ბრიფანი 1.5მგ/მლ 5მლ თვ.წვეთ

ბრიფანი 0.15% თვალის წვეთები

ხარისხობრივი და რაოდენობრივი შემადგენლობა

აქტიური ნივთიერება:

ყოველი 1მლ წვეთი შეიცავს 1.5მგ ბრიმონიდინის ტარტრატს ეკვივალენტური 1 მგ ბრიმონიდინის.

დამხმარე ნივთიერებები:

პოლივინილის სპირტი

ნატრიუმის ციტრატის დიჰიდრატი

ლიმონმჟავას მონოჰიდრატი

ნატრიუმის ქლორიდი

დინატრიუმის ედეტატი

ჰიდროქლორის მჟავა (pH რეგულატორი)

ნატრიუმის ჰიდროქსიდი (pH რეგულატორი)

საინექციო წყალი.

წამლის ფორმა

თვალის წვეთები, ხსნარი.

აღწერილობა

სუფთა, მომწვანო ყვითელი ან ოდნავ მომწვანო ყვითელი ხსნარი.

კლინიკური თავისებურებები

თერაპიული ჩვენებები

ბრიფანი ინიშნება თვალშიდა მომატებული წნევის (IOP) შესამცირებლად პაციენტებში ღია კუთხოვანი გლაუკომით ან თვალის ჰიპერტენზიით.

დოზირება და მიღების მეთოდი

დოზირება/სიხშირე და მიღების ხანგრძლივობა

ბრიფანის რეკომენდებული დოზაა ერთი წვეთი დაზიანებულ თვალში 3-ჯერ დღეში, დაახლოებით 8 სთ-იანი ინტერვალებით. ბრიფანის გამოყენება შეიძლება სხვა ადგილობრივად გამოსაყენებელ ოფთალმოლოგიურ პრეპარატებთან თვალშიდა წნევის დასაწევად. სხვადასხვა ადგილობრივი ოფთალმოლოგიური პრეპარატების გამოყენებისას, მათი გამოყენება უნდა მოხდეს 5 წუთიანი ინტერვალებით.

მისი გამოყენება უნდა მოხდეს გახსნიდან 28 დღის განმავლობაში.

მიღების გზა

ჩაიწვეთეთ თვალში. თვალის სხვა წვეთების მსგავსად, სისტემური აბსორბციის შესამცირებლად რეკომენდებულია საცრემლე ჩანთაზე დაწოლა ერთი წუთით. ამის განხორციელება უნდა მოხდეს ყოველი წვეთის ჩაწვეთებისას.

დამატებითი ინფორმაცია განსაკუთრებული პოპულაციისთვის

თირკმლის/ღვიძლის დისფუნქცია

ბრიფანი არ შესწავლილა პაციენტებში ღვიძლის დისფუნქციით.

ბრიფანი არ შესწავლილა პაციენტებში თირკმლის დისფუნქციით. დიალიზის ეფექტი ბრიმონიდინის ფარმაკოკინეტიკაზე უცნობია პაციენტებში თირკმლის დისფუნქციით.

პედიატრიული პოპულაცია

ბრიფანი უკუნაჩვენებია ბავშვებში 2 წლამდე (იხ. უკუჩვენებები). პოსტმარკეტინგულ კვლევაში, აბსცესი, ბრადიკარდია, კომა, ჰიპოტენზია, ჰიპოთერმია, ჰიპოტონია, ლეთარგია, სიფერმკრთალე, სუნთქვის დათრგუნვა და ძილიანობა შეინიშნებოდა ჩვილებში ბრიმონიდინის ტარტრატის მიღებისას. ბრიმონიდინის ტარტრატის უსაფრთხოება და ეფექტურობა არ შესწავლილა 2 წლამდე ასაკის ბავშვებში.

კარგად კონტროლირებულ კლინიკურ კვლევაში პედიატრიულ პაცეინტებში გლაუკომის დროს (2- 7 წლის ასაკში) ბრიმონიდინის ტარტრატის ოფთალმოლოგიური ხსნარით ყველაზე ხშირი გვერდითი ეფექტები იყო (0.2%)  ძილიანობა (პაციენტების 50-83% 2-6 წლის ასაკში) და მომატებული სიფხიზლე. ძილიანობა ყველაზე იშვიათი იყო 7 წლის ასაკის (>20კგ) პედიატრიულ პაციენტებში. პაციენტების დაახლოებით 16%-მა კვლევაში მონაწილეობა შეწყვიტა ძილიანობის გამო.

უსაფრთხოება და ეფექტურობა არ გამოვლენილა ბავშვებში და 8-17 წლის ასაკის მოზარდებში.

გერიატრიული პოპულაცია

ზოგადად, არ არის განსხვავება უსაფრთხოებასა და ეფექტურობაში ხანდაზმულებსა და სხვა მოზრდილ პაციენტებში.

უკუჩვენებები

ბრიფანი უკუნაჩვენებია ახალშობილებში და ჩვილებში (2 წლამდე).

ბრიფანი უკუნაჩვენებია ინდივიდებში ცნობილი ჰიპერმგრძნობელობით ბრიმონიდინის ტარტრატის ან მისი სხვა ინგრედიენტების მიმართ.

ბრიფანი უკუნაჩვენებია პაციენტებში, რომლებიც მკურნალობენ მონოამინ ოქსიდაზას ინჰიბიტორებით (მაოი).

განსაკუთრებული გარფთხილებები და სიფრთხილის ზომები

ბრიფანმა შეიძლება გაზარდოს ვასკულარული უკმარისობის სიმპტომები.

ბრიფანის გამოყენება სიფრთხილით უნდა მოხდეს პაციენტებში დეპრესიით, ცერებრალური ან კორონარული უკმარისობით, რეინოს ფენომენით, ორთოსტატული ჰიპოტენზიით ან მაობლიტირებელი თრომბოანგიიტით.

მიუხედავად იმისა, რომ ბრიმონიდინის ტარტრატის ოფთალმოლოგიური ხსნარს არტერიულ წნევაზე აქვს მინიმალური ეფექტი კლინიკურ კვლევებში, სიფრთხილეა საჭირო მწვავე გულსისხლძარღვთა დაავადებით პაციენტებში გამოყენებისას.

ბაქტერიული კერატიტი შეინიშნებოდა, რაც ასოცირდებოდა ადგილობრივი ოფთალმოლოგიური პროდუქტების მრავალჯერადი დოზების გამოყენებისას. ბევრ შემთხვევაში მოცემული შეფუთვები ბინძურდებოდა უნებლიეთ თანმხლები რქოვანას დაავადებით ან თვალის ეპითელიალური ზედაპირის დაზიანებით პაციენტების მიერ.

საჭიროა პაციენტების ინფორმირება, რომ ოფთალმოლოგიური ხსნარები შეიძლება დაბინძურდეს ბაქტერიით, რაც იწვევს თვალის ინფექციას არასათანადო გამოყენების ან ბოთლის წვეტის შეხებისას თვალთან ან მიმდებარე ზონასთან. დაბინძურებული ხსნარების გამოყენებამ შეიძლება გამოიწვიოს თვალის ძლიერი დაზიანება და მხედველობის დაკარვა. ყოველი გამოყენების შემდეგ დაახურეთ თავზე. არ გამოიყენოთ ხსნარი თუ გაუფერულებულია ან შემღვრეულია. პროდუქტი არ გამოიყენოთ ბოთლზე მითითებული ვარგისობის ვადის გასვლის შემდეგ.

საჭიროა პაციენტების ინფორმირება, რომ მიმართონ ექიმს მრავალდოზიანი ბოთლის გამოყენების გაგრძელების შესახებ, თუ მანამდე ჩაიტარეს თვალზე ოპერაცია ან თვალიზე თანმხლები მდგომარეობის განვითარებისას (ტრავმა ან ინფექცია).

2-7 წლამდე ასაკის ბავშვებს და/ან 20კგ წონისას  სათანადო მონიტორინგი უნდა ჩაუტარდეთ ძლიერი ძილიანობის გამო.

ურთიერთქმედება სხვა სამედიცინო პროდუქტებთან და სხვა სახის ურთიერთობა

მიუხედავად იმისა, რომ ბრიმონიდინის ტარტრატზე სპეციფიური ურთიერთქმედების კვლევა არ ჩატარებულა, ადიტიური ან პოტენციალიზებული ეფექტი ცენტრალურ ნერვულ სისტემის დეპრესანტებთან (ალკოჰოლი, ბარბიტურატები, სედაციური საშუალებები ან საანესთეზიო საშუალებები) გათვალისწინებული უნდა იყოს.

შეინიშნებოდა სისტემური კლონიდინის და ტრიციკლური ანტიდეპრესანტების ჰიპოტენზიური ეფექტის გაძლიერება. უცნობია მოცემული საშუალებების თანმხლები გამოყენება ბრიმონიდინის ტარტრატთან ადამიანებში გავლენას ახდენდეს IOP-ის შემცირების ეფექტზე. რეკომენდებულია პაციენტებში სიფრთხილის გამოჩენა ტრიციკლური ანტიდეპრესანტების გამოყენებისას, რაც არღვევს მეტაბოლიზმს და ამინების აბსორბციას სისხლის მიმოქცევაში.

ვინაიდან ბრიფანმა შეიძლება შეამციროს არტერიული წნევა, სიფრთხილეა საჭირო ბრიფანის ერთდროულად გამოყენებისას პრეპარატებთან, როგორიცაა ანტიჰიპერტენზიული საშუალებები და/ან საგულე გლიკოზიდები.

მაო-ს ინჰიბიტორები თეორიულად ურთიერთქმედებს ბრიმონიდინის მეტაბოლიზმთან და   მომატებული სისტემური გვერდითი ეფექტის, როგორიცაა ჰიპოტენზია, გამოწვევის პოტენციალი გააჩნიათ.  რეკომენდებულია სიფრთხილის გამოჩენა პაციენტებში მაო-ს ინჰიბიტორების გამოყენებისას, რასაც შეუძლია დაარღვიოს ამინების მეტაბოლიზმი და აბსორბცია სისხლის მიმოქცევაში.

დამატებითი ინფორმაცია განსაკუთრებული პოპულაციისთვის

არ არის ცნობები.

პედიატრიული პოპულაცია

არ არის ცნობები.

ორსულობა და ლაქტაცია

ზოგადი რეკომენდაციები

ორსულობის კატეგორია: B.

რეპროდუქციის პოტენციალის მქონე ქალები/ორსულობის კონტროლი (კონტრაცეპცია)

არ არსებობს კლინიკური მონაცემები ბრიმონიდინის ტარტრატის გამოყენებაზე ორსულობის დროს.

არ არსებობს კლინიკური მონაცემები კონტრაცეფციაზე.

ორსულობა

ტერატოგენული კვლევები ჩატარდა ცხოველებში. ცხოველებში ჩატარებულმა კვლევებმა არ გამოვლინა პირდაპირი ან ირიბი მავნე ეფექტები ორსულობაზე/ემბრიონულ/ნაყოფის განვითარებაზე/მშობიარობაზე და პოსტნატალურ განვითარებაზე.

პერორალური მიღების ბრიმონიდინის ტარტრატს არ ჰქონდა ტერატოგენული ეფექტი გესტაციურ დღეებზე 6-15 ვირთხებში და გესტაციურ დღეებზე 6-18 კურდღლებში. AUC-ს მნიშვნელობები მიღებული ბრიმონიდინის ტარტრატის უმაღლესი დოზებით ვირთხებში (2.5მგ/კგ დღეში) და ბრიმონიდინის ტარტრატის უმაღლესი დოზებით კურდღლებში (5.0 მგ/კგ დღეში) იყო 360 და 20-ჯერ ან 260 და 15-ჯერ მაღალი, ვიდრე ადამიანებში მსგავსი დაახლოებითი მაჩვენებლებით 1 წვეთი ბრიმონიდინის ტარტრატის 0.1% და 0.15% მიღებისას ორივე თვალში სამჯერ დღეში შესაბამისად.

არ არსებობს ადეკვატური და კარგად კონტროლირებული კვლევები ორსულებში, თუმცა, ბრიმონიდინი გადავიდა პლაცენტაში და ნაყოფის სისხლის მიმოქცევაში შეზღუდული რაოდენობით, ცხოველებში ჩატარებულ კვლევებში. ვინაიდან ადამიანის პასუხის დადგენა შეუძლებელია ცხოველებში ჩატარებული რეპროდუქციული კვლევებიდან, ნებისმიერ შემთხვევაში ბრიფანის გამოყენება სიფრთხილით უნდა მოხდეს ორსულებში. მისი გამოყენება უნდა მოხდეს მხოლოდ მაშინ, თუ პოტენციური სარგებელი დედისთვის აჭარბებს ნაყოფზე პოტენციურ რისკს.

ლაქტაცია

ვინაიდან ბრიმონიდინის ტარტრატის გამოყოფა რძეში უცნობია, მისი გამოყენება დაუშვებელია ლაქტაციის დროს.

რეპროდუქციული უნარი/ნაყოფიერება

არ არის ცნობები.

ეფექტები ავტოტრანსპორტის და მექანიზმების მართვის უნარზე

სხვა მსგავსი პრეპარატების ანალოგიურად, ბრიფანმა შეიძლება გამოიწვიოს დაღლილობა და/ან სისუსტე ზოგიერთ პაციენტში და გამოიწვიოს ავტოტრანსპორტის და მექანიზმების მართვის უნარის შეზღუდვა. ბრიფანმა შეიძლება გამოიწვიოს მხედველობის ბუნდოვანება ზოგიერთ პაციენტში ან მხედველობის პრობლემები. პაციენტებმა უნდა დაიცადონ მოცემული სიმპტომების გასვლამდე ავტოტრანსპორტის ან მექანიზმების მართვამდე.

არასასურველი ეფექტები

ძალიან ხშირი ((≥1/10), ხშირი (≥1/100 - <1/10), არახშირი (≥1/1,000 - <1/100), იშვიათი (≥1/10,000 - <1/1,000), ძალიან იშვიათი (<1/10,000), უცნობი (არ არის დადგენილი არსებული მონაცემებით).

ინფექციები და სნეულებები

ხშირი: ბრონქიტი, გრიპის მსგავსი სინდრომი, ფარინგიტი, რინიტი, სინუსური ინფექცია, სინუსიტი, ინფექციები, ძირითადად გაციება და რესპირატორული ინფექციები.

სისხლის და ლიმფური სისტემის მხრივ

ხშირი: ჰიპერქოლესტეროლემია.

იმუნური სისტემის მხრივ

ფსიქიური დარღვევები

არახშირი: უძილობა.

ნერვული სისტემის მხრივ

ხშირი: თავის ტკივილი, თავბრუსხვევა.

არახშირი: ძილიანობა, დეზორიენტაცია, უძილობა, პარესთეზია, დისგევზია, უჩვეულო გემო.

თვალის მხრივ

ძალიან ხშირი: ალერგიული კონიუნქტივიტი, კონიუნქტივალური ჰიპერემია, თვალის პრურიტი.

ხშირი: თვალის გაღიზიანება (წვა/ჩხვლეტა, თვალის ქავილი, უცხო სხეულის არსებობის შეგრძნება, ფოლიკულური კონიუნქტივიტი, კონიუნქტივალური ედემა) ადგილობრივი გაღიზიანება (ქუთუთოს ედემა და ერითემა, თვალიდან გამონადენი, თვალის გაღიზიანება, ბელფარიტი, თვალის ტკივილი), მშრალი თვალი, ეპიფორა, ედემა, ქუთუთოების ქავილი, კონიუნქტივალური ფოლიკულოზი, მხედველობის დარღვევა, მხედველობის დიაპაზონის დეფექტი, მინისებრი სხეული მცურავი წერტილით, ბლეფაროკონიუნქტივიტი, კატარაქტა, თვალის დარღვევა, ცრემლდენა, მინისებრი სხეულის აშრევება, მინისებრი სხეულის დარღვევები, თვალის ალერგიული რეაქციები.

არახშირი: რქოვანას ეროზია, ჰორდოლიუმი.

რესპირატორული, გულმკერდის და შუასაყარის მხრივ

ხშირი: რინიტი, ხველა, დისპნოე.

არახშირი: ფარინგიტი, ცხვირის სიმშრალე.

საჭმლის მომნელებელი ტრაქტის მხრივ

კანის და კანქვეშა ქსოვილის მხრივ

ხშირი: ქუთუთოს ედემა და ერითემა, გამონაყარი.

ზოგადი დარღვევები და რეაქციები შეყვანის ადგილას

ხშირი: ასთენია, დაღლილობა..

შემდეგი შემთხვევები შეინიშნებოდა კლინიკურ პრაქტიკაში ბრიმონიდინის ტარტრატის პოსტმარკეტინგული გამოყენებისას. ვინაიდან მათი შეტყობინება მოხდა უცნობი რაოდენობით მოხალისეებისგან, შეუძლებელია სიხშირის დადგენა. გვერდითი ეფექტები, რომელიც ჩართულია სიმწვავის, შეტყობინების სიხშირის, მიზეზობრივი კავშირის მიხედვით, ბრიმონიდინის ტარტრატის ან მოცემული ფაქტების კომბინაცია წარმოდგენილია ქვემოთ: ბრადიკარდია, დეპრესია, ჰიპერმგრძნობელობა, ირიტი, კერატოკონიუნქტივიტი, მიოზი, გულისრევა, კანის რეაქციები (მათ შორის ერითემა, ქუთუთოს პრირიტი, გამონაყარი და ვაზოდილატაცია), სინკოპე და ტაქიკარდია. აპნოე, ბრადიკარდია, კომა, ჰიპოტენზია, ჰიპოთერმია, ჰიპოტონია, ლეთარგია, სიფერმკრთალე, რესპირატორული დათრგუნვა და ძილიანობა შეინიშნებოდა ჩვილებში ბრიმონიდინის ტარტრატის მიღებისას.

ჭარბი დოზირება და მკურნალობა

ოფთალმოლოგიური ჭარბი დოზირება (მოზრდილები)

გვერდითი რეაქციები ჩამოთვლილი არასასურველ ეფექტებში შეტყობინებულია ტიპიურად.

სისტემური ჭარბი დოზირება შემთხვევითი მიღებისას (მოზრდილები)

მონაცემები ძალიან შეზღუდულია ბრიმონიდინის შემთხვევით გადაყლაპვისას მოზრდილებში. ჰიპოტენზია არის ერთადერთი გვერდითი მოვლენა რომელიც დღემდე შეტყობინებულია. პოსტჰიპოტენზიური ჰიპერტენზია შეინიშნებოდა ჰიპოტენზიური ეპიზოდის შემდეგ.

ჭარბი დოზირების მკურნალობა მოიცავს შემანარჩუნებელ და სიმპტომურ მკურნალობას. სიფრთხილეა საჭირო, რათა ღია იყოს პაციენტის სასუნთქი სისტემა.

პედიატრიული პოპულაცია

ბრიმონიდინის ჭარბი დოზირების სიმპტომები შეტყობინებულია ახალშობილებში, ჩვილებში და ბავშვებში რომლებიც მკურნალობენ ბრიმონიდინის ტარტრატით,  როგორც თანდაყოლილი გლაუკომის მკურნალობის ნაწილი ან ბრიმონიდინის ტარტრატის მიღება შემთხვევით.

ფარმაკოლოგიური თვისებები

ფარმაკოდინამიკური თვისებები

ფარმაკოთერაპიულიჯგუფი: ოფთალმოლოგიური - სიმპათომიმეტური საშუალებები რომლებიც გამოიყენება გლაუკომას მკურნალობაში.

მოქმედების მექანიზმი

ბრიმონიდინის ტარტრატი ალფა-2 ადრენერგიული რეცეპტორების სელექციური აგონისტია თვალში ჰიპოტენზიური ეფექტით, რომლის პიკური ეფექტი შეინიშნება მიღებიდან 2 საათში.

ფტოროფოტომეტრიული კვლევებში ცხოველებში და ადამიანებში შეინიშნება, რომ ბრიმონიდინის ტარტრატს აქვს მოქმედების ორმაგი მექანიზმი. მიჩნეულია, რომ ბრიმონიდინმა შეიძლება შეამციროს თვალშიდა წნევა წყალწყალა ნამის ფორმირების შემცირებით და უვეოსკლერალური ნაკადის გაძლიერებით. ბრიმონიდიდნის ტარტრატი ამცირებს თვალშიდა წნევას გულსისხლძარღვთა ან ფილტვის პარამეტრებზე მინიმალური ეფექტით.

ფარმაკოკინეტიკური თვისებები

ზოგადი თავისებურებები

აბსორბცია

0.2% და 0.1% ხსნარის თვალში გამოყენების შემდეგ, პიკური პლაზმური კონცენტრაცია მიიღებოდა 0.5-2.5 სთ პერიოდში და კონცენტრაცია მცირდებოდა სისტემური ნახევარგამოყოფის პერიოდით 2 სთ განმავლობაში. მრავალჯერადი გამოყენების შემდეგ, მცირე კუმულაცია შეინიშნებოდა პლაზმაში, მაგრამ სისტემური კუმულაცია არ არის მოსალოდნელი 0.15% ხსნარის დღეში ორჯერ გამოყენების შემდეგ, ვინაიდან ბრიმონიდინის ელიმინაციის ნახევარგამოყოფის პერიოდი მოკლეა. წონასწორული მდგომარეობა AUC 0-18სთ არის 0.14 ნგ/სთ/მლ და 0.25 ნგ/სთ/მლ 0.1% და 0.2% ხსნარებისთვის შესაბამისად.

განაწილება

არ არსებობს კვლევა ცილებთან ბრიმონიდინის კავშირის შესახებ.

ბიოტრანსფორმაცია

ბრიმონიდინი ადამიანებში უპირატესად მეტაბოლიზდება ღვიძლში.

ელიმინაცია

შარდში გამოყოფა ბრიმონიდინის და მისი მეტაბოლიტების ელიმინაციის ძირითადი გზაა. პერორალურად მიღებული რადიოაქტიური ბრიმონიდინის დოზის დაახლოებით 87% ელიმინირდებოდა 120 სთ განმავლობაში, მაშინ როდესაც 74% აღმოჩენილია შარდში.

პაციენტის თავისებურებები

თავისებურებები ხანდაზმულებში

ერთჯერადი დოზის შემდეგ Cmax, AUC და ბრიმონიდინის ნახევარგამოყოფის პერიოდი  ხანდაზმულებში (65 წლის ან მეტი ასაკის სუბიექტები) მსგავსია ახალგაზრდებთან შედარებით, რაც მიუთითებს რომ მისი სისტემური აბსორბცია და ელიმინაცია ასაკთან ერთად არ იცვლება.

უსაფრთხოების კლინიკამდელი მონაცემები

კლინიკამდელი მონაცემები, რომელიც ეფუძნება კონვენციურ კვლევებს უსაფრთხოების ფარმაკოლოგიაზე, განმეორებით ტოქსიურობაზე, გენოტოქსიურობაზე, კანცეროგენულ პოტენციალზე, რეპროდუქციულ ტოქსიურობაზე, ადამიანებში სპეციფიური ზიანი არ გამოვლენილა.

ფარმაცევტული თავისებურებები

შეუთავსებლობა არ ეხება.

ვარგისობი სვადა 24 თვე.

შენახვის განსაკუთრებული პირობები

შეინახეთ ოთახის ტემპერატურაზე არაუმეტეს 25℃-ისა.

ხსნარია სტერილურ,ი ვიდრე არ მოხსნით თავსახურს. მისი გამოყენება უნდა მოხდეს თავსახურის პირველი მოხსნიდან 28 დღის განმავლობაში.

აღწერა და კონტეინერის შემადგენლობა

5მლ სტერილური დაბალი სიმკვრივის  ხსნარი პოლიეთილენის ბოთლში, სტერილური საწვეთურიანი თავსახურით, ყუთში ფურცელ-ჩანართთან ერთად.

განსაკუთრებული სიფრთხილის ზომები გადაგდების და სხვა მოპყრობის შესახებ.

არ არსებობს.

გაცემი სწესი

ფარმაცევტული პროდუქტის ჯგუფი II, გაიცემა ფორმა N3 რეცეპტით.