გლუკოსტოპი 1000მგ #28ტ შუშ

გლუკოსტოპი® 1000 მგ

შუშხუნა ტაბლეტე 

შემადგენლობა

აქტიური ნივთიერება: მეტფორმინის ჰიდროქლორიდი.

გლუკოსტოპის 1000 მგ შუშხუნა ტაბლეტი შეიცავს 1000 მგ მეტფორმინის ჰიდროქლორიდს, რაც შეესაბამება 780 მგ მეტფორმინის ბაზას.

სხვა ინგრედიენტები: პოვიდონი (PVP K-30), ნატრიუმის ჰიდროკარბონატი, ნატრიუმის კარბონატი, ლიმონის არომატი ფხვნილში (ბუნებრივი არომატიზატორები, მალტოდექსტრინი, მოდიფიცირებული სახამებელი E1450, საქაროზა), ლიმონმჟავა, კალიუმის აცესულფამი, იზომალტი, ნატრიუმის ციკლამატი, გლიცინი.

გამოყენება

გლუკოსტოპი შეიცავს მეტფორმინს, რომელიც შაქრიანი დიაბეტის სამკურნალო საშუალებაა. იგი მიეკუთვნება ბიგუანიდების ჯგუფს.

ინსულინი პანკრეასის მიერ გამომუშავებული ჰორმონია, რომელიც ორგანიზმში სისხლიდან გლუკოზის (შაქრის) მიღებას ახდენს. ორგანიზმი გლუკოზას იყენებს  ენერგიის წარმოებისთვის ან ინახავს მას მომავალი გამოყენებისთვის.

დიაბეტის დროს პანკრეასი არ გამოიმუშავებს საკმარის ინსულინს ან ორგანიზმს არ შეუძლია სათანადოდ გამოიყენოს მის მიერ გამომუშავებული ინსულინი. ეს იწვევს სისხლში გლუკოზის მაღალ დონეს. გლუკოსტოპი ხელს უწყობს სისხლში გლუკოზის დაწევას ნორმალურ დონესთან მიახლოებულად.

გლუკოსტოპის ხანგრძლივი დროის განმავლობაში მიღება ასევე ეხმარება ჭარბწონიან მოზრდილებს დიაბეტის გართულებების რისკის შემცირებაში. გლუკოსტოპი ასოცირდება წონის სტაბილურობასთან ან წონის ზომიერ კლებასთან.

გლუკოსტოპი გამოიყენება  ტიპი 2 დიაბეტის (ასევე უწოდებენ "არაინსულინდამოკიდებულ დიაბეტს") მქონე პაციენტების სამკურნალოდ, როდესაც მხოლოდ დიეტა და ვარჯიში საკმარისი არ არის სისხლში გლუკოზის დონის გასაკონტროლებლად. პრეპარატი გამოიყენება განსაკუთრებით ჭარბი წონის მქონე პაციენტებში.

მოზრდილებს შეუძლიათ გლუკოსტოპის დამოუკიდებლად მიღება ან დიაბეტის სამკურნალო სხვა სამკურნალო საშუალებებთან (პერორალურად მისაღბი მედიკამენტებთნ ან ინსულინთან) ერთად.

10 წელზე უფროსი ასაკის ბავშვებსა და მოზარდებს შეუძლიათ გლუკოსტოპის მიღება დიაბეტის სამკურნალო საშუალებებისაგან დამოუკიდებლად ან ინსულინთან ერთად.

უკუჩვენება

პრეპარატი არ გამოიყენება შემდეგ შემთხვევებში:

● ალერგია მეტფორმინის ან ამ პრეპარატის რომელიმე სხვა ინგრედიენტის მიმართ (ჩამოთვლილია შემადგენლობაში);

● ღვიძლის პრობლემები;

● თირკმლის ფუნქციის მკვეთრი დაქვეითება;

● უკონტროლო დიაბეტი, მაგალითად, მძიმე ჰიპერგლიკემიით (სისხლში გლუკოზის მაღალი დონე), გულისრევა, ღებინება, დიარეა, წონის სწრაფი კლება, ლაქტოაციდოზი (იხილეთ „ლაქტოაციდოზის რისკი“ ქვემოთ) ან კეტოაციდოზი. კეტოაციდოზი მდგომარეობაა, რომლის დროსაც სისხლში გროვდება კეტონური სხეულები  და შეიძლება გამოიწვიოს დიაბეტური პრეკომა. სიმპტომები მოიცავს კუჭის ტკივილს, სწრაფ და ღრმა სუნთქვას, ძილიანობას ან სუნთქვისას დამახასიათებელ უჩვეულო ხილის სუნს;

● ორგანიზმის გაუწყლოვნება (დეჰიდრატაცია), მაგალითად, ხანგრძლივი ან მძიმე დიარეის გამო, ან  ზედიზედ რამდენიმეჯერ ღებინებისას. დეჰიდრატაციამ შეიძლება გამოიწვიოს თირკმლის პრობლემები, რაც  ლაქტოაციდოზის რისკს ქმნის (იხილეთ „გაფრთხილებები და სიფრთხილის ზომები“ ქვემოთ);

● მძიმე ინფექცია, მათ შორის ინფექცია, რომელიც გავლენას ახდენს ფილტვებზე ან ბრონქულ სისტემაზე ან თირკმლზე. მძიმე ინფექციებმა შეიძლება გამოიწვიოს თირკმლის პრობლემები, რაც შეიძლება  ლაქტოაციდოზის რისკის მიზეზი გახდეს (იხ. „გაფრთხილებები და სიფრთხილის ზომები“);

● გულის მწვავე უკმარისობის მკურნალობა ან ცოტა ხნის წინ გადატანილი გულის შეტევა, სისხლის მიმოქცევის მძიმე პრობლემები (როგორიცაა შოკი) ან  სუნთქვის გაძნელება. ასეთ შემთხვევაში მოსალოდნელია ქსოვილებში ჟანგბადის მიწოდების დაქვეითება, რაც   შესაძლოა ლაქტოაციდოზის მიზეზი გახდეს  (იხ. „გაფრთხილებები და სიფრთხილის ზომები“);

● დიდი რაოდენობით ალკოჰოლის მიღება.

ზემოთ ჩამოთვლილთაგან რომელიმესთან შემხებლობის შემთხვევაში, პრეპარატის მიღებამდე მიმართეთ თქვენს ექიმს.

აუცილებლად მიმართეთ ექიმს რჩევისთვის, თუ:

● უნდა ჩაგიტარდეთ გამოკვლევა, როგორიცაა რენტგენი ან სკანირება, რომელიც გულისხმობს იოდის შემცველი კონტრასტული მედიკამენტების ინექციას  სისხლის მიმოქცევაში;

● უნდა ჩაგიტარდეთ სერიოზული ოპერაცია;

გლუკოსტოპის მიღება უნდა შეწყვიტოთ გარკვეული პერიოდის განმავლობაში გამოკვლევამდე და ოპერაციის შემდეგ.  ექიმი გადაწყვეტს, გჭირდებათ თუ არა სხვა მკურნალობა ამ დროისთვის. მნიშვნელოვანია, რომ ზუსტად მიჰყვეთ ექიმის მითითებებს.

გაფრთხილებები და სიფრთხილის ზომები

გლუკოსტოპის მიღებამდე გაესაუბრეთ თქვენს ექიმს ან ფარმაცევტს.

ლაქტოაციდოზის რისკი

გლუკოსტოპმა შეიძლება გამოიწვიოს ძალიან იშვიათი, მაგრამ ძალიან სერიოზული გვერდითი მოვლენა სახელწოდებით ლაქტოაციდოზი, განსაკუთრებით თირკმლის ფუნქციის დარღვევისას. ლაქტოაციდოზის განვითარების რისკი ასევე იზრდება უკონტროლო შაქრიანი დიაბეტის, სერიოზული ინფექციების, გახანგრძლივებული შიმშილის ან ალკოჰოლის მიღების, დეჰიდრატაციის (იხილეთ დამატებითი ინფორმაცია ქვემოთ), ღვიძლის პრობლემების და ნებისმიერი სამედიცინო მდგომარეობის დროს (როგორიცაა გულის მწვავე მძიმე დაავადება), როდესაც ორგანიზმს ჟანგბადი შემცირებულად მიეწოდება. ზემოთ ჩამოთვლილ რომელიმე შემთხვევასთან შემხებლობისას, მიმართეთ თქვენს ექიმს დამატებითი ინსტრუქციებისთვის.

შეწყვიტეთ გლუკოსტოპის მიღება მცირე ხნით

თუ გაქვთ მდგომარეობა, რომელიც შეიძლება ასოცირებული იყოს დეჰიდრატაციასთან (ორგანიზმში სითხის მნიშვნელოვანი დაკარგვასთან). დეჰიდრატაციის მიზეზი შეიძლება იყოს ძლიერი ღებინება, დიარეა, ცხელება, სითბოს ზემოქმედება ან ნორმაზე ნაკლები სითხის მიღება. დამატებითი ინსტრუქციებისთვის მიმართეთ თქვენს ექიმს.

შეწყვიტეთ გლუკოსტოპის მიღება და დაუყოვნებლივ მიმართეთ ექიმს ან უახლოეს საავადმყოფოს, თუ გამოვლინდება ლაქტოაციდოზის ზოგიერთი სიმპტომი, რადგან ამან შეიძლება გამოიწვიოს კომა.

ლაქტოაციდოზის სიმპტომები მოიცავს შემდეგს:

• ღებინება;

• კუჭის ტკივილი (მუცლის ტკივილი);

• კუნთების კრუნჩხვები;

• ზოგადი  სისუსტე ძლიერი დაღლილობით;

• სუნთქვის გაძნელება;

• სხეულის ტემპერატურისა და გულისცემის დაქვეითება.

ლაქტოაციდოზი საჭიროებს გადაუდებელ სამედიცინო დახმარებას და მისი მკურნალობა უნდა მოხდეს საავადმყოფოში.

სერიოზული ქირურგიული ჩარევის საჭიროების შემთხვევაში, უნდა შეწყვიტოთ გლუკოსტოპის მიღება პროცედურის დროს და გარკვეული პერიოდის შემდეგ. ექიმი გადაწყვეტს, როდის უნდა შეწყვიტოთ და განაახლოთ  გლუკოსტოპით მკურნალობა.

გლუკოსტოპი თავისთავად არ იწვევს ჰიპოგლიკემიას (სისხლში გლუკოზის  ძალიან დაბალ დონეს). თუმცა, გლუკოსტოპის მიღებისას დიაბეტის სამკურნალო სხვა საშუალებებთან ერთად (როგორიცაა სულფონილშარდოვანას წარმოებულები, ინსულინი, მეგლიტინიდები), რომლებმაც შეიძლება  ჰიპოგლიკემია გამოიწვიოს, არსებობს ჰიპოგლიკემიის რისკი.   ჰიპოგლიკემიის ისეთი სიმპტომების, როგორიცაა სისუსტე, თავბრუსხვევა, ოფლიანობა, ტაქიკარდია, მხედველობის დარღვევა ან კონცენტრაციის გაძნელება, შემცირებას ჩვეულებრივ ხელს უწყობს შაქრის შემცველი საკვების ან სასმელის მიღება.

ხანდაზმულებში და/ან თირკმელების ფუნქციის გაუარესებისას გლუკოსტოპით მკურნალობის დროს, ექიმი აკონტროლებს თირკმლის ფუნქციას წელიწადში ერთხელ მაინც ან უფრო ხშირად.

სხვა მედიკამენტები და გლუკოსტოპი

გამოკვლევის საჭიროებისას, როგორიცაა რენტგენი ან სკანირება, რომელიც მოიცავს იოდის შემცველი კონტრასტული ნივთიერების შეყვანას  სისხლში,  უნდა შეწყდეს გლუკოსტოპის მიღება ინექციის წინ ან ინექციის დროს. ექიმი გადაწყვეტს, როდის უნდა შეწყდეს და განახლდეს გლუკოსტოპით მკურნალობა.

აცნობეთ ექიმს, თუ იღებთ, ცოტა ხნის წინ მიიღეთ ან შესაძლოა მიიღოთ სხვა მედიკამენტები. შეიძლება საჭირო გახდეს  სისხლში გლუკოზის და თირკმლის ფუნქციის უფრო ხშირი ტესტები, ან ექიმმა შეიძლება გადაწყვიტოს გლუკოსტოპის დოზის კორექტირება.  ურთიერთქმედების თვალსაზრისით განსაკუთრებით საყურადღებოა შემდეგი ჯგუფის მედიკამენტები:

• მედიკამენტები, რომლებიც ზრდიან შარდის გამომუშავებას (დიურეზული საშუალებები);

• მედიკამენტები, რომლებიც გამოიყენება ტკივილისა და ანთების სამკურნალოდ (ანთების საწინააღმდეგო არასტეროიდული საშუალებები და COX-2-ის ინჰიბიტორები, როგორიცაა იბუპროფენი და ცელეკოქსიბი);

• არტერიული ჰიპერტენზიის სამკურნალო გარკვეული მედიკამენტები (აგფ ინჰიბიტორები და ანგიოტენზინ II რეცეპტორების ანტაგონისტები);

• ბეტა-2 ადრენომიმეტიკები, როგორიცაა სალბუტამოლი ან ტერბუტალინი (გამოიყენება ასთმის სამკურნალოდ);

• კორტიკოსტეროიდები (გამოიყენება სხვადასხვა მდგომარეობის სამკურნალოდ, როგორიცაა კანის მძიმე ანთება ან ასთმის დროს);

• მედიკამენტები, რომლებსაც შეუძლია სისხლში გლუკოსტოპის რაოდენობის შეცვლა, განსაკუთრებით თირკმლის ფუნქციის დაქვეითებისას (როგორიცაა ვერაპამილი, რიფამპიცინი, ციმეტიდინი, დოლუტეგრავირი, რანოლაზინი, ტრიმეტოპრიმი, ვანდეტანიბი, იზავუკონაზოლი, კრიზოტინიბი, ოლაპარიბი).

• დიაბეტის სამკურნალო სხვა მედიკამენტები.

გლუკოსტოპი ალკოჰოლთან ერთად

გლუკოსტოპის მიღებისას მოერიდეთ ალკოჰოლის გადაჭარბებულ მოხმარებას,  რადგან ამან შეიძლება გაზარდოს ლაქტოაციდოზის განვითარების რისკი (იხილეთ ნაწილი „გაფრთხილებები და სიფრთხილის ზომები“).

ორსულობა და ძუძუთი კვება

ორსულობის დროს დიაბეტის სამკურნალოდ გამოიყენება ინსულინი. თუ ხართ ორსულად ან ძუძუთი კვებავთ, ფიქრობთ, რომ შეიძლება იყოთ ორსულად ან გეგმავთ ბავშვის გაჩენას, ამ მედიკამენტის მიღებამდე რჩევისთვის მიმართეთ თქვენს ექიმს ან ფარმაცევტს  მკურნალობის შესაცვლელად.

პრეპარატი ნაჩვენები არ არის  ძუძუთი კვებისას ან თუ გეგმავთ ბავშვის ძუძუთი კვებას.

 ვტომობილის და მექანიზმების მართვა

გლუკოსტოპი თავისთავად არ იწვევს ჰიპოგლიკემიას (სისხლში გლუკოზის ძალიან დაბალ დონეს). ეს ნიშნავს, რომ ის გავლენას არ მოახდენს ავტომობილის მართვის ან მექანიზმებთან მუშაობის უნარზე.

თუმცა, განსაკუთრებული სიფრთხილეა საჭირო, თუ იღებთ გლუკოსტოპს დიაბეტის სამკურნალო სხვა საშუალებებთან ერთად, რომლებმაც შეიძლება გამოიწვიოს  ჰიპოგლიკემია (როგორიცაა სულფონილშარდოვანას მჟავები, ინსულინი, მეგლიტინიდები).  ჰიპოგლიკემიის სიმპტომებია სისუსტე, თავბრუსხვევა, მომატებული ოფლიანობა, ტაქიკარდია, მხედველობის დარღვევა ან კონცენტრაციის გაძნელება.  ამ სიმპტომების განვითარების შემჩნევის შემთხვევაში, არ მართოთ ავტომობილი ან არ გამოიყენოთ მექანიზმები.

გლუკოსტოპი შეიცავს ნატრიუმს

პრეპარატი თითოეულ შუშხუნა ტაბლეტში  შეიცავს 105,20 მგ ნატრიუმს (საკვები/სუფრის მარილის ძირითადი ინგრედიენტი), რაც უდრის მოზრდილთათვის ნატრიუმის მაქსიმალური დღიური მოხმარების 5.3%-ს. ვინაიდან გლუკოსტოპის შუშხუნა ტაბლეტი 1000მგ ტაბლეტი შეიცავს ნატრიუმის გაზრდილ რაოდენობას,  რეკომენდებული არ არის პაციენტებში, რომლებიც იმყოფებიან უმარილო დიეტაზე (თირკმლის ან გულის დაავადებების მქონე პაციენტებში). 

გლუკოსტოპი შეიცავს იზომალტს

ზოგიერთი შაქრის მიმართ აუტანლობისას, ამ სამკურნალო პროდუქტის მიღებამდე მიმართეთ თქვენს ექიმს.

გლუკოსტოპი შეიცავს საქაროზას

ზოგიერთი შაქრის მიმართ აუტანლობისას, ამ სამკურნალო პროდუქტის მიღებამდე მიმართეთ თქვენს ექიმს.

შეიძლება საზიანო იყოს კბილებისთვის.

მიმართეთ თქვენს ექიმს, სანამ დაიწყებთ ამ პრეპარატის მიღებას.

დოზირება და მიღების წესი

პრეპარატი ყოველთვის მიიღეთ ზუსტად ისე, როგორც ექიმმა გითხრათ. თუ არ ხართ დარწმუნებული, მიმართეთ თქვენს ექიმს ან ფარმაცევტს.

გლუკოსტოპი ვერ ჩაანაცვლებს ჯანსაღი ცხოვრების წესის სარგებელს. განაგრძეთ დიეტის შესახებ ექიმის ნებისმიერი რჩევის დაცვა და რეგულარულად ივარჯიშეთ.

რეკომენდებული დოზა

გამოყენება ბავშვებში და მოზარდებში

10 წლის და  უფროსი ასაკის ბავშვები და მოზარდები ჩვეულებრივ იწყებენ 500 მგ ან 850 მგ მეტფორმინით დღეში ერთხელ. მაქსიმალური სადღეღამისო დოზა არის 2000 მგ, რომელიც უნდა გაიყოს 2 ან 3 დოზად. 10-დან 12 წლამდე ასაკის ბავშვების მკურნალობა რეკომენდირებულია მხოლოდ ექიმის რჩევით, რადგან ამ ასაკობრივ ჯგუფში გამოცდილება შეზღუდულია.

მოზრდილები

მოზრდილები ჩვეულებრივ იწყებენ 500 მგ ან 850 მგ მეტფორმინის ორჯერ ან სამჯერ დღეში. მაქსიმალური სადღეღამისო დოზა არის 3000 მგ გაყოფილი 3 დოზად.

თირკმლის ფუნქციის დაქვეითებისას, ექიმმა შეიძლება დანიშნოს უფრო დაბალი დოზა.

ინსულინით მკურნალობისას   გლუკოსტოპის მიღებას  განსაზღვრავს ექიმი.

მონიტორინგი

● ექიმის მიერ ტარდება სისხლში გლუკოზის რეგულარული ანალიზი და მის მიერ განისაზღვრება გლუკოსტოპის დოზის მორგება სისხლში გლუკოზის დონესთან. აუცილებელია ექიმთან რეგულარული კონსულტაცია. ეს განსაკუთრებით მნიშვნელოვანია ბავშვებისა და მოზარდებისთვის, ასევე ხანდაზმულთათვის.

● ექიმის მიერ ასევე  წელიწადში ერთხელ მაინც მოწმდება,  თირკმლის ფუნქცია. ხანდაზმულებში ან თირკმლის ფუნქციის პრობლემისას შეიძლება საჭირო გახდეს უფრო ხშირი შემოწმება.

გლუკოსტოპის მიღება

გლუკოსტოპი ტაბლეტები მიიღება ჭამის დროს ან მის შემდეგ. ეს უზრუნველყოფს საჭმლის მონელების მხრივ გვერდითი მოვლენების განვითარების თავიდან აცილებას.

გლუკოსტოპის შუშხუნა ტაბლეტები მიღებამდე იხსნება ჭიქა წყალში. ტაბლეტი შეიძლება დაიყოს ორ თანაბარ დოზად. შუშხუნა ტაბლეტის დარჩენილი ნაწილი, თუ დაუყოვნებლივ არ გამოიყენება, უნდა განადგურდეს.

● თუ იღებთ ერთ დოზას დღეში, მიიღეთ დილით (საუზმის დროს).

● თუ იღებთ დღეში ორად გაყოფილ დოზას, მიიღეთ ერთი დილით (საუზმეზე) და ერთი საღამოს (სადილზე).

● თუ იღებთ დღეში სამად გაყოფილ დოზას, მიიღეთ ერთი დილით (საუზმეზე), ერთი შუადღეს (მეორე საუზმეზე) და ერთი საღამოს (სადილზე).

თუ გარკვეული პერიოდის შემდეგ ფიქრობთ, რომ გლუკოსტოპის ეფექტი ძალიან ძლიერი ან სუსტია, მიმართეთ თქვენს ექიმს ან ფარმაცევტს.

ჭარბი დოზა

საჭიროზე მეტი გლუკოსტოპის მიღების შემთხვევაში, შეიძლება განვითარდეს ლაქტოაციდოზი. ლაქტოაციდოზის სიმპტომები არასპეციფიკურია და მოიცავს ღებინებას, კუჭის ტკივილს (მუცლის ტკივილს) კუნთების კრუნჩხვით, სისუსტეს ძლიერი დაღლილობით და სუნთქვის გაძნელებას. შემდგომი სიმპტომებია სხეულის ტემპერატურის და გულისცემის დაქვეითება.

თუ შეამჩნევთ რაიმე არასასურველ ეფექტს, დაუყოვნებლივ უნდა მიმართოთ სამედიცინო დახმარებას, რადგან ლაქტოაციდოზმა შეიძლება გამოიწვიოს კომა. დაუყოვნებლივ შეწყვიტეთ გლუკოსტოპის მიღება და მიმართეთ ექიმს ან უახლოეს საავადმყოფოს.

დოზის გამოტოვება

არ მიიღოთ ორმაგი დოზა გამოტოვებული დოზის კომპენსირებისთვის.

მიიღეთ შემდეგი დოზა ჩვეულ დროს.

თუ გაქვთ დამატებითი შეკითხვები ამ პროდუქტის გამოყენებასთან დაკავშირებით, მიმართეთ თქვენს ექიმს ან ფარმაცევტს.

შესაძლო გვერდითი ეფექტები

ყველა პრეპარატის მსგავსად, ამ პრეპარატსაც შეუძლია გამოიწვიოს გვერდითი ეფექტები, თუმცა ისინი ყველა ინდივიდში არ ვითარდება. შესაძლებელია განვითარდეს შემდეგი გვერდითი ეფექტები:

გლუკოსტოპმა შეიძლება გამოიწვიოს ძალიან იშვიათი (შეიძლება განვითარდეს 10000-დან 1-მდე ადამიანში), მაგრამ ძალიან სერიოზული გვერდითი ეფექტი სახელწოდებით ლაქტოაციდოზი (იხილეთ ნაწილი „გაფრთხილებები და სიფრთხილის ზომები“). თუ ეს განვითარდა, უნდა შეწყვიტოთ გლუკოსტოპის მიღება და დაუყოვნებლივ მიმართოთ ექიმს ან უახლოეს საავადმყოფოს, რადგან ლაქტაციდოზმა შეიძლება გამოიწვიოს კომა.

ძალიან ხშირი გვერდითი ეფექტები (10-დან 1-ზე მეტ ადამიანში)

● საჭმლის მომნელებელი სისტემის პრობლემები, როგორიცაა გულისრევა, ღებინება, დიარეა, კუჭის ტკივილი (მუცლის ტკივილი) და მადის დაკარგვა. ეს გვერდითი ეფექტები ყველაზე ხშირად ვითარდება გლუკოსტოპით მკურნალობის დასაწყისში. აღნიშნულის თავიდან აცილება შეიძლება დოზების განაწილებით დღის განმავლობაში და გლუკოსტოპის მიღებით ჭამის დროს ან უშუალოდ ჭამის შემდეგ. თუ სიმპტომები გაგრძელდა, შეწყვიტეთ გლუკოსტოპის მიღება და კონსულტაციისთვის მიმართეთ ექიმს.

ხშირი გვერდითი ეფექტები (10-დან 1-ზე ნაკლებ ადამიანში)

● გემოს ცვლილებები.

ძალიან იშვიათი გვერდითი ეფექტები (10000-დან 1-ზე ნაკლებში)

● ლაქტოაციდოზი. ეს არის ძალიან იშვიათი, მაგრამ სერიოზული გართულება, განსაკუთრებით თირკმლის ფუნქციის პრობლემისას.

ლაქტოაციდოზის სიმპტომები არასპეციფიკურია (იხ. ნაწილი „გაფრთხილებები და სიფრთხილის ზომები“).

● დარღვევები ღვიძლის ფუნქციურ ტესტებში ან ჰეპატიტი (ღვიძლის ანთება, რამაც შეიძლება გამოიწვიოს დაღლილობა, მადის დაკარგვა, წონაში დაკლება, კანის ან თვალების სკლერების გაყვითლებით ან მის გარეშე). თუ ეს განვითარდა, შეწყვიტეთ ამ პრეპარატის მიღება და დაუყოვნებლივ მიმართეთ ექიმს.

● კანის რეაქციები, როგორიცაა კანის სიწითლე (ერითემა), ქავილი ან ქავილის გამონაყარი (ჭინჭრის ციება).

● სისხლში B12 ვიტამინის დაბალი დონე.

ბავშვები და მოზარდები

ბავშვებსა და მოზარდებში შეზღუდულმა მონაცემებმა აჩვენა, რომ გვერდითი ეფექტები თავისი ხასიათით და სიმძიმით მოზრდილებში გამოვლენილი ეფექტების მსგავსი იყო.

გვერდითი ეფექტების შესახებ ინფორმირება

რაიმე გვერდითი ეფექტის განვითარების შემთხვევაში, მიმართეთ თქვენს ექიმს ან ფარმაცევტს. მათ შორის ნებისმიერი ისეთი გვერდითი ეფექტის განვითარების შესახებ, რომელიც ზემოთ აღნიშნული არ არის.  არასასურველი ეფექტების შესახებ შესაძლებელი შეატყობინოთ მედიკამენტების ეროვნულ ორგანიზაციას (EOF), 284 Mesogeion Avenue, GR-15562 Cholargos, Athens, ტელ: +30 21 32040380/337, ფაქსი: +30 21 06549585, ვებგვერდი: http://www.eof.gr. გვერდითი ეფექტების შეტყობინება ხელს უწყობს ამ მედიკამენტის უსაფრთხოების შესახებ მეტი ინფორმაციის მიწოდებას.

შენახვის წესი

პრეპარატი შეინახეთ ბავშვებისთვის მიუწვდომელ ადგილას. თუ ბავშვი მკურნალობს გლუკოსტოპით, მშობლებსა და მომვლელებს ურჩევენ, თვალყური ადევნონ ამ მედიკამენტის გამოყენებას.

არ შეინახოთ 25⁰C-ზე მაღალ ტემპერატურაზე.

არ გამოიყენოთ ეს პრეპარატი კოლოფზე ან პაკეტზე "EXP"-ის შემდეგ მითითებული ვარგისობის ვადის გასვლის შემდეგ. ვარგისობის ვადა ეხება მითითებული თვის ბოლო დღეს.

არ გადააგდოთ პრეპარატები კანალიზაციაში ან საყოფაცხოვრებო ნაგავში. ჰკითხეთ ფარმაცევტს, როგორ გადაყაროთ პრეპარატები, რომლებსაც აღარ იყენებთ. ეს ზომები ხელს შეუწყობს გარემოს დაცვას.

გლუკოსტოპის გარეგნული აღწერა და შეფუთვის შიგთავსი

გლუკოსტოპი 1000 მგ შუშხუნა ტაბლეტები შეფუთულია:

1. პოლიპროპილენის ტუბებში დამცავი თავსახურით. თითოეული შეფუთვა (მუყაოს კოლოფი) შეიცავს 7 შუშხუნა ტაბლეტის 4 ტუბს და შეფუთვის ერთ  ფურცელს.

2. ალუმინის-პოლიეთილენის ფირფიტები. თითოეული შეფუთვა (მუყაოს კოლოფი) შეიცავს 14 ფირფიტას, თითოეულში 2 შუშხუნა ტაბლეტი და  შეფუთვის ერთ ფურცელს.

3. ალუმინის-პოლიეთილენის ფირფიტები. თითოეული შეფუთვა (მუყაოს კოლოფი) შეიცავს 7 ფირფიტას, თითოეულში 4 შუშხუნა ტაბლეტი და შეფუთვის ფურცელს.

შესაძლოა ყველა ზომის შეფუთვა არ იყოს გაყიდვაში.

სავაჭრო ნებართვის მფლობელი და მწარმოებელი

სავაჭრო ნებართვის მფლობელი

IOULIA & IRENE TSETIS PHARMACEUTICAL LABORATORIES S.A., როგორც"INTERMED S.A."

27, კალიფტაკის ქუჩა, კიფისია 145 64

ტელ: 210 6253 905

ფაქსი: 210 6253906

ელ. ფოსტა: [email protected]

მწარმოებელი

UNI-PHARMA KLEON TSETIS PHARMACEUTICAL LABORATORIES S.A.

მე-14 კმ ნეშენალ როუდი ათენი - ლამია 1

145 64 კიფისია

ტელ: 210 8072512

ფაქსი: 210 8078907

ელ-ფოსტა: [email protected]