ტერალივი 275მგ #12ტ

სამკურნალწამლო პრეპარატის ზოგადი დახასიათება

1. სამკურნალწამლო პრეპარატის დასახელება

ტერალივი 275, 275 მგ, აპკიანი გარსით დაფარული ტაბლეტები

2. ხარისხობრივი და რაოდენობრივი შემადგენლობა

მოქმედი ნივთიერება: ნაპროქსენი

თითოეული ტაბლეტი შეიცავს 275 მგ ნაპროქსენს.

დამხმარე ნივთიერებების სრული სია იხ. პუნქტში 6.1.

3. სამკურნალწამლო ფორმა

აპკიანი გარსით დაფარული ტაბლეტები

ორმხრივ ამობურცული ოვალური ტაბლეტები, დაფარული აპკიანი გარსით, ცისფერი ფერის. ტაბლეტის ერთ მხარეს არის გრავირება «NPS-275». გადატეხის ადგილას ტაბლეტის შიგთავსი არის თეთრი ფერის.

4. კლინიკური მონაცემები

4.1. გამოყენების ჩვენებები

სამკურნალო პრეპარატი ტერალივ 275 ნაჩვენებია მოზრდილებსა და 15 წლის ზემოთ ბავშვებში.

საყრდენ-მამოძრავებელი აპარატის დაავადებები (რბილი ქსოვილების რევმატიული დაზიანებები, პერიფერიული სახსრებისა და ხერხემლის ოსტეოართროზი, მათ შორის რადიკულური სინდრომით, ტენდოვაგინიტი, ბურსიტი).

სუსტი ან ზომიერად გამოხატული ტკივილის სინდრომი: ნევრალგია, ოსალგია, მიალგია, ლუმბოიშიალგია, პოსტტრავმული ტკივილის სინდრომი (დაჭიმულობა და დაზიანებები), რომელსაც თან ახლავს ანთება, თავის ტკივილი, შაკიკი, ალგოდისმენორეა, კბილის ტკივილი.

ყურის, ყელის, ცხვირის ინფექციურ-ანთებითი დაავადების კომპლექსურ თერაპიაში გამოხატული ტკივილის სინდრომით (ფარინგიტი, ტონზილიტი, ოტიტი).

ცხელების სინდრომი «გაციების» და ინფექციური დაავადებისას.

პრეპარატი ტერალივი 275 გამოიყენება სიმპტომური თერაპიის დროს (ტკივილის, ანთებისა და ორგანიზმის მომატებული ტემპერატურის შემცირების მიზნით), ის ძირითად პროგრესირებად დაავადებაზე არ მოქმედებს.

4.2. დოზირების რეჟიმი და გამოყენების წესი

დოზირების რეჟიმი

მოზრდილები

როგორც წესი, სადღეღამისო დოზა ტკივილის მოხსნისთვის არის 2-3 ტაბლეტი (550-825 მგ). მაქსიმალური სადღეღამისო დოზა არის - 3 ტაბლეტი (825 მგ). გამოყენების ხანგრძლივობა - არაუმეტეს 5 დღისა.

პრეპარატ ტერალივ 275-ის გამოყენებისას, როგორც სიცხის დამწევი საშუალება, საწყის დოზას წარმოადგენს 2 ტაბლეტი, შემდეგ გამოიყენება 1 ტაბლეტი (275 მგ) ყოველ 8 საათში ერთხელ.

შაკიკის განვითარებისა და შეტევების თავიდან აცილების მიზნით, საწყის დოზად რეკომენდებულია 2 ტაბლეტის (550 მგ) მიღება, აუცილებლობის შემთხვევაში მიიღება 1 ტაბლეტი (275 მგ) ყოველ 8-12 საათში ერთხელ. მაქსიმალური სადღეღამისო დოზა არის 3 ტაბლეტი (825 მგ).

მენსტრუალური ტკივილისა და სპაზმების შემსუბუქების მიზნით, საშვილოსნოში სპირალის შეყვანის შემდეგ გამოვლენილი ტკივილის ან სხვა გინეკოლოგიური სახის ტკივილის დროს რეკომენდებულია პრეპარატის დანიშვნა საწყისი დოზით 2 ტაბლეტი (550 მგ), შემდგომ 1 ტაბლეტი (275 მგ) ყოველ 8 საათში ერთხელ.

კნტ-ს მხრიდან არასასურველი მოვლენების რისკის შესამცირებლად პრეპარატი უნდა გამოიყენებოდეს მინიმალური ეფექტური დოზით და შეძლებისდაგვარად, მინიმალურად შესაძლებელი მოკლე კურსის მანძილზე.

თუ გექმნებათ შთაბეჭდილება, რომ პრეპარატის ეფექტი ძალიან ძლიერი ან სუსტია, აცნობეთ ამის შესახებ მკურნალ ექიმს ან ფარმაცევტს.

პაციენტთა განსაკუთრებული ჯგუფები

ხანდაზმული პაციენტები (65 წელზე მეტის)

65 წელზე მეტი ხნის პაციენტებმა პრეპარატი უნდა მიიღონ აუცილებლობის მიხედვით 12 საათში ერთხელ.

ბავშვები

პრეპარატი ტერალივ 275 უკუნაჩვენებია 15 წლამდე ასაკის ბავშვებში.

15 წელს ზემოთ ბავშვები

დოზირების რეჟიმი მოზრდილების ანალოგიურია.

გამოყენების ხერხი

შინაგანად. ტაბლეტები მიიღება საკმარისი ოდენობის წყლის დაყოლებით.

4.3. უკუჩვენებები

ჰიპერმგრძნობელობა ნაპროქსენზე ან ნებისმიერ სხვა დამხმარე ნივთიერებაზე, რომლებიც ჩამოთვლილია განყოფილებაში 6.1);

ბრონქიალური ასთმის, ცხვირის ან პარანასალური სინუსების რეციდივირებადი პოლიპოზისა და აცეტილსალიცილისმჟავის და სხვა არასტეროიდული ანთების საწინააღმდეგო პეპარატების (აასპ) გადაუტანლობის სრული ან ნაწილობრივი კომბინაცია (მათ შორის ანამნეზშიც).

აორტოკორონარული შუნტირების შემდგომი პერიოდი.

კუჭის ლორწოვანის ან 12-გოჯა ნაწლავის ეროზიულ-წყლულოვანი ცვლილებები, კუჭ-ნაწლავის აქტიური სისხლდენა.

ნაწლავების ანთებითი დაავადებები (არასპეციფიური წყლულოვანი კოლიტი, კრონის დაავადება) გამწვავების ფაზაში.

ჰემოფილია, სისხლის შედედების სხვა დარღვევები და ჰემოსტაზის დარღვევები.

ცერებროვასკულარული სისხლდენა ან სხვა სახის სისხლდენა.

გულის დეკომპენსირებული უკმარისობა.

ღვიძლის გამოხატული უკმარისობა ან ღვიძლის მწვავე დაავადება.

თირკმლის გამოხატული უკმარისობა (კრეატინინის კლირენსი (კკ) 30მლ/წთ-ზე ნაკლები), თირკმლის პროგრესირებადი დაავადება, დადასტურებული ჰიპერკალიემია.

4.4. განსაკუთრებული მითითებები და უსაფრთხოების ზომები გამოყენებისას

არ გადააჭარბოთ დოზას, რომელიც მითითებულია ინსტრუქციაში. კუჭ-ნაწლავის ტრაქტის მხრიდან არასასურველი მოვლენების რისკის შესამცირებად პრეპარატი უნდა გამოიყენებოდეს მინიმალური ეფექტური დოზით და შეძლებისდაგვარად, მინიმალურად მოკლე კურსის მანძილზე.

თუ ტკივილი და ცხელება ნარჩუნდება ან ძლიერდება, მიმართეთ ექიმს.

პაციენტებმა ბრონქიალური ასთმით, სისხლის შედედების დარღვევებით, ასევე, პაციენტებმა სხვა ანალგეტიკების მიმართ მომატებული მგრძნობელობით, პრეპარატ ტერალივ 275-ის გამოყენების წინ უნდა მიმართონ ექიმს.

პაციენტებს ღვიძლის დაავადებით ან თირკმლის უკმარისობით სიფრთხილით უნდა დაენიშნოთ. პაციენტებმა თირკმლის უკმარისობით უნდა აკონტროლონ კრეატინინის კლირენსი. 30მლ/წთ-ზე ნაკლები კკ-ით ნაპროქსენის გამოყენება არ არის რეკომენდებული. ქრონიკული ალკოჰოლური ან სხვა ფორმის ღვიძლის ციროზის დროს არადაკავშირებული ნაპროქსენის კონცენტრაცია იმატებს, ამიტომ ასეთი პაციენტებისთვის რეკომედებულია უფრო ნაკლები დოზები. პრეპარატის ორკვირიანი გამოყენების შემდეგ აუცილებელია ღვიძლის ფუნქციის მაჩვენებლების კონტროლი.

პრეპარატი ტერალივ 275 არ გამოიყენება სხვა ანთების საწინააღმდეგო და ტკივილგამაყუჩებელ პრეპარატებთან ერთად, გამონაკლისია მხოლოდ ექიმის მითითება.

ხანდაზმული პაციენტებისთვის რეკომენდებულია უფრო დაბალი დოზები.

არ მიიღოთ ნაპროქსენი 48 საათის განმავლობაში ქირურგიული ჩარევის წინ. 17-კორტიკოსტეროიდის დადგენის აუცილებლობის შემთხვევაში, პრეპარატი არ უნდა მიიღოთ კვლევის ჩატარებამდე 48 საათით ადრე. ანალოგიურად, ნაპროქსენი შეიძლება მოქმედებდეს შარდში 5-ჰიდროქსიინდოლ ძმარმჟავას განსაზღვრაზე.

ნაპროქსენის გამოყენება, ისევე როგორც სხვა პრეპარატების, რომელიც ბლოკავს პროსტაგლანდინებს, შეიძლება გავლენას ახდენდეს ფერტილობაზე, ამიტომ არ არის რეკომენდებული ქალებისთვის, რომლებიც გეგმავენ ორსულობას.

ტერალივ 275-ის ყოველი ტაბლეტი შეიცავს დაახლოებით 25 მგ ნატრიუმს. მარილის შეზღუდული მიღების შემთხვევაში ეს უნდა გავითვალისწინოთ.

4.5. ურთიერთქმედება სხვა სამკურნალო საშუალებებთან და ურთიერთქმედების სხვა სახეობები

კლინიკური ფარმაკოდინამიკის მონაცემებით ნაპროქსენის და აცეტილსალიცილის მჟავას ერთდფრიულად მიღებას ერთ დღეზე მეტ ხანს, შეუძლია მოახდინოს აცეტილსალიცილის მჟავას ინჰიბირება თრომბოციტების აქტიურობაზე, ინჰიბირება შეიძლება შენარჩუნდეს რამდენიმე დღის განმავლობაში ნაპროქსენის თერაპიის შეწყვეტის შემდეგ. ამ ურთიერთმოქმედების კლინიკური მნიშვნელობა უცნობია.

ანტიკოაგულანტებით მკურნალობისას უნდა გაითვალისწინოთ, რომ ნაპროქსენმა შეიძლება გაზარდოს სისხლდენის დრო. არ არის რეკომენდებული ტერალივ 275-ის გამოყენება აცეტილსალიცილის მჟავასთან, სხვა აასპ-თან, მათ შორის ციკლოოქსიგენაზა-2-ის სელექციურ ინჰიბიტორებთან ერთად (გვერდითი ეფექტების განვითარების რისკის ზრდა).

პაციენტები, რომლებიც ერთდროულად იღებენ გიდანტოინებს, ანტიკოაგულანტებს ან სხვა სახის სამკურნალო პრეპარატებს, რომელიც მეტწილად უკავშირებიდან სისხლის პლაზმის ცილებს, ყურადღება უნდა მიაქციონ პოტენცირებადი მოქმედების ნიშნებს ან ამ პრეპარატების ზედოზირებას.

პრეპარატ ტერალივ 275-ს შეუძლია შეამციროს პროპრანოლოლის ანტიჰიპერტენზიული მოქმედება და სხვა ბეტა-ადრენობლოკატორების, ასევე, შეუძლია გაზარდოს თირკმლის უკმარისობის განვითარების რისკი, რომელიც დაკავშირებულია ანგიოტენზინგარდამქმნელი ფერმენტის (აგფ) ინჰიბიტორების გამოყენებით.

აასპ-მ შეიძლება შეამციროს დიურეტიკების შარდგამომყოფი მოქმედება. ნაპროქსენის მოქმედებით ინჰიბირდება ფუროსემიდის ნატრიურეთული მოქმედება. დიურეტიკებმა შეიძლება გაზარდოს აასპ-ს ნეფროტოქსიკური რისკი.

ლითიუმის თირკმლის კლირენსის ინჰიბირებამ შეიძლება გამოიწვიოს ლითიუმის კონცენტრაციის ზრდა სისხლის პლაზმაში. პრობენეციდის მიღება ზრდის სისხლის პლაზმაში ნაპროქსენის კონცენტრაციას. ციკლოსპორინი ზრდის თირკმლის უკმარისობის განვითარების რისკს.

ნაპროქსენი ანელებს მეთოტრექსატის, ფენიტოინის, სულფანილამიდების ექსკრეციას, ზრდის მათი ტოქსიკური მოქმედების განვითარების რისკს.

ანტაციდური პრეპარატები, რომელიც შეიცავს მაგნიუმს და ალუმინს, ამცირებს ნაპროქსენის აბსორბციას.

მიელოტოქსიკური სამკურნალო საშუალებები აძლიერებს პრეპარატის ჰემატოტოქსიკურ გამოვლინებას.

In vitro კვლევებით ნაპროქსენისა და ზიდოვუტინის ერთდროული გამოყენება ზრდის სისხლის პლაზმაში ზიდოვუდინის კონცენტრაციას.

კორტიკოსტეროიდებთან ერთდროულმა გამოყენებამ შეიძლება გაზარდოს წყლულის განვითარების რისკი ან კნტ-ის სისხლდენა.

აასპ-ს შეუძლია გააძლიეროს ანტიკოაგულანტების მოქმედება, ისეთის, როგორიცაა ვარფარინი.

ნაპროქსენისა და ანტითრომბოციტარული პრეპარატების, სეროტონინის უკუმიტაცების სელექციური ინჰიბიტორების ერთდროული გამოყენება ზრდის კუჭ-ნაწლავის ტრაქტის სისხლდენის განვითარების რისკს.

არ არის რეკომედებული აასპ-ს ერთდროული გამოყენება მიფეპრისტონის გამოყენებიდან 8-12 დღის მანძილზე.

აასპ-ს და ტაკროლიმუსის ერთდროული გამოყენება ზრდის ნეფროტოქსიკურობის რისკს.

4.6. ფერტილობა, ორსულობა და ლაქტაცია

ტერალივი 275 უკუნაჩვენებია ორსულობისა და ძუძუთი კვების დროს გამოყენებისთვის.

4.7. სატრანსპორტო საშუალებების მართვის უნარზე და მექანიზმებთან მუშაობაზე გავლენა.

ნაპროქსენი ანელებს პაციენტების რეაქციების სიჩქარეს. ეს უნდა გავითვალისწინოთ ავტომობილების მართვისას და სხვა დავალებების შესრულებისას, რომელიც საჭიროებს მომატებულ ყურადღებას.

4.8. არასასურველი რეაქციები

არასასურველი რეაქციების რეზიუმე

არასასურველი ეფექტები, რომლებიც შეიძლება განვითარდეს ნაპროქსენით მკურნალობისას, კლასიფიცირდება გამოვლენის შემდეგი სიხშირით: ძალიან ხშირად (>1/10), ხშირად (≥1/100-დან <1/10-მდე), არახშირად (≥1/1000-დან <1/100-მდე), იშვიათად (≥1/10000-დან <1/1000-მდე), ძალიან იშვიათად (<1/10000), სიხშირე უცნობია (სიხშირის დადგენა შეუძლებელია არსებული მონაცემებით).

დარღვევები კუჭ-ნაწლავისტრაქტისმხრივ: არასასურველი რეაქციები ყველაზე ხშირად გამოვლინდა კნტ-ის მხრივ. შესაძლებელია პეპტიური წყლულის განვითარება, პერფორაცია ან კუჭ-ნაწლავის სისხლდენა, ხანდახან ლეტალური შედეგით, განსაკუთრებით, ხანდაზმულ პაციენტებში (იხ. განყოფილება 4.4).

თითოეულ ჯგუფში არასასურველი რეაქციები წარმოდგენილია სიმძიმის კლებადობის მიხედვით.

დარღვევებისისხლისდალიმფატურისისტემებისმხრივ

არახშირად: ეოზინოფილია, გრანულოციტოპენია, ლეიკოპენია, თრომბოციტოპენია.

დარღვევებინერვულისისტემისმხრივ

ხშირად: თავის ტკივილი, ვერტიგო, თავბრუსხვევა, ძილიანობა.

არახშირად: დეპრესია, ძილის დარღვევა, კონცენტრაციის დაქვეითება, უძილობა, სისუსტე.

დარღვევებიმხედველობისორგანოსმხრივ

ხშირად: მხედველობის დარღვევა.

დარღვევებისმენისორგანოსადალაბირინთებისმხრივ

ხშირად: შუილი ყურებში, სმენის დარღვევა.

არახშირად: სმენის დაქვეითება.

დარღვევებიგულისმხრივ

ხშირად: შეშუპება, გულისცემის შეგრძნება.

არახშირად: გულის შეგუბებითი უკმარისობა.

დარღვევებისუნთქვისსისტემის, გულმკერდისორგანოებისდაშუასაყრისმხრივ

ხშირად: ქოშინი.

არახშირად: ეოზინოფილური პნევმონია.

დარღვევებიკუჭ-ნაწლავისტრაქტისმხრივ

ხშირად: ყაბზობა, მუცლის ტკივილი, დისპეპსია, გულისრევა, დიარეა, სტომატიტი, მეტეორიზმი.

არახშირად: კუჭ-ნაწლავის სისხლდენა და/ან კუჭის პერფორაცია, სისხლიანი ღებინება, მელენა, ღებინება.

ძალიან იშვიათად: წყლულოვანი კოლიტის რეციდივი ან გამწვავება ან კრონის დაავადება.

სიხშირე ცნობილი არ არის: გასტრიტი.

დარღვევებიღვიძლისადანაღველგამომყოფიგზებისმხრივ

არახშირად: «ღვიძლისმიერი» ფერმენტების აქტივობის მომატება, სიყვითლე.

დარღვევებიკანისადაკანქვეშაქსოვილისმხრივ

ხშირად: კანის ქავილი, კანის გამონაყარი, ეკხიმოზები, პურპურა.

არახშირად: ალოპეცია, ფოტოდერმატოზები.

ძალიან იშვიათად: ბულეზური რეაქციები, სტივენს-ჯონსონის სინდრომის ჩათვლით და ტოქსიკური ეპიდერმალური ნეკროლიზი.

დარღვევებიჩონჩხ-კუნთოვანიდაშემაერთებელიქსოვილისმხრივ

არახშირად: მიალგია და კუნთების სისუსტე.

დარღვევებითირკმლისადაშარდგამომყოფიგზებისმხრივ

არახშირად: გლომერულონეფრიტი, ჰემატურია, ინტერსტიციალური ნეფრიტი, ნეფროტული სინდრომი, თირკმლის უკმარისობა, თირკმლის პაპილარული ნეკროზი.

ზოგადიდარღვევებიდაშეყვანისადგილასდაზიანებები

ხშირად: წყურვილი, გაძლიერებული ოფლის გამოყოფა.

არახშირად: მომატებული მგრძნობელობის რეაქციები, მენსტრუალური ციკლის დარღვევა, ჰიპერთერმია (შემცივნება და ცხელება).

აასპ-ს თერაპიის დროს შემოსულია შეტყობინება შუშუპების და გულის უკმარისობის სიმპტომების განვითარებასა და მომატებულ არტერიულ წნევაზე.

კლინიკური კვლევები და ეპიდემიოლოგიური მონაცემები ადასტურებს, რომ ზოგიერთი აასპ-ს (განსაკუთრებით მაღალი დოზებით და ხანგრძლივად) გამოყენება შეიძლება გავლენას ახდენდეს არტერიული თრომბოზების (მაგალითად, მიოკარდის ინფარქტისა ან ინსულტის) განვითარების რისკის ოდნავ მატებაზე.

არასასურველიეფექტები, რომელთა მიზან-შედეგობრივიკავშირინაპროქსენისგამოყენებასთანარარისდადგენილი

დარღვევებისისხლისადალიმფატურისისტემებისმხრივ: აპლასტიკური ანემია, ჰემოლიზური ანემია.

დარღვევებინერვულისისტემისმხრივ: ასეპტიკური მენინგიტი, კოგნიტიური დისფუნქცია.

დარღვევებიკანისადაკანქვეშაქსოვილისმხრივ: მულტიფორმული ერითემა, ფოტომასენსიბილიზებელი რეაქციები, კანის გვიანი პორფირიის და ბულეზური ეპიდერმოლიზის მაგვარი, ჭინჭრის ციება.

დარღვევებისისხლძარღვებისმხრივ: ვასკულიტი.

ზოგადიდარღვევებიდაშეყვანისადგილასდაზიანებები: ანგიონევროტული შეშუპება, ჰიპერგლიკემია, ჰიპოგლიკემია.

თუ თქვენ შეამჩნიეთ ამ სახის გამოვლენები, შეწყვიტეთ პრეპარატის მიღება და, შეძლებისდაგვარად, მიმართეთ ექიმს.

შეტყობინებები არასასურველი რეაქციების შესახებ

მნიშვნელოვანია აცნობოთ არასასურველი რეაქციებზე ეჭვის გაჩენისას სამკურნალწამლო პრეპარატის რეგისტრაციის შემდეგ სამკურნალწამლო პრეპარატის „სარგებელი-რისკის“ შეფარდების უწყვეტი მონიტორინგის უზრუნველყოფის მიზნით. მედიცინის მუშაკებისთვის რეკომენდებულია აცნობონ სამკურნალწამლო პრეპარატის ნებისმიერი საეჭვო არასასურველი რეაქციის შესახებ პირდაპირ შეტყობინების სისტემით ევრაზიის ეკონომიკური კავშირის წევრ სახელმწიფოებს.

რუსეთის ფედერაცია

109012, ქ. მოსკოვი, სლავიანსკაიას მოედანი, სახლი 4, ნაგ. 1

ჯანდაცვის სფეროში ზედამხედველობის ფედერალური სამსახური (როსზდრავნადზორ)

ცხელი ხაზის ტელ.: 8 800 550 99 03

ელექტრონული ფოსტა: [email protected]

https://roszdravnadzor.gov.ru/

ყაზახეთის რესპუბლიკა

010000, ქ. ასტანა, ბაიკონირის რაიონი, ა.იზმანოვის ქ., 13 (ბც „ნურსაულეტ 2“)

ყაზახეთის რესპუბლიკის ჯანდაცვის სამინისტროს მედიცინის და ფარმაცევტული კონტროლის კომიტეტის „სამკურნალწამლო საშუალებების და სამედიცინო ნაწარმის ექსპერტიზის ეროვნული ცენტრი“

ტელეფონი: +7 7172 235 135

ელექტრონული ფოსტა: [email protected]

https://www.ndda.kz

ბელარუსის რესპუბლიკა

220037, ქ. მინსკი, ტოვარიშჩესკი შესახვევი 2ა

რესპუბლიკური უნიტარული საწარმო „ექსპერტიზის და ჯანდაცვაში კვლევების ცენტრი“

ტელ.: + 375 12 242 00 29

ელექტრონულილ ფოსტა: [email protected]

http://www.rceth.by

ყირგიზეთის რესპუბლიკა

720044, ქ. ბიშკეკი, მე-3 ხაზის ქ., 25

ყირგიზეთის რესპუბლიკის ჯანდაცვის სამინისტროს მედიცინის და ფარმაცევტული კონტროლის კომიტეტი

ტელეფონი: +996 312 21 92 78

ელექტრონულილ ფოსტა: [email protected]

http://pharm.kg

სომხეთის რესპუბლიკა

0051, ქ. ერევანი, კომიტასის გამზირი, 49/5

„წამლების ექსპერტიზის და სამედიცინო ტექნოლოგიების ცენტრი“

ცხელი ხაზის ტელეფონი: +374 10 20 05 05, 374 96 22 05 05

ელექტრონულილ ფოსტა: [email protected]

http://pharm.am

4.9. ზედოზირება

სიმპტომები

ნაპროქსენით ჭარბი დოზირების შემთხვევაში შეიძლება გამოვლინდეს ძილიანობა, დისპეპტიური დარღვევები (გულძმარვა, გულისრევა, ღებინება, მუცლის ტკივილი), სისუსტე, ხმაური ყურებში, გაღიზიანება, მძიმე შემთხვევებში - სისხლიანი ღებინება, მელენა, ცნობიერების დარღვევა, კრუნჩხვები და თირკმლის უკმარისობა.

მკურნალობა

პაციენტმა, რომელმაც შემთხვევით ან მიზანმიმართულად მიიღო პრეპარატი ტერალივ 275-ის დიდი დოზები, აუცილებლად უნდა გამოირეცხოს კუჭი, მიიღოს აქტივირებული ნახშირი და მიმართოს სიმპტომატიკურ თერაპიას: ანტაციდებით, H₂-რეცეპტორების ბლოკატორებით, პროტონული პომპის ინჰიბიტორებით. ჰემოდიალიზი არ არის ეფექტური.

5. ფარმაკოლოგიური თვისებები

5.1. ფარმაკოდინამიკური თვისებები

ფარმაკოთერაპიული ჯგუფი: არასტეროიდული ანთების საწინააღმდეგო პრეპარატი.

ათქ კოდი: M01AE02.

მოქმედების მექანიზმი, ფარმაკოდინამიკური ეფექტები

პრეპარატი ტერალივი 275 წარმოადგენს ნაპროქსენს, რომელიც ფლობს ტკივილგამაყუჩებელ, სიცხის დამწევ და ანთების საწინააღმდეგო თვისებებს. მოქმედების მექანიზმი დაკავშირებულია ციკლოოქსიგენაზის -1 და -2 (ცოგ-1, ცოგ-2) აქტიურობის არასელექციურ ინჰიბირებასთან.

პრეპარატი ტერალივი 275 აპკიანი გარსით დაფარული ტაბლეტები კარგად იხსნება, სწრაფად შეიწოვება კუჭ-ნაწლავის ტრაქტიდან და უზრუნველყოფს გამაყუჩებელი ეფექტის სწრაფად დადგომას.

5.2. ფარმაკოკინეტიკური თვისებები

აბსორბცია და განაწილება

სწრაფად და სრულად შეიწოვება კუჭ-ნაწლავის ტრაქტიდან. ბიომისაწვდომობა - 95% (საკვების მიღება პრაქტიკულად არ მოქმედებს ნაპროქსენის შეწოვის სისრულესა და სისწრაფეზე). მაქსიმალური კონცენტრაციის მიღწევის დრო - 1-2 საათი. სისხლის პლაზმის ცილებთან კავშირი >99%.

ბიოტრანსფორმაცია და ელიმინაცია

ნახევრადგამოყოფის პერიოდი - 12-15 საათი. მეტაბოლიზმი ხდება თირკმელში დიმეთილნაპროქსენამდე იზოფერმენტის СУР2С9 მონაწილეობით. კლირენსი - 0,13 მლ/წთ/კგ. გამოიყოფა 98% თირკმლებით, 10% გამოიყოფა შეუცვლელი სახით, ნაღველით - 0,5-2,5%. წონასწორული კონცენტრაცია სისხლის პლაზმაში განისაზღვრება პრეპარატის 4-5 დოზის მიღების შემდეგ (2-3 დღე).

თირკმლის უკმარისობისას შესაძლებელია მეტაბოლიტების კუმულაცია.

6. ფარმაცევტული თვისებები

6.1. დამხმარე ნივთიერებების ჩამონათვალი

6.2. შეუთავსებლობა

არ გამოიყენება

6.3. შენახვის ვადა

5 წელი.

6.4. სიფრთხილის განსაკუთრებული ზომები შენახვისას

ინახება არაუმეტეს 25^оС ტემპერატურაზე.

6.5. პირველადი შეფუთვის ხაასიათი და შემცველობა

12 ტაბლეტი პვქ/ალუ ბლისტერში.

1 ან 2 ბლისტერი ფურელ-ჩანართთან ერთად მოთავსებულია მუყაოს ყუთში.

6.6. სიფრთხილის განსაკუთრებული ზომები გამოყენებული სამკურნალწამლო პრეპარატის ან სამკურნალწამლო პრეპარატის გამოყენების შემდეგ მიღებული ნარჩენების განადგურებისას და სხვა მანიპულაციები პრეპარატთან.

განსაკუთრებული მოთხოვნები უტილიზაციისადმი არ არის.

7. სარეგისტრაციო მოწმობის მფლობელი

შვეიცარია

ბაიერ ქონსუმერ ქეარ აგ

პეტერ მერიან-შტრასე 84, 4052 ბაზელი

ტელ.: +41 58 272 7272

ელექტრონული ფოსტა: [email protected]

7.1. სარეგისტრაციო მოწმობის მფლობელის წარმომადგენელი

რუსეთის ფედერაციის და სომხეთის რესპუბლიკის ტერიტორიაზე:

სს „ბაიერი“

107113, ქ. მოსკოვი, მე-3 რიბინსკაიას ქ. სახლი 18, ნაგ. 2, რუსეთი

ტელ.: +7 (495) 231 12 00. ელექტრონული ფოსტა: [email protected]

სომხეთის რესპუბლიკის ტერიტორიაზე დამატებით შეიძლება მიმართოთ:

0015, ქ. ერევანი, ძორაპის ქ. 70/3, სომხეთი

ტელეფონი: +374 11 20 15 50

ელექტრონული ფოსტა: [email protected]

ყაზახეთის და ყირგიზეთის რესპუბლიკების ტერიტორიაზე:

შპს „ბაიერ ყაზ“

050057, ქ. ალმათი, ტიმირიაზევის ქ., 42, პავილიონი 15, ოფისი 301, ყაზახეთი

ტელეფონი: +7 727 258 80 40

ელექტრონული ფოსტა: [email protected]

ბელარუსის რესპუბლიკის ტერიტორიაზე:

220089, ქ. მინსკი, ძეჟინსკის გამზ., ფართი 54, ბელარუსი

ტელეფონი: +375 17 239 54 20

ელექტრონული ფოსტა: [email protected]

8. სარეგისტრაციო მოწმობის ნომერი

ЛП-№(000398)-(РГ-RU)

9. პირველადი რეგისტრაციის თარიღი

21.10.2021

10. ტექსტის გადახედვის თარიღი

18.06.2024

სამკურნალწამლო პრეპარატ ტერალივ 275-ის ზოგადი დახასიათება ხელმისაწვდომია ევრაზიის ეკონომიკური კავშირის საინფორმაციო პორტალზე საინფორმაციო-საკომუნიკაციო ქსელში „ინტერნეტი“ https://eec.eaeunion.org.

გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე