ფუროსემიდი 1% 2მლ #10ა (თბ)

~~1.90 ლარი~~ 1.82 ლარი

ფარმაკოლოგიური ჯგუფი: ძლიერ მოქმედი დიურეტიკები

ქვეყანა: საქართველო

მწარმოებელი: ბიოფარმი თბილისი

ჯენერიკი: Furosemidum

გაცემის ფორმა: II ჯგუფი რეცეპტული

კოდი: 44358

გააზიარე:

შეუკვეთე

ანოტაცია
სად შევიძინო

ფუროსემიდის ხსნარი 1%

SOLUTIO FUROSEMIDI

გენერიული დასახელება: ფუროსემიდი

ფარმაკოთერაპიული ჯგუფი: დიურეზული საშუალება.

ATC - კოდი: C03CA01

ფორმა: საინექციო ხსნარი ამპულებში

შემადგენლობა: ყოველი ამპულა პრეპარატი შეიცავს 20მგ ფუროსემიდს.

დამხმარე ნივთიერებები: ნატრიუმის ქლორიდი, ნატრიუმის ჰიდროქსიდი და საინექციო წყალი.

ფარმაკოლოგიური თვისებები:

ფარმაკოდინამიკა: ფუროსემიდი წარმოადგენს სწრაფადმოქმედ დიურეტიკს გამოხატული შარდმდენი ეფექტით. იწვევს ნატრიურეტულ და ქლორურეტულ ეფექტებს. ნატრიუმის იონების გამოყოფის გაძლიერების შედეგად, იზრდება ოსმოსურად ბმული წყლის და კალიუმის იონების მეორადი სეკრეცია. ერთდროულად იზრდება კალციუმის და მაგნიუმის იონების სეკრეცია. ნატრიუმის ქლორიდის სეკრეციის შედეგად ფუროსემიდი ავლენს ჰიპოტენზიურ მოქმედებას. გულის უკმარისობის შემთხვევაში მსხვილი ვენების გაფართოების მეშვეობით, სწრაფად იწვევს გულის კუნთზე დატვირთვის შემცირებას.

ფარმაკოკინეტიკა: სისხლში ხდება პრეპარატის 98% ადბსორბცია პლაზმის ცილებზე. გამოიყოფა შარდთან ერთად. ინტრავენური შეყვანის დროს ნახევრადგამოყოფის პერიოდი შეადგენს 1-2 სთ.

ჩვენებები:

შეშუპების სინდრომი: გულის უკმარისობის II - III სტადია, ღვიძლის ცეროზი, თირკმლის დაავადებები; მარცხენა პარკუჭოვანი მწვავე უკმარისობა (ფილტვების შეშუპება); ჰიპერტონული კრიზი; ფორსირებული დიურეზის ჩატარება თირკმლებიდან უცველელი ფორმით გამოყოფადი ქიმიური ნაერთებით მოწამლის შემთხვევაში.

მიღების წესი და დოზირება:

ინტრავენური და ინტრამუსკულარული ინექციები. პრეპარატის პარენტერალური მიღება მიზანშეწონილა ურგენტულ სიტუაციებში ან მკვეთრად გამოხატული შეშუპების სინდრომის ფონზე.

შეშუპების სინდრომი: საწყისი დოზა 2-4 მლ პრეპარატი (20-40მგ) ინტრავენურად, შეჰყავთ ნელა, 1-2 წთ განმავლობაში. დიურეტული ეფექტის არ მიღწევის შემთხვევაში დამატებით 2მლ (20მგ) პრეპარატი დამატებით ყოველი 2 სთ შემდეგ ადეკვატული დიურეზის მიღწევამდე. საშუალო დღეღამური დოზა 0,5-1,5 მგ/კგ წონაზე, მაქსიმალური სადღეღამისო დოზა 150მგ. მაქსიმალური საწყისი ერთჯერადი დოზა 80მგ.

ფილტვების შეშუპება: 4მლ (40მგ) ინტრავენურად, 1 სთ განმავლობაში დამაკმაყოფილებელი დიურეზული ეფექტის მიუღწევლობის შემთხვევაში დამატებით 8მლ (80მგ) პრეპარატი.

