მედოტილინი 400მგ #14კაფს

58.25 ლარი

ფარმაკოლოგიური ჯგუფი: ნოოტროპები (ნეირომეტაბოლური სტიმულატორები)

ქვეყანა: თურქეთი

მწარმოებელი: ვორდ მედიცინ ილაჩ სან

ჯენერიკი - შეადარეთ ანალოგები: ქოლინის ალფოსცერატი

გაცემის ფორმა: II ჯგუფი რეცეპტული

კოდი: 87993

გააზიარე:

შეუკვეთე

ანოტაცია
სად შევიძინო

მედოტილინი

სავაჭრო დასახელება

მედოტილინი, Medotilin.

საერთაშორისო არაპატენტირებული დასახელება

ქოლინის ალფოსცერატი, Choline alfoscerate.

შემადგენლობა

კაფსულა შეიცავს

აქტიური ნივთიერება: ქოლინის ალფოსცერატი(L-ალფა-გლიცეროფოსფორილქოლინის ფორმით (85% ზეთოვანი ხსნარი)) 400 მგ.

დამხმარე ნივთიერებები: გლიცერინი, გასუფთავებული წყალი;

კაფსულა: ჟელატინი, თხევადი სორბიტოლი, ნაწილობრივ დეჰიდრატირებული, ტიტანის დიოქსიდი, ნატრიუმის ეთილპარაჰიდროქსიბენზოატი, ნატრიუმის პროპილპარაჰიდროქსიბენზოატი, რკინის ყვითელი ოქსიდი.

წამლის ფორმა

კაფსულები.

აღწერილობა:რბილი ჟელატინის კაფსულები, ოვალური ფორმის, გაუმჭვირვალე, მოყავისფრო-მოყვითალო ფერის, ბლანტი უფერო გამჭვირვალე სითხის შემცველობით.

გამოყენების ჩვენებები

ტვინის დეგენერაციულ-ინვოლუციური ფსიქოორგანული სინდრომები ან მეორადი ცერებროვასკულური უკმარისობის შედეგები, როგორიცაა პირველადი ან მეორადი კოგნიტური დარღვევები ხანდაზმული ასაკის პირებში, რომლებსაც ახასიათებს მეხსიერების დარღვევები, ცნობიერების არევა და დეზორიენტაცია, მოტივაციის და ინიციატივის, ასევე ყურადღების კონცენტრაციის უნარის დაქვეითება.

ემოციური და ქცევითი სახის ცვლილებები ხანდაზმული ასაკის პირებში: ემოციური არასტაბილურობა, გაღიზიანებადობა, გარემოს მიმართ ინტერესის დაქვეითება, მოხუცებულთა ფსევდომელანქოლია.

გამოყენების წესი და დოზები

მედოტილინი მიიღება შიგნით 1 კაფსულა 2-3-ჯერ დღე-ღამეში.

სადღეღამისო დოზა შეიძლება გაიზაროდის ექიმის შეხედულების მიხედვით.

ბავშვები

ქოლინის ალფოსცერატის გამოყენების ეფექტურობა და უსაფრთხოება 18 წლამდე ასაკის ბავშვებში დადგენილი არ არის.

უკუჩვენებები

- მომატებული მგრძნობელობა პრეპარატის აქტიური ნივთიერების ან ნებისმიერი დამხმარე კომპონენტის მიმართ;

- ორსულობა.

განსაკუთრებული გაფრთხილებები და სიფრთხილის ზომები გამოყენებისას

პრეპარატის გამოყენებისას განსაკუთრებული სიფრთხილის ზომები არ არსებობს.

დამხმარე ნივთიერებები

პრეპარატის ერთი კაფსულა შეიცავს 1 მმოლზე (23 მგ) ნაკლებ ნატრიუმს, ანუ პრაქტიკულად არ შეიცავს ნატრიუმს.

პრეპარატი ერთ კაფსულაზე გადაანგარიშებით შეიცავს 51,051 მგ ნაწილობრივ დეჰიდროგენიზებულ თხევად სორბიტოლს. მხედველობაში უნდა იქნას მიღებული ადიტიური ეფექტი სორბიტოლის (ან ფრუქტოზას) შემცველი პროდუქტების ერთდროული გამოყენებისას ან საკვებით სორბიტოლის (ან ფრუქტოზას) გამოყენებისას.

სორბიტოლმა შეიძლება უარყოფითად იმოქმედოს სხვა ერთდროულად გამოყენებადი შეგნით მისაღები პრეპარატების ბიოშეღწევადობაზე.

პრეპარატი შეიცავს ნატრიუმის ეთილპარაჰიდროქსიბენზოატს და ნატრიუმის პროპილპარაჰიდროქსიბენზოატს, რომელთაგან თითოეულმა შეიძლება გამოიწვიოს ალერგიული რეაქციები (მათ შორის დაყოვნებული ტიპის).

შეუთავსებლობა

არ არის ცნობილი.

ურთიერთქმედება სხვა სამკურნალო საშუალებებთან და ურთიერთქმედების სხვა ფორმები

სხვა სამკურნალო საშუალებებთან ურთიერთქმედების შესახებ მონაცემები არ არსებობს.

ორსულობა და ლაქტაცია

პრეპარატის გამოყენება უკუნაჩვენებია ორსულობის დროს. თუმცა, სპეციალურმა კვლევებმა აჩვენა ტერატოგენული და ემბრიოტოქსიური ეფექტების არარსებობა.

არ არის რეკომენდებული პრეპარატის გამოყენება ლაქტაციის პერიოდში საკმარისი რაოდენობის მონაცემების არარსებობის გამო.

ზემოქმედება ავტოტრანსპორტის და მექანიზმების მართვის უნარზე

მედოტილინი არ ახდენს გავლენას ავტომობილის მართვის და პოტენციურად სახიფათო სამუშაოების შესრულების უნარზე.

არასასურველი რეაქციები

ქოლინის ალფოსცერატი, როგორც ბიოლოგიური კომპონენტების წინამორბედი, ჩვეულებრივ, არ იწვევს ამტანობის მხრივ პრობლემებს, ხანგრძლივი გამოყენების შემთხვევაშიც კი.

შესაძლებელია გულისრევის განვითარება (რაც, სავარაუდოდ, ხდება მეორადი დოფამინერგული აქტივაციის ფონზე), რის გამოც შეიძლება საჭირო გახდეს დოზის შემცირება.

შეტყობინებები საეჭვო არასასურველი რეაქციების შესახებ

სამკურნალო საშუალების რეგისტრაციის შემდეგ შეტყობინებები საეჭვო არასასურველი რეაქციების შესახებ მნიშვნელოვანია. თუ პაციენტს გამოუვლინდა სერიოზული არასასურველი რეაქცია სამკურნალო საშუალებაზე ან ახალი არასასურველი რეაქციის აღნიშვნის შემთხვევაში, რომელიც არ არის აღწერილი მოცემულ ნაწილში, გთხოვთ, მოახდინოთ ინფორმირება ფარმაკოზედამხედველობის ეროვნული სისტემის შესაბამისად.

ჭარბი დოზირება

ჭარბი დოზირების სიმპტომები მსგავსია არასასურველი რეაქციებისა. ჭარბ დოზირებაზე ეჭვის არსებობისას პრეპარატის დოზა უნდა შემცირდეს.

ფარმაკოლოგიური თვისებები

ფარმაკოდინამიკური თვისებები

ფარმაკოთერაპიული ჯგუფი:ნერვულ სისტემაზე მოქმედი სხვა საშუალებები, გარდა სიმპათომიმეტურებისა.

ათქ კოდი: N07AX02.

ქოლინის ალფოსცერატი არის ქოლინის ტრასპორტერი და ფოსფატიდილქოლინის პრეკურსორი; გააჩნია პროფილაქტიკური და აღმდგენი მოქმედების უნარი ინვოლუციური ფსიქოორგანული სინდრომის მნიშვნელოვან პათოგენეზურ ფაქტორებად მიჩნეულ ბიოქიმიურ დაზიანებებზე, კერძოდ, ქოლინერგული აქტივობის შემცირებაზე და ნეირომემბრანების ფოსფოლიპიდური შემადგენლობის ცვლილებაზე.

ქოლინის ალფოსცერატის ქიმიური სტრუქტურა (შეიცავს 40,5% ქოლინს) და მასთან დაკავშირებული ქიმიურ-ფიზიკური თვისებები უზრუნველყოფს აქტიური ნივთიერების მნიშვნელოვან მარაგს და ტვინის ქსოვილის მეტაბოლურ დაცვას.

პრეკლინიკური ფარმაკოლოგიის ექსპერიმენტული კვლევების და კლინიკური კვლევების მონაცემების ანალიზმა დაადასტურა ქოლინის ალფოსცერატის სასარგებლო გავლენა კოგნიტურ ფუნქციებზე, მეხსიერების ფუნქციაზე, ასევე ემოციური მდგომარეობისა და ქცევის მაჩვენებლებზე, რომელთა გაუარესება გამოწვეული იყო ტვინის ინვოლუციური პათოლოგიის განვითარებით.

ფარმაკოკინეტიკური თვისებები

პრეპარატი სწრაფად და მთლიანად შეიწოვება კუჭ-ნაწლავის ტრაქტში. სწრაფად გროვდება და ნაწილდება სხვადასხვა ორგანოებსა და ქსოვილებში, მათ შორის თავის ტვინში. თირკმელებით ექსკრეცია96 საათში შეადგენს რადიოაქტიურად მონიშნული შეყვანილი დოზის დაახლოებით 10%-ს. ტრიტიუმით მონიშნულ ქოლინთან შედარებით, პრეპარატის კონცენტრაცია თავის ტვინში უფრო მაღალია.

ვარგისობის ვადა

3 წელი წარმოების თარიღიდან.

არ გამოიყენოთ ვარგისობის ვადის გასვლის შემდეგ.

განსაკუთრებული მითითებები შენახვისას

ინახება არაუმეტეს 25⁰C ტემპერატურაზე.

ინახება ბავშვებისთვის მიუწვდომელ ადგილას!

შეფუთვის ტიპი და შიგთავსი

კაფსულები.

14 კაფსულა ბლისტერში.

1 ან 2 ბლისტერი გამოყენების ინსტრუქციასთან ერთად მუყაოს კოლოფში.

განსაკუთრებული სიფრთხილის ზომები უტილიზაციისას და სხვა სამუშაოების შესრულებისას

არ არის განსაკუთრებული მოთხოვნები.

აფთიაქიდან გაცემის პირობები

გაიცემა რეცეპტით.

წარმოებულია

„ვორლდ მედიცინ ილაჩ სან ვე ტიჯ ა.შ.“-ს მიერ, თურქეთი.

(15 თემუზ მახ. ჯამი იოლუ ჯად. #50 გიუნეშლი, ბაგჯილარ/სტამბოლი.

“World Medicine İlaç San. ve Tic. А.Ş.”, Turkey

(15 Temmuz Mah. Cami Yolu Cad. No:50 Güneşli Bağcılar / İstanbul).

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით