ლიზობაქტი კომპლეტი 30მლ ორ/სპ

ლიზობაქტი კომპლეტი, სპრეი

სამედიცინო პროდუქტის სავაჭრო დასახელება: ლიზობაქტი კომპლეტი, სპრეი
საერთაშორისო ან ჯგუფის დასახელება: ლიზოციმის ჰიდროქლორიდი + ცეტილპირიდინიუმ ქლორიდი + ლიდოკაინის ჰიდროქლორიდი.
ფარმაცევტული ფორმა: სპრეი ადგილობრივი გამოყენებისთვის.

ხარისხობრივი და რაოდენობრივი შემადგენლობა: 1 მლ სპრეი ადგილობრივი გამოყენებისთვის შეიცავს:
აქტიური ინგრედიენტები:
ლიზოციმის ჰიდროქლორიდი - 20.0 მგ (შეესაბამება 800,000 FIP-ის [საერთაშორისო ფარმაცევტული ფედერაცია ერთეულები])
ცეტილპირიდინიუმის ქლორიდი - 1.50 მგ
ლიდოკაინის ჰიდროქლორიდი - 0.50 მგ
დამხმარე ნივთიერებები: გლიცერინი 85%, პროპილენ გლიკოლი, მეთილ პარაჰიდროქსიბენზოატი, პროპილ პარაჰიდროქსიბენზოატი, პიტნის არომატი, ნატრიუმის ჰიდროქსიდი, წყალი.

შესახედაობა: უფერო ან ღია მოყვითალო შეფერილობის ხსნარი პიტნის არომატით.

ფარმაკოთერაპიული ჯგუფი: ანტისეპტიკები.

ATC Code: R02AA.

ფარმაკოლოგიური მახასიათებლები
ფარმაკოდინამიკა
ფიქსირებული-დოზის კომბინაცია, რომლის ეფექტი განპირობებულია შემადგენელი კომპონენტების ეფექტით.
ლიზოციმის ჰიდროქლორიდი წარმოადგენს მუკოპოლისაქარიდს, ის შლის (ლიზისი) ბაქტერიის უჯრედის კედელს პეპტიდოგლიკანების ჰიდროლიზისის გზით (განსაკუთრებით მურეინის). ის აქტიურია გრამ-დადებითი, ზოგიერთი გრამ-უარყოფითი ბაქტერიის, ვირუსისა და სოკოს მიმართ. ის ავლენს ლოკალურად ანთების საწინააღმდეგო მოქმედებას და ზრდის სხეულის არასპეციფიკურ მდგრადობას.
ცეტილპირიდინიუმ ქლორიდი არის ამონიუმის მეოთხედი შენაერთი ბაქტერიოციდული აქტივობით გრამ-დადებითი და გრამ-უარყოფითი ბაქტერიების მიმართ. დამატებით, ცეტილპირიდინიუმი ავლენს სადეზინფექციო მოქმედებას ლორწოვან გარსზე. მას აქვს სხვადასხვაგვარი სოკოს საწინააღმდეგო აქტივობა, ეფექტურია ზოგიერთი ვირუსის წინააღმდეგ. ცეტილპირიდინიუმ ქლორიდი თითქმის არ შეიწოვება პირის ღრუს ლორწოვანი გარსიდან.
ლიდოკაინი არის ამიდური ტიპის ადგილობრივი ანესთეტიკი. ლოკალური საანესთეზიო მოქმედების მექანიზმი განპირობებულია ნერვული მემპრანის სტაბილიზაციით, ნატრიუმის იონების განვლადობის შემცირებით, რომელიც იწვევს მოქმედების პოტენციალის განვითარების და ნერვული იმპულსის გატარების პრევენციას. ლიდოკაინი ეფექტურია ყველა ტიპის ადგილობრივი ანესთეზიისთვის. ლიდოკაინი იწვევს სისხლძარღვების გაფართოვებას. ის არ აღიზიანებს ქსოვილებს.

ფარმაკოკინეტიკა
ლიზობაქტი კომპლეტი სპრეი გამოიყენება ტოპილაკურად და ავლენს ეფექტს პირის ღრუსა და ხახაზე. გადაყლაპვის შემთხვევაში პროდუქტის მცირე ნაწილი შეიძლება მოხვდე საჭმლის მომნელებელ სისტემაში.
ლიდოკაინი სწრაფად შეიწოვება პირის ღრუს ლორწოვანიდან, საჭმლის მომნელებელი ტრაქტიდან ან დაზიანებული კანიდან. დაუზიანებელი კანიდან შეწოვის ალბათობა გაცილებით დაბალია. პრე-სისტემური მეტაბოლიზმი ხასიათდება ინტენსივობით. პირის ღრუში გამოყენების შემდეგ პროდუქტის ბიოშეღწევადობა მხოლოდ 35%-ია. შეწოვის შემდეგ, ლიდოკანი სწრაფად გადანაწილდება სხეულის ყველა ქსოვილში. ის გადის პლაცენტარულ და ჰემატო-ენცეფალურ ბარიერებს. პროდუქტის დაახლოებით 65%-ის შებოჭვა ხდება სისხლის პლაზმის ცილების მიერ. პლაზმაში ნახევარდაშლის პერიოდი არის დაახლოებით 1.6 საათი. ლიდოკაინი უპირატესად მეტაბოლიზდება ღვიძლში. ღვიძლის ფუნქციის ან ღვიძლის სისხლისმიმოქცევის ნებისმიერი ცვლილება გავლენას ახდენს პროდუქტის ფარმაკოკინეტიკასა და დოზაზე. ღვიძლში მეტაბოლიზმი ხდება სწრაფად. მიღებული დოზის დაახლოებით 90% დეალკალიზდება მონოეთილ გლიცინ ქსილიდის (MEGX) და გლიცინ ქსილიდის (GX) ტოქსიკურ ფორმებად, რომლებიც უზრუნველყოფენ ლიდოკაინის თერაპიულ და ტოქსიკურ ეფექტებს. შესაბამისად, ხდება დამატებითი ბიოტრანსფორმაცია და მეტაბოლიტები გამოიდევნება შარდით, ლიდოკაინის 10% შეუცვლელი ფორმით.
ლიზოციმის ჰიდროქლორიდი და ცეტილპირიდინიუმის ქლორიდი თითქმის არ შეიწოვება პირის ღრუს ლორწოვანიდან.

თერაპიული ჩვენებები
პირის ღრუს და ხახის ინფექციური და ანთებითი დაავადებები:
• პირის ღრუს და ყელის ლორწოვანის მწვავე ანთებითი დაავადებების ადგილობრივი მკურნალობა, როგორიცაა გინგივიტი (ღრძილების დააავადება), სტომატიტი (პირის ღრუს ლორწოვანი გარსების ანთება) და აფთები (პირის ლორწოვანზე მცირე ზომის წყლულების არსებობა).
• ყელის ტკივილის და ყლაპვის გაძნელების, ხახის და ხორხის ანთების დროს კომპლექსური თერაპიის შემადგენლობაში.
• ტონზილექტომიის, ხორხზე ქირურგიული ჩარევის, წინასაოპერაციო და ოპერაციის შემდგომ პერიოდში, ტრავმის და აბსცესის დროს და კბილის ამოღების შემდეგ ექიმის რეკომენდაციების შესაბამისად.

უკუჩვენებები
მომატებული მგრძნობელობა პროდუქტის შემადგენელი კომპონენტების მიმართ.
ქათმის კვერცხის ცილის მიმართ მომატებული მგრძნობელობა.
6 წლამდე ასაკის ბავშვები.

ორსულობა და ლაქტაცია
ორსულობა
ნაყოფზე პროდუქტის გავლენასთან დაკავშირებული კლინიკური გამოყენების შესახებ გამოცდილება არ არის საკმარისი. აქედან გამომდინარე, პროდუქტი არ გამოიყენება ორსულებში.
ლაქტაცია
ვინაიდან არასაკმარისია გამოცდილება, რომელიც ავლენს ძუძუს რძეში პროდუქტის ექსკრეციას, პრეპარატი არ გამოიყენება ძუძუთი კვების პერიოდში.

