კაპსიკამი 30გ მალამო

~~18.63 ლარი~~ 13.41 ლარი

მაქსიმალურ ფასდაკლებას მიიღებთ მხოლოდ მტრედი ბარათის გამოყენებით

ფარმაკოლოგიური ჯგუფი: ადგილობრივი მოქმ. სისხლძარღვთა გამაფართ. და გამახურებელი საშუალებები

ქვეყანა: ესტონეთი

მწარმოებელი: ტალინის ფარმაცევტული საწარმო

ჯენერიკი - შეადარეთ ანალოგები: დიმეთილსულფოქსიდი+ქაფური+სკიპიდარი+ბენზილნიკოტინატი+ნონივამიდი

გაცემის ფორმა: III ჯგუფი ურეცეპტო

კოდი: 23898

გააზიარე:

შეუკვეთე

ანოტაცია
სად შევიძინო

კაპსიკამი 30გ მალამო

1.სახელწოდება კაპსიკამი

2.მწარმოებელი ს.ს. „გრინდეკსი“

3.აღწერილობა

თეთრი ან თეთრი, მსუბუქი მოყვითალო ფერის ელფერის მქონე მალამო ქაფურის და სკიპიდარის სუნით.

4.ჩვენებები

ტკივილგამაყუჩებელი და გამახურებელი საშუალება კუნთოვანი და სახსროვანი ტკივილებისას.

5.მოქმედი ნივთიერება (INN)

1 გ მალამო შეიცავს 50მგ დიმეთილსულფოქსიდს, 30 მგ რაცემიულ ქაფურს, 30 მგ სკიპიდარს, 20 მგ ბენზილნიკოტინატს და 2 მგ ნონივამიდს.

6.შემადგენლობა

დამხმარე ნივთიერებები: ემულგირებადი ცეტოსტეარილის სპირტი (ტიპი A),

ნატრიუმის ცეტილსტეარილსულფატი, პოლისორბატი-80, ბრონოპოლი და გასუფთავებული წყალი.

7.გამოყენების მეთოდი და დოზირება

მალამო გარეგანი გამოყენებისათვის.

გამახურებელი ეფექტის მისაღებად სპორტსმენებში: 2-3 გრამი მალამო კაპსიკამი აპლიკატორის მეშვეობით დაიტანება და შეიზილება კუნთოვან მიდამოში კანის სუსტ გაწითლებამდე. ვარჯიშის შემდეგ მალამო უნდა ჩამოიბანოს გრილი წყლით.

ტკივილის შესამსუბუქებლად: მტკივნეულ ადგილას მალამო დაიტანება 1-3გ ოდენობით დღეში 2-3-ჯერ (ტკივილის ინტენსივობის მიხედვით), რის შემდეგაც აფიქსირებენ ნახვევით გამახურებელი ეფექტის გასაძლიერებლად.

მკურნალობის კურსის დროს რეკომენდებულია 1-2 ტუბი (50-100 გ) მალამოს გამოყენება.

ყოველი პროცედურის შემდეგ რეკომენდებულია ხელების დაბანა საპნითა და ნელ თბილი წყლის მეშვეობით.

პედიატრიაში გამოყენების გამოცდილება არ არსებობს (იხ. განყოფილება სიფრთხილის ზომები).

8.ფარმაკოდინამიკა

9.ფარმაკოლოგიური მოქმედება

პრეპარატი შეიცავს ნივთიერებებს, რომელთაც გააჩნიათ სისხლძარღვების გამაფართოვებელი და მგრძნობიარე ნერვული დაბოლოებების გამაღიზიანებელი მოქმედება, რის გამოც იგი ახდენს ადგილობრივ გამაღიზიანებელ, გამახურებელ და ტკივილგამაყუჩებელ მოქმედებას.

კანის ადგილობრივი გაღიზიანება ხდება ზურგის ტვინის იმავე სეგმენტებით მოინერვირე შინაგანი ორგანოების შერჩევითად სისხლმომარაგებისა და ტროფიკის შეცვლის მიზეზი.

ზურგის ტვინის შესაბამის სეგმენტში გაღიზიანება იწვევს ანტინოციცეპტიური სისტემის დამატებით აქტივაციას, რაც ხელს უშლის ტკივილის იმპულსების გატარებას თავის ტვინის ქერქში და შესაბამისად აუმჯობესებს ტკივილის ატანას

10.ფარმაკოკინეტიკა

სწრაფად შეიწოვება და რამდენიმე წუთის შემდეგ იწყება მოქმედება- სუსტი წვის შეგრძნება, კანის შეწითლება, სითბოს შეგრძნება; მცირდება კუნთოვანი დაჭიმულობა და ტკივილის შეგრძნება. კანის ტემპერატურა იმატებს 1-20ჩ-ით

2-3 საათის განმავლობაში. ტკივილგამაყუჩებელი მოქმედებას იწყება 30-40 წუთის შემდეგ და გრძელდება 3-6 საათის განმავლობაში. ტემპერატურის მომატება და სისხლის მიმოქცევის გაუმჯობესება ახდენს დადებით ზეგავლენას რევმატიული მდგომარეობის დროს, კუნთის დაჭიმულობის, ღრძობის და სხვა სპორტული ტრავმების დროს. განმეორებითი გამოყენებისას მოქმედება შენარჩუნებულია 10-14 დღის განმავლობაში.

