გერვეტინი 1.5მგ/მლ 30მლ სპრეი

19.97 ლარი

ფარმაკოლოგიური ჯგუფი: ანტისეპტიური და ანთებისსაწინააღმდეგო პრეპარატები

ქვეყანა: მაკედონია

მწარმოებელი: რეპლეკ ფარმა

ჯენერიკი - შეადარეთ ანალოგები: ბენზიდამინი

გაცემის ფორმა: III ჯგუფი ურეცეპტო

კოდი: 76629

გააზიარე:

შეუკვეთე

ანოტაცია
სად შევიძინო

გერვეტინი სპრეი პიტნით 30მლ

სავაჭრო დასახელება: გერვეტინი.

საერთაშორისო არაპატენტირებული დასახელება: ბენზიდამინი.

წამლისფორმა: სპრეი ადგილობრივი გამოყენებისათვის, დოზირებული.

შემადგენლობა

თითოეული მლ შეიცავს:
აქტიურინივთიერება: ბენზიდამინის ჰიდროქლორიდი 1,5 მგ.
დამხმარე ნივთიერებები: მეთილპარაჰიდროქსიბენზოატი, გლიცეროლი, ეთანოლი 96%, ნატრიუმის საქარინი, ნატრიუმის ჰიდროკარბონატი, პოლისორბატი 60, პიტნის ზეთი 27198/14 (არომატიზატორი), საღებავი ყვითელი ქინოლონი 70 E 104, ინდიგოტინი 85 E 132, გასუფთავებული წყალი.

ფარმაკოთერაპიული ჯგუფი

ანთების საწინააღმდეგო არასტეროიდული საშუალება ადგილობრივი გამოყენებისათვის ყელ-ყურ-ცხვირის პრაქტიკაში და სტომატოლოგიაში.

ათქ კოდი: A01AD02.

ფარმაკოლოგიური მოქმედება
ფარმაკოდინამიკა
ბენზიდამინი მიეკუთვნება ინდაზოლების ჯგუფს და წარმოადგენს ანთების საწინააღმდეგო არასტეროიდულ საშუალებას. გააჩნია ანთების საწინააღმდეგო, ანალგეზიური, ადგილობრივი მაანესთეზებელი და ანტიბაქტერიული მოქმედება მიკროორგანიზმების ფართო სპექტრის წინააღმდეგ. ამცირებს კაპილარების გამტარობას; სტაბილიზაციას უკეთებს უჯრედულ მემბრანებს და აფერხებს ატფ-ის და სხვა მაკროერგული ნაერთების გამომუშავებას ჟანგვითი ფოსფორილირების პროცესებში. პრეპარატის ანთების საწინააღმდეგო და მემბრანომასტაბილიზებელი მოქმედება განპირობებულია პროსტაგლანდინების, ჰისტამინის, ბრადიკინინის, ციტოკინების, კომპლემენტის ფაქტორებისა და სხვა არასპეციფიური დამაზიანებელი ფაქტორების სინთეზისა და ინაქტივაციის შეფერხებით. ანალგეზიური და ადგილობრი მაანესთეზებელი მოქმედება განპირობებულია ალგოგენური თვისებების მქონე ბიოგენური ამინების კონცენტრაციების არაპირდაპირი შემცირებით და რეცეპტორული აპარატის ტკივილის მგრძნობელობის ზღურბლის მომატებით; ბენზიდამინი აგრეთვე ბლოკავს ბრადიკინინის ურთიერთქმედებას ქსოვილურ რეცეპტორებთან, აღადგენს მიკროცირკულაციას და ამცირებს ტკივილის მგრძნობელობას ანთების კერაში. ბენზიდამინი ავლენს ანტიბაქტერიულ და სპეციფიკურ ანტიმიკრობულ მოქმედებას მიკროორგანიზმების მემბრანების გავლით სწრაფად შეღწევის უნარის მეშვეობით და იწვევს უჯრედების ლიზისს, არღვევს რა მასში მეტაბოლურ პროცესებს და აზიანებს უჯრედოვან სტრუქტურებს.
პრეპარატს გააჩნია სოკოს საწინააღმდეგო მოქმედება Candida Albicans-ის მიმართ. ხელს უშლის სოკოების რეპროდუქციას, იწვევს რა უჯრედოვანი კედლისა და მიცეტების მეტაბოლური ჯაჭვების სტრუქტურულ დარღვევებს.
ადგილობრივი გამოყენებისას პრეპარატი კარგად აბსორბირდება ლორწოვანი გარსებიდან და აღწევს ანთებად ქსოვილებში. ბენზიდამინის ჩართვა სხვა ქიმიოთერაპიული პრეპარატებით მკურნალობის სქემებში მნიშვნელოვნად ზრდის ეფექტურობას და ამცირებს მკურნალობის ვადებს.

ფარმაკოკინეტიკა

ადგილობრივი გამოყენებისას კარგად შეიწოვება ლორწოვანი გარსებიდან და სწრაფად აღწევს ანთებად ქსოვილებში. გამოიყოფა თირკმელებით მეტაბოლიტების სახით.

გამოყენების ჩვენებები
პირის ღრუსა და ყელ-ყურ-ცხვირის ანთებითი დაავადებები:
- გინგივიტი, გლოსიტი, სტომატიტი (მათ შორის სხივური და ქიმიოთერაპიის შემდეგ);
- ანგინა, ფარინგიტი, ლარინგიტი, ტონზილიტი;
- კანდიდოზი (კომბინირებული თერაპიის შემადგენლობაში);
- სანერწყვე ჯირკვლების კალკულოზური ანთება;
- ქირურგიული ჩარევებისა და ტრავმების შემდეგ (მათ შორის ტონზილექტომია, ყბის მოტეხილობა);
- კბილების მკურნალობის ან ამოღების შემდეგ;
- პაროდონტოზი.

ორსულობა და ლაქტაციის პერიოდი
ორსულობისა და ლაქტაციის პერიოდში პრეპარატის გამოყენება შესაძლებელია ჩვენებების მიხედვით.

გამოყენების წესი და დოზები
- მოზრდილებსა და ხანდაზმულებში გამოიყენება: 4-8 დოზა ყოველ 1,5-3 საათში;
- 6-12 წლის ასაკში: 4 დოზამდე ყოველ 1,5-3 საათში;
- 3-6 წლის ასაკის ბავშვებში: 1-4 დოზა (მაქსიმალური 4 დოზამდე) ყოველ 1,5-3 საათში.

გამოყენების ინსტრუქცია

1. ფლაკონი მოათავსეთ ვერტიკალურ მდგომარეობაში, თავის ჩამოსაცმელი მოატრიალეთ მარცხნივ ან მარჯვნივ ფლაკონისკენ 90°-იანი კუთხით.
2. ჩამოსაცმელი მოათავსეთ პირის ღრუში და ხელი დააჭირეთ რამდენიმეჯერ, რეკომენდებული დოზის მიხედვით. ორ დაჭერას შორის პერიოდი უნდა იყოს არანაკლებ 5 წამი.
3. ჩამოსაცმელი დააბრუნეთ საწყის მდგომარეობაში.
ყურადღება
პირველად გამოყენებამდე რამდენჯერმე ჰაერში გაასხურეთ.

დაიცავით ექიმის ყველა მითითება, არ შეწყვიტოთ თერაპია და არ შეცვალოთ დოზირება ექიმთან კონსულტაციის გარეშე. თუ გამოტოვეთ პრეპარატის გამოყენება, გამოტოვებული დოზა გამოიყენეთ, რაც შეიძლება მალე. თუ მოახლოებულია შემდეგი მიღების დრო, აღარ მიიღოთ გამოტოვებული დოზა და გააგრძელეთ პრეპარატის მიღება ჩვეულებრივი სქემით.
არ გადაამეტოთ რეკომენდებულ დოზას!

უკუჩვენებები
- მომატებული მგრძნობელობა პრეპარატის რომელიმე კომპონენტის მიმართ.
- 3 წლამდე ბავშვთა ასაკი.

გვერდითი მოვლენები
ზოგჯერ შეიძლება გამოვლინდეს ალერგიული რეაქციები, რომელთაგან ყველაზე ხშირია: კანზე გამონაყარი, ფოტოსენსიბილიზაცია, ქავილი და ურტიკარია. ადგილობრივი რეაქციებიდან შეიძლება აღინიშნოს დაბუჟების ან წვის შეგრძნება, პირის სიმშრალე.

ჭარბი დოზირება
დღეისათვის ცნობილი არ არის პრეპარატ გერვეტინის ჭარბი დოზის მიღების შემთხვევები. თუ მიიღეთ რეკომენდებულზე მაღალი დოზა, პირის ღრუში მაშინვე გამოივლეთ საკმარისი რაოდენობის წყალი.

გვერდითი რეაქციების გამოვლენისას, მიმართეთ მკურნალ ექიმს.

ურთიერთქმედება სხვა სამკურნალო საშუალებებთან
დადგენილი არ არის.

განსაკუთრებული მითითებები
გერვეტინით თერაპია არ უნდა აღემატებოდეს 7 დღეს, გარდა ექიმის მიერ რეკომენდებული შემთხვევებისა.
პრეპარატი გავლენას არ ახდენს ავტომობილების მართვის ან სხვა ისეთი საქმიანობის შესრულების უნარზე, რომელიც მოითხოვს მომატებულ ყურადღებას. ინფექციურ-ანთებითი დაავადებებისას აუცილებელია კომბინირებული თერაპიის შემადგენლობაში გამოყენება. მოერიდეთ სპრეის მოხვედრას თვალებში.

გამოშვების ფორმა
30 მლ პლასტმასის, თეთრ, გაუმჭვირვალე კონტეინერში დოზირებელი მოწყობილობით. თითოეული კონტეინერი გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები
ინახება მშრალ, სინათლისაგან დაცულ ადგილას, არაუმეტეს 25°C ტემპერატურაზე.
ინახება ბავშვებისთვის მიუწვდომელ ადგილას!

ვარგისობის ვადა
მითითებულია შეფუთვაზე.
არ გამოიყენება ვარგისობის ვადის გასვლის შემდეგ.

აფთიაქიდან გაცემის წესი
გაიცემა ურეცეპტოდ.

სავაჭრო ნიშნის და რეგისტრაციის მოწმობის მფლობელი

SPEY MEDICAL Ltd.,
ლონდონი, დიდი ბრიტანეთი.

მწარმოებელი

რეპლეკ ფარმ ლტდ. სკოპიე
სკოპიე, მაკედონიის რესპუბლიკა.

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით