გლიატონი 250მგ/მლ 4მლ #5ა

გლიატონი

 

შემადგენლობა:

მოქმედი ნივთიერება: ქოლინის ალფოსცერატი;

1 მლ ხსნარი შეიცავს 250 მგ ქოლინის ალფოსცერატს 100% ნივთიერებაზე გაანგარიშებით;

დამხმარე ნივთიერებები: საინექციო წყალი.

სამკურნალწამლო ფორმა. საინექციო ხსნარი.  

ძირითადი ფიზიკურ-ქიმიური თვისებები: გამჭვირვალე უფერო ხსნარი.  

ფარმაკოთერაპიული ჯგუფი

ნერვულ სისტემაზე მოქმედი საშუალებები. პარასიმპათომიმეტურები, ქოლინის ალფოსცერატი. ათქ კოდი N07A X02.

ფარმაკოლოგიური თვისებები

ფარმაკოდინამიკა

ქოლინის ალფოსცერატი წარმოადგენს საშუალებას, რომელიც მიეკუთვნება ცენტრალური ქოლინომიმეტიკების ჯგუფს და ძირითადად მოქმედებს ცენტრალურ ნერვულ სისტემაზე (ცნს). ქოლინის ალფოსცერატს, როგორც ქოლინის მატარებელს და ფოსფატიდილქოლინის წინამორბედ აგენტს, აქვს ბიოქიმიური დაზიანებების პრევენციისა და კორექტირების პოტენციური უნარი, რომლებსაც განსაკუთრებული მნიშვნელობა აქვს ფსიქოორგანული ინვოლუციური სინდრომის პათოგენურ ფაქტორებს შორის, ე.ი. შეუძლია გავლენა მოახდინოს დაქვეითებულ ქოლინერგულ ტონუსზე და ნერვული უჯრედების გარსის შეცვლილ ფოსფოლიპიდურ შემადგენლობაზე. პრეპარატის შემადგენლობაში შედის 40.5% მეტაბოლურად დაცული ქოლინი. მეტაბოლური დაცვა უზრუნველყოფს თავის ტვინში ქოლინის გამოთავისუფლებას. ქოლინის ალფოსცერატი დადებით მოქმედებას ახდენს მეხსიერების ფუნქციებსა და შემეცნებით უნარზე, ასევე ემოციური მდგომარეობისა და ქცევის მაჩვენებლებზე, რომლებიც გაუარესებული იყო თავის ტვინის ინვოლუციური პათოლოგიის განვითარებით.   

მოქმედების მექანიზმი ეფუძვნება შემდეგს - ორგანიზმში მოხვედრის შემდეგ ქოლინის ალფოსცერატი იშლება ფერმენტების მოქმედების გამო ქოლინად და გლიცეროფოსფატად: ქოლინი მონაწილეობს ნერვული აღგზნების ერთ-ერთი ძირითადი მედიატორის - აცეტილქოლინის ბიოსინთეზში; გლიცეროფოსფატი წარმოადგენს ნეირონული მემბრანის ფოსფოლიპიდების (ფოსფატიდილქოლინი) წინამორბედს. ამგვარად, ქოლინის ალფოსცერატი აუმჯობესებს ქოლინერგულ ნეირონებში ნერვული იმპულსების გადაცემას; დადებითად მოქმედებს ნეირონალური მემბრანების პლასტიურობაზე და რეცეპტორების ფუნქციაზე. ქოლინის ალფოსცერატი აუმჯობესებს ცერებრულ სისხლის მიმოქცევას, აძლიერებს თავის ტვინში მეტაბოლურ პროცესებს, ახდენს თავის ტვინის რეტიკულარული ფორმაციის სტრუქტურის აქტივაციას და აღადგენს ცნობიერებას თავის ტვინის ტრავმული დაზიანებისას.

ფარმაკოკინეტიკა. ქოლინის ალფოსცერატის შეყვანისას საშუალოდ შეიწოვება დოზის დაახლოებით 88%. პრეპარატი ძირითადად თავის ტვინში (სისხლში პრეპარატის კონცენტრაციის 45%), ფილტვებსა და ღვიძლში გროვდება. პრეპარატის ელიმინაცია ხდება ძირითადად ფილტვებიდან ნახშირორჟანგის (CO₂) სახით. პრეპარატის მხოლოდ 15% გამოიყოფა შარდთან და ნაღველთან ერთად.

კლინიკური მახასიათებლები

ჩვენება

ქალა-ტვინის მძიმე ტრავმის მწვავე პერიოდი ძირითადად ღეროს დაზიანების შემთხვევაში (გონების დაკარგვა, კომატოზური მდგომარეობა, კეროვანი ნახევარსფერული სიმპტომატიკა, ტვინის ღეროს დაზიანების სიმპტომები).

თავის ტვინის დეგენერაციული და ინვოლუციური ფსიქოორგანული სინდრომები ან ცერებროვასკულური უკმარისობის მეორადი შედეგები, ესეიგი აზროვნების უნარის პირველადი ან მეორადი დარღვევები ხანდაზმულ პირებში, რომელთათვის დამახასიათებელია მეხსიერების დარღვევები, ცნობიერების არევა, დეზორიენტაცია,  მოტივაციისა და ინიციატურობის დაქვეითება, ყურადღების კონცენტრაციის შესუსტება;  ქცევის და ემოციური მდგომარეობის შეცვლა: ემოციური ცვალებადობა, გაღიზიანება, გარემოს მიმართ ინტერესის არქონა; ფსევდომელანქოლია  ხანდაზმულ პირებში.

უკუჩვენება

დადგენილი ჰიპერმგრძნობელობა პრეპარატის ან მისი კომპონენტების მიმართ.

პაციენტები ფსიქოზური სინდრომით, მძიმე ფსიქომოტორული აგზნების დროს.

ორსულობის ან ძუძუთი კვების პერიოდი.

ურთიერთქმედება სხვა სამკურნალო საშუალებებთან და ურთიერთქმედების სხვა ფორმები

სხვა სამკურნალო საშუალებებთან პრეპარატის კლინიკურად მნიშვნელოვანი ურთიერთქმედება დადგენილი არ არის.

გამოყენების თავისებურებები

გამოყენება ორსულობის ან ძუძუთი კვების პერიოდში

პრეპარატი უკუნაჩვენებია ორსულობის და ძუძუთი კვების პერიოდში გამოსაყენებლად.

ზემოქმედება რეაქციის სისწრაფის უნარზე ავტოსატრანსპორტო საშუალებების ან სხვა მექანიზმების მართვისას

პრეპარატი არ ახდენს გავლენას ავტოტრანსპორტის მართვაზე და სხვა მექანიზმებთან მუშაობაზე.

გამოყენების წესი და დოზები

მძიმე მდგომარეობების დროს გლიატონი შეიყვანება კუნთში ან ვენაში ნელა დოზით 1 გ (1 ამპულა) დღე-ღამეში 15-20 დღის განმავლობაში.

ავადმყოფის მდგომარეობის სტაბილიზაციის შემდეგ გადადით პრეპარატის კაფსულების სახით მიღებაზე.

ბავშვები. ბავშვებში პრეპარატ გლიატონის გამოყენების გამოცდილება არ არსებობს.

დოზის გადაჭარბება

პრეპარატ გლიატონის დოზის გადაჭარბების შემთხვევაში, რაც შეიძლება გამოვლინდეს გულისრევით, მოუსვენრობით, აგზნებით, უძილობით, საჭიროა პრეპარატის დოზის შემცირება. თერაპია - სიმპტომურია.

გვერდითი რეაქციები

როგორც წესი, პრეპარატი კარგად გდაიტანება ხანგრძლივი გამოყენების შემთხვევაშიც კი. შესაძლებელია რეაქციები შეყვანის ადგილზე. მკურნალობის დაწყებიდან პირველი დღეების ან კვირების განმავლობაში შეიძლება გამოვლინდეს შემდეგი გვერდითი რეაქციები: შფოთვა, აჟიტაცია, უძილობა. ეს სიმპტომები დროებითია და არ საჭიროებს მკურნალობის შეწყვეტას, მაგრამ შესაძლებელია დოზის დროებით შემცირება.

შეიძლება გამოვლინდეს გულისრევა (რომელიც, ძირითადად მეორადი დოფამინერგული აქტივაციის შედეგია), არტერიული წნევის დაქვეითება, თავის ტკივილი, ძალიან იშვიათად შესაძლებელია აბდომინალური ტკივილი  და ცნობიერების ხანმოკლე არევა. ამ შემთხვევაში პრეპარატის დოზა უნდა შემცირდეს.

შესაძლებელია ჰიპერმგრძნობელობის რეაქციები, გამონაყარის, ქავილის, ჭინჭრის ციების, ანგიონევროზული შეშუპების, კანის გაწითლების ჩათვლით.  

ვარგისობის ვადა.2 წელი.

პრეპარატი არ გამოიყენოთ შეფუთვაზე მითითებული ვარგისობის ვადის გასვლის შემდეგ.

შენახვის პირობები. შეინახეთ სინათლისგან დაცულ ადგილზე, არაუმეტეს 25°С ტემპერატურაზე. შეინახეთ ბავშვებისთვის მიუწვდომელ ადგილზე.

შეუთავსებლობა.არ გამოიყენოთ ერთ მოცულობაში სხვა სამკურნალო საშუალებებთან.

შეფუთვა

4 მლ ამპულებში №5 ბლისტერში.

გაცემის კატეგორია.

ფარმაცევტული პროდუქტის ჯგუფი II, გაიცემა ფორმა N3 რეცეპტით.

მწარმოებელი

სს “ფარმაკი“.

მწარმოებლის ადგილმდებარეობა და საქმიანობის განხორციელების მისამართი.

უკრაინა, 04080, ქ. კიევი, კირილოვსკაიას ქუჩა 74.