არტერიული ჰიპერტენზია: ჰიპერტენზია 2-4მლ (20-40მგ) 1-2-ჯერ დღეღამეში. არტერიული წნევის საკმარისი შემცირების მიუღწევლობის შემთხვევაში აუცილებელია სხვა დიურეტიკებით ჩანაცვლება.

ბავშვებისათვის მაქსიმალური ერთჯერადი დოზა 0,2მლ (2მგ) ყოველ კგ წონაზე, მაქსიმალური სადღეღამისო დოზა 0,6მლ(6მგ) კგ წონაზე.

უკუჩვენებები:

პრეპარატისადმი ინდივიდუალური ჰიპერმგრძნობიელობა; ანურია; წინამდებარე ჯირკვლის ადენომა; შარდგამომყვანი გზების ობსტრუქცია კონკრემენტით; წინაკომოტოზური მდგომარეობა; ღვიძლის კომა; წყალ-ელექტროლიტული ბალანსის დარღვევა: ჰიპონატრიემია, ჰიპოკალიემია, ჰიპომაგნიემია, ჰიპოკალციემია და დიგიტალისური ინტოქსიკაცია.

გვერდითი მოვლენები:

წყალ-ელექტროლიტური მიმოცვლის დარღვევა: სიმშრალე პირის ღრუში, წყურვილი, კუნთების სისუსტე, ადინამია, ორთოსტატური ჰიპოტენზია, ოლიგურია, არითმიები, ტახიკარდია, კუნთების ტკივილები, კრუნჩხვები, გულის რევა, ღებინება,&ნბსპ; დეჰიდრატაცია, ჰიპოკალიემია, გლუკოზოურია, ჰიპერურიკემია და ჰიპოკალციემია.

ორსულობა და ლაქტაცია:

ორსულობის და ლაქტაციის პერიოდში პრეპარატი მიიღება განსაკუთრებული სიფრთხილით, ექიმის მეთვალყურეობის ქვეშ.

ურთიერთქმედება სხვა პრეპარატებთან:

პრეპარატს გააჩნია ტუტე რეაქცია, ამიტომ არ შეიძლება მისი ერთდროული შეყვანა ისეთ პრეპარატებთან ერთად, რომლეთა pH ნაკლებია 5,5-ზე. ფუროსემიდი აძლიერებს სხვა პრეპარატების ჰიპოტენზიურ მოქმედებას და ამცირებს არამადეპოლარიზებელი მიორელაქსანტების (ტუბოკურარინი) მოქმედებას. ამინოგლიკოზიდებთან ერთად დანიშვნის შემთხვევაში აძლიერებს მათ ნეფრო- და ოტოტოქსიკურ მოქმედებას. აგრეთვე აძლიერებს ცეფალოსპორინების ნეფროტოქსიკურ მოქმედებას.

გულის გლიკოზიდებთან და ჰიპოტენზიურ პრეპარატებთან ერთად დანიშვნის შემთხვევაში აუცილებელია დოზირების რეჟიმის კორექტირება.

სიფრთხილე:

განსაკუთრებული სიფრთხილით ფუროსემიდი ენიშნებათ გულით დაავადებულ პაციენტებს. პრეპარატის მიღების ფონზე აუცილებელია კომპენსატორული თერაპიის ჩატარება კალიუმშემცველი პრეპარატებით.

შენახვის პირობები:

არაუმეტეს +25 ⁰С ტემპერატურაზე,&ნბსპ; სინათლისაგან დაცულ ადგილას

შენახვის ვადა: 2 წელი.

გაცემის წესი: ფარმაცევტული პროდუქტის ჯგუფი II, გაიცემა ფორმა #3 რეცეპტით (გადაუდებელი დახმარებისას დაიცემა რეცეპტის გარეშე)

გამოშვების ფორმა: 2მლ პრეპარატი &ნბსპ;ამპულაში. 10 ამპულა მოხმარების ინსტრუქციასთან ერთად, პოლიგრაფიულად გაფორმებულ მუყაოს კოლოფში.

მწარმოებელი: ს/ს “ბიოფარმი”, გოთუას ქ.#3, 0160, თბილისი, საქართველო. ტელ/ფაქსი: (995 32) 2 25 29 56 ელ.ფოსტა: biopharm@caucasus.net