„ავერსის“ სააფთიაქო ქსელის დიღმის ფილიალი დაბადების დღეს აღნიშნავს

ერთი წელი გავიდა მას შემდეგ, რაც დიღომში, თინათინის ქუჩაზე, „ავერსის“ აფთიაქი გაიხსნა. ამ მცირე ხნის განმავლობაში მან უამრავი ლოიალური მომხმარებელი, მეგობარი და გულშემატკივარი შეიძინა. 7 ივლისს კომპანიამ ავერსულად, ულამაზესი ფურშეტით აღნიშნა ფილიალის დაბადების დღე.

თანამშრომლების წახალისება და მოტივირება ავერსის დიდი ხნის ტრადიციაა. 7 ივლისის ღონისძიება ფარმაცევტებისთვის კიდევ ერთი სასიამოვნო სიურპრიზი აღმოჩნდა. სადღესასწაულოდ გაფორმებულ ინტერიერში ავერსელები მომხმარებლებს უგემრიელესი ტორტით უმასპინძლდებიან.

- საიუბილეო თარიღთან დაკავშირებით დიღმის აფთიაქში თვის ბოლომდე გაგრძელდება ყოველდღიური ფასდაკლება პარაფარმაცევტულ ნაწარმზე. გარდა ამისა, ყოველ ოცლარიან შენაძენზე მომხმარებელი მიიღებს იტალიური დეკორატიული კოსმეტიკის ბრენდ „მესაუდას“ სასაჩუქრე ნაკრებს, - გვითხრა სააფთიაქო ქსელის უფროსმა მენეჯერმა მაია აფციაურმა. მისივე თქმით, ლოიალური მომხმარებლისთვის „ავერსს“ კიდევ არაერთი აქცია და საჩუქარი აქვს დაგეგმილი.

ვულოცავთ აფთიაქს დაბადების დღეს და უამრავ წარმატებას ვუსურვებთ!