ფელოფრინი 10% 10მლ თვ/წვეთები

გამოყენების ინსტრუქცია
ფელოფრინი
PHELOFRINTM
(ფენილეფრინი)
სავაჭრო დასახელება: ფელოფრინითM
საერთაშორისო არაპატენტირებული დასახელება: ფენილეფრინი
სამკურნალო ფორმა: თვალის წვეთები 10%
შემადგენლობა: აქტიური ნივთიერება: ფენილეფრინის ჰიდროქლორიდი - 100,0 მგ; დამხმარე ნივთიერებები: ბენზალკონიუმის ქლორიდი - 0,1 მგ, ნატრიუმის მეტაბისულფიტი, დინატრიუმის ედეტატი, საინექციო წყალი - 1 მლ-მდე.
აღწერილობა: უფერო ან მოყვითალო შეფერილობით გამჭვირვალე სითხე.
ფარმაკოთერაპიული ჯგუფი - სიმპათომიმეტიკები (გლაუკომის საწინააღმდეგო პრეპარატების გამოკლებით)
ათქ კოდი: შ01FB01
ფარმაკოლოგიუირ მოქმედება
ფარმაკოდინამიკა
წარმოადგენს პირდაპირი მოქმედების სიმპათომიმეტიკს, რომელიც ასტიმულირებს ალფა-ადრენერგულ რეცეპტორებს. მოქმედებს გუგის დილატატორის ალფა-ადრენორეცეპტორებზე, იწვევს რა გუგის გაფართოებას; კონიუქტივის არტერიოლების ალფა-ადრენორეცეპტორებზე, იწვევს რა არტერიოლების შევიწროებას. არ გააჩნია ციკლოპლეგიური მოქმედება.
მაქსიმალური მიდრიაზი მიიღწევა 60-90 წუთის შემდეგ. გუგის ზომის სრული აღდგენა მიიღწევა გამოყენებიდან 5-7 საათის შემდეგ.
ფენილეფრინის მიდრიაზული ეფექტი შეიძლება აღმოფხვრილი იქნას თიმოქსამინის დახმარებით.
ფარმაკოკინეტიკა
პH-ის ფიზიოლოგიური მნიშვნელობების დროს ფენილფერინი წარმოადგენს სუსტ ფუძეს. თვალის ქსოვილებსა და სტრუქტურებში შეღწევის ხარისხი განისაზღვრება თვალის რქოვანას მდგომარეობით. ჯანმრთელი რქოვანა თამაშობს ფიზიკური ბარიერის როლს ფენილეფრინის შეღწევისთვის, ამასთან მოცემულ ეფექტს ემატება თვალის ამ სტრუქტურის მეტაბოლური აქტივობა.
რქოვანას ეპითელიუმის სიმრთელის დარღვევისას, ფენილეფრინის შეწოვის ხარისხი შეიძლება გაიზარდოს.

გამოყენების ჩვენებები:
პრეპარატი გამოიყენება გუგის გასაფართოებლად დიაგნოსტიკური ან თერაპიული მიზნით.

გამოყენების წესი და დოზირება:
მოზრდილები
თითო წვეთი გამოსაკვლევ/დაზიანებულ თვალში, საჭიროების შემთხვევაში შეიძლება გამეორება ერთი საათის შემდეგ.
წვის თავიდან ასაცილებლად, პრეპარატის ინსტილაციამდე რამდენიმე წუთით ადრე, რეკომენდირებულია ტკივილგამაყუჩებელი თვალის წვეთების გამოყენება.
პედიატრიული და ხანდაზმული ასაკის პაციენტები
პრეპარატი უკუნაჩვენებია ამ კატეგორიის პაციენტებში, სისტემური ტოქსიკურობის განვითარების მომატებული რისკის გამო.

უკუჩვენებები:
მომატებული მგრძნობელობა ფენილეფრინის და პრეპარატის სხვა კომპონეტების მიმართ; გულ-სისხლძარღვთა დაავადებები, ჰიპერტენზია, ანევრიზმა, თირეოტოქსიკოზი, ხანგრძლივად პერსისტირებადი ინსულინოდამოკიდებული დიაბეტი, ტაქიკარდია; ბავშვთა და ხანდაზმული ასაკი (სისტემური ტოქსიკურობის განვითარების მომატებული რისკის გამო); მონოამინოქსიდაზას ინჰიბიტორების, ტრიციკლური ანტიდეპრესანტების და ანტიჰიპერტენზიული საშუალებების (ბეტა-ბლოკატორების ჩათვლით) მიღება; დახურულკუთხოვანი გლაუკომა (ირიდექტომიით წინასწარი მკურნალობის გარეშე), თვალის წინა საკნის ვიწრო კუთხე და ვიწროკუთხოვანი გლაუკომა.

გვერდითი მოქმედება:
გვერდითი რეაქციების სიხშირე უცნობია (ვერ შეფასდება არსებული მონაცემების საფუძველზე).
ადგილობრივი რეაქციები: თვალის ტკივილი, თვალის გაღიზიანება, მხედველობის დაბინდვა, ფოტოფობია, ალერგიული კონიუქტივიტი.
სისტემური რეაქციები: ჰიპერმგრძნობელობის რეაქციები, გულისცემა, ტაქიკარდია, ექსტრასისტოლია, არითმია, არტერიული ჰიპერტენზია, კორონარული არტერიების სპაზმი, პარკუჭოვანი არითმია და მიოკადრიუმის ინფარქტი (განსაკუთრებით პაციენტებში გულ-სისხლძარღვთა დაავადებებით).

ჭარბი დოზირება:
იმის გამო, რომ მძიმე ტოქსიკური რეაქციები ფენილეფრინის გამოყენებაზე ვითარდება სწრაფად და გააჩნიათ მოკლე ხანგრძლივობა, მათი მკურნალობა, ძირითადად, შემანარჩუნებელია. საჭიროების შემთხვევაში შესაძლებელია სწრაფად მოქმედი α-ადრენობლოკატორის - ფენტოლამინის ინტრავენურად შეყვანა 2-5 მგ დოზით.

განსაკუთრებული მითითებები:
პრეპარატის გამოყენებისას საჭიროა სიფრთხილის დაცვა პაციენტებში შაქრიანი დიაბეტით, ტვინის სისხლძარღვთა ათეროსკლეროზით ან ხაგრძლივად პერსისტირებადი ბრონქიალური ასთმით.
პრეპარატის გამოყენების წინ აუცილებელია თვალის წინა საკნის სიღრმის შეფასება ვიწროკუთხოვანი გლაუკომის შეტევის განვითარენის რისკის შესამცირებლად.
კონიუქტივის ჰიპერემიამ შესაძლებელია გაზარდოს ფენილეფრინის აბსორბცია ადგილობრივად გამოყენებისას.
ფენილეფრინის 10%-ანი ხსნარის გამოყენებამ რქოვანას ეპითელიუმის დაზიანების დროს შეიძლენა გამოიწვიოს მისი შემღვრევა.
სისტემური აბსორბციის შესამცირებლად საჭიროა საცრემლე სადინარზე ზეწოლის მოხდენა დაუყოვნებლივ ინსტილაციის შემდეგ.
პრეპარატი შეიცავს ბენზალკონიუმის ქლორიდს, რომელსაც შეუძლია თვალების გაღიზიანების გამოწვევა და რბილი კონტაქტური ლონზების გაუფერულება. პაციენტებმა, რომლებიც ატარებენ კონტაქტურ ლინზებს, უნდა მოიხსნან ლინზები პრეპარატის ჩაწვეთებამდე და გაიკეთონ ჩაწვეთებიდან არაუადრეს 15 წუთის შემდეგ.

გამოყენება ორსულობის და ძუძუთი კვების დროს:
პრეპარატის გამოყენების უსაფრთხოება ორსულობის დროს და ძუძუთი კვების პერიოდში არ არის დადგენილი. პრეპარატის გამოყენება ორსულობის პერიოდში შესაძლებელია მხოლოდ უკიდურესი საჭიროების შემთხვევაში, როდესაც სავარაუდო სარგებელი დედისათვის აღემატება პოტენციურ რისკს ნაყოფისთვის.

ზემოქმედება მანქანის ტარების და გამოყენების უნარზე:
პრეპარატმა შეიძლება გამოიწვიოს წვის შეგრძნება თვალებში და მხედველობის დროებითი დაბინდვა. მსგავსი სიმპტომების აღნიშვნისას, უნდა დაელოდოთ მათ გაქრობას მანქანის ტარების დაწყებამდე ან რთულ ტექნიკასთან, დაზგებთან ან რომელიმე სხვა რთულ მოწმობილობასთან მუშაობამდე.

ურთიერთქმედება სხვა სამკურნალო საშუალებებთან:
ფენილეფრინს შეუძლია ანტიჰიპერტენზიული საშუალებების მოქმედების ბლოკირება, არ არის რეკომენდირებული მათი კომბინირებული გამოყენება.
პრეპარატი ზრდის ადრენერგული რეაქციების განვითარების რისკს მონოამინოქსიდაზას ინჰიბიტორებთან კომბინირებული გამოყენებისას ან მათი მოხსნიდან 21 დღის განმავლობაში.
ფენილეფრინის ვაზოპრესორული ეფექტი და არითმიის განვითარების რისკი შეიძლება გაიზარდოს ერთდროულად გამოყენებისას ტრიციკლურ ანტიდეპრესანტებთან ან მათი მოხსნიდან რამდენიმე დღის განმავლობაში.
სიფრთხილით უნდა იქნას გამოყენებული პრეპარატი ჰალოტანური საინჰალაციო ნარკოზის ჩატარებისას, პარკუჭების ფიბრილაციის განვითარების რისკის გამო.
გულის გლიკოზიდებთან ან ქინიდინთან კომიბინირებული გამოყენებისას იზრდება არითმიების განვითარების რისკი.

შენახვის პირობები:
ინახება არაუმეტეს +25°С ტემპერატურაზე. ინახება ბავშვებისათვის მიუწვდომელ ადგილას. არ გაყინოთ.

ვარგისიანობის ვადა:
2 წელი. პრეპარატი გამოიყენება შეფუთვაზე მითითებულ თარიღამდე. გახსნის შემდეგ ფლაკონის შიგთავსი გამოიყენება 4 კვირის განმავლობაში.

შეფუთვა:
10 მლ პოლიეთილენის ფლაკონ-საწვეთურში.
თითოეული ფლაკონი სამედიცინო გამოყენების ინსტრუქციასთან ერთად მოთავსებულია მუყაოს კოლოფში.

გაცემის პირობები:
ფარმაცევტული პროდუქტის ჯგუფი II, გაიცემა ფორმა N3 რეცეპტით.

მწარმოებელი:
დსს ,,ლიქვორი", სომხეთი
0089, ერევანი, კოჩინიანის 7/9
tel.: 37460 378800 E
E-mail: [email protected]