დეფენსიკანი იმუნოგ10მგ/მლ120მლ

50.41 ლარი

ფარმაკოლოგიური ჯგუფი: იმუნომოდულატორები

ქვეყანა: სლოვაკეთი

მწარმოებელი: მიკროხემ სპოლ

ჯენერიკი - შეადარეთ ანალოგები: იმუნოგლუკან ბეტა გლუკანი

გაცემის ფორმა: III ჯგუფი ურეცეპტო

კოდი: 82697

გააზიარე:

შეუკვეთე

ანოტაცია
სად შევიძინო

დეფენსიკანი® იმუნოგლუკანი® სუსპენზია

DEFENSIKAN® IMUNOGLUKAN® SUSPENSION

სავაჭრო დასახელება: დეფენსიკანი® იმუნოგლუკანი® სუსპენზია

საერთაშორისოარა-პატენტირებული დასახელება:იმუნოგლუკანი P4H®

ფარმაცევტული ფორმა: სუსპენზია
შემადგენლობა:

ყოველი 1 მლ შეიცავს:

აქტიური ნივთიერება: 10 მგ იმუნოგლუკანი ®

დამხმარე ნივთიერებები:ვიტამინი C, ფრუქტოზა, ლიმონმჟავა, კალიუმის სორბატი, წყალი.
ფარმაკოთერაპიული კლასი:სხვა იმუნოსტიმულატორები
ფარმაკოლოგიური თვისებები

დეფენსიკანი® იმუნოგლუკანი® -ის პროდუქტის მთავარი აქტიური ნივთიერებაა იმუნოგლუკანი®, რომელიც თავსებადად არის კომბინირებული ვიტამინ C-თან. იმუნოგლუკანი® არის სრულყოფილად გაწმენდილი ბუნებრივი ნივთიერება: ის არის აქტიური პოლისაქარიდების კომპლექსი,როგორიცაა β-გლუკანები, რომლებიც მიიღება Pleurotus ostreatus-დან იზოლაციის გზით. იმუნოგლუკინი® -ის უსაფრთხოება და ეფექტურობა დადასტურდა მრავალი კლინიკური კვლევით. β-გლუკანები წარმოადგენენ ყველაზე მნიშვნელოვან ბიოლოგიურად აქტიურ პოლისაქარიდებს. ისინი წარმოადგენენ პოლისაქარიდების ჰეტეროგენულ ჯგუფს, რომლებიც შეიცავენ β-D-გლუკოზის მონომერებს, დაკავშირებულებს β-1,3 და β-1,6 -გლიკოზიდის ხიდებთან, და აქვთ გამოხატული ეფექტი იმუნური სისტემის სხვადასხვა კომპონენტებზე.
ფარმაკოდინამიკა
β -გლუკანი გავლენას ახდენს იმუნური და არა-იმუნური უჯრედების ზედაპირების რეცეპტორებზე (მაგ. ფიბროპლასტები, კერატინოციტები), რომლებიც ჩართული არიან β -გლუკანის აქტივობის მედიატორობაში: დექტინ-1, რეცეპტორი 3-ის და და ტოლ-რეცეპტორების კომპლემენტი. დექტინ-1 სავარაუდოდ ყველაზე მნიშვნელოვანი რეცეპტორია, რომელიც მონაწილეობს β -გლუკანების ბიოლოგიურ ეფექტების მედიატორობაში. ის გამოიყოფა იმუნური სისტემის არა-სპეციფიკური შტოს უჯრედებზე, როგორიცაა მაგ, მაკროფაგები, ნეიტროფილები და დენდრიტული უჯრედები. მისი აქტივობა მჭიდროდ უკავშირდება რამდენიმე უჯრედშიდა გზას, რომელიც იწვევს სხვადასხვა ციტოკინების გამონთავისუფლებას. TLR-4 არის კიდევ ერთი მნიშვნელოვანი რეცეპტორი, რომელიც ჩართულია დენდრიტული უჯრედების აქტივაციასა და მომწიფებაში β -გლუკანების ამოცნობის შემდეგ. მოქმედების მექანიზმი წარმოდგენილია იმუნურ უჯრედებთან უშუალო ურთიერთქმედებით პეიერის ბალთებში წვრილ ნაწლავში, იმუნური უჯრედების შემდგომი აქტივაციით, და ასევე მაკროფაგებით, რასაც მოჰყვება ფრაგმენტების გამონთავისუფლება უჯრედშორის მიკროგარემოში და სხვა უჯრედული პოპულაციების აქტივაცია. თუმცა, სასარგებლო ზემოქმედება თანდაყოლილ და ადაპტაციურ იმუნურსისტემაზე აშკარაა და მოიცავს ნეიტროფილების და მაკროფაგების სტიმულაციას ზედაპირული რეცეპტორების მეშვეობით, უფრო ეფექტურ ფაგოციტოზს, NK უჯრედების სტიმულაციას, ანტიგენის წარმომდგენი უჯრედების ფუნქციების მოდულაციას (მაგ. ლანგერჰანსის უჯრედები),ანტიგენის წარმოდგენის ხელშეწყობას, ციტოკინებისა და ქემოკინების წარმოქმნაზე ზემოქმედებას, Th1-ლიმფოციტების მხარდაჭერას, და ანტისხეულების წარმოების მოდულაციას.
ფარმაკოკინეტიკა

