
ეუფილინი 0.15გ #30ტ
გააზიარე:
ეუფილინი
სავაჭრო დასახელება: ეუფილინი.
საერთაშორისო არაპატენტირებული დასახელება: ამინოფილინი (Aminophylline).
გამოშვების ფორმა: ტაბლეტები 150 მგ.
შემადგენლობა
1 ტაბლეტი შეიცავს: მოქმედ ნივთიერებას: ამინოფილინს - 150 მგ;
დამხმარე ნივთიერებები: პოვიდონი, მაგნიუმის სტეარატი, კარტოფილის სახამებელი.
აღწერილობა: თეთრი ან თეთრი მოყვითალო შეფერილობით ტაბლეტები, ბრტყელცილინდრული, ნაზოლით.
ფარმაკოთერაპიული ჯგუფი
სასუნთქი გზების ობსტრუქციული დაავადებების სამკურნალო სისტემური გამოყენების სხვა საშუალებები. ქსანტინები.
ათქ კოდი: R03DA05.
გამოყენების ჩვენებები
- ქრონიკული ობსტრუქციული ბრონქიტი;
- ბრონქული ასთმა (ბრონქოსპაზმის პროფილაქტიკა, არჩევის პრეპარატი ფიზიკური დაძაბულობის ასთმისას, დამატებითი საშუალება ასთმის სხვა ფორმებისას);
- ფილტვების ემფიზემა;
- ღამის პაროქსიზმული აპნოე (პიკვიკის სინდრომი);
- ქრონიკული ფილტვისმიერი გული.
უკუჩვენებები
- ჰიპერმგრძნობელობა ეუფილინისა და მეთილქსანტინის სხვა წარმოებულების მიმართ;
- მიოკარდის ინფარქტი მწვავე ფაზაში;
- ტაქიარითმია;
- ჰიპერტროფული ობსტრუქციული კარდიომიოპათია;
- კუჭისა და თორმეტგოჯა ნაწლავის წყლულოვანი დაავადება გამწვავების ფაზაში;
- ღვიძლის და/ან თრიკმელების ფუნქციის მძიმე დარღვევები;
- ჰიპერთირეოზი;
- ეპილეფსია;
- ეფედრინის მიღება (ბავშვებში);
- ბავშვთა ასაკი 6 წლამდე;
- გასტრიტი მომატებული მჟავიანობით;
- მძიმე არტერიული ჰიპერ- და ჰიპოტენზია;
- ჰემორაგიული ინსულტი;
- სისხლჩაქცევა თვალის ბადურაში.
სიფრთხილით
გულის იშემიური დაავადება (სტენოკარდია), სისხლძარღვების გავრცელებული ათეროსკლეროზი, პარკუჭების ხშირი ექსტრასისტოლია, მომატებული კრუნჩხვითი მზადყოფნა, ღვიძლის და/ან თირკმლის მსუბუქი და ზომიერი ხარისხის უკმარისობა, კუჭისა და 12-გოჯა ნაწლავის წყლულოვანი დაავადება ანამნეზში, სისხლდენა კუჭ-ნაწლავიდან ცოტახნისწინანდელ ანამნეზში, არაკონტროლირებადი ჰიპოთირეოზი (კუმულაციის შესაძლებლობა), ხანგრძლივი ჰიპერთერმია, გასტროეზოფაგეალური რეფლუქსი, წინამდებარე ჯირკვლის ადენობა, ორსულობა, ლაქტაციის პერიოდი, ხანდაზმულობა, ბავშვთა ასაკი.
გამოყენების წესი და დოზები
მიიღება შიგნით ჭამის შემდეგ, დიდი რაოდენობით სითხის მიყოლებით. დოზის შერჩევა უნდა მოხდეს თითოეული ავადმყოფის ინდივიდუალური თავისებურებების შესაბამისად, კლინიკური პასუხისა და სისხლის შრატში ეუფილინის სტაბილური კონცენტრაციის გათვალისწინებით. დოზის გაანგარიშება ხდება სხეულის იდეალური წონიდან გამომდინარე (ვინაიდან პრეპარატი არ ნაწილდება ცხიმოვან ქსოვილში).
მოზრდილებში უნდა დაინიშნოს 150 მგ დღეში 3-4-ჯერ.
6 წელზე უფროს ბავშვებში უნდა დაინიშნოს გაანგარიშებით 7-10 მგ/კგ დღეში 4 მიღებად.
ეუფილინის უმაღლესი დოზები მოზრდილებისთვის: ერთჯერადი 500 მგ; სადღეღამისო - 1500 მგ.
უმაღლესი დოზები 6 წელზე უფროსი ბავშვებისთვის: ერთჯერადი - 7 მგ/კგ, სადღეღამისო - 15 მგ/კგ.
მკურნალობის კურსის ხანგრძლივობა - რამდენიმე დღიდან რამდენიმე თვემდე, დაავადების მიმდინარეობისა და პრეპარატის ამტანობის მიხედვით. ტოქსიკური ეფექტების შესამცირებლად ეუფილინი უნდა დაინიშნოს მინიმალური ეფექტური დოზებით.
გვერდითი მოქმედება
ნერვული სისტემის მხრივ: თავბრუსხვევა, თავის ტკივილი, უძილობა, აგზნებულობა, შფოთვა, გაღიზიანებულობა, ტრემორი.
გულ-სისხლძარღვთა სისტემის მხრივ: გულისცემა, ტაქიკარდია (მათ შორის ნაყოფში ორსულის მიერ III ტრიმესტრში მიღებისას), არითმიები, კარდიალგია, არტერიული წნევის დაწევა, სტენოკარდიის შეტევების სიხშირის მომატება.
საჭმლის მომნელებელი სისტემის მხრივ: გასტრალგია, ღებინება, გულისრევა, გასტროეზოფაგეალური რეფლუქსი, გულძმარვა, კუჭისა და 12-გოჯა ნაწლავის წყლულოვანი დაავადების გამწვავება, დიარეა, ხანგრძლივი გამოყენებისას - მადის დაქვეითება.
ალერგიული რეაქციები: გამონაყარი კანზე, ქავილი, ცხელება.
სხვა: ტკივილი მკერდში, ტაქიპნოე, სახეზე „წამოხურების“ შეგრძნება, ალბუმინურია, ჰემატურია, ჰიპოგლიკემია, დიურეზის გაძლიერება, ჭარბი ოფლდენა.
პრეპარატის დოზის შემცირებისას გვერდითი ეფექტები მცირდება.
სიფრთხილის ზომები
ორსულობა და ლაქტაცია
ორსულობის დროს ეუფილინის გამოყენებამ შეიძლება გამოიწვიოს ახალშობილისა და ნაყოფის ორგანიზმში თეოფილინისა და კოფეინის პოტენციურად საშიში კონცენტრაციების შექმნა. ახალშობილები, რომელთა დედებიც ორსულობის დროს (განსაკუთრებით III ტრიმესტრში) იღებდნენ ეუფილინს, საჭიროებენ სამედიცინო დაკვირვებას მეთილქსანტინებით ინტოქსიკაციის შესაძლო სიმპტომების კონტროლისთვის. ორსულობისა და ლაქტაციის დროს პრეპარატის დანიშვნა საჭიროებს ბავშვისთვის პოტენციური რისკის შეფასებას და ინიშნება მხოლოდ ექსტრემალური სასიცოცხლო ჩვენებებით.
გამოყენება გერიატრიასა და ნეონატოლოგიაში
ტაბლეტების ფორმით ეუფილინის გამოყენება 6 წელზე უმცროს ბავშვებში რეკომენდებული არ არის პრეპარატის შეყვანისას სირთულეების გამო.
60 წელზე უფროს პირებში ეუფილინის გამოყენება უნდა მოხდეს დაბალი დოზებით, სისხლის პლაზმაში ეუფილინის კონცენტრაციის მონიტორირების პირობებში.
ეუფილინი არ მიიღება ქსანტინის სხვა წარმოებულებთან ერთად. მკურნალობის პერიოდში უნდა მოერიდოთ ქსანტინის წარმოებულების შემცველი საკვები პროდუქტებისა და სასმელების (მაგარი ჩაი, ყავა, შოკოლადი, კაკაო) მიღებას.
ზეგავლენა ავტოტრანსპორტის ტარებისა და მექანიზმების მართვის უნარზე
თერაპიული დოზების შიგნით მიღებისას ეუფილინი არ ახდენს ზეგავლენას პოტენციურად საშიში საქმიანობის შესრულების უნარზე.
სამკურნალო საშუალებას შეუძლია გამოიწვიოს გვერდითი რეაქციები ნერვული სისტემის მხრივ (თავბრუსხვევა, აგზნებულობა, ტრემორი), პაციენტებმა უნდა დაიცვან სიფრთხილე ავტოტრანსპორტის ტარებისა და მოძრავ მექანიზმებთან მუშაობის დროს.
ურთიერთქმედება სხვა სამკურნალო საშუალებებთან
ზრდის გლუკოკორტიკოსტეროდებისა და მინერალოკორტიკოსტეროიდების (ჰიპერნატრიემია), ზოგადი ანესთეზიის საშუალებების (ვითარდება პარკუჭების არითმიების განვითარების რისკი), ცენტრალური ნერვული სისტემის აგმზნები საშუალებების (ზრდის ნეიროტოქსიკურობას) გვერდითი ეფექტების განვითარების ალბათობას.
დიარეის საწინააღმდეგო პრეპარატები და ენტეროსორბენტები ამცირებენ ამინოფილინის შეწოვას. რიფამპიცინი, ფენობარბიტალი, ფენიტოინი, იზონიაზიდი, კარბამაზეპინი, სულფინპირაზონი, ამინოგლუტეთიმიდი, პერორალური ესტროგენშემცველი კონტრაცეპტივები და მორიციზინი, არიან რა მიკროსომალური ჟანგვის ინდუქტორები, ზრდიან ამინოფილინის კლირენსს, რამაც შესაძლოა მოითხოვოს მისი დოზის გაზრდა.
მაკროლიდების ჯგუფის ანტიბიოტიკებთან, ლინკომიცინთან, ალოპურინოლთან, ციმეტიდინთან, იზოპრენალინთან, ენოქსაცინთან, ეთანოლის მცირე დოზებთან, დისულფირამინთან, ფტორქინოლონებთან, რეკომბინანტულ ალფა ინტერფერონთან, მეთოტრექსატთან, მექსილეტინთან, პროპაფენონთან, თიაბენდაზოლთან, ტიკლოპიდინთან, ვერაპამილთან ერთად გამოყენებისას და გრიპის წინააღმდეგ ვაქცინაციისას ამინოფილინის მოქმედების ინტენსივობა შეიძლება გაიზარდოს, რამაც შეიძლება მისი დოზის შემცირება გახადოს საჭირო.
ზრდის ბეტა-ადრენომასტიმულირებლებისა და დიურეზულების მოქმედებას (მათ შორის გორგლისებრი ფილტრაციის გაზრდის ხარჯზე), აქვეითებს ლითიუმის პრეპარატებისა და ბეტა-ადრენობლოკატორების ეფექტურობას. შეთავსებადია სპაზმოლიზურ საშუალებებთან, არ გამოიყენება ქსანტინის სხვა წარმოებულებთან ერთად. სიფრთხილით ინიშნება ანტიკოაგულანტებთან ერთად.
ჭარბი დოზა
სიმპტომები
მადის დაქვეითება, გასტრალგია, დიარეა, ღებინება, გულისრევა (მათ შორის სისხლით), სისხლდენა კუჭ-ნაწლავიდან, ტაქიპნოე, სახის კანის ჰიპერემია, ტაქიკარდია, პარკუჭების არითმიები, უძილობა, მოძრაობითი აგზნებულობა, შფოთვა, სინათლის შიში, ტრემორი, კრუნჩხვები. მძიმე მოწამვლისას შესაძლებელია ეპილეფსიური შეტევების განვითარება (განსაკუთრებით ბავშვებში რაიმე მომასწავებელი ნიშნების წარმოქმნის გარეშე), ჰიპოქსია, მეტაბოლური აციდოზი, ჰიპერგლიკემია, ჰიპოკალიემია, არტერიული წნევის დაწევა, ჩონჩხის კუნთების ნეკროზი, გონების არევა, თირკმლის უკმარისობა მიოგლობინურიით.
მკურნალობა
პრეპარატის მოხსნა, კუჭის ამორეცხვა, გააქტივებული ნახშირის, საფაღარათო საშუალებების დანიშვნა, ფორსირებული დიურეზი, ჰემოსორბცია, პლაზმოსორბცია, ჰემოდიალიზი (ეფექტურობა მცირეა, პერიტონეალური დიალიზი არაეფექტურია), სიმპტომური თერაპია (მათ შორის მეტოკლოპრამიდი და ონდანსეტრონი - გულისრევისას). კრუნჩხვების განვითარებისას უნდა შენარჩუნდეს სასუნთქი გზების გამტარობა და ჩატარდეს ოქსიგენოთერაპია. შეტევების კუპირებისთვის საჭიროა ვენაში დიაზეპამის შეყვანა 0,1-0,3 მგ/კგ (მაგრამ არა უმეტეს 10 მგ) დოზით. ძლიერი ღებინებისა და გულისრევისას - მეტოკლოპრამიდი და ონდანსეტრონი (ვენაში).
შეფუთვა
10 ტაბლეტი კონტურულ უჯრედულ შეფუთვაში. 3 კონტურული უჯრედული შეფუთვა ფურცელ-ჩანართთან ერთად მოთავსებულია მუყაოს კოლოფში.
შენახვის პირობები
სინათლისა და ნესტისგან დაცულ ადგილას, არა უმეტეს 250C ტემპერატურაზე.
შეინახეთ ბავშვებისათვის მიუწვდომელ ადგილას.
ვარგისობის ვადა
2 წელი. შეფუთვაზე მითითებული ვარგისობის ვადის გასვლის შემდეგ სამკურნალო საშუალების გამოყენება არ შეიძლება.
აფთიაქიდან გაცემის პირობები
ფარმაცევტული პროდუქტის ჯგუფი III, გაიცემა რეცეპტის გარეშე.
ინფორმაცია მწარმოებლის შესახებ
ღია სააქციო საზოგადოება „ბორისოვის სამედიცინო პრეპარატების ქარხანა“,
ბელარუსის რესპუბლიკა,
მინსკის ოლქი, ქ.ბორისოვი, ჩაპაევის ქ. 64,
ტელ/ფაქსი +375(177)735612, 731156.