სიმბრინზა 10მგ/2მგ 5მლ თვ.წვეთ

სიმბრინზა წვეთები თვალის (10მგ+2მგ)/1მლ 5მლ ფლაკონი #1

გენერიული დასახელება: ბრინზოლამიდი+ბრიმონიდინი

მწარმოებელი ქვეყანა: ბელგია

მწარმოებელი: ალკონი

გაცემის რეჟიმი: რეცეპტული

სიმბრინზა 10 მგ.მლ+2 მგ.მლ თვალის წვეთები, სუსპენზია

შემადგენლობა: 1 მლ სუსპენზია შეიცავს 10 მგ ბრინზოლამიდს და 2 მგ ბრიმონიდინის ტარტრატის ექვივალენტ 1.3 მგ ბრიმონიდინს.

კონსერვანტი: 1 მლ სუსპენზია შეიცავს 0.03 მგ ბენზალკონიუმის ქლორიდს.

დამხმარე ნივთიერებები: ბენზალკონიუმის ქლორიდი, პროპილენგლიკოლი, კარბომერი 974P, ბორის მჟავა, მანიტოლი, ნატრიუმის ქლორიდი, ტილოქსაპოლი, ჰიდროქლორიდის მჟავა ან ნატრიუმის ჰიდროქსიდი და გასუფთავებული წყალი.

ჩვენებები: მომატებული თვალშიდა წნევა. მოზრდილებში ღია-კუთხოვანი გლაუკომა.

დოზირება და მიღების წესი: მოზრდილები და ხანდაზმულები: რეკომენდირებული დოზაა 1 წვეთი სიმბრინზას თვალის წვეთები დაზიანებულ თვალში, 2-ჯერ დღეში. 2-17 წლის ასაკისათვის უსაფრთხოება და ეფექტურობა არ დადგენილა, შესაბამისად პრეპარატი არ არის რეკომენდირებული ამ ასაკობრივ ჯგუფში. დაუშვებელია 2 წლამდე ასაკის ბავშვებში გამოყენება. მოწოდებულია თვალში გამოსაყენებლად, გამოყენებამდე უნდა მოხდეს ბოთლის შენჯღრევა, თავსახურის მოხსნის შემდეგ, უნდა მოეხსნას პირველადი გახსნის რგოლი პროდუქტის გამოყენებამდე. საწვეთურის თავის და სუსპენზიის დაბინძურების თავიდან ასაცილებლად, არ უნდა მოხდეს ბოთლის თავის შეხება ქუთუთოსთან და მიმდებარე ზედაპირებთან. პრეპარატის გამოყენების შემდეგ უნდა მოხდეს მჭიდროდ თავსახურის მორგება. ჩაწვეთების შემდეგ სისტემური შეწოვისა და გვერდითი ეფექტების გამოვლენის ალბათობის შესამცირებლად, რეკომენდირებულია თვალის შიდა კუთხეზე 2 წუთით თითის დაჭერა. შესაძლებელია სიმბრინზას თვალის წვეთების გამოყენება სხვა ადგილობრივი მოქმედების თვალის პრეპარატებთან ერთად. მათ გამოყენებებს შორის უნდა მოხდეს 5 წუთიანი ინტერვალების დაცვა, თვალის მალამო გამოიყენება ბოლოს. დოზის გამოტოვების შემთხვევაში უნდა გაგრძელდეს მკურნალობა ჩვეული სქემის მიხედვით. სხვა გლაუკომის საწინააღმდეგო საშუალებების სიმბრინზას თვალის წვეთებით ჩანაცვლების შემთხვევაში, სხვა საშუალების გამოყენება უნდა შეწყდეს და სიმბრინზას გამოყენება უნდა დაიწყოს მომდევნო დღიდან.

გვერდითი მოვლენები: ნაზოფარინგიტი, ფარინგიტი, სინუსიტი, რინიტი, ერითროციტების რაოდენობის შემცირება სისხლში, ქლორის დონის მომატება, მომატებული მგრძნობელობის რეაქციები, აპათია, დეპრესია, დეპრესიული ხასიათი, ლიბიდოს დაქვეითება, ღამის კოშმარები, ნევროტულობა, უძილობა, ძილიანობა, გემოვნები დარღვევები, თავის ტკივილი, მოძრაობის, მგრძნობელობის, მხედველობის დარღვევები, გულის წასვლა, კანკალი, მადის დაკარგვა, კონიუნქტივიტი, თვალის ალერგია, ქუთუთოების ანთება, მხედველობის გაბუნდოვნება, მხედველობის დარღვევები, თვალის ტკივილი, გაღიზიანება, სიმშრალე, ქავილი, სიწითლე, დისკომფორტი, კონიუნქტივას სიფერმკრთალე, რქოვანას რღვევა, ანთება, გაორება, რქოვანას შეშუპება, თვალის შეშუპება, თვალიდან გამონადენი, ფოტოფიქსია, სინათლის შიში, თვალის მგრძნობელობის დაქვეითება, გაძლიერებული ცრემლდება, ფტერიგიუმი, ქუთუთოს სიწითლე, მეიბომის ჯირკვლის ანთება, ალერგიული ქუთუთოების ანთება, კონიუნქტივას დარღვევა, კისტა, სკლერის პიგმენტაცია, ასთენოპია, მხედველობის სიმახვილის დაქვეითება, რქოვანას ნალექი, კონიუნქტივას შეშუპება, ცრემლდენის შემცირება, თვალში უჩვეულო შეგრძნება, უვეიტი, გუგების შევიწროვება, თავბრუსხვევა, ყურებში ხმაური, გულ-ფილტვის უკმარისობა, ტკივილი მკერდის ძვლის უკან, რითმის დარღვევა, გულის ფრიალი, გულისცემის შემცირება ან მომატება, არტერიული წნევის დაქვეითება ან მომატება, ქოშინი, ბრონქების მომატებული მგრძნობელობა, ხახის და ყელის არეში ტკივილი, ხველა, ცხვირიდან სისხლდენა, ცხვირის გაჭედილობა, სიმშრალე, ცემინება, ხველა, მშრალი ყელი, ცხვირიდან გამონადენი, ასთმა, პირის სიმშრალე, საყლაპავის ლორწოვანის ანთება, ფაღარათი, ღებინება, შებერილობა, გულისრევა, დისპეფია, მუცლის არეში დისკომფორტი, ღვიძლის ფუნქციური სინჯების ცვლილებები, ალერგიული დერმატიტი, ჭინჭრის ციება, გამონაყარი, ქავილი, თმის ცვენა, კანის დაჭიმულობა, სახის შეშუპება, დერმატიტი, სიწითლე, წელის ტკივილი, კუნთების სპაზმი, კუნთებისა და სახსრების ტკივილი, კიდურებში ტკივილი, გახშირებული შარდვა, ერექციული დისფუნქცია, საერთო სისუსტე და დაღლილობა, შფოთვა, გაღიზიანებადობა, გულმკერდში ტკივილი, პერიფერიული შეშუპება.

უკუჩვენებები: მომატებული მგრძნობელობა აქტიური ნივთიერების ან რომელიმე დამხმარე ნივთიერების, ან სულფონამიდების მიმართ. პაციენტები მაო-ინჰიბიტორებით თერაპიისას, ანტიდეპრესანტების მიღებისას, თირკმლის ფუნქციის დარღვევით, ჰიპერქლორემიული აციდოზით, ახალშობილები და 2 წლამდე ასაკის ბავშვები.

ურთიერთქმედება სხვა პრეპარატებთან: აძლიერებს ალკოჰოლის, ბარბიტურატების, ოპიატების, სედაციური ან საანესთეზიო საშუალებების ცნს-ის დამთრგუნველ ეფექტებს. სიფრთხილით გამოიყენება ტრიციკლურ ანტიდეპრესანტებთან გამოყენებისას, როგორიცაა ქლორპრომაზინი, მეთილფენიდატი, რეზერპინი, სეროტონინ-ნორეპინეფრინის უკუმიტაცების ინჰიბიტორები. სიფრთხილით გამოიყენება ასევე ანტიჰიპერტენზიული და საგულე გლიკოზიდებთან კომბინაციაში, კეტოკონაზოლთან, იტრაკონაზოლთან, ქლორტრიმაზოლთან, რიტონავირთან და ტროლეანდრომიცინთან ერთად, შესაძლოა ურთიერთქმედებდეს იზოპრენალინთან, პრაზოზინთან; არ არის რეკომენდირებული სიმბრინზას თვალის წვეთებისა და შიგნით მისაღები კარბოანჰიდრაზას ერთდროული გამოყენება.

