სალბუტამ(ბრეკურ)100მკგ 200დ აერ

სარეკომენდაციო

სამედიცინო პროდუქტის გამოყენების ინსტრუქცია

ბრეკური^® 100 მკგ

დოზირებული საინჰალაციო სუსპენზია

პერორალური გამოყენებისთვის.

აქტიური ნივთიერება: თითოეული დოზა შეიცავს100 მიკროგრამ სალბუტამოლ (სალბუტამოლის სულფატის სახით).

დამხმარე ნივთიერება: HFA 134a

გამოყენების ინსტრუქცია შეიცავს:

1. რას წარმოადგენს ბრეკური და რისთვის გამოიყენება

2. ინფორმაცია ბრეკურის გამოყენებამდე

3. ბრეკურის გამოყენების წესი

4. მოსალოდნელი გვერდითი ეფექტები

5. ბრეკურის შენახვის პირობები

1. რას წარმოადგენს ბრეკური და რისთვის გამოიყენება

ბრეკური შეიცავს სალბუტამოლის სულფატს აქტიური ნივთიერების სახით. ეს არის სწრაფად მოქმედი ბრონქოდილატატორი, რომელიც იწვევს ფილტვებში სასუნთქი გზების რამდენიმე წუთში გაფართოვებას, რაც უზრუნველყოფს სუნთქვის გაადვილებას.

ბრეკური არის წინასწარ დოზირებული ინჰალატორი აქტივატორით. ინჰალატორის გამოყენება შესაძლებელია 200-ჯერ, თითოეული შესუნთქვისას გამოყოფს 100 მიკროგრამ სალბუტამოლს.

• · ეს არის შემამსუბუქებელი სამკურნალო საშუალება, რომელიც გამოიყენება ასთმის სიმპტომების შესამსუბუქებლად.
• · ის არ უნდა იქნას გამოყენებული ასთმის შეტევების კუპირების მიზნით. ბრეკურის რეგულარული გამოყენება ასთმის დროს არ არის რეკომენდებული.

ბრეკური გამოიყენება:

• · ბრონქების ხანმოკლე (4-საათიანი) გაფართოებისთვის, რომლის დროსაც ეს ეფექტი სწრაფად დგება ასთმის, ქრონიკული ბრონქიტის და ფილტვების სასუნთქი გზების მუდმივი დაზიანების (ემფიზემა) შედეგად გამოწვეული შექცევადი სასუნთქი გზების ობსტრუქციის დროს;
• · სიმპტომების პროფილაქტიკისთვის ისეთ მდგომარეობებში, რომლებიც იწვევენ ასთმის შეტევას, როგორიცაა ფიზიკური დატვირთვით და ალერგენების ზემოქმედებით გამოწვეული შეტევები;
• · ფილტვების ქრონიკული ობსტრუქციული დაავადების (COPD) სიმპტომების შესამცირებლად და საჭიროების მიხედვით გადაუდებელი დახმარების სახით.

რეგულარული მკურნალობის დროს მისი გამოყენება სასურველი არ არის.

თუ თქვენი ასთმა გაძლიერდა (მაგალითად, თუ გაქვთ ხშირი სიმპტომები ან გამწვავებები ან შეზღუდული ფიზიკური შესაძლებლობები), აცნობეთ ამის შესახებ ექიმს. მან შეიძლება დაგინიშნოთ რაიმე მედიკამენტის, მაგალითად, ინჰალაციური კორტიკოსტეროიდის მიღება ასთმის კონტროლისთვის.

2. ინფორმაცია ბრეკურის გამოყენებამდე

არ შეიძლება ბრეკურის გამოყენება

• · თუ გაქვთ ალერგია სალბუტამოლზე ან ბრეკურის სხვა რომელიმე დამხმარე ინგრედიენტზე.

ბრეკური არ უნდა იქნას გამოყენებული ნაადრევი მშობიარობის დროს. სალბუტამოლის შემცველი პრეპარატები არ უნდა იქნას გამოყენებული მუცლის მოშლის საფრთხის შემთხვევაში.

ბრეკური გამოიყენება სიფრთხილით შემდეგ სიტუაციებში:

თუ:

• · თუ ასთმის სიმპტომების შესამსუბუქებლად გაზრდით ხანმოკლე მოქმედების ბრონქოდილატატორების გამოყენებას, აცნობეთ ამის შესახებ ექიმს, რადგან ეს შეიძლება მიუთითებდეს, რომ თქვენი ასთმის კონტროლი გაუარესდა.
• · აცნობეთ ექიმს, თუ თქვენი ფარისებრი ჯირკვალი ზედმეტად აქტიურია.
• · თუ გაქვთ მაღალი არტერიული წნევა.
• · თუ თქვენი მედიკამენტი, ადრე მიღებული ეფექტური დოზით, არ იძლევა შვებას მინიმუმ 3 საათის განმავლობაში, მიმართეთ ექიმს.
• · თუ გაწუხებთ გულის სერიოზული დაავადება და განიცდით ტკივილს გულმკერდის არეში ან არარეგულარულ გულისცემას, ან თუ შეამჩნევთ გულის მდგომარეობის გაუარესების ნიშნებს, მიმართეთ ექიმს.
• · ბრეკურის გამოყენებისას, სისხლში კალიუმის დონე შეიძლება მნიშვნელოვნად დაეცეს. ამიტომ, ექიმი ყურადღებით და რეგულარულად გააკონტროლებს თქვენს სისხლში კალიუმის დონეს.
• · თუ ასთმის სამკურნალოდ იღებთ ქსანტინის წარმოებულებს (მაგალითად, თეოფილინი) ან სტეროიდებს, აცნობეთ ექიმს.
• · აცნობეთ ექიმს, თუ იღებთ შარდმდენებს, რომლებიც ზოგჯერ გამოიყენება მაღალი არტერიული წნევის ან გულის დაავადებების სამკურნალოდ.
• · თუ მედიკამენტების მიღების შემდეგ მოულოდნელად გაძლიერდა ხიხინი, დაუყოვნებლივ აცნობეთ ექიმს; შესაძლოა საჭირო გახდეს მკურნალობის კორექცია.
• · ბრეკურმა შეიძლება გამოიწვიოს სისხლში კალიუმის დონის მნიშვნელოვანი ვარდნა. ამიტომ, ექიმი ყურადღებით და რეგულარულად გააკონტროლებს თქვენს სისხლში კალიუმის დონეს.

თუ ეს გაფრთხილებები გეხებათ თქვენ, მაშინაც კი, თუ ისინი გამოვლიდა წარსულშიც, გთხოვთ, მიმართოთ ექიმს.

ორსულობა

ამ მედიკამენტის გამოყენებამდე მიმართეთ ექიმს ან ფარმაცევტს.

• · თუ ხართ ორსულად, გამოიყენეთ ბრეკური მხოლოდ იმ შემთხვევაში, თუ ექიმი მიიღებს გადაწყვეტილებას მისი მიღების შესახებ.
• · თუ მკურნალობის დროს გაიგებთ, რომ ორსულად ხართ, დაუყოვნებლივ მიმართეთ ექიმს ან ფარმაცევტს.

ლაქტაცია

ამ მედიკამენტის გამოყენებამდე გაიარეთ კონსულტაცია ექიმთან ან ფარმაცევტთან.

ბრეკური, სავარაუდოდ, გადადის დედის რძეში, ამიტომ თუ ძუძუთი კვებავთ ბავშვს, გამოიყენეთ მხოლოდ იმ შემთხვევაში, თუ ექიმი დაადგენს, რომ ის თქვენთვის უსაფრთხოა.

ავტომობილის მართვა და მექანიზმებთან მუშაობა

ბრეკური, სავარაუდოდ, არ ახდენს უარყოფით ზეგავლენას ავტომობილის მართვის ან მექანიზმებთან მუშაობის უნარზე.

მნიშვნელოვანი ინფორმაცია ბრეკურის ზოგიერთი ინგრედიენტის შესახებ

ბრეკური არ შეიცავს ისეთ ნივთიერებას, რომელიც საჭიროებს განსაკუთრებულ გაფრთხილებებს.

ბრეკურის გამოყენება სხვა სამკურნალო საშუალებებთან ერთად

არ მიიღოთ ბრეკური სხვა მედიკამენტებთან ერთად ექიმთან წინასწარი კონსულტაციის გარეშე.

თუ იღებთ გულის რიტმის დარღვევების ან ასთმის სამკურნალო მედიკამენტებს, აცნობეთ ექიმს.

თუ ამჟამად იღებთ ან ბოლო დროს იღებდით რეცეპტით ან ურეცეპტოდ გაცემულ მედიკამენტებს, გთხოვთ, აცნობოთ ექიმს ან ფარმაცევტს.

3. ბრეკურის გამოყენების წესი

გამოყენების ინსტრუქცია და დოზირება/მიღების სიხშირე:

მოზრდილები და 12 წლის და უფროსი ასაკის მოზარდები

• · ასთმის შემსუბუქებისთვის - 1 ან 2 ინჰალაცია
• · ასთმის პროფილაქტიკისთვის - 2 ინჰალაცია ალერგენთან ან ვარჯიშამდე 10-15 წუთით ადრე
• · მაქსიმალური დოზა: 8 ინჰალაცია 24 საათის განმავლობაში.

თუ გესაჭიროებათ უწყვეტი გამოყენება ან დოზის უეცარი მომატების აუცილებლობა, ეს შეიძლება მიუთითებდეს ასთმის გაუარესებაზე. დოზის გადაჭარბებამ შეიძლება გამოიწვიოს არასასურველი გვერდითი მოვლენები, ამიტომ მედიკამენტის დოზა და მიღების სიხშირე უნდა გაზარდოთ მხოლოდ ექიმთან კონსულტაციის შემდეგ.

გამოყენების წესი და მეთოდი:

საინჰალაციო სპრეი, რომელიც გაიცემა მუყაოს კოლოფში, უსაფრთხოების მიზნით მოთავსებულია დამცავ შეფუთვაში.

საინჰალაციო სპრეი გამოყენებამდე ამოიღეთ შეფუთვიდან, როგორც ეს ნაჩვენებია სურათზე.

საინჰალაციო სპრეის ტესტირება:

პირველი გამოყენებისას შეამოწმეთ ინჰალატორის გამართული მუშაობა. მოხსენით მუნდშტუკის თავსახური გვერდებზე ცერა თითებით ნაზად მოუჭირეთ და შემდეგ მოხსენით.

იმისათვის, რომ დარწმუნდეთ ინჰალატორის სწორ მუშაობაში, შეანჯღრიეთ იგი, მუნდშტუკი თქვენგან მოშორებით დაიჭირეთ და შესხურების ღილაკს დააჭირეთ სპრეის გამოსაყოფად.

თუ ინჰალატორი ერთი კვირის ან მეტი ხნის განმავლობაში არ გამოგიყენებიათ, მოხსენით დამცავი თავსახური მუნდშტუკს და ორჯერ შეასხურეთ თავსახურში.

ინჰალატორი გამოიყენეთ დამჯდარ ან ფეხზე მდგომ გამართულ მდგომარეობაში.

1. მოხსენით მუნდშტუკის თავსახური, როგორც ეს პირველ სურათზეა ნაჩვენები. შეამოწმეთ, რომ მუნდშტუკი სუფთაა შიგნიდან და გარედან.

2. ყოველი გამოყენების წინ კარგად შეანჯღრიეთ ინჰალატორი.

3. ინჰალატორი ვერტიკალურად დაიჭირეთ, ცერა თითი კი მუნდშტუკის ქვეშ, ინჰალატორის ძირში მოათავსეთ.

4. მოათავსეთ მუნდშტუკი კბილებს შორის და მჭიდროდ მოარგეთ ტუჩები.

5. ნელა და ღრმად შეისუნთქეთ პირით, ერთდროულად დააჭირეთ ინჰალატორის წვერს დოზის ერთი შესხურების გამოსაყოფად.

6. შეიკავეთ სუნთქვა რამდენიმე წამის განმავლობაში ან იმდენ ხანს, რამდენჯერაც თქვენთვის კომფორტულია. შემდეგ ამოიღეთ მუნდშტუკი პირიდან და მოაშორეთ თითი ინჰალატორის ზედა ნაწილიდან.

