ნორადრენალინი 2მგ/1მლ4მლ#10ა

სარეკომენდაციო ვერსია

ნორადრენალინი (ტარტრატი) აგეტანტი2 მგ/მლ (სულფიტების გარეშე), საინფუზიო ხსნარის კონცენტრატი

ნორედრენალინის ტარტრატი

ამ ფურცელში:

1. რა არის ნორადრენალინი (ტარტრატი) აგეტანტი2 მგ/მლ (სულფიტების გარეშე), საინფუზიო ხსნარის კონცენტრატი და რისთვის გამოიყენება

2. რა უნდა იცოდეთ ნორადრენალინი (ტარტრატი) აგეტანტი2 მგ/მლ (სულფიტების გარეშე), საინფუზიო ხსნარის კონცენტრატის მიღებამდე

3. როგორ მიიღება ნორადრენალინი (ტარტრატი) აგეტანტი2 მგ/მლ (სულფიტების გარეშე), საინფუზიო ხსნარის კონცენტრატი

4. შესაძლო გვერდითი მოვლენები

5. როგორ ინახება ნორადრენალინი (ტარტრატი) აგეტანტი2 მგ/მლ (სულფიტების გარეშე), საინფუზიო ხსნარის კონცენტრატი

6. შეფუთვის შიგთავსი და სხვა ინფორმაცია

1. რა არის ნორადრენალინი (ტარტრატი) აგეტანტი2 მგ/მლ (სულფიტების გარეშე), საინფუზიო ხსნარის კონცენტრატი და რისთვის გამოიყენება

ფარმაკოთერაპიული კლასი: გულის სტიმულატორები გულის გლიკოზიდების გამოკლებით

ათქ კოდი: C01CA03

ეს პრეპარატი გამოიყენება კოლაფსის გადაუდებელი მკურნალობისთვის და არტერიული წნევის აღდგენისა და შესანარჩუნებისთვის.

კუჭის ადგილობრივი ირიგაციისას ნორადრენალინი გამოიყენება საჭმლის მომნელებელი სისტემის სისხლდენების სამკურნალოდ, ჩვეულებრივ მკურნალობაზე დამატებით.

2. რა უნდა იცოდეთ ნორადრენალინი (ტარტრატი) აგეტანტი 2 მგ/მლ (სულფიტების გარეშე), საინფუზიო ხსნარის კონცენტრატის მიღებამდე

არასოდეს გამოიყენოთ ნორადრენალინი (ტარტრატი) აგეტანტი 2 მგ/მლ (სულფიტების გარეშე), საინფუზიო ხსნარის კონცენტრატი:

• · თუ ალერგიული ხართ ნორადრენალინის ან ამ პრეპარატის რომელიმე სხვა ინგრედიენტის შემცველ პრეპარატებზე (ჩამოთვლილი მე-6 პუნქტში).

გაფრთხილებები და სიფრთხილის ზომები

გაესაუბრეთ თქვენს ექიმს, ფარმაცევტს ან მედდას ნორადრენალინის (ტარტრატის) აგეტანტის 2 მგ/მლ (სულფიტების გარეშე), საინფუზიო ხსნარის კონცენტრატის გამოყენებამდე.

სპეციალური გაფრთხილებები

ნორადრენალინი (ტარტრატი) აგეტანტი2 მგ/მლ (სულფიტების გარეშე), საინფუზიო ხსნარის კონცენტრატი უკუნაჩვენებია ჰიპოტენზიურ პაციენტებში, რომლებშიც სისხლის მიმოქცევის კოლაფსი დაკავშირებულია ჰიპოვოლემიასთან (სისხლის ეფექტური მოცულობის დაქვეითებასთან), გარდა გადაუდებელი ღონისძიების სახით კორონარულ და ცერებრალურ არტერიებში მიწოდების შესანარჩუნებლად სისხლის მოცულობის შემცვლელი თერაპიის დაწყებამდე.

ექსტრავაზაციის რისკი:

თქვენი ექიმი შეამოწმებს ინფუზიის ადგილს სიფრთხილის ზომების მისაღებად, რათა თავიდან აიცილოს სითხის გავრცელება მიმდებარე ქსოვილში.

განსაკუთრებული სიფრთხილის ზომები გამოყენებისას

ნორადრენალინის (ტარტრატის) აგეტანტი2 მგ/მლ (სულფიტების გარეშე) გამოყენებული უნდა იყოს სიფრთხილით და მითითებების მკაცრად დაცვით შემდეგ შემთხვევებში:

• · მარცხენა პარკუჭის ძირითადი დისფუნქცია
• · მწვავე კორონარული უკმარისობა (სტენოკარდია)
• · ბოლო დროს გადატანილი მიოკარდიუმის ინფარქტი (გულის შეტევა)
• · გულის რითმის დარღვევები, რომლებიც ვითარდება მკურნალობის დროს, რაც მოითხოვს დოზის შემცირებას.

აცნობეთ თქვენს ექიმს, თუ გაქვთ ჰიპერთიდოიდიზმი ან შაქრიანი დიაბეტი.

ადრენალინის ინფუზიის დროს მუდმივად უნდა მოწმდებოდეს არტერიული წნევა და გულისცემა.

თუ აუცილებელია ნორადრენალინის (ტარტრატის) აგეტანტი2 მგ/მლ (სულფიტების გარეშე), საინფუზიო ხსნარის კონცენტრატის შეყვანა მთლიან სისხლთან ან სისხლის პლაზმასთან ერთად, ამ უკანასკნელთა შეყვანა უნდა მოხდეს ცალკე.

სხვა მედიკამენტები და ნორადრენალინის (ტარტრატი) აგეტანტი2 მგ/მლ (სულფიტების გარეშე), საინფუზიო ხსნარის კონცენტრატი

აცნობეთ თქვენს ექიმს ან ფარმაცევტს, თუ იყენებთ, ცოტა ხნის წინ იყენებდით ან შესაძლოა გამოიყენოთ სხვა პრეპარატები.

ნორადრენალინის (ტარტრატის) აგეტანტის 2 მგ/მლ (სულფიტების გარეშე), საინფუზიო ხსნარის კონცენტრატის გამოყენება მიზანშეწონილი არ არის შემდეგ საშუალებებთან კომბინაციაში:

• · საანესთეზიო საშუალებები (განსაკუთრებით საანესთეზიო გაზი).
• · ანტიდეპრესანტები (იმიპრამინი, სეროტონინერგულ-ნორადრენერგული).

უნდა აცნობოთ ექიმს, თუ იღებდით შემდეგ პრეპარატებს:

• · სელექციური და არასელექციური მაო ინჰიბიტორები
• · ლინეზოლიდი (ანტიბიოტიკი)
• · მეთილენის ლურჯი

ორსულობა და ძუძუთი კვება

თუ ხართ ორსულად ან ძუძუთი კვებავთ, ფიქრობთ, რომ შეიძლება იყოთ ორსულად ან გეგმავთ ბავშვის გაჩენას, ამ პრეპარატის გამოყენებამდე რჩევისთვის მიმართეთ თქვენს ექიმს ან ფარმაცევტს.

ჩვენებების გათვალისწინებით, საჭიროების შემთხვევაში, ნორადრენალინის გამოყენება შესაძლებელია ორსულობის დროს. მიუხედავად ამისა, გაითვალისწინეთ პროდუქტის ფარმაკოლოგიური თვისებები.

ნორადრენალინმა შეიძლება დაარღვიოს პლაცენტის პერფუზია და გამოიწვიოს ნაყოფის ბრადიკარდია.

მას ასევე შეუძლია გამოიწვიოს ორსულში საშვილოსნოს შეკუმშვა და შედეგად ნაყოფის ასფიქსია ორსულობის გვიან პერიოდში.

ძუძუთი კვების დროს ნორადრენალინის გამოყენების შესახებ ინფორმაცია არ მოიპოვება.

ნორადრენალინი (ტარტრატი) აგეტანტი2 მგ/მლ (სულფიტების გარეშე), საინფუზიო ხსნარის კონცენტრატი შეიცავს ნატრიუმს:

ეს პრეპარატი შეიცავს 1 მმოლ-ზე ნაკლებ ნატრიუმს (23 მგ) ყოველ 4 მლ ამპულაში, ანუ ის არსებითად ნატრიუმის გარეშეა.

ეს პრეპარატი შეიცავს 26,4 მგ ნატრიუმს (საკვების მომზადების ძირითადი კომპონენტი/სუფრის მარილი) თითოეულ 8 მლ ამპულაში. ეს უდრის ზრდასრულთათვის ნატრიუმის რეკომენდებული მაქსიმალური დღიური კვებითი მოხმარების 1.3%-ს.

3. როგორ გამოიყენება ნორადრენალინი (ტარტრატი) აგეტანტი2 მგ/მლ (სულფიტების გარეშე), საინფუზიო ხსნარის კონცენტრატი

დოზირება

დოზები ადაპტირებული უნდა იყოს პაციენტის კლინიკური მდგომარეობის მიხედვით. საწყისი რეკომენდებული დოზებია ნორადრენალინის ტარტრატის 0.1-დან 0.3 მკგ/კგ/წთ.

ზოგჯერ, 3-5 მკგ/კგ/წთ დოზები სასარგებლო იყო სეპტიური შოკის ან ჰემორაგიული შოკის სამკურნალოდ. ინფუზიის დაწყების შემდეგ, ნორადრენალინის ტარტრატის დოზა უნდა ტიტრირდეს მატებით, საშუალო არტერიულ წნევაზე მოქმედების შესაბამისად.

ინფუზია უნდა კონტროლდებოდეს ელექტრო შპრიცის დრაივერის ან მოცულობითი ტუმბოს გამოყენებით. ინფუზიის სიჩქარე გამოითვლება შემდეგი ფორმულით:

სიჩქარე (მლ/სთ) = დოზა (მკგ/კგ/წთ) x წონა (კგ) x 60 წთ

გაზავება (მგ/მლ)x1000

საჭმლის მომნელებელი სისტემის სისხლდენის შემთხვევაში, გაყინულ ფიზიოლოგიურ შრატში დამატებული 8-16 მგ ნორადრენალინი შეიძლება გამოყენებულ იქნას კუჭის გამოსარეცხად.

შეყვანის გზა

მხოლოდ ვენაში. მკაცრად უნდა დაიცვათ სამედიცინო დანიშნულება.

შეყვანის გზა აუცილებლად უნდა იყოს ინტრავენური. ყოველმა ექსტრავაზაციამ შეიძლება გამოიწვიოს ინტენსიური ადგილობრივი ვაზოკონსტრიქცია და ქსოვილის შესაძლო ნეკროზი. სასურველია ცენტრალური ვენური გზის გამოიყენება.

ნორადრენალინის (ტარტრატი) აგეტანტი2 მგ/მლ (სულფიტების გარეშე), საინფუზიო ხსნარის კონცენტრატი უნდა გაზავდეს ინტრავენური ინფუზიის წინ, როგორც წესი, იზოტონურ გლუკოზის ხსნარში ან იზოტონურ ნატრიუმის ქლორიდში. ნორადრენალინი არ უნდა იყოს შერეული სხვა სამკურნალო საშუალებებთან.

ამპულების გახსნის ინსტრუქცია

ამპულის ყელის ძირში არის თხელი გატეხვის წერტილი, რომელიც მონიშნულია ფერადი ადგილით.

დაიჭირეთ ამპულა ფერადი ადგილით თქვენსკენ. ამპულა ადვილად გაიხსნება ცერა თითის ფერად ადგილზე დაჭერით და ქვედა მიმართულებით დაჭერით, როგორც ეს ნაჩვენებია ილუსტრაციაზე.

თუ გამოიყენეთ იმაზე მეტი ნორადრენალინი (ტარტრატი) აგენტანტი 2 მგ/მლ (სულფიტების გარეშე), საინფუზიო ხსნარის კონცენტრატი, ვიდრე საჭიროა:

დაუყოვნებლივ მიმართეთ თქვენს ექიმს ან ფარმაცევტს.

დოზის გადაჭარბების შემთხვევაში, შეიძლება გამოვლინდეს: კანის ვაზოკონსტრიქცია (სისხლძარღვების შევიწროება), სისხლის მიმოქცევის კოლაფსი და ჰიპერტენზია.

ზედმეტ დოზირებასთან დაკავშირებული არასასურველი რეაქციების შემთხვევაში, დაუყოვნებლივ მიმართეთ თქვენს ექიმს. ის მიიღებს შესაბამის ზომებს. თუ ეს შესაძლებელია, რეკომენდებულია დოზის შემცირება.

4. შესაძლო გვერდითი მოვლენები

ყველა პრეპარატის მსგავსად, ამ პრეპარატსაც შეუძლია გამოიწვიოს გვერდითი მოვლენები, თუმცა ისინი ყველას არ უვითარდება.

სისხლძარღვთა დარღვევები: მაღალი არტერიული წნევა და ზოგიერთ ორგანოში ჟანგბადის მიწოდების დაქვეითება, სიცივე და სიფერმკრთალე სახის მიდამოში, განგრენა (მტკივნეული და ცივი კიდურები, რომლებიც შეიძლება გახდეს მეწამულიდან ძალიან მუქი/შავი, ქსოვილების სიკვდილით).

გულის დარღვევები: სწრაფი ან ნელი გულისცემა, არარეგულარული გულისცემა, პალპიტაცია, გულის კუნთის შეკუმშვის მომატება, გულის მწვავე უკმარისობა.

ნერვული სისტემის დარღვევები: შფოთვა, თავის ტკივილი, ტრემორი და ღებინება.

თირკმელებისა და შარდის დარღვევები: შარდის შეკავება.

სუნთქვის დარღვევები: სუნთქვის უკმარისობა ან გაძნელება, ქოშინი (სუნთქვის გაძნელება).

ადგილობრივად: ინექციის ადგილზე გაღიზიანებისა და ნეკროზის (უჯრედების დაზიანება, რაც იწვევს ქსოვილში უჯრედების სიკვდილს) შესაძლებლობა.

თვალის დარღვევები: მწვავე გლაუკომა.

ვაზოპრესორის უწყვეტმა გამოყენებამ არტერიული წნევის შესანარჩუნებლად სისხლის მოცულობის ჩანაცვლების არარსებობის შემთხვევაში შეიძლება გამოიწვიოს შემდეგი სიმპტომები:

• · მძიმე პერიფერიული და ვისცერული ვაზოკონსტრიქცია
• · თირკმლის სისხლის ნაკადის შემცირება
• · შარდის წარმოების შემცირება
• · ჰიპოქსია
• · შრატში ლაქტატის დონის მატება.

ჰიპერმგრძნობელობის ან დოზის გადაჭარბების შემთხვევაში, შემდეგი ეფექტები შეიძლება გამოვლინდეს უფრო ხშირად: არტერიული ჰიპერტენზია (მაღალი არტერიული წნევა), ფოტოფობია (სინათლის ვიზუალური აღქმის აუტანლობა), რეტროსტერნალური ტკივილი (გულ-მკერდის ტკივილი), ფარინგეალური ტკივილი (ყელის ტკივილი), სიფერმკრთალე, ძლიერი ოფლიანობა და ღებინება.

გვერდითი მოვლენების შეტყობინება

თუ განვითარდა რაიმე გვერდითი მოვლენა, მიმართეთ თქვენს ექიმს ან მედდას. ეს მოიცავს ნებისმიერ შესაძლო გვერდით მოვლენას, რომელიც არ არის ჩამოთვლილი ამ ინსტრუქციაში. თქვენ ასევე შეგიძლიათ შეატყობინოთ გვერდითი მოვლენები პირდაპირ ეროვნული შეტყობინების სისტემის მეშვეობით:

საფრანგეთი: Agence nationale de securite du medicament et des produits de sante (ANSM) et rescau des Centres Regionaux de Pharmacovigilance

ვებგვერდი: https://signalement.social-sante.gouv.fr

მალტა: გვერდითი რეაქციების შეტყობინება

ვებგვერდი: www.medicinesauthority.gov.mt/adportal

გვერდითი ეფექტების შეტყობინებით თქვენ შეგიძლიათ ხელი შეუწყოთ ამ პრეპარატის უსაფრთხოების შესახებ მეტი ინფორმაციის მოწოდებას.

5. როგორ ინახება ნორადრენალინის (ტარტრატი) აგეტანტი2 მგ/მლ (სულფიტების გარეშე), საინფუზიო ხსნარის კონცენტრატი

შეინახეთ ეს პრეპარატი ბავშვებისთვის მიუწვდომელ ადგილას

არ გამოიყენოთ ეს პრეპარატი ამპულაზე მითითებული ვარგისიანობის ვადის გასვლის შემდეგ. ვარგისიანობის ვადა ეხება ამ თვის ბოლო დღეს.

გაზავებამდე: შეინახეთ 25⁰C-ზე დაბალ ტემპერატურაზე. შეინახეთ სინათლისგან დაცულ ადგილას გარე შეფუთვაში.

გაზავების შემდეგ: პროდუქტის ფიზიკურ-ქიმიური სტაბილურობა გაზავების შემდეგ (გლუკოზაში 5% ან ნატრიუმის ქლორიდში 0.9%) ნაჩვენებია 48 საათის განმავლობაში 25⁰C ტემპერატურაზე. თუმცა, მიკრობიოლოგიური სისუფთავის თვალსაზრისით, პროდუქტი დაუყოვნებლივ უნდა იქნას გამოყენებული. თუ ის დაუყოვნებლივ არ გამოიყენება, შენახვის ხანგრძლივობა და პირობები არის მომხმარებლის პასუხისმგებლობა და ჩვეულებრივ არ უნდა აღემატებოდეს 12 საათს 25⁰C ტემპერატურაზე პლასტმასის შპრიცში ელექტრო შპრიცის დრაივერისთვის.

ეს პროდუქტი მიღებამდე ვიზუალურად უნდა შემოწმდეს. გამოყენებული უნდა იყოს მხოლოდ გამჭვირვალე და უფერო ან ოდნავ მოყვითალო ხსნარი, ნაწილაკების ან ნალექების გარეშე. არ გამოიყენოთ ამპულები, თუ შიგთავსი არის ვარდისფერი ფერის ან ღია ყვითელზე მუქი, ან თუ შეიცავს ნალექს.

არ გადაყაროთ პრეპარატები კანალიზაციაში ან საყოფაცხოვრებო ნაგავში. ჰკითხეთ თქვენს ფარმაცევტს, როგორ გადაყაროთ პრეპარატები, რომლებსაც აღარ იყენებთ. ეს ზომები ხელს შეუწყობს გარემოს დაცვას.

6. შეფუთვის შიგთავსი და სხვა ინფორმაცია

რას შეიცავს ნორადრენალინის (ტარტრატი) აგეტანტი2 მგ/მლ (სულფიტების გარეშე), საინფუზიო ხსნარის კონცენტრატი

აქტიური ნივთიერება არის:

ნორადრენალინის ტარტრატი ............................................................................. 2 მგ

1 მლ საინექციო ხსნარისთვის

ან 8 მგ ნორადრენალინის ტარტრატი (შეესაბამება 4 მგ ნორადრენალინის ბაზას) ერთი 4 მლ ამპულისთვის.

ან 16 მგ ნორადრენალინის ტარტრატი (შეესაბამება 8 მგ ნორადრენალინის ბაზას) ერთი 8 მლ ამპულისთვის.

სხვა ინგრედიენტებია:

ნატრიუმის ქლორიდი, ნატრიუმის ჰიდროქსიდი ან მარილმჟავა (qs pH = 3.0-დან 4.0-მდე), საინექციო წყალი.

როგორ გამოიყურება ნორადრენალინი (ტარტრატი) აგეტანტი2 მგ/მლ (სულფიტების გარეშე), საინფუზიო ხსნარის კონცენტრატი და შეფუთვის შიგთავსი

ეს პრეპარატი მოწოდებულია საინექციო ხსნარის მოსამზადებელი კონცენტრატის სახით 4 მლ ან 8 მლ ამპულაში. ყუთებში 10, 50 ან 100.

გაცემის წესი: ფარმაცევტული პროდუქტის ჯგუფი II, გაიცემა ფორმა №3 რეცეპტით.

სავაჭრო ნებართვის მფლობელი/დისტრიბუტორი/მწარმოებელი

Laboratoire AGUETTANT

1, ალექსანდრე ფლემინგის ქუჩა

69007 ლიონი

საფრანგეთი

ეს ინსტრუქციის ფურცელი ბოლოს შესწორდა 04/2023.

საფრანგეთი: დეტალური ინფორმაცია ამ პრეპარატის შესახებ ხელმისაწვდომია ANSM-ის (საფრანგეთი) ვებგვერდზე.

მალტა: დეტალური ინფორმაცია ამ პრეპარატის შესახებ ხელმისაწვდომია მედიკამენტების სააგენტოს (მალტა) ვებგვერდზე.