ფემოსტონი 1/10 #28ტ

სამკურნალო პრეპარატის ზოგადი დახასიათება

1. სამკურნალო პრეპარატის სახელწოდება

ფემოსტონი® 1/10, აპკოვანი გარსით დაფარული ტაბლეტები

2. ხარისხობრივი და რაოდენობრივი შემადგენლობა

ესტრადიოლი/დიდროგესტერონი (Estradiol/Dydrogesterone)

თეთრი ფერის 1 ტაბლეტი შეიცავს: ესტრადიოლის ჰემიჰიდრატს, რაც 1მგ ესტრადიოლის ეკვივალენტია.

ნაცრისფერი ფერის 1 ტაბლეტი შეიცავს ესტრადიოლის ჰემიჰიდრატს, რომელიც 1მგ ესტრადიოლის და 1მგ დიდროგესტერონის ეკვივლანეტია.

სამკურნალო პრეპარატში არსებული გასათვალისწინებელი დამხმარე ნივთიერებები: ლაქტოზის მონოჰიდრატი.

დამხმარე ნივთიერებების სრული ჩამონათვალი მოყვანილია პარაგრაფში 6.1.

3. წამლის ფორმა

აპკოვანი გარსით დაფარული ტაბლეტები.

1 მგ ესტრადიოლის ტაბლეტი: მრგვალი, ორმხრივამოზნექილი, აპკოვანი გარსით დაფარული, თეთრი ფერის ტაბლეტი, ტაბლეტის ერთ მხარეს „379“ გრავირებით.

1 მგ ესტრადიოლი/10 მგ დიდროგესტერონის ტაბლეტი: მრგვალი, ორმხრივ ამოზნექილი, აპკოვანი გარსით დაფარული ნაცრისფერი ტაბლეტი, ტაბლეტის ერთ მხარეს "379"გრავირებით.

4. კლინიკური მონაცემები

4.1. გამოყენების ჩვენებები.

• · პერიმენოპაუზის (არაუადრეს ბოლო მენსტრუალური ციკლიდან 6 თვის შემდეგ) ან პოსტმენოპაუზის პერიოდში მყოფ ქალებში ესტროგენების დეფიციტის სიმპტომების ჩანაცვლებითი ჰორმონული თერაპია (HRT),
• · მოტეხილობების მაღალი რისკის მქონე ქალებში პოსტმენოპაუზური ოსტეოპოროზის პროფილაქტიკა ოსტეოპოროზის საპროფილაქტიკო სხვა სამკურნალო პრეპარატების აუტანლობისას ან უკუჩვენებისას (იხ. პარაგრაფი „განსაკუთრებული მითითებები და სიფრთხილის ზომები გამოყენებისას“).

65 წელზე მეტი ასაკის ქალების მკურნალობის გამოცდილება შეზღუდულია.

4.2. დოზირების რეჟიმი და მიღების წესი.

დოზირების რეჟიმი

ყოველი 28-დღიანი ციკლისთვის მიიღება 1 მგ ესტრადიოლის ერთი ტაბლეტი დღეში ერთხელ პირველი 14 დღის განმავლობაში და ერთი 1 მგ ესტრადიოლისა და 10 მგ დიდროგესტერონის ტაბლეტი მომდევნო 14 დღის განმავლობაში. მკურნალობა იწყება დღეში ერთი თეთრი ტაბლეტის მიღებით პირველი 14 დღის განმავლობაში, შემდეგ მომდევნო 14 დღის განმავლობაში ერთი ნაცრისფერი ტაბლეტის მიღებით, როგორც მითითებულია 28-დღიანი ციკლის კალენდარულ შეფუთვაზე.

ფემოსტონი® 1/10 უნდა მიიღონ ყოველდღიურად და უწყვეტ რეჟიმში შეფუთვებს შორის შესვენების გარეშე.

პოსტმენოპაუზის სიმპტომების მკურნალობის დასაწყებად და გასაგრძელებლად, მინიმალური ეფექტური დოზა უნდა დაინიშნოს მცირე პერიოდის მანძილზე (იხილეთ თავი „განსაკუთრებული მითითებები და სიფრთხილის ზომები პრეპარატის გამოყენებისას“).

როგორც წესი, მკურნალობა უნდა დაიწყოს ფემოსტონი® 1/10-ით.

მკურნალობის ეფექტიანობიდან გამომდინარე შემდგომში დოზა შეიძლება დაკორექტირდეს.

უწყვეტი თანმიმდევრული ან ციკლური რეჟიმის სხვა პრეპარატიდან გადასვლისას, პაციენტებმა უნდა დაასრულონ მიმდინარე 28 დღიანი ციკლის მიღება და შემდეგ ციკლებს შორის შესვენების გარეშე პრეპარატის ფემოსტონი® 1/10 მიღება დაიწყონ.

უწყვეტი რეჟიმის კომბინირებული ესტროგენ-გესტაგენური პრეპარატიდან გადასვლისას პაციენტებს შეუძლიათ დაიწყონ პრეპარატის ფემოსტონი® 1/10 მიღება ნებისმიერ დღეს.

მომდევნო ტაბლეტის მიღების გამოტოვების შემთხვევაში გამოტოვებული დოზა რაც შეიძლება სწრაფად უნდა იყოს მიღებული. თუმცა, თუ 12 საათზე მეტი გავიდა მიღების დადგენილი დროიდან, მაშინ უნდა შეწყვიტოთ ტაბლეტის მიღება იმ დღეს და მიიღოთ მეორე დღეს. დოზის გამოტოვების შემთხვევაში შეიძლება გაიზარდოს ძლიერი სისხლდენის ან სისხლიანი გამონადენის გაჩენის ალბათობა.

ფემოსტონი® 1/10 საკვების მიღებასთან დამოუკიდებლად მიიღება.

პედიატრიული პოპულაცია

არ არსებობს პრეპარატის ფემოსტონი® 1/10 მიღების დასაბუთებული ჩვენება ბავშვებში და მოზარდებში.

მიღების წესები

ფემოსტონი® 1/10 უწყვეტი კომბინირებული ჩანაცვლებითი ჰორმონული თერაპიისთვის განკუთვნილი პერორალურად მისაღები სამკურნალო პრეპარატია.

4.3. უკუჩვენებები.

• · სარძევე ჯირკვლის დიაგნოსტირებული ან სავარაუდო კიბო, სარძევე ჯირკვლის კიბო ანამნეზში.
• · დიაგნოსტირებული ან სავარაუდო ესტროგენდამოკიდებული ავთვისებიანი სიმსივნეები (მაგალითად, ენდომეტრიუმის კიბო).
• · დიაგნოსტირებული ან სავარაუდო პროგესტაგენდამოკიდებული ავთვისებიანი სიმსივნეები (მაგალითად, მენინგიომა).
• · უცნობი ეტიოლოგიის ვაგინალური სისხლდენები.
• · ენდომეტრიუმის არანამკურნალევი ჰიპერპლაზია.
• · თრომბოემბოლიური დაავადებები ამჟამად ან ანამნეზში (მაგალითად, ღრმა ვენების თრომბოზი, ფილტვის სისხლძარღვების ემბოლია).
• · დიაგნოსტირებული თრომბოფილური დარღვევები (მაგალითად, C პროტეინის, S პროტეინის ან ანტითრომბინის დეფიციტი, იხ. პარაგრაფი „განსაკუთრებული მითითებები და უსაფრთხოების ზომები მიღებისას“).
• · არტერიული თრომბოემბლია ამჟამად ან ანამნეზში (მაგალითად, სტენოკარდია ან მიოკარდიუმის ინფარქტი).
• · ღვიძლის მწვავე დაავადებები ან ღვიძლის დაავადებები ანამნეზში, რომლის დროსაც ღვიძლის ფუნქციების მაჩვენებლები არ ნორმალიზდა.
• · პორფირია.
• · პრეპარატის მოქმედი ნივთიერებისადმი ან სხვა კომპონენტებისადმი ცნობილი ჰიპერმგრძნობელობა.

4.4. განსაკუთრებული მითითებები და უსაფრთხოების ზომები მიღებისას.

ჩანაცვლებითი ჰორმონული თერაპია (HRT) ინიშნება იმ შემთხვევებში, როდესაც პოსტმენოპაუზასთან დაკავშირებული სიმპტომები ქალის ცხოვრების ხარისხზე უარყოფითად მოქმედებს. ყველა შემთხვევაში აუცილებელია რისკების და სარგებლის დეტალური შეფასება, სულ მცირე, ყოველწლიურად, ჩანაცვლებითი ჰორმონული თერაპია (HRT) გრძელდება მანამ, სანამ მოსალოდნელი სარგებელი მნიშვნელოვნად აღემატება შესაძლო რისკებს.

ადრეული მენოპაუზის მკურნალობისას ჩანაცვლებით ჰორმონულ თერაპიასთან დაკავშირებული რისკების შესახებ არსებული მონაცემები შეზღუდულია. ამასთან ახალგაზრდა ქალებში აბსოლუტური რისკის დაბალი დონის გამო, ამ ქალებში სარგებელი/რისკის თანაფარდობა ხანდაზმულ ქალებთან შედარებით ჩანაცვლებითი ჰორმონული თერაპიის (HRT) სასარგებლოდ იხრება.

სამედიცინო გამოკვლევა / დაკვირვება

ჩანაცვლებითი ჰორმონული თერაპიის (HRT) დაწყების ან განახლების წინ სრული სამედიცინო და ოჯახური ანამნეზი უნდა შეიკრიბოს. სამედიცინო კვლევა (სარძევე ჯირკვლების და მცირე მენჯის ორგანოების ჩათვლით) იწარმოება შესაძლო უკუჩვენებების და იმ მდგომარეობების გამოსავლენად, რომლებიც სიფრთხილის ზომების დაცვას საჭიროებს. მკურნალობის დროს რეკომენდებულია პერიოდულად ჩატარდეს გამოკვლევა (გამოკვლევის სიხშირე და ხასიათი განისაზღვრება ინდივიდუალურად). სპეციალური გამოკვლევები, მათ შორის მამოგრაფია, ტარდება მიღებული სკრინინგის სტანდარტების შესაბამისად, მორგებული ინდივიდუალური კლინიკური ჩვენებების შესაბამისად.

მდგომარეობები, რომლებიც სამედიცინო დაკვირვებას მოითხოვს

ქვემოთ ჩამოთვლილ დაავადებათაგან ნებისმიერის ამჟამად ან წარსულში არსებობის ან მათი გაუარესების შემთხვევაში ორსულობისას ან წინა ჰორმონული თერაპიისას, პაციენტები მკაცრი სამედიცინო მეთვალყურეობის ქვეშ უნდა იმყოფებოდნენ.

გასათვალისწინებელია, რომ პრეპარატით ფემოსტონი® 1/10 მკურნალობისას შეიძლება ამ დაავადებების რეციდივი განვითარდეს ან მდგომარეობა გაუარესდეს, კერძოდ:

• · საშვილოსნოს ლეიომიომა (საშვილოსნოს ფიბროადენომა) ან ენდომეტრიოზი;
• · თრომბოემბოლიის განვითარების რისკის ფაქტორები (იხ. ქვემოთ „ვენური თრომბოემბოლია“);
• · ესტროგენდამოკიდებული სიმსივნეების განვითარებისთვის რისკის ფაქტორების არსებობა (მაგალითად, სარძევე ჯირკვლის კიბოთი დაავადებული ნათესაობის პირველი ხაზის ნათესავის არსებობა);
• · არტერიული ჰიპერტენზია;
• · ღვიძლის დაავადებები (მაგალითად, ღვიძლის ადენომა);
• · შაქრიანი დიაბეტი სისხლძარღვების დაზიანებით ან მის გარეშე;
• · ქოლელითიაზი;
• · შაკიკი ან თავის ძლიერი ტკივილები;
• · სისტემური წითელი მგლურა;
• · ანამნეზში ენდომეტრიუმის ჰიპერპლაზია (იხ. ქვემოთ „ენდომეტრიუმის ჰიპერპლაზია“);
• · ეპილეფსია;
• · ბრონქული ასთმა;
• · ოტოსკლეროზი;
• · მენინგიომა.

თერაპიის დაუყოვნებელი შეწყვეტის მიზეზები

თერაპიის შეწყვეტა აუცილებელია უკუჩვენებების გამოვლინებისას, ასევე შემდეგ სიტუაციებში:

• · სიყვითლის განვითარება ან ღვიძლის ფუნქციის დარღვევა;
• · არტერიული წნევის მნიშვნელოვანი მომატება;
• · შაკიკის მსგავსი თავის ტკივილის ახალი შეტევა;
• · ორსულობა.

ენდომეტრიუმის ჰიპერპლაზია და კიბო

• · ქალებში ინტაქტური საშვილოსნოთი ენდომეტრიუმის ჰიპერპლაზიის და კიბოს განვითარების რისკი მხოლოდ ესტროგენების ხანგრძლივად გამოყენებისას იზრდება. ენდომეტრიუმის კიბოს განვითარების რისკი ესტროგენებით მონოთერაპიისას 2-12-ჯერ მაღალია იმ ქალებთან შედარებით, ვინც ჰორმონულ თერაპიას არ იღებს, და დამოკიდებულია მკურნალობის ხანგრძლივობაზე და ესტროგენის დოზაზე (იხ. პარაგრაფი „არასასურველი რეაქციები“). ესტროგენით მონოთერაპიის HRT შეწყვეტისას რისკი სულ მცირე 10 წელი შეიძლება მომატებული დარჩეს.
• · 28 დღიან ციკლში სულ მცირე 12 დღის განმავლობაში დამატებით პროგესტაგენის ციკლებით დანიშვნას ან პროგესტაგენთან კომბინაციაში ესტროგენით უწყვეტ თერაპიას ქალებში ჰისტერექტომიის გარეშე, HRT ესტროგენით მონოთერაპიასთან დაკავშირებული დამატებითი რისკის არიდება შეუძლია.
• · პრეპარატით მკურნალობის პირველ თვეებში შეიძლება აღინიშნოს ძლიერი სისხლდენა და/ან სისხლიანი გამონადენი საშოდან. თუ ძლიერი სისხლდენა და/ან სისხლიანი გამონადენი საშოდან თერაპიის დაწყებიდან გარკვეული დროის შემდეგ იწყება ან გრძელდება მკურნალობის შეწყვეტის შემდეგ, აუცილებელია მიზეზის დადგენა, რისთვისაც, შესაძლოა, ენდომეტრიუმის ბიოფსია გახდეს აუცილებელი ენდომეტრიუმის ავთვისებიანი სიმსივნის გამოსარიცხად.

სარძევე ჯირკვლის კიბო

მთლიანობაში მონაცემები აჩვენებს სარძევე ჯირკვლის კიბოს განვითარების მომატებულ რისკს ქალებში, რომლებიც იღებდნენ ესტროგენით და პროგესტაგენით კომბინირებულ ან მხოლოდ ესტროგენებით ჩანაცვლებით თერაპიას. რისკი დამოკიდებულია ჩანაცვლებითი ჰორმონული თერაპიის ხანგრძლივობაზე.

ესტროგენით და პროგესტაგენით კომბინირებული თერაპია

• · ქალის ჯანმრთელობის ინიციატივის WHI რანდომიზებული პლაცებო-კონტროლირებადი კვლევების შედეგებმა და ეპიდემიოლოგიური კვლევების მეტაანალიზმა აჩვენა სარძევე ჯირკვლის კიბოს განვითარების მომატებული რისკი ქალებში, რომლებიც იღებდნენ კომბინირებულ ჩანაცვლებით ჰორმონულ თერაპიას ესტროგენით და პროგესტაგენით, რაც ცხადი ხდება მკურნალობის დაწყებიდან დაახლოებით 3 (1-4) წლის შემდეგ (იხ. პარაგრაფი „არასასურველი რეაქციები“).

ესტროგენებით მონოთერაპია

• · WHI კვლევაში არ აღინიშნებოდა სარძევე ჯირკვლის კიბოს განვითარების რისკის მატება ქალებში ადრე ჩატარებული ჰისტერექტომიით, რომლებიც იღებდნენ ჩანაცვლებით ჰორმონულ თერაპიას მხოლოდ ესტროგენით. კვლევების შედეგების უმეტესობამ სარძევე ჯირკვლის კიბოს განვითარების რისკის მცირე მატება აჩვენა, რომელიც არსებითად დაბალია, ვიდრე იმ ქალებთან, ვინც კომბინირებულ ჩანაცვლებით ჰორმონულ თერაპიას იღებდა ესტროგენით და პროგესტაგენით (იხ. პარაგრაფი „არასასურველი რეაქციები“).

ფართო მეტაანალიზის შედეგებმა აჩვენა, რომ მკურნალობის შეწყვეტის შემდეგ მომატებული რისკი დროთა განმავლობაში მცირდება, ხოლო საწყისი მნიშვნელობის აღდგენისთვის აუცილებელი დრო ადრე ჩატარებული ჩანაცვლებითი ჰორმონული თერაპიის ხანგრძლივობაზეა დამოკიდებული. ჩანაცვლებითი ჰორმონული თერაპიის 5 წელზე მეტ ხანს გამოყენებისას რისკი შეიძლება 10 წელი ან მეტ ხანს შენარჩუნდეს. HRT, განსაკუთრებით კომბინირებული პროგესტაგენური თერაპია, სარძევე ჯირკვლის ქსოვილების სიმკვრივეს ზრდის, რამაც შესაძლოა უარყოფითად იმოქმედოს სარძევე ჯირკვლის კიბოს გამოვლინებაზე რადიოლოგიური მეთოდების (მამოგრაფიით) გამოყენებით.

საკვერცხეების კიბო

სარძევე ჯირკვლის კიბოსთან შედარებით საკვერცხეების კიბო გაცილებით იშვიათად გვხვდება.

ფართო მეტაანალიზის შედეგად მიღებულმა ეპიდემიოლოგიურმა მონაცემებმა აჩვენა რამდენადმე მომატებული რისკი ქალებში, რომლებიც იღებდნენ ესტროგენით მონოთერაპიას ან ესტროგენს პროგესტაგენთან კომბინაციაში ჩანაცვლებითი ჰორმონული თერაპიის სახით, რომელიც ვლინდება მიღების 5 წლის განმავლობაში და მკურნალობის შეწყვეტის შემდეგ დროთა განმავლობაში მცირდება. ზოგიერთი სხვა კვლევა, WHI ჩათვლით, ადასტურებს, რომ ჩანაცვლებითი ჰორმონული თერაპიისას კომბინირებული პრეპარატების გამოყენება შეიძლება ასეთივე, ან რამდენადმე შემცირებულ რისკთან იყოს დაკავშირებული.

ვენური თრომბოემბოლია

• · HRT ვენური თრომბოემბოლიის (VTE), ანუ ღრმა ვენების თრომბოზის ან ფილტვის არტერიის თრომბოემბოლიების განვითარების 1,3-3-ჯერ გაზრდილ რისკთან ასოცირდება. ასეთი გართულების განვითარების ალბათობა მკურნალობის პირველ წელს უფრო მაღალია, ვიდრე შემდგომ წლებში (იხ. პარაგრაფი „არასასურველი რეაქციები“).
• · პაციენტებს ცნობილი თრომბოფილური მდგომარეობებით VTE მომატებული რისკი აქვთ, და HRT მისი დამატებით გაზრდა შეუძლია. ამიტომ პაციენტების ამ ჯგუფში HRT უკუნაჩვენებია (იხ. პარაგრაფი „უკუჩვენებები“).
• · VTE განვითარების საყოველთაოდ აღიარებული რისკ-ფაქტორებია: ესტროგენების მიღება, ხანდაზმული ასაკი, დიდი ქირურგიული ჩარევები, ხანგრძლივი უმოძრაობა, სიმსუქნე (BMI > 30 კგ/მ²), ორსულობა და მშობიარობის შემდგომი პერიოდი, სისტემური წითელი მგლურა, კიბო. ამჟამად VTE განვითარებაში ვარიკოზულად გაფართოებული ვენების შესაძლო როლთან დაკავშირებით ერთიანი აზრი არ არსებობს.
• · როგორც ყველა პაციენტის შემთხვევაში ოპერაციის შემდგომ პერიოდში, ქირურგიული ჩარევის შემდეგ VTE პროფილაქტიკის ზომების გატარება განსაკუთრებულ ყურადღებას მოითხოვს. იმ შემთხვევაში, როდესაც გეგმიური ოპერაციის შემდეგ მოსალოდნელია ხანგრძლივი უმოძრაობის პერიოდი, ოპერაციამდე 4-6 კვირით ადრე HRT დროებით შეწყვეტაა რეკომენდებული. მკურნალობა მხოლოდ სრული მობილურობის აღდგენის შემდეგ უნდა განახლდეს.
• · ქალის ანამნეზში ვენური თრომბოემბოლიის არარსებობისას, მაგრამ უახლოეს ნათესავებში თრომბოემბოლიის არსებობისას ახალგაზრდა ასაკში, რეკომენდებულია სკრინინგული კვლევის ჩატარება (სკრინინგული კვლევისას სისხლის შედედების სისტემის ყველა დარღვევა არ ვლინდება). თრომბის წარმოქმნის დარღვევის გამოვლენისას, რომელიც ხსნის თრომბოზის შემთხვევებს ოჯახის წევრებში, ან „მძიმე“ დარღვევის შემთხვევაში (მაგალითად, ანტითრომბინის, S პროტეინის ან C პროტეინის დეფიციტი, ან კომბინირებული დეფექტი), HRT უკუნაჩვენებია.
• · ქალებში, რომლებიც უკვე მკურნალობენ ანტიკოაგულანტებით, ჰორმონული თერაპიის შესაძლო რისკები ყოველმხრივ უნდა შეფასდეს.
• · თერაპიის დაწყების შემდეგ ვენური თრომბოემბოლიის განვითარების შემთხვევაში პრეპარატი დაუყოვნებლივ უნდა მოიხსნას. პაციენტმა უნდა იცოდეს, რომ VTE პირველი შესაძლო სიმპტომების გაჩენისთანავე (ქვედა კიდურების მტკივნეული შეშუპება, უეცარი ტკივილი მკერდში, ქოშინი) დაუყოვნებლივ უნდა მიმართოს მკურნალ ექიმს.

გულის იშემიური დაავადება (CHD)

რანდომიზებულ კლინიკურ კვლევებში ვერ მიიღეს დამადასტურებელი მონაცემები იმის შესახებ, რომ HRT (მხოლოდ ესტროგენებით ან პროგესტაგენებთან კომბინაციით) ქალებს CHD-ით ან მის გარეშე მიოკარდიუმის ინფარქტის განვითარებისგან იცავს.

ესტროგენით და პროგესტაგენით კომბინირებული თერაპია

CHD შედარებითი რისკი HRT კომბინირებული პრეპარატებით მკურნალობის პერიოდში უმნიშვნელოდ მატულობს. ვინაიდან CHD განვითარების თავდაპირველი აბსოლუტური რისკი მნიშვნელოვნად არის დამოკიდებული ასაკზე, CHD დამატებითი შემთხვევები ქალებში, რომლებიც HRT კომბინირებული პრეპარატებით მკურნალობდნენ, ძალიან დაბალია მენოპაუზის ასაკს მიახლოებული ჯანმრთელი ქალების ჯგუფში, და მატულობს ასაკთან ერთად.

ესტროგენებით მონოთერაპია:

რანდომიზებული კონტროლირებადი კვლევების მონაცემების მიხედვით ქალებში ჰისტერექტომიით ანამნეზში CHD განვითარების რისკი ესტროგენით მონოთერაპიისას არ იზრდება.

იშემიური ინსულტი

ესტროგენით და პროგესტაგენით კომბინირებული თერაპიისა ან მხოლოდ ესტროგენებით თერაპიის დროს იშემიური ინსულტის რისკი 1,5-ჯერ მატულობს. შედარებითი რისკი ასაკთან და მენოპაუზის დადგომასთან ერთად არ იცვლება. თუმცა, რადგან ინსულტის თავდაპირველი რისკი დიდწილად დამოკიდებულია ასაკზე, იშემიური ინსულტის საერთო რისკი ქალებში HRT ფონზე გაიზრდება ასაკთან ერთად. (იხ. პარაგრაფი „არასასურველი რეაქციები“).

სხვა მდგომარეობები

• · ესტროგენებმა შეიძლება გამოიწვიონ სითხის შეკავება და, შესაბამისად, პაციენტები გულის ან თირკმლების ფუნქციის დარღვევით საფუძვლიანი დაკვირვების ქვეშ უნდა იმყოფებოდნენ.
• · ქალები ანამნეზში ჰიპერტრიგლიცერიდემიით, HRT (ესტროგენებით ან ესტროგენ-პროგესტაგენებით) ფონზე საფუძვლიანი დაკვირვების ქვეშ უნდა იმყოფებოდნენ, რადგან ძალზე იშვიათ შემთხვევებში იყო ცნობები ასეთ ქალებში სისხლის პლაზმაში ტრიგლიცერიდების კონცენტრაციის მნიშვნელოვანი მომატების შესახებ, რაც პანკრეატიტის განვითარებას იწვევდა.
• · ეგზოგენურ ესტროგენებს მემკვიდრეობითი ან შეძენილი ანგიონევროზული შეშუპების გამოწვევა ან სიმპტომების დამძიმება შეუძლიათ.
• · ესტროგენები თიროქსინის შემბოჭველი გლობულინის (TSG) კონცენტრაციას ზრდიან, რაც ფარისებრი ჯირკვლის მოცირკულირე ჰორმონების საერთო კონცენტრაციის მომატებას იწვევს, რაც პროტეინთან შეკავშირებული იოდის კონცენტრაციით, თიროქსინის (T4) კონცენტრაციით (განისაზღვრება სვეტური ქრომატოგრაფიის მეთოდით ან რადიოიმუნოლოგიური კვლევის მონაცემებით) ან ტრიიოდთირონინის (T3) კონცენტრაციით (განისაზღვრება რადიოიმუნოლოგიური კვლევის მონაცემებით) ფასდება. ტრიიოდთირონინის (T3) შთანთქმის დონე მცირდება, რაც თიროქსინის შემბოჭველი გლობულინის (TSG) კონცენტრაციის გაზრდაზე მიუთითებს. თავისუფალი თიროქსინის (T4) და ტრიიოდთირონინის (T3) კონცენტრაცია არ იცვლება. შესაძლებელია სისხლის პლაზმაში სხვა შემაკავშირებელი ცილების კონცენტრაციის გაზრდა, მათ შორის კორტიკოსტეროიდების შემაკავშირებელი გლობულინის (CSG), სასქესო ჰორმონების შემაკავშირებელი გლობულინის (sex hormone binding globulin / SHBG), რაც მოცირკულირე კორტიკოსტეროიდების კონცენტრაციის და შესაბამისად სასქესო ჰორმონების მატებას იწვევს. ჰორმონების თავისუფალი ან ბიოლოგიურად აქტიური ფორმების კონცენტრაცია უცვლელი რჩება. შესაძლებელია სისხლის პლაზმის სხვა ცილების კონცენტრაციის გაზრდა (ანგიოტენზინოგენ/რენინის სუბსტრატი, ალფა-1-ანტიტრიფსინი, ცერულოპლაზმინი).
• · კოგნიტიური ფუნქცია HRT ფონზე არ უმჯობესდება. არსებობს გარკვეული მონაცემები დემენციის განვითარების გაზრდილი რისკის შესახებ ქალებში, რომლებმაც HRT კომბინირებული პრეპარატებით ან ესტროგენით უწყვეტი მონოთერაპია 65 წლის შემდეგ დაიწყეს.
• · პაციენტებმა, რომელთაც აქვთ იშვიათი მემკვიდრეობითი გალაქტოზის აუტანლობა, ლაქტაზის დეფიციტი ან გლუკოზა-გალაქტოზის შეწოვის დარღვევა, არ უნდა მიიღონ სამკურნალო საშუალება ფემოსტონი® 1/10.
• · პრეპარატს ფემოსტონი® 1/10 არ წარმოადგენს კონტრაცეპტიულ საშუალებას.

ALT დონის მომატება

კლინიკური კვლევების დროს პაციენტებში, რომლებიც ინფექციურ ვირუსულ C ჰეპატიტს მკურნალობდნენ კომბინაციით ომბიტასვირი/პარიტაპრევირი/რიტონავირი დასაბუვირთან ერთად ან მის გარეშე, ALT დონის ხუთჯერზე მეტად მომატება ნორმის ზედა ზღვრის მაჩვენებლთან შედარებით გაცილებით ხშირი იყო ქალებში, რომლებიც ეთინილესტრადიოლის შემცველი პრეპარატებით, მაგალითად კომბინირებული ჰორმონული კონტრაცეპტივებით (CHC) მკურნალობდნენ. ამას გარდა, ასევე პაციენტებში, რომლებიც იღებდნენ გლეკაპრევირ/პიბრენტასვირს, ALT დონის მომატება აღენიშნებოდათ ქალებს, რომლებიც ეთინილესტრადიოლის შემცველ პრეპარატებს, მაგალითად CHC-ს იღებდნენ.

ქალებში, რომლებიც იყენებდნენ ეთინილესტრადიოლისგან განსხვავებული ესტროგენების შემცველ სამკურნალო პრეპარატებს, როგორიცაა ესტრადიოლი, ALT დონის მომატება ანალოგიური იყო მათთან, ვინც ესტროგენს საერთოდ არ იღებდა; თუმცა ქალების შეზღუდული რაოდენობის გამო, რომლებიც სხვა ესტროგენებს იღებენ, საჭიროა სიფრთხილე სამკურნალო პრეპარატის ფემოსტონი® 1/10 და პრეპარატების კომბინაციის ომბიტასვირი/პარიტაპრევირი/რიტონავირი დასაბუვირთან ერთად ან მის გარეშე, ასევე ლეკაპრევირი/პიბრენტასვირი ერთდროული მიღებისას (იხ. პარაგრაფი „ურთიერთქმედება სხვა სამკურნალო პრეპარატებთან და ურთიერთქმედების სხვა ფორმები“).

4.5. ურთიერთქმედება სხვა სამკურნალო პრეპარატებთან და ურთიერთქმედების სხვა ფორმები.

წამლების ურთიერთმოქმედების შესასწავლად კვლევები არ ჩატარებულა.

ესტროგენების და პროგესტაგენების ეფექტიანობა შეიძლება დაირღვეს

• · ესტროგენების და პროგესტაგენების მეტაბოლიზმი შეიძლება გაიზარდოს იმ პრეპარატების ერთდროული გამოყენებისას, რომლებიც მედიკამენტური მეტაბოლიზმის იზოფერმენტების ინდუქტორებადაა ცნობილი, კერძოდ კი ციტოქრომ Р450 იზოფერმენტი, ასევე ეპილეფსიის საწინააღმდეგო საშუალებები (მაგალითად, ფენობარბიტალი, ფენიტოინი, კარბამაზეპინი) და ანთების საწინააღმდეგო საშუალებები (მაგალითად, რიფამპიცინი, რიფაბუტინი, ნევირაპინი, ეფავირენზი).
• · მიუხედავად იმისა, რომ რიტონავირი და ნელფინავირი ცნობილია, როგორც CYP450 3A4, A5, A7 მძლავრი ინჰიბიტორები, სტეროიდულ ჰორმონებთან ერთდროული გამოყენებისას ისინი ესტროგენების და პროგესტაგენების მეტაბოლიზმზე მასტიმულირებელ თვისებას ავლენენ.
• · კრაზანას (Hypericum perforatum), შემცველ მცენარეულ პრეპარატებს ასევე შეუძლიათ ესტროგენების და პროგესტაგენების მეტაბოლიზმის სტიმულირება.
• · კლინიკურად ესტროგენების და პროგესტაგენების გაზრდილ მეტაბოლიზმს შეუძლია მოქმედების ეფექტიანობის დაქვეითება და საშვილოსნოდან სისხლდენის ხასიათის შეცვლა გამოიწვიოს.

ფარმაკოდინამიკული ურთიერთქმედება

ომბიტასვირი/პარიტაპრევირი/რიტონავირით დასაბუვირთან ერთად ან მის გარეშე ჰეპატიტი C მკურნალობის კომბინირებული რეჟიმის კლინიკური კვლევების დროს ALT დონის ხუთჯერზე მეტად მომატება ნორმის ზედა ზღვრის მაჩვენებლთან შედარებით გაცილებით ხშირი იყო ქალებში, რომლებიც ეთინილესტრადიოლის შემცველი პრეპარატებით, მაგალითად კომბინირებული ჰორმონული კონტრაცეპტივებით მკურნალობდნენ. ქალებში, რომლებიც იყენებდნენ ეთინილესტრადიოლისგან განსხვავებული ესტროგენების შემცველ სამკურნალო პრეპარატებს, როგორიცაა ესტრადიოლი, ALT დონის მომატება ანალოგიური იყო მათთან, ვინც ესტროგენს საერთოდ არ იღებდა; თუმცა ქალების შეზღუდული რაოდენობის გამო, რომლებიც სხვა ესტროგენებს იღებენ, საჭიროა სიფრთხილე სამკურნალო პრეპარატის ფემოსტონი® 1/10 და პრეპარატების კომბინაციის ომბიტასვირი/პარიტაპრევირი/რიტონავირი დასაბუვირთან ერთად ან მის გარეშე, ასევე ლეკაპრევირი/პიბრენტასვირი ერთდროული მიღებისას (იხ. პარაგრაფი „განსაკუთრებული მითითებები და სიფრთხილის ზომები მიღებისას“.

ესტროგენებს სხვა სამკურნალო პრეპარატების მეტაბოლიზმზე ზემოქმედება შეუძლიათ

• · ესტროგენებს კონკურენტული დათრგუნვის გზით თავისთავად შეუძლიათ ციტოქრომ Р450 სისტემის იზოფერმენტების ინჰიბირება, რომლებიც წამლების მეტაბოლიზმში მონაწილეობენ.
• · ეს განსაკუთრებით მნიშვნელოვანია ვიწრო თერაპიული ინდექსის მქონე პრეპარატებთან მიმართებით, მაგალითად: ტაკროლიმუსი და ციკლოსპორინი A (CYP450 3A4, 3A3), ფენტანილი (CYP450 3A4), თეოფილინი (CYP450 1A2).

კლინიკურად ამას შეუძლია სისხლის პლაზმაში ამ ნივთიერებების ტოქსიურობამდე მომატება გამოიწვიოს. ამგვარად, შეიძლება საჭირო გახდეს საფუძვლიანი დაკვირვება პაციენტებზე ხანგრძლივი დროის განმავლობაში და აუცილებლობისას, - ტაკროლიმუსის, ფენტანილის, თეოფილინის და ციკლოსპორინი A დოზების შემცირება.

4.6. ფერტილობა, ორსულობა და ლაქტაცია.

ორსულობა

სამკურნალო პრეპარატის ფემოსტონი® 1/10 მიღება არ არის ნაჩვენები ორსულობისას.

პრეპარატით ფემოსტონი® 1/10 მკურნალობის ფონზე ორსულობის დადგომისას თერაპია დაუყოვნებლივ უნდა შეწყდეს.

ამ მომენტისთვის ჩატარებული ეპიდემიოლოგიური კვლევების უმრავლესობის შედეგები, რომლებიც ეხებოდა ნაყოფზე ესტროგენების და პროგესტაგენების კომბინირებული კომპოზიციების შემთხვევით ზემოქმედებას, ტერატოგენული ან ფეტოტოქსიური ზემოქმედების არარსებობაზე მიუთითებენ.

ორსულების მიერ ესტრადიოლი/დიდროგესტერონის მიღების ადექვატური მონაცემები არ არსებობს.

ძუძუთი კვების პერიოდი

სამკურნალო პრეპარატის ფემოსტონი® 1/10 მიღება არ არის ნაჩვენები ძუძუთი კვების პერიოდში.

4.7. სატრანსპორტო საშუალებების მართვისა და მექანიზმებთან მუშაობის უნარზე ზემოქმედება.

ფემოსტონი® 1/10 არ მოქმედებს ან უმნიშვნელოდ ზემოქმედებს სატრანსპორტო საშუალებების ან მექანიზმების მართვის უნარზე.

4.8. არასასურველი რეაქციები.

ყველაზე ხშირი გვერდითი რეაქციები ქალებში, რომლებიც იღებდნენ ესტრადიოლს/დიდროგესტერონს, კლინიკურ კვლევებში არის თავის ტკივილი, ტკივილი მუცელში, სარძევე ჯირკვლების ტკივილი/მგრძნობელობა და ზურგის ტკივილი.

კლინიკური კვლევების მიმდინარეობისას ქვემოთ მითითებული სიხშირით შემდეგი გვერდითი რეაქციები გამოვლინდა (n = 5108):

*დამატებითი ინფორმაცია იხ. ქვევით.

სარძევე ჯირკვლის კიბო

• · ქალებში, რომლებიც ესტროგენით და პროგესტაგენით კომბინირებულ თერაპიას იტარებდნენ 5 და მეტი წლის განმავლობაში, სარძევე ჯირკვლის კიბოს განვითარების რისკის ორჯერ მომატება აღინიშნებოდა.
• · ქალებში, რომლებიც HRT მხოლოდ ესტროგენით იტარებდნენ, რისკის ნებისმიერი გაზრდა ნაკლები იყო იმ ქალებთან შედარებით, რომლებიც ესტროგენით და პროგესტაგენით კომბინირებულ HRT იტარებდნენ.
• · რისკის დონეს თერაპიის ხანგრძლივობა განსაზღვრავს (იხ. პარაგრაფი „განსაკუთრებული მითითებები და უსაფრთხოების ზომები მიღებისას“).

წარმოდგენილია აბსოლუტური რისკის შეფასება, რომელიც WHI უდიდესი რანდომიზებული პლაცებო კონტროლირებადი კვლევების შედეგებს და პროსპექტული ეპიდემიოლოგიური კვლევების ყველაზე დიდ მეტაანალიზს ეფუძნება.

პროსპექტული ეპიდემიოლოგიური კვლევების ყველაზე დიდი მეტაანალიზი - სარძევე ჯირკვლის კიბოს განვითარების შეფასებული დამატებითი რისკი გამოყენებიდან 5 წლის შემდეგ ქალებში სხეულის მასის ინდექსით (BMI) 27 (კგ/მ²)

სარძევე ჯირკვლის კიბოს განვითარების შეფასებული დამატებითი რისკი გამოყენებიდან 10 წლის შემდეგ ქალებში სხეულის მასის ინდექსით (BMI) 27 (კგ/მ²)

WHI კვლევა, აშშ - სარძევე ჯირკვლის კიბოს დამატებითი რისკი გამოყენებიდან 5 წლის შემდეგ:

^bWHI კვლევა ქალებში ამოკვეთილი საშვილოსნოთი, რომელშიც არ იყო ნაჩვენები სარძევე ჯირკვლის კიბოს გაზრდილი რისკი.

^#როდესაც ანალიზში ჩართული იყო მხოლოდ ის ქალები, რომლებიც არ იღებდნენ HRT კვლევის დაწყებამდე, პირველი 5 წლის განმავლობაში რისკი არ ფიქსირდებოდა: 5 წლის შემდეგ რისკი უფრო მაღალი იყო, ვიდრე ქალებში, რომლებიც არ იღებდნენ HRT.

ენდომეტრიუმის კიბოს განვითარების რისკი

ქალები პოსტმენოპაუზის პერიოდში ინტაქტური საშვილოსნოთი.

ენდომეტრიუმის კიბოს განვითარების რისკი არის დაახლოებით 5 შემთხვევა 1000 ქალზე საშვილოსნოთი, რომლებიც არ იღებენ HRT.

ენდომეტრიუმის კიბოს განვითარების მომატებულ რისკთან დაკავშირებით მხოლოდ ესტროგენებით HRT დანიშვნა არ არის რეკომენდებული ქალებისთვის ინტაქტური საშვილოსნოთი (იხ. პარაგრაფი „განსაკუთრებული მითითებები და უსაფრთხოების ზომები მიღებისას“).

ესტროგენებით მონოთერაპიის ხანგრძლივობისა და ესტროგენის დოზის მიხედვით რისკის ზრდა ეპიდემიოლოგიურ კვლევებში 50-65 წლის ყოველ 1000 ქალზე 5-დან 55 დამატებით შემთხვევამდე მერყეობდა.

ციკლის სულ მცირე 12 დღის განმავლობაში დამატებით პროგესტაგენის არსებობამ შეიძლება მოცემული რისკის ზრდა შეაჩეროს.

Million Women Study (MWS) კვლევაში კომბინირებული (უწყვეტი ან ციკლური) HRT გამოყენება 5 წლის განმავლობაში არ იწვევდა ენდომეტრიუმის კიბოს განვითარების რისკის მომატებას (რისკის შეფარდება (HR) 1,0 (0,8-1,2)).

საკვერცხეების კიბო

HRT მხოლოდ ესტროგენებით ან ესტროგენით და პროგესტაგენით კომბინირებული HRT გამოყენებისას საკვერცხეების კიბოს განვითარების რისკის უმნიშვნელო მატება აღინიშნებოდა. 52 ეპიდემიოლოგიური კვლევის მეტაანალიზის მონაცემები საკვერცხეების კიბოს განვითარების მომატებულ რისკზე მიუთითებს ქალებში, რომლებიც ამჟამად იყენებენ HRT იმ ქალებთან შედარებით, რომლებიც არასდროს მიუღიათ HRT (რისკის შეფარდება 1.43, 95% ნდობის ინდექსი 1.31-1.56). 50-54 წლის ქალებში, რომლებიცნ HRT 5 წლის განმავლობაში იღებდნენ, გამოავლინა 1 დამატებითი შემთხვევა 2000 პაციენტზე. 50-54 წლის ქალებში, რომლებიც არ იღებდნენ HRT, 2000-დან დაახლოებით 2 ქალს უნდა დაუდასტურდეს საკვერცხეების სიმსივნე 5 წლის განმავლობაში.

ვენური თრომბოემბოლიის რისკი

HRT ვენური თრომბოემბოლიის (VTE), ანუ ღრმა ვენების თრომბოზის ან ფილტვის არტერიის თრომბოემბოლიების განვითარების შედარებითი რისკის 1,3-3-ჯერ მომატებასთანაა დაკავშირებული. ამ მოვლენის განვითარება უფრო მოსალოდნელია HRT ჩატარების პირველი წლის განმავლობაში (იხ. პარაგრაფი „განსაკუთრებული მითითებები და უსაფრთხოების ზომები მიღებისას“).

წარმოდგენილია WHI კვლევის შედეგები:

WHI კვლევები - VTE დამატებითი რისკი 5 წლიანი თერაპიის შემდეგ:

^с კვლევაში მონაწილეობდნენ ქალები ანამნეზში ჰისტერექტომიით.

გულის იშემიური დაავადების რისკი

გულის იშემიური დაავადების რისკი ოდნავ მაღალია ქალებში, რომლებიც იღებდნენ ესტროგენით და პროგესტაგენით კომბინირებულ HRT 60 წელზე უფროს ასაკში (იხ. პარაგრაფი „განსაკუთრებული მითითებები და უსაფრთხოების ზომები პრეპარატის მიღებისას“).

იშემიური ინსულტის რისკი

ესტროგენით და პროგესტაგენით კომბინირებული თერაპია ან ესტროგენებით მონოთერაპია იშემიური ინსულტის შედარებითი რისკის 1,5-ჯერ გაზრდასთანაა დაკავშირებული. ჰემორაგიული ინსულტის რისკი HRT მიღებისას არ იზრდება.

შედარებითი რისკი ასაკზე ან მიღების ხანგრძლივობაზე არაა დამოკიდებული. თუმცა, რადგან ინსულტის თავდაპირველი რისკი დიდწილად დამოკიდებულია ასაკზე, იშემიური ინსულტის საერთო რისკი ქალებში HRT ფონზე გაიზრდება ასაკთან ერთად (იხ. პარაგრაფი „განსაკუთრებული მითითებები და უსაფრთხოების ზომები პრეპარატის მიღებისას“).

WHI კვლევების ჯამური მონაცემები - იშემიური ინსულტის^d დამატებითი რისკი ჩანაცვლებითი ჰორმონული თერაპიის 5 წლიან პერიოდში:

^d იშემიურ და ჰემორაგიულ ინსულტს შორის განსხვავების დადგენა არ მოხდა.

სხვა გვერდითი რეაქციები, რომლებიც ესტროგენებით/პროგესტაგენებით მკურნალობასთან ასოცირდება (ესტრადიოლი/დიდროგესტერონის ჩათვლით):

კეთილთვისებიანი, ავთვისებიანი და დაუზუსტებელი სიმსივნეები:

როგორც კეთილთვისებიანი ასევე ავთვისებიანი ესტროგენდამოკიდებული სიმსივნეები, მაგალითად, ენდომეტრიუმის კიბო, საკვერცხეების კიბო. მენინგიომის ზომების გაზრდა.

დარღვევები სისხლის და ლიმფური სისტემის მხრივ: ჰემოლიზური ანემია.

დარღვევები იმუნური სისტემის მხრივ:სისტემური წითელი მგლურა.

დარღვევები ნივთიერებათა ცვლისა და კვების მხრივ:ჰიპერტრიგლიცერიდემია.

დარღვევები ნერვული სისტემის მხრივ:შესაძლო დემენცია, ქორეა, ეპილეფსიის გამწვავება.

დარღვევები მხედველობის ორგანოს მხრივ:რქოვანას სიმრუდის მომატება, კონტაქტური ლინზების აუტანლობა.

დარღვევები სისხლძარღვების მხრივ:არტერიული თრომბოემბოლია.

დარღვევები კუჭ-ნაწლავის ტრაქტის მხრივ:პანკრეატიტი (ქალებში, რომელთაც აღენიშნებოდათ ჰიპერტრიგლიცერიდემია).

დარღვევები კანისა და კანქვეშა ქსოვილების მხრივ:მულტიმორფული ერითემა, კვანძოვანი ერითემა, ქლოაზმა ან მელაზმა, რაც პრეპარატის მიღების შეწყვეტის შემდეგაც შეიძლება დარჩეს.

დარღვევები ძვალ-კუნთოვანი და შემაერთებელი ქსოვილების მხრივ:გასტროკნემიუსის კუნთის კრუნჩხვები.

დარღვევები თირკმლებისა და შარდგამომყოფი გზების მხრივ:შარდის შეუკავებლობა.

დარღვევები სასქესო ორგანოების და სარძევე ჯირკვლების მხრივ: კისტოზურ-ფიბროზული მასტოპათია, საშვილოსნოს ყელის ეროზია.

თანდაყოლილი, ოჯახური და გენეტიკური დარღვევები: პორფირიის არსებობისას მდგომარეობის გაუარესება.

ლაბორატორიული და ინსტრუმენტული კვლევების შედეგებზე ზემოქმედება: ფარისებრი ჯირკვლის ჰორმონების საერთო დონის მომატება.

ცნობები არასასურველ რეაქციებზე

სამკურნალო პრეპარატის რეგისტრაციის შემდეგ სამკურნალო პრეპარატის „სარგებელი - რისკი“ შეფარდების უწყვეტი მონიტორინგის უზრუნველსაყოფად მნიშვნელოვანია საეჭვო არასასურველი რეაქციების შესახებ ინფორმაციის მიწოდება. სამედიცინო მუშაკებისთვის რეკომენდებულია სამკურნალო პრეპარატის ნებისმიერი საეჭვო არასასურველი რეაქციების შესახებ ნაციონალური სისტემებით ევრაზიული ეკონომიკური კავშირის სახელმწიფო-წევრებს აცნობონ.

ბელარუსის რესპუბლიკა:

მისამართი: 220037, ქალაქი მინსკი, ტოვარიშჩესკის შესახვევი 2ა

რესპუბლიკური უნიტარული საწარმო „ჯანდაცვაში ექსპერტიზისა და კვლევების ცენტრი“

საიტი ინფორმაციულ-ტელეკომუნიკაციურ ქსელში „ინტერნეტი“: www.rceth.by.

სომხეთის რესპუბლიკა:

მისამართი: 0001, ერევანი, კომიტასის პროსპექტი 49/4

„აკადემიკოს ე. გაბრიელიანის სახელობის წამლებისა და სამედიცინო ტექნოლოგიების ექსპერტიზის სამეცნიერო ცენტრი“ დახურული ტიპის სააქციო საზოგადოება,

ტელეფონი: (+374 60) 83-00-73, (+374 10) 23-08-96, (+374 10) 23-16-82 + 10 50;

ცხელი ხაზი: (+374 10) 20-05-05, (+374 96) 22-05-05

e-mail: [email protected]

www.pharm.am

4.9. ზედოზირება.

სიმპტომები

ესტრადიოლი და დიდროგესტერონი დაბალი ტოქსიურობის ნივთიერებებია. ზედოზირების შემთხვევაში შეიძლები აღინიშნოს შემდეგი სიმპტომები: გულისრევა, ღებინება, სარძევე ჯირკვლების მგრძნობელობა, თავბრუსხვევა, ტკივილი მუცელში, მოდუნება/სისუსტე, მოხსნის სისხლდენა.

მკურნალობა

ნაკლებსავარაუდოა, რომ ზედოზირებისას რაიმე სპეციფიური სიმპტომური მკურნალობის აუცილებლობა დადგეს.

ზემოხსენებული ინფორმაცია ბავშვებში ზედოზირების შემთხვევაშიც მისაღებია.

5. ფარმაკოლოგიური თვისებები

5.1. ფარმაკოდინამიური თვისებები.

ფარმაკოთერაპიული ჯგუფი:

პროგესტაგენები და ესტროგენები, კომბინაციები თანმიმდევრული მიღების მიზნით.

ATC (Anatomical Therapeutic Chemical) კოდი: G03FB08.

ესტრადიოლი

აქტიური ინგრედიენტი, 17-β-ესტრადიოლი, ქიმიურად და ბიოლოგიურად ადამიანის ენდოგენური ესტრადიოლის იდენტურია. ის მენოპაუზის პერიოდში მყოფ ქალებში ესტროგენების შემცირებულ დონეს აკომპენსირებს. ესტროგენები ხელს უშლის ძვლის მასის დაკარგვას, რომელიც მენოპაუზის პერიოდში ან ოვარიოექტომიის შემდეგ ვითარდება.

დიდროგესტერონი

პერორალური დიდროგესტერონის აქტივობა პარენტერალურად შეყვანილი პროგესტერონის აქტივობას ედრება.

რადგან ესტროგენები ენდომეტრიუმის ზრდას უწყობენ ხელს, ესტროგენების მონოთერაპიის სახით მიღება ენდომეტრიუმის ჰიპერპლაზიის და კიბოს რისკს ზრდის. პროგესტაგენების დამატება ქალებში ჰისტერექტომიის გარეშე ენდომეტრიუმის ჰიპერპლაზიის ესტროგენით ინდუცირებულ რისკს მნიშვნელოვნად ამცირებს.

კლინიკური კვლევების მონაცემები

ესტროგენების დეფიციტის სიმპტომების გამოვლინების შემცირება და მენსტრუაციის მსგავსი სისხლდენების პროფილის გაუმჯობესება.

კლიმაქსური სიმპტომების შემსუბუქება მკურნალობის პირველ კვირებში ვლინდება.

რეგულარული მენსტრუალური სისხლდენა, რომელიც გაგრძელდა 5 დღის განმავლობაში ფემოსტონის® 1/10-ის მიღების შეწყვეტიდან, დაფიქსირდა ქალების 76%-ში. პრეპარატის შეწყვეტის შემდეგ სისხლდენა ჩვეულებრივ იწყება პროგესტოგენის ფაზის ბოლო ტაბლეტის მიღების დღეს (საშუალოდ ციკლის 28-ე დღეს). გაგლეჯვის სისხლდენა და/ან ლაქები დაფიქსირდა ქალების 23%-ში თერაპიის პირველი სამი თვის განმავლობაში და ქალების 15%-ში თერაპიის 10-12 თვის განმავლობაში.

ამენორეა (მენსტრუაციის ან სისხლიანი გამონადენის არარსებობა) აღენიშნებოდა ქალების 21%-ში მკურნალობის პირველი წლის განმავლობაში.

ოსტეოპოროზის პროფილაქტიკა

მენოპაუზის პერიოდში ესტროგენის დეფიციტი ძვლის რემოდელირების მომატებასა და ძვლის მასის შემცირებასთანაა დაკავშირებული. ესტროგენების ზემოქმედება ძვლოვანი ქსოვილის მინერალურ სიმკვრივეზე დოზაზეა დამოკიდებული. დამცველობითი მოქმედება იმდენ ხანს გრძელდება, რამდენიც მკურნალობა. ჩანაცვლებითი ჰორმონული თერაპიის (HRT) შეწყვეტისას ძვლის ქსოვილის კარგვის სიჩქარე იგივეა, რაც ქალებში, რომლებიც არ იღებდნენ ესტროგენებს.

WHI კვლევა და კვლევების მეტაანალიზები აჩვენებს, რომ უპირატესად ჯანმრთელ ქალებში მხოლოდ ესტროგენებით ან პროგესტაგენთან ერთად HRT უწყვეტი მიღება ბარძაყის, ხერხემლის და ოსტეოპოროზით გამოწვეული სხვა მოტეხილობების რისკს ამცირებს. HRT ასევე ქალებში ძვლოვანი ქსოვილის დაბალი სიმკვრივით და/ან დადგენილი ოსტეოპოროზით მოტეხილობების თავიდან აცილება შეუძლია, თუმცა ამ ვარაუდის დამადასტურებელი მონაცემები შეზღუდულია.

ფემოსტონით® 1/10 ერთი წლის მკურნალობის პერიოდში ძვლოვანი ქსოვილის მინერალური სიმკვრივე ხერხემლის წელის ნაწილში 5,2% ± 3,48%-ით (საშუალო მნიშვნელობა ± სტანდარტული გადახრა). ქალების პროცენტული მაჩვენებელი, რომლებშიც ძვლოვანი ქსოვილის მინერალური სიმკვრივე გაიზარდა ან უცვლელი დარჩა შეადგენდა 93%-ს.

ფემოსტონი® 1/10 ბარძაყის ძვლის ძვლოვანი ქსოვილის მინერალურ სიმკვრივეზე მოქმედებს. ორი წლის განმავლობაში მკურნალობის შემდეგ ძვლოვანი ქსოვილის მინერალური სიმკვრივე ბარძაყის ძვლის ყელის მიდამოში 3,5±5%-ით (საშუალო მნიშვნელობა ± სტანდარტული გადახრა), ციბრუტის მიდამოში 3,5±5,0%-ით (საშუალო მნიშვნელობა ± სტანდარტული გადახრა) და ვარდის სამკუთხედში 2,7±6,7%-ით გაიზარდა. ქალბის პროცენტულმა მაჩვენებელმა, რომლებშიც ძვლოვანი ქსოვილის მინერალური სიმკვრივე ბარძაყის ძვლის სამ ზონაში გაიზარდა ან უცვლელი დარჩა პრეპარატით ფემოსტონი® 1/10 თერაპიის შემდეგ და შესაბამისად შეადგინა 67%-78%.

5.2. ფარმაკოკინეტიკური თვისებები

ესტრადიოლი

• · აბსორბცია

ესტრადიოლის შეწოვა დამოკიდებულია ნაწილაკების ზომაზე: მიკრონიზებული ესტრადიოლი ადვილად შეიწოვება კუჭ-ნაწლავის ტრაქტიდან.

ქვემოთ მოცემულია ცხრილი სტაბილურ მდგომარეობაში ფარმაკოკინეტიკური პარამეტრების საშუალო მნიშვნელობებით ესტრადიოლის (Е2), ესტრონისა (Е1) და ესტრონის სულფატისთვის (Е1S) მიკრონიზებული ესტრადიოლის თითოეული დოზისთვის. მონაცემები წარმოდგენილია საშუალო მნიშვნელობის სახით (SD).

ესტრადიოლი 1 მგ:

• · განაწილება

ესტროგენები გვხვდება როგორც შეკავშირებულ, ასევე არაშეკავშირებულ მდგომარეობაში. ესტრადიოლის დოზის დაახლოებით 98-99% პლაზმის ცილებს, აქედან დაახლოებით 30-52% ალბუმინს და დაახლოებით 46-69% სასქესო ჰორმონების შემაკავშირებელ გლობულინს (sex hormone binding globulin / SHBG) უკავშირდება.

• · მეტაბოლიზმი

პრეპარატის პერორალურად მიღების შემდეგ ესტრადიოლი სწრაფად მეტაბოლიზდება. ძირითადი არაკონიუგირებული და კონიუგირებული მეტაბოლიტებია - ესტრონი და ესტრონის სულფატი. ეს მეტაბოლიტები ესტროგენულ აქტივობას ავლენენ თავადაც და ესტრადიოლად ქცევის შემდეგაც. ესტრონის სულფატი შეიძლება დაექვემდებაროს ღვიძლშიდა მეტაბოლიზმს.

• · გამოყოფა

ესტრონი და ესტრადიოლი შარდით გამოიყოფა, ძირითადად გლუკურონიდების ფორმით. T1/2 10-16 საათს შეადგენს.

ესტროგენები გამოიყოფა მეძუძური დედის რძით.

• დოზაზე და დროზე დამოკიდებულება

ფემოსტონის® 1/10 ყოველდღიური მიღებისას, ესტრადიოლის წონასწორული კონცენტრაცია მიიღწევა მიღებიდან დაახლოებით 5 დღის შემდეგ, ყველაზე ხშირად 8-11 დღის განმავლობაში.

დიდროგესტერონი

• · აბსორბცია

პერორალური მიღებისას სწრაფად შეიწოვება კუჭ-ნაწლავის ტრაქტიდან. Tmax მიღწევის დრო 0,5-დან 1,5 საათამდეა.

ცხრილში მოცემულია სტაბილურ მდგომარეობაში ფარმაკოკინეტიკური პარამეტრების საშუალო მნიშვნელობები დიდროგესტერონისთვის და დიჰიდროდიდროგესტერონისთვის. მონაცემები წარმოდგენილია საშუალო მნიშვნელობის სახით (SD).

დიდროგესტერონი 5 მგ

ერთჯერადი მიღების შემდეგ საკვები აჩერებს დიდროგესტერონის პიკურ კონცენტრაციას პლაზმაში დაახლოებით 1 საათით, რაც იწვევს პლაზმაში დიდროგესტერონის პიკური კონცენტრაციის შემცირებას დაახლოებით 20%-ით დიდროგესტერონის და დიჰიდროდიდროგესტერონის ზემოქმედების ხარისხზე გავლენის გარეშე.

• · განაწილება

დიდროგესტერონის პერორალური მიღებისას გადანაწილების ხილული მოცულობა მნიშვნელოვანია და არის დაახლოებით 22000 ლ. დიდროგესტერონი და დიჰიდროდიდროგესტერონი უკავშირდება სისხლის პლაზმის ცილებს 90% მეტად.

• · მეტაბოლიზმი

პერორალური მიღების შემდეგ დიდროგესტერონი სწრაფად მეტაბოლიზდება დიჰიდროდიდროგესტერონად. ძირითადი მეტაბოლიტის 20α-დიჰიდროდიდროგესტერონის კონცენტრაცია პიკს აღწევს იმავე დროში, როგორშიც დიდროგესტერონი. ძირითადი აქტიური მეტაბოლიტის 20- α-დიჰიდროდიდროგესტერონის დონე გაცილებით მაღალია თავდაპირველ ნივთიერებასთან შედარებით, დიჰიდროდიდროგესტერონის დიდროგესტერონთან AUC და Cmax მნიშვნელობათა შეფარდება შეადგენს დაახლოებით 25 და 20, შესაბამისად. ნახევარგამოყოფის პერიოდი დიდროგესტერონისთვის და დიჰიდროდიდროგესტერონისთვის დაახლოებით 15 საათს შეადგენს. დიდროგესტერონის ყველა მეტაბოლიტის საერთო მახასიათებელია საწყისი ნივთიერების 4,6-დიენ-3-ონა კონფიგურაციის შენარჩუნება და 17α-ჰიდროქსილირების არარსებობა, რაც ესტროგენული და ანდროგენული აქტივობის არარსებობას განაპირობებს.

• · გამოყოფა

მონიშნული დიდროგესტერონის პერორალური მიღების შემდეგ საშუალოდ დოზის 63% შარდით გამოიყოფა. პლაზმიდან დიდროგესტერონის ხილული საერთო კლირენსი მაღალია და შეადგენს დაახლოებით 20 ლ/წთ. დიდროგესტერონის სრული გამოყოფა 72 საათის შემდეგ ხდება. დიჰიდროდიდროგესტერონი შარდთან ერთად ძირითადად გლუკურონის მჟავის კონიუგატის ფორმით გამოიყოფა.

• · დოზა და დროზე დამოკიდებულება

ფარმაკოკინეტიკა სწორხაზოვანია 2,5-დან 20 მგ.-მდე როგორც ერთჯერადი, ისე განმეორებითი მიღებისას. ერთჯერადი და მრავალჯერადი დოზების კინეტიკის შედარება გვაჩვენებს, რომ დიდროგესტერონის და დიჰიდროდიდროგესტერონის ფარმაკოკინეტიკა არ იცვლება დოზის განმეორებითი მიღების შედეგად. სტაბილური კონცენტრაცია ჩვეულებრივ მკურნალობის 3 დღის შემდეგ მიიღწევა.

6. ფარმაცევტული თვისებები

6.1. დამხმარე ნივთიერებათა ჩამონათვალი.

აპკოვანი გარსით დაფარული, თეთრი ფერის 1 ტაბლეტი შეიცავს:

დამხმარე ნივთიერებებს: ლაქტოზის მონოჰიდრატი 119,1 მგ, ჰიპრომელოზა 2,8 მგ, სიმინდის სახამებელი 15,0 მგ, კოლოიდური სილიციუმის დიოქსიდი 1,4 მგ, მაგნიუმის სტეარატი 0,7 მგ.

აპკოვანი გარსი: ოპადრეი Y-1-7000 თეთრი 4,0მგ (ჰიპრომელოზა, ტიტანის დიოქსიდი (E171), მაკროგოლი 400)

აპკოვანი გარსით დაფარული ნაცრისფერი ფერის 1 ტაბლეტი შეიცავს:

დამხმარე ნივთიერებები: ლაქტოზას მონოჰიდრატი 110,2 მგ; ჰიპრომელოზა 2,8 მგ; სიმინდის სახამებელი 13,9 მგ; კოლოიდური სილიციუმის დიოქსიდი 1,4 მგ; მაგნიუმის სტეარატი 0,7 მგ;

აპკოვანი გარსი: ოპადრეი II 85F27664 ნაცრისფერი 4.0 მგ (პოლივინილის სპირტი, ტიტანის დიოქსიდი (E171), მაკროგოლი 3350; ტალკი; რკინის ოქსიდი შავი (E172).

6.2. შეუთავსებლობა.

არ ეხება.

6.3. ვარგისიანობის ვადა.

3 წელი.

6.4. სიფრთხილის განსაკუთრებული ზომები შენახვისას.

უნდა ინახებოდეს ორიგინალური შეფუთვით არაუმეტეს 30°C ტემპერატურისა.

6.5. შეფუთვის ხასიათი და შემცველობა.

28 ტაბლეტს (14 თეთრი ტაბლეტი, რომელიც შეიცავს 1 მგ ესტრადიოლს და 14 ნაცრისფერი ტაბლეტი, რომელიც შეიცავს 1 მგ ესტრადიოლს და 10 მგ დიდროგესტერონს) ათავსებენ PVC (პოლივინილქლორიდი)/ალუმინის ფოლგის ბლისტერში.

ერთ ბლისტერს სამკურნალო პრეპარატის გამოყენების ინსტრუქციასთან ერთად ათავსებენ მუყაოს კოლოფში.

6.6. უსაფრთხოების განსაკუთრებული ზომები გამოყენებული სამკურნალო პრეპარატის ან სამკურნალო პრეპარატის გამოყენების ან მასთან მუშაობის შემდეგ მიიღებული ნარჩენების განადგურებისას.

განსაკუთრებული მოთხოვნები არ არსებობს.

გაცემის პირობები.

გაიცემა ექიმის რეცეპტით.

7. სარეგისტრაციო მოწმობის მფლობელი

ებოტ ჰელსქეა პროდაქტს ბ.ვ.

ს.დ. ვან ჰოუტენლაან 36,

ნლ-1381 სპ ვეესპ, ნიდერლანდები.

7.1. სარეგისტრაციო მოწმობის მფლობელის წარმომადგენელი

ბელარუსის რესპუბლიკის, სომხეთის რესპუბლიკის ტერიტორიაზე:

LLC “Abbott Laboratories GmbH” (შვეიცარული კონფედერაცია) წარმომადგენლობა,

ბელარუსის რესპუბლიკა, 220073 მინსკი, პირველი ზაგოროდნი შესახვევი, N20, ოფისი 1503.

ტელეფონი: +375 17 202 23 61; +380 44 498 6080 (სადღეღამისო; მიჰყევით მითითებებს ხმოვანი შეტყობინების ბოლოს)

e-mail: [email protected]

8. სარეგისტრაციო მოწმობის ნომერი

9. პირველადი რეგისტრაციის (რეგისტრაციის დადასტურების, ხელახალი რეგისტრაციის) თარიღი

10. ტექსტის გადახედვის თარიღი