მიღების წესი და დოზირება
რეკომენდირებულია რომ ფლაკონი გამოიყენოს მხოლოდ ერთმა პაციენტმა.
პირველადი გამოყენების წინ პლასტიკური დამცავი უნდა მოიხსნას დოზატორისგან.
ამის შემდეგ დისპენსერი უნდა დაუმაგრდეს დოზატორს მსუბუქი ზეწოლით.
დისპენსერის გადაადგილება შეიძლება გვერდით, რომელიც იძლევა სპრეის ადექვატური გადანაწილების საშუალებას მთელ პირის ღრუს ლორწოვანზე.
დისპენსერი უნდა აიწიოს ფლაკონის მიმართ სწორი კუთხით.
პირველად სპრეის გამოყენებამდე საჭიროა გამააქტივებელზე რამოდენიმეჯერ ზეწოლა, რათა მოხდეს გამოფრქვეული სითხის ერთ დონეზე შენარჩუნება.
პაციენტმა პირი უნდა გააღოს ფართედ, მიმართოს დისპენსერი დაზიანებული ადგილის მიმართულებით და დააჭიროს რამდენჯერმე გამააქტივებელს რეკომენდირებული დოზის შესაბამისად.
პაციენტმა უნდა შეძლოს სუნთქვის შეკავება პროდუქტის შესხურების პერიოდში. არ უნდა მოხდეს პროდუქტის გადაყლაპვა.
პროდუქტის გამოყენების შემდეგ უნდა მოხდეს დისპენსერის დახრა, რაც შედეგად იწვევს მის დაბლოკვა რომ არ მოხდეს გაფრქვევა.

დოზირება
მოზრდილები და 6 წლის ასაკიდან ბავშვები
ერთჯერადი დოზის მისაღწევად უნდა მოხდეს აქტივატორზე ხუთჯერ ზეწოლა. პროცედურა შეიძლება განმეორდეს 3-6-ჯერ დღეში სულ მცირე 2 საათიანი ინტერვალებით.
ერთჯერადი აქტივაციის შედეგად გამოთავისუფლდება 0.20 მლ ხსნარი, რომელიც შეიცავს 4 მგ ლიზოციმს, 0.3 მგ ცეტილპირიდინიუმს და 0.1 მგ ლიდოკაინის ჰიდროქლორიდს.

ბავშვები 6 წლამდე: ლიზობაქტი კომპლეტი სპრეი არ არის 6 წლამდე ასაკის ბავშვებში გამოსაყენებლად.
გამოყენების ხანგრძლივობა
თერაპიული ჩვენებებიდან გამომდინარე 5 დღეზე მეტი ხანგრძლივობით გამოყენება არ არის რეკომენდირებული.

გვერდითი რეაქციები
არასასურველი გვერდითი ეფექტები კლასიფიცირდება ორგანოთა სისტემის კლასებად, ასევე მათი გამოვლინების სიხშირის მიხედვით და განისაზღვრება შემდეგნაირად: ძალიან ხშირი (≥1/10), ხშირი (≥1/100-დან <1/10-მდე), არახშირი (≥1/1000-დან 1/100-მდე), იშვიათი (≥1/10 000-დან <1/1000-მდე), ძალიან იშვიათი (<1/10 000), უცნობი (შეფასება ვერ მოხერხდა არსებული მონაცემების მიხედვით).

იშვიათი: ალერგიული რეაქციები, როგორიცაა ანაფილაქსიური შოკი, კვინკეს შეშუპება და ლოკალური მომატებული მგრძნობელობის რეაქციები. განსაკუთრებით იშვიათ შემთხვევებში ადგილობრივი ანესთეტიკების გამოყენება შეიძლება დაკავშირებული იყოს ალერგიული რეაქციების განვითარებასთან. მომატებული მგრძნობელობის რეაქციები ლიდოკაინის ჰიდროქლორიდის მიმართ ადგილობრივი გამოყენების შემდეგ მანიფესტირდებოდა ლოკალურად შეშუპებით, მცირედ გამოხატულ სუნთქვის გაძნელებასთან ან გენერალიზებული გამონაყრის ფორმით.

უცნობი: ალერგიული რეაქციები მოიცავს ალერგიულ შეშუპებას, კანის გამონაყარს, ურტიკარიას, ბრონქოსპაზმსა და სისხლის მიმოქცევის მხრივ გართულებებს.

გარდა ამისა, აღწერილ იქნა კანის მძიმე რეაქციების იზოლირებული შემთხვევები, როგორიცაა მულტიფორმული ერითემა და სტივენს-ჯონსონის სინდრომი.

გასტროინტესტინალური დარღვევები ვითარდება იშვიათად პირის ღრუს ლორწოვანის გაღიზიანების სახით და ძირითადად ასოცირდება რეკომენდირებულზე მაღალი დოზებით მიღებასთან.

