აციკლოვირი სლავია200მგ#20კ(რუმ)

აციკლოვირი სლავია 200 მგ კაფსულები

1. აციკლოვირი სლავია და მისი გამოყენება

აციკლოვირი სლავია ანტივირუსული საშუალებაა სისტემური გამოყენებისთვის. მისი მოქმედებით ხდება ვირუსების ზრდის შეჩერება ან განადგურება.

აციკლოვირი სლავია შეიძლება გამოყენებულ იქნას შემდეგი მიზნებისთვის:

- კანის ჰერპესული ინფექციების და გენიტალური ჰერპესის მკურნალობა (ახალშობილთა მარტივი ჰერპესის ინფექციების და მძიმე მარტივი ჰერპესის ინფექციების გამოკლებით ბავშვებში, რომელთა იმუნური სისტემა ნორმალურად არ ფუნქციონირებს);

- მარტივი ჰერპესის ვირუსით გამოწვეული მორეციდივე ინფექციების პროფილაქტიკა ნორმალურად მოქმედი იმუნური სისტემის მქონე პაციენტებში;

- მარტივი ჰერპესის ინფექციების პროფილაქტიკა დასუსტებული იმუნური სისტემის მქონე პაციენტებში;

- ვარიცელა ზოსტერის ვირუსული ინფექციების მკურნალობა (რომელიც არის ჭინჭრის ციების და ჩუტყვავილას მიზეზი).

2. აციკლოვირი სლავიას გამოყენებამდე გასათვალისწინებელი ინფორმაცია

 არ მიიღოთ აციკლოვირი სლავია, თუ:

- ალერგიული ხართ აციკლოვირის, ვალაციკლოვირის ან ამ პრეპარატის რომელიმე სხვა ინგრედიენტის მიმართ (იხ. ნაწილი 6).

არ მიიღოთ აციკლოვირი სლავია, თუ ზემოაღნიშნული გეხებათ. თუ დარწმუნებული არ ხართ, ჯერ გაესაუბრეთ თქვენს ექიმს ან ფარმაცევტს.

გაფრთხილებები და სიფრთხილის ზომები

აციკლოვირი სლავიას გამოყენებამდე გაესაუბრეთ თქვენს ექიმს, ფარმაცევტს ან მედდას, თუ:

- გაქვთ თირკმელების პრობლემები (ამ შემთხვევაში დოზა უნდა დაკორექტირდეს);

- ხართ 65 წელზე მეტი ასაკის, რადგან შესაძლოა საჭირო გახდეს დოზის შემცირება;

- იყენებთ მაღალ დოზებს (მაგ. ჰერპეს ზოსტერის ინფექციის დროს), რადგან საჭიროა სათანადო ჰიდრატაცია;

- გაქვთ ძალიან დაბალი იმუნიტეტი, თუ იყენებთ მედიკამენტს დიდი ხნის განმავლობაში ან განმეორებით სამკურნალოდ, ვირუსის ზოგიერთი შტამი შეიძლება გახდეს რეზისტენტული.

თუ გაქვთ ძალიან დაბალი იმუნიტეტი, ამ მედიკამენტის გამოყენება არ ამცირებს ჩუტყვავილასთან დაკავშირებულ გართულებას.

აციკლოვირი სლავიას მიღებისას მნიშვნელოვანია დიდი რაოდენობით წყლის მიღება.

აციკლოვირი სლავია და სხვა მედიკამენტები

აცნობეთ თქვენს ექიმს ან ფარმაცევტს, თუ იღებთ, ან ცოტა ხნის იღებდით ან შეიძლება მიიღოთ სხვა მედიკამენტები (რეცეპტის გარეშე გასაცემი და მცენარეული საშუალებების ჩათვლით) აციკლოვირი სლავიასთან ერთად, კერძოდ, მედიკამენტები, რომლებიც აყოვნებს აციკლოვირის ელიმინაციას და შეიძლება გაზარდოს აციკლოვირის კონცენტრაცია სისხლში, როგორიცაა:

- პრობენეციდი, გამოიყენება პოდაგრის სამკურნალოდ;

- ციმეტიდინი, გამოიყენება კუჭის წყლულის სამკურნალოდ;

- მიკოფენოლატ მოფეტილი, გამოიყენება გადანერგილი ორგანოების უკუგდების წინააღმდეგ;

- თეოფილინი, გამოიყენება სუნთქვის პრობლემების დროს.

აციკლოვირი სლავია საკვებთან და სასმელთან ერთად

აციკლოვირი სლავია შეიძლება მიღებულ იქნას ჭამის წინ, დროს და შემდეგ.

ორსულობა, ძუძუთი კვება და ნაყოფიერება

თუ ხართ ორსულად ან ძუძუთი კვებავთ, ფიქრობთ, რომ ორსულად ხართ ან გეგმავთ დაორსულებას, ამ პრეპარატის მიღებამდე რჩევისთვის მიმართეთ ექიმს ან ფარმაცევტს. არ მიიღოთ აციკლოვირი სლავია ორსულობისა და ძუძუთი კვების პერიოდში, ექიმის დანიშნულების გარეშე.

ავტომობილის და მექანიზმების მართვა

ზოგიერთმა გვერდითმა ეფექტმა, როგორიცაა ძილიანობა ან თავბრუსხვევა, შეიძლება გავლენა იქონიოს ავტომობილის ან მექანიზმების მართვის უნარზე.  ავტომობილის მართვის ან მექანიზმებთან მუშაობის წინ დარწმუნდით, რომ არ გაქვთ რომელიმე ეს მოვლენა.

აციკლოვირი სლავია შეიცავს აზოდერივატიულ საღებავებს, როგორიცაა Sunset ყვითელი (E110) და აზორუბინი (E122). მათ შეუძლია გამოიწვიოს ალერგიული რეაქცია. აციკლოვირი სლავია შეიცავს მეთილის p-ჰიდროქსიბენზოატს (E218) და n-პროპილ p-ჰიდროქსიბენზოატს (E216), რომლებმაც შეიძლება გამოიწვიოს ალერგიული რეაქცია (თუნდაც დაგვიანებული).

3. აციკლოვირი სლავიას გამოყენების წესი

ყოველთვის გამოიყენეთ ეს პრეპარატი ზუსტად ისე, როგორც თქვენმა ექიმმა ან ფარმაცევტმა გითხრათ. თუ არ ხართ დარწმუნებული, მიმართეთ თქვენს ექიმს ან ფარმაცევტს. ექიმის მიერ ხდება ინდივიდუალური დოზების შერჩევა ჩვენების/მდგომარეობის, მდგომარეობის სიმძიმის,  ასაკისა და შესაძლო სხვა მდგომარეობის, შესაბამისად სხვა მედიკამენტების მიხედვით, რომლებსაც პაციენტი იღებს.

აციკლოვირი სლავია მიიღება:

• მხოლოდ პერორალურად;

• კაფსულები გადაყლაპეთ საკმარისი რაოდენობის წყალთან ერთად;

• რაც შეიძლება მალე დაიწყეთ აციკლოვირ სლავიით მკურნალობა.

რეკომენდებული დოზები

კანის ჰერპესული ინფექციების და გენიტალური ჰერპესის მკურნალობა (გარდა ახალშობილთა მარტივი ჰერპესის ინფექციებისა და მძიმე მარტივი ჰერპესის ინფექციების აბავშვებში, რომელთა იმუნური სისტემა ნორმალურად არ ფუნქციონირებს)

- ჩვეულებრივი დოზა არის 200 მგ აციკლოვირი, რომელიც მიიღება პერორალურად, 5-ჯერ დღეში;

- მიიღეთ დოზა დაახლოებით 4 საათის ინტერვალებით. რეკომენდებულია მიღება 7, 11, 15, 19 და 23 საათზე, ღამის განმავლობაში შესვენებით.

- მკურნალობის ხანგრძლივობა არის 5 დღე; მძიმე ინფექციების დროს მკურნალობა შეიძლება გახანგრძლივდეს ექიმმა.

მარტივი ჰერპესის ვირუსით გამოწვეული მორეციდივე ინფექციების პროფილაქტიკა ნორმალურად მოქმედი იმუნური სისტემის მქონე პაციენტებში

- რეკომენდებული დოზა არის 200 მგ აციკლოვირი, რომელიც მიიღება პერორალურად, 4-ჯერ დღეში.

- მიიღეთ დოზა დაახლოებით 6 საათის ინტერვალებით.

- გამოიყენეთ აციკლოვირი სლავია, სანამ ექიმი არ გეტყვით, რომ შეწყვიტოთ მისი მიღება.

ვარიცელა ზოსტერის ვირუსული ინფექციების მკურნალობა (რომელიც არის ჭინჭრის ციების და ჩუტყვავილას მიზეზი)

- ჩვეულებრივი დოზა არის 800 მგ აციკლოვირი, რომელიც მიიღება პერორალურად, 5-ჯერ დღეში.

- მიიღეთ დოზა დაახლოებით 4 საათის ინტერვალებით. რეკომენდებულია მიღება 7, 11, 15, 19 და 23 საათზე, ღამის განმავლობაში შესვენებით.

- მკურნალობის ხანგრძლივობა არის 7 დღე.

ექიმმა შეიძლება შეცვალოს აციკლოვირი სლავიას დოზა, თუ:

• ის განკუთვნილია ბავშვისთვის;

• ხართ 65 წელს გადაცილებული;

• გაქვთ თირკმელების პრობლემები. თუ გაქვთ თირკმელების პრობლემები, მნიშვნელოვანია, რომ აციკლოვირი სლავიათი მკურნალობის დროს მიიღოთ დიდი რაოდენობის წყალი.

აცნობეთ ექიმს აციკლოვირი სლავიას გამოყენებამდე, თუ  რომელიმე ზემოთ ჩამოთვლილი გეხებათ.

თუ იღებთ საჭიროზე მეტ აციკლოვირი სლავიას

აციკლოვირი სლავია ჩვეულებრივ არ არის საზიანო, თუ არ მიიღებთ ძალიან ბევრს რამდენიმე დღის განმავლობაში. თუ შემთხვევით გამოიყენებთ ერთზე მეტ კაფსულას, შეიძლება აღინიშნოს: გულისრევა, ღებინება, თავის ტკივილი, გონების არევა. ამ შემთხვევაში დაუყოვნებლივ დაუკავშირდით თქვენს ექიმს ან მიმართეთ უახლოეს საავადმყოფოს. თან იქონიეთ ორიგინალი შეფუთვა.

თუ დაგავიწყდათ აციკლოვირი სლავიას მიღება

თუ დაგავიწყდათ პრეპარატის მიღება, მაგრამ მალევე გაგახსენდებათ, დაუყოვნებლივ მიიღეთ გამოტოვებული დოზა. თუ უფრო მეტი დრო გავიდა, აღარ მიიღოთ გამოტოვებული დოზა და შემდეგი დოზა მიიღეთ დოზირების სქემის მიხედვით. არ მიიღოთ ორმაგი დოზა გამოტოვებული დოზის კომპენსირების მიზნით.

თუ გაქვთ დამატებითი შეკითხვები ამ მედიკამენტის გამოყენებასთან დაკავშირებით, მიმართეთ თქვენს ექიმს, ფარმაცევტს ან მედდას.

4. შესაძლო გვერდითი ეფექტები

ყველა მედიკამენტის მსგავსად, ამ პრეპარატსაც შეუძლია გამოიწვიოს გვერდითი ეფექტები, თუმცა ისინი ყველას არ უვითარდება. შეიძლება განვითარდეს შემდეგი გვერდითი ეფექტები:

იშვიათი ალერგიული რეაქციები (შეიძლება განვითარდეს 1000-დან 1-მდე ადამიანში)

თუ გაქვთ ალერგიული რეაქციები, შეწყვიტეთ აციკლოვირი სლავიას მიღება და დაუყოვნებლივ მიმართეთ ექიმს.

ნიშნები შეიძლება მოიცავდეს შემდეგს:

• გამონაყარი, ქავილი ან ჭინჭრის ციება კანზე;

• სახის, ტუჩების, ენის ან სხეულის სხვა ნაწილების შეშუპება;

• ქოშინი, ხიხინი ან სუნთქვის გაძნელება;

• კოლაფსი, ანუ პერიფერიული სისხლის მიმოქცევის უკმარისობის მდგომარეობა, რომელიც გამოიხატება ძალის დაკარგვით, არტერიული წნევის უეცარი დაცემით, სწრაფი და ძალიან სუსტი პულსით.

სხვა გვერდითი ეფექტები მოიცავს:

ხშირი გვერდითი ეფექტები (შეიძლება განვითარდეს 10-დან 1 ადამიანში)

• თავის ტკივილი;

• თავბრუსხვევა;

• ღებინების შეგრძნება (გულისრევა, ღებინება);

• დიარეა;

• კუჭის ტკივილები;

• გამონაყარი;

• კანის რეაქციები სინათლის ზემოქმედების შემდეგ (ფოტომგრძნობელობა);

• ქავილი;

• დაღლილობის შეგრძნება;

• აუხსნელი ცხელება და სისუსტის შეგრძნება, განსაკუთრებით ფეხზე წამოდგომისას.

იშვიათი გვერდითი ეფექტები (შეიძლება განვითარდეს 100-დან 1-მდე ადამიანში)

• ჭინჭრის ციება (ქავილი, რომელსაც თან ახლავს კანის ცვლილებები, შეშუპებული და გაწითლებული ადგილებით);

•           თმის ცვენა.

იშვიათი გვერდითი ეფექტები (შეიძლება განვითარდეს 1000-დან 1-მდე ადამიანში)

• ზემოქმედება სისხლისა და შარდის ზოგიერთ ტესტზე (სისხლში შარდოვანას და კრეატინინის მომატება);

• ღვიძლში არსებული ფერმენტების მომატება.

ძალიან იშვიათი გვერდითი ეფექტები (შეიძლება განვითარდეს 10000-დან 1-მდე ადამიანში)

• სისხლის წითელი უჯრედების რაოდენობის შემცირება (ანემია);

• სისხლის თეთრი უჯრედების რაოდენობის შემცირება  (ლეიკოპენია);

• სისხლში თრომბოციტების (უჯრედები, რომლებიც ხელს უწყობენ სისხლის შედედებას) რაოდენობის შემცირება (თრომბოციტოპენია);

• სისუსტის შეგრძნება;

• აღგზნება ან გონების არევა;

• ტრემორი;

• ჰალუცინაციები (არარსებულის დანახვა ან გაგონება);

• კრუნჩხვები;

• ძილიანობის ან თავბრუსხვევის შეგრძნება;

• სიარულის დროს არასტაბილურობა და კოორდინაციის ნაკლებობა;

• მეტყველების გაძნელება;

• მკაფიოდ აზროვნების უუნარობა;

• უგონო მდგომარეობა (კომა);

• სხეულის ნაწილის ან მთლიანად სხეულის დამბლა;

• ქცევის, მეტყველების და თვალის მოძრაობების დარღვევა;

• კისრის გაშეშება და სინათლის მიმართ მგრძნობელობა;

• ღვიძლის ანთება (ჰეპატიტი);

• კანისა და თვალების გაყვითლება (სიყვითლე);

• თირკმელების პრობლემები, როდესაც შარდვა შემცირებულია ან საერთოდ არ ხდება;

• ტკივილი ზურგის არეში, თირკმლის არეში ან თეძოს ზემოთ (თირკმლის ტკივილი).

გვერდითი ეფექტების შეტყობინება

თუ განვითარდა რაიმე გვერდითი ეფექტი, მიმართეთ თქვენს ექიმს ან ფარმაცევტს. ეს მოიცავს ნებისმიერ გვერდით ეფექტს, რომელიც შესაძლოა არ არის ჩამოთვლილი ამ ინსტრუქციაში.

გვერდითი ეფექტები, ასევე შეგიძლიათ შეატყობინოთ პირდაპირ შეტყობინების ეროვნული სისტემის მეშვეობით, რომლის მონაცემები გამოქვეყნებულია რუმინეთის მედიკამენტებისა და სამედიცინო მოწყობილობების ეროვნული სააგენტოს ვებ-გვერდზე http://www.anm.ro/.

გვერდითი ეფექტების შეტყობინებით, თქვენ შეგიძლიათ დაეხმაროთ ამ მედიკამენტის უსაფრთხოების შესახებ მეტი ინფორმაციის მოწოდებას.

5. აციკლოვირი სლავიას შენახვის წესი

შეინახეთ ეს პრეპარატი ბავშვებისთვის მიუწვდომელ ადგილას.

არ გამოიყენოთ ეს პრეპარატი ვარგისობის ვადის გასვლის შემდეგ, რომელიც მითითებულია შეფუთვაზე EXP-ის შემდეგ. ვარგისობის ვადა ეხება ამ თვის ბოლო დღეს.

ინახება 25°C-ზე დაბალ ტემპერატურაზე, ორიგინალ შეფუთვაში.

არ გადაყაროთ პრეპარატები კანალიზაციაში ან საყოფაცხოვრებო ნაგავში. ჰკითხეთ ფარმაცევტს, როგორ გადაყაროთ პრეპარატები, რომლებსაც აღარ იყენებთ. ეს ღონისძიებები ხელს შეუწყობს გარემოს დაცვას.

6. შეფუთვის შიგთავსი და სხვა ინფორმაცია

აციკლოვირი სლავიას შემადგენლობა

აქტიური ნივთიერება: არის აციკლოვირი. ერთი კაფსულა შეიცავს 200 მგ აციკლოვირს.

სხვა კომპონენტებია:

კაფსულის შემცველობა: სიმინდის სახამებელი, მაგნიუმის სტეარატი;

კაფსულა: ტიტანის დიოქსიდი (E 171, აზორუბინი (E122), Sunset Yellow (E110),

მეთილის p-ჰიდროქსიბენზოატი (E218), n-პროპილ p-ჰიდროქსიბენზოატი (E216), ჟელატინი.

აციკლოვირი სლავიას გარეგნული აღწერა და შეფუთვის შემადგენლობა

აციკლოვირი სლავია წარმოდგენილია მყარი ჟელატინის კაფსულების სახით, თეთრი-გაუმჭვირვალე კორპუსით და წითელი-გაუმჭვირვალე თავით, რომელიც შეიცავს მარცვლოვან, თეთრ ან ოდნავ მოყვითალო ფხვნილს.

აციკლოვირი სლავია ხელმისაწვდომია კოლოფში 2 პვქ/ალ ბლისტერით, თითოეული ბლისტერი 10 კაფსულით.

7. სავაჭრო ნებართვის მფლობელი და მწარმოებელი

S.C. Slavia Pharm SRL

B-dul Theodor Pallady nr. 44C,

032266, ბუქარესტი, რუმინეთი.

ინფორმაციის სხვა წყაროები

დეტალური ინფორმაცია ამ მედიკამენტის შესახებ ხელმისაწვდომია რუმინეთის მედიკამენტებისა და სამედიცინო მოწყობილობების ეროვნული სააგენტოს ვებ-გვერდზე http://www.anm.ro