ექსპიგმენტი 4% 30გ კრემი(თურქ)

ექსპიგმენტი 4% კრემი

• მოქმედი ნივთიერება: კრემის თითოეული გრამი შეიცავს 40 მგ ჰიდროქინონს.
• დამხმარე ნივთიერებები: ბუტილმეტოქსიდიბენზოილმეთანი, 3-(4-მეთილბენზილიდენი)- ქაფური, ლიმონმჟავას მონოჰიდრატი, სორბინის მჟავა, თეთრი რბილი ვაზელინი, ციკლომეთიკონი, იზოპროპილმირისტატი, ცეტოსტეარილის სპირტი,  ნატრიუმის ლაურილის სულფატი, თხევადი პარაფინი, დინატრიუმის EDTA (ეთილენდიამინტეტრაძმარმჟავა), ბუტილ ჰიდროქსიანიზოლი (E320), სუფთა წყალი.

1. ექსპიგმენტი და მისი გამოყენება

• ექსპიგმენტი არის პრეპარატი, რომელიც განკუთვნილია კანის ზედაპირზე გარეგანი გამოყენებისთვის და მიეკუთვნება სხვა დერმატოლოგიური პრეპარატების სახელით ცნობილ ჯგუფს.
• ექსპიგმენტის 1 გრამი მოქმედი ნივთიერების  სახით შეიცავს 40 მგ ჰიდროქინონს. ჰიდროქინონი კანის ფერის გამაღიავებელი თვისების მქონე ნივთიერებაა.
• ექსპიგმენტი გამოყენებისთვის წარმოდგენილია 30 გრ კრემის შემცველი ალუმინის ტუბით, რომელიც პლასტიკური სახურავით არის დაცობილი.
• ექსპიგმენტი გამოიყენება კანის მუქი ფერის (ჰიპერპიგმენტაციის) მიდამოებში გაღიავების მიზნით. ექსპიგმენტის მოქმედი ნივთიერება - ჰიდროქინონის ეფექტი კანისთვის ფერის მიმცემი ნივთიერების მელანინის  წარმოების შენელებით ვლინდება. მელანინის პიგმენტების შემცირებით, კანის გამუქებული მიდამოები  თანდათან ნორმალურ ფერს უბრუნდება.

2.  ექსპიგმენტის გამოყენებამდე  საყურადღებო ინფორმაცია

ექსპიგმენტის გამოყენება დაუშვებელია შემდეგ შემთხვევებში:

• თუ გაქვთ ჰიდროქინონის ან ექსპიგმენტის შემადგენლობაში არსებული რომელიმე ნივთიერების მიმართ ალერგია ან მომატებული მგრძნობელობა.
• ლოკალური გამოყენების ჰიდროქინონის უსაფრთხოება ორსულობის პერიოდსა და ბავშვებში (12 წლამდე ასაკის) უცნობია.

ექსპიგმენტი სიფრთხილით გამოიყენება  ქვემოთ  მოცემული მდგომარეობის დროს.

• ექსპიგმენტიმხოლოდ  კანზე  გარეგანი გამოყენებისთვისაა განკუთვნილი.
• ექსპიგმენტის თვალებსა და ლორწოვანზე (ცხვირის ღრუს და პირის ღრუს მსგავსი) მოხვედრას მოერიდეთ. შემთხვევით თვალებთან კონტაქტის შემთხვევაში, მაშინვე წყლით ჩამოირეცხეთ და ექიმს მიმართეთ.
• ექსპიგმენტს მზისგან დაცვის ეფექტი გააჩნია, თუმცა  მზის დამწვრობის თავიდან აცილების მიზნით არ გამოიყენება.
• ექსპიგმენტის არასწორად გამოყენებისას, შეიძლება არასასურველი კოსმეტიკური ეფექტების განვითარება. პრეპარატი  კანის ფერის გამაღიავებელი პროდუქტია.
• ექსპიგმენტის გამოყენებამდე, კანის მგრძნობელობის განსაზღვრისთვის, მცირე რაოდენობით კრემი დაიტანეთ კანის იმ მიდამოში, რომელიც დაზიანებული არ არის და 24 საათის განმავლობაში დააკვირდით. მსუბუქი სიწითლის დროს პრეპარატის გამოყენების შეწყვეტა არ არის საჭირო, თუმცა, თუ ქავილი, ბუშტუკები (სითხის სავსე ბუშტუკები) ან ჩირქოვანი ანთების ნიშნები  გამოვლინდება, მკურნალობა არ გააგრძელოთ და ექიმს მიმართეთ.
• ექსპიგმენტი იშვიათად იწვევს კანის ფერის შეცვლას ლურჯ-შავ ფერებში. თუ ასეთი ეფექტი გამოვლინდება, მკურნალობა შეაჩერეთ და  კონსულტაციისთვის ექიმს მიმართეთ. აღნიშნული მდგომარეობა უფრო ხშირად  შავკანიან პაციენტებში ვლინდება, თუმცა სხვა  პირებშიც შეიძლება გამოვლინდეს.
• ექსპიგმენტის შემადგენლობაში არსებული მზის დამცავი ნივთიერებები მკურნალობის პერიოდში მზისგან დაცვას უზრუნველყოფს. მკურნალობის დროს  და მკურნალობის შემდეგ, კანის ფერის კვლავ გამუქების თავიდან აცილების მიზნით, მაღალი დამცველობითი ეფექტის მქონე  მზის დამცავები უნდა გამოიყენოთ (15% და მეტი) ან  სამოსის დახმარებით მკურნალობის ქვეშ არსებული მიდამო მზის სხივებისგან უნდა დაიცვათ.
• ექსპიგმენტის თვალების ირგვლივ და ცხვირთან ახლო მიდამოებში გამოყენება გაღიზიანების რისკს ზრდის.
• თუ, 2 თვიანი მკურნალობის შემდეგ  კანის ფერის გაღიავება არ გამოვლინდება, ექსპიგმენტის გამოყენება შეაჩერეთ.
• ექსპიგმენტი ბავშვებისგან მოშორებულ ადგილას შეინახეთ. კრემის შემთხვევით გადაყლაპვის შემთვევაში, სასწრაფოდ ექიმს ან ინტოქსიკაციის ცენტრს მიმართეთ.

