ტივორტინი 4.2% 100მლ ფლ

ტივორტინი 4.2% 100მლ ფლ

22.00 ლარი 15.95 ლარი
ქვეყანა: უკრაინა
მწარმოებელი: იურია-ფარმი კიევი
ჯენერიკი - შეადარეთ ანალოგები: Argininum
გაცემის ფორმა: II ჯგუფი რეცეპტული
კოდი: 48205
გააზიარე:

სამკურნალო საშუალების სამედიცინო გამოყენების ინსტრუქცია
ტივორტინი®
(TIVORTINI)


შემადგენლობა: L- არგქინინი ჰყდროცჰლორიდუმ;
1 მლ ხსნარი შეიცავს 42 მგ არგინინის ჰიდროქლორიდს (100 მლ შეიცავს 20 მმოლ არგინინს და 10 მმოლ ქლორიდებს);
დამხმარე ნივთიერებები: საინექციო წყალი.

სამკურნალო ფრომა. საინფუზიო ხსნარი.
ძირითადი ფიზიკურ-ქიმიური თვისებები: გამჭვირვალე უფერო ან ოდნავ მოყვითალო-ყავისფერი ხსნარი; პH 5,0-6,5. თეორიული ოსმოლარობა 398 მოსმოლ/ლ.
ფარმაკოთერაპიული ჯგუფი. სისხლის შემცვლელები და პერფუზიული ხსნარები. დამატებითი ხსნარები ინტრავენური შეყვანისათვის. ამინომჟავები. არგინინის ჰიდროქლორიდი.
ათქ კოდი B05XB01.

ფარმაკოლოგიური თვისებები.
ფარმაკოდინამიკა
არგინინი (ɑ-ამინო-δ-გუანიდინო-ვალერიანის მჟავა) – ამინომჟავა, რომელიც მიეკუთვნება პირობითად შეუცვლელი ამინომჟავების კლასს და წარმოადგენს ორგანიზმის მრავალი სასიცოცხლო მნიშვნელობის ფუნქციების აქტიურ და მრავალმხრივ უჯრედულ რეგულატორს, ავლენს ორგანიზმის კრიტიკულ მდგომარეობაში მნიშვნელოვან პროტექტორულ ეფექტებს.
ტივორტინი® ავლენს ანტიჰიპოქსიურ, მემბრანომასტიმულირებელ, ციტორპოტექტორულ, ანტიოქსიდანტურ, ანტირადიკალურ, დეზინტოქსიკაციურ აქტივობას, ავლენს თავს როგორც შუალედური ცვლის და ენერგომომარაგების პროცესების აქტიური მარეგულირებელი, გარკვეულ როლს თამაშობს ორგანიზმში ჰორმონალური ბალანსის შენარჩუნებაში. ცნობილია, რომ არგინინი ზრდის სისხლში ინსულინის, გლუკაგონის, სომატროპული ჰორმონის და პროლაქტინის შემცველობას, მონაწილეობს პროლინის, პოლიამინის, აგმატინის სინთეზში, ერთვება ფიბრინოგენოლიზის, სპერმატოგენეზის პროცესებში, ავლენს მემბრანომასტიმულირებელ მოქმედებას.
არგინინი წარმოადგენს ერთ-ერთ ძირითად სუბსტრატს ღვიძლში შარდოვანას სინთეზის ციკლში.
პრეპარატის ჰიპოამონური ეფექტი რეალიზდება შარდოვანად ამიაკის გარდაქმნის აქტივირების გზით. ავლენს ჰეპატოპროტექტორულ მოქმედებას ანტიოქსიდანტური, ანტიჰიპოქსიური და მემბრანომასტიმულირებელი აქტივობის წყალობით, დადებითად მოქმედებს ჰეპატოციტეში ენერგომომარაგების პროცესებზე.
ტივორტინი® წარმოადგენს სუბსტრატს NO-სინთაზასთვის - ფერმენტისთვის რომელიც ახდენს ენდოთელიოციტებში აზოტის ოქსიდის სინთეზის კატალიზირებას. პრეპარატი ააქტიურებს გუანილატციკლაზას და ზრდის სისხლძარღვების ენდოთელიუმში ციკლური გუანოზინმონოფოსფატის დონეს, ამცირებს ენდოთელიუმის სისხლძარღვებში თრომბოციტების და ლეიკოციტების აქტივაციას და ადჰეზიას, თრგუნავს ადჰეზიური პროტეინების VCAM-1 და MCP-1 სინთეზს, ახდენს რა ამგვარად ათეროსკლეროზული ფოლაქების წარმოქმნის და განვითარების პრევენციას, თრგუნავს ენდოთელინი-1-ის სინთეზს, რომელიც წარმოადგენს სისხლძარღვების კედლის გლუვი მიოციტების პროლიფერაციის და მიგრაციის ვაზოკონსტრიქტორს და სტიმულატორს. ტივორტინი®® ასევე თრგუნავს ასიმეტრიული დიმეთილარგინინის - ოქსიდაციური სტრესის ძლიერი ანდოგენური სტიმულატორის სინთეზს. პრეპარატი ასტიმულირებს მკერდუკანა ჯირკვლის მოქმედებას, რომელიც ახდენს თ-უჯრედის პროდუცირებას, არეგულირებს სისხლში გლუკოზას შემცველობას ფიზიკური დატვირთვის დროს. ახდენს მჟავაწარმომქმნელ მოქმედებას და ხელს უწყობს მჟავა-ტუტოვანი წონასწორობის კორექციას.
ფარმაკოკინეტიკა.
უწყვეტი ინტრავენური ინფუზიის დროს არგინინის ჰიდროქლორიდის მაქსიმალური კონცენტრაცია სისხლის პლაზმაში აღინიშნება შეყვანიდან 20-30 წუთის შემდეგ. ტივორტინი®® აღწევს პლაცენტარულ ბარიერში, იფილტრება თირკმლის გორგლებში, მაგრამ პრაქტიკულად მთლიანად რეაბსორბირდება თირკმლის მილაკებში.

კლინიკური მახასიათებლები.
ჩვენებები.
მეტაბოლური ალკალოზი, ჰიპერამონიემია, გულის და თავის ტვინის სისხლძარღვების ათეროსკლეროზი, პერიფერიული სისხლძარღვების ათეროსკლეროზი, მათ შორის შენაცვლებითი სიკოჭლის გამოვლინებით, დიაბეტური ანგიოპათია, არტერიული ჰიპერტენზია, გულის ქრონიკული უკმარისობა, ჰიპერქოლესტერინემია, ფილტვების ქრონიკული ობსტრუქციული დაავადებები, ფილტვისმიერი ჰიპერტენზია, ნაყოფის განვითარების შეფერხება და პრეეკლამპსია - კომპლექსური თერაპიის შემადგენობაში.

უკუჩვენებები.
მომატებული მგრძნობელობა პრეპარატისადმი. თირკმელების ფუნქციის მძიმე დარღვევები, ჰიპერქლორემიული აციდოზი; ალერგიული რეაქციები ანამნეზში; კალიუმშემანარჩუნებელი დიურეტიკების, ასევე სპირონოლაქტონის გამოყენება. მიოკარდის ინფარქტი (მათ შორის ანამნეზში).

ურთიერთქმედება სხვა სამკურნალო საშუალებებთან და სხვა სახის ურთიერთქმედებები.
ტივორტინის®® გამოყენებისას უნდა იქნას გათვალისწინებული, რომ პრეპარატს შეუძლია გამოხატული და მდგრადი ჰიპერკალიემიის გამოწვევა თირკმელების უკმარისობის ფონზე ავადმყოფებში, რომლებიც იღებენ ან იღებდნენ სპირონოლაქტონს. კალიუმშემანარჩუნებელი დიურეტიკების წინა გამოყენებას ასევე შეუძლია სისხლში კალიუმის კონცენტრაციის დონის მომატების ხელშეწყობა. ამინოფილინთან ერთდროულად გამოყენებისას შესაძლებელია სისხლში ინსულინის შემცველობის ზრდა.
არგინინი შეუთავსებელია თიოპენტალთან.

გამოყენების თავისებურებანი.
პაციენტებში თირკმელების უკმარისობით ინფუზიის დაწყებამდე აუცილებელია დიურეზის და სისხლის პლაზმაში კალიუმის დონის შემოწმება, ვინაიდან პრეპარატმა შეიძლება ხელი შეუწყოს ჰიპერკალიემიის განვითარებას.
პრეპარატს სიფრთხილით იყენებენ ენდოკრინული ჯირკვლების ფუნქციის დარღვევებისას.
ტივორტინს® შეუძლია ინსულინის სეკრეციის და ზრდის ჰორმონის სტიმულირება.
პირში სიმშრალის შეგრძნების აღნიშვნისას აუცილებელია სისხლში შაქრის დონის შემოწმება.
სიფრთხილით უნდა იქნას გამოყენებული ელექტროლიტების ცვლის დარღვევის, თირკმელების დაავადებების დროს.
თუ პრეპარატის მიღების ფონზე იზრდება ასთენიის სიმპტომები, მკურნალობა უნდა შეწყდეს.
პრეპარატი სოფრთხლით გამოიყენება პაციენტებში სტენოკარდით.

გამოყენება ორსულობის ან ძუძუთი კვების პერიოდში.
პრეპარატი აღწევს პლაცენტაში, ამიტომ მისი გამოყენება ორსულობის პერიოდში შეიძლება მხოლოდ იმ შემთხვევაში, როდესაც მოსალოდნელი სარგებელი დედისათვის აღემატება პოტენციურ რისკს ნაყოფისათვის. მონაცემები პრეპარატის გამოყენების შესახებ ძუძუთი კვების პერიოდში არ არსებობს.

რეაქციის სიჩქარეზე ზეგავლენის უნარი ავტოტრანსპორტის მართვის ან სხვა მექანიზმებთან მუშაობის დროს.
ავტოტრანსპორტის მართვისას ან სხვა მექანიზმებთან მუშაობის დროს აუცილებელია სიფრთხილის დაცვა, რადგანაც პრეპარატს შეუძლია თავბრუსხვევის გამოწვევა.

გამოყენების წესი და დოზირება.
პრეპარატი შეიყვანება ინტრავენურად წვეთოვნად სიჩქარით 10 წვეთი წუთში პირველი 10-15 წუთის განმავლობაში, შემდეგ შეყვანის სიჩქარის გაზრდა შეიძლება 30 წვეთამდე წუთში.
პრეპარატის დღიური დოზა - ხსნარის 100 მლ.
ცენტრალურ და პერიფერიულ სისხლძარღვებში სისხლის მიმოქცევის მძიმე დარღვევებისას, ინტოქსიკაციის, ჰიპოქსიის გამოხატული მოვლენების, ასტენიური მდგომარეობების დროს პრეპარატის დოზის გაზრდა შეიძლება 200 მლ-მდე დღეში.
საინფუზიო ხსნარის შეყვანის მაქსიმალური სიჩქარე არ უნდა აღემატებოდეს 20 მმოლს/სთ.
12 წლამდე ასაკის ბავშვებში პრეპარატის დოზა შეადგენს 5-10 მლ 1 კგ სხეულის მასაზე დღეში.
მეტაბოლური ალკალოზის სამკურნალოდ დოზის გამოთვლა შეიძლება შემდეგნაირად:

არგინინის ჰიდროქლორიდი (მმოლი) X 0,3 X კგ სხეულის მასაზე
ტუტეს ზედმეტობა (Bე) (მმოლ/ლ)

შეყვანა დაწყებული უნდა იქნას გამოთვლილი დოზის ნახევრიდან. შესაძლო დამატებითი კორექცია უნდა ჩატარდეს განახლებული მჟავა-ტუტოვანი ბალანსის შედეგების მიღების შემდეგ.

ბავშვები.
პრეპარატს იყენებენ 3 წლიდან ასაკის ბავშვებში.

ჭარბი დოზირება.
სიმპტომები: თირკმელების უკმარისობა, ჰიპოგლიკემია, მეტაბოლური აციდოზი. მკურნალობა. ჭარბი დოზირების შემთხვევაში პრეპარატის ინფუზია უნდა შეწყდეს. აუცილებელია ფიზიოლოგიური რეაქციების მონიტორინგის ჩატარება და ორგანიზმის სასიცოცხლო ფუნქციების შენარჩუნება. აუცილებლობის შემთხვევაში საჭიროა გამატუტიანებელი საშუალებების და დიურეზის მოსაწესრიგებელი საშუალებების (სალურეტიკების), ელექტროლიტების ხსნარების (ნატრიუმის ქლორიდის 0,9%-ანი ხსნარი, გლუკოზას 5%-ანი ხსნარი) შეყვანა.
თერაპია სიმპტომატური.

