება ჰემიპლეგიური, ბაზილარული და ოფთალმოპლეგიური შაკიკის დროს.

შესაძლებელია ინსულტის და სხვა ცერებროვასკულური დარღვევების განვითარება პაციენტებში, რომლებიც იღებენ 5-НТ_1В/1Dაგონისტებს. უნდა აღინიშნოს, რომ შაკიკის მქონე პაციენტებში მომატებულია ცერებროვასკულური დარღვევების რისკი.

ზოლმიგრენი არ უნდა დაინიშნოს პაციენტებში ვოლფ-პარკინსონ-უაითის სინდრომის სიმპტომებით ან არითმიებით, რაც დაკავშირებულია გულის სხვა დამატებით გამტარობის სისტემასთან.

ერთეულ შემთხვევებში, ისევე, როგორც 5-НТ_1В/1Dსხვა აგონისტების გამოყენებისას, შესაძლებელია კორონაროსპაზმი, სტენოკარდია და მიოკარდიუმის ინფარქტი. ზოლმიგრენი არ უნდა გამოიყენონ გულის იშემიური დაავადებების რისკ-ფაქტორების მქონე პაციენტებმა (მაგალითად, მოწევა, მომატებული არტერიული წნევა, ჰიპერლიპიდემია, შაქრიანი დიაბეტი, გენეტიკა) გულ-სისხლძარღვთა სისტემის მხრივ დაავადებების არსებობაზე გამოკვლევის წინასწარ ჩატარების გარეშე. განსაკუთრებით საყურადღებოა პოსტმენოპაუზის პერიოდში მყოფი ქალები და 40 წელს გადაცილებული მამაკაცები ასეთი რისკ-ფაქტორებით. თუმცა, გამოკვლევებით არ არის შესაძლებელი გულის დაავადებების მქონე თითოეული პაციენტის გამოვლენა, ამიტომ ცნობილია გულის სერიოზული მოვლენების ერთეული შემთხვევების შესახებ პაციენტებში, რომლებსაც ანამნეზში არ აქვთ გულ-სისხლძარღვთა დარღვევები.

როგორც 5-НТ_1В/1Dსხვა აგონისტების გამოყენებისას, ზოლმიტრიპტანის მიღების შემდეგ შეიძლება გამოვლინდეს სიმძიმის, ზეწოლის ან მოჭერის შეგრძნება გულის არეში. გულ-მკერდის არეში ტკივილის ან გულის იშემიური დაავადებისთვის დამახასიათებელი სიმპტომების გამოვლენის შემთხვევაში საჭიროა ზოლმიგრენის გამოყენების შეწყვეტა და პაციენტის გამოკვლევა.

როგორც 5-НТ_1В/1Dსხვა აგონისტების გამოყენებისას, შესაძლებელია არტერიული წნევის ტრანზიტორული მომატება პაციენტებში მომატებული არტერიული წნევით ანამნეზში, ასევე ნორმალური არტერიული წნევით. ძალიან იშვიათად არტერიული წნევის ასეთ მომატებას თან ახლდა სერიოზული კლინიკური გამოვლინებები. არ გადააჭარბოთ ზოლმიგრენის რეკომენდებულ დოზას.

ტრიპტანებისა და კრაზანას შემცველი მცენარეული პრეპარატების ერთდროულად გამოყენებისას გვერდითი რეაქციები შეიძლება გახშირდეს.

ცნობილია სეროტონინული სინდრომის გამოვლენის შესახებ (ფსიქიკური მდგომარეობის შეცვლის, ვეგეტატიური ლაბილურობის, ნერვ-კუნთოვანი ანომალიების ჩათვლით) ტრიპტანებისა და სეროტონინის უკუმიტაცების სელექციური ინჰიბიტორების (სუსი) ან სეროტონინისა და ნორადრენალინის უკუმიტაცების ინჰიბიტორების (სნუსი) ერთდროულად გამოყენებისას. ეს რეაქციები შეიძლება იყოს მძიმე. თუ ზოლმიტრიპტანის და სუსი-ს და სნუსი-ს ერთდროულად გამოყენება კლინიკურად მიზანშეწონილია, რეკომენდებულია პაციენტის შესაბამისი გამოკვლევის ჩატარება, განსაკუთრებით მკურნალობის დასაწყისში, დოზის გაზრდისას ან სხვა სეროტონინერგული საშუალების გამოყენებისას.

თავის ტკივილის სამკურნალოდ ნებისმიერი ტკივილგამაყუჩებელი საშუალების ხანგრძლივმა გამოყენებამ შეიძლება გააძლიეროს ტკივილი. ამ შემთხვევაში უნდა შეწყვიტოთ მკურნალობა და მიმართოთ ექიმს.