11.უკუჩვენებები

მალამო კაპსიკამი ® არ გამოიყენება კანის დაავადებების, კანის საფარის მთლიანობის დარღვევის და მასში შემავალი რომელიმე კომპონენტის მიმართ მომატებული მგრძნობელობის დროს.

12.ჭარბი დოზირება

სიმპტომები: მალამოს დიდი დოზით დატანების შემთხვევაში შესაძლოა განვითარდეს კანის გაწითლება, მსუბუქი გარდამავალი ქავილი ან წვის შეგრძნება.

მკურნალობა: რეკომენდირებულია მალამოს ჩამობანა კანიდან გრილი წყლით. მალამოს შემთხვევით ჩაყლაპვის შემთხვევაში მიმართეთ ექიმს. თან იქონიეთ პრეპარატის შეფუთვა.

სიმპტომები: ღებინება და დიარეა. დიდი რაოდენობით მალამოს შემთხვევითი გადაყლაპვისას შესაძლოა გაჩნდეს მწვავე მოწამვლის სიმპტომები: გულისრევა, ღებინება, ტკივილი მუცლის არეში და თავის ტკივილი, თავბრუსხვევა, სითბოს/სიცხის შეგრძნება, გულყრები, სუნთქვის დათრგუნვა და კომა.

მკურნალობა: სიმპტომურია. მძიმე მოწამვლისას არ შეიძლება ღებინების გამოწვევა.

13.პრეპარატის მიღება ორსულობისა და ძუძუთი კვების პერიოდში

ორსულობა და ძუძუთი კვება

არაა რეკომენდირებული პრეპარატის უსაფრთხოებაზე კლინიკური მონაცემების არარსებობის გამო.

გავლენა სატრანსპორტო საშუალებების მართვისა და მექანიზმებთან მუშაობის უნარზე გავლენას არ ახდენს.

14.გვერდითი მოვლენები

მალამოს კომპონენტებისადმი კანის მომატებული მგრძნობელობისას შეიძლება გაჩნდეს ქავილი, შეშუპება ან ჭინჭრის ციება. აღნიშნული ნიშნები პრეპარატის მიღების შეწყვეტიდან 8-12 საათის შემდეგ ქრება.

15.სიფრთხილის ზომები

არ დაიტანება დაზიანებულ კანზე. ძლიერი გაღიზიანების თავიდან ასაცილებლად არ უნდა მოხვდეს ლორწოვან გარსზე და თვალში.

პრეპარატის გამოყენებამდე და გამოყენების შემდეგ მცირე ხნის განმავლობაში არაა რეკომენდირებული სითბური პროცედურების ჩატარება (აბაზანის მიღება, აბანოში ყოფნა), რადგანაც ამან შესაძლოა გამოიწვიოს ფორების გახსნა და შემდეგ კანის წვის შეგრძნება.

დამხმარე ნივთიერება: ემულგირებადი ცეტოსტერილის სპირტმა (ტიპი A) და ბრონოპოლმა შესაძლოა გამოიწვიოს კანის ადგილობრივი რეაქციები ( მათ შორის, კონტაქტური დერმატიტი).

ხმარების წინ რეკომენდირებულია მალამოს მცირე ოდენობით დატანება კანზე მგრძნობელობის დასადგენად.

ორსულობა და ძუძუთი კვება

16.გამოშვების ფორმა

30გ ან 50გ მალამო ალუმინის ტუბში მუყაოს კოლოფში აპლიკატორთან და გამოყენების ინსტრუქციასთან ერთად.

17.შენახვის პირობები

ინახება არაუმეტეს 25 ⁰ C ტემპერატურაზე. არ გაყინოთ.

შეინახეთ ბავშვებისთვის მიუწვდომელ ადგილას.

18.ვარგისიანობის ვადა

შენახვის ვადა 2 წელი

შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია

19.აფთიაქიდან გაცემის პირობები

ფარმაცევტული პროდუქტის ჯდუფი III (გაიცემა ექიმის რეცეპტის გარეშე ინსტრუქციის შესაბამისად).

20.წამლის ფორმა

http://www.vidal.ge/drugs/kapsikam

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით