ვანკასტი-ODS 10მგ#5ფირფ

0.00 ლარი

ფარმაკოლოგიური ჯგუფი: ბრონქოლიზური პრეპარატები

ქვეყანა:

მწარმოებელი:

ჯენერიკი - შეადარეთ ანალოგები: მონტელუკასტ ნატრიუმი

გაცემის ფორმა: II ჯგუფი რეცეპტული

კოდი: 89281

გააზიარე:

შეუკვეთე

პროდუქტი გაყიდვაში არ არის.

ანოტაცია
სად შევიძინო

ვანკასტი - ODS 10

მონტელუკასტი ორალური

დეზინტეგრირებადი სტრიპი 10 მგ

სავაჭრო დასახელება

ვანკასტი - ODS 10

საერთაშორისო არადაპატენტებული დასახელება

ნატრიუმის მონტელუკასტი

ფარმაცევტული ფორმა

ორალური დეზინტეგრირებადი სტრიპი

შემადგენლობა

ყოველი ორალური დეზინტეგრირებადი სტრიპი შეიცავს:

ნატრიუმის მონტელუკასტი BP

10 მგ მონტელუკასტის ექვივალენტური

ფარმაკოთერაპიული ჯგუფი:

ფარმაკოთერაპიული ჯგუფი: ლეიკოტრეინების რეცეპტორების ანტაგონისტი.

ათქ კოდი: R03DC03

ფარმაკოლოგიური მახასიათებლები

ფარმაკოდინამიკა

ცისტეინილის ლეიკოტრეინები (LTC₄, LTD₄, LTE₄), არის ანთების ძლიერი ელკოზანოიდები, რომლებიც გამოიყოფა სხვადასხვა უჯრედებიდან ღეროვანი უჯრედების და ეოზინოფილების ჩათვლით. ეს მნიშვნელოვანი პრო-ასთმური მედიატორები უკავშირდება ცისტეინილ ლეიკოტრეინის (CysLT) რეცეპტორებს. Cys-LT 1 ტიპის რეცეპტორები (Cys-LT 1) არის ადამიანის სასუნთქ გზებში (სასუნთქი გზების გლუვი კუნთების უჯრედების და მაკროფაგების ჩათვლით) და სხვა პრო-ინფლამაციურ უჯრედებში (ეოზინოფილების და ზოგიერთი მიელოიდური ღეროვანი უჯრედების ჩათვლით). CysLT კორელირებს ასთმის და ალერგიული რინიტის პათფიზიოლოგიასთან. ასთმის დროს ლეიკოტრეინებით მედიატირებული ეფექტები მოიცავს ბრონქოკონსტრიქციას, ლორწოს სეკრეციას, სისხლძარღვთა განვლადობას და ეოზინოფილების ახალწარმოქმნას. ალერგიული რინიტის დროს CysLT ცხვირის ლორწოვანიდან გამოიყოფა ალერგენის ექსპოზიციის შემდეგ ადრეული და გვიანი რეაქციების დროს და ასოცირებულია ალერგიული რინიტის სიმპტომებთან. ცხვირში CysLT –ს მომრავლება ზრდის ნაზალური გზების რეზისტენტობას და ნაზალური ობსტრუქციის სიმპტომებს.

მონტელუკასტი არის ორალურად აქტიური შენაერთი, რომელიც მაღალი აფინობით და სელექციურად უკავშირდება CysLT1 რეცეპტორს. კლინიკურ კვლევებში მონტელუკასტი აინჰიბირებს ბრონქოკონსტრიქციას ინჰალირებული LTD4-ის გამო 5მგ დოზის გამოყენებისას. ბრონქოდილატაცია აღინიშნა ორალური მიღებიდან 2 საათის შემდეგ. ბეტა აგონისტებით გამოწვეული ბრონქოდილატაციური ეფექტი დაემატა მონტელუკასტით გამოწვეულს. მონტელუკასტით მკურნალობა აინჰიბირებდა ბრონქოკონსტრიქციის ადრეულ და გვიან ფაზას, რაც გამოწვეული იყო ანტიგენებით. მონტელუკასტი პლაცებოსთან შედარებით აქვეითებდა პერიფერიულ სისხლში ეოზინოფილებს მოზრდილებში და პედიატრული ასაკის პაციენტებში. ცალკეულ კვლევაში მონტელუკასტით მკურნალობა მნიშვნელოვნად აქვეითებდა ეოზინოფილებს სასუნთქ გზებში (როგორც განისაზღვრა ნერწყვში) და პერიფერიულ სისხლში კლინიკური ასთმის კონტროლის გაუმჯობესებით.

ფარმაკოკინეტიკა

აბსორბცია: მონტელუკასტი სწრაფად შეიწოვება ორალური მიღების შემდეგ. 10 მგ მონტელუკასტისთვის პლაზმაში კონცენტრაციის საშუალო პიკი (Cmax) მიიღწევა 3 საათის შემდეგ (Tmax) მოზრდილებში უზმოდ მიღების შემდეგ. საშუალო ორალური ბიოშეღწევადობა შეადგენს 64%-ს. ორალურ ბიოშეღწევადობაზე და Cmax-ზე არ მოქმედებს სტანდარტული საკვები.

განაწილება: მონტელუკასტი 99%-ით უკავშირდება პლაზმის ცილებს. მყარ მდგომარეობაში მონტელუკასტის განაწილების მოცულობა საშუალოდ 8-11 ლიტრს შეადგენს. ვირთაგვებში რადიოდანიშნული მონტელუკასტით ჩატარებული კვლევები აჩვენებს მინიმალურ განაწილებას ჰემატოენცეფალურ ბარიერში. დამატებითი დოზირების შემდეგ 24 საათის განმავლობაში რადიოდანიშნული მასალის კონცენტრაცია მინიმალური იყო ყველა ქსოვილში.

ბიოტრანსფორმაცია: მონტელუკასტი ექსტენსიურად მეტაბოლიზდება. თერაპიული დოზების კვლევებში მონტელუკასტის კონცენტრაცია განუსაზღვრელია მყარ მდგომარეობაში, მოზრდილებში და ბავშვებში.

ციტოქრომ P450 2C8 არის ძირითადი ენზიმი მონტელუკასტის მეტაბოლიზმში. დამატებით მცირედ შეიძლება იმოქმედოს CYP3A4-მა და 2C9-მ, თუმცა იტრაკონაზოლი (CYP3A4-ის ინჰიბიტორი) არ ცვლიდა მონტელუკასტის ფარმაკოკინეტიკურ ცვლადებს ჯანმრთელ სუბიექტებში, რომლებიც იღებდნენ დღეში 10 მგ მონტელუკასტს. ადამიანის ღვიძლის მიკროსომებში in vitro შედეგების საფუძველზე პლაზმაში მონტელუკასტის თერაპიული კონცენტრაცია არ აინჰიბირებს ციტოქრომ P450 3A4, 2C9, 1A2, 2A6, 2C19, 2D6-ს. მონტელუკასტის თერაპიულ ეფექტში მეტაბოლიტების წვლილი მინიმალურია.

ელიმინაცია: პლაზმაში მონტელუკასტის კლირენსი საშუალოდ 45 მლ/წთ-ს შეადგენს ჯანმრთელ მოზრდილებში. რადიოდანიშნული მონტელუკასტის ორალური დოზის მიღების შემდეგ რადიოაქტივობის 86% აღდგენილი იყო 5 დღის შემდეგ შეგროვილ ფეკალურ მასებში და <0.2% ისაზღვრებოდა შარდში. მონტელუკასტის ორალურ ბიოშეღწევადობასთან ერთად ეს მიუთითებს, რომ მონტელუკასტი და მისი მეტაბოლიტები თითქმის ექსკლუზიურად გამოიყოფა ნაღვლით.

თერაპიული ჩვენება

მონტელუკასტი 10 მგ დეზინტეგრირებადი ორალური სტრიპი ნაჩვენებია მთელი წლის განმავლობაში მიმდინარე ალერგიული რინიტის მოხსნისთვის მოზრდილებში და 6 თვემდე ასაკის პედიატრულ პაციენტებში.

დოზირება და მიღების წესი

მოზრდილების და 15 წელზე უფროსი ასაკის მოზარდებისთვის, რომლებსაც აღენიშნებათ ასთმა ან ასთმასთან ერთად სეზონური ალერგიული რინიტი. შეადგენს 10მგ დიზინტეგრაციულ ორალურ სტრიპს დღეში საღამოს.

ზოგადი რეკომენდაციები:

მონტელუკასტის 10 მგ ორალური დეზინტეგრირებადი სტრიპის თერაპიული ეფექტი ასთმის კონტროლის პარამეტრებზე ვითარდება ერთი დღის განმავლობაში. მონტელუკასტის 10 მგ ორალური დეზინტეგრირებადი სტრიპის მიღება შეიძლება საკვებთან ერთად ან მის გარეშე. პაციენტებს უნდა ურჩიონ მონტელუკასტის ორალური დეზინტეგრირებადი 10 მგ სტრიპის მიღება გააგრძელონ ასთმის კონტროლის და მისი გაუარესების დროსაც. მონტელუკასტის 10 მგ ორალური დეზინტეგრირებადი სტრიპი არ უნდა გამოიყენონ იგივე აქტიური ინგრედიენტის-მონტელუკასტის შემცველ სხვა პრეპარატებთან ერთად.

დოზის ცვლილება აუცილებელი არ არის ხანდაზმულებში, თირკმლის უკმარისობით დაავადებულ და ღვიძლის მსუბუქი და საშუალო უკმარისობით დაავადებულ პირებში. არ არსებობს ღვიძლის მძიმე უკმარისობით დაავადებული პაციენტების მონაცემები. დოზირება ერთნაირია ქალებში და მამაკაცებში.

მიღების წესი:

ენაზე მოთავსება, გახსნა და ორალურად გადაყლაპვა.

უკუჩვენება

მომატებული მგრძნობელობა ნატრიუმის მონტელუკასტის ან ფორმულაში გამოყენებული სხვა შემავსებლების მიმართ.

განსაკუთრებული გაფრთხილებები და უსაფრთხოების ზომები გამოყენებისთვის

პაციენტებს უნდა ურჩიონ ორალური მონტელუკასტი არასდროს არ გამოიყენონ ასთმის მწვავე შეტევების დროს და ამ მოვლენისთვის გამოიყენონ მათი ჩვეული მედიკამენტი. მწვავე შეტევის შემთხვევაში უნდა გამოიყენონ ხანმოკლე მოქმედების საინჰალაციო ბეტა-აგონისტები. თუ პაციენტებს ჭირდებათ ჩვეულებრივზე მეტი ხანმოკლე მოქმედების საინჰალაციო ბეტა-აგონისტები, მათ რაც შეიძლება მალე უნდა მიმართონ ექიმს.
მონტელუკასტმა სწრაფად არ უნდა ჩაანაცვლოს საინჰალაციო ან ორალური კორტიკოსტეროიდები.
არ არსებობს მონაცემები, რომლებიც აჩვენებს, რომ მონტელუკასტის გამოყენებისას შეიძლება ორალური კორტიკოსტეროიდების დოზის შემცირება.
იშვიათ შემთხვეებში პაციენტებს, რომლებიც იტარებენ ასთმის საწინააღმდეგო აგენტებით თერაპიას მონტელუკასტის ჩათვლით, შეიძლება აღენიშნებოდეთ სისტემური ეოზინოფილია, რომელიც ზოგჯერ ვლინდება ვასკულიტის კლინიკური ნიშნებით, რაც შეესაბამება ჩარგ-შტრაუსის სინდრომს, მდგომარეობას, რომელსაც ხშირად მკურნალობენ სისტემური კორტიკოსტეროიდებით. ეს შემთხვევები ზოგჯერ დაკავშირებული იყო ორალური კორტიკოსტეროიდებით თერაპიის შეწყვეტასთან ან შემცირებასთან. მიუხედავად იმისა, რომ დადგენილი არ არის მიზეზობრივი კავშირი ლეიკოტრეინების რეცეპტორების ანტაგონიზმთან, ექიმებმა ყურადღება უნდა მიაქციონ ეოზინოფილიას, ვასკულიტურ გამონაყარს, ფილტვის სიმპტომების გაუარესებას, გულის გართულებებს და/ან მათ მშობლებში ნეიროპათიის არსებობას. საჭიროა იმ პაციენტების ხელახლა შეფასება, რომლებსაც ეს სიმპტომები უვითარდებათ და საჭიროა მათი მკურნალობის ხელახლა შეფასება.
მონტელუკასტით მკურნალობა გავლენას არ ახდენს ასპირინ-სენსიტიური ასთმით დაავადებულ პაციენტებში ასპირინის და სხვა ანთებისსაწინააღმდეგო არასტეროიდული პრეპარატების საჭიროებაზე.

ურთიერთქმედება სხვა სამედიცინო პროდუქტებთან და ურთიერთქმედების სხვა ფორმები:

წამალთაშორისი ურთიერთქმედების კვლევებში მონტელუკასტის რეკომენდებულ კლინიკურ დოზას კლინიკურად მნიშვნელოვანი ეფექტი არ ქონდა შემდეგი სამედიცინო პროდუქტების ფარმაკოკინეტიკაზე: თეოფილინი, პრედნიზონი, პრედნიზოლონი, ორალური კონტრაცეპტივები (ეთინილ ესტრადიოლი/ნორეტინდრონი 35/1), ტერფენადინი, დიგოქსინი და ვარფარინი.
მონტელუკასტი მეტაბოლიზდება CYP3A4, 2C8, 2C9-თი, საჭიროა სიფრთხილე, განსაკუთრებით ბავშვებში, როდესაც მონტელუკასტი გამოიყენება CYP3A4, 2C8, 2C9 ინდუქტორებთან ერთად, როგორიცაა ფენიტოინი, ფენობარბიტალი და რიფამპიცინი.
In vitro კვლევებმა აჩვენა, რომ მონტელუკასტი არის CYP2C8 –ს ძლიერი ინჰიბიტორი. თუმცა წამალთაშორისი ურთიერთქმედების კლინიკურმა კვლევამ, რომელშიც გამოიყენებოდა მონტელუკასტი და როზიგლიტაზონი (საცდელი სუბსტრატი, რომელიც წარმოადგენს იმ სამედიცინო პროდუქტებს, რომლებიც ძირითადად CYP2C8-თი მეტაბოლიზდება), აჩვენა, რომ მონტელუკასტი არ აინჰიბირებს CYP2C8-ს in vivo. აქედან გამომდინარე მიჩნეული არ არის, რომ მონტელუკასტი მოქმედებს ამ ენზიმით მეტაბოლიზებული მედიკამენტების მეტაბოლიზმზე (მაგ. პაკლიტაქსელი, როზიგლიტაზონი და რეპაგლინიდი).
In vitro კვლევებმა აჩვენა რომ მონტლუკასტი არის CYP2C8 –ს სუბსტრატი და ნაკლებად მნიშვნელოვნად 2C9, 3A4-ის. წამალთაშორისი კლინიკური ურთიერთქმედების კვლევაში, რომელშიც ჩართული იყო მონტელუკასტი და გემფიბროლიზი (CYP2C8 და 2C9-ს ინჰიბიტორი), გემფიბროზილი ზრდიდა მონტელუკასტის სისტემურ ექსპოზიციას 4.4 პუნქტით. მონტელუკასტის რუტინული დოზირების ცვლილება საჭირო არ არის გემფიბროზილთან და CYP2C8 –ს სხვა ძლიერ ინჰიბიტორებთან ერთად მიღებისას, მაგრამ ექიმმა სიფრთხილე უნდა გამოიჩინოს გვერდითი ეფექტების გაზრდილი რისკის გამო.
In vitro მონაცემების საფუძველზე მოსალოდნელი არ არის CYP2C8 –ს ნაკლებად ძლიერ ინჰიბიტორებთან (მაგ. ტრიმეტოპრიმი) კლინიკურად მნიშვნელოვანი წამალთაშორისი ურთიერთქმედება. მონტელუკასტის და იტრაკონაზოლის-CYP3A4 ძლიერი ინჰიბიტორის ერთად გამოყენებამ არ გამოიწვია მონტელუკასტის სისტემური ექსპოზიციის კლინიკურად მნიშვნელოვანი ზრდა.

ფერტილობა და ორსულობა:

ორსულობა: ცხოველების კვლევებმა არ გამოავლინა დამაზიანებელი ეფექტები ორსულობის და ემბრიონის/ნაყოფის განვითარებაზე ეფექტების ჩათვლით. ორსულობში შეზღუდული მონაცემები არ მიუთითებს 10 მგ მონტელუკასტს და მალფორმაციებს შორის მიზეზობრივ კავშირზე (მაგ. კიდურების დეფექტები), რომლებიც იშვიათად არის აღწერილი. ორსულობის დროს 10 მგ მონტელუკასტის გამოყენება უნდა მოხდეს მხოლოდ უკიდურესი აუცილებლბისას.

ძუძუთი კვება: უცნობია გამოიყოფა თუ არა მონტელუკასტი ლაქტატში. ვირთაგვების კვლევვებმა აჩვენა, რომ მონტელუკასტი გამოიყოფა ლაქტატში. ძუძუთი კვების დროს 10 მგ მონტელუაკსტის გამოყენება შეიძლება მხოლოდ უკიდურესი აუცილებლობისას.

გავლენა ავტომობილის მართვის და მექანიზმების გამოყენების უნარზე:

მოსალოდნელი არ არის მონტელუკასტის გავლება პაციენტის მიერ ავტომობილის მართვის ან მექანიზმების გამოყენების უნარზე. თუმცა ძალიან იშვიათ შემთხვევებში ინდივიდუალურად აღწერილია ძილიანობა ან თავბრუსხვევა.

არასასურველი ეფექტები:

სიხშირე განსაზღვრულია შემდეგნაირად: ძალიან ხშირი ≥1/10, ხშირი ≥1/100-<1/10, ნაკლებად ხშირი ≥1/1,000-<1/100, იშვიათი ≥1/10,000 და <1/1,000, ძალიან იშვიათი <1/10,000. უცნობია (შეფასება შეუძლებელია არსებული მონაცემების მიხედვით).

ძალიან ხშირი: ზემო რესპირატორული ინფექციები.

ხშირი: დიარეა, გულისრევა, ღებინება, შრატში ტრანსამინაზების მომატება (ალტ, ასტ), გამონაყარი, პირექსია.

ნაკლებად ხშირი: მომატებული მგრძნობელობის რეაქციები, ანაფილაქსიის ჩათვლით, ძილის დარღვევები კოშმარების, უძილობის, ძილიანობის ჩათვლით, გაღიზიანება, შფოთვა, მოუსვენრობა, აჟიტირება, აგრესიული ქცევის ან მტრობის ჩათვლით, დეპრესია, ფსიქომოტორული ჰიპერაქტიურობა (გაღიზიანების, მოუსვენრობის, ტრემორის ჩათვლით), თავბრუსხვევა, ძილიანობა, პარესთეზია/ჰიპოესთეზია, კრუნჩხვები, ეპისტაქსისი, პირის სიმშრალე, დისპეფსია, სისხლჩაქცევა, ურტიკარია, ქავილი, ართრალგია, მიალგია კუნთების კრამპების ჩათვლით, ასთენია/დაღლილობა, სისუსტე, შეშუპება.

იშვიათი: სისხლდენის მომატებული ტენდენცია, ყურადღების დარღვევები, მეხსიერების დაზიანება, პალპიტაცია, ანგიოედემა.

ძალიან იშვიათი: ჰალუცინაციები, დიზორიენტაცია, სუიციდური აზრები და ქცევა. ჩარგ-შტრაუსის სინდრომი (CSS). ფილტვის ეოზინოფილია, ჰეპატიტი, კვანძოვანი ერითემა, მრავალფორმული ერითემა.

ჭარბი დოზირება

ქრონიკული ასთმის კვლევებში მონტელუკასტი გამოიყენებოდა 200 მგ/დღეში დოზებამდე 22 კვირის განმავლობაში, ხანმოკლე კვლევებში დღეში 900 მგ-მდე დაახლოებით ერთი კვირის განმავლობაში კლინიკურად მნიშვნელოვანი გვერდითი ეფექტების გარეშე.

მონტელუკასტის პოსტ-მარკეტინგული გამოყენებისას და კლინიკურ კვლევებში აღწერილია დოზის გადაჭარბების მწვავე შემთხვევები. ეს მოიცავს ანგარიშებს მოზრდილებში და ბავშვებში 1000 მგ-მდე დოზით (დაახლოებით 61 მგ/კგ 42 თვის ბავშვში). კლინიკური და ლაბორატორიული აღმოჩენები შეთავსებადი იყო მოზრდილების და პედიატრული ასაკის პაციენტების უსაფრთხოების პროფილთან.

ჭარბი დოზირების სიმპტომები: ჭარბი დოზირებისას უმრავლეს შემთხვევებში აღწერილი არ არის გვერდითი მოველენები. ყველაზე ხშირად განვითარებული გვერდითი მოვლენები შეთავსებადი იყო მონტელუკასტის უსაფრთხოების პროფილთან და მოიცავდა მუცლის ტკივილს, ძილიანობას, წყურვილს, თავის ტკივილს, ღებინებას და ფსიქომოტორულ ჰიპერაქტიურობას.

ჭარბი დოზირების მენეჯმენტი: მონტელუკასტის ჭარბი დოზირების მკურნალობისთვის არ არსებობს სპეციფიური ინფორმაცია. უცნობია გამოიყოფა თუ არა მონტელუკასტი პერიტონეალურად ან ჰემოდიალიზით.

კლინიკამდელი უსაფრთხოების მონაცემები:

ცხოველების ტოქსიურობის კვლევებში აღინიშნა შრატში ალტ-ს, გლუკოზის, ფოსფორის და ტრიგლიცერიდების მცირე ბიოქიმიური ცვლლებები, რომლებიც იყო ტრანზიტორული ხასიათის. ცხოველებში ტოქსიურობის ნიშნებს წარმოადგენდა მომატებული სალივაცია, გასტრო-ინტესტინალური სიმპტომები, თხიერი განავალი და იონების დისბალანსი. ეს მოვლენები ვითარდებოდა დოზისას, რომელიც >17-ჯერ აღემატებოდა კლინიკური დოზირების დროს აღნიშნულ სისტემურ ექსპოზიციას. მაიმუნებში გვერდითი რეაქციები ვითარდებოდა 150 მგ/კგ/დღეში დოზის გამოყენებისას. ცხოველების კვლევებში მონტელუკასტმა არ იმოქმედა ფერტილობაზე და რეპროდუქციის უნარზე სისტემური ექსპოზიციისას, რომელიც კლინიკურ ექსპოზიციას 24-ზე მეტი პუნქტით აჭარბებდა. ვირთაგვებში მდედრების ფერტილობის კვლევისას 200 მგ/კგ/დღეში გამოყენებისას აღინიშნა შთამომავლობის წონის მცირედ დაქვეითება. კურდღლების კვლევებში აღინიშნა საკონტროლო ჯგუფის ცხოველებთან შედარებით არასრული ოსიფიკაციის მომატებული სიხშირე კლინიკურ დოზაზე >24 პუნქტით მეტი დოზის გამოყენებისას. ვირთაგვებში ანომალიები არ აღინიშნა. მონტელუკასტი გადის პლაცენტურ ბარიერს და გამოიყოფა ცხოველების ლაქტატში.

სიკვდილი არ აღინიშნა თაგვებში და ვირთაგვებში 5000 მგ/კგ-მდე ნატრიუმის მონტელუკასტის ორალური მიღების შემდეგ (15,000 მგ/მ2 და 30,000 მგ/მ2). დოზა არის მოზრდილი ადამიანის რეკომენდებულ სადღეღამისო დოზაზე 25,000-ჯერ მეტი (მოზრდილი 50 კგ წონის პაციენტის საფუძველზე).

მონტელუკასტმა არ გამოავლინა ფოტოტოქსიურობა თაგვებში UVA, UVB ან სინათლის ხილული სპექტრის გამოყენებისას დღეში 500 მგ/კგ დოზისას (სისტემურ ექსპოზიციაზე დაყრდნობით დაახლოებით >200 ჯერ).

მღრღნელების In vitro და In vivo ტესტებში მონტელუკასტი არ იყო მუტაგენური და ტუმეროგენური.

შეუთავსებლობა

უცნობია

გამოშვების ფორმა და შეფუთვა

5 x 1 სტრიპი.

შენახვის ვადა

3 წელი

განსაკუთრებული უსაფრთხოების ზომები შენახვისთვის

ინახება არაუმეტეს 25°C ტემპერატურაზე, სინათლისგან და ნესტისგან დაცულ ადგილას.

აფთიაქიდან გაცემის წესი:

ფარმაცევტული პროდუქტის ჯგუფი - II ჯგუფი, გაიცემა ფორმა №3 რეცეპტით

წარმოებულია