კარბიტუსი100მგ/5მლ 100მლ სიროფ
0.00 ლარი
ფარმაკოლოგიური ჯგუფი: მუკოლიზური და ამოსახველებელი საშუალებები
ქვეყანა:
მწარმოებელი:
ჯენერიკი - შეადარეთ ანალოგები:
კარბოცისტეინი
გაცემის ფორმა: III ჯგუფი ურეცეპტო
კოდი: 92811
გააზიარე:
პროდუქტი გაყიდვაში არ არის.
კარბიტუსი
კარბოცისტეინის სიროფი 100მგ/5მლ
შემადგენლობა:
ყოველი 5მლ შეიცავს
კარბოცისტეინი BP . . . 100მგ
არომატიზირებული სიროფის ფუძე
საღებავი: Sunset Yellow FCF
ფარმაკოლოგიური ჯგუფი:მუკოლიზური საშუალება
ათქ კოდი: R05CB03
ფარმაკოლოგიური მოქმედება
კარბოცისტეინის სიროფი 100მგ/5მლ ამცირებს ნახველის სიბლანტეს გლიკოპროტეინების ჯაჭვის დისუფლიდური კავშირების რღვევის გზით. კარბოცისტეინის ზეგავლენით წარმოქმნილ ლოწროს გააჩნია სიალომუცინის გაზრდილი შემცველობა და ფუკომუცინის შემცირებული შემცველობა. სიალომუცინები გავლენას ახდენს ლოწროს რეოლოგიურ თვისებებზე და ასევე კინინების ინჰიბირების გზით მოქმედებენ ბრონქულ ანთებისა და ბრონქოსპაზმის საწინააღმდეგოდ.
ფარმაკოკინეტიკა
კარბოცისტეინი შეიწოვება კუჭ-ნაწლავის ტრაქტიდან. პერორალური მიღების შემდეგ მომდევნო კინეტიკა შეესაბამება ერთკომპონენტიან ღია მოდელს. პერორალური მიღების შემდეგ შრატის პიკური კონცენტრაციები მიიღწეოდა 1-1.7 საათში და პიკური მაჩვენებლები 1.5გ დოზის მიღების შემდეგ შეადგენდა 13.38მგ/ლიტრს. პლაზმიდან ნახევარგამოყოფის პერიოდი იყო 1.33 საათი და განაწილების თვალსაჩინო მოცულობა დაახლოებით შეადგენდა 60 ლიტრს. მეტაბოლიტის პირველი გავლის, ან ცილასთან შეკავშირების ხარისხის შესახებ ინფორმაცია ცნობილი არ არის. კარბოცისტეინი კარგად აღწევს ფილტვის ქსოვილში და სასუნთქი გზების ლორწოვანში, რაც მიუთითებს მის ადგილობრივ მოქმედებაზე. პრეპარატი ძირითადად გამოიყოფა უცვლელი და მეტაბოლიტების სახით შარდით. ფარმაკოკინეტიკური კვლევები სხვადასხვა პედიატრიულ ასაკობრივ ჯგუფებშიარ არის ცნობილი.
ჩვენებები
კარბოცისტინის სიროფი 100მგ/5მლ ნაჩვენებია დამატებითი თერაპიის სახით რესპირატორული ტრაქტის მხრივ დარღვევებისას ინფექციის არარსებობისას, რომლისთვისაც დამახასიათებელია ჭარბი ბლანტი ლორწო.
დოზირება
ბავშვები (2-5 წელი): ნახევარი, ან ერთი სავსე ჩაის კოვზი (2.5-5მლ) დღეში 3-ჯერ.
ბავშვები (5-12 წელი): 1 სავსე ჩაის კოვზი (5მლ) დღეში 3-ჯერ.
ზრდასრულები: 2-3 სავსე ჩაის კოვზი (10-15მლ) დღეში 3-ჯერ.
მკურნალობის ხანგრძლივობა ჩვეულებრივ არ აჭარბებს 8-10 დღეს.
უკუჩვენებები
კარბოცისტეინის სიროფი 100მგ/5მლ უკუნაჩვენებია შემდეგ შემთხვევებში:
- მომატებული მგრძნობელობა ნებისმიერი შემადგენელი ნივთიერებისადმი;
- აქტიური პეპტიური წყლული.
სიფრთხილის ზომები და გაფრთხილებები
სიფრთხილეა საჭირო ხანდაზმულ პაციენტებში, პაციენტებში კუჭ-ნაწლავის წყლულის ისტორიით, ან რომლებიც ამავდროულად იღებენ ისეთ პრეპარატებს, რომლებიც იწვევს კუჭ-ნაწლავის ტრაქტიდან სისხლდენას. კუჭ-ნაწლავიდან სისხდენის განვითარების შემთხვევაში, პაციენტმა უნდა შეწყვიტოს პრეპარატის მიღება.
პაციენტებმა იშვიათი მემკვიდრული დაავადებებით, როგორებიცაა ფრუქტოზას აუტანლობა, გლუკოზო-გალაქტოზას მალაბსორბცია, ან საქაროზა-იზომალტაზას უკმარისობა, ეს პრეპარატი არ უნდა მიიღონ.
გვერდითი მოვლენები
დარღვევები იმუნური სისტემის მხრივ
არსებობს ცნობები ანაფილაქსიური რეაქციების და პრეპარატით გამოწვეული გამონაყარის შესახებ.
დარღვევები კუჭ-ნაწლავის ტრაქტის მხრივ
არსებობს ცნობები კარბოცისტეინის სიროფით 100მგ/5მლ მკურნალობისას კუჭ-ნაწლავის ტრაქტიდან სისხდენის შესახებ.
სიხშირე არ არის ცნობილი: ღებინება, სისხდენა კუჭ-ნაწლავის ტრაქტიდან.
დარღვევები კანის და კანქვეშა ქსოვილის მხრივ
არსებობს ცნობები კანზე გამონაყარის და კანზე ალერგიული გამონაყარის შესახებ. არსებობს ცნობები იზოლირებულ შემთხვევებში ბულოზური დერმატიტის, როგორიცაა სტივენს-ჯონსონის სინდრომი და მულტიფორმული ერითემა, შესახებ.
ორსულობა და ლაქტაცია
მიუხედავად იმისა, რომ ძუძუმწოვრებში ჩატარებულმა ტესტებმა ტერატოგენული ეფექტები არ გამოავლინა, კარბოცისტეინის სიროფის 100მგ/5მლ გამოყენება არ არის რეკომენდებული ორსულობის პირველ ტრიმესტრში.
გამოყენება ლაქტაციის დროს: ეფექტები არ არის ცნობილი.
დოზის გადაჭარბება
შეიძლება გამოვლინდეს გულისრევა, დიარეა და თავის ტკივილი. კარბოცისტეინის სიროფი
100მგ/5მლ სიფრთხილით გამოიყენება კუჭის, ან თორმეტგოჯა ნაწლავის წყლულის
ისტორიის მქონე პაციენტებში.
მკურნალობა არის მხარდამჭერი და სიმპტომური.
სხვა წამლებთან ურთიერთქმედება
ცნობილი არ არის რაიმე სახიფათო, ან თერაპიულად გამოსადეგი ურთიერთქმედების შესახებ.
გავლენა სატრანსპორტო საშუალებების მართვის და მექანიზმებთან მუშაობის უნარზე
საჭირო არ არის განსაკუთრებული სიფრთხილე ისეთი დავალებების შესრულებისას, რომლებიც მოითხოვენ ყურადღების კონცენტრაციას სატრანსპორტო საშუალებების და მექანიზმების მართვის დროს.
შენახვის პირობები
შეინახეთ 300C დაბალ ტემპერატურაზე, მოარიდეთ სინათლეს.
ყველა მედიკამენტი შეინახეთ ბავშვებისათვის მიუწვდომელ ადგილას.
შეფუთვა
100მლ გამჭვირვალე შუშის ბოთლი პლასტმასის თავსახურით და საზომი ჭიქით. მოთავსებულია მუყაოს კოლოფში შეფუთვის დანართ ფურცელთან ერთად.
მწარმოებელი
Ratnamani Healthcare Pvt. Ltd
Survey No.: 750/1
Ahmedabad-Mehsana Highway,
Vill: Indrad-382721, Tal: Kadi,
Dist: Mehsana, Gujarat (ინდოეთი).
წარმოებულია
Medeor Life Care LLP
