ებიმემი 10მგ #30ტ

ებიმემი

შემადგენლობა

აქტიური ნივთიერება: მემანტინის ჰიდროქლორიდი.  აპკიანი გარსით დაფარული თითოეული ტაბლეტი შეიცავს 5/10/20 მგ მემანტინის ჰიდროქლორიდს, რაც  შესაბამისად 4.15/ 8.31/16.62 მგ მემანტინის ექვივალენტურია.

დამხმარე ნივთიერებები

ტაბლეტის გული: მიკროკრისტალური ცელულოზა, პოლივინილპროპილპიროლიდონი, კოლოიდური უწყლო სილიციუმი, სუფთა ტალკი და მაგნიუმის სტეარატი;

ტაბლეტის გარსი: ჰიდროქსიპროპილ მეთილცელულოზა, მაკროგოლ 4000, ტიტანის დიოქსიდი (E171). 

 

გამოყენება

ებიმემი შეიცავს აქტიურ ნივთიერება მემანტინის ჰიდროქლორიდს, რომელიც მიეკუთვნება ანტიდემენციური პრეპარატების ჯგუფს.

ალცჰაიმერის დაავადების დროს მეხსიერების დაკარგვის მიზეზი არის თავის ტვინში სიგნალების გადაცემის დარღვევა. თავის ტვინი შეიცავს ე.წ. N-მეთილ-D-ასპარტატ (NMDA)-რეცეპტორებს, რომლებიც მონაწილეობს სწავლისა და მეხსიერებისათვის მნიშვნელოვანი ნერვული სიგნალების გადაცემაში. ებიმემი ზემოქმედებს აღნიშნულ NMDA-რეცეპტორებზე და აუმჯობესებს ნერვული სიგნალების გადაცემას და მეხსიერებას.

ებიმემი გამოიყენება ზომიერი და მძიმე ალცჰაიმერის დაავადების მქონე პაციენტების სამკურნალოდ.

 

უკუჩვენებები

ებიმემი არ გამოიყენება

–         მემანტინ ჰიდროქლორიდის  ან პრეპარატში შემავალი ნებისმიერი სხვა კომპონენტის (მოცემულია შემადგენლობაში) მიმართ ალერგიის (ჰიპერმგრძნობელობის) მქონე პირებში.

 

გაფრთხილებები და უსაფრთხოების ზომები

ებიმემის მიღებამდე გაესაუბრეთ მკურნალ ექიმს ან ფარმაცევტს შემდეგ შემთხვევებში:

–         ეპილეფსიური კრუნჩხვების ანამნეზი;

–         ახალგადატანილი მიოკარდიუმის ინფარქტი ან  გულის შეგუბებითი უკმარისობა ან არაკონტროლირებადი ჰიპერტენზია.

 

აღნიშნული მოვლენების დროს აუცილებელია მკურნალობის მეთვალყურეობა, მკურნალი ექიმის მიერ რეგულარულად უნდა გადაფასდეს ებიმემის კლინიკური სარგებელი.

თირკმლის უკმარისობის (თირკმელების პრობლემების) შემთხვევაში, საჭიროა თირკმლის ფუნქციის გულდასმით კონტროლი და საჭიროების შემთხვევაში, მემანტინის დოზის შესაბამისი კორექცია.

თავიდან უნდა იქნას აცილებული ისეთ სამკურნალო პრეპარატებთან ერთად გამოყენება, როგორიცაა ამანტადინი (პარკინსონის დაავადების სამკურნალოდ), კეტამინი (საანესთეზიო საშუალება), დექსტრომეტორფანი (ჩვეულებრივ ხველის სამკურნალოდ გამოიყენება) და სხვა NMDA-ანტაგონისტები.

 

ბავშვები და მოზარდები

ებიმემი არ არის რეკომენდებული ბავშვებისა და 18 წლამდე ასაკის მოზარდებისათვის.

 

სხვა პრეპარატები და ებიმემი

აცნობეთ მკურნალ ექიმს ან ფარმაცევტს, თუ ღებულობთ, ადრე ღებულობდით ან შეიძლება მიიღოთ ნებისმიერი სხვა პრეპარატი, ურეცეპტოდ გაცემული პრეპარატების ჩათვლით.

კონკრეტულად, ებიმემმა შეიძლება შეცვალოს ისეთი პრეპარატების ეფექტები და საჭირო გახდეს ექიმის მიერ მათი დოზის კორექცია, როგორიცაა

–         ამანტადინი, კეტამინი, დექსტრომეტორფანი;

–         დანტროლენი, ბაკლოფენი;

–          ციმეტიდინი, რანიტიდინი, პროკაინამიდი, ქინიდინი, ქინინი, ნიკოტინი;

–         ჰიდროქლორთიაზიდი (ან ნებისმიერი კომბინაცია ჰიდროქლორთიაზიდთან);

–         ანტიქოლინერგული პრეპარატები (გამოიყენება ნაწლავური სპაზმებისა და მოძრაობის დარღვევების სამკურნალოდ);

–         ანტიკონვულსანტები (გამოიყენება კრუნჩხვების მოსახსნელად და პრევენციისათვის);

–         ბარბიტურატები (საძილე პრეპარატები);

–         დოფამინერგული აგონისტები (როგორიცაა L-დოპა, ბრომოკრიპტინი);

–         ნეიროლეპსიური საშუალებები (გამოიყენება ფსიქიატრიული დარღვევების მკურნალობისას);

–         პერორალური ანტიკოაგულანტები.

საავადმყოფოში მისვლის შემთხვევაში, აცნობეთ მკურნალ ექიმს, თუკი ღებულობთ ებიმემს.

 

ებიმემი საკვებთან და სასმელთან ერთად

აცნობეთ მკურნალ ექიმს, თუ მნიშვნელოვნად შეცვალეთ კვების რაციონი  ან შეცვლას აპირებთ (მაგ. ნორმალური კვებიდან გადახვედით მკაცრ ვეგეტარიანულ კვებაზე), ან გაწუხებთ თირკმლის მილაკოვანი აციდოზი (RTA, თირკმლის დისფუნქციით გამოწვეული სისხლში მჟავა-წარმომქმნელი ნივთიერებების სიჭარბე (თირკმლის ფუნქციის დარღვევა) ან საშარდე გზების (შარდის სავალი სტრუქტურა) მძიმე ინფექციები, ვინაიდან ექიმს შეიძლება პრეპარატის დოზის კორექცია დასჭირდეს.

 

ორსულობა და ძუძუთი კვება

თუ ხართ ორსულად ან კვებავთ ძუძუთი, გაქვთ ეჭვი ორსულობაზე ან გეგმავთ ორსულობას, პრეპარატის მიღებამდე მიმართეთ ექიმს ან ფარმაცევტს კონსულტაციისათვის.

ორსულ ქალებში მემანტინის გამოყენება რეკომენდებული არ არის.

ებიმემით მკურნალობის დროს, ძუძუთი კვება უნდა შეწყდეს.

 

ავტომობილის მართვა და მექანიზმებთან მუშაობა

მკურნალი ექიმი განსაზღვრავს, თუ რამდენად არის შესაძლებელი ავტომობილის უსაფრთხო მართვა და მექანიზმებთან მუშაობა დაავადების ფონზე.

ასევე აბიმემმა შეიძლება შეცვალოს  რეაქციის უნარი, რომელიც  ტრანსპორტის ტარებისა და მექანიზმებთან მუშაობის შესაძლებლობას შეუსაბამოს ხდის.

 

ებიმემის მიღების წესი

ებიმემი ყოველთვის მიიღეთ ექიმის ან ფარმაცევტის დანიშნულებისამებრ. თუ რაიმეში არ ხართ დარწმუნებული, გადაამოწმეთ მკურნალ ექიმთან ან ფარმაცევტთან.

 

დოზირება

მოზრდილებისა და ხანდაზმული პაციენტებისათვის ებიმემის რეკომენდებული დოზა არის 20 მგ დღეში ერთხელ. გვერდითი მოვლენების განვითარების რისკის შემცირების მიზნით, აღნიშნული დოზა მიიღწევა თანდათანობით მკურნალობის შემდეგი დღიური სქემით.

კვირა 1	5 მგ დღეში ერთხელ 7 დღის განმავლობაში
კვირა 2	ერთი 10 მგ-იანი ტაბლეტი დღეში ერთხელ 7 დღის განმავლობაში
კვირა 3	15 მგ დღეში ერთხელ 7 დღის განმავლობაში
კვირა 4	ორი 10 მგ-იანი ტაბლეტი ან 20 მგ-იანი ტაბლეტი დღეში ერთხელ

 

თუ დოზის გარკვეული ფორმა არ არის ხელმისაწვდომი, პაციენტმა სხვა ხელმისაწვდომი პრეპარატი უნდა მიიღოს.

 

შემანარჩუნებელი დოზა

რეკომენდებული დღიური დოზა არის 20 მგ დღეში ერთხელ.

მკურნალობის გასაგრძელებლად, მიმართეთ მკურნალ ექიმს კონსულტაციისათვის.

 

დოზირება თირკმლის დისფუნქციის მქონე პაციენტებისთვის

თირკმლის ფუნქციის დარღვევის შემთხვევაში, ექიმი შეარჩევს პაციენტის მდგომარეობისთვის შესაფერის დოზას. ამ შემთხვევაში, გარკვეული ინტერვალებით ექიმის მიერ უნდა ჩატარდეს თირკმლის ფუნქციის მონიტორინგი.

 

მიღების წესი

ებიმემიმიიღება პერორალურად დღეში ერთხელ. პრეპარატისაგან სარგებელის მიღებისათვის, მისი მიღება უნდა მოხდეს რეგულარულად, ყოველდღე, დღის ერთიდაიგივე დროს. ტაბლეტი უნდა გადაიყლაპოს წყლის მიყოლებით. ტაბლეტის მიღება შეიძლება საკვებთან ერთად ან საკვების გარეშე.     

 

მკურნალობის ხანგრძლივობა

ებიმემის მიღება უნდა გაგრძელდეს მანამ, სანამ მას  პაციენტისთვის მოაქვს სარგებელი. ექიმი პერიოდულად შეაფასებს  მკურნალობას.

 

ჭარბი დოზირება

–         ზოგადად, ებიმემისჭარბი დოზის მიღება არ იწვევს რაიმე განსაკუთრებულ ზიანს. შეიძლება გაიზარდოს ისეთი სიმპტომების გამოვლინება, რომლებიც აღწერილია პუნქტში „შესაძლო გვერდითი მოვლენები“;

–         ებიმემის ჭარბი დოზის მიღების შემთხვევაში, დაუკავშირდით ექიმს ან მოითხოვეთ სამედიცინო კონსულტაცია, რადაგანც შეიძლება საჭირო გახდეს სამედიცინო დახმარება.

 

დოზის გამოტოვება

-         თუ აღმოაჩინეთ, რომ დაგავიწყდათ ებიმემის დოზის მიღება, მოიცადეთ და მიიღეთ შემდეგი დოზა ჩვეულ დროს.

-         არ მიიღოთ გაორმაგებული დოზა გამოტოვებული დოზის კომპენსაციის მიზნით.

პრეპარატის მიღებასთან დაკავშირებით დამატებითი შეკითხვების არსებობის შემთხვევაში, მიმართეთ მკურნალ ექიმს ან ფარმაცევტს.

 

შესაძლო გვერდითი მოვლენები

ყველა სამკურნალო საშუალების მსგავსად, აღნიშნულმა პრეპარატმაც შეიძლება გამოიწვიოს გვერდითი მოვლენები, თუმცა არა ყოველთვის.

ზოგადად, გამოვლენილი გვერდითი მოვლენები მსუბუქი ან საშუალო სიმძიმის იყო.

ხშირი (შეიძლება იმოქმედოს 10-დან 1-მდე პაციენტზე):

• თავის ტკივილი, ძილიანობა, შეკრულობა, ღვიძლის ფუნქციური სინჯების მომატება, თავბრუსხვევა, წონასწორობის დარღვევა, სუნთქვის გაძნელება, მაღალი არტერიული წნევა და წამლის მიმართ ჰიპერმგრძნობელობა.

არახშირი (შეიძლებაიმოქმედოს 100-დან 1-მდეპაციენტზე):

• ადვილად დაღლილობა, სოკოვანი ინფექციები, გონების აშლილობა, ჰალუცინაციები, ღებინება, სიარულის მანერის დარღვევა, გულის უკმარისობა და ვენური სისხლის შედედება (თრომბოზი/თრომბოემბოლია).

ძალიან იშვიათი (შეიძლება იმოქმედოს 10 000-დან 1-მდე პაციენტზე):

• კრუნჩხვები

უცნობი (არსებული მონაცემები შეფასება ვერ ხერხდება):

• პანკრეასის ანთება, ღვიძლის ანთება (ჰეპატიტი) და ფსიქოზური რეაქციები

ალცჰაიმერის დაავადება დაკავაშირებულია დეპრესიასთან, სუიციდალურ აზრებთან და სუიციდთან. აღნიშნული მოვლენები რეგისტრირებულია მემანტინით მკურნალ პაციენტებში.

 

გვერდითი მოვლენების შეტყობინება

ნებისმიერი გვერდითი მოვლენის განვითარების შესახებ შეატყობინეთ ექიმს ან ფარმაცევტს. ეს გულისხმობს ნებისმიერ შესაძლო გვერდით მოვლენას, მათ შორის ისეთს, რომელიც ზემოთ არ არის აღწერილი. გვერდითი მოვლენების შესახებ შეტყობინება ასევე შესაძლებელია პირდაპირ შეტყობინების ეროვნული სისტემის მეშვეობით, რომელიც მითითებულია ქვემოთ:

წამლის ნაციონალური ორგანიზაცია (National Organization for Medicines)

284 Mesogeion Ave.

GR-15562, ქოლარგოსი, ათენი

ტელ.: + 30 213 2040380/337

ფაქსი: +30 210 6549585

ვებ-გვერდი: http://www.eof.gr

 

გვერდითი ეფექტების შეტყობინებით შეგიძლიათ ხელი შეუწყოთ პრეპარატის უსაფრთხოებაზე მეტი ინფორმაციის მოპოვებას.

 

ებიმემის შენახვის წესი

პრეპარატი შეინახეთ ბავშვებისათვის მიუწვდომელ ადგილას.

პრეპარატის გამოყენება არ შეიძლება მუყაოს ყუთზე ან ბლისტერზე აღნიშნული ვარგისობის ვადის <EXP> გასვლის შემდეგ. ვარგისობის თარიღი აღნიშნავს იმ თვის ბოლო დღეს.

არ შეინახოთ  25°C-ზე მაღალი ტემპერატურის პირობებში.

ნებისმიერი სამკურნალო საშუალების გადაგდება არ შეიძლება საკანალიზაციო წყლებში ან საყოფაცხოვრებო ნაგავში. შეეკითხეთ ფარმაცევტს, როგორ უნდა მოხდეს პრეპარატის უსაფრთხო მოშორება. აღნიშნული ზომები ხელს შეუწყობს გარემოს დაცვას.

 

ებიმემის გარეგნული იერსახე და შეფუთვის შემადგენლობა

ებიმემის 5მგ-იანი აპკიანი გარსით დაფარული ტაბლეტები არის მოთეთრო, ოვალური ფორმის ერთ მხარეზე ამოტვიფრული „U“ და ცარიელი მეორე მხრით.

 

ებიმემის 10მგ-იანი აპკიანი გარსით დაფარული ტაბლეტები არის თეთრი, ოვალური ფორმის სატეხი ხაზით მონიშნული „I“ ორივე მხარეს.

 

ებიმემის 20მგ-იანი აპკიანი გარსით დაფარული ტაბლეტები არის თეთრი, ოვალური ფორმის სატეხი ხაზით ორივე მხარეს.

 

5, 10 ან 20მგ ებიმემის აპკიანი გარსით დაფარული ტაბლეტები ხელმისაწვდომია მუყაოს  30 ცალიან აპკიანი გარსით დაფარული ტაბლეტების ბლისტერებში არსებული შეფუთვით.

 

სავაჭრო უფლების მფლობელი

BENNETT PHARMACEUTICALS S.A.

16^th km Athinon-Lamias

14564, Kifisia,

საბერძნეთი.

ტელ: 210 6254630

ფაქსი: 210 6202305

ელ.ფოსტა: [email protected]

 

მწარმოებელი

Factory BENNETT Pharmaceuticals SA

26 Aigaiou Str., Thesi Karela, Koropi, 19441,

საბერძნეთი.