აციკლოვირი 5% 5გ მალამო

2.03 ლარი

ფარმაკოლოგიური ჯგუფი: გარეგანი გამოყენების ანტივირუსული პრეპარატები, გარეგანი გამოყენების პრეპარატები

ქვეყანა: ბელორუსია

მწარმოებელი: ბელმედპრეპარატები მინსკი

ჯენერიკი - შეადარეთ ანალოგები: აციკლოვირი

გაცემის ფორმა: III ჯგუფი ურეცეპტო

კოდი: 2390

გააზიარე:

შეუკვეთე

ანოტაცია
სად შევიძინო

აციკლოვირი 50 მგ/გ მალამო

გარეგანი გამოყენებისთვის

1. პრეპარატი აციკლოვირი და მისი გამოყენება

აციკლოვირის მალამო მიეკუთვნება ანტივირუსული პრეპარატების ჯგუფს. გამოიყენება ჰერპესის და მარტივი ჰერპესის ვირუსით გამოწვეული სქესობრივი ინფექციების სამკურნალოდ. პრეპარატი ანადგურებს ჰერპესის ან გენიტალური ჰერპესის გამომწვევ ვირუსებს ან აჩერებს მათ ზრდას.

2. პრეპარატ აციკლოვირის გამოყენებამდე გასათვალისწინებელი ინფორმაცია

არ გამოიყენოთ პრეპარატი აციკლოვირი:

- თუ გაგქვთ ალერგია (ჰიპერმგრძნობელობა) აციკლოვირზე, ვალაციკლოვირზე ან პრეპარატის ნებისმიერ სხვა კომპონენტზე (ჩამოთვლილია ფურცელ-ჩანართის მე-6 პუნქტში).

განსაკუთრებული მითითებები და სიფრთხილის ზომები

პრეპარატ აციკლოვირის გამოყენებამდე კონსულტაციისთვის მიმართეთ მკურნალ ექიმს ან ფარმაცევტს, თუ:

- გაქვთ დაავადება, რომლის დროსაც დაქვეითებულია იმუნური სისტემა, და ორგანიზმს ნაკლებად აქვს უნარი შეებრძოლოს ინფექციებს (მაგალითად, თუ გაქვთ აივ ან შიდსი ან გადატანილი თუ გაქვთ ძვლის ტვინის ტრანსპლანტაცია).

თუ დარწმუნებული არ ხართ, აციკლოვირის მალამოს გამოყენებამდე რჩევისთვის მიმართეთ თქვენს ექიმს ან ფარმაცევტს.

აციკლოვირის მალამო განკუთვნილი არ არის პირის ღრუში, თვალებზე ან საშოში გამოსაყენებლად. აციკლოვირმა შეიძლება გამოიწვიოს კანის გაღიზიანება.

სხვა პრეპარატები და პრეპარატი აციკლოვირი

აცნობეთ მკურნალ ექიმს, თუ იღებთ, ცოტა ხნის წინ იღებდით ან აპირებთ ნებისმიერი სხვა პრეპარატის მიღებას. ეს ეხება ნებისმიერ მცენარეულ პრეპარატს ან დანიშნულების გარეშე შეძენილ პრეპარატებს.

ორსულობა, ძუძუთი კვება და ფერტილურობა

თუ ხართ ორსულად და ძუძუთი კვებავთ, ფიქრობთ, რომ შეიძლება იყოთ ორსულად ან გეგმავთ ორსულობას, პრეპარატის გამოყენების დაწყებამდე კონსულტაციისთვის მიმართეთ მკურნალ ექიმს ან აფთიაქის თანამშრომელს.

სატრანსპორტო საშუალებების მართვა და მექანიზმებთან მუშაობა

არ არსებობს ცნობები ავტომობილის მართვის და მექანიზმებთან მუშაობის უნარზე აციკლოვირის ზემოქმედების შესახებ.

3. პრეპარატ აციკლოვირის გამოყენება

ყოველთვის მიიღეთ ეს პრეპარატი ფურცელ-ჩანართის ან მკურნალი ექიმის ან ფარმაცევტის რეკომენდაციების შესაბამისად. ეჭვის შემთხვევაში, რჩევისათვის მიმართეთ მკურნალ ექიმს ფარმაცევტს.

აციკლოვირის მალამოს გამოყენება

აციკლოვირის მალამო განკუთვნილი არ არის პირის ღრუში, თვალებზე ან საშოში გამოსაყენებლად.
არ შეიძლება აციკლოვირის მალამოს შერევა რაიმესთან, წყალთანაც კი.
ყოველთვის დაიბანეთ ხელები აციკლოვირის მალამოს გამოყენების წინ და შემდეგ.

რეკომენდებული დოზა

მოზრდილები და ბავშვები

მალამოს თხელი ფენა წაისვვით დაზიანებულ უბანზე დღეში ხუთჯერ.
აციკლოვირის მალამოს გამოყენებებს შორის ინტერვალი უნდა იყოს ოთხი საათი. რეკომენდებული დრო: 7:00, 11:00, 15:000, 19:00 და 23:00.
თუ ჰერპესის მოვლენები არ გადის 4 დღის შემდეგ ან გენიტალური ჰერპესი არ იკურნება 5 დღის შემდეგ, შეგიძლიათ მალამოს გამოყენება კიდევ 5 დღე.
თუ ამის შემდეგ დაზიანებული უბანი არ განიკურნა, შეწყვიტეთ მალამოს გამოყენება და მიმართეთ თქვენს ექიმს.

თუ გამოიყენეთ საჭირო მეტი აციკლოვირის მალამო

თუ გამოიყენეთ განსაზღვრულზე მეტი აციკლოვირის მალამო, რჩევისათვის მიმართეთ თქვენს ექიმს ან ფარმაცევტს.

მალამო განკუთვნილია ადგილობრივი გამოყენებისთვის, თუ შემთხვევით გადაყლაპავთ მას, რჩევისათვის მიმართეთ თქვენს ექიმს ან ფარმაცევტს.

თუ გამოტოვეთ პრეპარატის გამოყენება, წაისვით მალამო, როგორც კი გაგახსენდებათ. თუმცა, თუ მოახლოებულია შემდეგი გამოყენების დრო, არ წაისვათ ორმაგი დოზა გამოტოვებული დოზის კომპენსირების მიზნით.

ამ პრეპარატის გამოყენებასთან დაკავშირებით დამატებითი კითხვების შემთხვევაში, მიმართეთ ექიმს.

4. შესაძლო არასასურველი რეაქციები

ყველა სამკურნალო პრეპარატის მსგავსად, აციკლოვირის მალამომ შეიძლება გამოიწვიოს არასასურველი რეაქციები, თუმცა ისინი ყველას არ უვითარდება.

ალერგიული რეაქციები (შეიძლება განვითარდეს 10000-დან 1-ზე მეტ ადამიანში)

თუ განვითარდა ალერგიული რეაქცია, შეწყვიტეთ აციკლოვირის მალამოს გამოყენება და დაუყოვნებლივ მიმართეთ ექიმს.

ალერგიული რეაქციის სიმპტომები შეიძლება იყოს:

გამონაყარი, ქავილი ან ჭინჭრის ციება კანზე;
სახის, ტუჩების, ენის ან სხეულის სხვა ნაწილების შეშუპება;
ქოშინი, მსტვინავი სუნთქვა ან სუნთქვის გაძნელება;
აუხსნელი ციება და სისუსტე, განსაკუთრებით წამოდგომისას;

სხვა არასასურველი რეაქციებს შორისაა:

არახშირად (შეიძლება განვითარდეს 100-დან 1-ზე მეტ ადამიანში):

წვა ან ჩხვლეტა მალამოს გამოყენების შემდეგ, რაც შემდეგ გადის;
კანის სიმშრალე ან აქერცვლა;
ქავილი.

იშვიათად (შეიძლება განვითარდეს 1000-დან არა უმეტეს 1 ადამიანში):

ერითემა (სიწითლე);
კანზე გამონაყარი (კონტაქტური დერმატიტი).

არასასურველი რეაქციების შეტყობინება

თუ განვითარდა რაიმე არასასურველი რეაქცია, კონსულტაციისთვის მიმართეთ ექიმს ან ფარმაცევტს. ეს რეკომენდაცია ვრცელდება ნებისმიერ შესაძლო არასასურველ რეაქციაზე, მათ შორის ისეთ რეაქციებზე, რომლებიც ჩამოთვლილი არ არის მოცემულ ინსტრუნქციაში.

არასასურველი რეაქციების შეტყობინებით ხელს უწყობთ პრეპარატის უსაფრთხოებაზე მეტი ინფორმაციის მიღებას.

5. პრეპარატ აციკლოვირის შენახვა

ინახება არა უმეტეს 25⁰C-ზე.

ინახება ბავშვებისაგან მიუწვდომელ ადგილას.

ვარგისიანობის ვადა - 3 წელი.

არ გამოიყენება ვარგისობის ვადის გასვლის შემდეგ.

არ არსებობს სპეციალური მოთხოვნები პრეპარატის გამოუყენებელი ნარჩენების უტილიზაციის შესახებ.

გაცემის წესი

ფარმაცევტული პროდუქტის ჯგუფი - III , გაიცემა რეცეპტის გარეშე.

6. შეფუთვის შიგთავსი და სხვა ინფორმაცია

მალამო აციკლოვირის ერთი ტუბი შეიცავს მოქმედი ნივთიერება - აციკლოვირი - 250 მგ.

დამხმარე ნივთიერებები: მაკროგოლი 400, მაკროგოლი 1500.

პრეპარატ აციკლოვირის გარეგნული აღწერა და შეფუთვის შიგთავსი

აციკლოვირი, 50 მგ/გ, მალამო გარეგანი გამოყენებისთვის, ერთგვაროვანი თეთრი ფერის მალამო.

5 გ ალუმინის ტუბში.

თითოეული ტუბი ფურცელ-ჩანართთან ერთად მოთავსებულია მუყაოს ყუთში.

რეგისტრაციის მოწმობის მფლობელი და მწარმოებელი

ბელმედპრეპარატი

ბელარუსის რესპუბლიკა, 220007, ქ. მინსკი,

ფაბრიციუსის ქ. 30, ტელ./ფაქსი: (+375 17) 220 37 16,

ელ-ფოსტა: [email protected]

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით