დოვიტა B კომპლექსი#30კაფს

ბიოლოგიურად აქტიური დანამატის

გამოყენების რეკომენდაცია

დოვიტა B - კომპლექსი

(Dovita B-Complex)

შემადგენლობა :

1 კაფსულა შეიცავს:

აქტიური ნივთიერებები:

ვიტამინი B1 (თიამინის მონონიტრატი) - 3.3 მგ; ვიტამინი B2 (რიბოფლავინი) - 4.2 მგ; ვიტამინი B3 (ნიკოტინამიდი) - 48 მგ; ვიტამინი B5 (კალციუმის პანტოტენატი) - 18 მგ; ვიტამინი B6 (პირიდოქსინის ჰიდროქლორიდი) - 4.2 მგ; ვიტამინი B7 (ბიოტინი) - 150 მკგ; ვიტამინი B9 (ფოლიუმის მჟავა) - 600 მკგ; ვიტამინი B12 (ციანკობალამინი) - 7.5 მკგ;

დამხმარე ნივთიერებები: მალტოდექსტრინი, მაგნიუმის სტეარატი, ჟელატინი.

მოქმედება:

დოვიტა B-კომპლექსი არის ბიოლოგიურად აქტიური დანამატი, რომლის შემადგენლობაში შემავალი ვიტამინების სინერგიული მოქმედება ხელს უწყობს ცილების, ცხიმების, ნახშირწყლების მეტაბოლიზმს, ენერგეტიკულ ცვლას, ნერვული სისტემის გამართულ ფუნქციონირებას, კანის და თმის ჯანსაღ სტრუქტურირებას. B ვიტამინები, ასევე, მონაწილეობს სისხლწარმოქმნის პროცესში, შესაბამისად სასარგებლოა სხვადასხვა ტიპის ანემიების დროს.

B1, B2, B3, B6, B7, B12 – ხელს უწყობს უჯრედული ენერგიის წარმოქმნას, ნერვული სისტემის ნორმალურ მუშაობას;

B1, B3, B6, B7, B12 – ხელს უწყობს მენტალური ჯანმრთელობის შენარჩუნებას;

B2, B3, B5, B6, B12 – ამცირებს დაღლილობასა და გამოფიტვას;

B6, B7, B9, B12 – ხელს უწყობს ნერვული სისტემის ნორმალურ ფუნქციონირებას, არეგულირებს ამინომჟავა ჰომოცისტეინის მეტაბოლიზმს, რომლის სიჭარბე არაერთი სისტემის (ნერვული, გულ-სისხლძარღვთა, რეპროდუქციული და ა.შ.) პათოლოგიასთან არის დაკავშირებული

B2, B6, B9, B12 – მონაწილეობს სისხლწარმოქმნის პროცესში, ხელს უწყობს ჰემოგლობინისა და რკინის სინთეზს;

B2, B3, B7 – ხელს უწყობს კანისა და ლორწოვანი გარსის სიჯანსაღეს;

B6, B12 – ხელს უწყობს იმუნური სისტემის ნორმალურ მუშაობას;

B9, B12 – ხელს უწყობს უჯრედების გაყოფას, რაც მნიშვნელოვანია ქსოვილების რეგენერაციისა და აღდგენისთვის;

B2, B9 - ხელს უწყობს მხედველობის აპარატის ნორმალურ ფუნქციონირებას;

B1, B6, B12 - მონაწილეობს ნერვული ბოჭკოების მიელინიზაციის პროცესში, ხელს უწყბს ნერვული სისტემის გამართულ ფუნქციონირებას;

B1 – ხელს უწყობს გულ-სისხლძარღვთა და ნერვული სისტემების ნორმალურ მუშაობას;

B2 – მონაწილეობს რკინის მეტაბოლიზმში, იცავს უჯრედებს ჟანგვითი პროცესებისგან;

B3 – მონაწილეობს ცილების, ცხიმებისა და ნახშირწყლების უჯრედულ ენერგიად (NAD, NADP) გარდაქმნაში. შესაბამისად, ამარაგებს ორგანიზმს ნორმალური ფუნქციონირებისათვის აუცილებელი ენერგიით.

B5 – ხელს უწყობს სტეროიდული ჰორმონების, D ვიტამინისა და ზოგიერთი ნეიროტრანსმიტერის სინთეზსა და მეტაბოლიზმს;

B6 – მნიშვნელოვანია ცენტრალური და პერიფერიული ნერვული სისტემის სრულფასოვანი ფუნქციონირებისთვის;

B7 – ხელს უწყობს მაკრონუტრიენტების ნორმალურ მეტაბოლიზმს, თმის ჯანსაღ სტრუქტურირებას;

B9 - უზრუნველყოფს საყრდენ-მამოძრავებელი, გულ-სისხლძარღვთა და ნერვული სისტემის სიჯანსაღეს.

მიღების წესი და დოზირება :

დოვიტა B-კომპლექსი მიიღება პერორალურად, 1 კაფსულა დღეში, უპირატესად ჭამის დროს, საკმარისი რაოდენობის წყლის მიყოლებით.

გაფრთხილებები:

ბიოლოგიურად აქტიური დანამატი არ არის განკუთვნილი დაავადების სამკურნალოდ ან საპრევენციოდ, არ გამოიყენება სრულფასოვანი/დაბალანსებული კვების შემცვლელად! არ გადააჭარბოთ რეკომენდებულ დღიურ დოზას! შეინახეთ ბავშვებისთვის მიუწვდომელ ადგილას! თუ ხართ ორსულად, იღებთ მედიკამენტებს ან გაქვთ ქრონიკული დაავადება, პროდუქტის მიღებამდე რეკომენდებულია ექიმის კონსულტაცია!

ძირითადი ფიზიკურ - ქიმიური თვისებები :

უფერო, გამჭირვალე მყარი ჟელატინის კაფსულები, შევსებული ყვითელი ფერის ფხვნილით.

გამოშვების ფორმა :

30 კაფსულა პოლიმერულ ფლაკონში.

ვარგისობა და შენახვის პირობები :

3 წელი. ინახება არაუმეტეს 25°C ტემპერატურაზე ორიგინალურ შეფუთვაში. ინახება ბავშვებისათვის მიუწვდომელ ადგილას.

აფთიაქიდან გაცემის პირობა :

ბიოლოგიურად აქტიური დანამატი, გაიცემა რეცეპტის გარეშე.

მწარმოებელი :

შპს “ავერსი-რაციონალი” (საქართველო).

მისამართი:

საქართველო 0198, თბილისი, დავით კობახიძის ქ. 33

www.rational.ge