უროციტ-K 1080მგ#100ტ(თურქ)

UROCIT®-K10mEq

შენელებული გამოთავისუფლების შემოგარსული ტაბლეტი

შემადგენლობა

• აქტიური ნივთიერება: 10 mEq(1080 მგ)კალიუმის ციტრატი
• დამხმარე ნივთიერებები: კარნაუბას ცვილი და მაგნიუმის სტერეატი.

გამოყენება

UROCIT®-K 10 mEq  ღია ყვითელი ფერის, ცვილისებრი მატრიცის მქონე შენელებული გამოთავისუფლების შემოგარსული ტაბლეტია, რომელიც შეიცავს1080 მგ კალიუმის ციტრატს. კალიუმის ციტრატი გამოიყენება თირკმელებში შარდმჟავას და კალციუმის კრისტალების წარმოქმნის თავიდან ასაცილებლად.

მიიღება პერორალურად.

უკუჩვენებები

UROCIT-K-მ შეიძლება გამოიწვიოს სისხლში კალიუმის დონის დამატებითი მომატება, რაც შესაძლებელია გულის გაჩერების მიზეზი გახდეს. ამიტომ, ეს  მედიკამენტი არ გამოიყენება  პირებში, რომლებსაც კალიუმის  მაჩვენებელი მაღალი აქვთ ან მიდრეკილი არიან კალიუმის დონის მომატებისადმი. ასეთი მდგომარეობის  შემთხვევაში საჭიროა ექიმთან კონსულტაცია.  

კალიუმის დონის მომატებას ხელს უწყობს  შემდეგი მდგომარეობები:

თირკმლის ქრონიკული უკმარისობა, უკონტროლო დიაბეტი, მწვავე დეჰიდრატაცია, არაშესაბამის პირობებში მძიმე ფიზიკური ვარჯიშის შესრულება, თირკმელზედა ჯირკვლის უკმარისობა, ქსოვილის მძიმე დაზიანება ან  ისეთი წამლების გამოყენება, რომლებიც კალიუმის შეკავებას იწვევს (როგორიცაა ტრიამტერენი, სპირონოლაქტონი ან ამილორიდი). UROCIT-K არ უნდა იქნას გამოყენებული პაციენტებში, რომელთაც გასტროინტესტინურ ტრაქტში ტაბლეტის გავლის შემაჩერებელი ან დამაბრკოლებელი  მიზეზები აქვთ, როგორიცაა ჩივილები კუჭის დაგვიანებულ დაცლასთან დაკავშირებით, ზეწოლა საყლაპავში, ნაწლავის გაუვალობა ან შევიწროება ან ანტიქოლინერგული პრეპარატებით მკურნალობა. UROCIT-K-თი მკურნალობამ შესაძლებელია გამოიწვიოს წყლულები. ამიტომ იგი არ უნდა იქნას გამოყენებული პეპტიური წყლულის მქონე პაციენტებში.

UROCIT-K ასევე არ გამოიყენება საშარდე გზების აქტიური ინფექციის დროს.

საშარდე გზებში პრობლემის არსებობის შემთხვევაში, პაციენტმა უნდა აცნობოს ექიმს.  UROCIT-K არ გამოიყენება თირკმელების ფუნქციის დარღვევისას,  ამის შესახებ პაციენტმა უნდა შეატყობინოს ექიმს.

გაფრთხილება

თუ ორგანიზმის მიერ   კალიუმის გამოყოფის მექანიზმი სათანადოდ არ ფუნქციონირებს, შესაძლებელია მოხდეს კალიუმის დაგროვება, რამაც გულის გაჩერება გამოიწვიოს. აქედან გამომდინარე, თირკმლის უკმარისობის ან გულის უკმარისობის არსებობის შემთხვევაში, პაციენტმა ამის შესახებ უნდა აცნობოს ექიმს და ეს პრეპარატი არ გამოიყენოს.

UROCIT-K ტრიამტერენის, სპირონოლაქტონის ან ამილორიდის მსგავს შარდმდენ საშუალებებთან ერთად გამოყენება არ შეიძლება.   რომელიმე ამ პრეპარატით მკურნალობის შემთხვევაში, პაციენტმა უნდა შეატყობინოს ექიმს.

მკურნალობისას ექიმის მეთვალყურეობის ქვეშ უნდა მოხდეს შრატში კალიუმის რეგულარული განსაზღვრა. ექიმის მიერ უნდა გაკონტროლდეს მჟავა-ტუტოვანი ბალანსი, შრატში სხვა ელექტროლიტების მაჩვენებლები, ელექტროკარდიოგრამა და კლინიკური მდგომარეობა, განსაკუთრებით თუ პაციენტს აქვს გულის დაავადება, თირკმელების პრობლემა ან აციდოზი.

აუცილებელია ექიმის ინფორმირებაჩამოთვლილგაფრთხილებათაგანრომელიმეს არსებობის ანწარსულშიარსებობის შემთხვევაში.

UROCIT-K-ს საკვებთან და სასმელთან ერთად მიღება

კუჭ-ნაწლავის გაღიზიანებასთან დაკავშირებული ჩივილების თავიდან ასაცილებლად შესაძლებელია ტაბლეტების მიღება  საკვებთან ერთად.

ორსულობა

მედიკამენტისმიღებამდესაჭიროა ექიმთანანფარმაცევტთან კონსულტაცია.

ორსულ ქალებში UROCIT-K-ის მიღებას მუცლადმყოფ ბავშვზე უარყოფითი ეფექტი აქვს თუ არა, უცნობია. UROCIT-K მიიღება მხოლოდ ექიმის მეთვალყურეობის ქვეშ იმ შემთხვევაში, თუ ექიმი გადაწყვეტს, რომ მისი მიღება აუცილებელია.

თუმკურნალობისდროსაღმოჩნდება, რომ პაციენტი ორსულად არის, დაუყოვნებლივ უნდა მიმართოსექიმსანფარმაცევტს.

ლაქტაცია

ამ მედიკამენტის გამოყენებამდე პაციენტმა უნდა მიმართოს ექიმს ან ფარმაცევტს.

მეძუძურმა დედებმა UROCIT-K მხოლოდ ექიმის რეკომენდაციით უნდა გამოიყენონ.

სატრანსპორტი საშუალებებისა და მექანიზმების მართვა

ავტომობილის მართვის ან/და მექანიზმების გამოყენების უნარზე პრეპარატის ზემოქმედების შესახებ,  არ არის ცნობილი.

UROCIT-K-ს შემადგენლობაშიშემავალიზოგიერთიდამხმარენივთიერებისშესახებმნიშვნელოვანიინფორმაცია

ტაბლეტები არ შეიცავს ისეთ დამხმარე ნივთიერებას, რომელიც გაფრთხილებას საჭიროებს.

სხვა მედიკამენტებთან ერთად მიღება

UROCT-K არ გამოიყენება ისეთ წამლებთან ერთად, როგორიცაა მაგალითად, ტრიამტერენი, სპირონოლაქტონი ან ამილორიდი.

კუჭ-ნაწლავის ტრაქტში წყლულებისა და სისხლდენის რისკი შეიძლება გაიზარდოს ანტიქოლინერგული პრეპარატებით, რომელთა გავლენითაც ნელდება წამლის გავლა კუჭ-ნაწლავის ტრაქტში და გავლის პერიოდი ხანგრძლივდება.

თუUROCT-K-ით მკურნალობისასან მკურნალობამდე ცოტა ხნით ადრე პაციენტი იღებდარეცეპტითანურეცეპტოდგაცემულნებისმიერმედიკამენტს,   აღნიშნულის შესახებ უნდა აცნობოს  ექიმსანფარმაცევტს.

UROCIT®-K 10 mEq მიღების წესი

UROCIT-K-ს მიღებისას პაციენტი უნდა მოერიდოს დიდი რაოდენობით მარილის შემცველ საკვებს და საკვებზე მარილის დამატებას, უნდა მიიღოს ბევრი სითხე. შარდის ყოველდღიური რაოდენობა მინიმუმ 2 ლიტრი უნდა იყოს.

შესაძლებელია ექიმმა საჭიროდ ჩათვალოს ოთხ თვეში ერთხელ შრატში ელექტროლიტების (ნატრიუმის, კალიუმის, ქლორიდის და ნახშირორჟანგის), შრატში კრეატინინისა და სისხლის სრული ანალიზის ჩატარება. მკურნალობა უნდა შეწყდეს თუ კალიუმის დონე მაღალია,  სისხლში ჰემატოკრიტის ან ჰემოგლობინის მაჩვენებლები მნიშვნელოვნად დაქვეითებულია.

მიღების გზა და მეთოდი

პრეპარატი მიიღება ექიმის რეკომენდაციის შესაბამისად. ტაბლეტები დამსხვრევის, გაწუწვნის ან დაღეჭვის გარეშე მთლიანად უნდა გადაიყლაპოს. პაციენტმა უნდა აცნობოს ექიმს თუ ტაბლეტების გადაყლაპვა უძნელდება ან ყელზე ეწებება.

სხვადასხვა ასაკობრივი ჯგუფი

მიღება ბავშვებში

ბავშვებში მიღებასთან დაკავშირებით მონაცემები არ არის ცნობილი.

მიღება ხანდაზმულებში

თირკმლის უკმარისობის, მიოკარდიუმის დაზიანების ან გულის უკმარისობის შემთხვევაში, ეს წამალი არ გამოიყენება და მდგომარეობის შესახებ პაციენტმა უნდა აცნობოს ექიმს.

სპეციალური მიღების შემთხვევები

თირკმლის  უკმარისობა:

თირკმლის მწვავე უკმარისობის შემთხვევაში, აღნიშნულის შესახებ პაციენტმა უნდა აცნობოს ექიმს.

თუ პაციენტს ექნება შთაბეჭდილება, რომUROCIT-K-სეფექტიძალიანძლიერიანსუსტია, უნდა მიმართოსექიმსანფარმაცევტს.

დოზის გადაჭარბება

საჭიროზემეტი დოზით  UROCIT-K გამოიყენების შემთხვევაში, პაციენტმა უნდა მიმართოს ექიმსანფარმაცევტს.

დოზის გამოტოვება

გამოტოვებულიდოზისანაზღაურებისმიზნითორმაგიდოზის მიღება არ შეიძლება.

UROCIT-K-თი მკურნალობის შეწყვეტა

UROCIT-K-თი მკურნალობის შეწყვეტის დროს რაიმე გვერდითი ეფექტი არ არის მოსალოდნელი.

გვერდითი მოვლენები

სხვა წამლების მსგავსად, UROCIT-K-ს შემადგენლობაში შემავალი ნივთიერებების  მიმართ  მგრძნობიარე ადამიანებში შეიძლება განვითარდეს გვერდითი მოვლენები. თუმცა, ეს ყველასთან არ ვლინდება.

UROCIT-K-სგამოყენება უნდა შეწყდესდადაუყოვნებლივეცნობოსექიმსან მოხდეს  უახლოესსაავადმყოფოსსასწრაფოდახმარებისგანყოფილებაში მიმართვიანობა, თუ პაციენტს  ქვემოთ ჩამოთვლილთაგანრომელიმე მოვლენა განუვითარდება:

–         ძლიერი ღებინება,

–         მუცლის ტკივილი,

–         კუჭ-ნაწლავიდან სისხლდენა.

ასეთი რეაქციის შემთხვევაში UROCIT-K-ს მიღება დაუყოვნებლივ უნდა შეწყდეს და ეცნობოს ექიმს. ეს სიმპტომები შეიძლება მიუთითებდეს ნაწლავის პერფორაციაზე ან გაუვალობაზე. შეიძლება საჭირო გახდეს სასწრაფო სამედიცინო დახმარება ან ჰოსპიტალიზაცია. ყველა ასეთი ძალიან სერიოზული გვერდითი მოვლენა ძალიან იშვიათად ვლინდება.

პაციენტმა დაუყოვნებლივ უნდა აცნობოსექიმსანმიმართოსუახლოესსაავადმყოფოსსასწრაფოდახმარებისგანყოფილებას, თუ რომელიმე მოვლენა განვითარდა:

• პირის, სახის, ტუჩების ან ენის შეშუპება;
• სუნთქვის გაძნელება;
• ქავილი;
• კანის სიწითლე.

აღნიშნული სიმპტომები თუ გამოვლინდება, ეს ნიშნავს, რომ UROCIT-K-ს მიმართ სერიოზული ალერგია აღინიშნება.

ამ მედიკამენტის გამოყენებისას რაიმე სახის შფოთვების გამოვლენის შემთხვევაში, პაციენტმა დაუყოვნებლივ უნდა აცნობოს ექიმს ან მიმართოს უახლოეს საავადმყოფოს.

პაცინტმა უნდა აცნობოს ექიმს, თუ ქვემოთ ჩამოთვლილთაგან რომელიმე  რეაქცია გამოვლინდება

UROCIT-K-თი მკურნალობის დროს შეიძლება გამოვლინდეს კუჭ-ნაწლავთან დაკავშირებული ისეთი ჩივილები, როგორიცაა მუცლის ტკივილი, ღებინება, დიარეა, ნაწლავების შენელებული მოქმედება და გულისრევა. ეს სიმპტომები კუჭ-ნაწლავის დაზიანებასთან არის დაკავშირებული და დოზის შემცირებით ან ტაბლეტების საკვებთან ერთად მიღებით შესაძლებელია შემცირდეს. შესაძლებელია განავალში  დაურღვეველი მატრიცა აღმოჩნდეს, რაც ნორმალური მდგომარეობაა.

თუ გამოვლინდება ან გამწვავდება რომელიმე გვერდითი მოვლენა, რომელიც არ არის აღნიშნული ამ ინსტრუქციაში, აცნობეთ  ექიმს ან ფარმაცევტს.

გვერდითი მოვლენების აღრიცხვა

მოხმარების ინსტრუქციაში ნახსენები ან სხვა გვერდითი მოვლენის განვითარების შემთხვევაში, გაესაუბრეთ თქვენს ექიმს, ფარმაცევტს ან ექთანს. აგრეთვე, გადატანილი გვერდითი მოვლენების შესახებ შეგიძლიათ შეატყობინოთ თურქეთის ფარმაკოზედამხედველობის ცენტრს (TUFAM), რისთვისაც შეგიძლიათ შეხვიდეთ ვებ-გვერდზე: www.titck.gov.tr და გადახვიდეთ „მედიკამენტის გვერდითი მოვლენების შეტყობინების“ გვერდზე, ან დარეკოთ გვერდითი მოვლენების შეტყობინების სპეციალურ ხაზზე: 0 800 314 00 08. გამოვლენილ გვერდით მოვლენებზე შეტყობინებით საკუთარ წვლილს შეიტანთ თქვენ მიერ მიღებული მედიკამენტის უსაფრთხოების ამაღლებაში.

შენახვის წესი

UROCIT-Kშეინახეთ ბავშვებისთვის მიუწვდომელ ადგილას და მის შეფუთვაში.

შენახეთ საკუთარ შეფუთვაში კარგად თავდახურულ მდგომარეობაში, 25^˚C-ზე დაბალ ტემპერატურაზე, მშრალ ადგილას.

არ შეიძინოთ გაჭრილი ან გახსნილი შეფუთვები.

ვარგისობის ვადის გასვლის შემდეგ პრეპარატი არ გამოყენოთ.

ვადაგასული ან გამოუყენებელი მედიკამენტები არ გადააგდოთ! ასეთი მედიკამენტები გადაეცით გარემოს დაცვისა და ურბანიზაციის სამინისტროს მიერ განსაზღვრულ შემგროვებელ სისტემას.

ამ სამედიცინო პროდუქციასთან დაკავშირებით რაიმე ინფორმაციის მიღების მიზნით გთხოვთ დაუკავშირდეთ ლიცენზიის მფლობელ კომპანიას.

გაცემის წესი

 გაიცემა რეცეპტით.

ლიცენზიის მფლობელი

AYMED İlaç San. ve Tic. Ltd. Şti. (შპს. „აიმედ ილაჩ სან. ვე თიჯ.“)

ეჰლიბეითის უბანი, 1242-ე გამზ. N18/14 ბალგათ - ჩანქაია/ანკარა

ტელ: 0312 473 34 10

ფაქსი: 0312 473 31 10

წარმოების ადგილი

Argis İlaç San. ve Tic. Ltd. Şti. (შპს. „არგის ილაჩ სან. ვე თიჯ.“)

ბათი სითესის უბანი, გერსანის მრეწველობის დასახლება, 2307-ე გამზ. N80-82-84 იენიმაჰალლე/ანკარა.