დიზოლო 150მგ#2კაფს

~~30.59 ლარი~~ 21.72 ლარი

ქვეყანა: იტალია

მწარმოებელი: ლანოვა

ჯენერიკი - შეადარეთ ანალოგები: Fluconazolum

გაცემის ფორმა: II ჯგუფი რეცეპტული

კოდი: 96044

გააზიარე:

შეუკვეთე

ანოტაცია
სად შევიძინო

დიზოლო (Dizolo) 150 მგ მყარი კაფსულები

ფლუკონაზოლი

პრეპარატის გამოყენებამდე ყურადღებით წაიკითხეთ ინსტრუქცია, რადგან ის შეიცავს თქვენთვის საჭირო ინფორმაციას:

- შეინახეთ ინსტრუქცია. შესაძლოა კვლავ დაგჭირდეთ მისი ხელმეორედ გადაკითხვა.

- რაიმე ეჭვის გაჩენის შემთხვევაში რჩევის მისაღებად მიმართეთ ექიმს ან ფარმაცევტს.

- ეს პრეპარატი დანიშნულია მხოლოდ თქვენთვის. არასოდეს მისცეთ სხვას, მაშინაც კი, თუ მისი დაავადების სიმპტომები იგივეა რაც თქვენი, რადგან შესაძლოა ზიანი მიაყენოს მას.

- თუ თავს იჩენს ნებისმიერი გვერდით მოვლენა, მათ შორის ისეთი, რომლიც არ არის აღნიშნული ამ ინსტრუქციაში, აცნობეთ ამის შესახებ თქვენს ექიმს ან ფარმაცევტს. იხილეთ პარაგრაფი 4.

ინსტრუქციის შინაარსი:

1. რა არის დიზოლო (Dizolo) და რა შემთხვევაში გამოიყენება ის

2. რა ინფორმაციას უნდა ფლობდეთ დიზოლოს (Dizolo) გამოყენებამდე

3. როგორ მიიღება დიზოლო (Dizolo)

4. შესაძლო გვერდითი მოვლენები

5. როგორ შევინახოთ დიზოლო (Dizolo)

6. შეფუთვის შემადგენლობა და სხვა ინფორმაცია

1. რა არის დიზოლო (Dizolo) და რა შემთხვევაში გამოიყენება ის

დიზოლო (Dizolo) მიეკუთვნება მედიკამენტების ჯგუფს სახელწოდებით "სოკოს საწინააღმდეგო". აქტიური ნივთიერებაა ფლუკონაზოლი. დიზოლო (Dizolo) გამოიყენება სოკოვანი ინფექციების სამკურნალოდ და შესაძლებელია გამოყენებულ იქნას კანდიდას ინფექციების თავიდან ასაცილებლად. მიკოზის ინფექციის ყველაზე გავრცელებული მიზეზი არის საფუარი სოკოები კანდიდას ჯგუფიდან.

მოზრდილები

ექიმმა შეიძლება დანიშნოს ეს პრეპარატი შემდეგი მიკოზური ინფექციების სამკურნალოდ:

-კრიპტოკოკული მენინგიტი - თავის ტვინის სოკოვანი ინფექცია;

- კოკციდიომიკოზი - ბრონქოპულმონარული სისტემის დაავადება;

- კანდიდოზით გამოწვეული ინფექციები, რომლებიც გვხვდება სისხლში, ორგანოებში (მაგ., გულში, ფილტვებში) ან საშარდე გზებში;

- ლორწოვანი გარსის კანდიდოზი - პირის ღრუს ლორწოვანი გარსის ინფექცია, ყელის ინფექცია და პროთეზისგან გამოწვეული პირის ღრუს ანთება;

- გენიტალური კანდიდოზი - საშოს ან პენისის ინფექცია;

- კანის ინფექციები - მაგალითად სპორტსმენის ფეხი, რინგვორმი, ქავილი სასქესო ორგანოების მიდამოში, ფრჩხილის ინფექციები.

დიზოლო შეიძლება დანიშნული იქნას შემდეგ შემთხვევებში:

- კრიპტოკოკული მენინგიტის განმეორების თავიდან ასაცილებლად;

- ლორწოვანი გარსების კანდიდოზის ხელახალი გამოვლენის თავიდან ასაცილებლად;

- ვაგინალური კანდიდოზის რეციდივების შესამცირებლად;

- კანდიდას ინფექციების თავიდან ასაცილებლად (თუ გაქვთ სუსტი იმუნური სისტემა ან არ ფუნქციონირებს სწორად).

ბავშვები და მოზარდები (0 -დან 17 წლამდე)

ექიმმა შეიძლება დანიშნოს ეს პრეპარატი შემდეგი სოკოვანი ინფექციების სამკურნალოდ:

-ლორწოვანი გარსის კანდიდოზი - პირის ღრუს ლორწოვანი გარსის ინფექციის, ყელის ინფექციის დროს;

-კანდიდოზით გამოწვეული ინფექციების დროს, რომლებიც გვხვდება სისხლში, ორგანოებში (მაგ., გულში, ფილტვებში) ან საშარდე გზებში;

- კრიპტოკოკული მენინგიტი - თავის ტვინის სოკოვანი ინფექციისას.

დიზოლო (Dizolo) შეიძლება დანიშნული იქნას შემდეგ შემთხვევებში:

- კრიპტოკოკული მენინგიტის რეციდივის თავიდან ასაცილებლად;

2. რა ინფორმაციას უნდა ფლობდეთ დიზოლოს (Dizolo) გამოყენებამდე თუ

- ხართ ალერგიული ფლუკონაზოლზე, სხვა სამკურნალო საშუალებებზე, რომლებიც გამოიყენეთ სოკოვანი ინფექციების სამკურნალოდ, ან ამ პრეპარატის სხვა ინგრედიენტებზე (ჩამოთვლილია მე-6 ნაწილში). სიმპტომები შესაძლებელია იყოს ქავილი, კანის სიწითლე ან სუნთქვის გაძნელება.

- თუ იღებთ ასტემიზოლს, ტერფენადინს (ანტიჰისტამინური საშუალებები, რომლებიც გამოიყენება ალერგიის სამკურნალოდ);

- თუ იღებთ ციზაპრიდს (გამოიყენება კუჭის დარღვევების სამკურნალოდ);

- თუ იღებთ პიმოზიდს (გამოიყენება ფსიქიკური აშლილობის სამკურნალოდ);

- თუ იღებთ ქინიდინს (გამოიყენება გულის არითმიების სამკურნალოდ);

- თუ იღებთ ერითრომიცინს (ანტიბიოტიკი, რომელიც გამოიყენება ბაქტერიული ინფექციების სამკურნალოდ).

გაფრთხილებები და სიფრთხილის ზომები

დიზოლოს (Dizolo) მიღებამდე მიმართეთ თქვენს ექიმს ან ფარმაცევტს.

თუ გამოვლინდება თირკმელზედა ჯირკვლის უკმარისობის ნიშნები, როდესაც თირკმელზედა ჯირკვლები არ წარმოქმნიან გარკვეული რაოდენობის სტეროიდულ ჰორმონებს, როგორიცაა კორტიზოლი (ქრონიკული ან ხანგრძლივი დაღლილობა, კუნთების სისუსტე, მადის დაკარგვა, წონის დაკლება, მუცლის ტკივილი).

სოკოვანი ინფექციის არ გაუმჯობესების შემთხვევაში, შეიძლება საჭირო გახდეს სოკოს საწინააღმდეგო ალტერნატიული თერაპია.

აცნობეთ თქვენს ექიმს განსაკუთრებით იმ შემთზვევაში, თუ

- გაქვთ ღვიძლის ან თირკმელების პრობლემები;

- გაქვთ გულის დაავადება, მათ შორის გულის არითმია;

- სისხლში გაქვთ კალიუმის, კალციუმის ან მაგნიუმის მაღალი დონე;

- გამოვლინდება კანის მწვავე რეაქციები (ქავილი, კანის სიწითლე ან სუნთქვის გაძნელება).

- თუ ოდესმე განგივითარდათ ძლიერი გამონაყარი ან კანის პილინგი, ბუშტუკები და / ან წყლულები პირის ღრუში დიზოლოს (Dizolo) მიღების შემდეგ.

დაფიქსირებულია კანის მძიმე რეაქციები, მათ შორის ეოზინოფილიასთან წამლისმიერი რეაქცია და მკურნალობასთან დაკავშირებული სისტემური სიმპტომები (DRESS) [პროდუქტის დასახელებით]. შეწყვიტეთ დიზოლოს მიღება და დაუყოვნებლივ მიმართეთ ექიმს, თუ შეამჩნევთ მე–4 ნაწილში აღწერილი კანის მძიმე რეაქციების სიმპტომებს.

სხვა მედიკამენტები და დიზოლო (Dizolo)

აცნობეთ თქვენს ექიმს ან ფარმაცევტს თუ იღებთ, ბოლო დროს იღებდით ან შესაძლოა მიიღოთ სხვა პრეპარატები.

დაუყოვნებლივ აცნობეთ ექიმს, თუ იღებთ ასტემიზოლს, ტერფენადინს (ანტიჰისტამინი გამოიყენება ალერგიის სამკურნალოდ) ან ცისაპრიდს (გამოიყენება კუჭის დაავადებების სამკურნალოდ) ან პიმოზიდს (გამოიყენება ფსიქიკური აშლილობის სამკურნალოდ) ან ქინიდინს (გამოიყენება გულის არითმიების სამკურნალოდ) ან ერითრომიცინს (ანტიბიოტიკი გამოიყენება ბაქტერიული ინფექციების სამკურნალოდ), რადგან მათი მიღება დიზოლთან (Dizolo) ერთად არ შეიძლება (იხ. ნაწილი: '' არ მიიღოთ დიზოლო თუ ").

არსებობს ზოგიერთი პრეპარატი, რომელთაც შეუძლიათ დიზოლოსთან (Dizolo) ურთიერთქმედება.

აცნობეთ ექიმს, თუ იღებთ რომელიმე ქვემოთ ჩამოთვლილ პრეპარატს:

-რიფამპიცინი ან რიფაბუტინი (ბაქტერიული ინფექციების სამკურნალო ანტიბიოტიკები);

- ალფენტანილი, ფენტანილი (საანესთეზიო საშუალებები);

- ამიტრიპტილინი, ნორტრიპტილინი (ანტიდეპრესანტები);

- ამფოტერიცინი B, ვორიკონაზოლი (სოკოს საწინააღმდეგო საშუალებები);

- სისხლის გამათხელებელი პრეპარატები სისხლის შედედების თავიდან ასაცილებლად (ვარფარინი ან მსგავსი პრეპარატები);

- ბენზოდიაზეპინები (მიდაზოლამი, ტრიაზოლამი ან მსგავსი მედიკამენტები), რომლებიც გამოიყენება ძილის მოსაწესრიგებლად ან შფოთვის დროს;

- კარბამაზეპინი, ფენიტოინი (გამოიყენება ეპილეფსიური შეტევების სამკურნალოდ);

- ნიფედიპინი, ისრადიპინი, ამლოდიპინი, ფელოდიპინი და ლოზარტანი (გამოიყენება ჰიპერტენზიის სამკურნალოდ - სისხლის მაღალი წნევა);

- ციკლოსპორინი, ევეროლიმუსი, სიროლიმუსი ან ტაკროლიმუსი (გამოიყენება ტრანსპლანტაციის თავიდან ასაცილებლად);

- ციკლოფოსფამიდი, ვინკას ალკალოიდები (ვინკრისტინი, ვინბლასტინი ან მსგავსი პრეპარატები), გამოიყენება კიბოს სამკურნალოდ;

- ჰალოფანტრინი (გამოიყენება მალარიის სამკურნალოდ);

- სტატინები (ატორვასტატინი, სიმვასტატინი, ფლუვასტატინი და მსგავსი პრეპარატები) გამოყიყენება ქოლესტერინის მაღალი დონის შესამცირებელად;

- მეტადონი (გამოიყენება ტკივილის სამკურნალოდ);

- ცელეკოქსიბი, ფლურბიპროფენი, ნაპროქსენი, იბუპროფენი, ლორნოქსიკამი, მელოქსიკამი, დიკლოფენაკი (არასტეროიდული ანთების საწინააღმდეგო საშუალებები-FANS);

- პერორალური კონტრაცეპტივები;

- პრედნიზოლონი (სტეროიდი);

- ზიდოვუდინი, ასევე ცნობილია როგორც AZT; საქვინავირი (გამოიყენება აივ პაციენტებში);

-დიაბეტის სამკურნალო საშუალებები, როგორიცაა ქლორპრომამიდი, გლიბენკლამიდი, გლიპიზიდი ან ტოლბუტამიდი;

- თეოფილინი (გამოიყენება ასთმის საკონტროლოდ);

- ვიტამინი A (საკვები დანამატი);

- ამიოდარონი (გამოიყენება არარეგულარული გულისცემის სამკურნალოდ);

- ჰიდროქლორთიაზიდი (შარდმდენი).

დიზოლო (Dizolo) საკვებ პროდუქტებთან და სასმელთან

პრეპარატი შეგიძლიათ მიიღოთ საკვებთან ერთად ან მის გარეშე.

ორსულობა და ლაქტაცია

თუ ხართ ორსულად ან ძუძუთი კვებავთ, ფიქრობთ რომ შეიძლება იყოთ ორსულად ან გეგმავთ ორსულობას, პრეპარატის მიღებამდე რჩევისთვის მიმართეთ ექიმს ან ფარმაცევტს.

ექიმის რჩევის გარეშე ნუ მიიღებთ დიზოლოს (Dizolo) თუ ხართ ორსულად, ფიქრობთ რომ ხართ ორსულად, გეგმავთ დაორსულებას ან ძუძუთი კვებავთ.

მანქანისა და სატრანსპორტო საშუალებების მართვა:

გაითვალისწინეთ, რომ თავბრუსხვევა ან კრუნჩხვები შეიძლება გამოვლინდეს მანქანისა და სატრანსპორტო საშუალებების მართვისას.

დიზოლო (Dizolo) შეიცავს ლაქტოზას მონოჰიდრატს

ეს პრეპარატი შეიცავს მცირე რაოდენობით ლაქტოზას (რძის შაქარი). თუ ექიმმა დაგიდგინათ რომელიმე შაქრის მიმართ აუტანლობა, ამ პრეპარატის მიღებამდე დაუკავშირდით მას.

3. როგორ მიიღება დიზოლო (Dizolo)

პრეპარატი მიიღეთ ყოვეთვის ექიმის დანიშნულებისამებრ. ეჭვის შემთხვევაში მიმართეთ ექიმს ან ფარმაცევტს.

მთლიანად გადაყლაპეთ კაფსულა ერთ ჭიქა წყალთან ერთად. უმჯობესია კაფსულების მიღება ყოველდღე ერთსა და იმავე დროს.

ამ პრეპარატის რეკომენდებული დოზები, რომლებიც მიღებული უნდა იქნას ინფექციის მიხედვით, ჩამოთვლილია ქვემოთ:

მოზრდილები

პირობები	დოზა
კრიპტოკოკული მენინგიტის სამკურნალოდ	400 მგ პირველ დღეს, შემდეგ 200 - 400 მგ დღეში ერთხელ 6-8 კვირის განმავლობაში ან საჭიროების შემთხვევაში. ზოგჯერ დოზა იზრდება 800 მგ -მდე
კრიპტოკოკული მენინგიტის რეციდივის თავიდან აცილება	200 მგ დღეში ერთხელ ვიდრე შეწყვეტას არ გირჩევენ
კოქციდიომიკოზის მკურნალობა	200 - 400 მგ დღეში ერთხელ11 თვიდან 24 თვემდე. ზოგჯერ დოზა იზრდება 800 მგ -მდე
ენდემური კანდიდას სოკოვანი ინფექციები	800 მგ პირველ დღეს, შემდეგ 400 მგ დღეში ერთხელ
პირის ღრუს ლორწოვანი გარსის ინფექცია, ყელის ინფექცია და პროთეზისგან გამოწვეული პირის ღრუს ანთება;	200 მგ - 400 მგ პირველ დღეს, შემდეგ 100 მგ -დან 200 მგ -მდე ვიდრე შეწყვეტას არ გირჩევენ
ლორწოვანი გარსის კანდიდოზი - დოზა დამოკიდებულია ინფექციის ადგილზე	50 - 400 მგ დღეში ერთხელ 7 - 30 დღის განმავლობაში ვიდრე შეწყვეტას არ გირჩევენ
პირის ღრუს ლორწოვანის ინფექციების, ყელის ინფექციების პროფილაქტიკა	100 მგ - 200 მგ დღეში ერთხელ, ან 200 მგ კვირაში 3-ჯერ როცა არსებობს დაინფიცირების რისკი
გენიტალური კანდიდოზი	150 მგ ერთჯერადი დოზა
ვაგინალური კანდიდოზის რეციდივების შემცირება	150 მგ ყოველ სამ დღეში, ჯამში 3 დოზა (დღე 1, 4 და 7), შემდეგ კი თვეში ერთხელ, როცა არსებობს დაინფიცირების რისკი
კანისა და ფრჩხილების ინფექციები	ინფექციის ადგილის მიხედვით, 50 მგ დღეში ერთხელ, 150 მგ კვირაში ერთხელ, 300 მგ -დან 400 მგ -მდე კვირაში ერთხელ 1 -დან 4 კვირის განმავლობაში (სპორტსმენის ფეხს შეიძლება 6 კვირა დასჭირდეს, ფრჩხილის ინფექციების მკურნალობა გრძელდება ინფიცირებული ფრჩხილის შეცვლამდე)
კანდიდას ინფექციების თავიდან ასაცილებლად (თუ გაქვთ სუსტი იმუნური სისტემა ან არ ფუნქციონირებს სწორად).	200 - 400 მგ დღეში ერთხელ, როდესაც ხართ ინფექციის რისკის ქვეშ.

გამოყენება 12 -დან 17 წლამდე მოზარდებში

ყოველთვის მიიღეთ ექიმის მიერ დანიშნული დოზა (მოზრდილთა ან ბავშვთა დოზა).

გამოყენება 11 წლამდე ასაკის ბავშვებში

ბავშვებში მაქსიმალური დოზაა 400 მგ დღეში.

დოზა გამოითვლება ბავშვის წონის მიხედვით კილოგრამებში

პირობები	დღიური დოზა
ლორწოვანი გარსებისა და ყელის კანდიდოზი - დოზა და მკურნალობის ხანგრძლივობა დამოკიდებულია ინფექციის სიმძიმეზე და ადგილზე	3 მგ კგ სხეულის წონისთვის (პირველ დღეს შეიძლება მიღებულ იქნას 6 მგ კგ წონაზე)
კრიპტოკოკული მენინგიტი ან ი კანდიდოზით გამოწვეული ენდემური სოკოვანი ინფექციებ	6 მგ-დან 12 მგ-მდე კგ. სხეულის წონაზე
ბავშვებში კანდიდას ინფექციის პრევენცია (თუ მათი იმუნური სისტემა არ ფუნქციონირებს სწორად)	3 მგ-დან 12 მგ-მდე კგ. სხეულის წონაზე

გამოყენება 0-დან 4 კვირამდე ასაკის ბავშვებში

გამოყენება 3-დან 4 კვირამდე ასაკის ბავშვებში:

იგივე დოზა, როგორც ზემოთა მოცემული, მაგრამ მიიღება ყოველ 2 დღეში ერთხელ. მაქსიმალური დოზაა 12 მგ კგ სხეულის წონაზე ყოველ 48 საათში.

გამოყენება 2 კვირამდე ასაკის ჩვილებში:

იგივე დოზა, როგორც ზემოთა მოცემული, მაგრამ მიიღება ყოველ 3 დღეში ერთხელ. მაქსიმალური დოზაა 12 მგ კგ სხეულის წონაზე ყოველ 72 საათში.

შესაძლებელია ექიმმა დანიშნოს სხვა დოზები. პრეპარატი მიიღეთ ყოველთვის ექიმის დანიშნულების შესაბამისად. ეჭვის შემთხვევაში მიმართეთ თქვენს ექიმს ან ფარმაცევტს.

გამოყენება ხანდაზმულებში

გამოყენებული უნდა იქნას იგივე დოზა, რაც მოზრდილებში, თუ არ გაქვთ თირკმელების პრობლემები.

გამოყენება თირკმლებით დაავადებულ პაციენტებში

ექიმმა შეიძლება შეცვალოს დოზა თირკმლის ფუნქციის საფუძველზე.

დიზოლოს (Dizolo) საჭირო დოზაზე მეტის მიღებისას

ძალიან ბევრი კაფსულის ერთდროულმა მიღებამ შეიძლება გამოიწვიოს პრობლემები. დაუყოვნებლივ აცნობეთ ექიმს ან მიმართეთ უახლოეს საავადმყოფოს.

დოზის შემთხვევითი გადაჭარბებისას სიმპტომები შეიძლება შეიცავდეს სმენას, ხედვას, შეგრძნებას და ფიქრს არარეალურ საგნებზე (ჰალუცინაციები და პარანოიდული ქცევა). სიმპტომური მკურნალობა შეიძლება იყოს მიზანშეწონილი (სათანადო დამხმარე ზომებით და შესაძლებელია კუჭის ამორეცხვით).

თუ დაგავიწყდათ დიზოლოს (Dizolo) მიღება

გამოტოვებული დოზის ასანაზღაურებლად არ მიიღოთ ორმაგი დოზა. თუ დაგავიწყდათ დოზის მიღება, მიიღეთ რაც შეიძლება მალე. თუ მომდევნო დოზის მიღების დროა, არ მიიღოთ გამოტოვებული დოზა.

თუ ეჭვი გაქვთ აღნიშნული პრეპარატის გამოყენებასთან დაკავშირებით, მიმართეთ თქვენს ექიმს ან ფარმაცევტს.

4. შესაძლო გვერდითი მოვლენები

როგორც ყველა სამკურნალო საშუალებას, ამ პრეპარატსაც აქვს გვერდითი მოვლენები, თუმცა ეს მოვლენები ყველა ადამიანში შეიძლება არ გამოვლინდეს.

ზოგიერთ ადამიანს უვლინდება ალერგიული რეაქციები, თუმცა მძიმე ალერგიული რეაქციები იშვიათია.

თუ გამოვლინდება რომელიმე ქვემოთ ჩამოთვლილი სიმპტომი, დაუყოვნებლივ აცნობეთ ექიმს.

-მოულოდნელი ქოშინი, სუნთქვის გაძნელება ან შებოჭილობა გულმკერდის არეში;

- ქუთუთოების, სახის ან ტუჩების შეშუპება;

- ქავილი მთელ სხეულზე, კანის სიწითლე ან წითელი ლაქები ქავილით;

- გამონაყარი კანზე;

- კანის მძიმე რეაქციები, როგორიცაა ბუშტუკების გამომწვევი გამონაყარი (შეიძლება გავლენა იქონიოს პირზე და ენაზე).

დიზოლომ (Dizolo) შეიძლება გავლენა მოახდინოს ღვიძლზე. ღვიძლის პრობლემების სიმპტომები მოიცავს:

- დაღლილობა;

- მადის დაკარგვა;

- ღებინება;

- კანისა და თვალის თეთრი ნაწილის გაყვითლება (სიყვითლე).

თუ გამოვლინდება ერთი რომელიმე სიმპტომი, შეწყვიტეთ დიზოლოს (Dizolo) მიღება და დაუყოვნებლივ აცნობეთ ექიმს.

სხვა გვერდითი მოვლენები:

საერთო გვერდითი მოვლენები (შეიძლება გავლენა იქონიოს 1-დან 10 ადამიანზე):

- თავის ტკივილი;

- კუჭის გაღიზიანება, დიარეა, გულისრევა, ღებინება;

- სისხლის ანალიზში ღვიძლის ფუნქციის მაჩვენებლების ზრდა;

- გამონაყარი კანზე.

არასაერთო გვერდითი მოვლენები (შეიძლება გავლენა იქონიოს 1-დან 100 ადამიანზე):

- სისხლის წითელი უჯრედების რაოდენობის შემცირება, რამაც შეიძლება გამოიწვიოს სიფერმკრთალე, სისუსტე ან ქოშინი;

- მადის დაქვეითება;

- უძილობა, ძილიანობა;

- კრუნჩხვები, თავბრუსხვევა, თავბრუსხვევის შეგრძნება, ჩხვლეტა, ჩქმეტა ან დაბუჟება;

- გემოს ცვლილებები;

- ყაბზობა, საჭმლის მონელების სირთულე, მეტეორიზმი, პირის სიმშრალე;

- კუნთების ტკივილი;

- ღვიძლის დაზიანება და კანისა და თვალების გაყვითლება (სიყვითლე);

- შეშუპება, ბუშტუკები (ჭინჭრის ციება), ქავილი, მომატებული ოფლიანობა;

- დაღლილობა, ზოგადი სისუსტე, ცხელება.

იშვიათი გვერდითი მოვლენები (შეიძლება გავლენა იქონიოს 1-დან 1.000 ადამიანზე):

-სისხლის თეთრი უჯრედების ჩვეულებრივზე დაბალი დონე, რომლებიც იცავენ ინფექციისგან და თრომბოციტები, რაც სისხლს აძლევს შედედების საშუალებას;

- კანის ფერის შეცვლა (წითელი ან იისფერი), რაც შეიძლება გამოწვეული იყოს თრომბოციტების რაოდენობის შემცირებით ან სისხლის უჯრედების სხვა ცვლილებებით;

-სისხლის ქიმიური შემადგენლობის ცვლილებები (ქოლესტერინის, ცხიმის მაღალი დონე);

- კალციუმის დაბალი დონე სისხლში;

- შემცივნება;

- ელექტროკარდიოგრამის (ეკგ) ცვლილება, რიტმისა და გულისცემის ცვლილებები;

- ღვიძლის უკმარისობა;

- ალერგიული რეაქციები (ზოგჯერ მძიმე), მათ შორის ფართოდ გავრცელებული ბუშტულებიანი გამონაყარით და კანის აქერცვლით, კანის მძიმე რეაქციები, ტუჩების და სახის შეშუპება;

- თმის ცვენა.

შეწყვიტეთ დიზოლოს (Dizolo) მიღება და დაუყონებლივ მიმართე ექიმს, თუ შეამჩნევთ რომელიმე ქვემოთ ჩამოთვლილ სიმპტომებს:

- ფართოდ გავრცელებული გამონაყარი კანზე, სხეულის მაღალი ტემპერატურა და ლიმფური კვანძების შგადიდება (DRESS ან წამლის მიმართ ჰიპერმგრძნობელობის სინდრომი).

შეტყობინება გვერდითი ეფექტების შესახებ

თუ გამოვლინდება რომელიმე გვერდითი მოვლენა რომელიც ინსტრუქციაში არ არის მითითებული, მიმართეთ თქვენს ექიმს ან ფარმაცევტს. გვერდითი მოვლენების შესახებ განცხადება შეგიძლიათ პირდაპირ გააკეთოთ ეროვნული განცხადებების სისტემის საშუალებით მისამართზე: https://www.aifa.gov.it/content/segnalazioni-reazioni-avverse. გვერდითი მოვლენების მითითებით თქვენ შეგიძლიათ მიიღოთ მეტი ინფორმაცია ამ პრეპარატის უსაფრთხოების შესახებ.

5. როგორ შევინახოთ დიზოლო (Dizolo)

შეინახეთ პრეპარატი ბავშვებისათვის შეუმჩნეველ და მიუწვდომელ ადგილზე. არ გამოიყენოთ პრეპარატი ვარგისიანობის ვადის გასვლის შემდეგ, რომელიც მითითებულია ეტიკეტზე. ვარგისიანობის ვადის ამოწურვის თარიღად ითვლება მითითებული თვის ბოლო დღე. შეინახეთ არაუმეტეს 30°C ტემპერატურაზე.

არ ჩაყაროთ სამკურნალო საშუალებები საყოფაცხოვრებო ნარჩენებში ან გამდინარე წყალში. კითხეთ ფარმაცევტს თუ როგორ მოიშოროთ პრეპარატი, რომელიც უკვე აღარ იყენებთ. ეს ხელს შეუწყობს გარემოს დაცვას.

6. შეფუთვის შემადგენლობა და სხვა ინფორმაცია

- აქტიური ნივთიერებაა ფლუკონაზოლი. თითოეული მყარი კაფსულა შეიცავს,150მგ ფლუკონაზოლს.

- სხვა კომპონენტებია:

კაფსულის შემადგენლობა: ლაქტოზას მონოჰიდრატი, პრეჟელატინირებული სახამებელი, მაგნიუმის სტეარატი, უწყლო კოლოიდური სილიციუმი, ნატრიუმის ლაურილ სულფატი.

კაფსულის თავსახურის შემცველობა: ჟელატინი, ტიტანის ოქსიდი (E 171).

დიზოლოს (Dizolo) აღწერილობა და შეფუთვის შემადგენლობა

დიზოლოს (Dizolo) 150 მგ-იანი მყარი კაფსულები თეთრია. ყუთი შეიცავს 150 მგ-იან 2 კაფსულას.

გაცემის პირობები:

ფარმაცევტული პროდუქტის ჯგუფი - II, გაიცემა ფორმა №3 რეცეპტით

მარკეტინგის ავტორიზაციის მფლობელი

LANOVA FARMACEUTICI S.r.l. (ლანოვა ფარმაცეტიცი ს.რ.ლ), კონკა დ’ოროს ქ. 212 – 00141 რომი

მწარმოებელი

Laboratorio Farmaceutico C.T. S.r.l. (ლაბორატორიო ფარმაცეუტიკო C.T. ს.რ.ლ) - დანტე ალიგიერის ქ. 71 – 18038 სანრემო (იმპერია).

LACHIFARMA S.r.l. (ლაკიფარმა ს.რ.ლ.) - სალენტინოს ქიმიური ლაბორატორია - ს.ს. 16 სამრეწველო ზონა - 73010 ZOLLINO (LE)

ინსტრუქცია განახლდა 15/05/2021 წელს - ოფიციალური ცნობარი № 57