ჩანართი ფურცელი- ინფორმაცია პაციენტისთვის

ფევარინი®, 50 მგ, აპკიანი გარსით დაფარული ტაბლეტები

ფევარინი®, 100 მგ, აპკიანი გარსით დაფარული ტაბლეტები

აქტიური ნივთიერება: ფლუვოქსამინის მალეატი

• · ფევარინი ® მკურნალობს დეპრესიასა და ობსესიურ-კომპულსიურ აშლილობას (OCD). ისევე როგორც ყველა პრეპარატმა, შეიძლება გამოიწვიოს არასასურველი რეაქციები. აქედან გამომდინარე, მნიშვნელოვანია, რომ თქვენ და თქვენმა ექიმმა შეაფასოთ მკურნალობის სარგებელი და შესაძლო გვერდითი მოვლენები მკურნალობის დაწყებამდე.
• · ფევარინი ® არ გამოიყენება დეპრესიის სამკურნალოდ ბავშვებში და 18 წლამდე მოზარდებში. იხილეთ პარაგრაფი 2, „ბავშვები და მოზარდები“.
• · ფევარინი ® არ მოქმედებს სწრაფად . ზოგიერთი ადამიანი, რომელიც იღებს ანტიდეპრესანტებს, მდგომარეობის გაუმჯობესებმად თავს უარესად გრძნობს. მკურნალობის მსვლელობისას აუცილებელია ექიმთან რეგულარული ვიზიტი. აცნობეთ ექიმს, თუ ჯერ კიდევ არ გრძნობთ თავს უკეთესად.
• · ზოგიერთი ადამიანი, რომელიც დეპრესი ის ან შფოთ ვის მდგომარეობაშია , ფიქრობს საკუთარი თავის დაშავებაზე ან თვითმკვლელობაზე . თუ უარესად იგრძნობთ თავს, ან თუ გაგიჩნდათ აზრები საკუთარი თავის დაზიანებაზე ან თვითმკვლელობაზე, დაუყოვნებლივ მიმართეთ ექიმს ან საავადმყოფოს.
• · ფევარინის ® მიღება არ შეწყვიტოთ ექიმთან კონსულტაციის გარეშე. თუ მოულოდნელად შეწყვეტთ ფევარინის® მიღებას ან გამოტოვებთ დოზას, შეიძლება განიცადოთ მოხსნის სიმპტომები. იხილეთ პარაგრაფი 3 „პრეპარატ ფევარინის® მიღება“.
• · თუ გრძნობთ მოუსვენრობას და გრძნობთ, რომ არ შეგიძლიათ ჯდომა ან დგომა, აცნობეთ ექიმს. ფევარინის® დოზის გაზრდამ შეიძლება გააუარესოს ეს სიმპტომები.
• · ზოგიერთი სხვა მედიკამენტის ფევარინთან ® ერთად მიღებამ შეიძლება გამოიწვიოს პრობლემები. საჭიროა ექიმთან საუბარი. იხილეთ პარაგრაფი 2 „სხვა პრეპარატები და ფევარინი®“.
• · თუ ორსულად ხართ ან გეგმავთ დაორსულებას, მიმართეთ ექიმს. იხილეთ პარაგრაფი 2: გამოყენება ორსულ და მეძუძურ ქალებში, ინფორმაცია ფერტილობის შესახებ.

ამ მედიკამენტის მიღებამდე წაიკითხეთ ეს ჩანართი ფურცელი მთლიანად, რადგან ის შეიცავს თქვენთვის მნიშვნელოვან ინფორმაციას.

• · შეინახეთ ეს ჩანართი ფურცელი. შეიძლება დაგჭირდეთ ხელახლა წაკითხვა.
• · თუ თქვენ გაქვთ რაიმე დამატებითი შეკითხვა, მიმართეთ თქვენს ექიმს ან ფარმაცევტს.
• · პრეპარატი კონკრეტულად თქვენთვისაა დანიშნული. არ გადასცეთ ის სხვა ადამიანებს.
• · მას შეუძლია ზიანი მიაყენოს მათ მაშინაც კი, თუ მათი სიმპტომები იგივეა, რაც თქვენი.
• · თუ თქვენ გაქვთ რაიმე არასასურველი რეაქცია, მიმართეთ ექიმს. ეს რეკომენდაცია ვრცელდება ნებისმიერ შესაძლო გვერდით რეაქციაზე, მათ შორის მათზე, რომლებიც არ არის ჩამოთვლილი ჩანართი ფურცლის მე-4 ნაწილში.

ჩანართი ფურცლის შინაარსი

1. რა არის პრეპარატი ფევარინი® და რისთვის გამოიყენება.

2. რა უნდა იცოდეთ პრეპარატ ფევარინის® მიღებამდე.

3. პრეპარატ ფევარინის® მიღება.

4. შესაძლო არასასურველი რეაქციები.

5. პრეპარატ ფევარინის® შენახვა.

6. შეფუთვის შინაარსი და სხვა ინფორმაცია.

1. რა არის პრეპარატი ფევარინი ® და რისთვის გამოიყენება

პრეპარატი ფევარინი® მიეკუთვნება მედიკამენტების ჯგუფს, რომელსაც ეწოდება სეროტონინის უკუმიტაცების სელექციური ინჰიბიტორები (SSRIs). ფევარინი® შეიცავს აქტიურ ნივთიერებას ფლუვოქსამინის მალეატს, რომელიც წარმოადგენს ანტიდეპრესანტს.

პრეპარატი ფევარინი^®გამოიყენება დეპრესიის სამკურნალოდ (ძირითადი დეპრესიული ეპიზოდი) 18 წელზე უფროსი ასაკის მოზრდილ პაციენტებში.

ფევარინი^®ასევე განკუთვნილია ობსესიურ-კომპულსიური აშლილობის (OCD) სამკურნალოდ 8 წელზე უფროსი ასაკის ბავშვებში და მოზრდილებში.

თუ გაუმჯობესება არ არის ან თავს უარესად გრძნობთ, უნდა მიმართოთ ექიმს.

2. რა უნდა იცოდეთ პრეპარატ ფევარინის ® მიღებამდე

არ მიიღოთ პრეპარატი ფევარინი®:

• · თუ ხართ ალერგიული (გაქვთ მომატებული მგრძნობალობა) ფლუვოქსამინის მალეატის ან პრეპარატის სხვა კომპონენტების მიმართ (ჩამოთვლილია ინსტრუქციის მე-6 პარაგრაფში);
• · თუ იღებთ სამკურნალო პრეპარატებს, სახელწოდებით მონოამინ ოქსიდაზას ინჰიბიტორები (MAOI), რომლებიც ზოგჯერ ინიშნება დეპრესიის ან შფოთვის სამკურნალოდ, მათ შორის ლინზოლიდი (MAO ინჰიბიტორი ანტიბიოტიკი).

ფლუვოქსამინით მკურნალობა უნდა დაიწყოს მხოლოდ შეუქცევადი MAO ინჰიბიტორის შეწყვეტიდან 2 კვირის შემდეგ. თუმცა, ფლუვოქსამინით მკურნალობა შეიძლება დაიწყოს მაო-ს ზოგიერთი შექცევადი ინჰიბიტორის (მაგ., მოკლობემიდი, ლინეზოლიდი) შეწყვეტის შემდეგ უკვე მეორე დღეს. გამონაკლის შემთხვევებში, შეგიძლიათ მიიღოთ ლინზოლიდი (მაო-ს ინჰიბიტორი ანტიბიოტიკი) და ფლუვოქსამინი ერთდროულად, იმ პირობით, რომ ექიმს შეუძლია თქვენი მდგომარეობის მონიტორინგი. თქვენი ექიმი მოგცემთ რჩევას, თუ როგორ უნდა დაიწყოთ პრეპარატ ფევარინის^®-ის მიღება მაო-ს ინჰიბიტორის მიღების შეწყვეტის შემდეგ.

• · თუ იღებთ თიზანიდინს (პრეპარატი, რომელიც ხშირად გამოიყენება კუნთების რელაქსანტად);
• · თუ იღებთ ფიმოზიდს, ანტიფსიქოზურ პრეპარატს, რომელიც გამოიყენება შიზოფრენიის და სხვა ფსიქიატრიული მდგომარეობის სამკურნალოდ;
• · თუ ხართ 8 წლამდე (ობსესიურ-კომპულსიური აშლილობისთვის (OCD), იხილეთ პარაგრაფი „ბავშვები და მოზარდები“);
• · თუ ხართ 18 წლამდე (დიდი დეპრესიული ეპიზოდით);
• · თუ ძუძუთი კვებავთ.

თუ თქვენ გაქვთ ჩამოთვლილი უკუჩვენებები, არ მიიღოთ ფევარინი® და მიმართეთ ექიმს.

განსაკუთრებული მითითებები და სიფრთხილის ზომები

პრეპარატ ფევარინის®-ის მიღებამდე მიმართეთ ექიმს, თუ:

• · ცოტა ხნის წინ გქონდათ გულის შეტევა;
• · თუ ორსულად ხართ ან ფიქრობთ, რომ ორსულად ხართ;
• · გაქვთ ეპილეფსია;
• · ანამნეზში გაქვთ სისხლის შედედების დარღვევა ან რეგულარულად იღებთ მედიკამენტებს, რომლებმაც შეიძლება გაზარდონ სისხლდენის რისკი, როგორიცაა ტკივილგამაყუჩებელი მედიკამენტები ან თუ ხართ ორსულად (იხილეთ პარაგრაფი „ორსულობა“);
• · გაქვთ დიაბეტი;
• · თქვენ გადიხართ მკურნალობას ელექტროკონვულსიური თერაპიის (ECT) გამოყენებით;
• · გქონიათ ოდესმე მანია (ეიფორიის ან უკიდურესი მღელვარების განცდა);
• · გაქვთ თირკმლის ან ღვიძლის დაავადება;
• · გაქვთ მაღალი თვალის წნევა (გლაუკომა);
• · თუ ხართ 18 წლამდე (იხ. ჩანართი ფურცლის მე-3 პარაგრაფი);

თუ რომელიმე ზემოთ ჩამოთვლილი გეხებათ, მიმართეთ ექიმს რჩევისთვის, შეგიძლიათ თუ არა ფევარინით® მკურნალობის დაწყება.

ზოგჯერ, ფევარინით® მკურნალობის პირველი რამდენიმე კვირის განმავლობაში, სანამ ანტიდეპრესანტული ეფექტი დაიწყებს განვითარებას, შეიძლება განვითარდეს ან გაუარესდეს მოტორული შფოთვა, მაგალითად, როდესაც თქვენ ვერ შეძლებთ ჯდომას ან დგომას (აკათიზია).

თუ რომელიმე ზემოთ ჩამოთვლილი სიმპტომი გამოვლინდა, დაუყოვნებლივ აცნობეთ ექიმს. ამ შემთხვევაში შეიძლება საჭირო გახდეს დოზის კორექცია.

ისეთმა მედიკამენტებმა, როგორიცაა ფევარინი® (ე.წ. SSRIs) შეიძლება გამოიწვიოს სექსუალური დისფუნქცია (იხ. „შესაძლო გვერდითი რეაქციები“). ზოგიერთ შემთხვევაში, ეს სიმპტომები გრძელდება მკურნალობის შეწყვეტის შემდეგ.

დაფიქსირდა კანის მძიმე რეაქციები ფევარინის® გამოყენების შედეგად. შეწყვიტეთ პრეპარატის მიღება და დაუყოვნებლივ მიმართეთ ექიმს გამონაყარის ან ლორწოვანი გარსის დაზიანების შემთხვევაში. მძიმე გამონაყარი ასევე შეიძლება მოიცავდეს გამონაყარს, რომელიც თავდაპირველად ჩნდება კიდურებზე, როგორც წესი, სხეულის ორივე მხარეს, შემდეგ კი ვრცელდება კანზე კონცენტრულ წრეებში და ქმნის სამიზნეს (მულტიფორმული ერითემა), ზოგად გამონაყარს ბუშტუკებით და კანის აქერცვლით, განსაკუთრებით პირის ღრუს, ცხვირის, თვალებისა და სასქესო ორგანოების ირგვლივ (სტივენს-ჯონსონის სინდრომი), კანის ფართო პილინგს (სხეულის ზედაპირის 30%-ზე მეტი - ტოქსიკური ეპიდერმული ნეკროლიზი).

მედიკამენტებმა, როგორიცაა ფევარინი® (ე.წ. SSRIs) შეიძლება გამოიწვიოს სექსუალური დისფუნქციის სიმპტომები (იხილეთ ინსტრუქციის მე-4 პარაგრაფი). ზოგიერთ შემთხვევაში, ასეთი სიმპტომები გრძელდება მკურნალობის შეწყვეტის შემდეგაც.

სუიციდური აზრები და დეპრესიის ან შფოთვითი აშლილობის გაუარესება

თუ თქვენ ხართ დეპრესიული და/ან გაქვთ სხვა ფსიქიკური აშლილობა, ზოგჯერ შეიძლება განიცადოთ აუტოაგრესიული (თვით მიმართული) ან სუიციდური აზრები. ისინი შეიძლება გაძლიერდეს ანტიდეპრესანტებით მკურნალობის დასაწყისში, ვინაიდან ასეთი პრეპარატები მოქმედებენ არა დაუყოვნებლივ, არამედ მკურნალობის დაწყებიდან 2 კვირის ან მეტი ხნის შემდეგ.

თქვენ შეიძლება უფრო მგრძნობიარე იყოთ ასეთი აზრების მიმართ:

• · თუ ადრე გქონიათ თვით აგრესიული ან სუიციდური აზრები;
• · თუ ხართ 25 წლამდე. კლინიკური კვლევების მტკიცებულებებმა აჩვენა სუიციდური ქცევის გაზრდილი რისკი 25 წლამდე ასაკის მოზრდილებში ფსიქიკური აშლილობებით, რომლებიც მკურნალობდნენ ანტიდეპრესანტებით.

თუ თქვენ გაქვთ თვით-აგრესიული ან სუიციდური აზრები ნებისმიერ დროს, დაუყოვნებლივ მიმართეთ ექიმს ან სამედიცინო დახმარებას.

მიზანშეწონილია უთხრათ ნათესავს ან ახლო მეგობარს, რომ გაქვთ დეპრესია ან შფოთვითი აშლილობა და სთხოვეთ წაიკითხონ ეს ჩანართი ფურცელი.

შეგიძლიათ მათ სთხოვოთ გითხრან, ფიქრობენ თუ არა რომ თქვენი დეპრესია ან შფოთვა უარესდება, ან თუ ისინი შეშფოთებულნი არიან თქვენი ქცევის ცვლილებებით.

თუ თქვენ გაქვთ რაიმე შემაშფოთებელი აზრები ან გამოცდილება, დაუყოვნებლივ აცნობეთ ექიმს.

ბავშვები და მოზარდები

8 წლამდე ასაკის ბავშვებმა არ უნდა მიიღონ ფევარინი® ობსესიურ-კომპულსიური აშლილობისთვის (OCD).

18 წლამდე ასაკის ბავშვებმა და მოზარდებმა არ უნდა მიიღონ ეს პრეპარატი, თუ ისინი არ მკურნალობენ ობსესიურ-კომპულსიური აშლილობისთვის (OCD).

ეს გამოწვეულია იმით, რომ ფევარინი® არ არის განკუთვნილი დეპრესიის სამკურნალოდ 18 წლამდე ასაკის ბავშვებში და მოზარდებში.

ამ პრეპარატების მიღებისას 18 წლამდე ასაკის ბავშვებსა და მოზარდებს აქვთ გვერდითი ეფექტების გაზრდილი რისკი, როგორიცაა სუიციდის მცდელობა, თვითმკვლელობის ფიქრები, მტრობა, აგრესია, ოპოზიციური ქცევა და გაბრაზება.

თუ მკურნალმა ექიმმა ფევარინი® დაუნიშნა 18 წლამდე ასაკის ბავშვს ან მოზარდს, განმარტებისთვის მიმართეთ მას. უნდა აცნობოთ თქვენს ექიმს, თუ რომელიმე ზემოთ ჩამოთვლილი სიმპტომი განვითარდება ან გაუარესდება 18 წლამდე ასაკის პაციენტებში, როდესაც ღებულობენ ფევარინს®.

ასევე უცნობია შეიძლება თუ არა ფევარინის® 18 წლამდე მიღებამ გავლენა მოახდინოს მომავალ ზრდაზე, მომწიფებაზე, ინტელექტზე ან ქცევაზე.

სხვა პრეპარატები და ფევარინი®

აცნობეთ თქვენს ექიმს ან ფარმაცევტს, თუ იღებთ, ცოტა ხნის წინ მიიღეთ ან შეიძლება დაიწყოთ სხვა მედიკამენტების მიღება

არ უნდა დაიწყოთ კრაზანას მცენარეული პრეპარატების მიღება ფევარინით® მკურნალობის დროს, რადგან ამან შეიძლება გამოიწვიოს გვერდითი რეაქციების გაზრდილი რისკი. თუ ფევარინის® მიღების დაწყებისას უკვე იღებთ კრაზანას პრეპარატებს, შეწყვიტეთ მათი მიღება და აცნობეთ ექიმს.

თუ თქვენ ბოლო ორი კვირის განმავლობაში დეპრესიის ან შფოთვის სამკურნალოდ მიიღეთ რაიმე პრეპარატი ან გაქვთ შიზოფრენია, მიმართეთ ექიმს ან ფარმაცევტს, განსაკუთრებით თუ გაქვთ რომელიმე ქვემოთ ჩამოთვლილიდან:

- ბენზოდიაზეპინები,

- ტრიციკლური ანტიდეპრესანტები,

- ნეიროლეფსიური ან ანტიფსიქოზური საშუალებები,

- ლითიუმი,

- ტრიპტოფანი,

- მონოამინოოქსიდაზას ინჰიბიტორები (MAOI), მოკლობემიდის ჩათვლით,

- ფიმოზიდი,

- სეროტონინის უკუმიტაცების სელექციური ინჰიბიტორები (SSRIs), როგორიცაა ციტალოპრამი.

თქვენი ექიმი გეტყვით, შეგიძლიათ თუ არა ფევარინის® მიღება.

თქვენ ასევე უნდა აცნობოთ თქვენს ექიმს ან ფარმაცევტს, თუ იღებთ რომელიმე შემდეგ ქვემოთ ჩამოთვლილ მედიკამენტს:

• · ასპირინი (აცეტილსალიცილის მჟავა) ან არასტეროიდული ანთების საწინააღმდეგო საშუალებები, რომლებიც განკუთვნილია ტკივილის შესამსუბუქებლად და ანთების სამკურნალოდ (ართრიტი),
• · ციკლოსპორინი, რომელიც გამოიყენება იმუნური სისტემის აქტივობის შესამცირებლად,
• · მეტადონი, რომელიც განკუთვნილია ტკივილისა და მოხსნის სიმპტომების შესამსუბუქებლად,
• · მექსილეტინი, გამოიყენება არითმიის დროს,
• · ფენიტოინი ან კარბამაზეპინი, განკუთვნილი ეპილეფსიის სამკურნალოდ,
• · პროპრანოლოლი, რომელიც გამოიყენება მაღალი წნევისა და გულის დაავადებების დროს,
• · როპინიროლი, პარკინსონის დაავადების სამკურნალოდ,
• · ნებისმიერი პრეპარატი ტრიპტანის ჯგუფიდან, რომელიც განკუთვნილია შაკიკის სამკურნალოდ, მაგალითად, სუმატრიპტანი,
• · ტერფენადინი, ასტემიზოლი, განკუთვნილია ალერგიის სამკურნალოდ.
• · ფევარინი® არ უნდა იქნას მიღებული ერთდროულად ისეთ პრეპარატებთან, როგორიცაა:
• · ტერფენადინი,
• · სილდენაფილი, რომელიც განკუთვნილია ერექციული დისფუნქციის სამკურნალოდ,
• · თეოფილინი, განკუთვნილი ასთმისა და ბრონქიტის სამკურნალოდ,
• · ტრამადოლი, ტკივილგამაყუჩებელი,
• · ბუპრენორფინი, ბუპრენორფინი/ნალოქსონი,
• · კლოპიდოგრელი, ვარფარინი ან ნებისმიერი სხვა პრეპარატი, რომელიც გამოიყენება თრომბების წარმოქმნის თავიდან ასაცილებლად.

თუ თქვენ ახლახან იღებდით ან იღებთ რომელიმე ზემოთ ჩამოთვლილ მედიკამენტს ექიმთან განხილვის გარეშე, მიმართეთ თქვენს ექიმს იმის გასარკვევად, თუ რა უნდა გააკეთოთ. შესაძლოა საჭირო გახდეს დოზების ან მკურნალობის სქემის შეცვლა.

თუ თქვენ ახლახან იღებდით ან ღებულობთ სხვა პრეპარატს, მათ შორის, რეცეპტის გარეშე გაცემულს, აცნობეთ თქვენს ექიმს ან ფარმაცევტს. ეს გაფრთხილება ასევე ეხება მცენარეულ მედიკამენტებს.

პრეპარატ ფევარინის ^® ურთიერთქმედება საკვებთან და სასმელებთან

• · არ მიიღოთ ალკოჰოლი ამ პრეპარატის მიღებისას. ფლუვოქსამინის და ალკოჰოლის ურთიერთქმედებამ შეიძლება გამოიწვიოს ძილიანობა, აზრების და ცნობიერების აბნევა.
• · თუ თქვენ ჩვეულებრივ სვამთ დიდი რაოდენობით ჩაის, ყავას ან სხვა გამაგრილებელ სასმელებს, რომლებიც შეიცავს კოფეინს, შეიძლება განიცადოთ სიმპტომები, როგორიცაა ხელის კანკალი, გულისრევა, აჩქარებული გულისცემა, მოუსვენრობა და ძილის პრობლემები (უძილობა). თუ თქვენ შეამცირებთ თქვენს მიერ მოხმარებული კოფეინის რაოდენობას, ეს სიმპტომები შეიძლება გაქრეს.

ორსულობა, ძუძუთი კვება, ფერტილობა

თუ ხართ ორსულად ან ბავშვს ძუძუთი კვებავთ, ფიქრობთ, რომ ორსულად ხართ, ან გეგმავთ ორსულობას, ამ პრეპარატის გამოყენებამდე მიმართეთ ექიმს.

ორსულობა

ორსულობის დროს ფლუვოქსამინის გამოყენების გამოცდილება შეზღუდულია. არ მიიღოთ ფევარინი® ორსულობის დროს, თუ თქვენი ექიმი არ მიიჩნევს, რომ ეს აბსოლუტურად აუცილებელია. თუ ამჟამად იღებთ ფლუვოქსამინს და გეგმავთ დაორსულებას (შვილის გაჩენას) ან მამობას, ესაუბრეთ თქვენს ექიმს, რათა გადაწყვიტოთ საჭიროა თუ არა ალტერნატიული პრეპარატი.

თუ ფევარინს® ღებულობთ ორსულობის გვიან პერიოდში, შესაძლოა გაზარდოთ მძიმე ვაგინალური სისხლდენის რისკი დაბადებიდან მალევე, განსაკუთრებით თუ გაქვთ ჰემოროიდული დარღვევების ისტორია. თქვენს ექიმს ან/და მეან-ექიმს უნდა ეცნობოს, რომ ღებულობთ ფევარინს®.

დარწმუნდით, რომ თქვენმა მეანმა და/ან ექიმმა იცის, რომ იღებთ ფლუვოქსამინს. ორსულობის დროს, განსაკუთრებით ორსულობის ბოლო 3 თვის განმავლობაში, მედიკამენტებმა, როგორიცაა ფლუვოქსამინი, შეიძლება გაზარდოს ახალშობილებში სერიოზული მდგომარეობის განვითარების რისკი, რომელსაც ეწოდება ახალშობილის მუდმივი ფილტვის ჰიპერტენზია (PPHN), რაც იწვევს ბავშვს აჩქარებულ სუნთქვას და ცისფერ იერს. ეს სიმპტომები ჩვეულებრივ ვლინდება ბავშვის დაბადებიდან პირველი 24 საათის განმავლობაში. თუ ეს დაემართება თქვენს პატარას, დაუყოვნებლივ უნდა მიმართოთ თქვენს მეან და/ან ექიმს.

არ შეწყვიტოთ ფლუვოქსამინით მკურნალობა. თუ თქვენ იღებთ ფლუვოქსამინს ორსულობის ბოლო 3 თვის განმავლობაში, თქვენს ბავშვს დაბადებისას შეიძლება ჰქონდეს სხვა სიმპტომები, გარდა სუნთქვის გაძნელებისა ან მოლურჯო კანისა, როგორიცაა ძილის ან კვების გაძნელება, სხეულის ძალიან მაღალი ან დაბალი ტემპერატურა, გულისრევა, ხშირი ტირილი, კუნთების გამკვრივება. ან კუნთების ტონუსის ნაკლებობა, ლეთარგია, ძილიანობა, ტრემორი, კანკალი ან კრუნჩხვები. თუ თქვენს შვილს აქვს რომელიმე ჩამოთვლილი სიმპტომი, დაუყოვნებლივ მიმართეთ ექიმს.

ძუძუთი კვება

ფლუვოქსამინი გადადის დედის რძეში. არსებობს ბავშვზე ზემოქმედების რისკი. ამიტომ, უნდა მიმართოთ ექიმს, რათა გადაწყვიტოს, უნდა შეწყვიტოთ ძუძუთი კვება თუ ფლუვოქსამინით მკურნალობა.

ფერტილობა

ცხოველებზე ჩატარებულმა კვლევებმა აჩვენა, რომ ფლუვოქსამინი ამცირებს სპერმის ხარისხს. თეორიულად, ფლუვოქსამინს შეუძლია გავლენა მოახდინოს ფერტილობაზე, მაგრამ ადამიანის ნაყოფიერებაზე არანაირი გავლენა არ გამოვლენილა.

სატრანსპორტო საშუალებების მართვა და მექანიზმებთან მუშაობა

მკურნალობის პერიოდში შეგიძლიათ მართოთ სატრანსპორტო საშუალებები, თუ პრეპარატი არ იწვევს ძილიანობას.

სპეციალური ინსტრუქციები დამხმარე ნივთიერებებთან დაკავშირებით

ფევარინი®, შემოგარსული ტაბლეტები, შეიცავს ნატრიუმს. ეს პრეპარატი შეიცავს 1 მმოლზე ნაკლებს (23 მგ) ნატრიუმს თითო ტაბლეტზე, ე.ი. ის პრაქტიკულად ნატრიუმისგან თავისუფალია.

3. პრეპარატ ფევარინის ® მიღება

პრეპარატიყოველთვის მიიღეთ თქვენი ექიმის რეკომენდაციების სრული დაცვით. თუ ეჭვი გეპარებათ, მიმართეთ ექიმს.

საწყისი დოზა მოზრდილებში (18 წლის და უფროსი ასაკის)

დეპრესიის მკურნალობა:

მკურნალობა იწყება 50 მგ ან 100 მგ დოზით დღე-ღამეში (ერთხელ, საღამოს).

ობსესიურ-კომპულსიური აშლილობის მკურნალობა:

მკურნალობა იწყება 50 მგ დოზით დღე-ღამეში, სასურველია საღამოს.

თუ რამდენიმე კვირის შემდეგ თავს უკეთესად არ გრძნობთ, სთხოვეთ ექიმს რეკომენდაცია, მან შეიძლება თანდათან გაზარდოს დოზა.

მაქსიმალური რეკომენდებული სადღეღამისო დოზაა 300 მგ.

თუ ექიმი გირჩევთ დღე-ღამეში 150 მგ-ზე მეტი პრეპარატის მიღებას, არ მიიღოთ მთელი დოზა ერთდროულად; შეამოწმეთ ექიმთან როგორ უნდა გააკეთოთ ეს.

ობსესიურ-კომპულსიური აშლილობის მქონე ბავშვები და მოზარდები (8 წლის და უფროსი ასაკის):

მკურნალობა იწყება 25 მგ დოზით (1/2 ტაბლეტი 50 მგ) დღე-ღამეში, სასურველია ძილის წინ.

მკურნალ ექიმს შეუძლია გაზარდოს დოზა 25 მგ-ით ყოველ 4-დან 7 დღეში ერთხელ, სანამ ეფექტური დოზა არ მიიღწევა.

მაქსიმალური სადღეღამისო დოზაა 200 მგ.

თუ თქვენი ექიმი გეტყვით, რომ მიიღოთ 50 მგ-ზე მეტი დღე-ღამეში, არ მიიღოთ მთელი დოზა ერთდროულად; შეამოწმეთ ექიმთან როგორ უნდა გააკეთოთ ეს. თუ დოზა არ იყოფა თანაბრად, მაშინ უფრო დიდი დოზა უნდა იქნას მიღებული ღამით.

18 წლამდე ასაკის ბავშვებმა და მოზარდებმა არ უნდა მიიღონ ეს პრეპარატი დეპრესიის სამკურნალოდ. ის უნდა დაინიშნოს მხოლოდ ბავშვებსა და მოზარდებში ობსესიურ-კომპულსიური აშლილობის სამკურნალოდ.

პრეპარატ ფევარინის ® მიღების გზა და მეთოდი:

მიიღეთ ტაბლეტები წყალთან ერთად. არ დაღეჭოთ ისინი.

ტაბლეტი შეიძლება დაიყოს თანაბარ დოზებად, თუ ექიმმა დანიშნა ნახევარი 50 მგ და 100 მგ ტაბლეტი.

თერაპიის ხანგრძლივობა

პრეპარატმა ფევარინმა® შეიძლება დაუყოვნებლივ არ დაიწყოს მოქმედება. ზოგიერთი პაციენტი არ გრძნობს გაუმჯობესებას მკურნალობის პირველი 2 ან 3 კვირის განმავლობაში.

გააგრძელეთ ტაბლეტების მიღება მანამ, სანამ ექიმი არ გეტყვით რომ შეწყვიტოთ. მაშინაც კი, როცა თავს უკეთ გრძნობთ, ექიმმა შეიძლება გირჩიოთ, რომ ტაბლეტების მიღება გააგრძელოთ მინიმუმ ექვსი თვის განმავლობაში, რათა უზრუნველყოთ პრეპარატის სრული ეფექტი.

პრეპარატ ფევარინის^® მიღება არ შეწყვიტოთ მოულოდნელად. თქვენ შეიძლება განიცადოთ მოხსნის სიმპტომები, როგორიცაა:

• • აგზნებადობა ან შფოთვა
• • დაბნეულობა
• • დიარეა
• • ჩაძინების პრობლემები / ნათელი სიზმრები
• • თავბრუსხვევა
• • ემოციური არასტაბილურობა
• • თავის ტკივილი
• • გაღიზიანებადობა
• • გულისრევა და/ან ღებინება
• • პალპიტაცია (გულისცემის გახშირება)
• • სენსორული დარღვევები (მაგალითად, ელექტრული დენის შეგრძნება ან ვიზუალური დარღვევები)
• • ოფლიანობა
• • ტრემორი

როდესაც თქვენ შეწყვეტთ პრეპარატ ფევარინის^® მიღებას, თქვენი ექიმი დაგეხმარებათ თანდათან შეამციროთ დოზა რამდენიმე კვირის ან თვის განმავლობაში, რამაც უნდა შეამციროს მოხსნის სიმპტომების ალბათობა. ადამიანების უმეტესობისთვის, პრეპარატ ფევარინის^® შეწყვეტასთან დაკავშირებული ნებისმიერი სიმპტომი მსუბუქია და მთლიანად ქრება ორ კვირაში. ზოგიერთი ადამიანისთვის ეს სიმპტომები შეიძლება იყოს უფრო მძიმე ან გაგრძელდეს ხანგრძლივი დროის განმავლობაში.

თუ ტაბლეტების მიღების შეწყვეტისას აღგენიშნებათ მოხსნის სიმპტომები, ექიმმა შეიძლება გირჩიოთ, რომ თანდათან შეამციროთ პრეპარატის დოზა. პრეპარატ ფევარინით^® მკურნალობის შეწყვეტისას მოხსნის მძიმე რეაქციების შემთხვევაში მიმართეთ ექიმს. ექიმს შეუძლია განაახლოს მკურნალობა და შემდეგ თანდათან შეამციროს დოზა.

თუ მკურნალობის შეწყვეტისას გაგიჩნდებათ რაიმე სიმპტომი, მიმართეთ ექიმს.

თუ მიიღეთ საჭიროზე მეტი პრეპარატი ფევარინი® :

თუ თქვენ ან ვინმე სხვამ მიიღეთ დანიშნულზე მეტი პრეპარატ ფევარინი® (დოზის გადაჭარბება), აცნობეთ ექიმს ან მიმართეთ სამედიცინო კონსულტაციას. შეფუთვა წაიღეთ თქვენთან ერთად.

დოზის გადაჭარბების სიმპტომები მოიცავს (მაგრამ არ შემოიფარგლება მხოლოდ ამით) გულისრევას, ღებინებას, დიარეას, ძილიანობას ან თავბრუსხვევას. ასევე დაფიქსირდა გულის ეფექტები (ნელი ან სწრაფი გულისცემა, დაბალი წნევა), ღვიძლის პრობლემები, კონვულსიები (კრუნჩხვები) და კომა.

თუ დაგავიწყდათ პრეპარატ ფევარინი ს მიღება ® :

თუ დაგავიწყდათ პრეპარატ ფევარინის® მიღება, დაელოდეთ მომდევნო დოზის მიღებას. არ მიიღოთ ორმაგი დოზა გამოტოვებული დოზის ასანაზღაურებლად.

თუ თქვენ გაქვთ შეკითხვები პრეპარატის გამოყენებასთან დაკავშირებით, მიმართეთ თქვენს ექიმს ან ფარმაცევტს.

4. შესაძლო არასასურველი რეაქციები

ყველა მედიკამენტის მსგავსად, პრეპარატმა ფევარინმაც^® შეიძლება გამოიწვიოს გვერდითი მოვლენები, თუმცა ისინი ყველას არ უვითარდება.

გვერდითი რეაქციების სიხშირე განისაზღვრება შემდეგნაირად:

გვერდითი რეაქციები, რომლებიც დაკავშირებულია იმავე ჯგუფის პრეპარატებთან

ზოგჯერ სუიციდის ან თვითდაზიანების აზრები შეიძლება გაჩნდეს ან გაძლიერდეს პრეპარატ ფევარინით® მკურნალობის პირველი რამდენიმე კვირის განმავლობაში, სანამ არ განვითარდება ანტიდეპრესანტული ეფექტი.

თუ თქვენ გაქვთ რაიმე შემაშფოთებელი აზრები ან გამოცდილება, დაუყოვნებლივ აცნობეთ ექიმს.

თუ თქვენ გაქვთ ერთდროულად ერთზე მეტი სიმპტომი, შეიძლება გქონდეთ შემდეგი იშვიათი მდგომარეობა:

• · სეროტონინის სინდრომი: თუ გაქვთ ოფლიანობა, კუნთების შებოჭილობა ან სპაზმი, ავტონომიური ნერვული სისტემის არასტაბილურობა ფსიქიკური მდგომარეობის სწრაფი ცვლილებებით, მათ შორის დაბნეულობა, გაღიზიანება ან უკიდურესი აგზნება;
• · ნეიროლეფსიური ავთვისებიანი სინდრომი: თუ გაქვთ კუნთების შებოჭილობა ცხელება, ცნობიერების დაბინდვა და სხვა დაკავშირებული სიმპტომები;
• · ანტიდიურეზული ჰორმონის შეუსაბამო სეკრეციის სინდრომი (SIADH): თუ გრძნობთ დაღლილობას, ლეთარგიულობას ან დაბნეულობას, გაქვთ ტკივილი ან შებოჭილობა კუნთებში, ან გაქვთ უკონტროლო მოძრაობები;
• · კანის მძიმე რეაქციები: გამონაყარი ან სიწითლე კანზე, მათ შორის გამონაყარი, რომელიც თავდაპირველად ჩნდება კიდურებზე, ჩვეულებრივ, სხეულის ორივე მხარეს, შემდეგ კი ვრცელდება კანზე კონცენტრული წრეებით და ქმნის სამიზნეს (მულტიფორმული ერითემა); გენერალიზებული გამონაყარი ბუშტუკებით და აქერცლიანი კანით, განსაკუთრებით პირის ღრუს, ცხვირის, თვალების და სასქესო ორგანოების ირგვლივ (სტივენს-ჯონსონის სინდრომი); კანის ფართო პილინგი (სხეულის ზედაპირის 30%-ზე მეტი - ტოქსიკური ეპიდერმული ნეკროლიზი). გვერდითი ეფექტების სიხშირე ცნობილი არ არის (შეუძლებელია შეფასდეს არსებული მონაცემებით).

შეწყვიტეთ პრეპარატ ფევარინის® მიღება და დაუყოვნებლივ მიმართეთ ექიმს.

თუ უჩვეულო სისხლჩაქცევები ან მეწამული ლაქები გამოჩნდება თქვენს კანზე, ან თუ გაქვთ სისხლიანი ღებინება ან სისხლი გაქვთ განავალში, მიმართეთ ექიმს.

ფლუვოქსამინის შეწყვეტა (განსაკუთრებით მკვეთრად) ხშირად იწვევს მოხსნის სინდრომის განვითარებას (იხ. პარაგრაფი 3 „პრეპარატ ფევარინის® მიღება“).

პრეპარატ ფევარინის® მოქმედების დაწყებისას პაციენტებმა შეიძლება თავი ოდნავ შეუძლოდ იგრძნონ. მიუხედავად იმისა, რომ გულისრევის შეგრძნება არასასიამოვნოა, ის მალევე უნდა გაქრეს, თუ ექიმის დანიშნულებით გააგრძელებთ ტაბლეტების მიღებას. ეს გვერდითი ეფექტი ჩვეულებრივ მცირდება მკურნალობიდან რამდენიმე კვირაში.

არასასურველი რეაქციები, რომლებიც პირდაპირ კავშირშია პრეპარატ ფევარინის® მიღებასთან:

ხშირი გვერდითი რეაქციები:

• • გაზრდილი აგზნებადობა,
• • შფოთვა,
• • ყაბზობა,
• • დიარეა,
• • უძილობა,
• • თავბრუსხვევა,
• • პირის სიმშრალე
• • პალპიტაცია/გულისცემის გახშირება,
• • ძილიანობის შეგრძნება (ლეთარგია),
• • უსიამოვნო შეგრძნება (სისუსტე),
• • თავის ტკივილი,
• • საჭმლის მონელების დარღვევა,
• • მადის დაკარგვა,
• • ნევროზულობა
• • მუცლის ტკივილი,
• • მომატებული ოფლიანობა,
• • ტრემორი
• • სისუსტე (ასთენია),
• • ღებინება.

ნაკლებად ხშირი არასასურველი რეაქციები:

• • კანის ალერგიული რეაქციები (მათ შორის სახის, ტუჩების და/ან ენის შეშუპება, კანის გამონაყარი ან ქავილი),
• • ცნობიერების დაბინდვა
• • დაგვიანებული ეაკულაცია,
• • თავბრუსხვევა მოულოდნელად ადგომისას,
• • ჰალუცინაციები,
• • კოორდინაციის დარღვევა,
• • კუნთების ან სახსრების ტკივილი,
• • აგრესიულობა.

იშვიათი არასასურველი რეაქციები:

• • კრუნჩხვები,
• • ღვიძლის დისფუნქცია,
• • მანია (ეიფორიის ან გადაჭარბებული მღელვარების განცდა),
• • მგრძნობელობა მზის სინათლის მიმართ,
• • დედის რძის მოულოდნელი გამოყოფა.

სიხშირე უცნობია:

• • აკათიზია (მოტორული მოუსვენრობა),
• • გემოვნების დარღვევა,
• • ანორგაზმია (ორგაზმის მიღწევის შეუძლებლობა),
• • ქალებში: მენსტრუაციის დარღვევა (მენსტრუაციის პრობლემები),
• · შარდის გამოყოფის დარღვევები (მაგ., შარდვის ხშირი სურვილი დღის ან/და ღამის განმავლობაში, შარდვის უეცარი კონტროლის ნაკლებობა დღის ან/და ღამის განმავლობაში, ან შარდვის შეუძლებლობა);
• · პარესთეზია (ჩხვლეტა და დაბუჟება),
• · გლაუკომა (თვალის წნევის მომატება),
• · გაფართოებული გუგები,
• · ჰორმონ პროლაქტინის დონის მატება (ჰორმონი, რომელიც ხელს უწყობს მეძუძურ დედაში დედის რძის წარმოქმნას),
• · წონის ცვლილება,
• · მძიმე ვაგინალური სისხლდენა მშობიარობიდან მალევე (მშობიარობის შემდგომი სისხლდენა) (დამატებითი ინფორმაციისთვის იხილეთ ორსულობა მე-2 პარაგრაფში).
• · ძვლის მოტეხილობის გაზრდილი რისკი დაფიქსირდა პაციენტებში, რომლებიც იღებდნენ იმავე ჯგუფის პრეპარატებს.

ობსესიურ-კომპულსიური აშლილობის (OCD) მკურნალობისას ბავშვებში და მოზარდებში უცნობი სიხშირის გვერდითი რეაქციები:

• · ჰიპომანია (ეიფორიის ან გადაჭარბებული აგზნების განცდა),
• · მომატებული აგზნებადობა,
• · კრუნჩხვები,
• · უძილობა,
• · სისუსტე (ასთენია),
• · ჰიპერაქტიურობა (ჰიპერკინეზია),
• · ძილიანობა,
• · საჭმლის მონელების დარღვევა (დისპეფსია).

არასასურველი რეაქციების შესახებ შეტყობინება

თუ თქვენ გაქვთ რაიმე არასასურველი რეაქცია, მიმართეთ თქვენს ექიმს ან ფარმაცევტს. ეს რეკომენდაცია ვრცელდება ნებისმიერ შესაძლო გვერდით რეაქციაზე, მათ შორის მათზე, რომლებიც არ არის ჩამოთვლილი ჩანართ ფურცელში.

თქვენ ასევე შეგიძლიათ არასასურველი რეაქციების შესახებ პირდაპირ შეატყობინოთ ევრაზიის ეკონომიკური კავშირის წევრი ქვეყნების საანგარიშო სისტემის მეშვეობით. არასასურველი რეაქციების შეტყობინებით, თქვენ შეგიძლიათ დაეხმაროთ პრეპარატის უსაფრთხოების შესახებ მეტი ინფორმაციის მიწოდებას.

5. პრეპარატ ფევარინის ® შენახვა

შეინახეთ პრეპარატი ბავშვებისთვის მიუწვდომელ და უნახავ ადგილას.

არ მიიღოთ პრეპარატი მუყაოს კოლოფზე მითითებული ვარგისიანობის ვადის გასვლის შემდეგ -„ვარგისია

ვარგისიანობის ვადა არის თვის ბოლო დღე.

ინახება არაუმეტეს 25°C ტემპერატურაზე.

არ გადაყაროთ მედიკამენტები კანალიზაციაში. ჰკითხეთ თქვენს ფარმაცევტს, როგორ გადააგდოთ ის მედიკამენტები, რომლებიც აღარ გჭირდებათ. ეს ზომები დაიცავს გარემოს.

6. შეფუთვის შ ემადგენლობა და სხვა ინფორმაცია

აქტიური ნივთიერება: ფლუვოქსამინი.

პრეპარატ ფევარინის® ყოველი 50 მგ ტაბლეტი შეიცავს 50 მგ ფლუვოქსამინის მალეატს.

პრეპარატ ფევარინის® ყოველი 100 მგ ტაბლეტი შეიცავს 100 მგ ფლუვოქსამინის მალეატს.

სხვა დამხმარე ნივთიერებებია: მანიტოლი, სიმინდის სახამებელი, პრეჟელატინირებული სახამებელი, ნატრიუმის სტეარილ ფუმარატი, კოლოიდური უწყლო სილიციუმი;

ტაბლეტის აპკოვანი გარსი:

ოპადრაი თეთრი 03F28509 (ჰიპრომელოზა, მაკროგოლი 6000, ტალკი, ტიტანის დიოქსიდი (E171)).

სამკურნალწამლო ფორმა, პირველადი შეფუთვის აღწერა და შიგთავსი

გარეგნული სახე

ფევარინი®, აპკოვანი გარსით დაფარული ტაბლეტები 50 მგ:

აპკოვანი გარსით დაფარული ტაბლეტები, მრგვალი, ორმხრივამოზნექილი, თეთრი ან თითქმის თეთრი, ნაპრალით და მის ორივე მხარეს ნაჭდევით „291“, ნაჭდევის გარეშე ტაბლეტის მეორე მხარეს.

ტაბლეტი შეიძლება დაიყოს ორ თანაბარ დოზად

ფევარინი®, აპკოვანი გარსით დაფარული ტაბლეტები 100 მგ:

აპკოვანი გარსით დაფარული ტაბლეტები, ოვალური, ორმხრივამოზნექილი, თეთრი ან თითქმის თეთრი, ნაპრალით და ნაჭდევით „313“ მის ორივე მხარეს, ტაბლეტის მეორე მხარეს ნაჭდევის გარეშე.

ტაბლეტი შეიძლება დაიყოს ორ თანაბარ დოზად.

შეფუთვა

ფევარინი®, აპკოვანი გარსით დაფარული ტაბლეტები 50 მგ:

15 ტაბლეტი თითო ბლისტერში, რომელიც დამზადებულია პვქ/პვდქ ფირისგან და ალუმინის ფოლგაში. 1 ბლისტერი მუყაოს კოლოფში სამედიცინო გამოყენების ინსტრუქციასთან ერთად.

ფევარინი®, აპკოვანი გარსით დაფარული ტაბლეტები 100 მგ:

15 ტაბლეტი ბლისტერში, რომელიც დამზადებული პვქ/პვდქ ფირისგან და ალუმინის ფოლგაში. 1 ბლისტერი მუყაოს კოლოფში სამედიცინო გამოყენების ინსტრუქციასთან ერთად.

გაცემის წესი:

ფარმაცევტული პროდუქტის ჯგუფი - II, გაიცემა ფორმა №3 რეცეპტით

სარეგისტრაციო მოწმობის მფლობელი

ებოტ ჰელსქეა პროდაქტს ბ.ვ

ს.დ. ვან ჰოუტენლაან 36, NL-1381 SP ვეესპი, ნიდერლანდები

მწარმოებელი

მაილან ლაბორატორიზ სას

რუტ დე ბელვილ, ლიე დი მაიარ, 01400 შატიიონ სიურ შალარონ, საფრანგეთი.

პრეპარატის შესახებ ნებისმიერი ინფორმაციისთვის, ასევე საჩივრების შემთხვევაში, უნდა დაუკავშირდეთ სარეგისტრაციო მოწმობის მფლობელის წარმომადგენელს:

ბელორუსის რესპუბლიკისთვის:

Abbott Laboratories GmbH LLC (შვეიცარიის კონფედერაცია) წარმომადგენლობა ბელარუსის რესპუბლიკაში

220073 მინსკი, ზაგოროდნის 1-ლი შესახვევი, კორპუსი 20, ოფისი 1503,

ტელ.: +375 17 259 12 95, +380 44 498 6080 (სადღეღამისო ავტომოპასუხე)

ელ-ფოსტა: [email protected].