ჯანმრთელ მოხალისეებში შრატში 1,3 β-D- გლუკანების დონე გამოკვლეულ იქნა იმუნოგლუკანი®-ით პროფილაქტიკური და მაღალი დოზებით მკურნალობის დროს. მკურნალობის დაწყებამდე და მკურნალობის მე-5 და მე-7 დღეებზე აღებული სისხლის ნიმუშების გამოკვლევამ გამოავლინა შრატში მისი დონის უარყოფითი შედეგები. ამ კვლევის შედეგებიდან თუ ვიმსჯელებთ, იმუნოგლუკანი® შეიძლება გამოყენებულ იქნას უსაფრთხოდ პაციენტებში ჯანსაღი ლორწოვანის ბარიერით. უხსნადი β-გლუკონები არ აბსორბირდება სისხლში, რითაც აიხსნება მისი მოქმედების მექანიზმი.

ჩვენებები
დეფენსიკანი® იმუნოგლუკანი® ეფექტურია სასუნთქი გზების ინფექციებისა და მორეციდივე რესპირატორული ინფექციების მკურნალობისა და პროფილაქტიკისათვის ბავშვებში და მოზრდილებში.

რეკომენდებული დოზა

რეკომენდებულია 1 მლ/5კგ სხეულის წონაზე მიღება დღეში ერთჯერ ხანგრძლივად (მინიმუმ 2-3 თვის განმავლობაში). იმუნურ სისტემაზე გაზრდილი სტრესის დროს, შეიძლება გაზრდილი დოზის (2 მლ/5 კგ-ზე) მიღება დღეში ერთჯერ 3-7 დღის განმავლობაში.

გამოყენების ინსტრუქცია

იდეალურ შემთხვევაში მიიღეთ პრეპარატი საღამოს ძილის წინა ან დილით უზმოზე. შეანჯღრიეთ ბოთლი კარგად ყოველი გამოყენების წინ.

გაფრთხილება

რეკომენდებული დოზის გადაჭარბება არ შეიძლება. არ მიიღოთ თუ ხართ ალერგიული ან მგრძნობიარე რომელიმე ინგრედიენტის მიმართ. ტრანსპლანტირებული ორგანოების მქონე ადამიანების მიერ ამ პრეპარატის მიღება არ შეიძლება. ადამიანებმა, რომლებიც გადიან იმუნოსუპრესორულ მკურნალობას,შეუძლიათ გამოიყენონ პრეპარატი მხოლოდ მკურნალ ექიმთან კონსულტაციის შემდეგ. პრეპარატი რეკომენდებულია მოზრდილებისა და 2 წელზე უფროსი ასაკის ბავშვებისთვის.

გვერდითი მოვლენები

ძალიან იშვიათად (10. 000-დან 1-ზე ნაკლებ პაციენტში): კუჭ-ნაწლავის მხრივი დარღვევები, ალერგიული რეაქცია. თუ განგივითარდათ რომელიმე გვერდითი მოვლენა, მიმართეთ კონსულტაციისათვის ექიმს ან ფარმაცევტს.

შენახვა

შეინახეთ ბავშვებისთვის მიუწვდომელ ადგილზე. შეინახეთ გრილ მშრალ ადგილზე 5°C და 25°C ტემპერატურებს შორის, ტენიანობის, გაყინვის და პირდაპირი მზის სინათლისგან დაცულ ადგილზე. გახსნისა და ყოველი გამოყენების შემდეგ ბოთლს დაახურეთ კარგად და შეინახეთ მაცივარში 2°C- დან 8°C- მდე ტემპერატურაზე. გამოიყენეთ გახსნიდან 2 თვის განმავლობაში.

შეფუთვა

60 მლ, 120 მლ.

ვარგისობის ვადა:

2 წელი.

გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე.

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით