დეპორეს ფრი 0,05% 5,5მლ თვ/წვ

63.38 ლარი

ფარმაკოლოგიური ჯგუფი: ოფთალმოლოგიური ადგილობრივი მოქმედების სხვადასხვა ხსნარები

ქვეყანა: თურქეთი

მწარმოებელი: დევა ჰოლდინგი

ჯენერიკი - შეადარეთ ანალოგები: ციკლოსპორინი

გაცემის ფორმა: II ჯგუფი რეცეპტული

კოდი: 137557

გააზიარე:

შეუკვეთე

ანოტაცია
სად შევიძინო

დეპორეს ფრი 0,05%

თვალის წვეთები, ემულსია

შემადგენლობა

აქტიური ნივთიერება: ემულსიის 1 მლ შეიცავს 0,5 მგ ციკლოსპორინს.

დამხმარე ნივთიერებები: აბუსალათინის ზეთი, პოლისორბატი 80, კარბომერი, გლიცეროლი, ნატრიუმის ჰიდროქსიდი, საინექციო წყალი.

გამოყენება

დეპორეს ფრი არის თვალის წვეთები, რომელიც წარმოდგენს ემულსიას, არ შეიცავს კონსერვანტებს, თეთრი ფერის, ერთგვაროვანი ხსნარია, ფაზური სეპარაციის გარეშე.

დეპორეს ფრის აქტიური ინგრედიენტია ციკლოსპორინი, რომელსაც აქვს ანთების საწინააღმდეგო ეფექტი და არეგულირებს იმუნურ სისტემას. მისი მოქმედება ვლინდება თვალში ჩაწვეთებისას თვალის ზედაპირთან მოხვედრის შემდეგ. ჩაწვეთებული ნივთიერების სისხლში გადასვლა ან სისხლში დაგროვება ადამიანებში გამოვლენილი არ არის.

დეპორეს ფრი გამოიყენება ცრემლის წარმოქმნის გასაზრდელად პაციენტებში თვალის სიმშრალისას, თვალის ანთებით გამოწვეული ცრემლის წარმოქმნის დათრგუნვის საწინააღმდეგოდ.

უკუჩვენებები

დეპორეს ფრი უკუნაჩვენებია შემდეგი მდგომარეობების დროს:

- ალერგია პრეპარატის რომელიმე ინგრედიენტის მიმართ ან მიკროორგანიზმებით გამოწვეული თვალის ინფექცია.

დეპორეს ფრი სიფრთხილით გამოიყენება შემდეგ სიტუაციებში:

- კონტაქტური ლინზების ტარებისას. თუ თვალებში ჩასმული გაქვთ კონტაქტური ლინზები, პრეპარატის გამოყენებამდე ამოიღეთ და დეპორეს ფრის ჩაწვეთებიდან 15 წუთის შემდეგ შეგიძლიათ უკან ჩაისვათ.

დეპორეს ფრის ეფექტურობა და უსაფრთხოება არ არის დადგენილი 16 წლამდე ასაკის ბავშვებში.

დეპორეს ფრის ეფექტურობა და უსაფრთხოება არ განსხვავდება ახალგაზრდა და ხანდაზმულ პაციენტებში.

აღნიშნული გაფრთხილებების შესატყვისი მდგომარეობის შემთხვევაში, თუნდაც წარსულში არსებობისას ნებისმიერ დრო, მიმართეთ ექიმს.

დეპორეს ფრი გამოიყენება თვალზე, ამიტომ მისი ურთიერთქმედება საკვებთან და სასმელებთან არ არის მოსალოდნელი.

ორსულობა

ამ მედიკამენტის გამოყენებამდე მიმართეთ ექიმს ან ფარმაცევტს.

ექიმი გადაწყვეტს პრეპარატის გამოყენებას რისკის/სარგებლის თანაფარდობის შეფასებით.

თუ მკურნალობის დროს აღმოაჩენთ, რომ ორსულად ხართ, დაუყოვნებლივ მიმართეთ ექიმს ან ფარმაცევტს.

ძუძუთი კვება

ამ მედიკამენტის გამოყენებამდე მიმართეთ ექიმს ან ფარმაცევტს. ექიმი გადაწყვეტს პრეპარატის გამოყენებას რისკის/სარგებლის თანაფარდობის შეფასებით.

ავტომობილის მართვა და მანქანა დანადგარებთან მუშაობა

თუ დეპორეს ფრის ჩაწვეთების შემდეგ განიცდით თვალის დისკომფორტს ან დაბინდულ მხედველობას, დაელოდეთ სანამ თქვენი მხედველობა აღდგება. მხოლოდ ამის შემდეგ შეგიძლიათ ავტომობილის მართვა და მანქანა-დანადგარებთან მუშაობა.

მნიშვნელოვანი ინფორმაცია დეპორეს ფრი-ში შემავალი ზოგიერთი დამხმარე ნივთიერების შესახებ

დეპორეს ფრი შეიცავს აბუსალათინის ზეთს. შეიძლება გამოიწვიოს კანის რეაქციები.

სხვა სამკურნალოპრეპარატებთან გამოყენება

თვალის სხვა წვეთების გამოყენების საჭიროების შემთხვევაში, ორი განსხვავებული წამლის ჩაწვეთებებს შორის ინტერვალი არ უნდა იყოს 15 წუთზე ნაკლები.

თუ ამჟამად იყენებთ ან ცოტა ხნის წინ იყენებდით რომელიმე რეცეპტით ან ურეცეპტოდ გასაცემ მედიკამენტს, საჭიროა, მიმართოთ ექიმს ან ფარმაცევტს.

დეპორეს ფრის მიღების წესი

დოზირება/შეყვანის სიხშირე

1 წვეთი დეპორეს ფრის თვალის წვეთები, ემულსია ჩაიწვეთეთ თითო თვალში, დღეში ორჯერ, დაახლოებით 12 საათის ინტერვალით.

გამოყენებისას არ შეეხოთ საწვეთურის წვერით თვალს ან ნებისმიერ ზედაპირს, რათა თავიდან აიცილოთ წამლის მიკრობებით დაბინძურება.

დეპორეს ფრი შეიძლება გამოყენებულ იქნას ხელოვნურ ცრემლთან ერთად; თვალზე დატანილი წამლების ინსტილაციებს შორის დაცული უნდა იყოს 15 წუთიანი ინტერვალი.

დეპორეს ფრი განკუთვნილია მხოლოდ ოფთალმოლოგიური გამოყენებისთვის. გამოყენებამდე ბოთლი რამდენჯერმე გადმოაბრუნეთ, რათა მიიღოთ თეთრი ფერის, ერთგვაროვანი გაუმჭვირვალე ემულსია ფაზური სეპარაციის გარეშე.

დეპორეს ფრი შეფუთულია, როგორც ნაჩვენებია სურათებში 1 და 2.

• მოხსენით თავსახური (სურათი 3).

• თავი უკან გადახარეთ, ზევით აიხედეთ და ქვედა ქუთუთო ჩამოწიეთ ქვემოთ (სურათი 4).

დაიჭირეთ ბოთლი საწვეთურის წვერით ქვემოთ და ჩააწვეთეთ 1 წვეთი ქვედა ქუთუთოში (სურათი 4).

სპეციალური ჯგუფებში გამოყენება

გამოყენება ბავშვებში

დეპორეს ფრის ეფექტურობა და უსაფრთხოება 16 წლამდე ასაკის ბავშვებში არ არის დადგენილი.

გამოიყენება ხანდაზმულებში

სპეციალური გამოყენების შემთხვევები

თირკმელების/ღვიძლის უკმარისობა

არ არსებობს კონკრეტული შეტყობინებები თირკმლის/ღვიძლის უკმარისობის შესახებ თვალში ჩაწვეთებისას.

თუ მიგაჩნიათ, რომ დეპორეს ფრის ეფექტი ძალიან ძლიერია ან ძალიან სუსტი, გაესაუბრეთ ექიმს ან ფარმაცევტს.

ჭარბი დოზირება

თუ დეპორეს ფრი იმაზე მეტი გამოიყენეთ, ვიდრე საჭიროა, გაესაუბრეთ ექიმს ან ფარმაცევტს.

მკურნალობის შეწყვეტა

დეპორეს ფრით მკურნალობის შეწყვეტისას არანაირი ეფექტი არ არის მოსალოდნელი.

გვერდითი მოვლენები

ყველა მედიკამენტის მსგავსად, მგრძნობიარე პირებში შეიძლება განვითარდეს გვერდითი მოვლენები დეპორეს ფრიში შემავალი ინგრედიენტების მიმართ.

თუ ჩამოთვლილთაგან რომელიმე მოვლენა განვითარდა, შეწყვიტეთ დეპორეს ფრის გამოყენება და დაუყოვნებლივ აცნობეთ ექიმს ან მიმართეთ უახლოეს საავადმყოფოს სასწრაფო დახმარების განყოფილებას. ეს მოვლენებია:

ხელების, ფეხების, ტერფების, სახის, ტუჩების ან განსაკუთრებით პირის ღრუს ან ყელის არეში შეშუპება, რაც ართულებს ყლაპვას ან სუნთქვას.

ყველა ეს რეაქცია ძალიან სერიოზული გვერდითი მოვლენებია.

ჩამოთვლილთაგან რომელიმე მოვლენის განვითარება, ნიშნავს, რომ ადგილი აქვს სერიოზულ ალერგიას დეპორეს ფრის მიმართ. შესაძლოა საჭირო გახდეს სასწრაფო სამედიცინო დახმარება ან ჰოსპიტალიზაცია.

ძალიან სერიოზული გვერდითი მოვლენა ძალზე იშვიათია.

გვერდითი მოვლენები ჩამოთვლილია ქვემოთ მათი სიხშირის მიხედვით:

ძალიან ხშირი: შეიძლება განვითარდეს 10-დან 1 პაციენტში მაინც.

ხშირი: შეიძლება განვითარდეს 10-დან 1-ზე ნაკლებ პაციენტში, მაგრამ 100-დან 1-ზე მეტ პაციენტში.

არახშირი: შეიძლება განვითარდეს 100-დან 1-ზე ნაკლებ პაციენტში, მაგრამ 1000-დან 1-ზე მეტ პაციენტში.

იშვიათი: შეიძლება განვითარდეს 1000-დან 1-ზე ნაკლებ პაციენტში, მაგრამ 10000-დან 1-ზე მეტ პაციენტში.

ძალიან იშვიათი: შეიძლება განვითარდეს 10000-დან 1-ზე ნაკლებ პაციენტში.

უცნობი: შეუძლებელია არსებული მონაცემებით შეფასება.

ძალიან ხშირი

• თვალებში წვა.

ხშირი

• მტკივნეული თვალი,

• თვალის სიწითლე,

• თვალიდან გამონადენი,

• ცრემლდენა, თვალის ტკივილი, უცხო სხეულის შეგრძნება,

• ქავილი

• მხედველობის დეფექტი.

ეს არის დეპორეს ფრისმსუბუქი გვერდითი მოვლენები.

ნებისმიერი გვერდითი მოვლენის განვითარების შემთხვევაში, მათ შორის, ისეთი მოვლენის, რომელიც ზემოთ არ არის აღნიშნული, აცნობეთ ექიმს ან ფარმაცევტს.

გვერდითი მოვლენების შეტყობინება

ნებისმიერი გვერდითი მოვლენის შემთხვევაში, მათ შორის ისეთი მოვლენისა, რომელიც ზემოთ არ არის აღწერილი, მიმართეთ ექიმს, ფარმაცევტს ან მედდას.

ასევე, განვითარებული გვერდითი მოვლენების შესახებ შეატყობინეთ თურქეთის ფარმაკოზედამხედველობის ცენტრს (TÜFAM) ვებ-გვერდზე www.titck.gov.tr წარწერაზე

„ნარკოტიკების გვერდითი ეფექტების შესახებ შეტყობინება“ დაწკაპუნებით, ან შეგიძლიათ დარეკოთ გვერდითი მოვლენების შეტყობინების ხაზზე 0 800 314 00 08. ნებისმიერი გვერდითი მოვლენის შესახებ შეტყობინებით თქვენ წვლილს შეიტანთ მისი უსაფრთხოების შესახებ მეტი ინფორმაციის მოპოვებაში.

შენახვის პირობები

დეპორეს ფრი უნდა შევინახოთ თავის შეფუთვაში და ბავშვებისთვის მიუწვდომელ ადგილას.

შეინახეთ 25°C-ზე დაბალ ტემპერატურაზე.

ბოთლის პირველად გახსნის შემდეგ პროდუქტი გამოყენებული უნდა იქნას 90 დღის განმავლობაში. ამ პერიოდის განმავლობაში პროდუქტის შენახვა შესაძლებელია 25°C-ზე დაბალ ტემპერატურაზე.

დეპორეს ფრი გამოიყენეთ ვარგისობის ვადის შესაბამისად.

არ გამოიყენოთ დეპორეს ფრი შეფუთვაზე მითითებული ვარგისობის ვადის გასვლის შემდეგ.

გამოშვების ფორმა

დეპორეს ფრი თვალის წვეთები, ემულსია 5,5 მლ მოცულობით, გაუმჭვირვალე თეთრ ბოთლში.

გაიცემა ექიმის რეცეპტით.

ვადაგასული ან გამოუყენებელი მედიკამენტები არ გადააგდოთ! გადაეცით გარემოს დაცვისა და ურბანიზაციის სამინისტროს მიერ განსაზღვრულ საკოლექციო სისტემას.

ლიცენზიის მფლობელი

DEVA HOLDING A.Ş.

კუჩუკჩეკმეჩე/სტამბული

ტელ.: 0212 692 92 92

ფაქსი: 0212 697 00 24

ელ.ფოსტა: [email protected]

მწარმოებელი

Deva Holding A.Ş.

კარტეპე/კოჩაელი.

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით