გრამიდინი 112დ სპრეი

0.00 ლარი

ფარმაკოლოგიური ჯგუფი: ანტისეპტიური და ანთებისსაწინააღმდეგო პრეპარატები

ქვეყანა:

მწარმოებელი:

ჯენერიკი - შეადარეთ ანალოგები: გრამიციდინი+ცეტილპირიდინიუმის ქლორიდი

გაცემის ფორმა: III ჯგუფი ურეცეპტო

კოდი: 91058

გააზიარე:

შეუკვეთე

პროდუქტი გაყიდვაში არ არის.

ანოტაცია
სად შევიძინო

გრამიდინი®

სავაჭრო დასახელება: გრამიდინი®

საერთაშორისო არაპატენტირებული ან ჯგუფური დასახელება

გრამიციდინი C + ცეტილპირიდინის ქლორიდი.

სამკურნალო ფორმა: დოზირებული სპრეი ადგილობრივი გამოყენებისთვის.

შემადგენლობა

პრეპარატის ერთი დოზა შეიცავს:

მოქმედი ნივთიერება:

გრამიციდინ C-ს დიჰიდროქლორიდი - 0,0638 მგ (გრამიციდინ C-ზე გადათვლით - 0,06 მგ),

ცეტილპირიდინის ქლორიდი - 0,10 მგ.

დამხმარე ნივთიერებები:

ეთანოლი 96%-იანი: 19,00 მგ

სუკრალოზა - 0,20 მგ

გლიცეროლი - 33,20 მგ

პიტნის არომატიზატორი - 0,82 მგ

ლიმონმჟავას მონოჰიდრატი - 0,058 მგ

ნატრიუმის ციტრატი - 0,022 მგ

პოლისორბატი 80 - 0,40 მგ

მეთილპარაჰიდროქსიბენზოატი (მეთილპარაბენი) - 0,184 მგ

პროპილპარაჰიდროქსიბენზოატი (პროპილპარაბენი) - 0,02 მგ

გამოხდილი წყალი - 0,2 მლ-მდე.

აღწერილობა

გამჭვირვალე ან ოპალისმაგვარი უფერო ან მოყვითალო ფერის ხსნარი პიტნის დამახასიათებელი სუნით.

ფარმაკოთერაპიული ჯგუფი

ანტიბიოტიკი + ანტისეპტური საშუალება.

ათქ კოდი: R02AA20.

ფარმაკოლოგიური თვისებები

ფარმაკოდინამიკა

კომბინირებული პრეპარატია, რომელიც გამოიყენება ყელის და პირის ღრუს ინფექციურ-ანთებითი დაავადებების სამკურნალოდ.

პრეპარატის შემადგენლობაში შედის მიკრობების საწინააღმდეგო საშუალება გრამიციდინი C და ანტისეპტური საშუალება - ცეტილპირიდინის ქლორიდი. გრამიციდინ C-ს მოქმედების მექანიზმი დაკავშირებულია ციტოპლაზმური მემბრანის გამტარიანობის მომატებასთან, რაც არღვევს მის მდგრადობას და იწვევს უჯრედის სიკვდილს. გრამიციდინ C-ს ახასიათებს ანტიბაქტერიალური მოქმედება გრამდადებითი და გრამუარყოფითი მიკროორგანიზმების ფართო სპექტრის მიმართ. ცეტილპირიდინის ქლორიდი მიეკუთვნება ანტისეპტურ საშუალებებს, იწვევს პირის ღრუს და ყელის ინფექციური დაავადების გამომწვევის ზრდის და გამრავლების დათრგუნვას. პრეპატარს ახასიათებს ანტიმიკრობული მოქმედება, ამცირებს ანთებით პროცესს და ყელში არასასიამოვნო შეგრძნებას, აუმჯობესებს ყლაპვას.

ფარმაკოკინეტიკა

პრეპარატი ადგილობრივი გამოყენებისთვის. ფარმაკოკინეტიკის პრეკლინიკური კვლევების მიხედვით მისი შეწოვა პრაქტიკულად არ ხდება.

გამოყენების ჩვენებები

პირის ღრუს და ყელის ინფექციურ-ანთებითი დაავადებების სიმპტომური მკურნალობა: ფარინგიტი, ტონზილიტი, პაროდონტიტი, გინგივიტი, სტომატიტი.

უკუჩვენებები:

- მომატებული მგრძნობელობა გრამიციდინ C-ს, ცეტილპირიდინის ქლორიდის და სამკურნალო საშუალების სხვა კომპონენტისადმი;

- ორსულობა ( I ტრიმესტრი);

- ლაქტაციის პერიოდი;

- 18 წლამდე ასაკის ბავშვებში.

სიფრთხილით

ორსულობა (II, III ტრიმესტრი).

გამოყენება ოსრულობის დროს და ლაქტაციის პერიოდში

პრეპარატის მიღების დაწყებამდე იმ შემთხვევაში, თუ თქვენ გაქვთ ვარაუდი, რომ ხართ ორსულად ან გეგმავთ ორსულობას, უნდა გაიაროთ კონსულტაცია ექიმთან. ადეკვატური კონტროლირებადი კვლევები პრეპარატის გამოყენების თაობაზე ორსულობის პერიოდში არ ჩატარებულა. პრეპარატის მიღება ორსულობის I ტრიმესტრში უკუნაჩვენებია. შესაძლებელია პრეპარატის გამოყენება ორსულობის II-III ტრიმესტრში იმ შემთხვევაში, თუ დედისთვის პოტენციური სარგებელი აღემატება ნაყოფისთვის შესაძლო რისკს.

არ არსებობს მონაცემები იმის თაობაზე, რომ პრეპარატი აღწევს დედის რძეში. ლაქტაციის პერიოდში პრეპარატის გამოყენების აუცილებლობის შემთხვევაში, უნდა შეწყდეს ძუძუთი კვება.

მიღების წესი და დოზირება

გამოიყენება ადგილობრივად, პირის ღრუს და ყელის ლორწოვან გარსზე შესხურების გზით. ჭამის შემდეგ.

დოზირება მოზრდილებში: 4 შესხურება თითოეული გამოყენების დროს, დღეში 3-ჯერ 7 დღის განმავლობაში.

უშუალოდ პრეპარატის გამოყენების შემდეგ, ერთი საათის განმავლობაში არ უნდა მიიღოთ საკვები ან სასმელები.

თუ მკურნალობის შემდგომ არ აღინიშნება გაუმჯობესება ან პირიქით, სიმპტომები მძიმდება ან ჩნდება ახალი სიმპტომები, უნდა გაიაროთ კონსულტაცია ექიმთან.

გამოიყენეთ პრეპარატი მხოლოდ იმ ჩვენებების და მიღების წესის შესაბამისად და იმ დოზებით, რომლებიც მითითებულია სამკურნალო საშუალების სამედიცინო გამოყენების ინსტრუქციაში.

გვერდითი მოვლენები

შესაძლებელია ალერგიული რეაქციების განვითარება პრეპარატის კომპონენტების მიმართ.

თუ თქვენ გაქვთ გვერდითი მოვლენები, რომლებიც მითითებულია ინსტრუქციაში ან აღინიშნება მათი გაღრმავება, ან შეამჩნიეთ ისეთი გვერდითი მოვლენების განვითარება, რომლებიც არ არის აღწერილი ინსტრუქციაში, მიაწოდეთ ინფორმაცია ექიმს.

ჭარბი დოზირება

სიმპტომები: იმ შემთხვევაში, თუ ხდება სამკურნალო საშუალების მიღება იმ დოზით, რომელიც აღემატება რეკომენდებულს, შესაძლებელია დარღვევების განვითარება კუჭ-ნაწლავის ტრაქტის მხრივ: გულისრევა, ღებინება, დიარეა.

მკურნალობა: შეწყვიტეთ სამკურნალო საშუალების გამოყენება და მიმართეთ ექიმს.

ურთიერთქმედება სხვა სამკურნალო საშუალებებთან

ამჟამად არ არის აღწერილი შემთხვევები, რომლებიც ეხება პრეპარატის კლინიკურად მნიშვნელოვან ურთიერთქმედებას სხვა სამკურნალო საშუალებებთან.

განსაკუთრებული მითითებები

პრეპარატის გამოყენება არ არის მიზანშეწონილი იმ შემთხვევაში, თუ პირის ღრუში აღინიშნება ღია ჭრილობა, რადგან ცეტილპირიდინის ქლორიდი აფერხებს ჭრილობის შეხორცებას.

პრეპარატი შეიცავს ეთანოლს. პრეპარატის მაქსიმალურ ერთჯერად დოზაში ეთანოლის შემცველობა შეადგენს 0,08 გ-მდე.

გავლენა სატრანსპორტო საშუალებების და სხვა მექანიზმების მართვის უნარზე

პრეპარატი არ ახდენს გავლენას პოტენციურად სახიფათო საქმიანობის შესრულების უნარზე, რომელიც დაკავშირებულია ყურადღების კონცენტრაციასთან და რეაქციის სიჩქარესთან (ავტომობილის და სხვა სატრანსპორტო საშუალების მართვა, მოძრავ მექანიზმებთან მუშაობა, დისპეტჩერის ან ოპერატორის საქმიანობა და სხვა).

გამოშვების ფორმა

დოზირებული სპრეი ადგილობრივი გამოყენებისთვის 0,06 მგ+0,1 მგ/დოზა.

112 დოზა მოთავსებულია ალუმინის ფლაკონში, რომელიც აღჭურვილია დოზატორით და დამჭერი მოწყობილობით კეცვადი კანულით.

1 ფლაკონი სამედიცინო გამოყენების ინსტრუქციასთან ერთად მოთავსებულია მუყაოს შეკვრაში.

შენახვის პირობები

შეინახეთ ორიგინალურ შეფუთვაში, არა უმეტეს 25°C ტემპერატურაზე,

შეინახეთ ბავშვებისათვის მიუწვდომელ ადგილას.

შენახვის ვადა

2 წელი.

არ გამოიყენოთ შეფუთვაზე მითითებული ვარგისობის ვადის გასვლის შემდეგ.

გაცემის პირობები

ფარმაცევტული პროდუქტის ჯგუფი - III , გაიცემა რეცეპტის გარეშე.