ნოლიპრელი არგინ2.5/0.625მგ#30ტ

18.21 ლარი

ფარმაკოლოგიური ჯგუფი: საშუალო მოქმედების დიურეტიკები, ანტიჰიპერტენზიული საშუალებები, ანგიოტენზინგარდამქმნელი ფერმენტის ინჰიბიტორები

ქვეყანა: საფრანგეთი

მწარმოებელი: სერვიე საფრანგეთი

ჯენერიკი - შეადარეთ ანალოგები: პერინდოპრილი+ინდაპამიდი

გაცემის ფორმა: II ჯგუფი რეცეპტული

კოდი: 28110

გააზიარე:

შეუკვეთე

ანოტაცია
სად შევიძინო

ნოლიპრელ არგინინი

NOLIPREL ARGININE

ათქ.კლასიფიკაციის კოდი - C09BA04
კლინიკურ-ფარმაკოლოგიური ჯგუფი - ანგიოტენზინ-გარდაქმნელი ფერმენტების ინჰიბიტორები

შემადგენლობა და გამოშვების ფორმა
ტაბლეტები 2,5+მგ+0,625მგ: 30ც

აქტიური ნივთიერებები: პერინდოპრილ არგინინი და ინდაპამიდი. ერთი აპკით შემოგარსული ტაბლეტი შეიცავს 2.5 მგ პერინდოპრილ არგინინს და 0.625 ინდაპამიდს.
სხვა კომპონენტები: ტაბლეტის ბირთვი: ლაქტოზის მონოჰიდრატი, მაგნიუმის სტეარატი (E 470B), მალტოდექსტრინი, უწყლო სილიციუმის კოლოიდური დიოქსიდი (E551), ნატრიუმის სახამებელგლიკოლატი (A ტიპი); გარსი: გლიცერინი (E422), ჰიპრომელოზა (E 464), მაკროგოლ 6000, მაგნიუმის სტეარატი (E 470B), ტიტანის დიოქსიდი (E 171).

ფარმაკოლოგიური თვისებები
ნოლიპრელ არგინინი წარმოადგენს ორი აქტიური კომპონეტის - პერინდროპილისა და ინდაპამიდის კომბინაციას. ეს არის ჰიპოტენზიური პრეპარატი, რომელიც გამოიყენება მომატებული არტერიული წნევის (ჰიპერტენზიის) სამკურნალოდ.
პერინდოპრილი მიეკუთვნება პრეპარატების კლასს, რომლებიც წარმოადგენენ აგფ-ის ინჰიბიტორებს. ის ავლენს სისხლძარღვებზე გამაფართოებელ ზეგავლენას რაც ამსუბუქებს სისხლის მოწოლას. ინდაპამიდი წარმოადგენს შარდმდენს. შარდმდენები ზრდიან შარდის მოცულობას, რომელიც გამომუშავდება თირკმელებით. თუმცა, ინდაპამიდი განსხვავდება სხვა დიურეტიკებისგან, რამდენადაც ის მხოლოდ მცირედ ზრდის გამომუშავებული შარდის მოცულობას. ყოველი აქტიური კომპონენტი ამცირებს არტერიულ წნევას და ისინი ერთად აკონტროლებენ პაციენტის არტერიულ წნევას

მიღების წესები და დოზები
ნოლიპრელ არგინინი ინიშნება პერორალურად.
ნოლიპრელ არგინინის მიღებისას აუცილებელია ექიმის რეკომენდაციების დაცვა. თუ პაცეინტს ეჭვი ეპარება პრეპარატის მიღების სისწორეში, მან უნდა მიმართოს ექიმს ან ფარმაცევტს. ჩვეულებრივი საწყისი დოზა შეადგენს ერთ ტაბლეტს დღეღამეში. ექიმს შეუძლია გაზარდოს პრეპარტის დოზა დღეში 2 ტაბლეტამდე ან შეცვალოს მიღების რეჟიმი, თუ პაციენტს დარღვეული აქვს თირკმლის ფუნქცია. სასურველია პრეპარატის მიღება დილით, ჭამამდე. ტაბლეტი უნდა გადაიყლაპოს ჭიქა წყლის დაყოლებით.)
ნოლიპრელ არგინინის მიღება საკვებთან და სასმელთან ერთად
ნოლიპრელ არგინინის მიღება სასურველია ჭამამდე.

გვერდითი მოვლენები
ისევე, როგორც ყველა სხვა პრეპარატმა, ნოლიპრელ არგინინმაც შესაძლოა არა ყველა პაციენტში, მაგრამ მაინც გამოიწვიოს გვერდითი მოვლენები მათ შორის:
• გავრცელებული (1:10-ზე ნაკლები, მაგრამ არაუმეტეს 1:100-ზე): დარღვევევბი საჭმლის მომნელებელი სისტემის მხრივ (ტკივილი კუჭის ან მუცლის არეში, მადის დაკარგვა, ღებინება, ყაბზობა, მადის შეცვლა), პირის სიმშრალე, მშრალი ხველა.
• ნაკლებად გავრცელებული (1:100-ზე ნაკლები, მაგრამ არაუმეტეს 1:1000-ზე): დაღლილობის შეგრძენება, თავბრუსხვევა, თავის ტკივილი, განწყობის ცვალებადობა, ძილის დარღვევები, კრუნჩხვები, ჩხვლეტის შეგრძნებები, ალერგიული რეაქციები როგორიცაა გამონაყარი კანზე, პურპურა (კანზე წითელი წერტილები), ჰიპოტენზია (არტერიული წნევის დაქვეითება), ორთოსტატიკული რეაქციები (თავბრუსხვევა ადგომის დროს) ან არა. სისტემური წითელი მგლურას დროს (კოლაგენოზურ-სისხლძარღვოვანი დაავადების სახეობა), შესაძლებელია მდგომარეობის გაუარესება.
• ძალიან იშვიათად (1:10000-ზე ნაკლები): ანგიოშეშუპება (ისეთი სიმპტომები, როგორიცაა მსტვენავი სუნთქვა, სახის ან ენის შეშუპება, ინტენსიური ქავილი ან ინტენსიური გამონაყარი კანზე), ხანდაზმულებში და გულის უკმარისობის მქონე პაციენტებში დეჰიდრატაციის მომატებული რისკი. ღვიძლის უკმარისობის შემთხვევაში (ღვიძლის დააავდება, შესაძლებელია ენცეფალოპათიური ღვიძლის ჩამოყალიბება (ტვინის დეგენერაციული დაავადება)
• შესაძლებელია სისხლის, თირკმლის, ღვიძლის, პანკრეასის ფუნქციების დარღვევები, ან ლაბორატორიული პარამეტრების ცვლილებები (სისხლის ანლიზი) შესაძლოა მკურნალმა ექიმმა დანიშნოს სისხლის ანლიზი.
თუ აღინიშნება ქვემოჩამოთვლილთაგან ერთ-ერთი სიმპტომი, საჭიროა პრეპარატის მიღების დაუყოვნებლივი შეწყვეტა და მკურნალი ექიმის კონსულტაცია:
• სახის, ტუჩების, ენის, პირის, ან ყელის შეშუპება
• სუნთქვის გაძნელება
• თავბრუსხვევა და გონების დაკარგვა
• უჩვეულო და არარეგულარული გულისცემა
თუ გვერდითი მოვლენები ღებულობენ სერიოზულ ხასიათს ან აღინიშნება არასასურველი ეფექტები, ისეთი რომლებიც არ არის ჩამოთვლილი ჩანართში, საჭიროა ექიმის ან ფარმაცევტის კონსულტაცია.

ორსულობა და ლაქტაცია
სამკურნალო პრეპარატის მიღებამდე საჭიროა ექიმის ან ფარმაცვეტის კონსულტაცია.
არ შეიძლება ნოლიპრელ არგინინის მიღება ორსულობის პირველ სამ თვეში და მე-4 თვის დასაწყისიდან (იხ. რა შემთხვევბში არ შეიძლება პრეპარატის მიღება). თუ დაგეგმილია ორსულობა ან დადასტურდა ორსულობის ფაქტი, საჭიროა რაც შეიძლება სწრაფად გადასვლა მკურნალობის ალტერნატიულ სახეზე.
ნოლიპრელ არგინინი ორსულობისას არ მიიღება.
საჭიროა მკურნალი ექიმის დაუყოვნებელი კონსულტაცია.

განსაკუთრებული მითითებები
ნოლიპრელ არგინინის გამოყენება არ შეიძლება შემდეგ შემთხვევებში:

• ალერგია პერინდპორილზე, აგფ-ის ნებისმირერ ინჰიბიტორზე, ინდაპამიდზე, რომელიმე სულფონილამიდზე ან ნოლიპრელ არგინინის ნებისმიერ კომპონენტზე.
• თუ ადრე აგფ-ის ნებისმიერი სხვა ინჰიბიტორის მიღებისას ან სხვა შემთხვევაში, პაციენტს ან მის ერთ-ერთ ნათესავს გამოუვლინდა ისეთი სიმპტომები, როგორიცაა მსტვენავი სუნთქვა, სახის ან ენის შეშუპება, ინტენსიური ქავილი ან გამონაყარი კანზე (ანგიოშეშუპება)
• ღვიძლის დააავადება ან ღვიძლისმიერი ენცეფალოპათია (ტვინის დეგენერაციული დაავადება).
• თირკმლის ფუნქციის მნიშვნელოვანი დარღვევა ან დიალიზი.
• სისხლში კალიუმის მეტისმეტად მაღალი ან დაბალი დონე.
• გულის განუკურნებელ დეკომპენსირებულ უკმარისობაზე ეჭვი (მარილების სერიოზული შეკავება, გაძნელებული სუნთქვა).
• ორსულობა ან ორსულობის დაგეგმა
• ლაქტაცია
ნოლიპრელ არგინინის მიღებისას საჭიროა განსაკუთრებლი სიფრთხილის გამოჩენა და ექიმის კონსულტაცია, თუ ქვემოთჩამოთვლილთაგან ადგილი აქვს ერთ-ერთ სიმპტომს:
• აორტის სტენოზი (გულიდან მიმავალი თავის ტვინის სიხლძარღვის შევიწროვება), ჰიპერტროფირებული კარდიომიოპათია (გულის კუნთის დააავადება) ან თირკმლის არტერიის სტენოზი (თირკმლის სისხლით მომმარაგებელი არტერიის შევიწროვება),
• სხვა სახის გულის ან თირკმლის დაავადება,
• ღვიძლის ფუნქციის დარღვევა,
• სისტემური წითელი მგლურას ან სკლეროდერმიის ტიპის კოლაგენოზურ-სისხლძარღვოვანი დაავადება,
• ათეროსკლეროზი (არტერიის კედლის გასქელება),
• ჰიპერპარათირეოიდიზმი (პარათირეოიდული ჯირკვლების დისფუნქცია),
• პოდაგრა,
• დიაბეტი,
• მარილის მცირე შემცველობის დიეტა ან კალიუმის შემცველი მარილის შემცვლელების მიღება.
• ლითიუმის ან კალიუმის დამზოგველი დიურეტიკების მიღება (სპირონოლაქტონი, ტრიამტერენი), რამდენადაც მათი მიღება არ შეიძლება ნოლიპრელ არგინინთან ერთად (იხ. სხვა პრეპარატების მიღება)
ნოლიპრელ არგინინის გამოყენების დაწყებისას, საჭიროა მიეწოდოს მკურნალ ექიმს ან სამედიცინო პერსონალს შემდეგი ინფორმაცია:
• მოსალოდნელი ანესთეზია ან სერიოზული ქირურგიული ოპერაცია,
• ბოლო დროს აღნიშნული დიარეა ან ღებინება,
• თუ გადიხართ დსლპ აფერეზის კურსს (სისხლიდან ქოლესტერინის აპარატული გამოძევება)
• დესენსიტიზაცია, რომელმაც უნდა შეამციროს ალერგიული რეაქციები ფუტკრებისა და კრაზანების ნაკბენებზე.
• სამედიცინო გამოკვლევა, რომლისთვისაც საჭიროა იოდშემცველი რენტგენოკონტრასტული ნივთიერებების შეყვანა (ნივთიერებები, რომლებიც შესაძლებელს ხდიან შინაგანი ორგანოების, მაგალითად თირკმელების ან კუჭის გამოკვლევას რენტგენის სხივების დახმარებით)
სპორტსმენებმა უნდა იცოდნენ, რომ ნოლიპრელ არგინინი შეიცავს აქტიურ ნივთიერებას (ინდაპამიდი), რომელმაც შეიძლება მოგვცეს დადებითი რეაქცია დოპინგ-კონტროლის ჩატარების დროს.
ნოლიპრელ არგინინის დანიშვნა ბავშვებში არ შეიძლება.

ავტოტრანსპორტის და სხვა მექანიზმების მართვა:
ნოლიპრელ არგინინი არ მოქმედებს ყურადღებაზე, მაგრამ ზოგიერთ პაციენტში დაქვეითებული არტერიული წნევის გამო შეიძლება გამოვლინდეს სხვადასხვა სახის რეაქციები, მაგალითად თავბრუსხვევა და სისუსტე. შედეგად, შეიძლება დაირღვეს ავტოტრანსპორტის და სხვა მექანიზმების მართვის უნარი.

მნიშვნელოვანი ინფორმაცია პრეპარატში ნოლიპრელ არგინი შემავალი ზოგიერთი ინგრედიენტის შესახებ
პრეპარატი ნოლიპრელ არგინინი შეიცავს ლაქტოზას. თუ პაციენტს გააჩნია ზოგიერთი შაქრის აუტანლობა მაშინ ამ პრეპარატის მიღებამდე საჭიროა ექიმის კონსულტაცია.

ჭარბი დოზირება
საჭიროა სასწრაფო დახმარების უახლოეს პუნქტში წასვლა ან მკურნალი ექიმის დაუყოვნებლივი კონსულტაცია. დოზის გადაჭარებების დროს ყველაზე სარწმუნო ეფექტი არის არტერიული წნევის დაქვეითება. წნევის ვარდნისას (თავბრუსხვევა ან გულის წასვლა), საჭიროა დაწოლა და ფეხების მაღლა აწევა

ნოლიპრელ არგინინის მიღების დავიწყებისას:
მნიშვენელოვანია პრეპარატის ყოველდღიური მიღება, რამდენადაც რეგულარულობა მკურნალობას უფრო ეფექტურს ხდის. ნოლიპრელ არგინინის დოზის გამორჩენისას, შემდეგი დოზა მიიღება ჩვეულებრივ დროს. მომდევნო დოზა არ ორმაგდება.
ნოლიპრელ არგინინის მიღების შეწყვეტისას:
იმდენად, რამდენადაც ჰიპოტენზიური მკურნალობა ჩვეულებრივ გრძელდება მთელი ცხოვრება, პრეპარატის მიღების შეწყვეტამდე საჭიროა ექიმის კონსულტაცია.
დამატებითი კითხვების გაჩენისას პრეპარატის მიღებასთან დაკავშირებით, საჭიროა მკურნალი ექიმის ან ფარმაცევტის კონსულტაცია.