თუ აღნიშნული გაფრთხილებებიდან რომელიმე  წარსულში ან  ამჟამად თქვენთან გამოვლინდა,  კონსულტაციისთვის თქვენს ექიმს მიმართეთ.

ექსპიგმენტის  გამოყენება საკვებთან  დასასმელთანერთად

ექსპიგმენტის გამოყენების მეთოდიდან გამომდინარე, საკვებსა და სასმელთან ურთიერთქმედების ცნობილი ფაქტი არ არსებობს.

ორსულობა

წამლის გამოყენებამდე კონსულტაციისთვის თქვენს ექიმს ან ფარემცევტს მიმართეთ.

• ჰიდროქინონის ორსულებში გამოყენების შემთხვევაში, ნაყოფის მიმართ მავნე ეფექტის არსებობა უცნობია.
• ექსპიგმენტის გამოყენებისას პაციენტის მიმართ გამოვლენილი შესაძლო სარგებელი/რისკი თანაფარდობა უნდა შეფასდეს და გათვალისწინებული იქნას; აუცილებელი საჭიროების გარეშე გამოყენებული არ უნდა იქნას.

თუ, მკურნალობის  პერიოდში ორსულობა დადასტურება, მაშინვე  კონსულტაციისთვის თქვენს ექიმს ან ფარმაცევტს მიმართეთ.

ლაქტცია

წამლის გამოყენებამდე კონსულტაციისთვის მიმართეთ თქვენს ექიმს ან ფარმცევტს.

• ჰიდროქინონის ადამიანის რძეში გადასვლის საკითხი უცნობია.
• ჰიდროქინონის რძეში გადასვლის ალბათობა ცხოველებში გამოკვლეული არ არის.
• ექსპიგმენტით მკურნალობის შეჩერების ან გაგრძელების საკითხის გადაწყვეტისას, გათვალისწინებული უნდა იქნას წამლის სარგებელი/ზიანის თანაფარდობა.

ავტომობილისდამექანიზმებისმართვა

ექსპიგმენტი განკუთვნილია კანზე გარეგანი გამოყენებისთვის, აღნიშნულთან დაკავშირებით კვლევა არ ჩატარებულა.

ექსპიგმენტის   შემადგენლობაშიარსებულიზოგიერიდამხმარენივთირებებისშესახებმნიშვნელოვანიინფორმაცია

ექსპიგმენტის შემადგენლობაში შედის:

• ბუტილ ჰიდროქსიანიზოლი (E320), რომელმაც შეიძლება გამოიწვიოს ლოკალური რეაქციები (მაგ. კონტაქტური დერმატიტი) ან  თვალის და ლორწოვანი გარსების გაღიზიანება.
• ცეტოსტეარილის სპირტი და სორბინის მჟავა ,რომელმაც შეიძლება გამოიწვიოს კანის ლოკალური რეაქციები (მაგ. კონტაქტური დერმატიტი).

სხვა მედიკამენტებთან ერთად გამოყენება

ექსპიგმენტის სინათლის მიმართ მგრძნობელობის მომატების გამომწვევ  წამლებთან ერთად  გამოყენებისას, კონსულტაციისთვის თქვენს ექიმს მიმართეთ.

თუ რეცეპტით ან რეცეპტის გარეშე ნებისმიერ წამალს ღებულობთ ან  ბოლო პერიოდში მიიღეთ,  აღნიშნულის შესახებ აცნობეთ თქვენს ექიმს ან ფარმაცევტს.

3. ექსპიგმენტის გამოყენების წესი

სწორი გამოყენება და დოზები/გამოყენების სიხშირე და მითითებები:

თუ ექიმი სხვა მითითებებს არ მოგცემთ, ექსპიგმენტი გამოიყენება შემდეგი სახით:

დღეში ორჯერ, დილით და საღამოს კანის ზედაპირზე დატანის გზით.

თუ 2 თვიანი მკურნალობის შემდეგ გაუმჯობესება არ გამოვლინდება, წამლის გამოყენება შეწყვიტეთ და კონსულტაციისთვის თქვენს ექიმს მიმართეთ.

გამოყენების გზა და მეთოდი

გამოიყენება კანის ზედაპირზე  დატანებით.

ექსპიგმენტი კანის  მხოლოდ დაზიანებულ (კანის ფერის შეცვლილი  მიდამო) მიდამოებში თხელი ფენის სახით დაიტანეთ.

წამლის გამოყენების პერიოდში მზის სხივების ზემოქმედებას თავი მოარიდეთ და მკურნალობის ქვეშ მყოფ მონაკვეთებზე მზის დამცავი კრემი გამოიყენეთ ან აღნიშნული მიდამოები ტანისამოსით დაიცავით.

 სახურავის  უკუღმა დატრიალებით ტუბის თავი გახვრიტეთ.

სხვადასხვა ასაკობრივი ჯგუფები

ბავშვებში გამოყენება

ექსპიგმენტის უსაფრთხოება  და ეფექტი 12 წლამდე ასაკის ბავშვებში არ არის გამოკვლეული.

ხანდაზმულებში გამოყენება

ექსპიგმენტის გამოყენება  ხანდაზმულებში არ არის გამოკვლეული.

გამოყენების განსაკუთრებული მდგომარეობები

თირკმლების/ღვიძლის უკმარისობა

თირკმლების/ღვიძლის უკმარისობის მქონე  ავადმყოფებში ექსპიგმენტის უსაფრთხოება და ეფექტი უცნობია. შეიძლება საჭირო გახდეს დოზის რეგულირება.

თუ ფიქრობთ, რომ ექსპიგმენტის ეფექტი ძალიან ძლიერი ან ძალიან სუსტია, მიმართეთ თქვენს ექიმს ან ფარმაცევტს.

თუ  ექსპიგმენტის საჭიროზე მეტი დოზა გამოიყენეთ

კრემის კანის ზედაპირზე გადაჭარბებული რაოდენობით გამოყენებისას, კანიდან შეწოვასთან დაკავშირებით სისტემური (მთელ სხეულზე მოქმედი) გვერდითი ეფექტები დაფიქსირებული არ არის.  კრემის კანზე ყოველი გამოყენების დროს საჭიროა კანის მცირე მონაკვეთებში გამოყენება, რადგანაც  ზოგიერთ პაციენტთან ექსპიგმენტის გამოყენებასთან დაკავშირებით შეიძლება გამოვლინდეს მსუბუქი სიწითლე და წვის შეგრძნება, რომელიც მკურნალობის შეწყვეტას არ საჭიროებს.

კრემის შემთხვევით გადაყლაპვის შემთხვევაში ან  დოზის გადაჭარბებასთან დაკავშირებით ეჭვის არსებობისას, მაშინვე  ექიმს  ან ინტოქსიკაციის ცენტრს მიმართეთ. გადაყლაპვის შემდეგ შეიძლება გამოვლინდეს კანკალი (ტრემორი) და გულყრების მსგავსი სიმპტომები.

თუ ექსპიგმენტის  საჭიროზე მეტი დოზა გამოიყენეთ, კონსულტაციისთვის თქვენს ექიმს ან ფარმაცევტს მიმართეთ.

თუ ექსპიგმენტის გამოყენება დაგავიწყდათ

დავიწყებული დოზის აღდგენისთვის ორმაგი დოზა არ გამოიყენოთ.

მოვლენები, რომელიც ექსპიგმენტით მკურნალობის დასრულებისას შეიძლება გამოვლინდეს

ასეთი ეფექტები მოსალოდნელი არ არის.

4.  შესაძლო გვერდითი ეფექტები

როგორც ყველა წამლის შემთხვევაში, ექსპიგმენტისშემადგენლობაში არსებული ნივთიერებების მიმართაც შეიძლება გამოვლინდეს მომატებული მგრძნობელობა და გვერდითი ეფექტები.

გვერდითი ეფექტები კატეგორიების მიხედვით კლასიფიცირებულია შემდეგნაირად:

ძალიან ხშირი (≥1/10); ხშირი: (≥1/100 დან 1<10); არახშირი: (≥1/1.000 დან <1/100); იშვიათი: (≥1/10,000 დან ,1/1.000); ძალიან იშვიათი: (<1/10.000); უცნობი: ხელთ არსებული მონაცემებით ვარაუდი შეუძლებელია.

თუ ქვემოთ ჩამოთვლილთაგან რომელიმე თქვენთან გამოვლინდება, ექსპიგმენტისგამოყენება შეწყვიტეთ და მაშინვე თქვენს ექიმს აცნოებთ ან მიმართეთ უახლოეს საავადმყოფოს ემერჯენსის განყოფილებას.

იშვიათი:

• სერიოზული ალერგიული რეააქციები (გამონაყარი, განსაკუთრებით სახის, ენის და ხახის ქავილი/შეშუპება, სერიოზული თავბეუსხვევა, სუნთქვის გაძნელება).

ყველა ზემოთ აღნიშნული  ძალიან სერიოზული გვერდითი ეფექტებია.

თუ ჩამოთვლილთაგან რომელიმე თქვენთან გამოვლინდება, ეს ნიშნავს, რომ თქვენ ექპიგმენტის  მიმართ სერიოზული ალერგია გაქვთ. ამ დროს სასწრაფო სამედიცინო დახმარება ან საავადმყოფოში დაწოლა შეიძლება  გახდეს საჭირო.

თუ ქვემოთ ჩამიოთვლილთაგან რომელიმე თქვენთან გამოვლინდება, აცნობეთ თქვენს ექიმს.

იშვიათი:

• მსუბუქი წვა;
• ჩხვლეტის შეგრძნება;
• სიწითლე;
• სიმშრალე.

ძალიან იშვიათი:

• ბუშტუკების (სითხის სავსე ბუშტუკი) განვითარება;
• კანის ნახეთქი;
• კანის ფერის შეცვლა ლურჯ-შავ ფერში.

ზემოთ აღნიშნული ექსპიგმენტის მსუბუქი გვერდითი ეფექტებია.

ნებისმიერი გვერდითი ეფექტის  გამოვლინების შემთხვევაში, რომელიც არ არის ხსენებული  წამლის გამოყენების ინსტრუქციაში, მიმართეთ თქვენს ექიმს  ან ფარმაცევტს.

გვერდი ეფექტების შესახებ შეტყობინება

ნებისმიერი გვერდითი ეფექტის  გამოვლინების შემთხვევაში, რომელიც არ არის ხსენებული  წამლის გამოყენების ინსტრუქციაში, მიმართეთ თქვენს ექიმს, ექთანს  ან ფარმაცევტს.  ასევე, გამოვლენილი გვერდითი ეფექტების შესახებ  აცნობეთ შემდეგ ელექტრონულ მისამართზე: www.titck.gov.tr   ,,წამლის გვერდითი ეფექტის შესახებ შეტყობინების’’ გრაფაში  დაწკაპუნებით ან დარეკეთ  ტელეფონის ნომერზე: 0 800 314 00 08 თურქეთის ფარმაკოლოგიის სააგენტოს  ცენტრი (TUFAM).  გამოვლენილი გვერდითი ეფექტების შეტყობინებით წვლილს შეიტანთ გამოყენებული მედიკამენტის შესახებ უფრო მეტი ინფორმაციის  მიღებასა და უსაფრთხოებაზე.

ნებისმიერი გვერდითი ეფექტის  გამოვლინების შემთხვევაში, რომელიც არ არის ხსენებული  წამლის გამოყენების ინსტრუქციაში, მიმართეთ თქვენს ექიმს  ან ფარმაცევტს.

5.  ექსპიგმენტის   შენახვა

ექსპიგმემტი შეინახეთ ბავშვებისგან  შორს, მიუწვდომელ ადგილას, შეფუთვაში.

შეინახეთ  <25⁰C  ოთახის ტემპერატურაზე.

გამოიყენეთ გამოყენების ვარგისობის ვადის შესაბამისად.

ვადაგასული  ან  გამოუყენებელი წამლები ნაგავში არ ჩააგდოთ, ჩააბარეთ გარემოს დაცვისა და ურბანიზაციის სამინისტროს მიერ განსაზღვრულ შემკრებ სისტემას.

შეფუთვაზე  მითითებული ვარგისობის ვადის შემდეგ ექსპიგმენტი  არ გამოიყენოთ.

ლიცენზიის მფლობელი

ს.ს. ორვა ილაჩ სან ვე თიჯ

ათათურქის  ორგანული მრეწველობის რეგიონი/ჩიღლი/იზმირი.

წარმოების ადგილი 

ს.ს. ორვა ილაჩ სან ვე თიჯ

ათათურქის  ორგანული მრეწველობის რეგიონი/ჩიღლი/იზმირი.