დინოლი 20მგ/მლ 15მლ პერორ/წვ.

38.50 ლარი

ფარმაკოლოგიური ჯგუფი: ანტიდეპრესანტები

ქვეყანა: იტალია

მწარმოებელი: დოპელ ფარმაცევტიცი

ჯენერიკი - შეადარეთ ანალოგები: ესციტალოპრამი

გაცემის ფორმა: II ჯგუფი რეცეპტული

კოდი: 74234

გააზიარე:

შეუკვეთე

ანოტაცია
სად შევიძინო

დინოლი ხსნარი 20მგ/მლ 15მლ

შემადგენლობა და გამოშვების ფორმა

წვეთები პერორალური მიღებისათვის: ფლაკონი 15 მლ, 20მგ/მლ წვეთები.

აქტიური ნივთიერება: ესციტალოპრამი. ყოველი 1მლ დინოლი შეიცავს 20 მგ ესციტალოპრამს (25.55 მგ ესციტალოპრამ ოქსალატის სახით).1 წვეთი შეიცავს 1 მგ ესციტალოპრამს.

სხვა ინგრედიენტები: პროპილ გალატი, უწყლო ლიმონმჟავა, ეთანოლი 96%, ნატრიუმის ჰიდროქსიდი, გაწმენდილი წყალი.

კლინიკურ-ფარმაკოლოგიური ჯგუფი: ანტიდეპრესანტი.

ფარმაკოლოგიური თვისებები

დინოლი მიეკუთვნება ანტიდეპრესანტების ჯგუფს სახელწოდებით სეროტონინის უკუმიტაცების სელექტიური ინჰიბიტორები (SSRIs). SSRIs მოქმედებენ ტვინში სეროტონინის სისტემაზე და ზრდიან სეროტონინის დონეს. სეროტონინის სისტემაში დარღვევები სერიოზულ ფაქტორად ითვლება დეპრესიისა და მასთან დაკავშირებული დაავადეების განვითარებისათვის.

ჩვენებები

დინოლი შეიცავს ესციტალოპრამს, რომელიც გამოიყენება შემდეგი დაავადებების მკურნალობისათვის:

• დეპრესია (სერიოზული დეპრესიული ეპიზოდები);

• შფოთვითი აშლილობები (როგორიცაა მაგალითად, პანიკური აშლილობა აგორაფობიით ან მის გარეშე (ხალხის/ხიდების/გარეთ გასვლის შიში), სოციალური შფოთვითი აშლილობა, ზოგადი შფოთვის აშლილობა და ობსესიურ-კომპულსური აშლილობა).

დოზირება დამიღების წესი

მოზრდილები

დეპრესია

დინოლის რეკომენდებული დოზაა 10 მგ (10 წვეთი) ერთ დღიურ დოზაზე მისაღებად. დოზის გაზრდა შესაძლებელია ექიმის მიერ მაქსიმუმ 20 მგ-მდე (20 წვეთი) დღეში.

პანიკური აშლილობები

დინოლის რეკომენდებული დოზაა 5 მგ (5 წვეთი) დღეში პირველი კვირის განმავლობაში, დოზის 10 მგ-მდე (10 წვეთი) გაზრდამდე. დოზის გაზრდა შესაძლებელია ექიმის მიერ მაქსიმუმ 20 მგ-მდე (20 წვეთი) დღეში.

სოციალური შფოთვითი აშლილობა

დინოლის რეკომენდებული დოზაა 10 მგ (10 წვეთი) ერთ დღიურ დოზაზე მისაღებად. ექიმმა შესაძლოა შეამციროს დოზა 5 მგ-მდე (5 წვეთი) დღეში ან გაზარდოს მაქსიმუმ 20 მგ-მდე (20 წვეთი) დღეში, იმის მიხედვით თუ როგორ რეაგირებს პაციენტი წამალზე.

გენერალიზებული შფოთვითი აშლილობა

დინოლის რეკომენდებული დოზაა 10 მგ (10 წვეთი) ერთ დღიურ დოზაზე მისაღებად. ექიმმა შესაძლოა გაზარდოს დოზა მაქსიმუმ 20 მგ-მდე (20 წვეთი) დღეში.

ობსესიურ-კომპულსური აშლილობა

ასაკოვანი პაციანტები (65 წელს ზემოთ ასაკი)

დინოლის რეკომენდებული დოზაა 5 მგ (5 წვეთი) ერთ დღიურ დოზაზე მისაღებად. ექიმმა შესაძლოა გაზარდოს დოზა 10 მგ-მდე (10 წვეთი) დღეში.

ბავშვები და მოზარდები

დინოლის მიღება ბავშვებში და მოზარდებში არ შეიძლება.

მკურნალობის ხანგრძლივობა

შესაძლოა დაგჭირდეთ რამდენიმე კვირა, ვიდრე თავს უკეთ იგრძნობთ. განაგრძეთ დინოლის მიღება იმ შემთხვევაშიც კი, თუკი მდგომარეობის გაუმჯობესებას გარკვეული დრო დასჭირდება.

არ შეცვალოთ დოზა თვითნებურად, ვიდრე არ დაელაპარაკებით ექიმს.

განაგრძეთ დინოლის მიღება იმდენ ხანს, რამდენ ხანსაც გირჩევთ ექიმი. თუკი მკურნალობას მეტისმეტად ადრე შეწყვეტთ შესაძლებელია სიმპტომები განმეორდეს. რეკომენდებულია მკურნალობის გაგრძელება სულ მცირე 6 თვის განმავლობაში, მას შემდეგ რაც უკეთ იგრძნობთ თავს.

გვერდითი მოვლენები

ყველა სხვა წამლის მსგავსად, ამ წამალმაც შესაძლოა გამოიწვიოს გვერდითი მოვლენები, თუმცა არა ყველა პაციენტში.

ეს გვერდითი მოვლენები როგორც წესი ქრება მკურნალობის დაწყებიდან რამდენიმე კვირაში. გაითვალისწინეთ, რომ ეს მოვლენები შესაძლოა თქვენი დაავადების სიმპტომებიც იყოს და შესაბამისად გაუმჯობესდეს მდგომარეობის გაუმჯობესებასთან ერთად.

დაუყოვნებლივ მიმართეთ ექიმს ან საავადმყოფოს თუკი შენიშნავთ შემდეგ გვერდით მოვლენებს:

• გართულებული შარდვა;

• კრუნჩხვები;

• კანის და თვალის თეთრი გარსის სიყვითლე ღვიძლის პრობლემების/ჰეპატიტის ნიშანია;

• ჩქარი, არითმიული გულისცემა, გონების დაკარგვა, რაც შესაძლოა სიცოცხლისათვის საშიში მდგომარეობის სიმპტომი იყოს, სახელწოდებით ტორსადეს დე პოინტეს – პირუეტის ტიპის პოლიფორმული პარკუჭოვანი ტაქიკარდია.

თუკი გამოვლინდება გვერდითი მოვლენა, აუცილებლად მიმართეთ ექიმს ან ფარმაცევტს. მათ შორის ისეთი გვერდითი მოვლენაც, რომელიც არ არის მოცემული ამ ინსტრუქციაში.

თუ შეწყვეტთ დინოლის მიღებას

არ შეწყვიტოთ დინოლის მიღება ვიდრე ამას თქვენი ექიმი არ გეტყვით. როდესაც მკურნალობის კურსს დაასრულებთ, რეკომენდებულია დინოლის თანდათანობით შემცირება რამდენიმე კვირის მანძილზე.

როდესაც შეწყვეტთ დინოლის მიღებას, განსაკუთრებით კი იმ შემთხვევაში თუკი ერთბაშად შეწყვეტთ მის მიღებას, შესაძლოა გქონდეთ შემდეგი სიმპტომები:

• თავბრუსხვევა (წონასწორობის დარღვევები), ჩხვლეტის შეგრძნება, წვის და (იშვიათად) ელექტროშოკის შეგრძნება (მათ შორის თავშიც), ძილის დარღვევები (რეალურის მსგავსი სიზმრები, კოშმარები, უძილობა), შფოთვა, თავის ტკივილი, გულისრევა (ღებინება), ოფლიანობა (მათ შორის ღამითაც), მოუსვენრობა და მღელვარება, ტრემორი (კანკალი), ოროენტაციის დაღვევა ან დაბნეულობა, ემოციურობა და გაღიზიანებადობა, დიარეა, მხედველობის დარღვევები, ფიბრილაცია ან გაძლიერებული გულისცემა.

ორსულობა და ლაქტაცია

დინოლის გამოყენება რეკომენდებული არ არის ორსულობისა და ლაქტაციის პერიოდში.

შენახვის პირობები და ვადა

შეინახეთ ბავშვებისათვის მიუწვდომელ ადგილას.

არ გამოიყენოთ დინოლი შეფუთვაზე EXP-ის გვერდით მოცემული ვარგისობის ვადის ამოწურვის შემდეგ.

ვარგისობის ვადა გულისხმობს მითითებული თვის ბოლო დღეს.

წვეთების გამოყენება შესაძლებელია გახსნიდან 8 კვირის განმავლობაში. შეინახეთ არაუმეტეს 25°C ტემპერატურაზე.

გამოშვების ფორმა

დინოლი წვეთები შიგნით მისაღებად ხსნარი არის გამჭვირვალე, თითქმის უფერო ან მოყვითალო ფერის ხსნარი მინის ბოთლში 15 მლ ხსნარით, წვეთოვანი აპლიკატორით.

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით