ნეიროქსონი 1000მგ/4მლ #10ა

35.39 ლარი

ფარმაკოლოგიური ჯგუფი: ნოოტროპები (ნეირომეტაბოლური სტიმულატორები)

ქვეყანა: უკრაინა

მწარმოებელი: ლვოვი გალიჩფარმი

ჯენერიკი - შეადარეთ ანალოგები: ციტიქოლინი

გაცემის ფორმა: II ჯგუფი რეცეპტული

კოდი: 81737

გააზიარე:

შეუკვეთე

ანოტაცია
სად შევიძინო

სამკურნალო საშუალების სამედიცინო გამოყენების ინსტრუქცია

ნეიროქსონი® (NEUROXON®)

შემადგენლობა:

მოქმედი ნივთიერება: citicoline; 1 ამპულა შეიცავს ნატრიუმის ციტიკოლინს, 1000 მგ ან 500 მგ ციტიკოლინზე გადაანგარიშებით; დამხმარე ნივთიერებები: საინექციო წყალი.

წამლის ფორმა.

საინექციო ხსნარი. ძირითადი ფიზიკო-ქიმიური თვისებები: გამჭვირვალე უფერო სითხე.

ფარმაკოთერაპიული ჯგუფი.

ფსიქომასტიმულირებლები, საშუალებები, რომლებიც გამოიყენება ყურადღების დეფიციტის სინდრომის და ჰიპერაქტიურობის (ყდსჰ) დროს, ნოოტროპული საშუალებები. სხვა ფსიქომასტიმულირებელი და ნოოტროპული საშუალებები. ათქ კოდი N06B X06.

ფარმაკოლოგიური თვისებები

ფარმაკოდინამიკა

ციტიკოლინი ასტიმულირებს ნეირონების მემბრანების სტრუქტურული ფოსფოლიპიდების ბიოსინთეზს, რაც დასტურდება მაგნიტო-რეზონანსული სპექტროსკოპიის მონაცემებით. მოქმედების ასეთი მექანიზმის წყალობით ციტიკოლინი აუმჯობესებს მემბრანების ისეთი მექანიზმების ფუნქციონირებას, როგორიცაა იონცვლადი ტუმბოებისა და რეცეპტორების მუშაობა, რომელთა მოდულირება აუცილებელია ნერვული იმპულსების ნორმალურად გატარებისთვის.

ნეირონების მემბრანაზე მასტაბილიზებელი მოქმედების წყალობით ციტიკოლინი ავლენს შეშუპების საწინააღმდეგო თვისებებს, რაც ხელს უწყობენ ტვინის შეშუპების შემცირებას.

ექსპერიმენტულმა კვლევებმა აჩვენა, რომ ციტიკოლინი აინჰიბირებს ზოგიერთი ფოსფოლიპაზას (A1, A2, C და D) აქტივირებას, ამცირებს თავისუფალი რადიკალების წარმოქმნას, ახდენს მემბრანული სისტემების განადგურების პრევენციას და ინარჩუნებს ანტიოქსიდანტურ დამცავ სისტემებს, როგორიცაა გლუტათიონი.

ციტიკოლინი ინარჩუნებს ნეირონების ენერგიის მარაგს, აინჰიბირებს აპოპტოზს და ასტიმულირებს აცეტილქოლინის სინთეზს.

ექსპერიმენტულად დამტკიცებულია, რომ ციტიკოლინი ასევე ავლენს პროფილაქტიკურ ნეიროპროტექტორულ მოქმედებას თავის ტვინის ფოკალური იშემიის დროს. კლინიკურმა კვლევებმა აჩვენა, რომ ციტიკოლინი ნამდვილად ზრდის ფუნქციურ აღდგენას თავის ტვინში სისხლის მიმოქცევის მწვავე იშემიური დარღვევის მქონე პაციენტებში, რაც ნეიროვიზუალიზების მონაცემებით თავის ტვინის იშემიური დაზიანების მოცულობის ზრდის შეფერხებას ემთხვევა.

ქალა-ტვინის ტრავმის მქონე პაციენტებში ციტიკოლინი აჩქარებს აღდგენას და ამცირებს ტრავმის შემდგომი სინდრომის ხანგრძლივობასა და ინტენსივობას. ციტიკოლინი აუმჯობესებს ყურადღებისა და ცნობიერების დონეს, თავის ტვინის იშემიასთან დაკავშირებლ კოგნიციურ და ნევროლოგიურ დარღვევებს, ხელს უწყობს ამნეზიის გამოვლინებათა შემცირებას.

ფარმაკოკინეტიკა

პრეპარატის შეყვანის შემდეგ სისხლის პლაზმაში აღინიშნება ქოლინების დონის მნიშვნელოვანი ზრდა. პრეპარატი მეტაბოლიზდება ნაწლავებში და ღვიძლში ქოლინისა და ციტიდინის წარმოქმნით.

შეყვანის შემდეგ ციტიკოლინი ფართოდ ნაწილდება თავის ტვინის სტრუქტურებში ქოლინის ფრაქციის სწრაფი ჩართვით სტრუქტურულ ფოსფოლიპიდებში და ციტიდინის ფრაქციის ჩართვით ციტიდინურ ნუკლეოტიდებსა და ნულკეინის მჟავებში.

თავის ტვინში ციტიკოლინი ჯდება უჯრედების, ციტოპლაზმისა და მიტოქონდრიების მემბრანებში, ფოსფოლიპიდური ფრაქციის სტრუქტურაში ინტეგრირებით. დოზის მხოლოდ უმნიშვნელო რაოდენობა განისაზღვრება შარდსა და განავალში (3%-ზე ნაკლები). დოზის დაახლოებით 12% გამოიყოფა ამოსუნთქულ CO2-თან ერთად. შარდით პრეპარატის გამოყოფა ხასიათდება ორი ფაზით: პირველი ფაზა - მიმდინარეობს 36 საათის განმავლობაში, რომლის დროსაც გამოყოფის სიჩქარე სწრაფად მცირდება, და მეორე ფაზა - რომლის დროსაც გამოყოფის სიჩქარე გაცილებით უფრო ნელა მცირდება.

ასეთივე ფაზურობა აღინიშნება სასუნთქი გზებით გამოყოფის დროსაც. CO2-თან ერთად გამოყოფის სიჩქარე მცირდება სწრაფად, დაახლოებით 15 საათის განმავლობაში, შემდეგ - გაცილებით უფრო ნელა.

კლინიკური მახასიათებლები ჩვენებები

- ინსულტი, თავის ტვინში სისხლის მიმოქცევის დარღვევის მწვავე ფაზა, თავის ტვინში სისხლის მიმოქცევის დარღვევების გართულებებისა და შედეგების მკურნალობა.

- ქალა-ტვინის ტრავმა და მისი ნევროლოგიური შედეგები.

- კოგნიციური და ქცევითი აშლილობა, გამოწვეული ქრონიკული სისხლძარღვოვანი და დეგენერაციული ცერებრალური დარღვევებით.

უკუჩვენებები

- მომატებული მგრძნობელობა ციტიკოლინის ან პრეპარატის სხვა კომპონენტების მიმართ.

- პარასიმპათიკური ნერვული სისტემის მომატებული ტონუსი.

ურთიერთქმედება სხვა სამკურნალო საშუალებებთან და ურთიერთქმედების სხვა სახეები

ციტიკოლინი აძლიერებს ლევოდოპას ეფექტს.

მეკლოფენოქსატის შემცველ სამკურნალო საშუალებებთან ერთად დანიშვნა არ შეიძლება.

გამოყენების თავისებურებანი.

ინტრავენური გამოყენების შემთხვევაში პრეპარატი შეიყვანება ნელა (3-5 წუთის განმავლობაში შესაყვანი დოზის მიხედვით).

ინტრავენური წვეთოვანი შეყვანისას გადასხმის სიჩქარე უნდა შეადგენდეს 40-60 წვეთს წუთში.

ქალაშიდა მდგრადი სისხლჩაქცევის დროს არ შეიძლება სადღეღამისო 1000 მგ დოზის და ინტრავენური გადასხმის სიჩქარის - წუთში 30 წვეთის გადაჭარბება.

გამოყენება ორსულობის ან ლაქტაციის პერიოდში.

ორსულ ქალებში ციტიკოლინის გამოყენების შესახებ საკმარისი მონაცემები არ მოიპოვება. მონაცემები ციტიკოლინის დედის რძეში ექსკრეციის და ნაყოფზე მისი მოქმედების შესახებ ცნობილი არ არის. ამიტომ, ორსულობის ან ლაქტაციის პერიოდში პრეპარატი შეიძლება დაინიშნოს მხოლოდ იმ შემთხვევაში, როდესაც მოსალოდნელი სარგებელი დედისათის აღემატება პოტენციურ რისკს ნაყოფისათვის.

ავტოტრანსპორტის ან სხვა მექანიზმების მართვისას რეაქციის სისწრაფეზე ზემოქმედების უნარი ინდივიდუალურ შემთხვევებში, ცენტრალური ნერვული სისტემის მხრივ ზოგიერთმა გვერდითმა რეაქციამ შეიძლება გავლენა მოახდინოს ავტოტრანსპორტის მართვის ან რთულ მექანიზმებთან მუშაობის უნარზე.

გამოყენების წესი და დოზები რეკომენდებული დოზა

მოზრდილებისთვის შეადგენს 500-დან 2000 მგ-მდე დღე-ღამეში, სიმპტომების სიმძიმის მიხედვით.

პრეპარატი ინიშნება ინტრამუსკულარული ან ინტრავენური გამოყენებისთვის.

ვენაში პრეპარატის შეყვანა შესაძლებელია ნელი ინექციის (3-5 წუთის განმავლობაში, შესაყვანი დოზის მიხედვით) ან წვეთოვანი სახით (სიჩქარე: 40-60 წვეთი წუთში).

მაქსიმალური სადღეღამისო დოზა - 2000 მგ.

მკურნალობის ვადა დამოკიდებულია დაავადების მიმდინარეობაზე და განისაზღვრება ექიმის მიერ.

ხანდაზმულ პაციენტებში დოზის კორექცია საჭირო არ არის. საინექციო ხსნარი განკუთვნილია მხოლოდ ერთჯერადი გამოყენებისთვის.

პრეპარატის გამოყენება უნდა მოხდეს ამპულის გახსნისთანავე.

პრეპარატის ნარჩენები უნდა განადგურდეს. პრეპარატის შერევა შეიძლება ინტრავენური დანიშნულების ყველა იზოტონურ ხსნართან, აგრეთვე გლუკოზას ჰიპერტონულ ხსნართან. აუცილებლობის შემთხვევაში მკურნალობა უნდა გაგრძელდეს პერორალური გამოყენების ხსნარის ფორმით.

ბავშვები.

ბავშვებში პრეპარატის გამოყენების გამოცდილება შეზღუდულია.

დოზის გადაჭარბება

დოზის გადაჭარბების შემთხვევების შესახებ ცნობილი არ არის.

გვერდითი რეაქციები

გვერდითი რეაქციები ძალიან იშვიათად ვითარდება (<1/10000), ერთეული შემთხვევების ჩათვლით.

ცენტრალური და პერიფერიული ნერვული სისტემის მხრივ: თავის ძლიერი ტკივილი, ვერტიგო, ჰალუცინაციები.

გულ-სისხლძარღვთა სისტემის მხრივ: არტერიული ჰიპერტენზია, არტერიული ჰიპოტენზია, ტაქიკარდია.

სასუნთქი სისტემის მხრივ: ქოშინი. საჭმლის მომნელებელი ტრაქტის მხრივ: ღებინება, გულისრევა, დიარეა.

იმუნური სისტემის მხრივ: ალერგიული რეაქციები, მათ შორის: გამონაყარი, ჰიპერემია, ეგზანთემა, ჭინჭრის ციება, პურპურა, ქავილი, ანგიონევროზული შეშუპება, ანაფილაქსური შოკი.

ზოგადი რეაქციები: ციება, ცვლილებები შეყვანის ადგილას.

შეუთავსებლობა.

არ გამოიყენოთ გამხსნელები, რომლებიც მითითებული არ არის პუნქტში „გამოყენების წესი და დოზები“.

ვარგისიანობის ვადა. 3 წელი.

შენახვის პირობები. ინახება ორიგინალ შეფუთვაში არა უმეტეს 300C ტემპერატურაზე.

ინახება ბავშვებისათვის მიუწვდომელ ადგილას.

შეფუთვა. 4 მლ პრეპარატი 5 მლ ტევადობის ამპულაში გადატეხის წერტილით. 5 ამპულა მოთავსებულია ფირით დახურულ ბლისტერში. 2 ბლისტერი სამედიცინო გამოყენების ინსტრუქციასთან ერთად მოთავსებულია კოლოფში.

გაცემის კატეგორია. ფარმაცევტული პროდუქტის ჯგუფი II, გაიცემა ფორმა №3 რეცეპტით.

მწარმოებელი. სსს „გალიჩფარმი“.

მწარმოებლის ადგილმდებარეობა და საქმიანობის განხორციელების ადგილის მისამართი.

უკრაინა, 79024, ქ. ლვოვი, ოპრიშკოვსკაიას ქ., 6/8.

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით