1 ივნისი ბავშვთა დაცვის საერთაშორისო დღედ 1925 წელს, ჟენევის საერთაშორისო კონფერენციაზე გამოცხადდა. მას შემდეგ ეს თარიღი მსოფლიოს თითქმის ყველა ქვეყანაში ყოველწლიურად აღინიშნება.
ფარმაცევტული კომპანია “ავერსი” 1 ივნისს ყოველთვის განსაკუთრებულად აღნიშნავს და პატარებს, ტრადიციულად, უამრავ სიურპრიზს უმზადებს.
კომპანია საქველმოქმედო საქმიანობას დაარსების დღიდან ეწევა. გასულ წელს კი ფონდი “ავერსი” შეიქმნა, რომელიც ფარმაცევტული კომპანიის საქველმოქმედო საქმიანობას ღირსეულად განაგრძობს.
ბავშვთა დაცვის საერთაშორისო დღე საქველმოქმედო ფონდმა კომპანია “ავერსთან” ერთად სხვადასხვა აქციით აღნიშნა:
“ავერსი”, პირველ ყოვლისა, თბილისის კრიზისულ ცენტრს ესტუმრა. ამ სახლში 33 აღსაზრდელია, რომლებსაც განსაკუთრებული ყურადღება და მზრუნველობა სჭირდებათ. ბავშვთა სახლის ბენეფიცი
არებზე ზრუნვა საქველმოქმედო ფონდ ,,ავერსის" საქმიანობის ერთ-ერთი პრიორიტეტია _ ფონდი მათ გამუდმებით ამარაგებს მედიკამენტებით, ჰიგიენისა და სხეულის მოვლის საშუალებებით. 1 ივნისი კი “ავერსმა” მათთვის დაუვიწყარ დღესასწაულად აქცია:
ეს ლამაზი, თავგადასავლებით აღსავსე დღე კრიზისული ცენტრის აღსაზრდელებისთვის გასართობ ცენტრ ,,ბაო-ბაბში" დაიწყო, სადაც ბავშვებს უამრავი სიურპრიზი და გასართობი ელოდათ, შემდეგ კი “ავერსის” წარმომადგენლები ცენტრის აღსაზრდელებთან ერთად მთაწმინდის პარკს ეწვივნენ. თბილისის კრიზისულ ცენტრს საქველმოქმედო ფონდმა ,,ავერსმა" პირველადი დახმარების მედიკამენტები, ჰიგიენისა და სხეულის მოვლის საშუალებები გადასცა. დღის დასასრულს კი "ავერსმა" ბავშვთა სახლს კიდევ ერთი არაჩვეულებრივი სიურპრიზი მოუმზადა _ ცენტრს საჩუქრად კომპიუტერები გადასცა.
“ჩვენი სურვილი იყო, რომ ბავშვთა დაცვის საერთაშორისო დღე თბილისის კრიზისული ცენტრის აღსაზრდელებისთვის დაუვიწყარი ყოფილიყო. ამ ცენტრთან “ავერსს” უკვე დიდი ხნის მეგობრობა აკავშირებს _ ჩვენ რეგულარულად ვამარაგებთ
პატარებს საჭირო მედიკამენტებით, მოვლისა და ჰიგიენის სხვა საშუალებებით. თუმცა, მათთვის საზოგადოების მხრიდან ყურადღება და სიყვარული კიდევ უფრო მეტად მნიშვნელოვანია. სწორედ ამიტომ, 1 ივნისი მათთვის ნამდვილ დღესასწაულად ვაქციეთ. შევეცადეთ გაგვეხალისებინა პატარები და მიზანს მივაღწიეთ კიდეც. იმედი მაქვს, მათ ეს დღე ყოველთვის ემახსოვრებათ.
ყველა პატარას ვულოცავთ ბავშვთა დაცვის საერთაშორისო დღეს და ნინოობის ბრწყინვალე დრესასწაულს, ჯანმრთელობასა და ბედნიერ ბავშვობას ვუსურვებთ” _ აღნიშნა კომპანია “ავერსის” რეკლამისა და საზოგადოებასთან ურთიერთობის სამსახურის ხელმძღვანელმა ლალი ბრეგვაძე. საქველმოქმედო ფონდმა “ავერსმა” ბავშვთა დაცვის საერთაშორისო დღის აღსანიშნავად კიდევ ერთი ჰუმანიტარული აქცია გამართა. ფონდის წარმომადგენლები საქართველოს საპატრიარქოს წმ. იოაკიმესა და ანას სახელობის სამშობიარო სახლს ესტუმრნენ და საჩუქრად გადასცეს პამპერსების, ახალშობილთა კანის მოსავლელი მალამოსა და სველი ხელსახოცების ნაკრებები.
წმ. იოაკიმე და ანას სახელობის სამშობიარო სახლის დირექტორმა საორგანიზაციო დარგში, ქალბატონმა ირინე ბიბილეიშვილმა აღნიშნა, რომ წლეულს ბავშვთა დაცვის საერთაშორისო დღესთან დაკავშირებით “ავერსის” საქველმოქმედო ფონდმა სასიამოვნო სიურპრიზი მოუმზადათ:
“ფონდის წარმომადგენლებმა 1 ივნისი _ ბავშვთა დაცვის საერთაშორისო დღე და წმ ნინოს ხსენების დღესასწაული ძალიან ლამაზად მოგვილოცეს. საჩუქრად გადმოგვცეს: “ავერსის” სახელით ამ ნაკრებებს სამშობიარო სახლში ახალშობილების დედებს დავურიგებთ, უმეტესად კი უმწეო კონტიგენტს. ყველა ადამიანს სიამოვნებს ყურადღება და მისდამი სითბოს გამოვლინება. მელოგინენი კი ამ მხრივ განსაკუთრებით მგრძნობიარენი არიან. მათთვის “ავერსის” საჩუქარი განსაკუთრებით ფასეული და მნიშვნელოვანია.
"ავერსი" ყველა პატარას ულოცავს ბავშვთა დაცვის დღეს, უსურვებს მათ ჯანმრთელობასა და ბედნიერ ბავშვობას.