ჭარბი დოზირება
ნიშნები და სიმპტომები
ადგილობრივი ანესთეტიკების გამოყენებამ პირის ღრუს ლორწოვანზე შეიძლება გამოიწვიოს ყლაპვის გაძნელება, რომელიც ზრდის სასუნთქ გზებში ასპირაციის რისკს. აქედან გამომდინარე, ლიზობაქტი კომპლეტის სპრეის ჭარბმა დოზირებამ შეიძლება უმნიშვნელოდ გაზარდოს ლოკალური ანესთეტიკის ჭარბი რაოდენობით მოხვედრა სასულეში, რომელიც ასუსტებს ყლაპვის რეფლექსის კონტროლს.
ლიდოკაინის ძალიან მაღალმა კონცენტრაციამ სისხლში შეიძლება გამოიწვიოს ეფექტები ცენტრალური ნერვული სისტემის და/ან კარდიოვასკულური სისტემის მხრივ. დასაწყისში ცნს-ის მხრივ (ცენტრალური ნერვული სისტემა) მანიფესტაცია მოიცავს ნევროტულობას, თავბრუსხვევას, ხმაურს ყურებში, ნისტაგმს, ფსიქომოტორულ აგზნებადობას, აგიტაციის მდგომარეობას, პარესთეზიას, მხედველობის გაბუნდოვნებას, გულისრევას, ღებინებას და ტრემორს, რომელიც პროგრესირებს ხერხემლის სვეტის ტეპრესიით, ასევე ტონურ-კლონური კრუნჩხვებით. კარდიოვასკულური სისტემის მხრივ რეაქციები ხასიათდება მისი დათრგუნვით და მანიფესტირდება არტერიული ჰიპოტენზიით, მიოკარდიუმის დეპრესიით, ბრადიკარდიითა და გულის გაჩერების პოტენციური რისკით.
მიუხედავად იმ ფაქტისა, რომ ლიდოკაინის ბიოშეღწევადობა გაცილებით დაბალია, ის შეიძლება საკმარისი აღმოჩნდეს გადაყლაპვის შემთხვევაში ინტოქსიკაციისთვის. ტოქსიკური ეფექტები აღწერილია ცენტრალურ ნერვულ სისტემაზე მოქმედებით, გულყრებისა და სიკვდილობის შემთხვევებით პროდუქტის გადაყლაპვის შემდგომ, რომელიც განკუთვნილია ადგილობრივი გამოყენებისთვის. თუმცა, ლიზობაქტი კომპლეტი სპრეის შემთხვევაში, საჭიროა 1 ლიტრზე მეტი რაოდენობით სპრეის შიგთავსის გადაყლაპვა, რათა მიღწეულ იქნას ლიდოკაინის 0.5 მგ დოზას ან მეტი, რათა გამოიწვიოს კლინიკურად მნიშვნელოვანი ტოქსიკური ეფექტები.
ცეტირიდინიუმ ქლორიდს შეუძლია გამოიწვიოს გულისრევა და ღებინება საჭმლის მომნელებელი ტრაქტის გაღიზიანების გამო.

მკურნალობა
ლიდოკაინით ჭარბი დოზირების მკურნალობა მოიცავს ფილტვების ადექვატური ვენტილაციის შენარჩუნებასა და ეპილეფსიური გულყრების მართვას. საჭიროების მიხედვით უნდა მოხდეს ფილტვის ხელოვნური ვენტილაციის ან კონტროლირებული სუნთქვის გამოყენება ჟანგბადის მიწოდებით. თიოპენტალი, დიაზეპამი ან სუქცინილ ქლორიდი შეიძლება იქნას გამოყენებული ეპილეფსიური გულყრების საკონტროლოდ. ვინაიდან სუქცინილ ქლორიდს შეუძლია სუნთქვის გაჩერების გამოწვევა, მისი გამოყენება შესაძლებელია მხოლოდ იმ შემთხვევაში, როდესაც ექიმს შეუძლია ენდოტრაქეალური ინტუბაციის წარმოება და ისეთ პაციენტზე მეთვალყურეობა, რომელსაც განუვითარდა სრული პარალიზი. პარკუჭოვანი ფიბრილაციის ან გულის გაჩერების შემთხვევაში, სასჭიროა ადექვატური კარდიოვასკულური რეანიმაცია. ეპინეფრინის და ნატრიუმის ბიკარბონატის გარკვეული დოზირება უნდა იქნას დაწყებული შესაძლებლობისამებრ სწრაფად.

სამედიცინო პროდუქტების ურთიერთქმედება
მიუხედავად ლიდოკანის სხვა პრეპარატებთან მრავალი სახის პოტენციურად შესაძლო ურთიერთქმედებებისა, ამ შემთხვევაი, ნაკლებად სავარაუდოა რომ განვითარდეს კლინიკურად მნიშვნელოვანი, ვინაიდან ლიზობაქტი კომპლეტ სპრეი გამოიყენება ადგილობრივად.
იმ სამედიცინო პროდუქტებთან ერთდროული გამოყენება, რომლებიც ამცირებენ ღვიძლის სისხლის მიმოქცევას (მაგ. პროპრანოლოლი, ციმეტიდინი), შეიძლება გამოიწვიოს ლიდოკაინის კლირენსის დაქვეითება. ხანგრძლივად ისეთ პრეპარატებთან ერთდროული გამოყენება, რომლებიც იწვევენ მიკროსომული ფერმენტების აქტივაციას (ფენიტოინი, ბარბიტურატები), რომლებიც ხელს უწყობენ პროდუქტის მეტაბოლიზმს, შეიძლება მოითხოვდეს ლიდოკაინის დოზის გაზრდას. ლიდოკანის დამთრგუნველი ეფექტი გულზე არის ადიტიური ბეტა-ბლოკატორებისა და სხვა ანტიარითმიული საშუალებების მიმართ (როგორიცაა მექსილეთინი). ჰიპოკალემიამ, რომელიც გამოიწვევა აცეტაზოლამინით, მარყუჟოვანი დიურეტიკებით და თიაზიდებით, შეიძლება საპირისპიროდ იმოქმედოს ლიდოკაინის ეფექტზე.
პაციენტები, რომლებიც გამოიყენებენ ლიზობაქტი კომპლეტი აეროზოლს, არ უნდა იყენებდნენ ერთდროულად სხვა ადგილობრივი მოქმედების ანესთეტიკებს პირის ღრუს და/ან პირ-ხახის სადეზინფექციოდ.

სპეციალური მითითებები და გამოყენების შესახებ გაფრთხილებები
პროდუქტი არ არის განკუთვნილი ხანგრძლივი, განმეორებითი და უწყვეტი გამოყენებისთვის.

ჩვენებების მიხედვით არ უნდა მოხდეს პრეპარატის გამოყენება 5 დღეზე მეტი ხანგრძლივობით, ვინაიდან ამან შეიძლება გამოიწვიოს პირის ღრუს ლორწოვანის ნორმალური მიკროფლორის წონასწორობის დარღვევა ბაქტერიის ან სოკოს გავრცელების რისკის გათვალისწინებით.

თუ სიმპტომები ხანგრძლივდება 5 დღეზე მეტხანს და/ან იმავე პაციენტს აღენიშნება სხეულის ტემპერატურის მატება, საჭიროა ექიმის კონსულტაცია.

ალერგიული რეაქციების (მომატებული მგრძნობელობის) შემთხვევები აღწერილია ლიზოციმის გამოყენებასთან დაკავშირებით. აქედან გამომდინარე, პაციენტმა უნდა შეწყვიტოს ამ მედიკამენტის მიღება და მიმართოს ექიმს, თუ განუვითარდა გამონაყარი, ქავილი ან კანის სიწითლე, სახის, ტუჩების, ენის ან ხახის შეშუპება, სუნთქვის და/ან ყლაპვის გაძნელება, ვინაიდან შესაძლოა ესენი წარმოადგენდნენ წამლის ალერგიული რეაქციის ნიშნებს.

ლოკალურად გაღიზიანება ცეტილპირიმიდინის ჰიდროქლორიდის გამო, რომელიც წარმოადგენს პროდუქტის შემადგენელ კომპონენტს, შესაძლოა დაკავშირებული იყოს ამ პროდუქტის ხანგრძლივად გამოყენებასთან.
ლიზობაქტი კომპლეტი სპრეი არ უნდა იქნას გამოყენებული რძესთან ერთად, ვინაიდან ის ამცირებს ცეტილპირიმიდინის ჰიდროქლორიდის ანტიბაქტერიულ მოქმედებას.

ლიზობაქტი კომპლეტი სპრეი არ გამოიყენება პაციენტებსი ალერგიული რეაქციების ანამნეზით.

ლიდოკანს აქვს პორფიროგენული პოტენციალი, და პაციენტებში მწვავე პორფირიით შეიძლება მისი გამოყენება მხოლოდ გადაუდებელი ჩვენებებით, რაც დაკავშირებულია სიცოცხლესთან შეუთავსებელ მდგომარეობასთან. ყველა პაციენტთან საჭიროა პორფირიის საწინააღმდეგო სიფრთხილის ზომების მიღება.

თუ პაციენტს აღენიშნა ყლაპვის გაძნელება, არ უნდა მოხდეს ამ პროდუქტის გამოყენება და ასეთმა პაციენტმა უნდა მიმართოს ექიმს.

პაციენტებში, რომლებშიც გამოიყენება ადგილობრივი საანესთეზიო საშუალებები პირის ღრუში ან პირ-ხახაში, ადგილობრივი ანესთეტიკების ეფექტი შესაძლოა გამოვლინდეს ყლაპვის დარღვევებით, პოტენციურად გაზრდილი ასპირაციის რისკით. ამ შემთხვევაში პაციენტი უნდა იქნას გაფრთხილებული, რომ არ ჭამონ და/ან არ დალიონ ლიზობაქტი კომპლეტი სპრეის გამოყენებიდან 1 საათის შემდეგ. დამატებით, რეკომენდირებულია კბილების გახეხვის და საღეჭი რეზინის ღეჭვისგან თავის შეკავება, სანამ რჩება პირის ღრუს და/ან პირ-ხახის ანესთეზია.

საჭიროა სიფრთხილის გამოჩენა, რათა არ მოხვდეს სპრეი თვალთან კონტაქტში. თუ ეს მოხდება შემთხვევით, საჭიროა თვალების ჩამობანვა სუფთა წყლით ან თვალის ამოსარეცხი ხსნარით და თვალების ღიად დატოვება სულ მცირე 15 წუთის განმავლობაში.

ლიზობაქტი კომპლეტი სპრეი არ შეიცავს შაქარს და შეთავსებადია პაციენტებში შაქრიანი დიაბეტით.
ლიზობაქტი კომპლეტი სპრეის ხსნარი შეიცავს გლიცეროლს (85%), რომელმაც შეიძლება გამოიწვიოს თავის ტკივილი, კუჭის მოქმედების დარღვევა და დიარეა.
ლიზობაქტი კომპლეტი სპრეის ხსნარი შეიცავს პროპილენ გლიკოლს, რომელმაც შეიძლება გამოიწვიოს ალკოჰოლის მსგავსი სიმპტომები.
ლიზობაქტი კომპლეტი სპრეის ხსნარი შეიცავს მეთილ პარაჰიდროქსიბენზოატსა და პროპილ პარაჰიდროქსიბენზოატს, რომლებმაც შეიძლება გამოიწვიონ ალერგიული რეაქციები.

გავლენა მანქანის მართვასა და სხვა პოტენციურად საშიში მოწყობილობების გამოყენებაზე
ლიზობაქტი კომპლეტი სპრეი არ ახდენს გავლენას მანქანის ან სხვა მექანიზმების მართვის უნარზე.

შეფუთვის შემადგენლობა და გარეგნობა
მუქი შუშის ფლაკონი საზომი მოწყობილობითა და დისპენსერით.
ერთი ფლაკონი შეიცავს 30 მლ ხსნარს.
ერთი ფლაკონი გამოყენების ინსტრუქციასთან ერთად სახელმწიფო და რუსულ ენებზე, მოთავსებულია მუყაოს კოლოფში.

მოქმედების ვადა
36 თვე
არ გამოიყენება შეფუთვაზე მითითებული ვადის გასვლის შემდეგ.

შენახვის პირობები
ინახება არაუმეტეს 25⁰C ტემპერატურაზე.
არ უნდა მოხდეს გაყინვა.

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი/რეგისტრაციის სერტიფიკატის მფლობელი:
ბოსნალიეკ დ.დ, ბოსნია და ჰერცეგოვინა
იუკიჩევა 53, სარაევო 71000.

მომხმარებლის ჩივილების წარდგენა უნდა მოხდეს რუსეთის ფედერაციაში წარმომადგენლის ოფისში:
11, სავინსკაია ნაბერეჟნაია, მოსკოვი, 119435 რუსეთის ფედერაცია, ტელეფონი/ფაქსი: +7 (495) 771-76-32, www.bosnalijek.eu.