7. თითოეულ შესხურებას შორის დაელოდეთ დაახლოებით ნახევარი წუთი, შემდეგ გაიმეორეთ 2–6 ნაბიჯები.

8. გამოყენებისთანავე დაახურეთ მუნდშტუკის თავსახური მტვრისგან დასაცავად. თავსახური სწორად მორგების შემთხვევაში, გაიგონებთ წკაპუნის ხმას. თუ ეს არ მოხდა, მაშინ მოატრიალეთ თავსახური საპირისპირო მიმართულებით, ფრთხილად იყავით, რომ ზედმეტი ზეწოლა არ მოახდინოთ.

თუ გამოყენებისას შეამჩნევთ, რომ სპრეის ორთქლის გამოვიდა ზემოდან ან პირის კუთხეებიდან, გთხოვთ, ხელახლა გაიმეოროთ აპლიკაცია მე-2 ნაბიჯიდან.

მცირეწლოვან ბავშვებს შეიძლება დასჭირდეთ ინჰალაციისას დახმარება, ამიტომ ინჰალატორის გამოყენება უნდა იცოდეს მშობელმა. წაახალისეთ თქვენი შვილი ამოსუნთქვაში და როგორც კი ჩასუნთქვას დაიწყებს, დააჭირეთ ინჰალატორის ზედა ნაწილს. ივარჯიშეთ ტექნიკაში თქვენს შვილთან ერთად. შესაძლოა სასარგებლო იყოს შესაფერისი მოწყობილობის გამოყენება 5 წლამდე ასაკის ჩვილისთვის ან ბავშვისთვის ბრეკურის შეყვანისას. თუ ფიქრობთ, რომ ეს გჭირდებათ, მიმართეთ ექიმს.

ბავშვების ან მოზრდილებისთვის, რომლებსაც ხელები სუსტი აქვთ, შესაძლოა უფრო ადვილი იყოს ინჰალატორის ორივე ხელით გამოყენება. ამისათვის საჩვენებელი თითები მოათავსეთ ინჰალატორის ზედა ნაწილზე, ხოლო ცერა თითები მუნდშტუკის ქვეშ.

ინჰალატორის გაწმენდა

ინჰალატორი უნდა გაიწმინდოს სულ მცირე კვირაში ერთხელ მაინც.

1. მოხსენით მუნდშტუკის თავსახური.

2. არ მოხსნათ მილი პლასტმასის კორპუსიდან.

3. გაწმინდეთ მუნდშტუკის შიდა და გარე მხარეები და პლასტმასის კორპუსი მშრალი ქსოვილით ან ხელსახოცით.

4. სწორად დაახურეთ მუნდშტუკის თავსახური. თავსახურის დასადებად არ გამოიყენოთ ზედმეტი ძალა.

სხვადასხვა ასაკობრივი ჯგუფები:

გამოყენება ბავშვებში:

2-12 წლის ბავშვები

• · ასთმის შესამსუბუქებლად: 1 ინჰალაცია. საჭიროების შემთხვევაში: 2 ინჰალაცია.
• · ასთმის პრევენციისთვის: 2 ინჰალაცია ალერგენთან ან ვარჯიშამდე 10-15 წუთით ადრე
• · მაქსიმალური დოზა: 8 ინჰალაცია 24 საათის განმავლობაში.

გამოყენება ხანდაზმულ პაციენტებში:

ხანდაზმულ პაციენტებში გამოყენების შესახებ განსაკუთრებული გაფრთხილებები არ არსებობს.

გამოყენების განსაკუთრებული პირობები:

თირკმლის/ღვიძლის უკმარისობა:

არ არის ცნობილი.

თუ ფიქრობთ, რომ ბრეკურის ეფექტი ძალიან ძლიერი ან ძალიან სუსტია, მიმართეთ ექიმს ან ფარმაცევტს.

თუ მიიღეთ ბრეკურის ზედმეტი დოზირება

თუ მიიღეთ ბრეკურის საჭიროზე მეტი დოზა, მიმართეთ ექიმს ან ფარმაცევტს.