გადაჭარბებული მკურნალობით გამოწვეული თავის ტკივილის დიაგნოზი უნდა ვივარაუდოთ პაციენტებში ხშირი ან ყოველდღიური თავის ტკივილებით, რომლებიც არ მცირდება პრეპარატების რეგულარულად გამოყენების შედეგად.

პრეპარატი შეიცავს ლაქტოზას, ამიტომ პრეპარატი არ უნდა გამოიყენონ პაციენტებმა გალაქტოზის აუტანლობის იშვიათი გენეტიკური ფორმებით, ლაქტაზის უკმარისობით ან გლუკოზა-გალაქტოზის მალაბსორბციის სინდრომით.

გამოყენება ორსულობის ან ძუძუთი კვების პერიოდში

ორსულობა

ორსულობის პერიოდში ზოლმიტრიპტანის გამოყენების უსაფრთხოება დადგენილი არ არის. ცხოველებზე ჩატარებულმა კვლევებმა არ გამოავლინა პირდაპირი ტერატოგენული მოქმედება. თუმცა, ემბრიოტოქსიურობის კვლევების ზოგიერთი მონაცემი მიუთითებს ემბრიონის სიცოცხლისუნარიანობის დაქვეითებაზე. ორსულობის პერიოდში ზოლმიგრენის გამოყენება შეიძლება მხოლოდ იმ შემთხვევაში, თუ დედისათვის შესაძლო თერაპიული ეფექტი აღემატება პოტენციურ რისკს ნაყოფისთვის/ბავშვისთვის.

ძუძუთი კვება

კვლევებმა აჩვენა, რომ ზოლმიტრიპტანი გამოიყოფა მეძუძური ცხოველების ლაქტატში. ადამიანის დედის რძეში ზოლმიტრიპტანის გამოყოფის შესახებ მონაცემები არ არსებობს. ამიტომ, ძუძუთი კვების პერიოდში ქალებმა პრეპარატი სიფრთხილის ზომების დაცვით უნდა მიიღონ. ჩვილზე გავლენა უნდა იქნას შემცირებული მინიმუმამდე, ამისათვის ბავშვის ძუძუთი კვება საჭიროა პრეპარატის მიღებიდან სულ მცირე 24 საათის შემდეგ.

ზემოქმედება რეაქციის სისწრაფის უნარზე ავტოსატრანსპორტო საშუალებების ან სხვა მექანიზმების მართვისას

მცირე ჯგუფის ჯანმრთელი მოხალისეების მიერ პრეპარატის მიღებისას დოზით 20 მგ-მდე არ აღინიშნა მნიშვნელოვანი გავლენა ფსიქომოტორული ტესტების შედეგებზე.

მაგრამ სატრანსპორტო საშუალებების მძღოლები და ყურადღების მომატებულ კონცენტრაციასთან დაკავშირებული სამუშაოს შემსრულებელი პირები უნდა იყვნენ გაფრთხილებული, რომ შაკიკის შეტევის გამოვლენის შემთხვევაში შესაძლებელია ძილიანობის და სხვა სიმპტომების განვითარება.

გამოყენების წესი და დოზები

პრეპარატი არ ინიშნება შაკიკის შეტევის პროფილაქტიკის მიზნით. ზოლმიგრენის მიღება რეკომენდებულია შაკიკის შეტევის განვითარებიდან რაც შეიძლება სწრაფად.

მოზრდილებს დაენიშნოს თითო ტაბლეტი (2.5 მგ ზოლმიტრიპტანი). თუ არ აღინიშნება ეფექტი ან განვითარდება ტკივილის რეციდივი, შეიძლება 1 ტაბლეტის განმეორებით მიღება. თუ საჭიროა, განმეორებითი დოზის მიღება შეიძლება პირველი დოზის მიღებიდან სულ მცირე 2 საათის შემდეგ.

2.5 მგ დოზის არასაკმარისი ეფექტიანობის შემთხვევაში დასაშვებია ერთჯერადი დოზის გაზრდა 5 მგ-მდე (მაქსიმალური ერთჯერადი დოზა). მაქსიმალური სადღეღამისო დოზა შეადგენს 10 მგ-ს.

ღვიძლის ფუნქციის მსუბუქი და ზომიერი დარღვევების მქონე პაციენტებში დოზის კორექტირება საჭიროა არ არის. ღვიძლის ფუნქციის მძიმე დარღვევების მქონე პაციენტებში პრეპარატის სადღეღამისო დოზა არ უნდა აღემატებოდეს 5 მგ-ს.

>15 მლ/წთ კრეატინინის კლირენსის შემთხვევაში დოზის კორექტირება საჭირო არ არის.

არ გამოიყენება ხანდაზმულ პაციენტებში (65 წელზე უფროსი ასაკი).

ბავშვები

პრეპარატი არ გამოიყენება ბავშვების სამკურნალოდ.

დოზის გადაჭარბება

მოხალისეებში, რომლებიც ერთჯერადად იღებდნენ ზოლმიტრიპტანს დოზით 50 მგ, აღინიშნა სედაციური ეფექტი.

ზოლმიტრიპტანის ნახევარგამოყოფის პერიოდი შეადგენს 2,5-3 საათს, ამიტომ დოზის გადაჭარბების შემდეგ პაციენტზე დაკვირვება საჭიროა სულ მცირე 15 საათის  განმავლობაში ან სიმპტომების გაქრობამდე. სპეციფიკური ანტიდოტი არ არსებობს.

მძიმე ინტოქსიკაციის შემთხვევაში რეკომენდებულია ინტენსიური თერაპიის პროცედურები, მ.შ. სასუნთქი გზების გამტარობის, ადეკვატური ოქსიგენაციის და ვენტილაციის უზრუნველყოფა, გულ-სისხლძარღვთა სისტემის ფუნქციის მონიტორინგი და შენარჩუნება.

ცნობილი არ არის, როგორ გავლენას ახდენს ჰემოდიალიზი და პეროტონული დიალიზი სისხლის შრატში ზოლმიტრიპტანის კონცენტრაციაზე.

გვერდითი რეაქციები

ჩვეულებრივ, გვერდით რეაქციები მსუბუქი ხასიათისაა, როგორც წესი, გარდამავალია, ვლინდება პრეპარატის მიღებიდან 4 საათის განმავლობაში, მათი გახშირება არ აღინიშნება განმეორებითი მიღების შემდეგ და სპონტანურად ქრება დამატებითი მკურნალობის გარეშე.

იმუნური სისტემის მხრივ: ჰიპერმგრძნობელობის რეაქციები, ჭინჭრის ციების, ანგიონევროზული შეშუპების და ანაფილაქსიური რეაქციების ჩათვლით.

გულის მხრივ: გულისცემის შეგრძნება, ტაქიკარდია, მიოკარდიუმის ინფარქტი, სტენოკარდია, კორონაროსპაზმი.

სისხლძარღვების მხრივ: არტერიული წნევის უმნიშვნელო მომატება,  არტერიული წნევის დროებით მომატება.

ნერვული სისტემის მხრივ: მგრძნობელობის დარღვევა, თავბრუსხვევა, თავის ტკივილი, ჰიპერესთეზია, პარესთეზია, ძილიანობა, სიცხის შეგრძნება.

კუჭ-ნაწლავის ტრაქტის მხრივ: მუცლის ტკივილი, გულისრევა, ღებინება, სიმშრალე პირის ღრუში, დისფაგია, იშემია ან ინფარქტი (მაგალითად, ინტესტინალური იშემია, ინტესტინალური ინფარქტი, ელენთის ინფარქტი), რაც შეიძლება გამოვლინდეს სისხლიანი დიარეის ან მუცლის არეში ტკივილის სახით.

თირკმელების და საშარდე სისტემის მხრივ: პოლიურია, შარდვის გახშირება, შარდვის იმპერატიული მოთხოვნილება.

ძვალ-კუნთოვანი სისტემის და შემაერთებელი ქსოვილის მხრივ: კუნთების სისუსტე, კუნთების ტკივილი.

ზოგადი დარღვევები: ასთენია, ყელში, კისერში, გულ-მკერდის არეში და კიდურებში სიმძიმის, მოჭერის, ტკივილის ან ზეწოლის შეგრძნება.

ზოგიერთი სიმპტომი შეიძლება ეკუთვნოდეს თავად შაკიკს.

ვარგისობის ვადა.  3 წელი.

პრეპარატი არ გამოიყენოთ შეფუთვაზე მითითებული ვარგისობის ვადის გასვლის შემდეგ.

შენახვის პირობები

შეინახეთ ორიგინალ შეფუთვაში, არაუმეტეს 25°С ტემპერატურაზე.

შეინახეთ ბავშვებისთვის მიუწვდომელ ადგილზე.

შეფუთვა

2 ტაბლეტი ბლისტერში. თითო ბლისტერი კოლოფში.

გაცემის კატეგორია.

ფარმაცევტული პროდუქტის ჯგუფი II, გაიცემა ფორმა N3 რეცეპტით.

მწარმოებელი. სს “ფარმაკი“.

მწარმოებლის ადგილმდებარეობა და საქმიანობის განხორციელების მისამართი.

უკრაინა, 04080, ქ. კიევი, კირილოვსკაიას ქუჩა 74.