ომეპრაზოლი 20მგ #30კაფს (ბულგ)

შემადგენლობა
ერთი ნაწლავებში ხსნადი კაფსულა შეიცავს:
მოქმედი ნივთიერება: ომეპრაზოლი 20 მგ.
დამხმარე ნივთიერებები: მსუბუქი მაგნიუმის კარბონატი, ჰიდროქსიპროპილცელულოზა, ორმაგი ჩანაცვლების ნატრიუმის ფოსფატი, სიმინდის სახამებელი, ტალკი, შაქარი ფარმაცევტული მიზნებისთვის, ინერტული შხამები სახამებლისგან და შაქრისგან, ეუდრაჟიტი L 100 55, ტიტანის დიოქსიდი, პოლისორბატი, მაკროგოლი, კოლოიდური სილიციუმის დიოქსიდი, ჰიდროქსიპროპილმეთილცელულოზა.
მყარი ჟელატინის კაფსულის შემადგენლობა: ჟელატინი, ტიტანის დიოქსიდი, რკინის წითელი ოქსიდი, რკინის ყვითელი ოქსიდი.

მოქმედება:
ომეპრაზოლი ახშობს კუჭის ლორწოვანი გარსის სეკრეტორული უჯრედებით ზოგიერთი ფერმენტის გამოყოფას. ამ გზით ის ახშობს მთავარ და სხვა ფაქტორებით სტიმულირებულ მარილმჟავას სეკრეციას.

თერაპიული ჩვენებები
•    კუჭისა და თორმეტგოჯას წყლულოვანი დაავადება;
•    კუჭისა და თორმეტგოჯას წყლულლოვანი დაავადების მკურნალობა, რომელიც გამოწვეულია არასტეროიდული ანთების საწინააღმდეგო საშუალებების მღებით;
•    გასტროეზოფაგეალური რეფლუქსის მკურნალობა;
•    პათოლოგიურ ჰიპერსეკრეციასთან დაკავშირებული მდგომარეობის გახანგრძლივებული მკურნალობა (ზოლინგერ-ელისონის სინდრომი, მრავლობითი ენდოკრინული ადენომატოზი, სისტემური მასტოციტოზი);
•    არასტეროიდული ანთების საწინააღმდეგო საშუალებების მიღებასთან დაკავშირებული კუჭისა და თორმეტგოჯა ნაწლავის წყლულოვანი დაავადების რეციდივების პროფილაქტიკა;
•    კომპლექსური თერაპია Helicobacter pylori-ს ერადიკაციისათვის;
•    პაციენტებში, რომლებსაც აქვთ კუჭის შიგთავსის ასპირაციის რისკი ზოგადი ანესთეზიის ჩატარების პროცესში.

ინფორმაცია, რომელიც აუცილებელია სამკურნალო საშუალების გამოყენების დაწყებამდე.
უკუჩვენებები:
პრეპარატის აქტიური ან დამხმარე ნივთიერებებიდან ერთ-ერთის მიმართ მომატებული მგრძნობელობა.

განსაკუთრებული მითითებანი
ომეპრაზოლის გამოყენების დაწყებამდე აუცილებელად უნდა გამოირიცხოს კუჭისა და საყლაპავი მილის ავთვისებიანი დაავადებები.
მჟავური სეკრეციის დაქვეითების შედეგად შრატის გასტრინის დონემ შეიძლება აიწიოს მკურნალობის პირველ და მეორე კვირას. შემდეგ მისი დონე კვლავ აღდგება.

ურთიერთქმედება სხვა პრეპარეტებთან და საკვებ პროდუქტებთან:
თუ იღებთ სხვა სამკურნალო საშუალებებს, გაიარეთ კონსულტაცია ექიმთან ან ფარმაცევტთან მათი კომბინირების შესაძლებლობის შესახებ.
ომეპრაზოლი ახშობს ღვიძლში ფერმენტული სისტემის აქტივობას და ამგვარად ერევა სხვა პრეპარატების მეტაბოლიზმში.
კლარიტრომიცინთან მისი ერთდროული გამოყენებისას იზრდება პრეპარტის კონცენტრაცია სისხლში.
პრეპარატი ომეპრაზოლი ანელებს ამპიცილინის, რკინის მარილების, კეტოკენაზოლისა და იტრაკონაზოლის ეთერების შეწოვას.
ღვიძლის მეტაბოლიზმზე ზემიქმედების შედეგად, პრეპარტი ანელებს ამინოპირინის, ფენიტოინის, დიაზეპამისა და ანტიკოაგულანტების გამოყოფას, ზრდის მათი ნახევრადდაშლის ბიოლოგიურ პერიოდს და და ზრდის მოცემული პრეპარატების შრატის და ქსოვილოვან კონცენტრაციებს. ანტიკოაგულანტების მიღებისას რეკომენდირებულია პროთრომბინის დროის რეგულარული კონტროლი სისხლდენების წარმოქმნის საშიშროების გამო!
ძვლის ტვინის ფუნქციების დამთრგუნველი პრეპარატების ომაეპრაზოლთან ერთად გამოყენებისას შესაძლებელია სისხლის თეთრი უჯრედების და სისხლის ფირფიტების დათრგუნვა.
ანტაციდური საშუალებებისა და მეტოკლოპრამიდის მიღება არ ცვლის ომეპრაზოლის შეწოვადობას.
ომეპრაზოლით გამოწვეული დაქვეითებული მჟავურობა არ ახდენს ზეგავლენას ამოქსაცილინის ბიოშეღწევადობაზე.
პრეპარატი არ ურთიერთქმედებს პროპრანოლოლთან, თეოფილინთან, მეტოპროლოლთან, ლიდოკაინთან და ქინიდინთან.
ერთდროული მიღებისას შესაძლოა პრედნიზოლონისა და ციკლოსპორინის აქტივობის დაქვეითება.
საკვები ამცირებს პრეპარატის შეწოვასა და ამიტომ ამ უკანასკნელის მიღება სასურველია უზმოზე.

განსაკუთრებული მითითებანი პაციენტთა ზოგიერთი ჯგუფისათვის
პრეპარატის მიღება ხდება დიდი სიფრთხილით ღვიძლის ქრონიკული დაავადების დროს. ასეთ შემთხვევებში აუცილებელია მისი დოზის შემცირება. მკურნალობის პროცესში აუცილებელია ღვიძლის ზოგიერთი ფერმენტის აქტივობის კონტროლი (ფუძე ფოსფატაზა, შრატის ალანინამინოტრანსფერაზა და შრატის ასპარტატამინოტრანსფერაზა), რომელიც შეიძლება აიწიოს მკურნალობის ზეგავლენით. თირკმელების უკმარისობით დაავადებულ პაციენტებში დიალიზის ჩატარება არ მოქმედებს პრაპარატის ფარმაკოკინეტიკურ თვისებებზე.

პრეპარატის გამოყენება ორსულობისას და ძუძუთი კვებისას
პრეპარატის გამოყენება არ არის რეკომენდირებული ორსულობისა და ძუძუთი კვებისას.

პრეპარატის ეფექტები ავტომობილის და მექანიზმების მართვისას
ომეპრაზოლის ზეგავლენა სატრანსპორტო საშუალებების მართვისა და ტექნიკასთან მუშაობის შესაზლებლობაზე უმნიშვნელოა.
მონაცემები დამატებითი ნივთიერებების შესახებ: დამატებითი ნივთიერების სახით მოცემული სამკურნალო საშუალება შეიცავს შაქარს, რომლის მიღება არ არის სასურველი იმ პაციენტთათვის, რომლებსაც აქვთ ფრუქტოზის თანდაყოლილი აუტანლობა, გლუკოზურ/გალაქტოზური სინდრომით მალაბსორბციაზე ან საქარაზისა და იზომალტაზის დეფიციტით.
ინფორმაცია პრეპარატის სწორი გამოყენების შესახებ

მიღების წესი და დოზირება
ომეპრაზოლის ნაწლავებში ხსნადი კაფსულების მიღება ხდება შიგნით, დილით უზმოზე. კაფსულა იყლაპება ხდება მთლიანდ, დაღეჭვის გარეშე. ომეპრაზოლის მიღება საჭიროა დილით.
•    კუჭისა და თორმეტგოჯა ნაწლავის წყლულოვანი დაავადების სამკურნალოდ – მოზრდილები – 20-40 მგ დღეში ერთჯერ 4-8 კვირის განმავლობაში;
•    გასტროეზოფაგელური რეფლუქსის სამკურნალოდ – 20-40 მგ დღეში ერთჯერ 4-8 კვირის განმავლობასი;
•    ზოლინგერ-ელისონის სინდრომის სამკურნალოდ – 60 მგ ერთჯერადად დღეღამეში. Aუცილებლობის შემთხვევაში შეიძლება დოზის გაზრდა 120 მგ-მდე დღეში, ორ მიღებაზე განაწილებით.;
•    Helicobacter pylori-ს ერადიკაციის მიზნით – 20-40 მგ დღეში ერთ ან ორ მიღებაზე 7 ან 14 დღის განმავლობაში მიღებული პრეპარატების კომბინაციისგან დამოკიდებულების მიხედვით;
•    პაციენტებში, რომლებსაც აქვთ კუჭის შიგთავსის ასპირაციის რისკი ზოგადი ანესთეზიის ჩატარების პროცესში – 40 მგ საღამოს ოპერაციამდე, შემდეგ 40 მგ  დილით ოპერაციის დღეს;
ასაკოვანი პაციენტები არ საჭიროებენ დოზის კორექციას;
7 წელზე უფროსი ასაკის ბავშვები ან სხეულის წონით-20 კგ – 20 მგ დღეში. აუცილებლობის შემთხვევაში შეიძლება დოზის გაზრდა 40 მგ-მდე დღეში.
თირკმელების დაზიანება – თირკმელების ქრონიკული დაზიანების მქონე პაციენტებში, რომლებშიც კრეატინინის კლირენსი არის 10 და 62 მლ/წთ/1.73 მ2 შორის, პრეპარატის გამოყოფა ხდება იგივენაირად, როგორც ჯანმრთელ მოხალისეებში, ამიტომ არ საჭიროებს დოზის კორექციას.
ღვიძლის დაზიანება – პრეპარატის ბიოშეღწევადობა და ნახევრადდაშლის პეროდი გაზრდილია და სადღეღამისო დოზა არ უნდა აჭარბებდეს 20 მგ-ს.
თუ თქვენ გამოტოვეთ ომეპრაზოლის მიღება, არ მიიღოთ პრეპარატის ორმაგი დოზა.

დოზის გადაჭარბება
პრეპარატის დიდი დოზის მიღებისას მაშინვე მიმართეთ ექიმს! ომეპრაზოლის გადაჭარბებული დოზის მიღებისას შეიძლება გამოვლინდეს შემდეგი სიმპტომები: მხედველობის დაბინვა, დაბნეულობა, ოფლიანობა, ძილიანობა, პირის სიმშრალე, თავის ტკივილი, ზოგადი სისუსტე, გულისრევა, ტაქიკარდია. ჰიპერდოზირების სიმპტომების გამოვლენისას სასწრაფოდ უნდა შეწყდეს პრეპარატის მიღება. შსეციფიური ანტიდოტის არარსებობის გამო ახორციელებენ სიმპტომურ და შემანარჩუნებელ თერაპიას. Aამ შემთხვევაში ჰემოდიალიზი არ არის ეფექტური.

გვერდითი მოვლენები:
ჩვეულებრივ ომეპრაზოლი გადაიტანება კარგად.
შესაძლოა ქვემოთ ჩამოთვლილი გვერდითი მოვლენების გამოვლინება.
1%-ზე მეტში:
•    ზოგადი – ტკივილი მუცლის არეში, სისუსტე;
•    კუჭ-ნაწლავის მხრივ – შეკრულობა, ფაღარათი, მეტეორიზმი, გულისრევა, ღებინება, ბოყინი;
•    ცნს – თავის ტკივილი.
1%-ზე ნაკლებში:
•    ზოგადი – ცხელება, ტკივილი, გადაღლილობა, მუცლის შებერილობა;
•    გულსისხლძარღვთა სისტემის მხრივ – ტკივილი გული არეში, გულის მუშაობის გახშირება ან შენელება, გულის ფრიალი, პერიფერიული შეშუპებები;
•    კუჭ-ნაწლავის მხრივ – პანკრეატიტი, ანორექსია, მსხვილი ნაწლავის გაღიზიანების სინდრომი;
•    ღვიძლისმიერი – ALAT, ASAT, YGPT-ს, ფუძე ფოსფატაზის, ბილირუბინის, მომატება, ჰეპატიტის, ღვიძლის ნეკროზი, ღვიძლის უკმარისობა და ღვიძლის ენცეფალოპათია;
•    ნივთიერაბათა ცვლის – წონის მომატება, გლუკოზისა და ნატრიუმის დონის დაქვეითება სისხლში;
•    ჩონჩხ-კუნთოვანი სისტემა – კუნთოვანი სპაზმები, ტკოვილი კუნთებში და სახსრებში, სისუსტე;
•    ფსიქიკური დარღვევები – დეპრესია, ჰალუცინაციები, გონების არევა, ძილის დარღვევა, აპათია, ტრემორი, თავბრუსხვევა, "ჭიანჭველების" შეგრძნება, აგრესიულობა, შფოთვა;
•    სუნთქვითი – სისხლდენა ცხვირიდან, ყელის ტკივილი;
•    კანის – გამონაყარი; ძალიან იშვიათად – კანის გენერალიზებული რეაქციები, მათ შორის ტოქსიკური ეპიდერმალური ნეკროლიზი, სტივენ-ჯონსონის სინდრომი, მრავალფორმიანი ერითემა, წითურა, გამელოტება.
•    შარდსასქესო სისტემის მხრივ – ინტერსტიციალური ნეფრიტი, შრატის კრეატინინის მომატება, სისხლისა და გლუკოზის არსებობა შარდში, გინეკომასტია;
•    კანის ალერგიული გამონაყარი და ტემპერატურის მომატება (ციებ-ცხელება); იშვათად ანფილაქსიური შოკი.; შექცევადი ცვლილებეი სისხლის მხრიდან – პანციტოპენია, აგრანულოციტოზი, თრომბოციტოპენია, ნეიტროპენია, ანემია, ლეიკოციტოზი, ჰემოლიზური ანემაია;
ამ და სხვა არასასურველი რეაქციების გამოვლენისას აუცილებელია  პრეპარტის მიღების შეწყვეტა და ექიმის კონსულტაცია.
    
გამოშვების ფორმა და შეფუთვა
ნაწლავებში ხსნადი კაფსულები, 10 კაფსულა ალუმინის ბლისტერში.(პვქ პვდქ) 3 ბლისტერი ერთ შეფუთვაში.

შენახვის პირობები
ინახება მშრალ, სინათლისაგან დაცულ ადგილას არაუმეტეს 25ºC-ზე.
ინახება ბავშვებისათვის მიუწვდომელ ადგილას!

შენახვის ვადა
3 (სამი) წელი გამოშვების თარიღიდან. არ გამოიყენოთ ეტიკეტზე აღნიშნული შენახვის ვადის გასვლის შემდეგ.

აფთიაქიდან გაცემის პირობები
რეცეპტით.

მწარმოებელი
ბალკანფარმა-დუპნიცა ად, სამოკოვსკოეს გზატკეცილი 3,  2600 დუპნიცა, ბულგარეთი, ტელეფონი (+359 701) 58 196, ფაქსი (+359 701) 58 555..