შესაძლოა განვითარდეს შემდეგი ეფექტები:

• · გულისცემის გახშირება
• · შეუძლოდ ყოფნის შეგრძნება
• · ჰიპერაქტიურობა

ეს ეფექტები, როგორც წესი, რამდენიმე საათში ქრება.

თუ დაგავიწყდათ ბრეკურის მიღება

თუ დაგავიწყდათ დოზის მიღება, მიიღეთ ის როგორც კი გაგახსენდებათ.

თუმცა, თუ შემდეგი დოზის მიღების დროა, არ მიიღოთ გამოტოვებული დოზა.

არ მიიღოთ ორმაგი დოზა გამოტოვებული დოზის კომპენსაციისთვის.

ბრეკურით მკურნალობის შეწყვეტის შესაძლო ეფექტები

არ შეწყვიტოთ ბრეკურის გამოყენება ექიმთან კონსულტაციის გარეშე.

4. მოსალოდნელი გვერდითი ეფექტები

თუ ამ მედიკამენტის მიღებისთანავე თქვენი სუნთქვა ან ხიხინი გაუარესდება, დაუყოვნებლივ შეწყვიტეთ მისი გამოყენება და რაც შეიძლება მალე დაუკავშირდით ექიმს. თუ ეს შესაძლებელია, რაც შეიძლება მალე მიიღეთ სხვა სწრაფად მოქმედი ასთმის სამკურნალო საშუალება.

ნებისმიერი მედიკამენტის მსგავსად, შეიძლება განვითარდეს გვერდითი მოვლენები იმ ადამიანებში, რომლებიც მგრძნობიარენი არიან ბრეკურის ინგრედიენტების მიმართ.

თუ გამოვლინდა რომელიმე შემდეგი მოვლენა, შეწყვიტეთ ბრეკურის გამოყენება და დაუყოვნებლივ დაუკავშირდით ექიმს ან მიმართეთ უახლოესი საავადმყოფოს გადაუდებელი დახმარების განყოფილებას:

ალერგიული რეაქციები

თუ ალერგიული რეაქცია განგივითარდათ, შეწყვიტეთ ბრეკურის მიღება და დაუყოვნებლივ მიმართეთ ექიმს. ალერგიული რეაქციის სიმპტომებია: სახის, ტუჩების, პირის ღრუს, ენისა და ყელის შეშუპება, რამაც შეიძლება გაართულოს ყლაპვა ან სუნთქვა, ქავილი, სისუსტის შეგრძნება, თავბრუსხვევა და გონების დაკარგვა.

ეს ყველა ძალიან სერიოზული გვერდითი მოვლენებია.

თუ ამ სიმპტომებიდან გამოვლინდება რომელიმე, ესე იგი ბრეკურის მიმართ სერიოზული ალერგია გაქვთ. შესაძლოა, დაგჭირდეთ დაუყოვნებლივი სამედიცინო დახმარება ან ჰოსპიტალიზაცია.

გვერდითი მოვლენები კლასიფიცირდება შემდეგი გამოვლენის სიხშირის მიხედვით:

ძალიან ხშირი: შეიძლება განვითარდეს 10 -დან 1-მდე პაციენტში.

ხშირი: შეიძლება განვითარდეს 10 პაციენტიდან 1-ზე ნაკლებში, მაგრამ 100 -დან 1-ზე მეტში.

არახშირი: შეიძლება განვითარდეს 100 პაციენტიდან 1-ზე ნაკლებში, მაგრამ 1 000 -დან 1-ზე მეტში.

იშვიათი: შეიძლება განვითარდეს 1 000 პაციენტიდან 1-ზე ნაკლებში

ძალიან იშვიათი: შეიძლება განვითარდეს 10 000 პაციენტიდან 1-ზე ნაკლებში

უცნობია: არსებული მონაცემების საფუძველზე მისი შეფასება შეუძლებელია.

სხვა გვერდითი მოვლენები

ხშირი

• · კანკალი, თავის ტკივილი
• · გულისცემის აჩქარება (ტაქიკარდია)

არახშირი

• · პალპიტაციები
• · პირის ღრუს და ყელის გაღიზიანება
• · კუნთების სპაზმები

იშვიათი

• · სისხლში კალიუმის დონის ნორმაზე დაბლა დაწევა (ჰიპოკალიემია)
• · ხელებსა და ფეხებში ვენების გაფართოება (პერიფერიული ვაზოდილატაცია)

ძალიან იშვიათი

• · მედიკამენტური ბრონქოკონსტრიქცია (პარადოქსული ბრონქოსპაზმი)
• · გულის არითმიები (გულის არითმიები, მათ შორის წინაგულების ფიბრილაცია, სუპრავენტრიკულური ტაქიკარდია და ექსტრასისტოლია
• · ჰიპერაქტიურობა

უცნობია

• · გულის კუნთის ნაწილის ჟანგბადის დეფიციტი (მიოკარდიუმის იშემია)

თუ შენიშნავთ რაიმე გვერდით მოვლენას, რომელიც არ არის მითითებული ამ ფურცელ-ჩანართში, აცნობეთ ამის შესახებ თქვენს ექიმს ან ფარმაცევტს.

გვერდითი მოვლენების შეტყობინება

თუ თქვენ შეამჩნევთ რაიმე გვერდით მოვლენას, მიმართეთ ექიმს, ფარმაცევტს ან ექთანს. ასევე, შეგიძლიათ გვერდითი მოვლენების შესახებ პირდაპირ შეატყობინოთ თურქეთის ფარმაკოზედამხედველობის ცენტრს (TÜFAM) www.titck.gov.tr გვერდზე „წამლის გვერდითი მოვლენების შესახებ შეტყობინების“ ბმულზე დაწკაპუნებით ან გვერდითი მოვლენების შესახებ შეტყობინების ცხელ ხაზზე დარეკვით ნომერზე 0 800 314 00 08. ნებისმიერი გვერდითი მოვლენის შეტყობინებით, თქვენ ხელს შეუწყობთ თქვენს მიერ გამოყენებული მედიკამენტის უსაფრთხოების შესახებ მეტი ინფორმაციის მიწოდებას.

5. ბრეკურის შენახვის პირობები

ბრეკური შეინახეთ ბავშვებისთვის მიუწვდომელ და შეუმჩნეველ ადგილას, ორიგინალ შეფუთვაში. შეინახეთ ბრეკური არაუმეტეს 30°C ოთახის ტემპერატურაზე. დაიცავით მზის პირდაპირი სხივებისა და გაყინვისგან. აეროზოლის ფლაკონი არ უნდა იყოს გახვრეტილი ან გატეხილი, თუნდაც ცარიელი იყოს და უნდა იყოს მოშორებული ცეცხლისგან.

მუნდშტუკის თავსახური მჭიდროდ უნდა იყოს დახურული, როდესაც არ იყენებთ.

გთხოვთ, პროდუქტი გამოიყენოთ ვარგისიანობის ვადის შესაბამისად.

არ გამოიყენოთ ბრეკური შეფუთვაზე მითითებული ვარგისიანობის ვადის გასვლის შემდეგ.

თუ შეამჩნევთ პროდუქტის და/ან შეფუთვის დაზიანებას, არ გამოიყენოთ ბრეკური.

ვადაგასული ან გამოუყენებელი მედიკამენტები არ გადააგდოთ საყოფაცხოვრებო ნარჩენებთან ერთად! გთხოვთ, ისინი მიიტანოთ გარემოს დაცვისა და ურბანიზაციის სამინისტროს მიერ შექმნილ შეგროვების პუნქტში.

ლიცენზიის მფლობელი და წარმოების ადგილი:

ნოიტეკ ინჰალერ ილაჩ სან ვე ტი ა.ს.

არიფიე/საქარია

ტელეფონის ნომერი: 0 850 201 23 23

ფაქსის ნომერი: 0 212 481 61 11

ელ. ფოსტა: [email protected]

წინამდებარე გამოყენების ინსტრუქციის დამტკიცების თარიღია 24.07.2018.

გაცემის წესი:

ფარმაცევტული პროდუქტის ჯგუფი II, გაიცემა ფორმა №3 რეცეპტით ( გადაუდებელი დახმარებისას გაიცემა ურეცეპტოდ )