ბლიკოლი 10მლ მულტი დოზა თვ/წვ

~~39.95 ლარი~~ 28.77 ლარი

მაქსიმალურ ფასდაკლებას მიიღებთ მხოლოდ მტრედი ბარათის გამოყენებით

ფარმაკოლოგიური ჯგუფი: სხვადასხვა ჯგუფის პრეპარატები

ქვეყანა: იტალია

მწარმოებელი: COC Farmaceutici

ჯენერიკი - შეადარეთ ანალოგები: ნატრიუმის ჰიალურონატი,გინკგო ბილობა,ცენტელლა

გაცემის ფორმა: III ჯგუფი ურეცეპტო

კოდი: 95801

გააზიარე:

შეუკვეთე

ანოტაცია
სად შევიძინო

ბლიკოლითვალისწვეთები 0.4% 10მლ

აღმდგენი დადამცავითვალისწვეთები

შემადგენლობა

ნატრიუმის ჰიალურონატი, გინგკო ბილობას დისტილირებული წყალი, მოცვის დისტილირებული წყალი, ცერეცოს დისტილირებული წყალი, აზიური ცენტელას დისტილირებული წყალი, ბორის მჟავა, ნატრიუმის ტეტრაბორატის დეკაჰიდრატი, ნატრიუმის ქლორიდი, W.F.I.

არ შეიცავს კონსერვანტებს.

ფუნქციური დანიშნულება

ბლიკოლი სტერილური ხსნარია ოფთალმოლოგიური გამოყენებისათვის, ფიზიოლოგიური pH-ით, შეიცავს ნატრიუმის ჰიალურონატს და გინგკო ბილობას, მოცვის, ცერეცოს და ცენტელას დისტილირებულ წყალს. ხსნარი ხელმისაწვდომია პრაქტიკული 10 მლ მულტი-დოზით, კონსერვანტების გარეშე თავისუფალი დახურვის სისტემით.

ნატრიუმის ჰიალურონატი უზრუნველყოფს პროდუქტის მუკომიმეტურ და ვისკოელასტიკურ თვისებებს, როგორიცაა თვალის ზედაპირის ადეკვატური ლუბრიკაციის უზრუნველყოფა, იცავს მას თვალის მოძრაობის შედეგად გამოწვეული ხახუნისგან.

გარდა ამისა, პოლიმერს შეუძლია შეინარჩუნოს თვალის ზედაპირის წყლიანობა და ურთიერთქმედება თვალის ეპითელიუმთან. ამ მიზეზით, ხსნარებს შეუძლია თვალის ზედაპირის ტენიანობის შენარჩუნება და საცრემლე აპკის სტაბილურობის გაზრდა, რაც იცავს რქოვანას ზედაპირს გარემოს მავნე ზემოქმედებისაგან.

გინგკობილობას დისტილირებული წყალი ფორმულაციის კონტექსტში აუმჯობესებს შორ მანძილზე მხედველობის სიმახვილეს, ხსნის თვალების გადაღლასა და თვალის ლორწოვანი გარსის სიწითლეს. გინგკო ბილობას დისტილირებული წყალი, ცენტელას დისტილირებულ წყალთან ერთად გამოიყენება განსაკუთრებული სასარგებლო უნარის გამო - ის ხელს უწყობს თვალის გაღიზიანების შემცირებას.

მოცვის დისტილირებული წყალი ფორმულაციის კონტექსტში გამოიყენება აღმდგენი თვისებების გამო: ამშვიდებს გადაღლილ თვალებს და იცავს თვალის ლორწოვან გარსს გარემოს მავნე ფაქტორების ზემოქმედებისგან.

ცერეცოს დისტილირებულ წყალს ხშირად იყენებენ თვალის სხვადასხვა დაავადებისას წვის შეგრძნების შესამსუბუქებლად. მოცვის დისტილირებულ წყალთან ერთად, ცერეცოს დისტილირებულ წყალს გააჩნია აღმდგენი მოქმედება.

ფორმულაში დისტილირებული წყლების სახით შემავალი მცენარეული კომპონენტები ახდენს დამამშვიდებელ, აღმდგენ და დამცავ მოქმედებას.

ფორმულა შეიცავს აგრეთვე ნატრიუმის ქლორიდს და ორ ბუფერულ აგენტს (ბორის მჟავა და ნატრიუმის ტეტრაბორატის დეკაჰიდრატი) ფიზიოლოგიური ხსნარის უზრუნველსაყოფად. აქედან გამომდინარე, ბლიკოლი ახდენს თვალის ზედაპირის დამატენიანებელ და ლუბრიკაციულ მოქმედებას, დროებით ამსუბუქებს თვალის სიმშრალით გაამოწვეულ წვას, გაღიზიანებას და დისკომოფორტს. თვალის წვეთები შეიძლება გამოყენებულ იქნას, როგორც დამცავი საშუალება შემდგომი გაღიზიანებისგან.

ბლიკოლი შეიძლება გამოყენებულ იქნას კონტაქტური ლინზების ტარებისას, მათი მოხსნის საჭიროების გარეშე.

ჩვენებები

აღმდგენი და დამცავი თვალის წვეთები ნაჩვენებია მარეგენირებელი, დამამშვიდებელი და ლუბრიკაციული მოქმედებისათვის, თვალის ლორწოვანი გარსის გაღიზიანებისას, რომელიც გამოწვეულია შემდეგით:

- გარემო ფაქტორები (ჰაერის კონდიცირება, მზის გამოსხივების ჭარბი ზემოქმედება, ქარი, კვამლი, დაბინძურება);

- თვალების სიმშრალე გადაჭარბებული დაღლილობის გამო, რომელიც გამოწვეულია კომპიუტერთან ხანგრძლივი მუშაობით, კითხვით ან მშრალი თვალის სინდრომით;

- ოფთალმოლოგიური სტრესი თვალის ზედაპირული ოპერაციის შემდეგ;

- კონტაქტური ლინზების ტარება დღეში მრავალი საათის განმავლობაში.

გამოყენების ინსტრუქცია

დასაშვებია კონტაქტურ ლინზებზე ჩაწვეთება.

* პირველ გამოყენებამდე მოახიეთ დამცავი ლუქი და მოხსენით დამცავი თავსახური.

* ჩაიწვეთეთ 1–2 წვეთი თითოეულ თვალში.

* რადგანაც ხსნარების დისპენსერიანი ბოთლის შინაგანი თვისებები განკუთვნილია უკონსერვანტო ხსნარებისათვის, ბოთლის თანდათან დაცლას შეიძლება უფრო მეტი მოჭერა დასჭირდეს პროდუქტის გამოსაჟონად.

* გამოყენების შემდეგ დაუყოვნებლივ დაახურეთ ბოთლს: შიგთავსი უნდა იქნას გამოყენებული პირველი გახსნიდან 6 თვის განმავლობაში.

* ასევე ნაჩვენებია ხშირი გამოყენებისათვის, დღეში რამდენიმეჯერ, პირადი საჭიროებების ან ექიმის რჩევის საფუძველზე.

გაფრთხილებები და სიფრთხილის ზომები

პროდუქტი განკუთვნილია მხოლოდ ოფთალმოლოგიური გამოყენებისათვის.
პროდუქტი განკუთვნილია პაციენტის ინდივიდუალური გამოყენებისათვის.
არ გამოიყენოთ პროდუქტი, თუ კონტეინერი დაზიანებულია, ან არ არის სრულყოფილად დახურული მისი პირველად გახსნისას.
გამოყენების დროს, არ უნდა შეეხოთ თვალს ან სხვა ზედაპირს კონტეინერის დისპენსერის ბოლოთი.
არ გამოიყენოთ რომელიმე კომპონენტის მიმართ ცნობილი აუტანლობის შემთხვევაში.
გამოყენებისას გვერდითი მოვლენების შემთხვევაში, შეწყვიტეთ მკურნალობა და მიმართეთ კონსულტაციისთვის ექიმს.
არ გამოიყენოთ პროდუქტი შეფუთვაზე მითითებული ვარგისობის ვადის გასვლის შემდეგ.

შეინახეთ ბავშვებისთვის მიუწვდომელ ადგილას.

გვერდითი ეფექტები

დღემდე გვერდითი ეფექტები არ დაფიქსირებულა.

შეფუთვა

10 მლ მულტი დოზა, კონსერვანტების გარეშე, თავისუფალი დახურვის სისტემა.

შენახვის პირობები

ინახება 30°C -ზე დაბალ ტემპერატურაზე.

მულტი-დოზის შემცველობა უნდა იქნას გამოყენებული პირველი გახსნიდან 6 თვის განმავლობაში.

მოქმედების ვადა

გაუხსნელი შეფუთვით: წარმოების თარიღიდან 36 თვე.

არ უნდა გადააჭარბოთ კოლოფზე და მულტი-დოზიან ბოთლზე მითითებულ ვარგისობის ვადის გასვლის თარიღს.

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით

თბილისი (101 აფთიაქი)

მთაწმინდა (6 აფთიაქი)

ავერსი 1