გვერდითი რეაქციები.
ზოგადი დარღვევები: ჰიპერთერმია, სიმხურვალის შეგრძნება, სხეულში ტეხვის შეგრძნება.
ძვალ-კუნთოვანი სისტემის მხრივ: სახსრების ტკივილი.
საჭმლის მომნელებელი სისტემის მხრივ: სიმშრალე პირში, გულისრევა, ღებინება.
კანის და კანქვეშა უჯრედისის მხრივ: ცვლილებები შეყვანის ადგილას, ჰიპერემიის, ქავილის შეგრძნების ჩათვლით, კანის გაფერმკრთალება აკროციანოზამდე.
იმუნური სისტემის მხრივ: ანაფილაქსიური შოკი, ჰიპერმგრძნობელობის რეაქციები, გამონაყარის, ჭინჭრის ციების, ანგიონევროტული შეშუპების ჩათვლით.
სასუნთქი სისტემის, გულმკერდის და შუასაყარი ორგანოების მხრივ: ქოშინი.
გულ-სისხლძარღვთა სისტემის მხრივ: არტერიული წნევის ცვლილებები, გულის რითმის ცვლილებები, ტკივილი გულის არეში.
ნერვული სისტემის მხრივ: თავის ტკივილი, თავბრუსხვევა, შიშის შეგრძნება, სისუსტე, კრუნჩხვები, ტრემორი, უფრო ხშირად შეყვანის რეკომენდირებული სიჩქარის გადამეტების დროს.
ლაბორატორიული მაჩვენებლები: ჰიპერკალიემია.

ვარგისიანობის ვადა.
2 წელი.

შენახვის პირობები.
ინახება არაუმეტეს 25C ტემპერატურაზე. ინახება ბავშვებისათვის მიუწვდომელ ადგილას.

შეუთავსებლობა.
პრეპარატი შეუთავსებელია თიოპენტალთან.

შეფუთვა.
100 მლ ბოთლში #1 კოლოფში.

გაცემის წესი:
ფარმაცევტული პროდუქტის ჯგუფი II, გაიცემა ფორმა №3 რეცეპტით

მწარმოებელი.
შპს “იურია-ფარმა”.

მწარმოებლის ადგილმდებარეობა და მისი საქმიანობის განხორციელების ადგილის მისამართი.
უკრაინა, 18030, ქ. ჩერკასი, კობზარსკაის ქ, 108; ტელ./ფაქსი: +38 (044) 281-01-01.

თბილისი (54 აფთიაქი)

ავერსი 3
237 30 11
ა.ყაზბეგის გამზ. №5
ვადა: 2023-12-01
ავერსი 19
231-61-46
ვაჟა-ფშაველას გამზ. კვარტ. III, კორპ.№9
ვადა: 2023-12-01
ავერსი 21 (24სთ)
231-18-34
ვაჟა-ფშაველას გამზ. №39
ვადა: 2023-12-01
ავერსი 33
237-54-09
პეკინის გამზ. №45
ვადა: 2023-12-01
ავერსი 34 (24სთ)
238-14-17
ცინცაძის. №1
ვადა: 2023-12-01
ავერსი 41
237-54-08
ა.ყაზბეგის გამზ. №8
ვადა: 2023-12-01
ავერსი 46
231-94-61
ნუცუბიძის ქ. №179
ვადა: 2023-12-01
ავერსი 78
259-67-04
პეტრიწის ქ. №5
ვადა: 2023-12-01
ავერსი 89
2-506-506 (3089)
ვაჟა-ფშაველას გამზ. №27ბ
ვადა: 2023-12-01
ავერსი 91 (24სთ)
210-47-03
ვაჟა-ფშაველას გამზ. №27ბ
ვადა: 2023-12-01
ავერსი 94
218-18-23
ცინცაძის ქ. №9
ვადა: 2023-12-01
ავერსი 120
238-36-75
ვაჟა ფშაველას N6
ვადა: 2023-12-01
ავერსი 150
2-51-96-35
ვაჟა–ფშაველას მეოთხე კვარტალი, პირველი კორპუსის მიმდებარედ
ვადა: 2023-12-01

რეგიონი (25 აფთიაქი)