სხვა წამლებთან ურთიერთქმედება
პაციენტმა უნდა შეატყობინოს მკურნალ ექიმს ან ფარმაცევტს, თუ რა პრეპარატებს ღებულობს ან იღებდა ბოლო დროს, ისეთების შესახებაც, რომლებიც გაიცემა ურეცეპტოდ.
პაციენტი უნდა მოერიდოს ნოლიპრელ არგინინის ერთდროულ გამოყენებას შემდეგ პრეპარატებთან:
• ლითიუმი (გამოიყენება დეპრესიის სამკურნალოდ)
• კალიუმის შემნახველი დიურეტიკები (სპირონოლაქტონი, ტრიამტერენი), კალიუმის მარილები.
ნოლიპრელ არგინინით მკურნალობაზე შეიძლება იმოქმედოს სხვა პრეპარატების ერთდროულმა გამოყენებამ. მკურნალმა ექიმმა აუცილებლად უნდა იცოდეს თუ, პაციენტი იღებს შემდეგ პრეპარატებს, ვინაიდან, მათი მიღებისას აუცილებელია განსაკუთრებული სიფრთხილის ზომების დაცვა:
• პრეპარატები, რომლებიც გამოიყენება არტერიული ჰიპერტენზიის დროს
• პროკაინამიდი (არარეგულარული გულისცემის რითმის სამკურნალოდ)
• ალოპურინოლი (პოდაგრის სამკურნალო)
• ტერფენადინი ან ასთემიზოლი (ანტიჰისტამინური პრეპარატები თივის ცხელების ან ალერგიის დროს)
• კორტიკოსტეროიდები, რომლებიც გამოიყენება სხვადასხვა მდგომარეობების სამკურნალოდ, მათ შორის მძიმე ასთმის ან რევმატოიდული ართრიტის დროს.
• იმუნოდეპრესიული პრეპარატები, რომლებიც გამოიყენება აუტოიმუნური დარღვევვების სამკურნალოდ ან ტრანსპლანტაციური ოპერაციების შემდეგ შეუთავსებლობის თავიდან ასაცილებლად (მაგალითად ციკლოსპორინი)
• სიმსივნის სამკურნალოდ დანიშნული პრეპარატები
• ინტრავენური ერითრომიცინი (ანტიბიოტიკი)
• გალოფანტრინი (გამოიყენება მალარისს სხვადასხავა ფორმის სამკურნალოდ)
• პენტამიდინი (გამოიყენება პნევმონიის სამკურმნალოდ)
• ვინკამინი (გამოიყენება ხანდაზმულებში კოგნიტური დარღვევების სიმპტომური მკურანალობისთვის)
• ბეპრიდილი (გამოიყენება სტენოკარდიის სამკურნალოდ)
• სულტოპრიდი (ანტიფსიქოტიური პრეპარატი)
• გულისცემის რითმის დარღვევის სამკურნალოდ დანიშნული პრეპარატები (მაგალითად: ქინიდინი, ჰიდროქინიდინი, დიზოპირამიდი, ამიოდარონი, სოტალოლი)
• დიგოქსინი (გულის დაავადებების სამკურნალოდ)
• ბაკლოფენი (კუნთების გამაგრების სამკურანალოდ, რომელიც ვითარდება ზოგიერთი დაავადების დროს, მაგალითად სკლეროზების დროს)
• დიაბეტის სამკურნალო პრეპარატები, როგორიცაა ინსულინი და მეთმორფინი
• კალციუმი
• მასტიმულირებელი საფაღარათე საშუალებები, (მაგალითად სინამაქი)
• არასტეროიდული ანთების საწინააღმდეგო პრეპარატები (მაგალითად იბუპროფენი) და სალიცილატების მაღალი დოზები (მაგალითად ასპირინი)
• ამფოტერიცინ B, ინტრავენურად (სერიოზული სოკოვანი დაავადებების სამკურნალოდ)
• მენტალური დარღვევების, მაგალითად დეპრესიის, შიზოფრენიის, შფოთვის და ა.შ. სამკურნალო პრეპარატები, (მაგ. ტრიციკლური ანტიდეპრესანტები, ნეიროლაპტიკები)
• ტეტრაკოზაკტიდი (კრონის დაავადების სამკურნალოდ

შენახვის პირობები და ვადები
ინახება ბავშვებისთვის მიუწვდომელ ადგილას.
შენახვის ვადა: 30 თვე
არ შეიძლება ნოლიპრელ არგინინის მიღება მუყაოს კოლოფზე და კონტეინერზე მითითებული შენახვის ვადის გასვლის შემდეგ. შენახვის ვადაში გასათვალისწინებელია მითითებული თვის ბოლო დღე.
სინესტისაგნ დასცავად შეფუთვა უნდა დაიხუროს მჭიდროდ.
არ შეიძლება პრეპარტის ჩაშვება გამდინარე წყალში ან კანალიზაციაში. პრეპარტის გამოყენების შემდეგ მისი გადაგდების შესახებ საჭიროა ფარმაცვეტის კონსულტაცია. ეს ღონისძიებები მიმართულლია გარემოს დაცვისკენ.

აფთიაქში გაცემის წესი
ექიმის რეცეპტით.

მწარმოებელი ქვეყანა - საფრანგეთი

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით