კარვიტელი #30ტ

50.76 ლარი

ფარმაკოლოგიური ჯგუფი: ანაბოლური საშუალებები, საკვები ნარევები და საკვების მაკორეგირებელი დანამატები

ქვეყანა: ბანგლადეში

მწარმოებელი: დრაგ ინტერნეშენალ

ჯენერიკი - შეადარეთ ანალოგები: ლ-კარნიტინი,ლ-გლუტამინი,ლ-არგინინი,ლ-ლიზინი

გაცემის ფორმა: III ჯგუფი ურეცეპტო

კოდი: 145214

გააზიარე:

შეუკვეთე

ანოტაცია
სად შევიძინო

კარვიტელი

CARVITEL

საკვები დანამატი

შემადგენლობა

თითოეული ტაბლეტი შეიცავს აქტიურ ინგრედიენტებს:

L-კარნიტინი 500 მგ,

L-გლუტამინი 200 მგ,

L-არგინინი 100 მგ,

L-ლიზინი 80 მგ.

პროდუქტის დახასიათება

L-კარნიტინს გააჩნია მეტაბოლური, ანაბოლური, ანტიჰიპოქსიური, ანტითირეოიდული, ცხიმოვანი ცვლის მასტიმულირებელი, რეგენერაციული მოქმედება. L-კარნიტინი წარმოადგენს მეტაბოლური პროცესების კოფაქტორს, უზრუნველყოფს CoA აქტივობის შენარჩუნებას, ახორციელებს გრძელჯაჭვიანი ცხიმოვანი მჟავების ტრანსპორტს ციტოპლაზმიდან მიტოქონდრიაში, სადაც მიმდინარეობს ცხიმოვანი მჟავების b-დაჟანგვა, რის შედეგადაც წარმოიქმნება დიდი რაოდენობით მეტაბოლური ენერგია (ატფ-ის სახით); აწესრიგებს ცილოვან და ცხიმოვან ცვლას, აღადგენს სისხლის ტუტოვან რეზერვს, თრგუნავს კეტომჟავების წარმოქმნას და ანაერობულ გლიკოლიზს, ამცირებს ლაქტატაციდოზს; ზრდის ფიზიკური დატვირთვისადმი ტოლერანტობას, ამცირებს გლიკოგენის მოხმარებას და ზრდის გლიკოგენის რეზერვს ღვიძლსა და კუნთებში; ავლენს ანაბოლურ მოქმედებას, ანელებს ცილების და ნახშირწყლების დაშლას; ხასიათდება ნეიროტროპული მოქმედებით, ამუხრუჭებს აპოპტოზის განვითარებას, შემოფარგლავს დაზიანებულ ზონას, აღადგენს ნერვული ქსოვილის სტრუქტურას. L-კარნიტინი ამჟღავნებს მომატებული თიროიდული ჰორმონების მიმართ ანტაგონისტურ მოქმედებას; ამცირებს სხეულის ჭარბ წონას და ცხიმების შემცველობას კუნთებში. მისი ყველაზე მაღალი კონცენტრაციებია ჩონჩხის კუნთებსა და მიოკარდიუმში.

L-გლუტამინი - წარმოადგენს ამინომჟავას, რომელიც აუცილებელია ცილების სინთეზისთვის. მას მნიშვნელოვანი როლი აკისრია ცენტრალური ნერვული სისტემის ნორმალური ფუნქციონირებისათვის. მისი გარდაიქმნის პროდუქტია გლუტამინის მჟავა, რომელიც ნეირომედიატორია და ასტიმულირებს სინაფსებში აგზნების გადაცემას, აუმჯობესებს გონებრივ შესაძლებლობებს. უმნიშვნელოვანესია L-გლუტამინის მონაწილეობა ინსულინის მეტაბოლიზმში უჯრედის დონეზე.

L-არგინინი არაესენციური ამინომჟავაა. L-არგინინი აზოტის ბუნებრივ გადამტანს წარმოადგენს. იგი ეხმარება ორგანიზმს ნიტროზოჯგუფის, აზოტის ოქსიდის (NO) წარმოქმნაში. შესაბამისად, ამ ამინომჟავას ახასიათებს ძლიერი ვაზოდილატაციური მოქმედება, რისი საშუალებითაც აფერხებს თრომბოციტების აგრეგაციას, აფართოებს კორონარულ და პერიფერიულ სისხლძარღვებს, აქვეითებს არტერიულ წნევას, აუმჯობესებს სქესობრივ ფუნქციას. არგინინი მამაკაცებში უზრუნველყოფს ტესტოსტერონის კონცენტრაციას (გვერდითი მოვლენების გარეშე). იგი აუმჯობესებს სპერმის ხარისხს: ზრდის სპერმატოზოიდების სიცოცხლის, მოძრაობის უნარიანობას და კონცენტრაციას. ქალის ორგანიზმში არგინინი ზრდის სისხლის ნაკადს საშვილოსნოში, საკვერცხეებსა და გენიტალიებში. ის ხელს უწყობს ცერვიკალური ლორწოს კონცენტრაციის მატებას და აუმჯობესებს ლიბიდოს. არგინინი ხელსაყრელ გარემოს ქმნის იმპლანტაციისთვის და ხელს უწყობს ფერტილობას 40 წელს გადაცილებულ წყვილში; ამცირებს ათეროსკლეროზის განვითარების რისკს; აუმჯობესებს იმუნურ ფუნქციას ლეიკოციტების რაოდენობის ზრდის ხარჯზე; აძლიერებს ორგანიზმის გამძლეობის უნარსა და კუნთოვან მასას.

L-ლიზინი წარმოადგენს შეუცვლელ ამინომჟავას. ლიზინი აუცულებელია ორგანიზმში პროტეინის გამოსამუშავებლად. იგი ინარჩუნებს კოლაგენისა და ელასტინის სტრუქტურას, რომლებიც აყალიბებენ შემაერთებელ ქსოვილებს, როგორიცაა კანი, მყესები, ძვლები. ლიზინი აუცილებელია ორგანიზმში ყველა პროტეინის წარმოებისთვის. ასევე უზრუნველყოფს ჯანსაღ იმუნურ სისტემასა და კარდიოვასკულარ ფუნქციას.

ჩვენებები

-კარდიომიოპათია, მიოკარდიტი, გულის იშემიური დაავადება (სტენოკარდია, პოსტინფარქტული მდგომარეობა, ათეროსკლეროზი, არტერიული ჰიპერტენზია);

- შაქრიანი დიაბეტი ტიპი 2, ინსულინორეზისტენტობა;

- თავის ტვინის სისხლის მიმოქცევის დარღვევა, ნევრასთენია, ტრავმული ენცეფალოპათია, მიოპათია;

- ასთენია, ანორექსია, ინტენსიური ფიზიკური დატვირთვა სპორტსმენებში;

- ქრონიკული ჰიპოაციდური გასტრიტი, ქრონიკული პანკრეატიტი, ღვიძლის გაცხიმოვნება, ვირუსული და სხვა ქრონიკული დაზიანება, ქოლელითიაზი, ღვიძლის ქრონიკული უკმარისობა, ციროზი;

- პირველადი (გენეტიკური) და მეორადი კარნიტინის დეფიციტი, ჰემოდიალიზზე მყოფი თირკმლის ქრონიკული უკმარისობის მქონე პაციენტები;

- თირეოტოქსიკოზის მსუბუქი ფორმა, ჰიპერთირეოზი, მეტაბოლური სინდრომი;

- უშვილობა, ლიბიდოს დაქვეითება, მამაკაცთა უშვილობა (ოლიგოსპერმია, აზოოსპერმია).

მიღების წესი და დოზირება

მიიღება 1 ტაბლეტი 1- ჯერ დღეში.

უკუჩვენება

ჰიპერმგრძნობელობა პრეპარატში შემავალი კომპონენტების მიმართ.

გვერდითი მოვლენები

როგორც წესი, კარგად გადაიტანება. თერაპიულ დოზებში მნიშვნელოვანი გვერდითი მოვლენები არ გამოვლენილა.

გამოყენება ორსულებში და მეძუძურებში

მონაცემები არ არის ცნობილი.

შეფუთვა

თითოეული კოლოფი შეიცავს 30 ტაბლეტს ბლისტერში.

შენახვის პირობები

შენახვა 30°C გრადუსზე დაბალ ტემპერატურაზე. ინახება ბავშვებისთვის ხელმიუწვდომელ ნესტისგან და სინათლისგან დაცულ ადგილას.

მწარმოებელი

DRUG INTERNATIONAL LTD

მცენარეული პროდუქტების განყოფილება.

გაზიოური, ბანგლადეში

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით