პროქტოვერინი #10 რექტ/სუპ

პროქტოვერინი

სამკურნალო საშუალების დასახელება

სავაჭრო დასახელება: პროქტოვერინი.

საერთაშორისო არაპატენტირებული დასახელება: კომბინირებული სამკურნალო საშუალება.

აღწერა:ტორპედოს მსგავსი ფორმის სუპოზიტორიები თეთრიდან ღია ყვითელ ფერამდე. დასაშვებია შეფერილობის არაერთგვაროვნება თეთრიდან ღია ყვითელ ფერამდე და ძაბრისებრი ჩაღრმავების არსებობა.

ერთი სუპოზიტორიის შემადგენლობა:

აქტიური ნივთიერებები: ბენზოკაინი - 150 მგ, პაპავერინის ჰიდროქლორიდი - 20 მგ, დექსპანთენოლი - 50 მგ, ცეტილპირიდინის ქლორიდი - 2 მგ;

დამხმარე ნივთიერებები: სილიციუმის კოლოიდური უწყლო დიოქსიდი, მაკროგოლის ცეტოსტეარილის ეთერი, მყარი ცხიმი.

წამლის ფორმა:რექტალური სუპოზიტორიები.

ფარმაკოთერაპიული ჯგუფი:ბუასილის და ანალური ნაპრალის სხვა სამკურნალო საშუალებები ადგილობრივი გამოყენებისათვის.

გამოყენების ჩვენებები:

კომპლექსური თერაპიის შემადგენლობაში გამწვავების ფაზაში I-II ხარისხის ბუასილით დაავადებულ პაციენტებში.

მიღების მეთოდი და დოზა:

პრეპარატი გამოიყენება ჰიგიენის პროცედურების ჩატარების შემდეგ. წინასწარ დაიბანეთ კანი ანუსის გარშემო თბილი წყლით ან გაიწმინდეთ დასველებული რბილი ხელსახოცით, ფრთხილად გააშრეთ ტუალეტის ქაღალდით ან რბილი ქსოვილით. სუპოზიტორიის შეყვანამდე აუცილებელია მისგან დამცავი პლასტიკური გარსის მოხსნა.

პრეპარატი შეჰყავთ სწორ ნაწლავში 1 სუპოზიტორია 2-ჯერ დღეში მწვავე კლინიკური სიმპტომების გაქრობამდე. კლინიკური სურათის გაუმჯობესების შემდეგ გადადიან 1 სუპოზიტორიის შეყვანაზე დღეში 1-ჯერ. მკურნალობის კურსის ხანგრძლივობას განსაზღვრავს მკურნალი  ექიმი.

არ გამოიყენოთ დიდი ხნის განმავლობაში. მაქსიმალური თერაპიული ეფექტის მისაღებად რეკომენდებულია პრეპარატის გამოყენება დეფეკაციის შემდეგ.

გვერდითიმოქმედებები:

არასასურველი  რეაქციები მოყვანილია ქვემოთ და კლასიფიცირებულია ორგანოთა სისტემების და განვითარების სიხშირის მიხედვით. განვითარების სიხშირე განისაზღვრება შემდეგნაირად:

ძალიან ხშირად (≥ 1/10); ხშირად (≥ 1/100–დან <1/10-მდე); არახშირად (≥1/1000–დან <1/100-მდე); იშვიათად (≥ 1/10000–დან <1/1000-მდე); ძალიან იშვიათად (<1/10000); სიხშირე უცნობია (არ შეიძლება დადგენა არსებული მონაცემების საფუძველზე).

დარღვევები იმუნური სისტემის მხრივ:

არახშირად: ალერგიული რეაქციები - ადგილობრივი ქავილი, შეშუპება, ჭინჭრის ციება, გამონაყარი.

დარღვევები სისხლის და ლიმფური სისტემის მხრივ:

სიხშირე უცნობია: მეტჰემოგლობინემია (კანის, ტუჩების, ფრჩხილის ფირფიტების ციანოზი, თავის ტკივილი, თავბრუსხვევა, ტაქიკარდია, ზოგადი სისუსტე, სუნთქვის დარღვევები), ეოზინოფილია.

დარღვევები კუჭ-ნაწლავის ტრაქტის მხრივ:

იშვიათად: გულისრევა, ღებინება, ყაბზობა, დიარეა, ღვიძლის ტრანსამინაზების აქტივობის მომატება, პირის სიმშრალე.

დარღვევები გულ-სისხლძარღვთა სისტემის მხრივ:

იშვიათად: ტაქიკარდია, ჰიპოტენზია, გულის რითმის დარღვევა, AV– ბლოკადა.

დარღვევები ნერვული სისტემის მხრივ:

იშვიათად: თავბრუსხვევა, თავის ტკივილი, ძილიანობა, სისუსტე, მოთენთილობა, ყურადღების მხრივ დარღვევები.

დარღვევები მხედველობის ორგანოს მხრივ:

სიხშირე უცნობია: მხედველობის დარღვევა (დიპლოპია).

ზოგადი  აშლილობა და დარღვევები შეყვანის ადგილზე:

არახშირად: ქავილი, წვა ანუსში;

იშვიათად: სახის სიწითლე;

სიხშირე უცნობია:კონტაქტური დერმატიტი, დაბუჟების შეგრძნება ანუსში.

სხვა:

სიხშირე უცნობია: ჭარბოფლიანობა.

გვერდითი რექციების განვითარების შემთხვევაში, მათ შორის ისეთების, რომლებიც არ არის მითითებული ამ ინსტრუქციაში, საჭიროა სამკურნალო საშუალების გამოყენების შეწყვეტა და ექიმის კონსულტაცია.

უკუჩვენებები:

 - მომატებული მგრძნობელობა სამკურნალო პრეპარატის კომპონენტების მიმართ;

 - ანამნეზში ალერგიული რეაქციები სხვა ადგილობრივ საანესთეზიო საშუალებებზე;

 - ბავშვთა და მოზარდთა ასაკი 18 წლამდე;

 - 75 წელს გადაცილებული ასაკი (ჰიპერთერმიის განვითარების რისკი);

 - ორსულობა;

 - ლაქტაციის პერიოდი;

 - ატრიოვენტრიკულური ბლოკადა, გულის უკმარისობა, მიოკარდიუმის ინფარქტი (მწვავე და ახლახან გადატანილი), ბრადიკარდია, თრომბოემბოლია (მათ შორის ადრე გადატანილი);

 - ქალასშიდა ჰიპერტენზია;

 - გლაუკომა;

 - ღვიძლის ფუნქციის მძიმე დარღვევები;

 - თირკმელების ფუნქციის მძიმე დარღვევები;

 - სასუნთქი სისტემის მძიმე დარღვევები, სუნთქვის დათრგუნვა;

 - წინამდებარე ჯირკვლის ჰიპერპლაზია;

 - ონკოლოგიური დაავადებები;

 - ნაწლავის ანთებითი დაავადებები, ანორექტალური ფისტულა, პარაპროქტიტი, პორტული ჰიპერტენზია, ანუსის, მსხვილი ნაწლავის ან სწორი ნაწლავის მიდამოში ნებისმიერი სხვა პათოლოგიური მდგომარეობა.

ჭარბი დოზირება:

რეკომენდებული დოზების მნიშვნელოვანი გადაჭარბების შემთხვევაში შეიძლება აღინიშნოს ჰიპერკოაგულაციისკენ მიდრეკილება, მხედველობის დარღვევა (დიპლოპია), სისუსტე, ძილიანობა, თავბრუსხვევა, ტაქიკარდია, ჰიპოტონია, გულის რითმის დარღვევა, ატრიოვენტრიკულური ბლოკადის განვითარება, სუნთქვის დამბლა, ნაწლავის ატონია, შარდვის გაძნელება. ჭარბი დოზირებისას ბენზოკაინის სისტემური შეწოვის შემთხვევაში შესაძლებელია შემდეგი დარღვევების განვითარება: ძილიანობა, შფოთვა, აგზნება, მძიმე შემთხვევებში - კრუნჩხვები. მკურნალობა სიმპტომურია.

პრეპარატის შემთხვევითი გადაყლაპვის შემთხვევაში ნაჩვენებია კუჭის ამორეცხვა და ენტეროსორბენტების მიღება.

ბენზოკაინის შემცველი სამკურნალო პრეპარატების ჭარბი დოზირებისას იზრდება მეტჰემოგლობინემიის განვითარების რისკი (კანის, ტუჩების, ფრჩხილის ფირფიტების ციანოზი, თავის ტკივილი, თავბრუსხვევა, ტაქიკარდია, ზოგადი სისუსტე, სუნთქვის დარღვევა), რომელმაც შეიძლება გამოიწვიოს ლეტალური გამოსავალი და მოითხოვს სასწრაფო სამედიცინო დახმარებას. მითითებული სიმპტომების განვითარების შემთხვევაში საჭიროა საავადმყოფოს მიმღები განყოფილებისთვის დაუყოვნებლივ მიმართვა.

სიფრთხილისზომები:

ანუსიდან სისხლიანი გამონადენის, მდგომარეობის გაუარესების ან ეფექტის არარსებობის შემთხვევაში 7 დღის განმავლობაში საჭიროა პრეპარატის გამოყენების შეწყვეტა და  ექიმის კონსულტაცია. პროქტოლოგიური გამოკვლევის ჩატარება და მკურნალობის ტაქტიკის გადახედვა აუცილებელია, თუ ხანმოკლე თერაპიის შემდეგ ბუასილის სიმპტომები არ გაქრება.

ბენზოკაინის შემცველი სამკურნალო საშუალებების გამოყენებისას მიღებულია შეტყობინებები მეტჰემოგლობინემიის განვითარების შესახებ (კანის, ტუჩების, ფრჩხილის ფირფიტების ციანოზი, თავის ტკივილი, თავბრუსხვევა, ტაქიკარდია, ზოგადი სისუსტე, სუნთქვის დარღვევები), რომელმაც შეიძლება გამოიწვიოს ლეტალური გამოსავალი და მოითხოვს სასწრაფო სამედიცინო დახმარებას. მეტჰემოგლობინემიის განვითარების რისკი უფრო მაღალია მცირეწლოვან ბავშვებში, ხანდაზმულებში, მემკვიდრეობითი დარღვევების (გლუკოზა-6-ფოსფოდიესთერაზას, პირუვატკინაზას, NADH-მეტჰემოგლობინის რედუქტაზას ფერმენტების უკმარისობა), გულის დაავადებების, სასუნთქი გზების დაავადებების (ბრონქული ასთმა, ბრონქიტი, ფილტვების ემფიზემა) მქონე პაციენტებში,  მოწევის შემთხვევაში.

სიფრთხილით გამოიყენება ხანდაზმულ და დასუსტებულ პაციენტებში, ქალა–ტვინის ტრავმის, თირკმელზედა ჯირკვლის ფუნქციის უკმარისობის, ჰიპოთირეოზის, წინამდებარე ჯირკვლის ჰიპერპლაზიის, სუპრავენტრიკულური ტაქიკარდიის მქონე პაციენტებში.

პრეპარატის ხანგრძლივი გამოყენებისას საჭიროა სისხლის მაჩვენებლების კონტროლი.

მკურნალობის პერიოდში უნდა გამოირიცხოს ალკოჰოლის მიღება.

გამოყენებაორსულობისადალაქტაციისპერიოდში:

პრეპარატი უკუნაჩვენებია ორსულობისა და ძუძუთი კვების პერიოდში. ორსულ და მეძუძურ ქალებში სამკურნალო საშუალების კლინიკური კვლევები არ ჩატარებულა.

გამოყენებაბავშვებში:

პრეპარატი უკუნაჩვენებია 18 წლამდე ასაკის ბავშვებსა და მოზარდებში.

ურთიერთქმედებასხვასამკურნალოსაშუალებებთან:

პრეპარატის სხვა სამკურნალო საშუალებებთან ურთიერთქმედების კვლევები არ ჩატარებულა.

ქოლინესთერაზას ინჰიბიტორები აფერხებენ ბენზოკაინის მეტაბოლიზმს. ბენზოკაინი ამცირებს სულფანილამიდების ანტიმიკრობულ აქტივობას.

ცეტილპირიდინი შეუთავსებელია საპნებთან და სხვა ანიონურ სურფაქტანტებთან.

პაპავერინის ჰიდროქლორიდი ერთდროული გამოყენებისას აძლიერებს ალკოჰოლის მოქმედებას, ასუსტებს მეთილდოპას ჰიპოტენზიურ ეფექტს, შეუძლია შეამციროს ლევოდოპას ანტიპარკინსონული ეფექტი, გაზარდოს კალციუმის არხების ბლოკატორების და ცნს-ის დამთრგუნველი პრეპარატების მოქმედება, ავლენს სინერგიზმს მორფინთან ერთად. ნიკოტინს შეუძლია შეამციროს ან მთლიანად აღმოფხვრას პაპავერინის ჰიდროქლორიდის ვაზოდილატაციური მოქმედება. ანტიარითმული და ანტიჰიპერტენზიული პრეპარატების ერთდროული გამოყენებისას შესაძლებელია ჰიპოტენზიური მოქმედების გაძლიერება. მეტამიზოლი (ანალგინი), დიფენჰიდრამინი (დიმედროლი), დიკლოფენაკი აძლიერებს პაპავერინის ჰიდროქლორიდის სპაზმოლიზურ ეფექტს. არ ინიშნება β-ადრენერგულ საშუალებებთან ერთად (არითმიის რისკი). პაპავერინის ეფექტები ძლიერდება სანარკოზე, ტკივილგამაყუჩებელი, სედაციური ნივთიერებებით და ტრანკვილიზატორებით. ტრიციკლურ ანტიდეპრესანტებთან, პროკაინამიდთან, რეზერპინთან, ქინიდინთან ერთდროული გამოყენებისას შესაძლებელია პაპავერინის ჰიპოტენზიური ეფექტის გაძლიერება, საგულე გლიკოზიდებთან - აღინიშნება მიოკარდიუმის შეკუმშვითი ფუნქციის მკვეთრი ზრდა სისხლძარღვთა საერთო პერიფერიული რეზისტენტობის შემცირების გამო. არსებობს მონაცემები ჰეპატიტის განვითარების შესახებ  ფურადონინთან ერთად გამოყენებისას.

გავლენა ავტომობილის მართვისა და მექანიზმებთან მუშაობის უნარზე:

სიფრთხილეა საჭირო ავტოტრანსპორტის და მექანიზმების მართვისას, პაპავერინის ჰიდროქლორიდის გვერდითი ეფექტების, როგორიცაა ძილიანობა და თავბრუსხვევა, განვითარების შესაძლებლობის გამო.

შენახვისპირობები:

ინახება არა უმეტეს 25°C ტემპერატურაზე.

ინახება ბავშვებისათვის მიუწვდომელ ადგილას!

ვარგისობისვადა:

2 წელი. არ გამოიყენოთ შეფუთვაზე მითითებული ვარგისობის ვადის გასვლის შემდეგ.

გაცემისპირობები:

ფარმაცევტული პროდუქტის ჯგუფი III, გაიცემა რეცეპტის გარეშე.

შეფუთვა: 5 ან 7 სუპოზიტორია კონტურულ უჯრედოვან შეფუთვაში პვქ/პე პოლიმერული მასალებისგან. ორი კონტურული უჯრედოვანი შეფუთვა გამოყენების ინსტრუქციასთან ერთად კოლოფში.

მწარმოებელი:

შპს «რუბიკონი», ბელარუსის რესპუბლიკა, 210002, ქ. ვიტებსკი, მ. გორკის ქ., 62 ბ,

ტელ: + 375(212) 36-47-77, ტელ./ფაქსი:+375(212) 36-37-06, www.rubikon.by,

e-mail: [email protected]