განსაკუთრებული მითითებები: სიმბრინზას თვალის წვეთების გამოყენება არ არის შესწავლილი და შესაბამისად არ არის რეკომენდირებული დახურულკუთხოვანი გლაუკომის დროს. საჭიროა პაციენტების მონიტორინგი რქოვანას დაზიანების, შაქრიანი დიაბეტის ან რქოვანას დისტროფიის დროს. კონტაქტური ლინზების ტარებამ შესაძლოა გამოიწვიოს რქოვანაზე რისკის მომატება. სიმბრინზას თვალის წვეთები შეიცავს ბრიმონიდინის ტარტრატს, რასაც შეუძლია გამოიწვიოს თვალზე ალერგიული რეაქციები. აღნიშნულ შემთხვევაში უნდა შეწყდეს მკურნალობა. მკურნალობისას საჭიროა მკურნალობის გამოჩენა პაციენტებში, რომელთაც ანამნეზში აღენიშნებათ მწვავე ან არასტაბილური და უკონტროლო გულ-სისხლძარღვთა სისტემის მხრივ დარღვევები, ანტიჰიპერტენზიული საშუალებების ან საგულე გლიკოზიდების სიმბრინზას თვალის წვეთებთან ერთდროული მიღებისას, პაციენტებში დეპრესიით, თავის ტვინის სისხლძარღვოვანი ან კორონარული უკმარისობით, რეინოს დაავადებით, ორთოსტატული ჰიპოტენზიით ან მაობლიტირებელი თრომბანგიიტით, პაციენტებში თირკმლის ფუნქციის დარღვევის რისკით, ღვიძლის ფუნქციის დარღვევით. პრეპარატი შეიცავს ბენზალკონიუმის ქლორიდს, რამაც შეიძლება გამოიწვიოს თვალის გაღიზიანება, კონტაქტური ლინზების გაუფერულება. ამის გათვალისწინებით, პრეპარატის გამოყენებამდე უნდა მოხდეს კონტაქტური ლინზების მოხსნა და ხელახლა ჩასმა ჩაწვეთებიდან 15 წუთის შემდეგ. ხშირი და ხანგრძლივი გამოყენებისას საჭიროა ოფთალმოლოგის მიერ პაციენტის მუდმივი მონიტორინგი.

ორსულობა და ლაქტაცია: არ არის რეკომენდირებული ორსულობისა და ძუძუთი კვების პერიოდში.

მანქანისა და სხვა მექანიზმების მართვა: სიფრთხილით გამოიყენება მანქანისა და სხვა მექანიზმების მართვის დროს, ვინაიდან შესაძლოა გამოიწვიოს თავბრუსხვევა, დაღლილობა, ძილიანობა, მხედველობის დროებითი გაბუნდოვნება ან სხვა სახის დარღვევები.

ჭარბი დოზირება: ჭარბი დოზირების შემთხვევაში უნდა მოხდეს თვალის წყლით ამორეცხვა. შემთხვევით გადაყლაპვისას შეიძლება განვითარდეს ელექტროლიტური დისბალანსი, აციდოზირუ მდგომარეობა, ნერვული სისტემის მხრივ ეფექტები. არტერიული წნევის დაქვეითება, შემდგომში მომატებით, საერთო სისუსტე, დაღლა, ღებინება, ძილიანობა, სედაცია, დაბალი პულსი, გულის რითმის დარღვევა, გუგების შევიწროვება, სხეულის ტემპერატურის დაქვეითება, სუნთქვის დათრგუნვა, კრუნჩხვები. მკურნალობა: შემანარჩუნებელი და სიმპტომური. უნდა მოხდეს სასუნთქი გზების გამავლობის შენარჩუნება. ბავშვებში შემთხვევით გადაყლაპვისას: ცენტრალური ნერვული სისტემის დეპრესიის სიმპტომები, კომა, ცნობიერების დაქვეითება, ძილიანობა, არტერიული წნევის დაქვეითება, დაბალი პულსი, დაბალი სხეულის ტემპერატურა, სუნთქვის დათრგუნვა და გაჩერება. მკურნალობა შესაძლოა საჭიროებდეს ინტენსიურ თერაპიას, ჩვენების შემთხვევაში ინტუბაციით.

გარეგნული სახე და შეფუთვა: თვალის წვეთები, თეთრი ან მოთეთრო ფერის ერთგვაროვანი სუსპენზია. პლასტმასის დროპტეინერიანი დისპენსერი შეიცავს 5 მლ სუსპენზიას.

შენახვის პირობები: ინახება არაუმეტეს 30⁰C ტემპერატურაზე, ბავშვებისთვის მიუწვდომელ ადგილას. პირველი გახსნიდან ვარგისია 1 თვე.

ვარგისიანობის ვადა: მითითებულია შეფუთვაზე.

აფთიაქიდან გაცემის პირობები: რეცეპტით.

მწარმოებელი: ალკონ-კუვრეურ, ბელგია.