მემანტინი ნორმონი10მგ#112ტ

გამოყენების ინსტრუქცია

მემანტინი ნორმონი/ Mემანტინე Nორმონ 10 მგ აპკით შემოგარსული ტაბლეტები

მემანტინის ჰიდროქლორიდი
საჭიროა გამოყენების ინსტრუქციის ყურადღებით წაკითხვა, რადგან შეიცავს პაციენტისათვის მნიშვნელოვან ინფორმაციას.
- საჭიროა ინსტრუქციის შენახვა. შესაძლოა, წარმოიშვას მისი ხელახალი გაცნობის აუცილებლობა.
- დამატებითი კითხვების არსებობისას საჭიროა მკურნალ ექიმთან ან ფარმაცევტთან მიმართვა.
- მედიკამენტი განკუთვნილია მხოლოდ პაციენტისათვის, დაავადების სიმტომების მსგავსების მიუხედავად არ შეიძლება მისი სხვა პირებისათვის მიცემა, ის შეიძლება საზიანო აღმოჩნდეს მათთვის.
- ნებისმიერი გვერდითი მოვლენის განვითარებისას, მათ შორის, რომელიც არ არის აღნიშნული ინსტრუქციაში, პაციენტმა უნდა მიმართოს მკურნალ ექიმს ან ფარმაცევტს იხ. პარაგრაფი 4.
ინსტრუქციაში მოცემულია:
1. რას წარმოადგენს მემანტინი ნორმონი და მისი გამოყენება;
2. რა უნდა იცოდეს პაციენტმა მემანტინი ნორმონის მიღებამდე;
3. მემანტინი ნორმონის მიღების წესი;
4. შესაძლო გვერდითი მოვლენები;
5. მემანტინი ნორმონის შენახვის წესი;
6. შეფუთვა და დამატებითი ინფორმაცია.
1. რას წარმოადგენს მემანტინი ნორმონი და რისთვის გამოიყენება
რას წარმოადგენს მემანტინი ნორმონი
მემანტინი ნორმონი მიეკუთვნება ე.წ. დემენციის საწინააღმდეგო მედიკამენტების ჯგუფს.
მეხსიერების დაკარგვა ალცჰეიმერის დაავადების დროს გამოწვეულია თავის ტვინში სიგნალების გადაცემის დარღვევით. თავის ტვინი შეიცავს ე.წ. N-მეთილ-D-ასპარტატის (NMDA)-რეცეპტორებს, რომლებიც ჩართულია იმ ნერვის სიგნალების გადაცემაში, რაც მნიშვნელოვანია სწავლისა და მეხსიერებისათვის. მემანტინი ნორმონი მიეკუთვნება ე.წ. NMDA რეცეპტორების ანტაგონისტების მედიკამენტების ჯგუფს. მემანტინი ნორმონი მოქმედებს ამ რეცეპტორებზე და აუმჯობესებს ნერვული სიგნალების გადაცემას და მეხსიერებას.
მემანტინი ნორმონი გამოიყენება
მემანტინი ნორმონი გამოიყენება პაციენტების სამკურნალოდ ზომიერი ან მძიმე ფორმის ალცჰეიმერის დაავადების დროს.
2. რა უნდა იცოდეს პაციენტმა მემანტინი ნორმონის მიღებამდე
დაუშვებელია მემანტინი ნორმონის მიღება:
- თუ პაციენტი ალერგიულია (ჰიპერმგრძნობიარეა) მემანტინის ჰიდროქლორიდის (მემანტინი ნორმონის აქტიური ნივთიერება) ან მედიკამენტის სხვა რომელიმე ინგრედიენტის მიმართ (იხ. მე-6 პარაგრაფი).
გაფრთხილებები და სიფრთხილის ზომები
მემანტინი ნორმონის მიღებამდე საჭიროა ექიმთან ან ფარმაცევტთან კონსულტაცია:
- თუ პაციენტს ანამნეზში აღენიშნება ეპილეფსიური გულყრები;
- თუ პაციენტს უკანასკნელ პერიოდში გადატანილი აქვს მიოკარდიუმის ინფარქტი (გულის შეტევა), თუ პაციენტს აღენიშნება გულის შეგუბებითი უკმარისობა ან გაუკონტროლებელი ჰიპერტენზია (მაღალი არტერიული წნევა).
ამ შემთხვევებში საჭიროა მკურნალობის ყურადღებითი მონიტორინგი და მემანტინი ნორმონის კლინიკური სარგებელი უნდა შეფასდეს ექიმის მიერ რეგულარულად.
თუ პაციენტს აღენიშნება თირკმლის დაზიანება (თირკმლის პრობლემები), ექიმმა უნდა შეამოწმოს თირკმლის ფუნქცია და საჭიროების შემთხვევაში შესაბამისად უნდა მოახდინოს დოზის კორექცია.
ამანტადინის (გამოიყენება პარკინსონის დაავადების დროს), კეტამინის (ნივთიერება, რომელიც ძირითადად გამოიყენება როგორც ანესთეტიკი), დექსტრომეტორფანის (ძირითადად გამოიყენება ხველის დროს) და სხვა NMDA-ანტაგონისტების მსგავსი სამკურნალო პროდუქტის გამოყენება არ არის რეკომენდებული ამ მედიკამენტთან ერთად.
ბავშვები და მოზარდები
მემანტინი ნორმონი არ არის განკუთვნილი 18 წლამდე ასაკის ბავშვებისა და მოზარდებისათვის.
სხვა მედიკამენტები და მემანტინი ნორმონი
მკურნალ ექიმს ან ფარმაცევტს უნდა ეცნობოს, თუ პაციენტი იღებს, უახლოეს წარსულში იღებდა ან აპირებს, მიიღოს ნებისმიერი სხვა მედიკამენტი.
კერძოდ, მემანტინი ნორმონის მიღებამ შეიძლება გამოიწვიოს შემდეგი მედიკამენტების ეფექტის ცვლილებები, შესაბამისად შეიძლება საჭირო გახდეს დოზის კორექცია:
- ამანტადინი, კეტამინი, დექსტრომეტორფანი
- დანტროლენი, ბაკლოფენი
- ციმეტიდინი, რანიტიდინი, პროკაინამიდი, ქინიდინი, ქინინი, ნიკოტინი
- ჰიდროქლორთიაზიდი (ან რაიმე კომბინაცია ჰიდროქლორთიაზიდთან)
- ანტიქოლინერგული საშუალებები (ნივთიერებები, რომლებიც ძირითადად გამოიყენება მოძრაობის დარღვევების ან ნაწლავების სპაზმების დროს)
- ანტიკონვულსანტები (ნივთიერებები, რომლებიც გამოიყენება გულყრების პრევენციისა და შესამსუბუქებლად)
- ბარბიტურატები (ნივთიერებები, რომლებიც გამოიყენება ძილის გამოსაწვევად)
- დოფამინერგული ანტაგონისტები (ნივთიერებები, როგორიცაა L-დოფა, ბრომოკრიპტინი)
- ნეიროლეპტიკები (ნივთიერებები, რომლებიც გამოიყენება ფსიქიკური დაავადებების დროს)
- პერორალური ანტიკოაგულანტები.
თუ პაციენტი ჰოსპიტალიზებულია, უნდა აცნობოს ექიმს, რომ იღებს მემანტინ ნორმონს.
მემანტინი ნორმონის მიღება საკვებთან და სასმელთან ერთად
მკურნალ ექიმს უნდა ეცნობოს, თუ პაციენტმა უკანასკნელ პერიოდში შეცვალა ან აპირებს შეცვალოს მკვეთრად დიეტა (მაგ.: ნორმალური დიეტიდან გადავიდეს მკაცრ ვეგეტარიანულ დიეტაზე) ან თუ პაციენტს აღენიშნება თირკმლის მილაკების აციდოზი (თმა, მჟავური ნივთიერებების სიჭარბე სისხლში თირკმლის დისფუნქციის გამო (თირკმლის დაქვეითებული ფუნქცია)) ან საშარდე გზების მძიმე ინფექციები. ამ შემთხვევაში შეიძლება საჭირო გახდეს მედიკამენტის დოზის კორექცია.
ფეხმძიმობა და ძუძუთი კვება
ფეხმძიმობის ან ძუძუთი კვების დროს, შესაძლო ფეხმძიმობის ან მისი დაგეგმვის შემთხვევაში, ამ მედიკამენტის მიღებამდე, საჭიროა მკურნალ ექიმთან ან ფარმაცევტთან კონსულტაცია.
ფეხმძიმობა: მემანტინი ნორმონი არ არის რეკომენდებული ფეხმძიმე ქალებში.
ძუძუთი კვება: არ არის რეკომენდებული მემანტინი ნორმონის მიღების დროს.
ავტომობილისა და სხვა მექანიზმების მართვა
დაავადებამ შეიძლება გავლენა იქონიოს ავტომობილის ან სხვა მექანიზმების მართვის უნარზე და ამიტომ პაციენტმა ეს ქმედებები უნდა შეასრულოს მხოლოდ მაშინ, თუ ექიმის გადაწყვეტილებით ეს უსაფრთხოა მისთვის. მემანტინი ნორმონმა შეიძლება გამოიწვიოს თავბრუსხვევა და ძილიანობა, ძირითადად, მკურნალობის დასაწყისში ან დოზის მომატების შემდეგ. თუ პაციენტს აღენიშნება ეს სიმპტომები, დაუშვებელია ავტომობილის ან სხვა მექანიზმების მართვა.
მემანტინი ნორმონი შეიცავს ლაქტოზას
მედიკამენტი შეიცავს ლაქტოზას. თუ პაციენტს აღენიშნება რომელიმე შაქრის მიმართ აუტანლობა, მედიკამენტის მიღებამდე საჭიროა ექიმთან მიმართვა.
3. მემანტინი ნორმონის მიღების წესი:
მემანტინი ნორმონის მიღება ყოველთვის უნდა მოხდეს ზუსტად ექიმის ან ფარმაცევტის დანიშნულების მიხედვით. თუ პაციენტი არ არის დარწმუნებული, საჭიროა მკურნალ ექიმთან ან ფარმაცევტთან კონსულტაცია.
დოზირება
მემანტინი ნორმონის რეკომენდებული დოზა მოზრდილ პაციენტებში და ხანდაზმულებში არის 20 მგ ერთხელ დღეში. გვერდითი ეფექტების შესამცირებლად ამ დოზის მიღწევა უნდა მოხდეს დოზის თანდათანობით გაზრდით ქვემოთ მოცემული სქემის მიხედვით:
კვირა 1 10 მგ ტაბლეტის ნახევარი
კვირა 2 ერთი 10 მგ ტაბლეტი
კვირა 3 ერთნახევარი 10 მგ ტაბლეტი
კვირა 4 ორი 10 მგ ტაბლეტი ერთხელ დღეში
ჩვეულებრივი საწყისი დოზაა ნახევარი ტაბლეტი ერთხელ დღეში (1 ხ 5 მგ) პირველი კვირის განმავლობაში. მეორე კვირის განმავლობაში მიიღება ერთი ტაბლეტი ერთხელ დღეში (1 ხ 10 მგ) და ერთნახევარი ტაბლეტი ერთხელ დღეში მესამე კვირის განმავლობაში. მეოთხე კვირიდან ჩვეულებრივი დოზაა 2 ტაბლეტი ერთხელ დღეში (1 ხ 20 მგ).
დოზირება თირკმლის ფუნქციის დაქვეითების დროს
თირკმლის ფუნქციის დაქვეითების შემთხვევაში ექიმი შეარჩევს საჭირო დოზას მდგომარეობის მიხედვით. ამ დროს საჭიროა თირკმლის ფუნქციის რეგულარული მონიტორინგი.
მიღების მეთოდი
მემანტინი ნორმონი მიიღება ერთხელ დღეში, პერორლურად. პრეპარატის საუკეთესო ეფექტის მისაღწევად მისი მიღება უნდა მოხდეს ყოველდღე ერთსა და იმავე დროს. ტაბლეტები უნდა გადაიყლაპოს მცირეოდენი წყლის მიყოლებით. ტაბლეტების მიღება შეიძლება როგორც საკვებთნ ერთად, ისე კვებისგან დამოუკიდებლად.
მკურნალობის ხანგრძლივობა
მემანტინი ნორმონის მიღება უნდა გაგრძელდეს იმდენ ხანს, რამდენიც სასარგებლოა პაციენტისათვის. ექიმმა რეგულარულად უნდა შეაფასოს მკურნალობის ეფექტი.
მემანტინი ნორმონის დოზის გადაჭარბებისას
- ზოგადად, მემანტინი ნორმონის დოზის გადაჭარბება არ იწვევს რაიმე ზიანს, პაციენტს შეიძლება აღენიშნებოდეს მე-4 პარაგრაფში „შესაძლო გვერდითი მოვლენები“ აღწერილი სიმპტომები.
- მემანტინი ნორმონის დოზის გადაჭარბებისას საჭიროა ექიმთან მიმართვა ან სამედიცინო კონსულტაციის მიღება, რადგან პაციენტი შეიძლება საჭიროებდეს სამედიცინო დახმარებას.
დოზის გადაჭარბებისას ან შემთხვევით გადაყლაპვისას, საჭიროა სამედიცინო ცენტრში მიმართვა ან ტოქსიკოლოგიის საინფორმაციო სამსახურში დარეკვა, ტელ.: +34 915 620 420, მედიკამენტის სახელწოდებისა და მიღებული რაოდენობის მითითებით.
მემანტინი ნორმონის დოზის გამოტოვებისას:
- მემანტინი ნორმონის დოზის გამოტოვებისას, უნდა მოხდეს შემდეგი დოზის მიღება ჩვეულებრივ დროს.
- დაუშვებელია დოზის გაორმაგება გამოტოვებულის სანაცვლოდ.
ამ მედიკამენტის გამოყენებასთან დაკავშირებით დამატებითი კითხვების არსებობისას საჭიროა ექიმთან ან ფარმაცევტთნ მიმართვა.
4. შესაძლო გვერდითი მოვლენები:
სხვა სამკურნალო საშუალებების მსგავსად, მემანტინი ნორმონიც იწვევს გვერდით მოვლენებს, თუმცა ისინი ყველას არ უვითარდება. ზოგადად, აღნიშნული გვერდითი მოვლენები არი სუსტი ან ზომიერი ხასიათის.
ხშირი (შეიძლება აღინიშნოს 100-დან 1-10 პაციენტში):
- თავის ტკივილი, ძილიანობა, ყაბზობა, ღვიძლის ფუნქციის მაჩვენებლების მომატება, ტრიალის შეგრძნება (ვერტიგო), ბალანსის დარღვევა, ქოშინი, მაღალი არტერიული წნევა და წამლის მიმართ ჰიპერმგრძნობელობა.
არახშირი (შეიძლება აღინიშნოს 1000-დან 1-10 პაციენტში):
- დაღლილობა, სოკოვანი ინფექციები, ცნობიერების დაბინდვა, ჰალუცინაციები, ღებინება, სიარულის ცვლილება, გულის უკმარისობა და ვენური თრომბები (თრომბოზი/ ვენური თრომბოემბოლია).
ძალიან იშვიათი (შეიძლება აღინიშნოს 10.000-დან 1-ზე ნაკლებ პაციენტში):
- გულყრები
სიხშირე უცნობია (სიხშირის შეფასება ვერ ხერხდება არსებული მონაცემების საფუძველზე):
- პანკრეასის ანთება და ფსიქოზური რეაქციები.
ალცჰეიმერის დაავადება დაკავშირებულია დეპრესიასთან, სუიციდალურ იდეებთან და სუიციდთან. ეს მოვლენები ასევე აღინიშნა მემანტინი ნორმონით მკურნალობის დროს.

გვერდითი მოვლენების შესახებ შეტყობინება:
ნებისმიერი გვერდითი მოვლენის განვითარებისას, მათ შორის, რომელიც არ არის ჩამოთვლილი ინსტრუქციაში, საჭიროა მკურნალ ექიმთან ან ფარმაცევტთან მიმართვა. გვერდითი მოვლენების შესახებ შეტყობინება შესაძლებელია ესპანეთის ადამიანისათვის განკუთვნილი სამკურნალო საშუალებების ფარმაკოზედამხედევლობის სისტემის საშუალებით: წწწ.ნოიფიცაღAM.ეს
გვერდითი მოვლენების შესახებ შეტყობინება ხელს უწყობს წამლის უსაფრთხოების შესახებ მეტი ინფორმაციის შეგროვებას.
5. მემანტინი ნორმონის შენახვის წესი
ინახება ბავშვებისთვის მიუწვდომელ ადგილას.
დაუშვებელია პრეპარატის მიღება კონტეინერზე მითითებული შენახვის ვადის გასვლის შემდეგ, შენახვის ვადა გულისხმობს მითითებული თვის ბოლო დღეს.
არ საჭიროებს შენახვის სპეციალურ პირობებს.
დაუშვებელია პრეპარატის გადაგდება საყოფაცხოვრებო ნაგავში ან საკანალიზაციო წყალში. ნებისმიერი გამოუყენებელი შეფუთვის ან პრეპარატის გადაგდება უნდა მოხდეს აფთიაქებში არსებულ შIGღE სიმბოლოთი აღნიშნულ ადგილას. თუ პაციენტი არ არის დარწმუნებული, ნებისმიერი გამოუყენებელი პრეპარატის და კონტეინერის განადგურების შესახებ ინფორმაციის მისაღებად უნდა მიმართოს ფარმაცევტს. აღნიშნული ღონისძიებები ემსახურება გარემოს დაცვას.
6. შეფუთვა და დამატებითი ინფორმაცია
რას შეიცავს მემანტინი ნორმონი
- აქტიური ნივთიერებაა მემანტინის ჰიდროქლორიდი. ერთი 10 მგ აპკით შემოგარსული ტაბლეტი შეიცავს 8.31 მგ მემანტინს.
- სხვა დამხმარე ნივთიერებებია: ტაბლეტის შიგთავსი (ლაქტოზის მონოჰიდრატი, მიკროკრისტალური ცელულოზა, ჰიდროქსიპროპილ ცელულოზა დაბალი ხარისხის შემცვლელით, კოლოიდური უწყლო სილიციუმის დიოქსიდი და მაგნიუმის სტეარატი); ტაბლეტის გარსი (ტიტანიუმის დიოქსიდი (E-171), ჰიპრომელოზა, მაკროგოლი 6000 და ტალკი).
მემანტინი ნორმონის ფორმა და შეფუთვა
მემანტინი ნორმონი 10 მგ თეთრი აპკით შემოგარსული ტაბლეტები არის თეთრი, მოგრძო, ორმხრივ ამობურცული და გამყოფი ხაზით ტაბლეტები, ცალ მხარეზე ამოტვიფრულია “M 10”. შეფუთვა შეიცავს 112 ტაბლეტს.
სავაჭრო ლიცენზიის მფლობელი და მწარმოებელი
LABOღAთOღIOშ NOღMON შ.A.
ღონდა დე Vალდეცარრიზო, 6 - 28760 თრეს ჩანტოს - Mადრიდ (შPAIN)
ლაბორატორიოს ნორმონ, ს.ა.
რონდა დე ვალდეკარიზო, 6 - 28760 ტრეს კანტოსი - მადრიდი (ესპანეთი)
სხვა ფარმაცევტული ფორმები
მემანტინი ნორმონი 20 მგ აპკით შემოგარსული ტაბლეტები.
გაცემის წესი: ფარმაცევტული პროდუქტის ჯგუფი II, გაიცემა ფორმა N3 რეცეპტით.
ინსტრუქციის შესწორების უკანასკნელი თარიღია: 2015 წლის თებერვალი
პრეპარატის შესახებ დეტალური ინფორმაცია ხელმისაწვდომია წამლებისა და სამედიცინო პროდუქტების ესპანეთის სააგენტოს (AEMPS) ვებ-გვერდზე: http://www.aemps.gob.es/