ჰერნიზონი 20მლ წვეთები

19.88 ლარი

ფარმაკოლოგიური ჯგუფი: ხველებისსაწინააღმდეგო პრეპარატები, მუკოლიზური და ამოსახველებელი საშუალებები

ქვეყანა: უკრაინა

მწარმოებელი: ლვოვი გალიჩფარმი

ჯენერიკი - შეადარეთ ანალოგები: გერანის ექსტრაქტი

გაცემის ფორმა: III ჯგუფი ურეცეპტო

კოდი: 95073

გააზიარე:

შეუკვეთე

ანოტაცია
სად შევიძინო

ჰერნიზონი

შემადგენლობა:

აქტიური ინგრედიენტი: ხსნარის 1 გრ. შეიცავს: პელარგონიუმის ფესვის თხევად ექსტრაქტს (Pelargonii radix extractum liquidum). ექსტრაქტანტები: ეთანოლი 40% (v / v), ეთანოლი 10% (v / v) (1:8-10) 800 მგ; შემავსებელი : გლიცეროლი 85%.

ფარმაცევტული ფორმა. ორალური წვეთები.

მთავარი ფიზიკურ-ქიმიური თვისებები : ღია ყავისფრიდან მოწითალი ყავისფრამდე სითხე. შენახვისას ნალექის წარმოქმნა ან შემღვრევა დასაშვებია.

ფარმაკო-თერაპევტული ჯგუფი. ხველებისა და გაციების საწინააღმდეგო პრეპარატები. ATC კოდი R05.

ფარმაკოლოგიური თვისებები.

ფარმაკოდინამიკა: პროდუქტი შეიცავს Pelargonium sidoides ფესვების ექსტრაქტს.

ნივთიერება ზემოქმედებს ლორწოვანი გარსის მემბრანაზე, ბაქტერიების და ვირუსების მიმაგრების მექანიზმზე, რაც, თავის მხრივ, ვირუსებისა და ბაქტერიების სხეულში შეღწევის პრევენციას ახდენს. პრეპარატს გააჩნია გამოხატული იმუნომოდულატორული ეფექტი, რაც ვირუსული ინფექციის შებოჭვას იწვევს. თრგუნავს იმ ბაქტერიების რაოდენობრივ ზრდას, რომლებმაც ორგანიზმში უკვე შეაღწიეს, რაც ამცირებს გართულებების განვითარების რისკს. ხელს უწყობს რესპირატორული ტრაქტის თვითწმენდის მექანიზმების გააქტიურებას, რაც აუმჯობესებს წებოვანი ლორწოს ექსკრეციას და ხელს უშლის პათოგენური ბაქტერიების შემდგომი ელიმინაციისთვის ხელსაყრელი გარემოს ჩამოყალიბებას.

აღნიშნული პრეპარატით მკურნალობა სწრაფად ამცირებს ისეთ სიმპტომებს როგორიც არის: ხველება, ნახველის ამოღების გაძნელება, ზოგადი სისუსტე, ცხელება და სურდო . მნიშვნელოვნად ამცირებს დაავადების მიმდინარეობის პერიოდს, არ უწყობს ხელს მიკრობული რეზისტენტობის განვითარებას.

პრეპარატი მრავალკომპონენტიანი კომპლექსური მიქსტურაა და განიხილება როგორც აქტიური სუბსტანცია.

ფარმაკოკინეტიკა: პრეპარატის ფარმაკოკინეტიკის შესახებ მონაცემები არ მოიპოვება.

კლინიკური დეტალები.

თერაპიული ჩვენებები:

რესპირატორული ტრაქტის მწვავე და ქრონიკული ინფექციების , ყელ-ყურ-ცხვირის ორგანოების მწვავე და ქრონიკული ინფექციების კომპლექსური თერაპია ( სინუსიტი, ტონზილიტი, რინოფარინგიტი, ბრონქიტი).

უკუჩვენებები.

ჰიპერმგრძნობელობა პრეპარატის რომელიმე ინგრედიენტის მიმართ, სისხლდენისადმი მიდრეკილება, იმ მედიკამენტებთან ერთობლივი მიღება, რომლებიც სისხლის შედედების პროცესს ანელებენ. ღვიძლისა და თირკმლის მწვავე დაავადებები (აღნიშნულ შემთხვევებში ამ პრეპარატის გამოყენების არასაკმარისი გამოცდილებიდან გამომდინარე).

ურთიერთქმედება სხვა სამკურნალო საშუალებებთან და სხვა ურთიერთქმედებები.

ურთიერთქმედებების შესახებ მონაცემები არ არსებობს.

ჰერნიზონის პოტენციური ეფექტის გამო, არაპირდაპირ ანტიკოაგულანტებთან (როგორიც არის ვარფარინი) ერთდროული გამოყენებისას პრეპარატმა შესაძლოა იქონიოს გავლენა სისხლის კოაგულაციის პარამეტრებზე. პენიცილინ V -სთან ჰერნიზონის ურთიერთქმედება არ არის დადგენილი.

განსაკუთრებული მითითებანი:

თუ დაავადების სიმპტომები არ გაივლის ერთ კვირაში , ცხელება ნარჩუნდება 3 დღე ან მეტი, უარესდება ზოგადი მდგომარეობა, ღვიძლის ფუნქციის დარღვევის შემთხვევაში, ქოშინის ან სისხლიანი ნახველის არსებობის შემთხვევაში, რეკომენდებულია ექიმთან კონსულტაცია.

ორსულობა და ძუძუთი კვება.

არ არის რეკომენდებული ამ პრეპარატის მიღება ორსულობისა და ძუძუთი კვების პერიოდში, ამ ჯგუფის პაციენტებში საკმარისი კლინიკური გამოცდილების არარსებობის გამო.

გავლენა ავტომობილისა და მანქანა-დანადგარების მართვის უნარზე.

ავტომობილის მართვის ან სხვა მექანიზმების მართვისას რეაქციის სისწრაფე არ შესწავლილა, თუმცა აღსანიშნავია, რომ პროდუქტი 12 % ეთანოლს შეიცავს.

დოზირება და მიღების წესი:

ხსნარი მიიღება სითხის მცირე რაოდენობასთან ერთად ჭამამდე 30 წუთით ადრე -დილით, შუადღესა და საღამოს.

დაავადების მწვავე მიმდინარეობისას, ჩვეულებრივ, დოზირება შემდეგია:

ზრდასრულები და 12 წელს ზევით ასაკის ბავშვებისთვის - 30 წვეთი დღეში 3-ჯერ;

6-დან 12 წლამდე ასაკის ბავშვებისთვის - 20 წვეთი 3-ჯერ დღეში;

1-დან 6 წლამდე ასაკის ბავშვებისთვის - 10 წვეთი 3-ჯერ დღეში.

რეციდივების და დაავადებების ქრონიკული ფორმების შემდგომი მკურნალობისთვის, ზრდასრულებს და 12 წელს ზევით ბავშვებს პრეპარატი ენიშნებათ 10-20 წვეთი 3-ჯერ დღეში.

დაავადების მწვავე მიმდინარეობისას და დაავადების გამეორების თავიდან არიდების მიზნით, მკურნალობის ხანგრძლივობა 7 – 10 დღეს შეადგენს. მკურნალობის კურსის ხანგრძლივობა არ უნდა აღემატებოდეს 3 კვირას.

ფლაკონი გეჭიროთ სწორად. საჭიროების შემთხვევაში შეანჯღიეთ.

აღნიშნული პრეპარატის ჩვილ ბავშვებში გამოყენების შესახებ არასაკმარისი კლინიკური მონაცემების გამო, ჰერნიზონი არ გამოიყენება 1 წლამდე ასაკის ბავშვებში. მცირეწლოვანი ბავშვების (1-დან 6 წლამდე) ჰერნიზონით მკურნალობა რეკომენდებულია სამედიცინო მეთვალყურეობის ქვეშ.

ჭარბი დოზირება:

დოზის გადაჭარბების შესახებ ცნობები არ არსებობს. შესაძლებელია გვერდითი მოვლენების გაძლიერება.

გვერდითი მოვლენები.

კუჭ-ნაწლავის ტრაქტის მხრივ დარღვევები. მათ შორის: მუცლის ტკივილი, გულძმარვა, გულისრევის შეგრძნება, დიარეა.

ღრძილებიდან მცირე სისხლდენა.

რესპირატორული ტრაქტის მხრივ დარღვევები: ცხვირიდან მცირე სისხლდენა.

კანის/იმუნური სისტემის მხრივ დარღვევები: მომატებული მგრძნობელობითი რეაქციები (მათ შორის: კანზე გამონაყარი, ურტიკარია, კანისა და ლორწოვანი გარსის ქავილი). ერთეულ შემთხვევებში შესაძლებელია მომატებული მწვავე მგრძნობელობითი რეაქციები სახის შეშუპებით, ქოშინით, არტერიული წნევის დაქვეითებით.

ჰეპატობილიარული სისტემის მხრივ დარღვევები: ღვიძლის ტესტების მაჩვენებლების მომატება . ამ მაჩვენებლების მატებასა და აღნიშნული პრეპარატის მიღებას შორის მიზეზ-შედეგობრივი კავშირი არ აღინიშნება.

შენახვის ვადა. 3 წელი.

შენახვის ვადა შეფუთვის გახსნის შემდეგ - 3 თვე.

შენახვის პირობები.

შეინახეთ თავისივე შეფუთვაში, 25ºC-ზე ნაკლებ ტემპერატურაზე. შეინახეთ ბავშვებისთვის მიუწვდომელ ადგილას.

შეფუთვა.

20 მლ ან 50 მლ ფლაკონი, საწვეთურით და დამცავი თავსახურით.

შეფუთვაში 1 ფლაკონი.

ლეგალური კატეგორია.

ფარმაცევტული პროდუქტის ჯგუფი -III , გაიცემა რეცეპტის გარეშე

მწარმოებელი: სსს გალიჩფარმი

მწარმოებლის მდებარეობა და საქმიანობის ადგილი.

უკრაინა, 79024, ლვოვი, ოპრიშკივსკას ქ., 6/8