ანტისპაზმინი 40მგ #20ტ

6.72 ლარი

ფარმაკოლოგიური ჯგუფი: სმს-ის ტონუსსა და მოტორიკაზე მოქმედი პრეპარატები, მიოტროპული სპაზმოლიტიკები, გულსისხლძარღვთა სისტემის სხვა პრეპარატები

ქვეყანა: რუმინეთი

მწარმოებელი: ბიოფარმა რუმინეთი

ჯენერიკი - შეადარეთ ანალოგები: დროტავერინი

გაცემის ფორმა: III ჯგუფი ურეცეპტო

კოდი: 4415

გააზიარე:

შეუკვეთე

ანოტაცია
სად შევიძინო

ანტისპაზმინი®

1. ანტისპაზმინი და მისი გამოყენება

ანტისპაზმინი ნაჩვენებია მოზრდილებში, მოზარდებსა და 6 წელზე უფროსი ასაკის ბავშვებში გამოსაყენებლად.

ანტისპაზმინი ანტისპაზმური საშუალებაა.

ანტისპაზმინი გამოიყენება სხვადასხვა სპაზმით გამოწვეული ტკივილის შესამცირებლად (ნაღვლოვანი, თირკმლები, შარდის ბუშტი, მენსტრუალური ტკივილი, საშვილოსნოს სპაზმი), როგორც ანტისპაზმური საშუალება საჭმლის მონელების სხვადასხვა დარღვევის დროს (კუჭის წყლული, გასტრიტი, ენტერიტი, კარდიისა და პილორუსის სპაზმები, გაღიზიანებული ნაწლავის სინდრომი, სპასტიური კოლიტი, რომელსაც თან ახლავს ყაბზობა, შებერილობა), თავის ტკივილი ქალასშიდა დაძაბულობის შეგრძნებით.

2. ანტისპაზმინის მიღებამდე გასათვალისწინებელი ინფორმაცია

ანტისპაზმინი არ გამოიყენება:

- თუ გაქვთ ალერგია (ჰიპერმგრძნობელობა) დროტავერინ ჰიდროქლორიდის ან ანტისპაზმინის რომელიმე სხვა ინგრედიენტის მიმართ;

- თუ გაქვთ ღვიძლის, თირკმელების ან გულის მძიმე დაავადება.

გაფრთხილებები და სიფრთხილის ზომები

პრეპარატის მიღებამდე აცნობეთ ექიმს:

- თუ გაქვთ პორფირია;

- თუ გაქვთ დაბალი წნევა;

- თუ იყენებთ ანტისპაზმინს დიდი ხნის განმავლობაში (ექიმმა შეიძლება გირჩიოთ ღვიძლის ფუნქციის შეფასება).

ანტისპაზმინი არ არის რეკომენდებული 6 წლამდე ასაკის ბავშვებისთვის, რადგან ამ ასაკობრივ ჯგუფში უსაფრთხოებისა და ეფექტურობის მონაცემები არ არის ხელმისაწვდომი.

სხვა მედიკამენტები და ანტისპაზმინი

აცნობეთ თქვენს ექიმს ან ფარმაცევტს, თუ იღებთ ან ცოტა ხნის წინ იღებდით სხვა პრეპარატებს, მათ შორის ურეცეპტოდ გაცემულ მედიკამენტებს.

თუ ანტისპაზმინს იღებთ სხვა პრეპარატებთან ერთად, შესაძლოა, შეიცვალოს მათი მოქმედების რეჟიმი.

თუ იღებთ ლევოდოპას, ანტისპაზმინით მკურნალობის დაწყებამდე, ამის შესახებ აცნობეთ ექიმს,

ორსულობა, ძუძუთი კვება და ფერტილობა

თუ ხართ ორსულად ან მეძუძური, გაქვთ ეჭვი ორსულობაზე, ან გეგმავთ ორსულობას, ამ პრეპარატის მიღებამდე რჩევისთვის მიმართეთ ექიმს ან ფარმაცევტს.

ორსულობის დროს ანტისპაზმინის გამოყენება მოითხოვს სიფრთხილეს.

ანტისპაზმინი ძუძუთი კვების დროს რეკომენდებული არ არის.

ავტომობილის მართვა და მექანიზმებთან მუშაობა

თუ ანტისპაზმინით მკურნალობის დროს განიცდით სხეულის წონასწორობის დაკარგვას ან გარშემო საგნების ტრიალს, აუცილებელია მოერიდოთ პოტენციურად სახიფათო აქტივობებს, ავტომობილის მართვას და მექანიზმებთან მუშაობას.

ანტისპაზმინი შეიცავს ლაქტოზას მონოჰიდრატს. თუ ექიმისგან ინფორმირებული ხართ, რომ ზოგიერთი შაქრის მიმართ აუტანლობა გაქვთ, ამ სამკურნალო პროდუქტის მიღებამდე მიმართეთ ექიმს.

3. ანტისპაზმინის მიღების წესი

ეს მედიკამენტი ხელმისაწვდომია რეცეპტის გარეშე. თუ რაიმეში არ ხართ დარწმუნებული, მიმართეთ თქვენს ექიმს ან ფარმაცევტს.

მოზრდილები, მოზარდები

რეკომენდებული დოზაა დროტავერინის ჰიდროქლორიდის 120-240 მგ დღეში (3-6 ანტისპაზმინის ტაბლეტი დღეში), დაყოფილი 2-3 მიღებად.

> 6 წლის ბავშვები

რეკომენდებული დოზაა დროტავერინის ჰიდროქლორიდის 80-200 მგ დღეში (ანტისპაზმინის 2-5 ტაბლეტი დღეში), დაყოფილი 2-5 მიღებად.

მიმართეთ ექიმს, თუ მკურნალობის დაწყებიდან 3 დღის შემდეგ სიმპტომები არ გაუმჯობესდება.

6 წლამდე ასაკის ბავშვები

ვინაიდან უსაფრთხოებისა და ეფექტურობის მონაცემები არ არის ხელმისაწვდომი, ანტისპაზმინი არ არის ნაჩვენები ამ ასაკობრივ ჯგუფში.

დოზის გადაჭარბება

დაუყონებლივ მიმართეთ ექიმს ან მიმართეთ უახლოესი საავადმყოფოს გადაუდებელ განყოფილებას, თუ მიიღეთ საჭიროზე მეტი ანტისპაზმინის ტაბლეტები.

თუ დაგავიწყდათ ანტისპაზმინის მიღება

თუ დაგავიწყდათ დოზის მიღება, მიიღეთ პრეპარატი როგორც კი გაგახსენდებათ. თუმცა, თუ შემდეგი დოზის დროა, ჩვეულებრივ მიიღეთ. მნიშვნელოვანია არ მიიღოთ ორმაგი დოზა გამოტოვებული დოზის კომპენსაციის მიზნით.

ამ მედიკამენტის გამოყენებასთან დაკავშირებით დამატებითი შეკითხვების შემთხვევაში მიმართეთ თქვენს ექიმს, ფარმაცევტს ან მედდას.

4. შესაძლო გვერდითი მოვლენები

ყველა მედიკამენტის მსგავსად, ამ პრეპარატსაც შეუძლია გამოიწვიოს გვერდითი მოვლენები, თუმცა ისინი ყველას არ უვითარდება.

გვერდითი მოვლენები კლასიფიცირდება სიხშირის მიხედვით შემდეგნაირად: ძალიან ხშირი (ვლინდება 10-დან 1-ზე მეტ პაციენტში); ხშირი (ვლინდება 10-დან 1 პაციენტზე ნაკლებში); არახშირი (ვლინდება 100-დან 1-ზე ნაკლებ პაციენტში); იშვიათი (ვლინდება 1000 პაციენტიდან 1-ზე ნაკლებში); ძალიან იშვიათი (ვლინდება 10000-დან 1-ზე ნაკლებ პაციენტში); უცნობი სიხშირე (არსებული მონაცემებით ვერ ფასდება).

იშვიათი: თავის ტკივილი, თავბრუსხვევა, უძილობა, გულის ფრიალი, დაბალი არტერიული წნევა, გულისრევა, ყაბზობა.

ანტისპაზმინი დაკავშირებულია მწვავე პორფირიასთან.

5. ანტისპაზმინის შენახვის პირობები

მედიკამენტი შეინახეთ ბავშვებისთვის მიუწვდომელ ადგილას.

არ გამოიყენოთ ანტისპაზმინი ვარგისობის ვადის გასვლის შემდეგ, რომელიც მითითებულია შეფუთვაზე „ვადის გასვლის თარიღი“ შემდეგ. ვარგისობის ვადა აღნიშნავს მითითებული თვის ბოლო დღეს.

ინახება 25°C-ზე დაბალ ტემპერატურაზე, ორიგინალურ შეფუთვაში.

არ გადააგდოთ წამალი კანალიზაციაში ან საყოფაცხოვრებო ნაგავში. ჰკითხეთ ფარმაცევტს, როგორ გადააგდოთ ის მედიკამენტები, რომლებიც აღარ არის საჭირო. ეს ზომები ხელს შეუწყობს გარემოს დაცვას.

6. შეფუთვა და სხვა ინფორმაცია

შემადგენლობა

- აქტიური ნივთიერება: დროტავერინის ჰიდროქლორიდი. ერთი ტაბლეტი შეიცავს 40 მგ დროტავერინის ჰიდროქლორიდს.

- სხვა ინგრედიენტები: ლაქტოზას მონოჰიდრატი, სიმინდის სახამებელი, ნატრიუმის სახამებლის გლიკოლატი A ტიპის, პოვიდონი K 25, ტალკი, მაგნიუმის სტეარატი.

ანტისპაზმინის გარეგნული იერსახე და შეფუთვის შიგთავსი

ანტისპაზმინი გაყიდვაშია ყვითელი, ორმხრივად ამოზნექილი ტაბლეტების სახით.

შეფუთვა

მუყაოს კოლოფში მოთავსებულია 1 პვქ/ალ ბლისტერი 20 ტაბლეტით.

მუყაოს კოლოფში მოთავსებულია 2 პვქ/ალ ბლისტერი 15 ტაბლეტით თითოში.

მარკეტინგის ავტორიზაციის მფლობელი და მწარმოებელი

BIOFARM S.A.

99 Logofătul Tăutu Street,

სექტორი 3, ბუქარესტი, რუმინეთი.

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით