კაპტოპრილ-AKOC 25მგ #40ტ

სამკურნალო პრეპარატის სამედიცინო გამოყენების

ინსტრუქცია

კაპტოპრილ-АКОС

ჩაპტოპრილ-AჩOშ

სავაჭრო დასახელება: კაპტოპრილ- АКОС

საერთაშორისო არადაპატენტებული დასახელება: კაპტოპრილი

სამკურნალო ფორმა: ტაბლეტები

შემადგენლობა 1 ტაბლეტზე:

აქტიური ნივთიერება: კაპტოპრილი – 25 მგ.

დამხმარე ნივთიერება: მაგნიუმის სტეარატე, ლაქტოზა მონოჰიდრატი, ტალკი, მიკროკრისტალური ცელულოზა, სილიციუმის დიოქსიდი კოლოიდური (აეროსილი), კროსპოვიდონი (კოლიდონ ჩL).

აღწერილობა:

თეთრი ან თეთრი კრემისფერი ელფერის ტაბლეტები დამახასიათებელი სუნით, ბრტყელი ცილინდრული ფორმის ფასკით. დასაშვებია მსუბუქი “მარმარილოსებურობა.

ფარმაკოლოგიური ჯგუფი: ანგიოტენზინ - მაკონვერტირებელი ფერმენტის ინჰიბიტორი. (АПФ)

ათქ : [ჩ09AA01]

ფარმაკოლოგიური თვისებები

ფარმაკოდინამიკა

ამცირებს ანგიოტენზინ II წარმოქმნას ანგიოტენზინ I-გან. ანგიოტენზინ II შემცველობის შემცირება პირდაპირ იწვევს ალდოსტერონის გამოყოფის შემცირებას. ამასთან მცირდება საერთო პერიფერიული სისხლძარღვოვანის წინააღმდეგობა, არტერიული წნევა, გულზე პოსტ და პრედატვირთვა. მეტად აფართოებს არტერიებს, ვიდრე ვენებს. იწვევს ბრადიკინინის დეგრადაციის შემცირებას (აგფ ერთ-ერთი ეფექტი) და პროსტაგლანდინის სინთეზის ზრდას. ჰიპოტენზიური ეფექტი არ არის დამოკიდებულიპლაზმის რენინის აქტივობაზე, არტერიული წნევის დაწევა შეინიშნება ჰორმონის ნორმალური და დაბალი დონის დროსაც კი, რაც განპირობებულია ქსოვილოვან რენინ-ანგიოტენზინის სისტემებზე ზემოქმედებით. აძლიერებს კორონარულ და თირკმლის სისხლის მიმოქცევას. ხანგრძლივი გამოყენებისას ამცირებს მიოკარდის და რეზისტული ტიპის არტერიების კედლების ჰიპერტროფიის გამოხატვას. აუმჯობესებს იშემიური მიოკარდის სისხლის მიწოდებას. ამცირებს თრომბოციტების აგრეგაციას. ხელს უწყობს გულის ქრონიკული უკმარისობის მქონე ავადმყოფებში ნატრიუმის იონების (Nა+) შემცველობის შემცირებას. არტერიული წნევის შემცირება პირდაპირი ვაზოდილატატორებისაგან (ჰიდრალაზინის, მინოკსიდილის და სხვ.) განსხვავებით არ ახლავს რეფლექტორული ტაქიკარდია და იწვევს მიოკარდის ჟანგბადში მოთხოვნის შემცირებას. გულის უკმარისობის დროს ადექვატური დოზით გავლენას არ ახდენს არტერიული წნევის სიდიდეზე. არტერიული წნევის მაქსიმალური დაწევა ტაბლეტის დალევის შემდეგ აღინიშნება 60-90 წუთის შემდეგ. ჰიპოტენზიური ეფექტის ხანგრძლივობა დოზადამოკიდებულია და ოპტიმალურ მნიშვნელობას აღწევს რამოდენიმე კვირის განმავლობაში.

ფარმაკოკინეტიკა.

აბსორბცია - სწრაფი, აღწევს 75% (საკვების მიღება ამცირებს 30-40%-ით), ბიოწვდომა – 35-40% (ღვიძლზე “პირველი გავლის” ეფექტი). ბმა სისხლის პლაზმის ცილებთან (უპირატესად ალბუმინებთან) – 25-30%; სისხლის პლაზმაში მაქსიმალური კონცენტრაცია (114 ნგ/მლ) დალევისას – 30-90 წთ. ჰემატოენცეფალური ბარიერისა და პლაცენტური ბარიერის საშუალებით აღწევსცუდად (1%-ზე ნაკლები). მეტაბოლიზდება ღვიძლში კაპტოპრილის დისულფიდური დიმერისა და კაპტოპრილ-ცისტეინდისულფიდის წარმოქმნით. მეტაბოლიტები ფარმაკოლოგიურად არაქტიური არიან. ნახევრად გამოყოფის პერიოდი შეადგენს – 3 სთ. გამოიყოფა თირკმელებით 95% (40-50% უცვლელი სახით), დანარჩენი ნაწილი მეტაბოლიტების სახით. ხდება სეკრეცია დედის რძესთან. ერთჯერადი დალევის შემდეგ 4 საათში შარდი შეიცავს უცვლელი კაპტოპრილის 38% და 28 % მეტაბოლიტების სახით, 6 საათში – მხოლოდ მეტაბოლიტების სახით; დღე-ღამის შარდში – უცვლელი კაპტოპრილის 38% და 62% - მეტაბოლიტების სახით. თირკმელების დარღვეული ფუნქციის დროს ნახევრად გამოყოფის პერიოდია – 3,5-32 სთ. კუმულირდება თირკმლის ქრონიკული უკმარისობისას.

ჩვენება

არტერიული ჰიპერტენზია, მათ შორის რენოვასკულარული; გულის ქრონიკული უკმარისობა (კომპლექსური თერაპიის შემადგენლობაში); მარცხენა პარკუჭის ფუნქციის დარღვევა მიოკარდის ინფარქტის გადატანის შემდეგ კლინიკურად სტაბილური მდგომარეობისას; დიაბეტური ნეფროპათია I ტიპის შაქრის დიაბეტის ფონზე (ალბუმინურიისას 30 მგ-ზე მეტი დღე-ღამეში).

უკუჩვენება

პრეპარატის და აგფ სხვა ინჰიბიტორების მიმართ გაზრდილი მგრძნობელობა, ანგიონევროზული შეშუპება (აგფ ინჰიბიტორების გამოყენების ფონზე, მათ შორის ანამნეზში), თირკმელებისა და ღვიძლის ფუნქციების გამოხატული დარღვევები, ჰიპერკალიემია, თირკმლის არტერიების ორმხრივი სტენოზი ან ერთადერთი თირკმლის არტერიის სტენოზი პროგრესირებადი აზოტემიით, მდგომარეობა თირკმლის ტრანსპლანტაციის შემდეგ, აორტის შესართავის სტენოზი და ანალოგიური ცვლილებები, რომლებიც ართულებენ სისხლის გადინებას, ორსულობა, ლაქტაციის პერიოდი, ასაკი (18 წლამდე).

სიფრთხილით გამოიყენება მძიმე აუტოიმუნური დაავადებებისას (განსაკუთრებით სისტემური წითელი მგლურისას ან სკლეროდერმიისას), ძვლისტვინის სისხლქმნადობის დახშობისას (ნეიტროპენიისა და აგრანულოციტოზის განვითარების რისკი), თავის ტვინის იშემიისას, შაქრის დიაბეტისას (გაზრდილია ჰიპერკალიემიის განვითარების რისკი), ჰემოდიალიზზე, დიეტაზე ნატრიუმის შეზღუდვით მყოფ ავადმყოფებში, პირველადი ჰიპერალდოსტერონიზმისას, გულის იშემიური დაავადებისას, ცირკულირებადი სისხლის მოცულობის შემცირებით თანხლებული მდგომარეობისას (მ.შ. დიარეა, ღებინება), ხანდაზმულ ასაკში.

მიღების წესი და დოზები

შიგნით ჭამის წინ 1 საათით ადრე. დოზირების რეჟიმი დგება ინდივიდუალურად.

არტერიული ჰიპერტენზიის დროს მკურნალობა იწყება უმცირესი ეფექტური დოზით 12,5 მგ დღეში 2-ჯერ. ყურადღება უნდა მიექცეს პირველი დოზის გადატანას პირველი საათის განმავლობაში. თუ განვითარდა არტერიული ჰიპოტენზია, ავადმყოფი უნდა მოთავსდეს ჰორიზონტალურ მდგომარეობაში (ასეთი რეაქცია პირველ დოზაზე არ უნდა გახდეს დაბრკოლებად შემდგომი თერაპიისათვის). საჭიროების შემთხვევაში დოზა თანდათანობით (ინტერვალით 2-4 კვირა) უნდა გაიზარდოს ოპტიმალური ეფექტის მიღწევამდე.

რბილი ან ზომიერი არტერიული ჰიპერტენზიისას ჩვეულებრივი შემანარჩუნებელი დოზა შეადგენს 25 მგ დღე-ღამეში 2-ჯერ; მაქსიმალური დოზა – 50 მგ დღე-ღამეში 2-ჯერ.

მძიმე არტერიული ჰიპერტენზიისას მაქსიმალური დოზა კაპტოპრილის შეადგენს 150 მგ

( 50მგ დღე-ღამეში 3-ჯერ.)

გულის ქრონიკული უკმარისობის დროს ინიშნება დიურეტიკებთან ერთად და/ან საგულე გლიკოზიდებთან კომბინაციაში (არტერიული წნევის საწყისი გადაჭარბებული დაწევის ასაცილებლად კაპტოპრილის დანიშვნის წინ ხსნიან დიურეტიკს ან ამცირებენ დოზას).

საწყისი დოზა შეადგენს 6,25 მგ (ამ დოზირების რეჟიმისთვის აუცილებელია კაპტოპრილის გამოყენება ტაბლეტებში 12.5 მგ რისკით ან ტაბლეტები 25მგ ჯვარედინი რისკით სხვა მწარმოებლების) 3-ჯერ დღეში, საჭიროების შემთხვევაში დოზას ზრდიან თანდათანობით (ინტერვალით არა ნაკლებ 2 კვირისა). საშუალო შემანარჩუნებელი დოზა შეადგენს 25 მგ 2-3 –ჯერ დღეში, დღე-ღამის მაქსიმალური დოზა შეადგენს 150 მგ. გულის უკმარისობის მქონე სიმპტომატური არტერიული ჰიპოტენზიის შემთხვევაში დიურეტიკების დოზები ან/და სხვა ერთდროულად დანიშნული ვაზოდილატატორების შესაძლებელია შემცირდეს პრეპარატის მდგრადი ეფექტის მისაღწევად.

მარცხენა პარკუჭის ფუნქციის დაზიანებისას გადატანილი მიოკარდის ინფარქტის შემდეგ, პაციენტებში, რომლებიც იმყოფებიან კლინიკურად სტაბილურ მდგომარეობაში კაპტოპრილ-აკოსის გამოყენების დაწყება შეიძლება უკვე მიოკარდის ინფარქტის შემდეგ 3 დღეში. საწყისი დოზა შეადგენს 6,25 მგ/24 სთ, (ამ დოზირების რეჟიმისთვის აუცილებელია კაპტოპრილის გამოყენება ტაბლეტებში 12.5 მგ რისკით ან ტაბლეტები 25მგ ჯვარედინი რისკით სხვა მწარმოებლების) შემდგომ დღე-ღამის დოზა შეიძლება გაიზარდოს 37,5-75 მგ-მდე 2-3 მიღებაზე (გამომდინარე პრეპარატის ამტანობიდან). საჭიროების შემთხვეაში დოზა იზრდება თანდათანობით მაქსიმალურ დღე-ღამის დოზამდე – 150 მგ/24სთ. არტერიული ჰიპოტენზიის განვითარებისას შეიძლება საჭირო გახდეს დოზის შემცირება. მაქსიმალური დღე-ღამის დოზის 150 მგ გამოყენების შემდგომი მცდელობები უნდა ემყარებოდნენ ავადმყოფის მიერ კაპტოპრილის გადატანას.

დიაბეტური ნეფროპათიის დროს ინიშნება დღე-ღამის დოზა 75-100 მგ/24 სთ. 2-3 მიღებაზე. ინსულინდამოკიდებული დიაბეტისას (I ტიპი) მიკროალბუმინურიით (ალბუმინის გამოყოფა 30-300 მგ დღე-ღამეში) პრეპარატის დოზა შეადგენს 50 მგ დღეში 2-ჯერ. როცა ცილის საერთო კლირენსი დღეში 500 მგ-ზე მეტია პრეპარატი ეფექტურია დოზით 25 მგ დღეში 3-ჯერ.

თირკმელების ფუნქციის ზომიერი დარღვევის დროს (კრეატინინის კლირენსი (კკ) – არის არა ნაკლებ 30 მლ/წთ/1,73 მ2) პრეპარატი შეიძლება დაინიშნოს დოზით 75-100 მგ/24 სთ.

თირკმლის ფუნქციის დარღვევის უფრო მეტად გამოხატული ხარისხის დროს (კკ – 30 მლ/წთ/1,73 მ2-ზე ნაკლები) საწყისი დოზა უნდა შეადგენდეს არა უმეტეს 12,5 მგ/24სთ.; (ამ დოზირების რეჟიმისთვის აუცილებელია კაპტოპრილის გამოყენება ტაბლეტებში 12.5 მგ რისკით ან ტაბლეტები 25მგ ჯვარედინი რისკით სხვა მწარმოებლების) შემდგომში, საჭიროების შემთხვევაში დოზა იზრდება თანდათანობით დროის საკმაოდ ხანგრძლივი ინტერვალის შემდეგ, მაგრამ გამოიყენებენ პრეპარატის დღე-ღამის ნაკლებ დოზა, ვიდრე არტერიული ჰიპერტენზიის მკურნალობის შემთხვევაში.

საჭიროების შემთხვევაში დამატებით ნიშნავენ „მარყუჟის“ დიურეტიკებს, და არა ტიაზიდური რიგის დიურეტიკებს.

რეკომენდებული სქემა კაპტოპრილის დოზის კორექცია თირკმლის ფუნქციის დარღვევის მქონე პაციენტებისთვი

გორგლოვანი სიჩქარე

ფილტრაცია

(მლ / წთ / 1.75 მ²)

საწყისი

სადღეღამისო დოზა (მგ)

მაქსიმალური

სადღეღამისო დოზა (მგ)

40

25 – 50

150

21 – 40

25

100

10 – 20

12,5

75

< 10

6,25

37,5

ხანდაზმულ პაციენტებში საწყისი დოზაა 6,25 მგ 2 ჯერ დღეში . (ამ დოზირების რეჟიმისთვის აუცილებელია კაპტოპრილის გამოყენება ტაბლეტებში 12,5 მგ რისკით ან ტაბლეტები 25მგ ჯვარედინი რისკით სხვა მწარმოებლების) შეძლებისდაგვარად ამ დონეზე შენარჩუნებულია თირკმლის ფუნქციის გაუარესების თავიდან ასაცილებლად. პრეპარატის დოზა რეკომენდირებულია მუდმივად რეგულირდებოდეს რაც დამოკიდებულია დამოკიდებულია პაციენტის თერაპიულ პასუხზე და შენარჩუნებული უნდა იქნეს მაქსიმალურად დაბალ დონეზე.

გვერდითი მოვლენები

გულ-სისხლძარღვთა სისტემის მხრიდან: ტაქიკარდია, არტერიული წნევის დაწევა, ორთოსტატიკური ჰიპოტენზია, პერიფერიული შეშუპებები.

ცენტრალური ნერვული სისტემის მხრიდან: თავბრუსხვევა, თავის ტკივილი, დაღლილობა, ასტჰენია, პარესტეზიები, ატაქსია, ძილიანობა, მხედველობის დარღვევა.

სასუნთქი სისტემის მხრიდან: მშრალი ხველა, ფილტვების შეშუპება, პრონქოსპაზმი.

საშარდე სისტემის მხრიდან: თირკმელების ფუნქციის დარღვევა.

წყალ-ელექტროლიტის ცვლის მხრიდან: ჰიპერკალიემია, ჰიპონატრიემია (უფრო ხშირად უმარილო დიეტისას და დიურეტიკების ერთდროული მიღებისას), პროტეინურია, სისხლში შარდოვანას აზოტის გაზრდილი შემცველობა, კრეატინინი, აციდოზი.

სისხლქმნადი ორგანოების მხრიდან: ნეიროპენია, ანემია, თრომბოციტოპენია, აგრანულოციტოზი.

ალერგიული რეაქციები: ანგიონევროზული შეშუპება, სახის კანში სისხლის “ავარდნა”, სიცხე, კანის გამონაყარი (მაკულო-პაპულეზის, იშვიათად – ვეზიკულარული ან ბულეზური ხასიათის), ქავილი, ფოტომგრძნობელობა, ბრონქოსპაზმი, შრატის ავადმყოფობა, ლიმფოადენოპათია, იშვიათად – სისხლში ანტიბირთვული ანტისხეულების გაჩენა.

საჭმლის მომნელებელი სისტემის მხრიდან: გემოვნების დარღვევა, პირის სიმშრალე, მადის დაქვეითება, ატომატიტი, დისპეპსიური მოვლენები, ღებინება, მუცლის ტკივილი, შეკრულობა ან დიარეა, “ღვიძლის” ფერმენტების აქტივობის ზრდა, ჰიპერბილირუბინემია; ჰეპატოცელულარული დაზიანების (ჰეპატიტის) და ქოლესტაზის (იშვიათ შემთხვევებში) ნიშნები; პანკრეატიტი (ერთეულ შემთხვევებში), ღრძილების ჰიპერპლაზია, ინტესტინალური შეშუპება.

სხვა: საერთო სისუსტე, წვივების შეშუპება.

ჭარბი დოზირება

სომპტომები –არტერიული წნევის გამოხატული დაწევა, კოლაფსამდე, მიოკარდის ინფარქტი, ტვინის სისხლის მიმოქცევის მწვავე დარღვევა, თრომბოემბოლიური გართულებები.

მკურნალობა – დააწვინეთ ავადმყოფი ქვედა კიდურების აწეულ მდგომარეობაში; არტერიული წნევის დასაწევად მიმართული ზომები (ცირკულირებადი სისხლის მოცულობის ზრდა, მ.შ. 0,9 % ნატრიუმის ქლორიდი ხსნარის ი/ვ გადასხმა), სიმპტომატური თერაპია. შესაძლებელია ჰემოდიალიზის გამოყენება; პერიტონული დიალიზი – არ არის ეფექტური.

ურთიერთქმედება სხვა სამკურნალო საშუალებებთან

ზრდის დიგოქსინის კონცენტრაციას სისხლის პლაზმაში 15-20 %-ით. ზრდის პროპრანოლოლის ბიოწვდომას. ციმეტიდინი, ანელებს რა მეტაბოლისმს ღვიძლში, ზრდის კაპტოპრილის კონცენტრაციას სისხლის პლაზმაში. ჰიპოტენზიურ ეფფექტს ასუსტებენ არასტეროიდური ანთების საწინააღმდეგო პრეპარატები (აასპ) (Nა+ შეკავება და პროსტაგლანდინის სინთეზის შემცირება), განსაკუთრებით რენინის დაბალი კონცენტრაციის, და ესტროგენის (Nა+ შეკავება) ფონზე. კომბინაცია ტიაზიდურ დიურეტიკებთან, ვაზოდილატატორებთან (მინოკსიდილი), ვერაპამილთან, ბეტა-ადრენობლოკატორებთან, ტრიციკლურ ანტიდეპრესანტებთან, ეთანოლთან აძლიერებს ჰიპოტენზურ ეფექტს. კომბინირებული გამოყენება კალიუმშემნახველ დიურეტიკებთან (მაგალითად, ტრიამტერენი, სპირონოლაქტონი, ამილორიდი), კალიუმის პრეპარატებთან, ციკლოსპორინთან, დაბალი შემცველობის მარილის რძესთან (შეიძლება შეიცავდეს K+ 60 მმოლ/ლ-მდე), კალიუმის დანამატებთან, მარილის შემცვლელებთან (შეიცავენ K+ მნიშვნელოვან რაოდენობებს) ზრდის ჰიპერკალიემიის განვითარების რისკს. ანელებს ლითიუმის პრეპარატების გამოყოფას. კაპტოპრილის დანიშვნისას ალოპურინოლის ან პროკაინამიდის მიღების ფონზე იზრდება სტივენს-ჯონსონის სინდრომის და იმუნოდეპრესიული მოქმედების განვითარების რისკი. კაპტოპრილის გამოყენება პაციენტებში, რომლებიც იღებენ იმუნოდეპრესანტებს (მაგალითად, აზატიოპრინი ან ციკლოფოსფამიდი) ზრდის ჰემატოლოგიური დარღვევების განვითარების რისკს.

განსაკუთრებული მითითებები

მკურნალობის დაწყებამდე, და აგრეთვე კაპტოპრილ-აკოსით მკურნალობის პროცესში რეგულარულად უნდა გაკონტროლდეს თირკმელების ფუნქცია. გულის ქრონიკული უკმარისობის მქონე პაციენტები იღებენ საფუძვლიანი სამედიცინო კონტროლის ქვეშ. კაპტოპრილ-აკოსის ხანგრძლივი გამოყენებისას პაციენტების დაახლოებით 20% აღინიშნება შარდოვანას და სისხლის შრატის კრეატინინის სტაბილური 20% მეტი ზრდა, ნორმას ან თავდაპირველ მნიშვნელობასთან შედარებით. 5%-ზე ნაკლებ პაციენტში, განსაკუთრებით მძიმე ნეფროპათიებისას, საჭიროა მკურნალობის შეწყვეტა კრეატინინის კონცენტრაციის ზრდის გამო. არტერიული ჰიპოტენზიის მქონე ავადმყოფებში კაპტოპრილ-აკოსის გამოყენებისას, გამოხატული არტერიული ჰიპოტენზია აღინიშნება მხოლოდ იშვიათ შემთხვევებში; ამ მდგომარეობის განვითარების ალბათობა იზრდება სითხის დაკარგვის და მარილების დეფიციტის დროს (მაგალითად, დიურეტიკებით ინტენსიური მკურნალობის შემდეგ), გულის ქრონიკული უკმარისობის მქონე ან დიალიზზე მყოფ პაციენტებში. არტერიული წნევის მკვეთრი დაწევის შესაძლებლობა შეიძლება დაყვანილ იქნას მინიმუმამდე დიურეტიკის წინასწარი გაუქმებისას (4-7 დღით ადრე) ან ნატრიუმის ქლორიდის მიწოდების ზრდისას (დაახლოებით ერთი კვირით ადრე მიღების დაწყებამდე), ან მკურნალობის დასაწყისში კაპტოპრილის მცირე დოზებში (6.25-12.5 მგ/24 სთ.) დანიშვნის გზით. ამბულატორულ პირობებში თერაპიისას გააფრთხილეთ ავადმყოფი, რომელიც საჭიროებს ექიმის საკონტროლო გასინჯვას, კლინიკურ-ლაბორატორიულ გამოკვლევას, ინფექციის სიმპტომების შესაძლო გაჩენის შესახებ. თერაპიის პირველი 3 თვის განმავლობაში ყოველთვიურად კონტროლდება სისხლის ლეიკოციტების რიცხვი, შემდეგ 3 თვეში ერთხელ; აუტოიმუნური დაავადების მქონე ავადმყოფებში პირველი 3 თვის განმავლობაში – ყოველ 2 კვირაში, შემდეგ – ყოველ 2 თვეში. თუ ლეიკოციტების რიცხვის 4000/მკლ-ზე ნაკლებია, ნაჩვენებია სისხლის საერთო ანალიზის ჩატარება, 1000/მკლ-ზე ნაკლების დროს – პრეპარატის მიღება წყდება. მიელოიდური ჰიპოპლაზიის ფონზე მეორადი ინფექციის პირველი სიმპტომების გამოვლენისას დაუყივნებლივ უნდა ჩატარდეს სისხლის დეტალური ანალიზი. უნდა გამოირიცხოს პრეპარატის მიღების დამოუკიდებელად შეწყვეტა და დამოუკიდებლად ფიზიკური დატვირთვების ინტენსივობის მნიშვნელოვანი ზრდა. ზოგიერთ შემთხვევებში აგფ ინჰიბიტორების გამოყენების ფონზე, მ.შ. კაპტოპრილის, აღინიშნება სისხლის შრატში კალიუმის კონცენტრაციის მატება. ჰიპერკალიემიის განვითარების რისკი აგფ ინჰიბიტორების გამოყენებისას გაზრდილია თირკმლის უკამრისობისა და შაქრის დიაბეტის მქონე პაციენტებში, და აგრეთვე პაციენტებში, რომლებიც იღებენ კალიუმშემნახველ დიურეტიკებს, კალიუმის პრეპარატებს ან სისხლში კალიუმის კონცენტრაციის (მაგალითად, ჰეპარინი) ზრდის გამომწვევ სხვ. პრეპარატებს. უნდა ერიდოთ კალიმშემნახველი დიურეტიკებისა და კალიუმის პრეპარატების ერთდროულ მიღებას. ჰემოდიალიზის ჩატარებისას პაციენტებში, რომლებიც იღებენ კაპტორპილ-აკოსს, თავიდან აცილებულ უნდა იქნას მაღალი გამტარობის (მაგალითად, A#69) დიალიზის მემბრანების გამოყენება, რადგან ასეთ შემთხვევებში იზრდება ანაფილაქტოიდური რეაქციების განვითარების რისკი. ანგიონევროზული შეშუპების განვითარების შემთხვევაში პრეპარატის მიღება წყდება და ხორციელდება საფუძვლიანი სამედიცინო დაკვირვება და სიმპტომატური თერაპია. კაპტოპრილ-აკოსის მიღებისას შეიძლება აღინიშნოს ცრუდადებითი რეაქციები შარდის ანალიზისას აცეტონზე. მკურნალობის პერიოდში უნდა შეიკავოთ თავი ავტოტრანსპორტი მართვისაგან და პოტენციურად სახიფათო სახის საქმიანობისგან, რომელიც საჭიროებს ყურადღების მომატებულ კონცენტრაციას და ფსიქომოტორული რეაქციების სისწრაფფეს, რადგან შესაძლებელია თავბრუსხვევა, განსაკუთრებით საწყისი დოზის მიღების შემდეგ.

სიფრთხილით ინიშნება ავადმყოფებში, რომლებიც იმყოფებიან მცირე მარილის ან უმარილო დიეტასა (არტერიული ჰიპოტენზიის განვითარების გაზრდილი რისკი) და ჰიპერკალიემიაზე.

გამოშვების ფორმა

ტაბლეტები 25 მგ.

10 ტაბლეტი კონტურულ უჯრედოვან შეფუთვაში.

4 კონტურული უჯრედოვანი შეფუთვა გამოყენების ინსტრუქციასთან ერთად მოთავსებულია მუყაოს შეფუთვაში.

შენახვის პირობები

ტემპერატურაზე არა უმეტეს 25 °ჩ.

შეინახეთ ბავშვებისთვის მიუწვდომელ ადგილებში.

ვარგისიანობის ვადა

5 წელი.

არ გამოიყენოთ შეფუთვაზე მითითებული ვადის გასვლის შემდეგ.

გაცემის წესი:

ფარმაცევტული პროდუქტის ჯგუფი II ჯგუფი, გაიცემა ფორმა №3 რეცეპტით

პრეტენზიების მიმღები ორგანიზაცია-მწარმოებელი

ღია სააქციო საზოგადოება “კურგანის სამედიცინო პრეპარატებისა და პროდუქციის სააქციო საზოგადოება ”სინთეზი” (ღსს “სინთეზი”).

რუსეთი 640008, , კურგანის ოლქი , ქ. კურგანი, კონსტიტუციის გამზ. 7

ტელ./ფაქსი: (3522) 48-16-89

ე-მაილ: რეალ@კურგანსინტეზ.რუ

ინტერნეტ გვერდი ჰტტპ://წწწ.კურგანსინტეზ.რუ