ატექსი 10მგ #28კაფს

ატექსი 10მგ კაფსულა

შემადგენლობა

წამლის სუბსტანცია: ატომოქსეტინი 

ყოველი კაფსულა შეიცავს 10მგ ატომოქსეტინის ეკვივალენტურ ატომოქსტინის ჰიდროქლორიდს.

დამხმარე ნივთიერებები: პრეჟელატინიზირებული სახამებელი, პრეჟელატინიზირებული სახამებელი 1500, კოლოიდური უწყლო სილიციუმი, დიმეთიკონი, ჟელატინი (მსხვილფეხა რქოსანი პირუტყვის ჟელატინი), ტიტანის დიოქსიდი (E171)

1. რა არის ატექსი და რისთვის გამოიყენება?

ატექსი 10 მგ კაფსულები არის მყარი ჟელატინის კაფსულები გაუმჭვირვალე თეთრი კორპუსით და გაუმჭვირვალე თეთრი თავსახურით, რომელიც შეიცავს თეთრ ან მოთეთრო ფერის ფხვნილს. თითოეულ შეფუთვაში მოთავსებულია 28 კაფსულა.

ატექსი წარმოადგენს წამალს, რომელიც შეიცავს წამლის სუბსტანციას, ატომოქსეტინს, ის ზრდის ნორადრენალინის რაოდენობას ტვინში და გამოიყენება 6 წელზე უფროსი ასაკის ბავშვებში, მოზარდებში და მოზრდილებში, ყურადღების დეფიციტის ჰიპერაქტიურობის სინდრომის (ADHD) სამკურნალოდ.

ნორადრენალინი არის თავის ტვინში ბუნებრივი ქიმიური ნივთიერება, რომელიც ზრდის ყურადღებას ADHD-ის მქონე პაციენტებში და ამცირებს არასაჭირო მობილურობას და ჰიპერაქტიურობას.

გამოიყენება არამედიკამენტურ, როგორიცაა  კონსულტაცია და ქცევითი თერაპიასთან ერთად მკურნალობაში; ასევე გამოიყენება ამ დაავადების  კომპლექსურ მედიკამენტურ მკურნალობაშიც.

ატექსი არ უნდა იქნას გამოყენებული 6 წლამდე ბავშვებში ADHD-ის სამკურნალოდ, რადგან უცნობია მოქმედებს თუ არა ის უსაფრთხოდ აღნიშნულ ასაკამდე ბავშვებში.

ატექსი გამოიყენება ADHD-ის სამკურნალოდ მოზრდილებში, რომლებსაც აქვთ ისეთი საგანგაშო სიმპტომები, როგორიცაა ინფანტინული ქცევა, რაც მნიშვნელოვან  გავლენას ახდენენ სამუშაოზე ან სოციალურ ცხოვრებაზე.

პრეპარატი ინიშნება ADHD სიმპტომების გასაკონტროლებლად. ატექსი არ არის სტიმულატორი და არ იწვევს დამოკიდებულებას.

პრეპარატით მკურნალობის დაწყებიდან, შესაძლოა სიმპტომების სრულად გაქრობას დასჭირდეს რამდენიმე კვირა.

ADHD-ის მქონე ბავშვებსა და მოზარდებში რთულია მშვიდად ჯდომა დაყურადღების კონტროლი. ასეთი ქმედებები ADHD-ის მქონე პაციენტებში სრულდება უნებლიედ. ბავშვები და მოზარდები ცდილობენ ემოციების მართვას, მაგრამ როდესაც მათ აქვთ ADHD სინდრომი, იქმნება პრობლემები ყოველდღიურ ცხოვრებაში. ADHD-ის მქონე ბავშვებს და მოზარდებს უჭირთ სწავლა და საშინაო დავალების შესრულება. უჭირთ სახლში, სკოლაში თუ სხვა ადგილებში კარგად მოქცევა. ADHD არ ახდენს გავლენას ბავშვების ან მოზარდების ინტელექტუალურ უნარზე.

2. ატექსი 10მგ-ის მიღბამდე გასათვალისწინებელი ინფორმაცია

არ გამოიყენოთ ატექსი შემდეგ მდგომარეობებში

თუ:

• თქვენ ალერგიული ხართ ატომოქსეტინის ან ატექსის რომელიმე სხვა ინგრედიენტის მიმართ (თუ გაქვთ ჰიპერმგრძნობელობა);

• ბოლო ორი კვირის განმავლობაში იყენებდით მონოამინოოქსიდაზას ინჰიბიტორებს (MAOI), როგორიცაა ფენელზინი. MAOI ზოგჯერ გამოიყენება დეპრესიისთვის (ფსიქიკური დეპრესია) და ფსიქიკური ჯანმრთელობის სხვა პრობლემებისთვის. ატექსის გამოყენებამ MAOI-თან ერთად შეიძლება გამოიწვიოს სერიოზული ან სიცოცხლისათვის საშიში გვერდითი მოვლენები (MAOI-ის გამოყენება შეგიძლიათ დაიწყოთ ატექსის გამოყენების შეწყვეტიდან სულ მცირე 14 დღის შემდეგ);

• გაქვთ თვალის დაავადება, ვიწროკუთხოვანი გლაუკომა;

• გაქვთ გულის დაავადება (გულ-სისხლძარღვთა), ან თუ გაქვთ ზომიერი ან მძიმე არტერიული წნევა, ან თუ გაქვთ გულის მძიმე დაავადება (გულ-სისხლძარღვთა) დარღვევები, რომლებზეც შეიძლება გავლენა იქონიოს გულისცემის (პულსი) და/ან არტერიული წნევის მატებამ (ატექსი იწვევს გულისცემის და/ან არტერიული წნევის მატებას);

• არსებობს რაიმე პრობლემა თავის ტვინის სისხლძარღვების მხრივ - მაგალითად, ინსულტი, შეშუპება და გათხელება (ანევრიზმა) სისხლძარღვის ნაწილში, ან სისხლძარღვების შევიწროება ან დახშობა;

• გაქვთ თირკმელზედა ჯირკვლების სიმსივნე (ფეოქრომოციტომა);

თუ რომელიმე ზემოთ ჩამოთვლილი გეხებათ თქვენ, არ გამოიყენოთ ატექსი. თუ არ ხართ დარწმუნებული, მიმართეთ თქვენს ექიმს ან ფარმაცევტს ატექსის გამოყენებამდე. რადგან ატექსს შეუძლია გააუარესოს ეს პრობლემები.

გამოიყენეთ ატექსი სიფრთხილით შემდეგ შემთხვევებში

თუ:

• გაქვთ სუიციდური აზრები ან თვითმკვლელობის მცდელობები;

• იზრდება თქვენი გულის პრობლემები (გულის დაავადების ჩათვლით) ან თქვენი გულისცემა. ატექსს შეუძლია გაზარდოს თქვენი გულისცემა (პულსის სიხშირე). გულის მხრივ დარღვევების მქონე პაციენტებში დაფიქსირდა უეცარი სიკვდილი;

• გაქვთ მაღალი წნევა. ატექსს შეუძლია გაზარდოს არტერიული წნევა;

• გაქვთ დაბალი წნევა. ატექსს შეუძლია გამოიწვიოს თავბრუსხვევა და სინკოპე პაციენტებში დაბალი არტერიული წნევით;

• გაქვთ არტერიული წნევის პრობლემები ან გულისცემის (პულსის) უეცარი ცვლილებები;

• გაქვთ გულ-სისხლძარღვთა დაავადება ან თუ ადრე გქონდათ ინსულტი;

• გაქვთ ღვიძლის პრობლემა (შეიძლება დაგჭირდეთ უფრო დაბალი დოზა);

• გაქვთ მაღალი წნევა, გულისცემის აჩქარება, ან გულის დაავადება (გულ-სისხლძარღვთა) ან ცერებროვასკულური დაავადება, რომელიც შეიძლება გაუარესდეს არტერიული წნევის მომატებით ან გულისცემის გაზრდით;

• გაქვთ ფსიქოზური (შიზოფრენიის მსგავსი) სიმპტომები, რომლებიც მოიცავს ხმების მოსმენას ან არასასიამოვნო საგნების დანახვას (ჰალუცინაციები = მოჩვენება), არარეალური ნივთების რწმენას ან საეჭვოობას;

• ხართ ბედნიერი ან ზედმეტად აღგზნებული (მანია) და არაკომფორტულად გრძნობთ თავს, რამაც შეიძლება გამოიწვიოს არანორმალური ქცევები;

• გაქვთ აგრესიული გრძნობები;

• გაქვთ არამეგობრული და გაბრაზებული (მტრული) გრძნობები;

• თქვენ წარსულში გქონდათ კრუნჩხვები (ეპილეფსია) ან კრუნჩხვები (ატექსმა შეიძლება გამოიწვიოს კრუნჩხვების სიხშირის გაზრდა);

• გაქვთ ნორმალურისგან განსხვავებული გრძნობები (უეცარი ემოციური ცვლილებები) ან თავს ძალიან უბედურად გრძნობთ;

• გაქვთ კონტროლის სირთულე, გაქვთ კუნთების განმეორებითი კრუნჩხვები სხეულის ნებისმიერ ნაწილში, ან თუ იმეორებთ ხმებს და სიტყვებს, ატექსის გამოყენებამდე  მიმართეთ ექიმს;

გთხოვთ აცნობოთ თქვენს ექიმს ან ფარმაცევტს მკურნალობის დაწყებამდე. ატექსმა შეიძლება გააუარესოს ეს პრობლემები.

ატექსით მკურნალობის პერიოდში ექიმი დააკვირდება თუ როგორ მოქმედებს წამალი თქვენზე.

თქვენი ექიმი მოგთხოვთ შეამოწმოთ თქვენი სისხლი და გულისცემა (პულსის სიხშირე) ატექსის მიღების დაწყებამდე და იმ პერიოდის განმავლობაში, როდესაც იღებთ ატექსს. თუ ატექსს იყენებთ ბავშვებში ან მოზარდებში, თქვენი ექიმი მოგთხოვთ გაზომოთ ბავშის სიმაღლე და წონა. ამ კონტროლის მიზანია გადაწყვიტოს არის თუ არა ატექსი პაციენტისთვის შესაფერისი სამკურნალო საშუალება.

თქვენი ექიმი ასევე დაინტერესდება შემდეგი ინფორმაციით:

• ყველა სხვა პრეპარატი, რომელსაც იყენებთ;

• მოხდა თუ არა მოულოდნელი აუხსნელი სიკვდილის მოვლენა წარსულში თქვენს ოჯახში;

• ნებისმიერი სხვა სამედიცინო პრობლემა, რომელიც შეიძლება გქონდეთ თქვენ ან თქვენს ოჯახის წევრებს (როგორიცაა გულის პრობლემები);

მნიშვნელოვანია, რომ თქვენ მიაწოდოთ რაც შეიძლება მეტი ინფორმაცია. ეს ინფორმაცია თქვენს ექიმს დაეხმარება გადაწყვიტოს არის თუ არა ატექსი თქვენთვის შესაფერისი სამკურნალო საშუალება. თქვენმა ექიმმა შეიძლება გადაწყვიტოს, რომ ამ მედიკამენტის გამოყენებამდე საჭიროა გარკვეული სამედიცინო ტესტები.

ატექსისგამოყენებასაკვებთანდასასმელთანერთად

ატექსის მიღება შესაძლებელია უზმოდ ან კვების შემდეგ.

ორსულობა

ამ პრეპარატის გამოყენებამდე მიმართეთ თქვენს ექიმს ან ფარმაცევტს.

• თუ ფიქრობთ, რომ შესაძლოა იყოთ ორსულად ან თუ აპირებთ დაორსულებას, ატექსის გამოყენებამდე მიმართეთ ექიმს ან ფარმაცევტს.

• ატექსი არ უნდა იქნას გამოყენებული ორსულობის დროს, თუ ამას თქვენი ექიმი არ გირჩევთ.

თუ მკურნალობის დროს შენიშნეთ, რომ ორსულად ხართ, დაუყოვნებლივ მიმართეთ ექიმს ან ფარმაცევტს.

ლაქტაცია

ლაქტაციის პერიოდში ამ პრეპარატის გამოყენებამდე მიმართეთ თქვენს ექიმს ან ფარმაცევტს.

უცნობია გამოიყოფა თუ არა ატექსი დედის რძეში ან ბავშვის ორგანიზმში ორსულობის დროს. ამ მიზეზით, ატექსი არ უნდა გამოიყენოთ თუ ძუძუთი კვებავთ ან უნდა შეწყვიტოთ ძუძუთი კვება.

ავტომობილისდამექანიზმებისმართვა

ატექსის გამოყენების შემდეგ შეიძლება იგრძნოთ დაღლილობა, ძილი ან თავბრუსხვევა. ფრთხილად უნდა იყოთ სატრანსპორტო საშუალების მართვისას ან რაიმე მექანიზმების გამოყენებისას, სანამ არ დარწმუნდებით, თუ როგორ მოქმედებს ატექსი თქვენზე. თუ გრძნობთ დაღლილობას, ძილიანობას ან გაბრუებას, არ მართოთ ავტომობილი და არ გამოიყენოთ მექანიზმები.

მნიშვნელოვანიინფორმაციაატექსისზოგიერთიდამხმარენივთიერებისშესახებ

ატექსის კაფსულები არ უნდა გაიხსნას, რადგან კაფსულის შიგთავსმა შესაძლოა გამოიწვიოს თვალების გაღიზიანება. თუ კაფსულა გახსნილია და ფხვნილი თვალებთან კონტაქტშია, დაზიანებული თვალი დაუყოვნებლივ უნდა დაიბანოთ წყლით და მიმართოთ ექიმს. ხელები, რომლებიც ეხება კაფსულის შიგთავსს და სხეულის სხვა ნაწილები, დაუყოვნებლივ უნდა დაიბანოთ.

გამოყენებასხვამედიკამენტებთანერთად

თუ ამჟამად იყენებთ რეცეპტით გაცემულ ან ურეცეპტო მედიკამენტს ან იყენებდით ბოლო დროს, გთხოვთ აცნობოთ თქვენს ექიმს ან ფარმაცევტს ამის შესახებ.

თქვენი ექიმი გადაწყვეტს, შეგიძლიათ თუ არა ატექსის გამოყენება თქვენს სხვა მედიკამენტებთან ერთად და ზოგიერთ შემთხვევაში თქვენს ექიმს შეიძლება დასჭირდეს თქვენი მედიკამენტის დოზის კორექტირება ან დოზის გაზრდა.

ატექსი არ უნდა იქნას გამოყენებული წამლებთან ერთად, რომელსაც ეწოდება MAOI. იხილეთ განყოფილება "არ გამოიყენოთ ატექსი შემდეგ პირობებში".

თუ თქვენ იყენებთ სხვა მედიკამენტებს, ატექსმა შეიძლება გავლენა მოახდინოს ამ მედიკამენტებით მკურნალობაზე ან გამოიწვიოს გვერდითი მოვლენები.

თუ იყენებთ რომელიმე ქვემოთ ჩამოთვლილ მედიკამენტს, ატექსის გამოყენებამდე მიმართეთ ექიმს ან ფარმაცევტს.

• მედიკამენტები, რომლებიც ზრდის არტერიულ წნევას ან აკონტროლებს არტერიულ წნევას;

• ანტიდეპრესანტები (გამოიყენება დეპრესიის სამკურნალოდ) ისეთი პრეპარატები, როგორიცაა იმიპრამინი, ვენლაფაქსინი, მირტაზაპინი, ფლუოქსეტინი და პაროქსეტინი;

• ხველისა და გაციების ზოგიერთი წამალი, რომელიც შეიცავს ნივთიერებებს, რომლებიც გავლენას ახდენენ არტერიულ წნევაზე. რომელიმე ამ პროდუქტის შეძენისას მნიშვნელოვანია კონსულტაცია გაიაროთ თქვენს ფარმაცევტთან;

• ზოგიერთი წამალი, რომელიც გამოიყენება ფსიქიკური ჯანმრთელობის მკურნალობაში;

• წამლები, რომლებიც ცნობილია, რომ ზრდის კრუნჩხვების რისკს;

• ზოგიერთი მედიკამენტი (როგორიცაა ქინიდინი და ტერბინაფინი), რომლებიც იწვევენ ატექსის ორგანიზმში ნორმალურზე მეტხანს დარჩენას;

• სალბუტამოლი, რომელიც გამოიყენება ასთმის სამკურნალოდ, თუ მას იღებთ პერორალურად ან ინექციით, შეიძლება იგრძნოთ გულისცემის აჩქარება, ეს გააუარესებს ასთმის სიმპტომებს.

ატექსთან ერთად გამოყენებისას შემდეგმა მედიკამენტებმა შეიძლება გამოიწვიოს გულის არანორმალური რითმის განვითარების რისკი:

• წამლები, რომლებიც გამოიყენება გულის რითმის გასაკონტროლებლად;

• მედიკამენტები, რომლებიც ცვლის მარილის კონცენტრაციას სისხლში;

• მალარიის პროფილაქტიკისა და მკურნალობისთვის გამოყენებული წამლები;

• ზოგიერთი ანტიბიოტიკი (როგორიცაა ერითრომიცინი და მოქსიფლოქსაცინი).

თუ არ ხართ დარწმუნებული, იღებთ თუ არა რომელიმე ზემოთ ჩამოთვლილ პრეპარატს, ატექსის გამოყენებამდე მიმართეთ ექიმს ან ფარმაცევტს.

3. ატექსის მიღბის წესი

გამოყენების ინსტრუქცია და დოზირება

•გამოიყენეთ  ატექსი ყოველთვის ექიმის დანიშნულებით. თუ არ ხართ დარწმუნებული, მიმართეთ თქვენს ექიმს ან ფარმაცევტს.  ჩვეულებრივ მიიღება 1 ან 2 კაფსულა დილით და შუადღისას ლანჩის შემდეგ ან გვიან შუადღისას.

• მას შემდგე რაც თქვენ გამოიყენებთ ატექსს დღეში ერთხელ და იგრძნობთ ძილიანობას ან იქნებით შეუუძლოდ, ექიმმა შეიძლება შეცვალოს თქვენთვის 2-ჯერ დღეში დანიშნული წამალი.

6 წელზე უფროსი ასაკის ბავშვები და მოზარდები:

6 წელზე უფროსი ასაკის ბავშვები და მოზარდებში ატექსი ინიშნება წონის მიხედვით. ექიმი დაიწყებს მკურნალობას დაბალი დოზით, ატექსის დოზის გაზრდამდე, ქვემოთ მოცემული ინსტრუქციის მიხედვით:

• 70 კგ-მდე სხეულის მასის მქონე პაციენტებში: ატექსი უნდა დაიწყოს ჯამური დღიური დოზით დაახლოებით 0,5 მგ/კგ სხეულის მასაზე და უნდა გაგრძელდეს მინიმუმ 7 დღის განმავლობაში. ამის შემდეგ ექიმმა შეიძლება გაზარდოს ეს შემანარჩუნებელ დოზამდე, რომელიც შეადგენს დაახლოებით 1,2 მგ/კგ სხეულის მასაზე დღეში.

• 70 კგ-ზე მეტი სხეულის მასის მქონე პაციენტებში: ატექსი უნდა დაიწყოს დღიური დოზით 40 მგ და ეს დოზა უნდა გაგრძელდეს მინიმუმ 7 დღის განმავლობაში. ამის შემდეგ თქვენს ექიმს შეუძლია გაზარდოს ეს დღიურ შემანარჩუნებელ დოზამდე 80 მგ. ყველაზე მაღალი დოზა, რომელსაც ექიმმა შეიძლება დაგინიშნოთ დღიურად არის 100 მგ.

მოზრდილები

• ატექსით მკურნალობა უნდა დაიწყოს ჯამური დოზით 40 მგ დღეში მინიმუმ 7 დღის განმავლობაში. ექიმს შეუძლია შემდეგ გაზარდოს შემანარჩუნებელ დოზამდე 80-100 მგ დღეში. ყველაზე მაღალი დოზა, რომელიც ექიმმა შეიძლება დაგინიშნოთ დღიურად, არის 100 მგ.

ღვიძლის პათოლოგიების შემთხვევაში,  ექიმმა შეიძლება დანიშნოს ატექსი უფრო დაბალი დოზით.

მიღებისგზადამეთოდი

• ატექსი განკუთვნილია პერორალური მიღებისთვის.

• წამალი ბავშვებმა არ უნდა გამოიყენონ ზრდასრული ადამიანის დახმარების გარეშე.

• გადაყლაპეთ თქვენი კაფსულა მთლიანად წყლის დაყოლებით.

• ატექსის მიღება შეგიძლიათ უზმოდ ან ჭამის შემდეგ.

• ატექსი კაფსულების ყოველდღე ერთსა და იმავე დროს მიღება, დაგეხმარებათ, გახსოვდეთ როდის იღებთ  წამალს.

სხვადასხვა ასაკობრივი ჯგუფი:

გამოყენება 6 წლამდე ბავშვებში:

ატექსი არ უნდა იქნას გამოყენებული 6 წლამდე ასაკის ბავშვებში.

გერიატრიული პაციენტები:

არ არის ადეკვატური მონაცემები.

გამოყენების სპეციალური პირობები:

თირკმლის უკმარისობა:

არ არის ადეკვატური მონაცემები.

ღვიძლის უკმარისობა:

ღვიძლის პათოლოგიური მდგომარეობების დროს, ექიმმა შეიძლება დანიშნოს წამალი უფრო დაბალი დოზით.

ატექსით მკურნალობის ხანგრძლივობას ადგენს მკურნალი ექიმი.

არ შეიძლება მკურნალობის შეწყვეტა დროზე ადრე.

თუ თქვენ გაქვთ შთაბეჭდილება, რომ ატექსის ეფექტი  ძალიან ძლიერი ან ძალიან სუსტი, მიმართეთ თქვენს ექიმს ან ფარმაცევტს.

დოზის გადაჭარბება

თუ თქვენ გამოიყენეთ დანიშნულ დოზაზე მეტი ატექსი, მიმართეთ ექიმს ან ფარმაცევტს. ან აცნობეთ უახლოეს საავადმყოფოს რამდენი კაფსულა გაქვთ მიღებული, დაუკავშირდით სასწრაფო დახმარების მეშვეობით. დოზის გადაჭარბებისას დაფიქსირებული ყველაზე გავრცელებული სიმპტომებია კუჭისა და ნაწლავების მხრივ სიმპტომები, ძილიანობა, თავბრუსხვევა, კანკალი და არანორმალური ქცევა.

თუდაგავიწყდათატექსისგამოყენება

თუ თქვენ გამოტოვეთ დოზა, დავიწყებული დოზაუნდა მიიღოთ დაუყოვნებლივ; არ უნდა გამოიყენოთ თქვენთვის რეკომენდებული დღიური დოზაზე მეტი 24 საათის განმავლობაში.

არ მიიღოთ ორმაგი დოზები გამოტოვებული დოზების კომპენსაციის მიზნით.

შესაძლოეფექტებიატექსითმკურნალობისშეწყვეტისას

თუ შეწყვეტთ ატექსის მიღებას, არ გექნებათ რაიმე არასასურველი ეფექტები, მაგრამ მოსალოდნელია ADHD სიმპტომების  ხელახალი გამოვლენა. მკურნალობის შეწყვეტამდე გაესაუბრეთ ექიმს.

ტესტები რომლებიც უნდა ჩაატაროს ექიმმა მკურნალობის დროს

• მკურნალობის დაწყებამდე: დარწმუნდით, რომ ატექსი უსაფრთხოა და მოგიტანთ სარგებელს

• მკურნალობის დაწყების შემდეგ: ტესტები ჩატარდება ყოველ 6 თვეში ერთხელ მაინც, შესაძლებელია უფრო ხშირადაც.

იგივე ტესტები ჩატარდება დოზის შეცვლისას. ეს ტესტებია:

• ბავშვთა და მოზარდთა სიმაღლისა და წონის გაზომვა

• არტერიული წნევის და გულისცემის სიხშირის გაზომვა

• შემოწმება, ხომ არ უარესდება გვერდითი მოვლენები ატექსის გამოყენებისას, ან ვითარდება თუ არა რაიმე პრობლემა

გრძელვადიანი მკურნალობა:

ატექსის უწყვეტი გამოყენება საჭირო არ არის. თუ თქვენ იყენებთ ატექსს ერთ წელზე მეტი ხნის განმავლობაში, თქვენი ექიმი განიხილავს თქვენს მკურნალობას იმის დასადგენად, საჭიროა თუ არა წამალი.

თუ თქვენ გაქვთ დამატებითი შეკითხვები ამ პროდუქტის გამოყენებასთან დაკავშირებით, მიმართეთ თქვენს ექიმს ან ფარმაცევტს.

4. შესაძლოგვერდითიმოვლენები

გვერდითი მოვლენები შეიძლება განვითარდეს ადამიანებში, რომლებიც მგრძნობიარე არიან ატექსის კომპონენტების მიმართ, როგორც ეს ხდება ყველა წამლის შემთხვევაში.

გვერდითი ეფექტების შესახებ ინფორმაციას მოგაწვდით თქვენი ექიმი.

ზოგიერთი გვერდითი ეფექტი შეიძლება იყოს მნიშვნელოვანი.

თუ შეამჩნევთ რომელიმე ქვემოთ ჩამოთვლილ გვერდით ეფექტს დაუყოვნებლივ მიმართეთ ექიმს.

არახშირი ეფექტები (ვლინდება 100-დან 1-ზე ნაკლებ პაციენტში):

• ძალიან სწრაფი გულისცემა ან შეგრძნება, არითმიული პულსი

• სუიციდური აზრები ან თვითმკვლელობის მცდელობა

• აგრესია

• არამეგობრული და გაბრაზებული (მტრული) გრძნობები

• ემოციური ლაბილობა ან ცვალებადობა

• მძიმე ალერგიული რეაქცია შემდეგი ჩვენებით

- სახის და ყელის შეშუპება 

- სირთულე შთაგონებაში

- ჭინჭრის ციება (შეშუპებული, ქავანა გამონაყარი კანზე)

• კრუნჩხვები

• ფსიქოზური რეაქციები, როგორიცაა რწმენა იმისა, რაც არ შეესაბამება სიმართლეს ან საეჭვოა, ჰალუცინაციები, როგორიცაა ხმების მოსმენა ან არარსებული საგნების დანახვა

ბავშვებში და 18 წლამდე მოზარდებში იზრდება შემდეგი გვერდითი ეფექტების რისკი:

• სუიციდური აზრები ან თვითმკვლელობა (შეიძლება განუვითარდეს 1-ზე ნაკლებ პაციენტს 100 პაციენტიდან)

• ემოციური ლაბილობა (შეიძლება გავლენა მოახდინოს 1-ზე ნაკლებ პაციენტზე 10 პაციენტიდან)

მოზრდილებში, მცირდება ისეთი გვერდითი ეფექტების რისკი, როგორიცაა

(შეიძლება განუვითარდეს 1-ზე ნაკლებ პაციენტს 1000 პაციენტიდან)

• კრუნჩხვები

• ხმების მოსმენა არარსებული  ნივთების დანახვა(ჰალუცინაციები);

ფსიქოზური სიმპტომები, მათ შორის იმის დაჯერება, რაც არ შეესაბამება სინამდვილეს ან სკეპტიციზმი

იშვიათი (შეიძლება განუვითარდეს 1-ზე ნაკლებ პაციენტს 1000 პაციენტიდან)

• ღვიძლის დაზიანება

თუ შეამჩნევთ რომელიმე ქვემოთ მოცემულ სიტუაციას, დაუყოვნებლივ აცნობეთ ექიმს ან მიმართეთ უახლოეს საავადმყოფოს სასწრაფო დახმარების განყოფილებას:

• შარდის გამუქება

• თვალების სკლერების და კანის გაყვითლება

• მუცლის ტკივილი (მგრძნობელობა), როდესაც ხელით აწვებით ნეკნების მარჯვენა მხარეს

• აუხსნელი გულისრევა

• დაღლილობა

• ქავილი

• დეპრესიის შეგრძნება გრიპის მსგავსი სიმპტომებით

სხვა მოხსენებული გვერდითი ეფექტები მოიცავს: თუ ეს ეფექტები აშკარად გამოხატული გახდება, გთხოვთ, აცნობეთ თქვენს ექიმს ან ფარმაცევტს.

ძალიან ხშირი გვერდითი ეფექტები (შესაძლოა გამოვლინდეს 10-დან 1-ზე მეტ პაციენტში)

გვერდითი ეფექტები გამოვლენილი ბავშვებში 6 წლის ზემოთ და მოზარდებში  :

• თავის ტკივილი

• მუცლის ტკივილი

• უმადობა (შიმშილის შეგრძნების არქონა)

• გულისრევა

• ღებინება

• ძილიანობა

• არტერიული წნევის მომატება

• გულისცემის სიხშირის გაზრდა (პულსის გახშირება)

პაციენტების უმრავლესობაში ეს მოვლენები ცოტა ხანში ქრება.

მოზრდილები:

• გულისრევა

• ქსეროსტომია

• თავის ტკივილი

• უმადობა (შიმშილის შეგრძნების  არქონა)

• ძილიანობა, ძილად მივარდნა, დილით ადრე გაღვიძების პრობლემა

• არტერიული წნევის მომატება

• გულისცემის სიხშირის გაზრდა (პულსის გახშირება)

ხშირი გვერდითი მოვლენები (შესაძლოა განვითარდეს 10-დან 1-ზე ნაკლებ პაციენტში)

ბავშვებში 6 წლის ზემოთ და მოზარდებში მოხსენიებულია გვერდითი ეფექტები:

• ნევროზულობა ან დაძაბულობა

• ძილიანობა, მათ შორის დილით ადრე გაღვიძების პრობლემები

• დეპრესია

• სევდის ან სასოწარკვეთილების განცდა

• შფოთვა

• ტიკები

• გუგების გაფართოება (თვალის მუქი ცენტრი)

• თავბრუსხვევა

• ყაბზობა

• მადის დაკარგვა

• კუჭის მხრივ დარღვევა, საჭმლის მონელების დარღვევა

• შეშუპება, სიწითლე და ქავილი კანზე

• გამონაყარი

• სისუსტე (ლეთარგია)

• დაღლილობა

• მკერდის ტკივილი

• წონაში დაკლება

მოზრდილები:

• დაძაბულობა

• სექსუალური ინტერესის დაქვეითება

• ძილის დარღვევა

• დეპრესია

• სევდის ან სასოწარკვეთის მდგომარეობა

• შფოთვა

• თავბრუსხვევა

• არანორმალური გემოვნება ან გემოვნების შეცვლა

• კანკალი

• ჩხვლეტა ან დაბუჟება ხელებსა და ტერფებში

• ძილიანობა, დაბუჟება, დაღლილობა

• ყაბზობა

• კუჭის ტკივილი

• საჭმლის მონელების დარღვევა

• კუჭ-ნაწლავის შეშუპება აირების გამო

• ღებინება

• აურა ან კანის სიწითლე

• ძალიან სწრაფი გულისცემა ან შეგრძნება

• შეშუპება, სიწითლე და ქავილი კანზე

• ოფლიანობის მომატება

• გამონაყარი

• შარდვის შეუძლებლობა, ხშირი შარდვა ან წყვეტილი შარდვა, ტკივილი შარდვის დროს

• პროსტატის ჯირკვლის ანთება (პროსტატიტი)

• საზარდულის ტკივილი მამაკაცებში

• ერექციის შეუძლებლობა

• ორგაზმის შეფერხება

• ერექციის შენარჩუნების სირთულე

• მენსტრუალური სპაზმები

• ძალის ან ენერგიის დეფიციტი

• დაღლილობა

• ლეთარგია

• სიცივის შეგრძნება

• ნევროზულობა, დაძაბულობა

• წყურვილის შეგრძნება

• წონაში დაკლება

არახშირი გევრდითი ეფექტები (შესაძლოა გამოვლინდეს 100-დან 1-ზე ნაკლებ პაციენტში)

ბავშვებში 6 წლის ზემოთ და მოზარდებში:

• დაღლილობა

• კანკალი

• შაკიკი

• ბუნდოვანი ხედვა

• არანორმალური შეგრძნებები, როგორიცაა წვა საჭმლის მომნელებელ ტრაქტში, დაბუჟება, ქავილი ან ჩხვლეტა

• ჩხვლეტა ან დაბუჟება ხელებსა და ტერფებში

• კრუნჩხვები

• ძალიან სწრაფი გულისცემა ან შეგრძნება

• ჰაერის უკმარისობა

• ოფლიანობის მომატება

• კანის ქავილი

• ძალის ან ენერგიის დეფიციტი

მოზრდილები:

• მოუსვენრობა

• ტიკები

• დაღლილობა

• შაკიკი

• ბუნდოვანი ხედვა

• არანორმალური გულის რითმი

• შემცივნება ხელებსა და თითებში

• ტკივილი მკერდში

• ჰაერის უკმარისობა

• შეშუპებული, წითელი, ქავანა გამონაყარი (ჭინჭრის ციება)

• კუნთის სპაზმები

• შარდის შემცირება

• არანორმალური ორგაზმი ან ანორგაზმია

• არარეგულარული მენსტრუაცია

• ეაკულაციის შეუძლებლობა

იშვიათი გვერდითი მოვლენები (შესაძლოა განვითარდეს 1000-დან 1-ზე ნაკლებ პაციენტში)

ბავშვებში და მოზარდებში  6 წლის ზემოთ:

• ცუდი სისხლის მიმოქცევა, რაც იწვევს ხელების და ფეხის თითების დაბუჟებას და ფერმკრთალ ფერს (რეინოს დაავადება)

• შარდვის პრობლემები, როგორიცაა ხშირი შარდვა ან წყვეტილი შარდვა, ტკივილი შარდვის დროს

• გახანგრძლივებული ერექცია ან მტკივნეული ერექცია

• საზარდულის ტკივილი მამაკაცებში

მოზრდილები :

• დარღვეული სისხლის მიმოქცევა, რაც იწვევს ხელების და ფეხის თითების დაბუჟებას და ფერმკრთალ ფერს (რეინოს დაავადება)

• გახანგრძლივებული ერექცია ან მტკივნეული ერექცია  

ზრდაზე ზემოქმედება: 

ატექსის გამოყენებისას ზოგიერთ ბავშვს აღენიშნება ზრდის შეფერხება (სიმაღლე და წონა). თუმცა, ხანგრძლივი მკურნალობით, ბავშვების სიმაღლე და წონა უბრუნდება ასაკის ნორმალურ დონეს. ექიმი დროთა განმავლობაში აკონტროლებს ბავშვის სიმაღლეს და წონას. თუ ბავშვი არ იმატებს წონაში ან არ იზრდება ისე, როგორც მოსალოდნელია, ექიმმა შეიძლება შეცვალოს ბავშვის დოზა ან გადაწყვიტოს დროებით შეწყვიტოს ატექსით მკურნალობა.

თუ თქვენ შენიშნეთ გვერდითი ეფექტი, რომელიც არ არის აღწერილი ამ ჩანართში, აცნობეთ თქვენს ექიმს ან ფარმაცევტს.

შეტყობინებაგვერდითიეფექტებისშესახებ

თუ თქვენ გაქვთ რაიმე გვერდითი ეფექტი, რომელიც ჩამოთვლილია ან არ არის ჩამოთვლილი ამ გამოყენების ინსტრუქციაში, მიმართეთ თქვენს ექიმს, ფარმაცევტს ან ექთანს. გვერდითი ეფექტების შეტყობინებით, თქვენ შეგიძლიათ დახმარების გაწევა ამ მედიკამენტის უსაფრთხოების შესახებ მეტი ინფორმაციის მიწოდებაში.

5. ატექსის შენახვის წესი

შეინახეთ ატექსი ორიგინალურ შეფუთვაში, ბავშვებისათვის მიუწვდომელ და უხილავ ადგილზე. 

შეინახეთ 25ºC-ზე დაბალ ტემპერატურაზე.

გამოიყენეთვარგისობისვადისშესაბამისად.

არ გამოიყენოთ ატექსი შეფუთვაზე მითითებული ვარგისიანობის ვადის გასვლის შემდეგ.

თუ შეამჩნევთ დეფექტს პროდუქტზე და/ან შეფუთვაზე, არ გამოიყენოთ ატექსი.

გარემოს დაცვის მიზნით არ გადააგდოთ გამოუყენებელი ატექსი გამდინარე წყლებში ან ნაგავში,. გთხოვთ მიმართოთ თქვენს ფარმაცევტს ამასთან დაკავშირებით.